Chapter 36 - apacārāḥ

apacārāstathā viṣṇordvātriṃśatparikīrtitāḥ |
yānairvā pādukairvāpi gamanaṃ bhagavadgṛhe || 1 ||
[Analyze grammar]

devotsavādyasevācāpraṇāmaṃ ca tadagrataḥ |
ekahastapraṇāmaśca tatpurastātpradakṣiṇam || 2 ||
[Analyze grammar]

ucchiṣṭe caiva cāśauce bhagavadvandanādikam |
pādaprasāraṇaṃ cāgre tathā paryaṅkabandhanam || 3 ||
[Analyze grammar]

śayanaṃ bhojanaṃ caiva mudhābhāṣaṇameva ca |
uccairbhāṣā vṛdhājalpo rodanādyaṃ ca vigrahaḥ || 4 ||
[Analyze grammar]

nigraho'nugrahaścaiva strīṣu sākūtabhāṣaṇam |
aślīlakathanaṃ caivāpyadhovāyuvimokṣaṇam || 5 ||
[Analyze grammar]

kaṃbalāvaraṇaṃ caiva varanindā parastutiḥ |
śaktau gauṇopacāraścāpyaniveditabhakṣaṇam || 6 ||
[Analyze grammar]

tattatkālodbhavānāṃ ca phalādīnāmanarpaṇam |
viniyuktāvaśiṣṭasya pradānaṃ vyañjanādiṣu || 7 ||
[Analyze grammar]

pṛṣṭhīkṛtyāsanaṃ caiva pareṣāmabhivandanam |
guraumaunaṃ nijastotraṃ devatānindanaṃ tathā || 8 ||
[Analyze grammar]

apacārāṃ stu vividhānīdṛśānparivarjayet |
apacāreṣvananteṣu satsvanyeṣu pramādataḥ || 9 ||
[Analyze grammar]

kṣama'svetyarthanaivaigā niṣkṛtirnirupadravā |
anyathā yadi kurvāṇaḥpramādātjñānato'thavā || 10 ||
[Analyze grammar]

sa yāti narakān ghorān santataṃ bhṛśadāruṇān |
yetu smaraṇamātreṇa bhavanti hṛdayacchidaḥ || 11 ||
[Analyze grammar]

dvātriṃśannarakāḥ |
dvātriṃśannarakāste tu kīrtyantebrahmavādibhiḥ |
rauravadhvāntaśītoṣṇatāpāṃbujamahāṃbujāḥ || 12 ||
[Analyze grammar]

kālasūtro'ṣṭamo hyete narakā iti viśrutāḥ |
sūcyagrakālakhaḍgāśca kṣuradhārāṃcabarīṣakāḥ || 13 ||
[Analyze grammar]

taptāṃgāramahādāhau saṃtāpaśceti ke cana |
bhavantyaṣṭāsu bhībhatkā mahāśabdā bhayānakāḥ || 14 ||
[Analyze grammar]

lakṣāpralepamāṃsādanirucchvasanasocchvasāḥ |
yugmādriśālmalīlohapradīpakṣutpipāsikāḥ || 15 ||
[Analyze grammar]

kṛmīṇāṃ nicayaścaiva rājānaḥ parikīrtitāḥ |
lohastambho'tha viṇmūtre tathā vaitaraṇī nadī || 16 ||
[Analyze grammar]

tāmisraścāndhatāmisraḥ kumbhīpāko'tha rauravaḥ |
mahāpadānugāmī ca rājarājeśvarāhvayaḥ || 17 ||
[Analyze grammar]

trayastrīṃśatpuṭeṣvardhaṃ pārthivaṃ cārdhamāyasam |
tanmadhye narakā ghorā bahuśastamasi sthitāḥ || 18 ||
[Analyze grammar]

teṣāṃ narakabhedānāmaṣṭāviṃśatikoṭayaḥ |
eteṣāṃ dāruṇānāṃ tu narakāṇāṃ patisthsitaḥ || 19 ||
[Analyze grammar]

kūśmāṇḍa iti vikhyātaḥ pralayārkālanadyutiḥ |
karālavadanaḥ kruddho vṛttakoṭaralocanaḥ || 20 ||
[Analyze grammar]

ṭaṅkapāṇistathābhūtairbhūtairbhūyobhirāvṛtaḥ |
pāpāstveteṣu pacyantenarāḥ karmānurūpataḥ || 21 ||
[Analyze grammar]

yātanābhirvicitrābhirāpāpaprakṣayāntakam |
prāyaścittojghitā dṛptānijadharmaparāṅmukhāḥ || 22 ||
[Analyze grammar]

paradharmaratāścorāḥ patanti narakāgniṣu |
mahāpātakinaḥkalpaṃ tiṣṭhanti narakāgniṣu || 23 ||
[Analyze grammar]

manvantaraṃ pātakino devabrahmasvahāriṇaḥ |
upapātakino martyā devadevāgniyajvanām || 24 ||
[Analyze grammar]

dvijagogurudharmāṇāṃ nindakā brahmaṇo dinam |
anye caturyugaṃ martyāstadardhaṃ ca narādhamāḥ || 25 ||
[Analyze grammar]

tiṣṭhanti narake ghore nijapāpānurūpyataḥ |
dyūtastrīviṣayāsaktā ye dharmavikalāḥkhalāḥ || 26 ||
[Analyze grammar]

patanti teṣu ghoreṣu narakeṣu narādhamāḥ |
na śruṇvanti ca ye mūḍhāssādhūktaṃ dharmagauravam || 27 ||
[Analyze grammar]

pyatyakṣaṃ kena taddṛṣṭaṃ pratyu'teti vadanti ca |
kāmalobhābhibhūtāśca biḍālavratinastathā || 28 ||
[Analyze grammar]

pāpiṣṭhāḥ karmahīnāśca jihvopasthaparāyaṇāḥ |
yatinindāparā ye ca kṣetratīrthādidūṣakāḥ || 29 ||
[Analyze grammar]

patanti teṣu te martyāvivaśāḥ pāpabandhanāḥ |
ihānubhūyanirdiṣṭamāyurmartyāssvayaṃbhuvā || 30 ||
[Analyze grammar]

nimittaṃ kiñcidāsādya vimucyantekalevaraiḥ |
labhante te punardebaṃ yātanīyaṃ svakarmajam || 31 ||
[Analyze grammar]

tanmātraguṇasaṃpannaṃ sukhaduḥkhopabhogadam |
pāpāḥ pāpakṣayo yāvatpacyante narakāgniṣu || 32 ||
[Analyze grammar]

āmalaprakṣayādvahnau dhmāyantedhātavo yathā |
yāvantojantavassvargabhūpātāleṣu sarvataḥ || 33 ||
[Analyze grammar]

tāvanta eva ghoreṣu santyadho narakāgniṣu |
aṣṭāviṃśatirevoktāḥ kṣiternarakakoṭayaḥ || 34 ||
[Analyze grammar]

saptamasya talasyādho ghoretamasi saṃsthitāḥ |
ghorākhyā pradhamākoṭissu ghoratalasaṃsthitāḥ || 35 ||
[Analyze grammar]

atighorā mahāghorā ghoraghorā ca pañcamī |
ṣaṣṭhī taralatārākhyā saptamī ca bhayāvahā || 36 ||
[Analyze grammar]

aṣṭamī kālarātrī ca navamī ca bhayotkaṭā |
daśamī tadadhaścaṇṇā mahācaṇḍā tato'pyadhaḥ || 37 ||
[Analyze grammar]

caṇḍakolāhalācānyā pracaṇḍānarakādhikā |
padmāpadmavatī bhīmā bhīmabhīṣaṇanāyakā || 38 ||
[Analyze grammar]

karālā vikarālā ca vajrā viṃśatikāsmṛtā |
trikoṇā pañcakoṇā ca sudīrghā parivartulā || 39 ||
[Analyze grammar]

saptabhaumāṣṭabhaumā ca dīptāyāmeti cāṣṭamī |
ityetā nāmataḥ proktā ghorā narakakoṭayaḥ || 40 ||
[Analyze grammar]

aṣṭāviṃśatirevaitāḥ pāpānāṃ yātanātmanām |
tāsāṃ krameṇa vijñeyāḥ pañca pañcaikanāyakāḥ || 41 ||
[Analyze grammar]

pratyekaṃ sarvakoṭīnāṃ nāmatastānnibodhata |
rauravaḥ prathamasteṣāṃ rudante yatra dehinaḥ || 42 ||
[Analyze grammar]

mahārauravako yatra mahānto'pi rudantica |
tamaśśītaṃ yathā coṣṇaṃ pañcādyā nāyakāssmṛtāḥ || 43 ||
[Analyze grammar]

sughorassutapastīkṣṇaḥ padmassaṃ jīvanaśśataḥ |
mahāmāṃso vilomaśca subhīmaśca kaṭaṅkaṭaḥ || 44 ||
[Analyze grammar]

tīvraveṣī karālaśca vikarālaḥ prakampanaḥ |
mahāpadmassupadmaśca kālavakraśca garjanaḥ || 45 ||
[Analyze grammar]

sūcīmukhassunemiśca khādakassuprapīḍanaḥ |
kuṃbhīpākassupākaśca cakrakaścātidāruṇaḥ || 46 ||
[Analyze grammar]

aṅgārarāśiphavanamasṛkpūyacahadrastathā |
tīkṣṇāyastuṇḍaśakunirmahāsaṃvartakastatā || 47 ||
[Analyze grammar]

sutaptābjassulopaśca pūtimāṃso dravatrapu |
ucchvāsaśca nirucchvāso sudīrghaḥ kūṭaśālmalī || 48 ||
[Analyze grammar]

darīṣṭassumahānādaprabhāvassuprabhāvanaḥ |
ṛkṣameṣavṛkāśśalya siṃhavyāghragajānanāḥ || 49 ||
[Analyze grammar]

śvasūkarājamahiṣakharameṣahayānanāḥ |
grahakuṃbhīranakrāsyāḥ sarpakūrmāsyavāyasāḥ || 50 ||
[Analyze grammar]

kṛdhrolūkajalūkāśca śārdūlakapikarkaṭāḥ |
gandhakaḥ pūtivakraśca raktākṣaḥ pūtimṛttikaḥ || 51 ||
[Analyze grammar]

kaṇadhūmastuṣāgniśca kṛmīṇāṃ nicayastathā |
amedhyaścāpratīkāro rudhirānnasyabhojanam || 52 ||
[Analyze grammar]

lālābhakṣamabhakṣaśca sarvabhakṣaśca dāruṇaḥ |
jaṅkaṭassuvilāsaśca vikaṭaḥ kaṭapūtanaḥ || 53 ||
[Analyze grammar]

ambarīṣaḥ kaṭāhaśca kaṣṭā vaitaraṇī nadī |
sutaptalohaśayanamekapādaprataptakam || 54 ||
[Analyze grammar]

asitālavanaṃ ghoramasthibhaṅgaprapīḍanam |
tilātasīkṣuyāntrāṇikūṭapāśapramardanam || 55 ||
[Analyze grammar]

mahāchullī suchullī ca taptalohamayī śilā |
parvatakṣuradhārākhyaṃ tathā ca malaparvataḥ || 56 ||
[Analyze grammar]

mūtraviṣṭhāṃdhakūpeṣu kṣārakūpeṣu pātanam |
musalolūkhalaṃ yantraṃ śilāśakalalāṅgalam || 57 ||
[Analyze grammar]

tālapatrāsigahanaṃ mahāmaśakamaṇḍapam |
sammohano'sthibhaṅgaśca tapuḥśūlamayoguḍaḥ || 58 ||
[Analyze grammar]

bahuduḥkhaṃ mahāduḥkhaṃ kaśmalaṃ śamalaṃ malam |
hālāhalo nirūpaśca surūpaśca tamo'nugaḥ || 59 ||
[Analyze grammar]

ekapādastripādaśca tīvravīciśca rantimaḥ |
aṣṭāviṃśatirevaitaiḥ kramaśaḥ pañcakāḥ smṛtāḥ || 60 ||
[Analyze grammar]

koṭīnāmānu pūrvyeṇa pañca pañcaiva nāyakāḥ |
rauravādyaṃ ca vīryaṃ ca śatamekantu sarvataḥ || 61 ||
[Analyze grammar]

catvāriṃśatsamadhikaṃ mahānarakamaṇḍalam |
teṣu pāpāḥ prapacyantenarāḥ karmānurūpataḥ || 62 ||
[Analyze grammar]

yātanābhirvicitrābhirākarmaprakṣayādbhṛśam |
susūḍhaṃ hastayorbaddhvātaptaśṛṅkhalayā narāḥ || 63 ||
[Analyze grammar]

mahāvṛṅgaraśākhāsugamyanteyamakiṅkaraiḥ |
ḍolitāścātivegena nissaṃjñā yāntiyojanam || 64 ||
[Analyze grammar]

antarikṣasthitānāṃ ca lohabhāraśataṃ tataḥ |
pādayorbadhyate teṣāṃ yamadūtairmahābalaiḥ || 65 ||
[Analyze grammar]

tena bhāreṇa mahatā bhṛśamātāḍitānarāḥ |
ākhyāntassvāni karmāṇi tūṣṇīṃ tiṣṭanti vihvalāḥ || 66 ||
[Analyze grammar]

tatastaptairagni varṇairlohadaṇḍaissakaṇṭakaiḥ |
hanyante kiṅkarairghoraissamartātpāpakāriṇaḥ || 67 ||
[Analyze grammar]

tataḥ kṣāreṇa dīptena vahnerapi viśeṣataḥ |
samantataḥ pralipyante tāmreṇa ca punaḥ punaḥ || 68 ||
[Analyze grammar]

drutenātyantaliptena kṣatāṅgā jarjarīkṛtāḥ |
punarvidhāya cāṅgāni śiraḥprabhṛti cakramāt || 69 ||
[Analyze grammar]

vārtākavatprapacyante taptataile kaṭāhake |
niṣṭhāpūrṇe tathākūpe kṛmīṇāṃnicaye punaḥ || 70 ||
[Analyze grammar]

medo'sṛkpūyapūrṇāyāṃ vāpyāṃ kṣipyanti te punaḥ |
bhakṣyante kṛmibhistīvrairlohatuṇḍaiśca vāyasaiḥ || 71 ||
[Analyze grammar]

śvabhirdaṃśairvṛkairugrairvyāghraiśca vikṛtairnaraiḥ |
pacyante caruvadvāpi pradīptāṅgārarāśiṣu || 72 ||
[Analyze grammar]

protāstīkṣṇeṣu śūleṣu narāḥ pāpena karmaṇā |
śailapīṭhairathākramya ghoraiḥ karmabhirātmajaiḥ || 73 ||
[Analyze grammar]

tilavatsaṃprapīḍyante cakrākhye narake narāḥ |
pacyante cātitapteṣu lohabhāṇḍeṣvanekathā || 74 ||
[Analyze grammar]

tailapūrṇakaṭāheṣu sutapteṣu punaḥpunaḥ |
sardendriyāṇi saṃbaddhya kramātpāpena yātanāḥ || 75 ||
[Analyze grammar]

bhavanti ghorāḥ pratyekaṃ śarīre tatkṛtena ca |
ye śruṇvanti harernindāṃ teṣāṃ karṇaḥ prapūryate || 76 ||
[Analyze grammar]

agninarṇairayaḥkīlaistaptaistāmrādikadrutaiḥ |
trapusīsārakūrakūṭādyaiḥkṣāreṇa jatunā punaḥ || 77 ||
[Analyze grammar]

sutaptatīkṣṇatailena vajralepena cāntataḥ |
kramādāpūryate karṇau narakeṣu ca yātanāḥ || 78 ||
[Analyze grammar]

anukrameṇa sarveṣu bhramantyeteṣu yātanāḥ |
ye tu deva gṛhaṃ gatvā tatra sevārthamāgatāḥ || 79 ||
[Analyze grammar]

atha vānyatra tadrūpā madamohaparājitāḥ |
paradārāṃśca gacchanti lubdhāssnigdhena cakṣuṣā || 80 ||
[Analyze grammar]

guroḥkurvanti bhrukuṭīṃ krūranetrāścaye narāḥ |
sūcībhiragnivarṇābhisteṣāṃ cakṣuḥ pravidhyate || 81 ||
[Analyze grammar]

kṣārādyaiśca kramātsarvairdehe sarvāśca yātanāḥ |
sparśalobhena ye mūḍhāssaṃspṛśanti parastriyaḥ || 82 ||
[Analyze grammar]

teṣāṃ taptāgnivarṇābhissūcībhirvidhyate karaḥ |
tataḥ kṣārādikaissarvaṃ śarīramanulipyate || 83 ||
[Analyze grammar]

yātanāśca mahākaṣṭāssarveṣu narakeṣu ca |
pareṣvajanti cātyugraṃ pradīptaṃ lohaśālmalim || 84 ||
[Analyze grammar]

hanyante pṛṣṭhadeśeṣu punarbhīmairmahābalaiḥ |
dantureṇātikuṇṭhena krakacena balīyasā || 85 ||
[Analyze grammar]

śilaḥpṛbhṛti pāṭyanteghoraiḥ karmabhirātmajaiḥ |
tenatenaiva rūpeṇa hanyante pāradārikāḥ || 86 ||
[Analyze grammar]

gāḍhamāliṅgyate nārī jvalantīlohanirmitā |
pūrvākālaṃ jvalantaṃ taṃ pūruṣaṃ lohanirmitam || 87 ||
[Analyze grammar]

duścāriṇyaḥstrīyo gāḍhamāliṅgantivadanti ca |
kiṃ pradhāvasi vegena na te moho'sti saṃprati || 88 ||
[Analyze grammar]

laṅghitaste yathā bhartā pāpaṃ bhuṅkṣva tadādhunā |
lohakuṃbhe vinikṣiptāḥ sāpidhāne śanaiśśanaiḥ || 89 ||
[Analyze grammar]

mṛdvagninā prapacyante svapāpairiva mānavāḥ |
ulūkhalādyaiḥ kṣodyante prapīḍyante śilāsu ca || 90 ||
[Analyze grammar]

kṣipyante cāndhakūpeṣu daśyante bhramarairbhṛśam |
kṛmibhirbhinna sarvāṅgāśśataśo jarjarīkṛtāḥ || 91 ||
[Analyze grammar]

sutīkṣṇakṣurakūpeṣu kṣipyante tadanantaram |
mahajvāle ca narake pāpāḥ pacyanti sarvataḥ || 92 ||
[Analyze grammar]

itastataśca dhāvanti dahyamānāstadarciṣā |
pṛṣṭhenānīya jaṅghe dve vinyaste srandhayojite || 93 ||
[Analyze grammar]

tayormadhyena cākṛṣya bāhupṛṣṭhena gāḍhataḥ |
baddhvā parasparaṃ sarvaṃ sudṛḍhaṃ pāparajjubhiḥ || 94 ||
[Analyze grammar]

piṇḍabaddhaṃ daśantyenaṃ bhramārāstīkṣṇalohajāḥ |
mānināṃ krodhināṃ caiva taskarāṇāṃ ca dāruṇāḥ || 95 ||
[Analyze grammar]

piṇḍabaddhāssmṛtā yāmyamahājvāle ca yātanāḥ |
rijjubhirveṣṭitāṃgāśca praliptāḥ kardamena ca || 96 ||
[Analyze grammar]

karīṣavatprapacyante mriyante tena tetathā |
sutīkṣṇakṣāratoyena karmaśānu śilāsu ca || 97 ||
[Analyze grammar]

apāpasaṃkṣayātpāpā ghṛṣyante candanaṃ yathā |
śarīrābhyantaragataissantataṃ kṛmibhirnarāḥ || 98 ||
[Analyze grammar]

bhakṣyante tīvravadanairādeha prakṣayādbhṛśam |
kṛmīṇāṃ nicaye kṣiptāḥ pūtimāṃsasya rāśiṣu || 99 ||
[Analyze grammar]

tiṣṭhantyudvignahṛdayāḥ parvatābhyantarārditāḥ |
sutaptavajralepena śarīramupalipyate || 100 ||
[Analyze grammar]

adhomukhordhvapādāśca vṛtā stapyanti vahninā |
vadanāntaḥ pravinyastaṃ suprataptamayoguḍam || 101 ||
[Analyze grammar]

te khādanti parādhīnā hanyamānāśca mudgaraiḥ |
ye devārāmapuṣpāṇi lobhātsaṃsṛhya pāṇinā || 102 ||
[Analyze grammar]

jighranti mūḍhamanaso śirasā dhārayanti ca |
āropyate śirasteṣāṃ sutaptairlohaśaṅkubhiḥ || 103 ||
[Analyze grammar]

tataḥ kṣāreṇa dīptena tailatāmrādibhiḥ kramāt |
śarīre ca mahāghorāścitrā narakayātanāḥ || 104 ||
[Analyze grammar]

bahudhotpāṭyate jīhvā ye'satya priyavādinaḥ |
saṃdaṃśena sutaptena prapīḍyorasi pādataḥ || 105 ||
[Analyze grammar]

midhyāgamapravaktuśca jīhvā cāsya vinirgatā |
krośārdhajīhvāvistīrṇairhalaistīkṣṇaiḥ prapāṭyate || 106 ||
[Analyze grammar]

nirbhartsayantiye krūrā mātaraṃ pitaraṃ gurum |
teṣāṃ vajrajalūkābhirmukhamādaśyate yataḥ || 107 ||
[Analyze grammar]

tataḥkṣāreṇa tāmreṇa trapuṇā sicyate punaḥ |
drutairāpūryate'tyarthaṃ taptalohaiśca tanmukham || 108 ||
[Analyze grammar]

itastataḥ punardhāvanbaddhyate yamakiṅkaraiḥ |
ye nindanti mahātmānamācāryaṃ dharmadeśikam || 109 ||
[Analyze grammar]

viṣṇubhaktāṃśca sammūḍhāstaddharmaṃ caiha śāśvatam |
teṣāmurasi kanthe ca jihmāyāṃ dantasandhiṣu || 110 ||
[Analyze grammar]

tālunyoṣṭhe ca nāsāyāṃ mūrdhni sarvāṃgasandhiṣu |
agnivarṇāssutaptāśca triśikhā lohaśaṅkavaḥ || 111 ||
[Analyze grammar]

āropyante subahuśaḥ sthāneṣveteṣu mudgaraiḥ |
tataḥ kṣāreṇa taptena tāmreṇa trapuṇā punaḥ || 112 ||
[Analyze grammar]

taptalohādibhissarvairāpūryante samantataḥ |
yātanāśca mahācitrāśśarīrasyāpi sarvataḥ || 113 ||
[Analyze grammar]

niśśeṣanarakeṣvevaṃ bhramanti kramaśaḥ punaḥ |
ye gṛhṇanti paradravyaṃ padbhyāṃ vipraṃ spṛśanti ca || 114 ||
[Analyze grammar]

devopakaraṇāṃgaṃ ca jñānaṃ ca likhitaṃ kvacit |
hastapādāghanaiste ṣāmāpūryante samantataḥ || 115 ||
[Analyze grammar]

kṣāratāmrādibhirdhīptairdahyante kramaśaḥ punaḥ |
narakeṣu ca sarveṣu vicitrā dehayātanāḥ || 116 ||
[Analyze grammar]

bhavanti bahuśaḥ kaṣṭāḥ pāṇipādasamudbhavāḥ |
pradattāṃ devadevasya tannāmnā pūjakasya vā || 117 ||
[Analyze grammar]

padārdhināmathānyeṣāṃ haṭhādvṛttiṃ harantiye |
te vai narakakūpeṣu pacyamānāssvakarmabhiḥ || 118 ||
[Analyze grammar]

vrajantiyātanā bhūyo nātiyantiyāmāṅgaṇam |
ye devāyatanārāmavāpīkūpamaṭhāṅgaṇam || 119 ||
[Analyze grammar]

upadravanti pāpiṣṭhā nṛpāstatra vasanti ca |
vyāyāmodvartanābhyaṅgasnānapānānnabhojanam || 120 ||
[Analyze grammar]

krīḍanaṃ maithunaṃ dyūtamaśaucādyācaranti ca |
te nadhairvividhairghorairikṣu yantrādipīḍanaiḥ || 121 ||
[Analyze grammar]

nirayāgniṣu pacyante yāvadācandratārakam |
devāyatanaparyante devārāme ca kutracit || 122 ||
[Analyze grammar]

samutsṛjanti ye mūḍhāḥpurīṣaṃ mūtrameva vā |
teṣāṃ śiśnaṃ savṛṣaṇaṃ hanyate lohamudgaraiḥ, || 123 ||
[Analyze grammar]

sūcībhīrnetraparyantairagnivarṇaissakaṇṭakaiḥ |
aropyante gude teṣāṃ yāvanmūrdhni vinirgataiḥ || 124 ||
[Analyze grammar]

tataḥ kṣāreṇa mahatā tāmreṇa trapuṇā punaḥ |
drutenāpūryate gāḍhaṃ gudaṃ śiśnaṃ ca dehinām || 125 ||
[Analyze grammar]

manassarvendriyāṇāṃ ca yasmāduktaṃ pravartanam |
tasmādindriyaduḥkhena jāyate tatsuduḥkhitam || 126 ||
[Analyze grammar]

anna pānamadattaṃ yairmūḍhairnāpyanumoditam |
dhane satyapi ye dānaṃ na ca yacchanti tṛṣṇayā || 127 ||
[Analyze grammar]

atithiṃ cāvamanyante kālaprāptaṃ gṛhāśrame |
tejohīnā raṇe baddhā hastapādānadhāritāḥ || 128 ||
[Analyze grammar]

vistāritāṃgāśśuṣyanti tiṣṭhantyabdaśataṃ narāḥ |
hastapādalalāṭeṣu kīlitā lohaśaṅkubhiḥ || 129 ||
[Analyze grammar]

nityaṃ ca vikṛtaṃ vakraṃ kīlakadvayaghāṭitam |
kṛmibhiḥprāṇibhiścograirlohatuṇḍaiśca vāyasaiḥ || 130 ||
[Analyze grammar]

upadravairbahuvidhairmukhamantaḥ prapīḍyate |
jihvā tataḥ prabhinnā ca gāḍhaṃ śṛṅkhalayā punaḥ || 131 ||
[Analyze grammar]

tiṣṭanti laṃbamānāśca lohākārāssuvartulāḥ |
tataḥ svamāṃsamutkṛṣya tilamātrapramāṇataḥ || 132 ||
[Analyze grammar]

khādituṃ dīyate teṣāṃ sūcyagreṇa ca śoṇitam |
yathā nirmāṃsatāṃ prāptāḥ kālena bahudhā punaḥ || 133 ||
[Analyze grammar]

tataḥ kṣāreṇa dīptena taccharīraṃ pralipyate |
bhidyante varṣa dhārābhiśśuṣyante vāyunā punaḥ || 134 ||
[Analyze grammar]

punastailena sicyante sutaptena samantataḥ |
iti citravidhairghorairmadhyamānāssvakarmajaiḥ || 135 ||
[Analyze grammar]

mriyante naiva pāpiṣṭhā yāvatpāpasya saṃkṣayaḥ |
tasmātpāpaṃ na kurvīta cañcale jīvite sati || 136 ||
[Analyze grammar]

evaṃ kliṣṭā viśiṣṭāśca sāvaśeṣeṇa karmaṇā |
tataḥ kṣitiṃ samāsādya jāyante dehinaḥ punaḥ || 137 ||
[Analyze grammar]

sthāvarā vividhāḥ krūrāstṛṇa gulmādibheditaḥ |
tatrānubhūya duḥkhāni jāyante kīṭayoniṣu, || 138 ||
[Analyze grammar]

niṣkrāntāḥ kīṭayonibhyojāyante pakṣiṇaḥ kramāt |
saṃkliṣṭāḥ pakṣibhevena bhavanti mṛgajātiṣu || 139 ||
[Analyze grammar]

mārgaṃ duḥghamatikramya jāyante paśuyoniṣu |
kramādgoyonimāsādya jāyante mānuṣe punaḥ || 140 ||
[Analyze grammar]

vyutkrameṇāpi mānuṣyaṃ prāpyate puṇyagauravāt |
tato manuṣyatāṃ prāpya tattatpāpānusārataḥ || 141 ||
[Analyze grammar]

saṃyutāṃ pāpacihneśca vartante prāṇinastataḥ |
devābhigamanam |
snāto dhṛtordhvapuṇḍraśca prayataśśāntamānasaḥ || 142 ||
[Analyze grammar]

avyagraścānyakāryeṣu gṛhītvā śaktitassvayam |
phalādīnyupahārāṇi gandhān sumanasastathā || 143 ||
[Analyze grammar]

hiraṇyaṃ harimuddiśya yena sarvāḥkṛtā ime |
upahārādibhissamyagabhisacchejjagadgurum || 144 ||
[Analyze grammar]

patraiḥ puṣpaiḥphalairvāpi yathāśakti samarpitaiḥ |
ayatnasulabhenāpi toyenāpi sa tuṣyati || 145 ||
[Analyze grammar]

pādacāryeva gacchettu devālayamatandritaḥ |
aśakto'pyatha vāśakta āḍhyo vā durvidho'dha vā || 146 ||
[Analyze grammar]

ādhirājye jagaddhāturadhikārī samassmṛtaḥ |
na hi saṃharate jyotsnāṃ candraścaṇḍālaveśmani || 147 ||
[Analyze grammar]

na vā saudheṣu samrājāṃ sudhādhārāḥ pravarṣati |
bhogāyataname teṣā mekākāraṃ kaleparam || 148 ||
[Analyze grammar]

anugṛhṇāti dātā tasya noccānaco vidhiḥ viṣṇupāramyam |
devateha parañjyotireka eva paraḥ pumān || 149 ||
[Analyze grammar]

sa eva bahudhā loke māyayā bhidyate svayā |
viṣṇvākhyassa svayaṃ māyaṃ prakṛtiṃ vyajya sa dvidhā || 150 ||
[Analyze grammar]

sthitastridhā ca sattvādiguṇabhedātpratīyate |
viṣṇubrahmaśivākhyo'sau sthityutpatyantakṛtsmṛtaḥ || 151 ||
[Analyze grammar]

viṣṇvādyā mūrtayastasya dharmajñānādibhedataḥ |
catasra eva vijñeyā vedavarṇa yugāśrayāḥ || 152 ||
[Analyze grammar]

viṣṇuśca puruṣassatyo hyacyutaśchāniruddhakaḥ |
pañcadhopaniṣadbhedānmahābhūtatvamāgataḥ || 253 ||
[Analyze grammar]

manaśśrotrādibhiṣṣaḍbhiraṅgaiśca hṛdayādibhiḥ |
ṣaḍakṣarātmako nityamṛṣibhiścaiṣa bhidyate || 154 ||
[Analyze grammar]

saptavyāhṛtibhirlo kaiśchandobhiḥ kratubhistathā |
saptadhā bhidyamāno'sau vijñātavyo vicakṣaṇaiḥ || 155 ||
[Analyze grammar]

aṣṭaprakṛtibhiścāsāvaṣṭamūrtibhireva ca |
aṣṭākṣaramayo nityamaṣṭadhā caiṣa bhidyate || 156 ||
[Analyze grammar]

nārāyaṇo nṛsiṃhaśca varāho vāmanastathā |
rāmabrahmendrasūryāśca candrastairna vadhā sthitiḥ || 157 ||
[Analyze grammar]

indro'gniśṭa yamaścaiva nirṛtirvaruṇastathā |
vāyussomastatheśāno brahmānantaścate daśa || 158 ||
[Analyze grammar]

ekādaśendriyairbhinnastathā dvādaśamānapaiḥ |
sa trayodaśadhā caiva viśvedevādibhiḥ sthitaḥ || 159 ||
[Analyze grammar]

sa caturdaśadhā bhinno manubhiścākṣuṣādibhiḥ |
tithibhiḥ pañcadaśadhā bhinno jñeyassu vai prabhuḥ || 160 ||
[Analyze grammar]

svaraiṣṣoḍaśadhā bhinnodikkoṇāvāntaraistathā |
mūrtyantaraiśca vijñeyo bahudhā tasya vistaraḥ || 161 ||
[Analyze grammar]

ekadvitricatuḥpañcaṣaḍādyā viśvato mukhāḥ |
mukhabhedāssamākhyātāstasya viśvātmano hareḥ || 162 ||
[Analyze grammar]

dvyādayo viśvataḥpāṇerbhujabhedastathā smṛtāḥ |
vividhābharaṇā dīrghā vividhāyudhadhāriṇaḥ || 163 ||
[Analyze grammar]

mūrdhānaścaiva tasyoktā lasanmukuṭakuṇḍalāḥ |
haimordhvapuḍralāvaṇyaprabhavā vakrakuntalāḥ || 164 ||
[Analyze grammar]

smerāruṇādharāssaumyāḥ prasādāmṛtavarṣiṇaḥ |
sahasraṃ pauruṣe sūkte pādāścākṣīṇyanekaśaḥ || 165 ||
[Analyze grammar]

hiraṇyagarbho'nekātmā vimalaśśyāma eva ca |
nīlaḥ pītastathā rakto nānāvarṇaḥ prakīrtitaḥ || 166 ||
[Analyze grammar]

candrasūryausmṛtau tasya nayane vāmadakṣiṇe |
brahmāṇamāhurmūrdhānaṃ keśāṃścāsya vanaspatīn || 167 ||
[Analyze grammar]

āsyaṃ vedāśca ye'nantā toyaṃ rudhirameva ca |
upajihvā tu tasyoktamupaśrutiśataṃ tathā || 168 ||
[Analyze grammar]

bhruvormadhye tathā rudraṃ bhṛguṃ manasi saṃsthitam |
rudrā ekādaśa jñe yā stasya kaṇṭhaṃ samāśritā || 169 ||
[Analyze grammar]

nakṣatragrahatārāśca dantāssyurmaruto'pi ca |
dharmādharmautathordhvādharoṣṭhau tu parikīrtitau || 170 ||
[Analyze grammar]

indrāgnī tāluke tasya jihmācaiva sarasvatī |
diśaśca vidiśaścaiva śrotrayontasya saṃsmṛtāḥ || 171 ||
[Analyze grammar]

vāyuḥprāṇeṣu vijñeyassādhyāścāṃgulayaḥsmṛtāḥ |
ṛṣayo romakūpeṣu sāgarā vastigocarāḥ || 172 ||
[Analyze grammar]

nadyaśca vasudhā cāsya nāgāśca nalake sthitāḥ |
jānusthāvaśvinau devau parvatāścorusaṃsthitāḥ || 173 ||
[Analyze grammar]

guhyo'sya guhyakā jñeyā vasavaścorasi sthitāḥ |
nakhāgreṣu ca vijñeyā divyā oṣadhayastathā || 174 ||
[Analyze grammar]

nāsikāyāḥ puṭau jñeyāvayane dakṣiṇottare |
ṛtavo bāhumūle tu māsāḥ karataleṣu ca || 175 ||
[Analyze grammar]

lalāṭāgre tathā siddhā bhruvormeghāssavidyutaḥ |
yakṣakinnaragandharvā daiteyā dānavāstathā || 176 ||
[Analyze grammar]

rākṣasāścāraṇāścāsya jaṭharaṃ samusāśritāḥ |
pitaraḥ pretakūśmāṇḍa vetālapramathāstathā || 177 ||
[Analyze grammar]

pātālagocarāścāsya pāvayugmaṃ samāśritāḥ |
pārśvayostasya vijñeyāḥkriyā vedairabhiṣṭutāḥ || 178 ||
[Analyze grammar]

agnihotrādikarmāṇi varṇāśramahitāni ca |
svāhāsvadhāvaṣaṭkā rāssarve'sya hṛdaye śritāḥ || 179 ||
[Analyze grammar]

nāmnāṃ śataṃ sahasraṃ vā tathānantaṃ paṭhantiyat |
anantānantarūpasya yathāyogaṃ samanvitam || 180 ||
[Analyze grammar]

mūrtayaścāsya sarvāstāssaṃkhyātītāḥ prakīrtitāḥ |
devādīnāṃ ca sarveṣāṃ mūrtayastatra saṃśritāḥ || 181 ||
[Analyze grammar]

tasmādanantansaṃproktaḥ puṃsūkte tadudīritam |
sahasraśīrṣā puruṣassahasrākṣassahasrapāt' || 182 ||
[Analyze grammar]

brāhmaṇā mukhate yasya kṣatriyā yasya bāhutaḥ |
ūruto yasya vai jātā vaiśyāśceti narā bhuvi || 183 ||
[Analyze grammar]

candramā manaso jātaścakṣuṣormihirastathā |
mūkhādindrastathāgniśca prāṇādvāyurajāyata || 184 ||
[Analyze grammar]

nābhyāyasyāntarikṣaṃ ca śiraso dyaurajāyata |
padbhyāṃ bhūmirdiśaśśrotrādyasya devasya saṃbabhau || 185 ||
[Analyze grammar]

tamīdṛśaṃ mahāviṣṇumaprameyamanāmayam |
tatprasādādṛte jñātuṃ vaktuṃ vā naiva śakyate || 186 ||
[Analyze grammar]

sarvadevamayo viṣṇuḥ sarve devāstadātmakāḥ |
aśeṣaṃ vāṅmayaṃ cedaṃ lokālokaṃ carācaram || 187 ||
[Analyze grammar]

vaiṣṇavyā vyāpyate śaktyā vāyunevadiśo'ntaram |
sarve viṣṇumayādevāssarvaśāstreṣu kīrtitāḥ || 188 ||
[Analyze grammar]

ādhārādheyabhāvena dvedhāsa vyāpya tiṣṭhati |
sarvabhūtahitāyaiva niṣkalassakalaḥsthitaḥ || 189 ||
[Analyze grammar]

niṣkalassakalaścaivaṃ jñeyo viṣṇussanātanaḥ |
sarvataḥpāṇipādaṃ tatsarvato'kṣiśiromukham || 190 ||
[Analyze grammar]

sarvataśśrutimalloke sarvamāvṛtya tiṣṭhati, |
sarvendriyaguṇābhāsaṃ sarvendriyavivarjatam || 191 ||
[Analyze grammar]

asaktaṃ sarvabhṛccaiva nirguṇaṃ guṇabhoktṛ ca |
avibhaktaṃ ca bhūteṣu vibhaktamiva ca sthitam || 192 ||
[Analyze grammar]

bhūtabhartṛca tadjñeyaṃ grasiṣṇu prabhaviṣṇu ca |
jyotiṣāmapi tajjyotistamasaḥ paramucyate || 193 ||
[Analyze grammar]

jñānaṃ jñeyaṃ jñānagamyaṃ hṛdi sarvasya viṣṭhitam |
taccādyo jagatāmīśaḥ pareśaḥ parameśvaraḥ || 194 ||
[Analyze grammar]

parāvarasvarūpeṇa viṣṇussarvahṛdi sthitaḥ |
sthūlasūkṣmaparatvena tridhā ca bhagavān sthitaḥ || 195 ||
[Analyze grammar]

prabhaviṣṇurmahāviṣṇussadāviṣṇuḥ smṛtaśca saḥ |
ātmā sa hyantarātmā ca paramātmā ca saṃsmṛtaḥ || 196 ||
[Analyze grammar]

vairājaṃ laiṅgikaṃ caiva bahirantaśca sarvaśaḥ |
śabdādiścinmayaṃ rūpaṃ jāgratsvapna suṣuptigam || 197 ||
[Analyze grammar]

mantrānusvāranādeṣu trayamanveṣayedbudhaḥ |
vede ca bhagavacchāstre sāṃkhye yoge tathaiva ca || 198 ||
[Analyze grammar]

dharmaśāstre purāṇe ca munibhirdevamānuṣaiḥ |
paṭhyate nikhilairnityaṃ viśvaṃ viṣṇumayaṃ jagat || 199 ||
[Analyze grammar]

yacca bhūtaṃ bhaviṣyacca vartamānaṃ tu kiṃ cana |
indriyāṇīndriyārthāśca bhūtāntaḥ karaṇāni ca || 200 ||
[Analyze grammar]

avyaktaṃ triguṇā māyā vidyā dharmādayastathā |
niyatiśca kalā kālaḥ sarvamanyacca tanmayam || 201 ||
[Analyze grammar]

viṣṇureva paro devassarva bhūteṣvavasthitaḥ |
sarvabhūtāni caivācau na tadastīha yanna saḥ || 202 ||
[Analyze grammar]

devāsurādayo martyāḥ paśavaśca sarīsṛpāḥ |
taruvallītṛṇauṣadhyo mahābhrāśanividyutaḥ || 203 ||
[Analyze grammar]

śailābdhisaridārāmanagarāṇi sarāṃsi ca |
lokāścāna ntakālo'gni pretāvāsoragālayāḥ || 204 ||
[Analyze grammar]

saptabhūrādayo brāhmaśaivavaiṣṇavasaṃjñitāḥ |
sarve ca viṣṇunaikena vyāptāssarvātmanātmanā || 205 ||
[Analyze grammar]

varāho bhārgavassiṃho rāmaśrīdharavāmanāḥ |
aśvikṛṣṇau ca dikṣveṣāṃ lokairaṇḍaṃ sahākhilam || 206 ||
[Analyze grammar]

yaccānuktamaśeṣeṇa viṣṇoretā vibhūtayaḥ |
viśvavyāpitayevaiṣa viṣṇurvṛddhairudhīritaḥ || 207 ||
[Analyze grammar]

purusaṃjñeśarīre'smin śayanātpuruṣaḥ smṛtaḥ |
satyaśchābādhitārthatvānnityatvātsa prakīrtitaḥ || 208 ||
[Analyze grammar]

acyuto'cyavanādeva sa hariḥ samadīritaḥ |
aniruddhastathā proktassarvasmādanirodhanāt || 209 ||
[Analyze grammar]

vasanāstarvabhūteṣu vāsudevatvamīyivān |
ādimūrtessamākṛṣṭaḥ smṛtassaṃkarṣaṇaḥ prabhuḥ || 210 ||
[Analyze grammar]

pradyumno dyumna pṛṣṭhatvāttridhāmā dhāmabhistribhiḥ |
vaikuṇṭhāmalavarṇatvādvaikuṇṭhaśṭāyamucyate || 211 ||
[Analyze grammar]

līyete pralaye tvasmin keśāvityeṣa keśavaḥ |
naranārīprakartṛtvānnarāṇāṃ cāyanādayam || 212 ||
[Analyze grammar]

nārāyaṇo naroddhānāmayanatvādapāñca saḥ |
mādhavo madhuṣūtpattyā dhavatvādvā śriyaḥsmṛtaḥ || 213 ||
[Analyze grammar]

govindatīti govindo gāvo vindanti yaṃ tathā |
asuraṃ madhunāmānaṃ hantīti madhusūdana || 214 ||
[Analyze grammar]

tribhiḥsvairvikramairvyāpto jagadeṣa trivikramaḥ |
vāmano vrāsvatāyogācchrīdharo vahanācchriyaḥ || 215 ||
[Analyze grammar]

hṛṣīkasyendriyasyeśo hṛṣīkeśa udīritaḥ |
padmaṃ nābherabhūdyapya padmanābhastatasmmataḥ || 216 ||
[Analyze grammar]

udarālambi dāmāsyetyukto dāmodaro hariḥ |
uttamaḥ puruṣoyasmāduktassa puruṣottamaḥ || 217 ||
[Analyze grammar]

vilomendriyagamyatvātprocyate sa tvadhokṣajaḥ |
ardhamardhaṃ larassiṃho narasiṃhā udāhṛtaḥ || 218 ||
[Analyze grammar]

janārdanassa pāpiṣṭhān janānardayatīti saḥ |
indrasyāvarajo bhūta upendraḥ procyate hariḥ || 219 ||
[Analyze grammar]

haraṇātsarvapāpānāṃ harirnāyaṇaḥ smṛtaḥ |
karṣaṇātpāparāśīnāṃ kṛṣṇassarvātmako hariḥ || 220 ||
[Analyze grammar]

rudro rodayate tasmātbrahmā bṛṃhaṇakarmaṇā |
indraśca paramaiśvaryādvahanādvahnirucyate || 221 ||
[Analyze grammar]

yamassaṃyamanātpuṃsāṃ varaṇādvaruṇastathā |
vāyurvānātsavātsomariśaśceṣṭe janeṣu yaḥ || 222 ||
[Analyze grammar]

ādityo'ditiputratvāccandraścandayate yataḥ |
ityevaṃ guṇavṛttyohyaiḥ śabdereko'pyanekathā || 223 ||
[Analyze grammar]

śrutibhiḥ procyate brahma viṣṇvākhyaṃ jātu netarat |
tasyeśvarasya caiśvaryātsarvametatpravartate || 224 ||
[Analyze grammar]

seśvaraṃ hi jagatsarvaṃ bhavennānīśvaraṃ kvacit |
tanmayatvena govinde nyastasarvabharā narāḥ || 225 ||
[Analyze grammar]

tadyājīno mahābhāgāstaranti bhavavāridhim |
taṃ prasādhayituṃ yatnaḥ kāryassarātmanā naraiḥ || 226 ||
[Analyze grammar]

bhaktinamrassadā gacchetsarvo'pi jagataḥ patim |
taddevasya priyaṃ bhūyādyatassammānanaṃ tu tat || 227 ||
[Analyze grammar]

tasya sannihito devo yasya citte janārdanaḥ |
dānena tapasā nānyaistyasya tuṣṭobhaveddhariḥ || 228 ||
[Analyze grammar]

āruhya śakaṭaṃ gacchedyo viṣṇormandiraṃ naraḥ |
nārī vā bālako vātha vṛddha ātura eva vā || 229 ||
[Analyze grammar]

tasya puṇyaphalaṃ nāsti pretya yugyaśca jāyate |
ye vāhayanti tānmartyānnarā vā prāṇinaśca ye || 230 ||
[Analyze grammar]

te yāsyanti padaṃ viṣṇoryasmātpādaca rāstu te |
ye vāhayanti jantūṃstān ste'pimūḍhāḥ patanti vai || 231 ||
[Analyze grammar]

yastodayati tāneva gamane mūḍhacetanaḥ |
sa yāmīryātanāḥ prāpya todyate yamakiṅkaraiḥ || 232 ||
[Analyze grammar]

punaḥ paśutvamāpannastodyate paśubhirnaraiḥ |
yo vā bhṛtakadānena vāhanena tu mānavaḥ || 233 ||
[Analyze grammar]

vāhayatyatha voheta so'pi yāsyati durgatim |
apāre durgasaṃsāre karmabaddhe viśeṣataḥ || 234 ||
[Analyze grammar]

svīyaṃ karma samutsṛjya patanti narake'śucau |
tataḥpaśutvamāpannāściraṃ tiṣṭhanti bhūtale || 235 ||
[Analyze grammar]

pādukāmadhiruhyāpi yo devālayamāprajet |
sa paśurjoyate pretya rogī cehaprajāyate || 236 ||
[Analyze grammar]

pādukāṃ vāhanaṃ cāpi yo'dhiṣṭhitya vimūḍhadhīḥ |
praṇāmaṃ haraye kuryātta sya dūrataro hariḥ || 237 ||
[Analyze grammar]

devadarṇanamuddiśya naivedaṃ vidha āvrajet |
ayatnādgamane jāte'pyavaruhya ca vāhanāt || 238 ||
[Analyze grammar]

pādukādi vimucyaiva samupaspṛśya vāriṇā |
praviśetprayato bhūtvā prākāraṃ prathamaṃ punaḥ || 239 ||
[Analyze grammar]

na viśeddhāma devasya yādatā vāhanādibhiḥ |
tādṛśaṃ puruṣaṃ dṛṣṭvā yathāśaktyavabodhayet || 240 ||
[Analyze grammar]

ādyastveṣo'pacārassyādyatnahāryobhavettataḥ |
śmaśānamadhye gatvātu yo gaccheddevatāgṛham || 241 ||
[Analyze grammar]

saptajanmakṛtātpuṇyāttatkṣaṇānmucyate naraḥ |
sārgālīṃ yonimāśritya pasejjanmatrayaṃ tataḥ || 242 ||
[Analyze grammar]

daridrāścaiva mārkhāśca bhaviṣyanti trijanmakam |
anyadevagṛhaṃ gadvāhyasnātvā yo vrajedgṛham || 243 ||
[Analyze grammar]

devadevasya mohāttu tasya pāpaṃ mahādbhavet |
gṛhādgṛhaṃ tathā gadvā bhikṣārthī kṣudhitassvayam || 244 ||
[Analyze grammar]

bhikṣāmalabdhvā kutrāpi daridro jāyate naraḥ |
catvāri caiva janmāni teṣāmante ca yo budhaḥ || 245 ||
[Analyze grammar]

caṇḍālayoni māpnoti janmāni daśa pañca ca |
atra codāharantīmaṃ viśeṣaṃ kāśyapādayaḥ || 246 ||
[Analyze grammar]

sarvadevamayo viṣṇussarvavedamayo hariḥ |
tasyātiriktaṃ no kiñcidviśeṣastatra vakṣyate || 247 ||
[Analyze grammar]

sarve'pyadhikṛtā loke tattatkarmānurūpataḥ |
ābrahmastaṃbaparyantaṃ jagadantarvyavasthitāḥ || 248 ||
[Analyze grammar]

tasmādeva jagatsarvaṃ sargakāle prajāyate |
tasminneva punastacca pralaye saṃpralīyate || 249 ||
[Analyze grammar]

yaḥ varaḥ prakṛteḥ proktaḥ purāṇaḥ puruṣo'vyayaḥ |
sa eva sarvabhūtātmā nara ityabhidhīyate || 250 ||
[Analyze grammar]

narājjātāni tattvāni nārāṇīti pracakṣate |
tānyeva cāyanaṃ yasya sa tu nārāyaṇaḥ smṛtaḥ || 251 ||
[Analyze grammar]

nārāyaṇaḥ paraṃ brahma tattvaṃ nārāyaṇaḥ paraḥ |
viṣṇvādibhistathā kecidvāsudevādibhiḥ pare || 252 ||
[Analyze grammar]

saṃjñābhedairmahātmānassadaivārādhayantitam |
sarvatra paripūrṇasya sarvadhā sarvavastuṣu || 253 ||
[Analyze grammar]

na jātu labhyate kiñcidyenāvyāptaṃ tu kiṃ cana |
tasmāttasmin samāropya sarvaṃ deveśvareśvare || 254 ||
[Analyze grammar]

upāsanaṃ bhavedyattu tadbhaveducitaṃ budhaiḥ |
anyatra taṃ samāropya yadi copāsanaṃ bhavet || 255 ||
[Analyze grammar]

tadbhavedanyadevārcā tasmātparimitaṃ phalam |
ye'pyanyadevatābhaktāyajante śraddhayo'nvitāḥ || 256 ||
[Analyze grammar]

yajante te'pi deveśaṃ tamevāvidhi pūrvakam |
anye te brahmarudrendrāstadādyā devatāssmṛtāḥ || 257 ||
[Analyze grammar]

vaiṣṇavā avatārāśca ye tu śāstroditāḥ purā |
paramārthe na bhidyante nānyatvaṃ syātparasparam || 258 ||
[Analyze grammar]

viṣṇvālayādathaikasmādanyaviṣṇvālayasya tu |
tatsthānāṃ daivatānāṃ vā nānyatvaṃ jātu saṃbhavet || 259 ||
[Analyze grammar]

atha śāstravidhirbhinno yatra nāpyupalabhyate |
tatrānyatvaṃ vijānīyānna cecchecchāstrasaṃkaram || 260 ||
[Analyze grammar]

hariṃ devaṃ tu saṃsevya vāhanasthaṃ dvijottamaḥ |
yadanyaṃ sedate vīthyāṃ tatkāle vāhanasthitam || 261 ||
[Analyze grammar]

so'pi pāpamavāpnoti viṣṇudhyānena śuddhyati |
deveśasyotsavo yatra grāme vā nagare'pi vā || 262 ||
[Analyze grammar]

parvatāgre mahānadyāstīre durgāṭavīṣuvā |
tatra gacchennaro bhaktyā sevetotsavamādarāt || 263 ||
[Analyze grammar]

saha puttressahāmātyaissarvaiḥ parijanairvṛtaḥ |
vaiṣṇavaṃ kratudeśantu gatvā seveta mānavaḥ || 264 ||
[Analyze grammar]

yathār'hamupayuñjīta svaśaktiṃ tatkriyāsu ca |
śrutvā devotsavāraṃbhaṃ paṅgūbhāvena yo naraḥ || 265 ||
[Analyze grammar]

tiṣṭhetsa janmasāhasraṃ paṅgureva bhaviṣyati |
tadbhavedviphalaṃ janma bhūbhārastasya jīvitam || 266 ||
[Analyze grammar]

deveśasyotsave samyagvartamāne mahāphale |
yo'nyatra vyāpṛtastatra na gaccheddurmanā naraḥ || 267 ||
[Analyze grammar]

na tasya niṣkṛtiḥ proktā sa pāpī narakaṃ vrajet |
anāhūto'dhvaraṃ gacchettathā gurukulaṃ vrajet || 268 ||
[Analyze grammar]

yo'dhvaraṃ gantukāmo'tra pratīkṣetārṅgaṇādikam |
tanya pūrvārjitaṃ puṇyaṃ tatkṣaṇādeva naśyati || 269 ||
[Analyze grammar]

devotsavaṃ tu yo martyo yatamānaṃ tu sevitum |
vārayedyena kenāpi hetunā sa tu durmatiḥ || 270 ||
[Analyze grammar]

aphalassaphalo vāpi patatyeva na saṃśayaḥ |
viṣṇupañcadine vāpi puṇyāheṣvitareṣvapi || 271 ||
[Analyze grammar]

upoṣitastu śrutvaiva deveśasyotsavaṃ haṭhāt |
tatkṣaṇādyo na gacchettu tasya pāpaṃ mahadbhavet || 272 ||
[Analyze grammar]

khaṭvāmāsthāya yaśśete vartamāne tadutsave |
āsīnasthsita evātra sa yāmīryātanā vrajet || 273 ||
[Analyze grammar]

deveśābhimukhaṃ gatvā na kuryādyo namaskriyām |
sa pāpiṣṭhataro loke niṣkṛtirnāsya vidyate || 274 ||
[Analyze grammar]

utkramiṣyanti yatprāṇāḥ prāṇade samupasthite |
pratyudthānābhivādābhyāṃ punastānpratipādayet || 275 ||
[Analyze grammar]

sarveṣāṃ prāṇabhūto'sau bhagavān hariravyayaḥ |
prāṇinaścetanāssarve prāṇyekaḥ prāṇado'paraḥ || 276 ||
[Analyze grammar]

anyathā cenmahādoṣaḥ saṃkṣuphyante ca mānavāḥ |
ekahastapraṇāmena yatpāpaṃ na tadanyataḥ || 277 ||
[Analyze grammar]

hastau dvau nirmitau dhātrā kiṃ tena sukṛtaṃ bhavet |
prāñjalīkṛtya hastautu yāceta madhusūdanam || 278 ||
[Analyze grammar]

ya ekenaiva hastena praṇamenmandadhīrharim |
tasyahasto bhavedekaḥ paścājjanmaśatairapi || 279 ||
[Analyze grammar]

iha vai jāyate paṅgū rogī caiva na saṃśayaḥ |
kimidaṃ bahulaiścitraiḥ karaṇairdehakalpanam || 280 ||
[Analyze grammar]

yadyekaikaṃ na cettasya kaiṅkaryāyopayujyate |
kiṃ svādhīnena hastena svādhīnaṃ karma sevitum || 281 ||
[Analyze grammar]

aśaknu vānāssvātantṣahatāḥ pāpahatā hatāḥ |
ekahastapraṇāmastu parihāryo viśeṣataḥ || 282 ||
[Analyze grammar]

praṇataṃ caikahastena yastu pratyabhivādayet |
tāvubhau narakaṃ yātastayoryasmātsamāgamaḥ || 283 ||
[Analyze grammar]

devatāstādṛśaṃ mūḍhaṃ śapanti ca viśaṅkitāḥ |
purastādyastu devasya kuryādātmapradakṣiṇam || 284 ||
[Analyze grammar]

ātmanā sa bhavedvāpassa druhyedātmane budhaḥ |
purastāddevabiṃbe tu devyamaṅgalavigrahe || 285 ||
[Analyze grammar]

vartamāne tvanādṛtya na hyanyasya pradakṣiṇam |
yatra mānasikārcā syāttacca mānasikaṃ bhavet || 286 ||
[Analyze grammar]

antaryāmī ya evāste hṛdaye niṣkalo hariḥ |
sa eva sakalo bhūtvā biṃbe yatsannidhāpitaḥ || 287 ||
[Analyze grammar]

tasmātsakalapūjāyāṃ naiva kuryādvyatikramam |
na kadāpi bhavetprājña ucbhiṣṭassveṣu karmasu || 288 ||
[Analyze grammar]

viṇmūtraṃ pathi kṛtvātu śaucaṃ yāvanna cācaret |
ucchiṣṭastāvadeva syādanarhassarvakarmasu || 289 ||
[Analyze grammar]

nakharomāṇi yaścaiva keśāsthīni tathaiva ca |
kṣipettu devatāgāre sa bhavedbrahmahā naraḥ || 290 ||
[Analyze grammar]

mākṣikīṃ yonimśritya jāyate mriyate punaḥ |
sapta janmāni tatraiva vrajennarakamastataḥ || 291 ||
[Analyze grammar]

tāṃbūlaṃ carvitaṃ yastu prakṣipeddevamantire |
sa yāti narakaṃ ghoraṃ yāvadābhūtasaṃplavam || 292 ||
[Analyze grammar]

tato mukto mahāpāpī śunako'parajanmani |
saṃsthitastrīṇi janmāni vasatyeva na saṃśayaḥ || 293 ||
[Analyze grammar]

niṣṭhīvanakaro yastu mandire madhuvidviṣaḥ |
kṛmibhakṣye patedghore narake pāpakṛnnaraḥ || 294 ||
[Analyze grammar]

śleṣmātakatarurbhūtvā jāyate janmapañcakam |
mūtrayenmandire yastu keśavasya vimūḍhadhīḥ || 295 ||
[Analyze grammar]

sa mūtragartanarake patatyeva hyavākchirāḥ |
tasmānmuktasturaktādiniṃbakadrumamāsthitaḥ || 296 ||
[Analyze grammar]

janiṣyati na sandehassaptajanmasu saukarīm |
purīṣaṃ vātra kurvīta yo naro bhagavadgṛhe || 297 ||
[Analyze grammar]

sa yāti narakān ghorānparyāyeṇaikaviṃśatim |
tato muktastu pāpātmā viṣṭhāyāṃ jāyate kṛmiḥ || 298 ||
[Analyze grammar]

samīpe mandirasyāpi sakṛnmūtraṃ karoti yaḥ |
sa tiṣṭhedraurave ghore varṣāṇāmayutaṃ śatam || 299 ||
[Analyze grammar]

tato'pi manujo mukto grāmasūkarajātitām |
grāme janmaśataṃ prāpya viṣṭhābhūsūkarastathā || 300 ||
[Analyze grammar]

yastu retovisargaṃ ca kṛtvā kāmādakāmataḥ |
asnāto devatāgāramiyātsadyassa naśyati || 301 ||
[Analyze grammar]

yo yatra devatāgehe dantadhāvanamācaret |
tathā nirlekhayejjihvāṃ sa pāpī naśyati dhruvam || 302 ||
[Analyze grammar]

tailenābhyaktasarvāṅgaḥ kaṣāyodvartitastathā |
yo naraḥpraviśedgehaṃ devasya paramātmanaḥ || 303 ||
[Analyze grammar]

sa yāti gṛhagodhātvaṃ navajanmāni pañca ca |
anugamya yathā pretaṃ yāti devālayaṃ tu yaḥ || 304 ||
[Analyze grammar]

ārādhitumathecchedvāsa gacchennarāyutam |
balibhugyonitāṃ yāti janmāni subahūni vai || 305 ||
[Analyze grammar]

bharaṇaṃ tu tathā kṛtvā mṛtakasya viśeṣataḥ |
mandiraṃ na praveṣṭavyaṃ praviṣṭastu praṇaśyati || 306 ||
[Analyze grammar]

cāṇḍālīṃ yonimāśritya janmakṛnnava pañca ca |
bhaviṣyati tathā bhūyaḥ pṛthakkrūro'tha niṣṭhuraḥ || 307 ||
[Analyze grammar]

bhuktvāśrāddhaṃ paragṛhe yāyādviṣṇugṛhantu yaḥ |
arcayedvā viśeṣeṇa caṭako jāyate khalaḥ || 308 ||
[Analyze grammar]

tatra janmaśataṃ prāpya tato godhāvapurgataḥ |
chāyāmākramya yo mohādyāti viṣṇostu mandiram || 309 ||
[Analyze grammar]

pradakṣiṇamakurvanvā yastiṣṭhenmatipūrvakam |
so'pyucchiṣṭobhavenmūḍhastasya pāpaphalaṃ tvidam || 310 ||
[Analyze grammar]

tiṣsetsa kānane śūnye kaṇṭakairbahubhirvṛtaḥ |
phalapuhpādihīnaśca śmaśāne śūnyavṛkṣatām || 311 ||
[Analyze grammar]

yajña sūtramadhaḥkṛtya karṇe kṛtvā viśeṣataḥ |
apasavyaṃ ca dhṛtvaiva dhṛtvā caiva nivītavat || 312 ||
[Analyze grammar]

na gaccheddevatāgāraṃ na vā muktaśikho naraḥ |
akacchaḥ pucchakacchaśca nagnaḥ kaupīnamātṛdhṛk || 313 ||
[Analyze grammar]

riktahastaśśūnyaphālastyaktasaṃvyāna eva ca |
khādannapi ca tāṃbūlamupahārādi bhakṣayan || 314 ||
[Analyze grammar]

devālayaṃ viśennaiva tasya pāpaṃ mahadbhavet |
durācāro hi puruṣo nehāyurvindate mahat || 315 ||
[Analyze grammar]

trasyanti cāsya bhūtāni tathā paribhanantica |
tasmādācāravāneva kuryādvaivaidikīḥ kriyāḥ || 316 ||
[Analyze grammar]

api pāpaśarīrasya ācāro hantyalakṣaṇam |
ācāralakṣaṇo dharmaḥ santaścāritralakṣaṇāḥ || 317 ||
[Analyze grammar]

sādhūnāṃ ca yathāvṛttametadācāralakṣaṇam |
apyadṛṣṭaṃ śravādeva puruṣaṃ dharmacāriṇam || 318 ||
[Analyze grammar]

svāni karmāṇi kurvāṇaṃ taṃ janāḥ kurvate priyam |
ye nāstikā niṣkriyāśca guruśāstrātilaṅghinaḥ || 319 ||
[Analyze grammar]

adharmajñā durācārāste bhavantigatāyuṣaḥ |
viśīlā dharmamaryādā nityaṃ saṃkīrṇamaithunāḥ || 320 ||
[Analyze grammar]

alpāyuṣo bhavantīhanarā nirayagāminaḥ |
loṣṭhamardī tṛṇacchedī nakhakhādī ca yo naraḥ || 321 ||
[Analyze grammar]

nityocchiṣṭassaṃkusuko nehayurvindate kvacit |
viṣṇusthānasamīpasthānviṣṇusevārthamāgatān || 322 ||
[Analyze grammar]

śvapacānpatitānvāpi spṛṣṭvā na snānamācaret |
utsave vāsudevasya yaḥsnāti sparśaśaṅkayā || 323 ||
[Analyze grammar]

svargasthāḥ pitarastasya patanti narake'śucau |
pibetpādodakaṃ viṣṇorgurūṇāṃ vā viśeṣataḥ || 324 ||
[Analyze grammar]

tatra nācamanaṃ kuryāttadvatsome dvijottamaḥ |
anyadevārthasandiṣṭhaiḥ pūjayeyuśca ye harim || 325 ||
[Analyze grammar]

saptajanmāni pañcāpi muḍūkatvaṃ vrajanti te |
janmadvayantu vai mūḍhāśśūdratāṃ yānti te narāḥ || 326 ||
[Analyze grammar]

kusumānāṃ nivedyāhaṃ gandhamāghrāti yo naraḥ |
sa pūtigandhasaṃyuktaḥ kuṣṭhī caiva bhaveddhruvam || 327 ||
[Analyze grammar]

tadante trīṇi janmāni tādṛśāni bhavantyuta |
jātakaṃ mṛtakaṃ vāpi yasyāśaucaṃ vidhīyate || 328 ||
[Analyze grammar]

anarhassarvakarmabhyo sa neyāddevatā gṛham |
puṃprasūtau smṛtaṃ pūrvaissāpiṇḍyaṃ saptapūruṣam || 329 ||
[Analyze grammar]

kanyakājanane tadvatsāpiṇḍantu tripūruṣam |
vratināṃ satriṇāṃ tadvadyatīnāṃ brahmacāriṇām || 330 ||
[Analyze grammar]

nāśaucaḥ kathyate prājñairyathā śātātapo'bravīt |
vratasaṃkalpamātreṇa vratitvaṃ vratino bhavet || 331 ||
[Analyze grammar]

vṛtamātrastathartvikca satre satrī prakīrtitaḥ |
kāṣāyadaṇḍamātreṇa yatitvañca yatermatam || 332 ||
[Analyze grammar]

upanīto vasenmā vā tathā gurukule kramāt |
brahmādhyeti nacādhyeti brahmacārī kumārakaḥ || 333 ||
[Analyze grammar]

rājājñākāriṇāṃ tadvadrājñāṃ ca snātakasya car |
idṛśānāmathānyeṣāmatrāstarbhāvariritaḥ || 334 ||
[Analyze grammar]

na kuryācca namaskāraṃ naiva pratyabhivādayet |
nār'payedupahārāṃśca tīrthādīnnāpi sevate || 335 ||
[Analyze grammar]

āśaucī brāhmaṇo yastu mohāddevaṃ prapūjayet |
saptajanmasu dāridṣamatyantaṃ samavāpnuyāt || 336 ||
[Analyze grammar]

śvānayoniśataṃ prāpya tataścaṇḍālatāmiyāt |
yobhuktvā devatāgāre nikṣipyocchiṣṭamatra tu || 337 ||
[Analyze grammar]

gacchedanyatra vā prāsyātsopi mūḍho vipadyate |
yastu devagṛhadvāre prasārya caraṇau kvacit || 338 ||
[Analyze grammar]

śete nidrāti sammohātsa yāti narakāyutam |
punaśca janma saṃprāpya nīcayoniṣvanekaśaḥ || 339 ||
[Analyze grammar]

yātanāścānubhūyeva daurbrāhmaṇyaṃ vrajettu saḥ |
yastu devagṛhe mūḍhaśsayīta madamohitaḥ || 340 ||
[Analyze grammar]

tatrocchiṣṭanidhānena bhṛśaṃ niśśvāsamārutaiḥ |
durgandhī jāyate martyojāyate janmapañcakam || 341 ||
[Analyze grammar]

tatassūkaratāṃ prāpya janmāni nava pañca ca |
kliśyate bahubhiḥ kaṣṭairna śayīta harergṛhe || 342 ||
[Analyze grammar]

upadhānādisahitaṃ ya stalpamadhitiṣṭhati |
devālaye viśeṣeṇa prākāre vāpi mūḍhadhīḥ || 343 ||
[Analyze grammar]

sa bhaveddurbhagaścaiva sarpayauniṣu jāyate |
sapta pañca ca janmāni tato mānuṣatāṃ vrajet || 344 ||
[Analyze grammar]

śayīta devatāgehe vyādhito yastu durmatiḥ |
sa bhaveddurmanā dīno pretya ceha ca janmani || 345 ||
[Analyze grammar]

yaḥstriyā sahito mūḍhaśśayīta bhagavadgṛhe |
sa bhavedduritaṣṣaṇḍassaptajanmāni pañca ca || 346 ||
[Analyze grammar]

yogibhiryogasiddhyarthamabhyasyante viśeṣataḥ |
āsanāni tvasaṃkhyāni devāgāre na cācaret || 347 ||
[Analyze grammar]

mantrayogaparaistadvallayayogaparāyaṇaiḥ |
haṭhayogibhiretāni kriyante rājayogibhiḥ || 348 ||
[Analyze grammar]

svastikaṃ sarvatobhadraṃ siddhaṃ siṃhāsanaṃ tathā |
savyaṃ khūlaṃ sukhaṃ caiva gomukhaṃ garuḍaṃ tathā || 349 ||
[Analyze grammar]

mayūraṃ matsyamatsyendraṃ maṇḍūkaṃ mudgaraṃ mṛgam |
kuñjaraṃ kukkuṭaṃ nāgaṃ kāṣṭhaṃ kraiñcaṃ ca kūrmakam || 350 ||
[Analyze grammar]

khaḍgaṃ ca kāmadahanaṃ vaiyāghraṃ veṇukāsanam |
yonyāsanaṃ vāsakaṃ ca dhīraṃ padmāsanaṃ tathā || 351 ||
[Analyze grammar]

vārāhaṃ caiva paryaṅkaṃ patagāsanameva ca |
tripadaṃ hastikarṇaṃ ca hemamardhāsanaṃ tathā || 352 ||
[Analyze grammar]

ityādīnā māsanā nāmaśītiśca turuttarā |
anyāni śāstrasiddhāni yāni santi viśeṣataḥ || 353 ||
[Analyze grammar]

tānyāsthāyi tu devāgreno patiṣṭheta buddhimān |
bhuñjīyāddevatāgāre yaḥ pāpassa tu durmanāḥ || 354 ||
[Analyze grammar]

kukṣirogārdito bhūtvā janmāni daśa pañca ca |
tatassṛgālatāṃ prāpya pateddhi narake'śucau || 355 ||
[Analyze grammar]

yo vā mūḍhamatirmohātkārayeddvijabhojanam |
devāgāre viśeṣeṇa sa bhavennindito janaḥ || 356 ||
[Analyze grammar]

garbhāgāre cāntarāle tathā caivārdhamaṇḍape |
mahāmaṇḍapamadhye ca nānnamadyādviśeṣataḥ || 357 ||
[Analyze grammar]

annaṃ pātre vinikṣipya puṭapatrādinirmite |
āpośanaṃ tu kṛtvaiva yadadyādbhojanaṃ tutat || 358 ||
[Analyze grammar]

na devatāprasādasya gṛhītasyāñjalau tathā |
na caivāpośanaṃ kuryātkuryāccettadasammatam || 359 ||
[Analyze grammar]

yastu pānīyapātrāṇi pītānyatra tu vinyaset |
sa gacchennarakān krūrānyāvanta udabindavaḥ || 360 ||
[Analyze grammar]

pātre tiṣṭhanti śaradastāvatīrnātra saṃśayaḥ |
niveditaṃ tu devasya devasyāgre viśeṣataḥ || 361 ||
[Analyze grammar]

pradadyāttu krameṇaiva varṇāśramavidhānataḥ |
aśnantibhaktāssarve'pigṛhītvaivāṃjalau punaḥ || 362 ||
[Analyze grammar]

brahmaṇyadevamuddiśya puruṣaṃ brāhmaṇapriyam |
nārāyaṇamanādyantaṃ viṣṇuṃ sarveśvareśvaram || 363 ||
[Analyze grammar]

brāhmaṇānbhojayedyastu karmasādguṇyasiddhaye |
tathā niṣkṛtiniṣpattyaiśāstroktena vidhānataḥ || 364 ||
[Analyze grammar]

kārayennoktadeśeṣu kadāpi dvijabhojanam |
yastvannaṃ dāpayedvipro dvijebhyo bhaktisaṃyutaḥ || 365 ||
[Analyze grammar]

niveditaṃ tu devasya saṃtuṣṭyaisvasya tasya ca |
tasya tuṣyati deveśa ādātā tu vipadyate || 366 ||
[Analyze grammar]

dātustu sakalaṃ pāpaṃ manovākkāyakarmabhiḥ |
bahuśassaṃcitaṃ pūrvamādātā samavāpnuyāt || 367 ||
[Analyze grammar]

prasādo'pihi devasya parapākaruciṃ naram |
na jātu pāvayennaiva pāvayetpāvayenna tu || 368 ||
[Analyze grammar]

yadṛcchālābhasaṃtuṣṭaṃ yathā bhaktavaraṃ tathā |
mahimānaṃ prasādasya yo'vajānāti mūḍhadhīḥ || 369 ||
[Analyze grammar]

tena bhuktaṃ bhavetpāpaṃ dātureva na saṃśayaḥ |
ayutaṃ brāhmaṇānāntu tarpayitvātu yatphalam || 370 ||
[Analyze grammar]

tatphalaṃ naśyati kṣipramucchiṣṭasya kaṇena tu |
athānnavikrayedoṣaḥ kathyate vidhivittamaiḥ || 371 ||
[Analyze grammar]

annavikrayiṇaḥ pāpā vrajanti yamayātanāḥ |
pretya sṛgālatāṃ yānti nava janmāni pañca ca || 372 ||
[Analyze grammar]

yastvannaṃ bhagavadgehe vikrīṇāti viśeṣataḥ |
caṇḍālo jāyate pretya kṣudhitaśca carenmuhuḥ || 373 ||
[Analyze grammar]

vikrīṇate tu ye viprā vāṇijye dattacakṣuṣaḥ |
ye'pyannamupahārādi cetaraddevamandire || 374 ||
[Analyze grammar]

te'pi yānti mahāghoraṃ narakaṃ bhṛśadāruṇam |
yatra naivabhaveṣyanti pālīyāyodabindavaḥ || 375 ||
[Analyze grammar]

kaṇamannasya vāna syāttapyante tatra te janāḥ |
ye gṛhītvā tadannādi bhuñjate kṣudhitā janāḥ || 376 ||
[Analyze grammar]

upakurvantiye vā tānucyante'bhakṣyabhojanāḥ |
annaṃ prāṇā manuṣyāṇāṃ sarvamanne pratiṣṭhitam || 377 ||
[Analyze grammar]

annaṃ brahmātmakaṃ vindyādvindyādannamayīṃ tanum |
annaṃ vikrīṇate ye tu prāṇavikrayiṇaḥ smṛtāḥ || 378 ||
[Analyze grammar]

tasmātsarvaprayatnena tyajettatkraya vikrayau |
na kuryāddevatā gehe'bhyudayaṃ śrāddhabhojanam || 379 ||
[Analyze grammar]

kuryānna cāpi śrāddhādīnvihāyāpi dvijāśanam |
tasmātsarvaprayatnena nāśnīyāddharimandire || 380 ||
[Analyze grammar]

mudhā saṃbhāṣate yastu praviśya harimandiram |
sa nidhiṃ puratassiddhaṃ tyaktvā bhikṣati kākiṇīm || 381 ||
[Analyze grammar]

yastu saṃbhāṣate vyarthaṃ devālayamupāśritaḥ |
siddhamannaṃ parityajya bhikṣāmaṭati durjanaḥ || 382 ||
[Analyze grammar]

yanmuhūrtaṃ kṣaṇaṃ vāpi paramātmāna cintyate |
sā hānistanmamahacchidraṃ sā bhrāntissā tu vikriyā || 383 ||
[Analyze grammar]

dasyubhirmuṣiteneva dagdheneva davāgninā |
vyādhibhiḥpīḍiteneva cākṛṣṭeneva mṛtyunā || 384 ||
[Analyze grammar]

bhītenevottamarṇena dharṣiteneva rājabhiḥ |
magneneva mahāsiṃdhau hateneva ca vātyayā || 385 ||
[Analyze grammar]

saṃpiṣṭeneva pāṣāṇairākrandedyassa mucyate |
santyanekā pradeśāśca samayāśca viśeṣataḥ || 386 ||
[Analyze grammar]

lokayātrāviniṣpattyai dehayātropayoginaḥ |
tasmāddevagṛhaṃ gatvā naro nānyaparo bhavet || 387 ||
[Analyze grammar]

yatprasaṃge harernāma tanmamahattvaṃ ca nāpyate |
sa sarvo'pi mudhā proktomithyetyeke vadantitam || 388 ||
[Analyze grammar]

na hi devasya purataḥ kvacidapyanṛtaṃ vadet |
satyasvarūpī bhagavān satyaṃ tasmaina gūhayet || 389 ||
[Analyze grammar]

satyameva paraṃ brahma satyameva paraṃ tapaḥ |
satyameva paro yajñassatyameva paraṃ śrutam || 390 ||
[Analyze grammar]

satyaṃ deveṣu jāgarti satyaṃ dharmataroḥ phalam |
tapoyajñaśca puṇyaṃ ca devarṣipitṛpūjanam || 391 ||
[Analyze grammar]

ādyo vidhiśca vidyā ca sarvaṃ satye pratiṣṭhitam |
satyaṃ yajñantathā vedāssatyā devī sarasvatī || 392 ||
[Analyze grammar]

vratacaryā tathā satyamoṅkārassatyameva ca |
satyena vāyurāvāti satyenār'kaḥ prakāśate || 393 ||
[Analyze grammar]

dahatyagniśca satyena yāyātsatyena sadgatim |
parjanyo dharaṇībhāge satyenāpaḥ pravarṣati || 394 ||
[Analyze grammar]

svādhyāyassarvavedānāṃ sarvatīrthāvagāhanam |
satyaṃ tu vadato loke tulitaṃ syānna saṃśayaḥ || 395 ||
[Analyze grammar]

aśvamedhasahasraṃ ca satyaṃ ca tulayā kṛtam |
aśvamedhasahasrāttu bhārassatye viśiṣyate || 396 ||
[Analyze grammar]

satyena devāḥ prīṇanti pitaro brāhmaṇāstathā |
satyamāhuḥparaṃ dharmaṃ satyamāhuḥ paraṃ padam || 397 ||
[Analyze grammar]

satyamāhuḥ paraṃ brahma tasmātsatyaṃ na lobhayet |
ye satyaniratāssatyaśapathāssatyavikramāḥ || 398 ||
[Analyze grammar]

mahatmāno muniśreṣṭhāste parāṃ siddhimāpnuvan |
daivataissaha modante svarge satyaparāyaṇāḥ || 399 ||
[Analyze grammar]

apcarogaṇasaṃkīrṇairvimānaissaṃcaranti ca |
vaktavyaṃ ca sadā satyaṃ na satyādvidyate param || 400 ||
[Analyze grammar]

agodhe vimale śuddhe satyatīrthe śucihrade |
snātavyaṃ manasā yuktaistatsnānaṃ paramaṃ smṛtam || 401 ||
[Analyze grammar]

devārthe vā parārthe vā putrārthe vā'tmane tathā |
ye'nṛtaṃ nābhibhāṣante te svargaṃ yāntimānavāḥ || 402 ||
[Analyze grammar]

yassatyavādī puruṣo nānṛtaṃ paribhāṣate |
saṃprāpya virajān lokānuṣitvā śāśvatīssamāḥ || 403 ||
[Analyze grammar]

bhagavadbhaktimuktānāṃ jāyate śrīmatāṃ kule |
sākṣiṇassantisarvete devatā bhāskarādayaḥ || 404 ||
[Analyze grammar]

parīkṣante ca sarvāsu daśāsu puruṣaṃ sadā |
na vācyamanṛtaṃ tasmātprāṇaiḥ kaṇṭhagatairapi || 405 ||
[Analyze grammar]

ye'nṛtaṃ bruvate mūḍhāśśapathāni ca kurvate |
devāgāre viśeṣeṇa te praṇaśyanti sānvayam || 406 ||
[Analyze grammar]

punarjanmaśataṃ yānti kīṭaḍayoniṣvanekaśaḥ |
gītavāditranṛttādīnpuṇyākhyānakathāśca ye || 407 ||
[Analyze grammar]

lopayantyatha pāruṣyairmandire madhuvidviṣaḥ |
te yānti narakaṃ pāpā jāyante nīcayoniṣu || 408 ||
[Analyze grammar]

tathā te'pi durātmāno gārdabhīṃ yonimāpnuyuḥ |
tathānte krūrā nava janmāni pañca ca || 409 ||
[Analyze grammar]

anibaddhapralāpānye kurvate devamandire |
te'pi tittiritāṃ bhūtvā jāyante janmapañcakam || 410 ||
[Analyze grammar]

devabhāṣāṃ parityajya deśabhāṣāsu yo naraḥ |
stuvīta devatāgehe devasyāgre viśeṣataḥ || 411 ||
[Analyze grammar]

tasya doṣomahānāśu naiva pūjāphalaṃ bhavet |
asārāṇi tu śāstrāṇi bhūyāṃsi pṛthivītale || 412 ||
[Analyze grammar]

yatra devasya mahātmyakathanaṃ na prapañcyate |
teṣu śāstreṣu ye jātāśśāstrārthāśca viśeṣataḥ || 413 ||
[Analyze grammar]

vādāśca prativādāśca saṃskārāssarva eva hi |
citraśilpā na saṃdeho narastena na mucyate || 414 ||
[Analyze grammar]

sā vidyā yā hariṃ stauti sā kriyā yattadarcanam |
yā nyā yadanyadakhilaṃ duṣṭodarkā hi jīvikā || 415 ||
[Analyze grammar]

na hi devagṛhaṃ gatvā śāstrārthairnī rasairnaraḥ |
muhūrtaṃ kṣapayetkālaṃ taddevasya vimānanā || 416 ||
[Analyze grammar]

viśālaṃ vāṅmayaṃ sarvaṃ sṛṣṭvā sraṣṭā hariḥ prabhuḥ |
tadantassaṃpraviśyaiva vācyavācakabhedataḥ || 417 ||
[Analyze grammar]

vijñānāya manuṣyāṇāṃ vijñānaghanavigrahaḥ |
sadopakurute yasmātsarve bhaktavarāḥ sadā || 418 ||
[Analyze grammar]

sarvā vāco vimucyānyāścintayānāśca sādaram |
tanmahattvakathāgandhadaridraṃ vācanaṃ tathā || 419 ||
[Analyze grammar]

pāṭhanaṃ lekhanādyaṃ ca naiva kuryādgṛhe hareḥ |
sa bhavedakṣaradroṅī yastu kuryādvyatikramam || 420 ||
[Analyze grammar]

druhyetsa vāṅmayāyāpi tasmādyuktataro bhavet |
yastu devagṛhaṃ gatvā roditi praṇayādyathā || 421 ||
[Analyze grammar]

duḥkhitaḥ stauti vā devaṃ tatsyānmānasikaṃ malam |
nirvāṇaparamaṃ sthānaṃ mlānena manasā tu yaḥ || 422 ||
[Analyze grammar]

sevate sa na jānāti tadviṣṇoḥ paramaṃ padam |
nārī vā puruṣo vāpi gatvā devagṛhaṃ kvacit || 423 ||
[Analyze grammar]

na rodetpātayennāśru naivānyaṃ rodayedapi |
yāvantyaśrūṇi rudatāṃ pateyurdevamandire || 424 ||
[Analyze grammar]

tāvantyabdasahasrāṇi te vasanti yamālaye |
anubhūya punastatra yātanāstīvracodanāḥ || 425 ||
[Analyze grammar]

prāpya tittiritāṃ kālaṃ vasiṣyanti ciraṃ bhuvi |
naivātra hiṃsāṃ kurvīta prāṇināṃ duḥkhadāṃ kvacit || 426 ||
[Analyze grammar]

ahiṃsā vaidikaṃ karma dhyānamindriyanigrahaḥ |
tapo'tha guruśuśrūṣā dharmadvārāṣṣaḍīritāḥ || 427 ||
[Analyze grammar]

ahiṃsāpāśrayaṃ dharmaṃ dānto vidvān samācaret |
trīdaṇḍaṃ sarvabhūteṣu nidhāya puruṣaśśuciḥ || 428 ||
[Analyze grammar]

kāmakrodhau ca saṃyamya tataḥ siddhimavāpnu te |
ahiṃsakāni bhūtāni daṇḍena vinihantiyaḥ || 429 ||
[Analyze grammar]

ātmanassukhamanvicchan sa pretya na sukhī bhavet |
ātmopamastu bhūteṣu yo vaibhavati pūruṣaḥ || 430 ||
[Analyze grammar]

tyaktadaṇḍo jitakrodhassa pretya sukhamedhate |
sarvabhūtātmabhūtasya sarvabhūtāni paśyataḥ || 431 ||
[Analyze grammar]

muhyanti mārge devāśca hyapadasya padaiṣiṇaḥ |
na tatparasya saṃdadhyātpratikūlaṃ yadātmanaḥ || 432 ||
[Analyze grammar]

eṣa sāṃgrāhiko dharmaḥkāmādanyaḥ pravartate |
prakhyāpane ca dāne ca sukhaduḥkhe priyāpriye || 433 ||
[Analyze grammar]

ātmauvamyena puruṣaḥ pramāṇamadhigacchati |
ṛṣayo brāhmaṇā devāḥ praśaṃsanti viśeṣataḥ || 434 ||
[Analyze grammar]

ahiṃsālakṣaṇaṃ dharmaṃ vedaprāmāṇyadarṇanāt |
karmaṇā na naraḥ kurvan hiṃsāṃ jātu vicakṣaṇaḥ, || 435 ||
[Analyze grammar]

vācā ca manasā caiva tato duḥkhātpramucyate |
caturvidheyaṃ nirdiṣṭā hyahiṃsā brahmavādibhiḥ || 436 ||
[Analyze grammar]

ekaikato'pi vibhraṣṭā na bhavennātra saṃśayaḥ |
yathā sarvaścatuṣpādvai tribhiḥ pādairna tiṣṭhati || 437 ||
[Analyze grammar]

tathaiveyaṃ viśeṣeṇa kāraṇaiḥ procyate tribhiḥ |
yathā nāgapade'nyāni padāni padagāminām || 438 ||
[Analyze grammar]

sarvāṇyevāpidhīyante padajātāni kaiñjare |
evaṃ lokeṣvahiṃsā tu nirdiṣṭādharmataḥ purā || 439 ||
[Analyze grammar]

na hyatassadṛśaṃ kiñcidihaloke paratra ca |
yatsarveṣviha bhūteṣu dayāhiṃsātmikā tu yā || 440 ||
[Analyze grammar]

na bhayaṃ vidyate jātu narasyeha dayāvataḥ |
dayāvatāmime lokāḥ paratrāpi tapasvinām || 441 ||
[Analyze grammar]

abhayaṃ sarvabhūtebhyo yo dadāti dayāparaḥ |
abhayaṃ sarvabhūtāni dadatīti jagau śrutiḥ || 442 ||
[Analyze grammar]

kṣataṃ ca patitaṃ caiva skhalitaṃ klinnamāhatam |
sarvabhūtāni rakṣanti sameṣu viṣameṣu ca || 443 ||
[Analyze grammar]

nainaṃ vyālamṛgā ghnanti na piśācā na rākṣasāḥ |
mucyate bhayakāleṣu mokṣayedyo bhaye parān || 444 ||
[Analyze grammar]

prāṇadānātparaṃ dānaṃ na bhūtaṃ na bhaviṣyati |
na hyātmanaḥ priyakaraṃ kiṃ cidastīha niścitam || 445 ||
[Analyze grammar]

aniṣṭaṃ sarvabhūtānāṃ maraṇaṃ nāma kathyate |
mṛtyukāle hi bhūtānāṃ sadyo jāyeta vepathuḥ || 446 ||
[Analyze grammar]

vyādhijanmajarāduḥkhairnityaṃ saṃsārasāgare |
jantavaḥ parivartante maraṇādudvijanti ca || 447 ||
[Analyze grammar]

garbhavāseṣu pacyante kṣārāmlakaṭukai rasaiḥ |
mūtrasvedapurīṣāṇāṃ paruṣairbhṛśadāruṇaiḥ || 448 ||
[Analyze grammar]

jātāścāpyavaśāstatra chidyamānāḥ punaḥ punaḥ |
hanyamānāśca dṛśyante vivaśā ghātukā narāḥ || 449 ||
[Analyze grammar]

kuṃbhīpākeca pacyantetāṃ tāṃ yonimupāgatāḥ |
ākramya māryamāṇāśca trāsyantyanye punaḥ punaḥ || 450 ||
[Analyze grammar]

nātmano'sti priyatamaḥ pṛthivīmanusṛtya ha |
tasmātrāṇeṣu sarveṣu dayāvānātmavānbhavet || 451 ||
[Analyze grammar]

yena yena śarīraṇa yadyatkarmakaroti yaḥ |
tena tena śarīraṇa tattatphalamupāśnute || 452 ||
[Analyze grammar]

ahiṃsā paramo dharmastathāhiṃsā paro damaḥ |
ahiṃsā paramaṃ dānamahiṃsā paramaṃ tapaḥ || 453 ||
[Analyze grammar]

ahiṃsā paramo yajñastathāhiṃsā paraṃ phalam |
ahiṃsā paramaṃ mitramahiṃsā paramaṃ sukham || 454 ||
[Analyze grammar]

sarvayajñeṣu vā dānaṃ sarvatīrtheṣu vā plutam |
sarvadānaphalaṃ vāpi naitattulyamahiṃsayā || 455 ||
[Analyze grammar]

ahiṃsrasya tapo'kṣayyamahiṃsro jayate sadā |
ahiṃsrassarvabhūtānāṃ yathā mātā yathā pitā || 456 ||
[Analyze grammar]

tasmādahiṃsrassatatamupavāsa vrataṃ caret |
phalamaṅgirasāproktamupavāsasya vistarāt || 457 ||
[Analyze grammar]

trirātraṃ pañcarātraṃ vā saptarātramathāpi vā |
dhānyānyapi na hiṃseta yassa bhūyādahiṃsakaḥ || 458 ||
[Analyze grammar]

nāśnāti yāvato jīvastāvatpuṇyena yajyate |
āhārasya viyogena śarīraṃ paritapyate || 459 ||
[Analyze grammar]

tapyamāne śarīre tu śarīre cendriyāṇi tu |
tiṣṭhanti svavaśe tasya nṛpāṇāmiva kiṅkarāḥ || 460 ||
[Analyze grammar]

niruṇaddhīndriyāṇyeva sa sukhī sa vicakṣaṇaḥ |
indriyāṇāṃ nirodhena dānena ca damena ca || 461 ||
[Analyze grammar]

narassarvamavāpnoti manasā yadyadicchati |
evaṃ mūlamahiṃsāyā upavāsaḥ prakīrtitaḥ || 462 ||
[Analyze grammar]

kāmānyānyānnaro bhaktyā manasecchati mādhavāt |
vratopavāsanātprītastānprayacchatyasau hariḥ || 463 ||
[Analyze grammar]

māse māse tathaikasminnekasminniyataṃ caret || 464 ||
[Analyze grammar]

upavāsavratamidaṃ tasyānantaṃ phalaṃ bhavet |
ekādaśyāṃ nirāhārassaṃpūjya harimavyayam || 465 ||
[Analyze grammar]

tatpādasalilaṃ tadvattulasīṃ ca tadarpitāmā |
pītvā ca bhakṣayitvā ca upavāsavrataṃ caret || 466 ||
[Analyze grammar]

upavāsadine yastu tīrdhaṃ śrītulasīyutam |
na prāśnīyādvimūḍhātmā rauravaṃ narakaṃ vrajet || 467 ||
[Analyze grammar]

na hi devagṛhaṃ gatvā vivadeta naraḥ kvacit |
na tatsthānaṃ vivādasya tasmāttaṃ dūrata styajet || 468 ||
[Analyze grammar]

mano'navasthitaṃ yasya sa nālaṃ pūjitaṃ harim |
yasyaiva nirmalaṃ cittaṃ sor'hassarveṣu karmasu || 469 ||
[Analyze grammar]

rāgādyapetaṃ hṛdayaṃ vāgaduṣṭānṛtādinā |
hiṃsādirahitaḥ kāyaḥ keśavārādhane trayam || 470 ||
[Analyze grammar]

rāgādidūṣite cittaṃ nāspadaṃ kurute hariḥ |
na badhnāti padaṃ haṃsaḥ kadācitkardamāṃbhasi || 471 ||
[Analyze grammar]

na yogyā mādhavaṃ stotuṃ vāgduṣṭā cānṛtādinā |
tamaso nāśanāyālaṃ meghacchannona candrayāḥ || 472 ||
[Analyze grammar]

hiṃsādidūṣitaḥ kāyaḥ prabhavennārcane hareḥ |
janacittaprasādāya yathā kāśastamovṛtaḥ || 473 ||
[Analyze grammar]

manodoṣavihīnānāṃ na doṣassyātkathaṃ ca na |
anyathāliṅgyate kāntā snehena duhitānyathā || 474 ||
[Analyze grammar]

yateśca kāmukānāṃ ca yoṣidrūbe'nyathā matiḥ |
aśikṣayaiva manasaḥ prāyo lokaśca vañcyate || 475 ||
[Analyze grammar]

lāletyudvijate loko vaktrāsava iti spṛhā |
viśuddhaiḥ karaṇaistasmādvrajeddevagṛhaṃ naraḥ || 476 ||
[Analyze grammar]

vivādaḥ krodhajo yasmāttasmāttaṃ parivarjayet |
kruddhaḥ pāpaṃ na kuryātkaḥ kruddho hanyādgurūnapi || 477 ||
[Analyze grammar]

kruddhaḥ paruṣayā vācā narassādhūnadhikṣipet |
sādhusajjanasantāpaḥ sādhūnāṃ ca vimānanā || 478 ||
[Analyze grammar]

dahatyāsaptamaṃ tasya kulaṃ nātra vicāraṇā |
vācyāvācyaṃ prakupito na vicānāti karhi cit || 479 ||
[Analyze grammar]

nākāryamaste kruddhasya nāvācyaṃ vidyate kvacit |
yassamutpatitaṃ krodhaṃ kṣamayā tu nirasyati || 480 ||
[Analyze grammar]

yathoragastvacaṃ jīrṇāṃ sa vai puruṣa ucyate |
te mānyāḥpuruṣaśreṣṭhāḥ kṣamayā krodhamuddhitam || 481 ||
[Analyze grammar]

nirvāpayante ye nityaṃ dīptamagnimivāṃbhasā |
parāpavādaṃ na brūyānnāpriyaṃ ca kadā cana || 482 ||
[Analyze grammar]

na manyuḥ kaścidutpādyo mahatāṃ devasannidhau |
svayaṃ dattāvadhānastu devakārye viśeṣataḥ || 483 ||
[Analyze grammar]

manyeta bhagavatsarge svātmānaṃ cāpyakiñcanam |
sa eva bhagavāndevassarvajñaḥ sarvaśaktiyuk || 484 ||
[Analyze grammar]

sarveśassarvavitsarvonigrahānugrahe rataḥ |
tasmānnānyasya jātvasti śaktiḥ krodhaprasādayoḥ || 485 ||
[Analyze grammar]

iti saṃcintya bhūyo'pi sarveṣvapi ca jantuṣu |
bhagavatsannidhau sthitvā ānṛśaṃsyaṃ prayojayet || 486 ||
[Analyze grammar]

yadyadbhāvi bhavadbhūtaṃ vidyāttattasya ceṣṭhitam |
yadyahaṅkāramāśritya svātantṣamadamohitaḥ || 487 ||
[Analyze grammar]

nigrahe'nugrahe vāpi śaktiṃ svasyāvabodhayet |
sa yāti narakaṃ ghoraṃ na daivaṃ tasya mṛṣyati || 488 ||
[Analyze grammar]

tathā strīṇāṃ viśeṣaṇa tyājyā syādatisaṃgatiḥ |
devatāmandiraṃ prāpya kāleṣvanyeṣu vā tathā || 489 ||
[Analyze grammar]

āyuryaśastapohāniḥ puṃsāṃ strīṣvatisaṃginām |
puruṣeṣvatisaktānāṃ tulyā sā yoṣitāmapi || 490 ||
[Analyze grammar]

kulīnā rūpavatyaśca nāthavatyaśca yoṣitaḥ |
maryādāsu sa tiṣṭhanti sa doṣaḥ strīṣu garhitaḥ || 491 ||
[Analyze grammar]

na strībhyaḥ paramanyadvai pāpīyastaramasti vai |
striyo hi mūlaṃ doṣāṇāṃ sarveṣāṃ nātra saṃśayaḥ || 492 ||
[Analyze grammar]

samājñātānṛddhimataḥ pratirūpānva śesthitān |
patīnantaramāsādya nālaṃ nāryaḥ parīkṣitum || 493 ||
[Analyze grammar]

asaddharmastvayaṃ strīṇāṃ prāyeṇa hi bhavedbhuvi |
pāpīyaso narānyadvai tyaktalajjā bhajantitāḥ || 494 ||
[Analyze grammar]

strīyaṃ hi yaḥ prārthayate sannikarṣaṃ ca gacchatir |
iṣacca kurute sevāṃ tamevecchanti yoṣitaḥ || 495 ||
[Analyze grammar]

anarthitvānmanuṣyāṇāṃ bhayātparijanasya ca |
maryādāyāmamaryādāḥ strīyastiṣṭhanti bhartṛṣu || 496 ||
[Analyze grammar]

nāsāṃ kaścidagamyo'stināsāṃ vayasi saṃsthitiḥ |
rūpavantaṃ virūpaṃ vā pumānityeva bhuñjate || 497 ||
[Analyze grammar]

na bhayānnāpyanukrośnānnār'thahetoḥ kathaṃ ca na |
na jñātikulasaṃbandhāttsriyastiṣṭhanti bhartṛṣu || 498 ||
[Analyze grammar]

yauvane vartamānānāṃ mṛṣṭābharaṇavāsasām |
nārīṇāṃ svairavṛttīnāṃ spṛhayanti kulastrīyaḥ || 499 ||
[Analyze grammar]

yāśca śasvadbahumatā rakṣyante dayitāḥstrīyaḥ |
api tāḥ saṃprasajjante kubjāndhajūvāmanaiḥ || 500 ||
[Analyze grammar]

paṅguṣvanyeṣu kuṣṭheṣu ye cānye kutsitā narāḥ |
strīṇāmagamyo loke'sminnāsti kaśchidihodyate || 501 ||
[Analyze grammar]

yadi puṃsāṃ gatistatra kathaṃ cinnopapadyate |
apyanyonyaṃ pravartantena hi tiṣṭhanti bhartṛṣu || 502 ||
[Analyze grammar]

duṣṭhācārāḥ pāparatā asatyā māyayā vṛtāḥ |
adṛṣṭabuddhibahulāḥ prāyeṇetyavadhāryate || 503 ||
[Analyze grammar]

alābhātpuruṣāṇāṃ hi bhayātparijanasya ca |
vadhabandhabhayāccāpi svayaṃ guptā bhavanti tāḥ || 504 ||
[Analyze grammar]

calasvabhāvā dussevyā durgrāhyā bhāvatastathā |
prājasya puruṣasyeva yathā bhāvāstathā strīyaḥ || 505 ||
[Analyze grammar]

nāgnistṛpyati kāṣṭhānāṃ nāpagānāṃ mahodadhiḥ |
nāntakassarvabhūtānāṃ na puṃsāṃ vāmalocanāḥ || 506 ||
[Analyze grammar]

rahasyamidamanyacca vijñeyaṃ sarvayoṣitām |
dṛṣṭvaiva puruṣaṃ hyanyaṃ yoniḥ praklidyate striyāḥ || 507 ||
[Analyze grammar]

kāmānāmapi dātāraṃ kartāraṃ mānasāntvayoḥ |
rakṣitāraṃ na mṛṣyanti svabhartāramasatstriyaḥ || 508 ||
[Analyze grammar]

na kāmabhogānvipulānnālaṅkārārtha saṃcayān |
tathaiva bahumanyante yathā ratyāmanugraham || 509 ||
[Analyze grammar]

antakaḥ śamano mṛtyuḥ pātālaṃ baḍabāmukham |
kṣuradhārā viṣaḥ sarpo vahnirityekataḥ striyaḥ || 510 ||
[Analyze grammar]

etā hi svīyamāyābhirvañcayantīha mānavān |
na cāsāṃ mucyate kaścitpuruṣo hastamāgataḥ || 511 ||
[Analyze grammar]

gāvo navatṛṇānīva gṛhṇantyetā navaṃ navam |
śaṃbarasya ca yā māyā yā māyā namucerapi || 512 ||
[Analyze grammar]

baleḥ kuṃbhīnaseścaiva tāssarvāyoṣito viduḥ |
hasantaṃ prahasantyetā rudantaṃ prarudanti ca || 513 ||
[Analyze grammar]

apriyaṃ priyavākyaiśca gṛhṇate kālayogataḥ |
yadi jihmā sahasraṃ syājjīvecca śaradāṃ śatam || 514 ||
[Analyze grammar]

ananyakarmā strīdoṣānanuktvā nidhanaṃ vrajet |
uśanā veda yacchāstraṃ yacca veda bṛhaspatiḥ || 515 ||
[Analyze grammar]

strībuddhyā na viśiṣyeta surakṣyā na bhavantitāḥ |
anṛtaṃ satyamityāhussatyaṃ cāpi tathānṛtam || 516 ||
[Analyze grammar]

iti yāstāḥ kathaṃ rakṣyāḥ puruṣairdurbharāḥ striyaḥ |
saṃpūjyamānāḥ puruṣairvikurvanti mano nṛṣu || 517 ||
[Analyze grammar]

apāstāśca tathā sadyo vikurvanti manaḥ striyaḥ |
na ca strīṇāṃ kriyāḥ kāściditi dharmo vyavasthitaḥ || 518 ||
[Analyze grammar]

nirindriyā hyaśāstrāśca strīyo'nṛtamiti śrutiḥ |
śayyāsanamalaṅkāramanna pānamanāryatām || 519 ||
[Analyze grammar]

durvāgarbhavaṃ ratiṃ caiva dadau strībhyaḥ prajāpatiḥ |
na tāsāṃ rakṣaṇaṃ śakyaṃ kartuṃ puṃsāṃ kathaṃ cana || 520 ||
[Analyze grammar]

api viśvakṛtā caiva kutastu puruṣairiha |
vācā ca vadhabandhairvā kleśairvā vividhaistathā || 521 ||
[Analyze grammar]

na śakyā rakṣitāṃ nāryastā hi nityamasaṃyatāḥ |
avidvāṃsamalaṃloke vidvāṃsamapi vā punaḥ || 522 ||
[Analyze grammar]

pramadāhyutpathaṃ netuṃ kāmakrodhavaśānugam |
nātaḥ paraṃ hi nārīṇāṃ vidyate ca kadā cana || 523 ||
[Analyze grammar]

yathā puruṣa saṃsargaḥ parametatphalaṃ viduḥ |
ātmacchandena vartante nāryo manmathacoditāḥ || 524 ||
[Analyze grammar]

na ca dahyanti gacchantyaḥ sutaptairapi pāṃsubhiḥ |
nānilo'gnirna varuṇo na cānye tridaśāntathā || 525 ||
[Analyze grammar]

priyāḥ strīṇāṃ yathā kāmo ratiśīlā hi yoṣitaḥ |
sahasrekila nārīṇāṃ prāpyetaikā kadā cana || 526 ||
[Analyze grammar]

tathā śatasahasreṣu yadi kācitpativratā |
naitā jānanti pitaraṃ na kulaṃ na ca mātaram || 527 ||
[Analyze grammar]

na bhrātṝnna ca bhartāraṃ na ca putrānna devarān |
līlāyantyaḥ kulaṃ ghnanti kūlānīva saridvarāḥ || 528 ||
[Analyze grammar]

strīṣvāyāsasametasya ye puṃsaśśakrabindavaḥ |
na te sukhāya mantavyāḥ svedajā iva bindavaḥ || 529 ||
[Analyze grammar]

kṛmibhistudyamānasya kuṣṭhinaḥ pāmanasya vā |
kaṇḍūyanāgnitāpābhyāṃ yatsukhaṃ strīṣu tadviduḥ || 530 ||
[Analyze grammar]

yādṛśaṃ vidyate saukhyaṃ kaṇḍūpūyavinirgame |
tādṛśaṃ strīṣu vijñeyaṃ nādhikaṃ tāsu vidyate || 531 ||
[Analyze grammar]

granthestu vedanā yadvatsphuṭitasya nivartane |
tadvatstrīṣvapi vijñeyaṃ na saukhyaṃ paramārthataḥ || 532 ||
[Analyze grammar]

varcomūtravisargāttu sukhaṃ bhavati yādṛśam |
tādṛśaṃ strīṣu vijñeyaṃ nādhikaṃ tāsu vidyate || 533 ||
[Analyze grammar]

na cāṇumātramapyeve sukhamasti vicārataḥ |
tathā devotsavādīnāṃ sevā tāsāṃ niṣidhyate || 534 ||
[Analyze grammar]

na hi svatantrato yoṣijjātu gacchetsthalāntaram |
na hi nirmimate vṛddhā līlayā devamandirān || 535 ||
[Analyze grammar]

kāmukānāṃ vilāsārthaṃ tasmādyuktataro bhavet |
anugacchetpitā bhrātā bhartā putro'tha vā yadi || 536 ||
[Analyze grammar]

tadā devagṛhaṃ yāyānnānyathā jātu kāminī |
dhyāyato viṣayānpuṃsassaṃgasteṣūpajāyate || 537 ||
[Analyze grammar]

saṃgātsaṃjāyate kāmaḥ kāmātkrodho'bhijāyate |
krodhādbhavati sammohassammohātsmṛtivibhramaḥ || 538 ||
[Analyze grammar]

smṛtibhraṃśādbuddhināśo buddhināśātpraṇaśyati |
balavānindriyagrāmo vidvāṃsamapikarṣati || 539 ||
[Analyze grammar]

tasmātstrīyā bhavedvidvānnātisaktaḥ kathaṃ cana |
tasmātstrīṣu na kartavyaḥ prasaṃgo devatākṛhe || 540 ||
[Analyze grammar]

tathaiva paradārebhyo manaḥ prahiṇuyānna ca |
paradārā na gantavyā narairṛddhimabhīpsubhiḥ || 541 ||
[Analyze grammar]

na hīdṛśamanāyuṣyaṃ loke kiṃ cana vidyate |
yādṛśaṃ puruṣasyeha paradāraniṣevanam || 542 ||
[Analyze grammar]

tādṛśaṃ vidyate kiñci danāyuṣyaṃ nṛṇāmiha |
yāvanto romakūpāḥ syuḥ strīṇāṃ gātreṣu nirmitāḥ || 543 ||
[Analyze grammar]

tāvadvarṣasahasrāṇi narakaṃ paryupāsate |
atisaṃgaṃ tyajettasmādyoṣitāṃ devamandire || 544 ||
[Analyze grammar]

yairasabhyaḥ padairarthaḥ padenaikena vā tathā |
gamyate kathanaṃ tādṛgaślīlaṃ parivarjayet || 545 ||
[Analyze grammar]

aślīlakathanāccaiva bhavedudvejanaṃ nṛṇām |
bhaktānāṃ bhagavadgehe bhaveccittamathāvilam || 546 ||
[Analyze grammar]

nivarteta manastatra niviṣṭaṃ paramātmani |
tasmādaślīlamābhāṣṭa naraḥ pāpaparo bhavet || 547 ||
[Analyze grammar]

sa tu caṇḍālatāṃ prāpya jāyate janmanāṃ śatam |
artona praviśedgehaṃ devasya paramātmanaḥ || 548 ||
[Analyze grammar]

vāyubhūte śarīre'sminvāyusaṃcārakarmaṇi |
malavāyuvisargastu devagehe viśeṣataḥ || 549 ||
[Analyze grammar]

pātayetpuruṣaṃ satyamapi vedāntapāragam |
tasmādapānagandhasya visargaṃ naiva cācaret || 550 ||
[Analyze grammar]

atha vāyunirodhetu vyādhikopo bhaviṣyati |
tasmādvāyuvisargaṃ tu kuryādevāvicārayan || 551 ||
[Analyze grammar]

iti devagṛhaṃ gantuṃ vyādhito naiva cārhati |
tathā kuṣṭhī viśeṣeṇa pāparogārditāssame || 552 ||
[Analyze grammar]

udvīkṣituṃ ca deveśaṃ mandire madhusūdanam |
arcituṃ sevituṃ cāpi dātuṃ dravyacayaṃ tathā || 553 ||
[Analyze grammar]

nārhantiyasmāttatsaktaṃ pāpaṃ sāṃkrāmikaṃ bhavet |
yadyanyathā bhavetsadyassa pāpī saṃprajāyate || 554 ||
[Analyze grammar]

janmāni nava pañcāpi jāyate malabhukkṛmiḥ |
yadā viśedgṛhaṃ viṣṇossevārdhaṃ madhuvidviṣaḥ || 555 ||
[Analyze grammar]

kṛtvopavītavatsamyaguttarīyaṃ manoharam |
seveta devadevaśamupavītaḥ sadā śuciḥ || 556 ||
[Analyze grammar]

kañcukenāvṛtāṅgastu na gaccheddharimandiram |
naivābhivādanaṃ kuryānnābhivādyaḥ sa uccate || 557 ||
[Analyze grammar]

uṣṇīṣī na ca seveta naiva pāṇau dhṛtāyudhaḥ |
vastreṇācchādya dehantukambalenetareṇa vā || 558 ||
[Analyze grammar]

yogacchedvaiṣṇavaṃ dhāma yo vāpi praṇameddharim |
śvitrī saṃjāyate mūḍho navajanmāni pañca ca || 559 ||
[Analyze grammar]

kṣaumādibhirvā saṃvīto yo naraḥpraṇameddharim |
caṇḍālayonitāṃ yāti nava janmāni pañca ca || 560 ||
[Analyze grammar]

na jātu tvamitabrūyādāpannopi mahattaram |
tvaṅkāro vā vadho veti vidvatsu na niśiṣyate || 561 ||
[Analyze grammar]

paranindā parasyaiva puṃso nindā bhaviṣyati |
paranindā ca śāstrasya parasya tu vinindanam || 562 ||
[Analyze grammar]

paranindā bhavetkrodhātkrodhātsadyo vinaśyati |
nindayā vai pareṣāṃ tu ninditāste punassmṛtāḥ || 563 ||
[Analyze grammar]

tasmānnidāṃ pareṣāṃ tudevāgre parivarjayet |
tathā parastutiṃ caiva vidhinā saṃtyajennaraḥ || 564 ||
[Analyze grammar]

paraḥ parātmā puruṣaḥ purāṇaḥ procyate tu yaḥ |
tadagre'nyasya devasya na stutiṃ stāvayennaraḥ || 565 ||
[Analyze grammar]

yastu sarveśvarādanyamadhikaṃ tasya cāgrataḥ |
pūjayedyadi manyeta pūjārhaṃ vāsa naśyati || 566 ||
[Analyze grammar]

sarvaṃ jagacca tasyaiva svarūpaṃ paramātmanaḥ |
tathāpi tattadrūṣeṇa tāratamyajuṣā punaḥ || 567 ||
[Analyze grammar]

pūjyate bhagavānbhaktaistatra śāstroditā gatiḥ |
tasmāddeveśvarādanyadyatkiñcitthsāṇu jaṅgamam || 568 ||
[Analyze grammar]

pūjārhaṃ vidyate vastu taddhāmani viśeṣataḥ |
tasmātpūjāṃ stutiṃ cānyāmitareṣāmasaṃśayam || 569 ||
[Analyze grammar]

tyajeddevagṛhe yastu sukhaṃ manyeta jīvitum |
śaktau satyāṃ viśeṣeṇa yastulobhādinā naraḥ || 570 ||
[Analyze grammar]

gauṇairarcayate viṣṇamupacārairudīritaiḥ |
na tasya vidyate puṇyaṃ sa tūcchāstraṃ vravartate || 571 ||
[Analyze grammar]

yāvatā kīrtyateśāstre phalamāḍhyadaridrayoḥ |
tattacchaktyarpitaireva yathārhaṃ ca dhanādikaiḥ || 572 ||
[Analyze grammar]

yathā tuṣyatideveśo muktāhāreṇa bhūbhujām |
tathaiva tulasīdāmnā durvidhasyāpi tuṣyati || 573 ||
[Analyze grammar]

tasmātkurvīta yatnena śaktilobhaṃ na jātu cit |
anyathā yadi kurvāṇaḥ phalaṃ naiva prapadyate || 574 ||
[Analyze grammar]

pretya mārjāratāṃ prāpya jāyate janmapañcakam |
viṣaṃ prāśnāti sammūḍho yassvasmai pacate naraḥ || 575 ||
[Analyze grammar]

yo'dyādannaṃ kaṇaṃ vāpi yadviṣṇoraniveditam |
sa bhavedbrahmahābhūyaḥ sa bhuṅktepūyaśoṇitam || 576 ||
[Analyze grammar]

yatpibecca yadaśnīyāt yaccajighrecca dhārayet |
anuliṃpecca yattattannivedyāgre madhudviṣe || 577 ||
[Analyze grammar]

tanniveditaśeṣaṃ tu bhuñjīyādvopayojayet |
viṣṇorniveditaṃ yastu na bhuṅkte manujādhamaḥ || 578 ||
[Analyze grammar]

kalpakoṭiśatenāpi niṣkṛtirnāsya vidyate |
niveditaṃ tu yadviṣṇorbhaktebhyastasya dāpanāt || 579 ||
[Analyze grammar]

prīyatbhagavāndevastatparastu bhavennaraḥ |
niveditaṃ yadi brūyāducchiṣṭamiti mandadhīḥ || 580 ||
[Analyze grammar]

sa tu durgatimāsādya vindate yamayātanāḥ |
vibhūtiṃ samupāśritya yasyānantasya śāśvatam || 581 ||
[Analyze grammar]

samṛddhā dharaṇī seyaṃ saśailavanakānanā |
yā ca bhūyāṃsi loke'sminnutpādayati santatam || 582 ||
[Analyze grammar]

oṣadhīrnikhilā stadvatpuṣpāṇi ca phalāni ca |
tasyānṛṇyasyahetorvaiya teta vidhinā naraḥ || 583 ||
[Analyze grammar]

yastu nār'payate viṣṇostattatkālodbhavāni tu |
sasyāni cauṣadhīstadvatphalāni kusumāni ca || 584 ||
[Analyze grammar]

saṃbhṛtāni yathāśakti sabhavedbrahmah naraḥ |
navāni kāle jātāni sasyādīni viśeṣataḥ || 585 ||
[Analyze grammar]

dhyāyanti devadeveśamabhigantuṃ yatanti ca |
kadarthayantoye mūḍhāsteṣāmabhyarthanaṃ param || 586 ||
[Analyze grammar]

audāsīnyena tiṣṭhanti svayaṃ vāpyupayuñjate |
teyāntinarakān ghorān kṛtaghnā yāntiyānbahūn || 587 ||
[Analyze grammar]

śapantyauṣadhayassarvāstasmādbhaktyā viśeṣataḥ |
navaṃ sasyaṃ phalaṃ puṣpaṃ dadhikṣīraṃ ghṛtaṃ madhu || 588 ||
[Analyze grammar]

yadarhamarpaṇe sarvamagre tasmai samarpayet |
lobhānmohādathājñānādya ucchiṣṭaṃ nivedayet || 589 ||
[Analyze grammar]

deveśāya viśeṣeṇa sa bhavetpātakī naraḥ |
ucchiṣṭa manyadevasya yo devāya nivedayet || 590 ||
[Analyze grammar]

so'pi caṇḍālatāṃ prāpya naśyedeva na saṃśayaḥ |
niveditaṃ tu devasya ya ucchiṣṭena yojayet || 591 ||
[Analyze grammar]

devānāmita reṣāṃ vā manuṣyāṇāmathāpi vā |
sa pāpī janmasāhasraṃ śvānayoniṣu jāyate || 592 ||
[Analyze grammar]

na hi devagṛhaṃ gatvā pṛṣṭī kṛtyāsanaṃ caret |
devābhimukha eva syādbhaktassarvātmanānaraḥ || 593 ||
[Analyze grammar]

na pṛṣṭhaṃ darśayejjātu devāgre hitacintakaḥ |
pārśvatastu caranneva nivartetālayaṃ prati || 594 ||
[Analyze grammar]

naivānyaṃ praṇamejjātu praviśya harimandiram |
sa hi sarveśvara śśeṣī yastatrāste ramādhavaḥ || 595 ||
[Analyze grammar]

pūjārhaśca praṇāmārhaḥ pūjārhastatra netaraḥ |
yastathā praṇamenmūḍhassa yāti narakāyutam || 596 ||
[Analyze grammar]

caṇḍālayonimāsādya bhajate yātanā muhuḥ |
yastu devagṛhaṃ prāptānvaiṣṇavānbhagavatpriyān || 597 ||
[Analyze grammar]

ācāryamṛtvijaścātha pūjakānparicārakān |
nār'cayenmaunamāsthāya sa vinaśyati sānvayaḥ || 598 ||
[Analyze grammar]

yadiṣṭaṃ yājakebhyassyātpūraṇāyeva tasyatu |
bhaktāḥ paricareyuśca viśeṣādgrāmavāsinaḥ || 599 ||
[Analyze grammar]

anyathā cenmadoṣassarveṣāṃ ca vipacadbhavet |
atmānaṃ yo viśeṣeṇastautyahaṅkāra bhāvidaḥ || 600 ||
[Analyze grammar]

anādṛtya gurūndaivamanibaddhaṃ ca saṃpadet |
avalīptona jānāti doṣamātmani saṃgatam || 601 ||
[Analyze grammar]

kulavidyātapassampatpramukhairgarvite naraḥ |
na sukhaṃ na ca saubhāgyaṃ yenātmāntūyate svayam || 602 ||
[Analyze grammar]

tasmādātmastutiṃ kṛtvā naraḥ patati niścayam |
tato janmaśataṃ prāpya mṛgayonau viśeṣataḥ || 603 ||
[Analyze grammar]

jāyate mriyate'bhīkṣṇaṃ tasya pāpaṃ mahadbhavet |
yasdevagṛhaṃ gatvā vāñchatyapacitiṃ janaḥ || 604 ||
[Analyze grammar]

sa tu tittiritāṃ yāti navajanmāni pañca ca |
deveśasyatu sevārthaṃ varṇānāmānupūrvyaśaḥ || 605 ||
[Analyze grammar]

adhikāraḥ samākhyātastatkramaṃ na vimānayet |
viśanti garbhagehetu ye vaikhānasasūtriṇaḥ || 606 ||
[Analyze grammar]

garbhāgāre praveṣṭavyo na hyavaikhānasaḥ kvacit |
antarāle tathā yeṣāṃ sthānaṃ tattu pravakṣyate || 607 ||
[Analyze grammar]

anye dvijāśca tiṣṭhanti yathā syādāśramakramaḥ |
te dvijāstatstrīyaścāpi sevante tatra saṃgatāḥ || 608 ||
[Analyze grammar]

kṣatrajātā viśeṣaṇa sthitvā caivār'dhamaṇḍape |
deveśamabhisevante tadīyā yāśca yoṣitaḥ || 609 ||
[Analyze grammar]

saṃgatāśśūdrajātāśca pratilomabhavāścaye |
mahāmaṇḍapamāsthāya sevante puruṣottamam || 610 ||
[Analyze grammar]

anulomabhuvaścaivaye cānye mlecchajātayaḥ |
gopurādbāhyataḥ sthitvā sevante mandiraṃ hareḥ || 611 ||
[Analyze grammar]

tāratamyamidaṃ jñātvā seveta satataṃ harim |
devatānindanaṃ kuryādyassa pāpīna mucyate || 612 ||
[Analyze grammar]

anyadevasamaṃ yastu manyate puruṣottamam |
caṇḍālayonitāmeti nava janmāni pañca ca || 613 ||
[Analyze grammar]

apahnutya punardevāṃ staddravyādi harettu yaḥ |
sa bhaveddevahā satyaṃ jāyate śvādiyoniṣu, || 614 ||
[Analyze grammar]

tiraskṛtya tathā devānbhagavacchāstrameva ca |
karmāṇi svecchayā kuryātso'pi syāddevahā naraḥ || 615 ||
[Analyze grammar]

kathāyāṃ kathyamānāyāṃ devasya madhuvidviṣaḥ |
anādṛtya ca ye yānti te narāḥ pāpakāriṇaḥ || 616 ||
[Analyze grammar]

toyahīne'tiraudre ca vane vai śūnyavṛkṣatām |
jāyante saptajanmāni tataścaṇḍālatāṃ yayuḥ || 617 ||
[Analyze grammar]

deveṣu goṣu vipreṣu devāgāreṣu caiva hi |
vahennaivādhipatyaṃ yannāsāvṛddhimavāpnuyāt || 618 ||
[Analyze grammar]

doṣāśca bahulā stasminnādhipatye smṛtā budhaiḥ |
kāmato'kāmataścāpi sarvaṃ tasya viceṣṭitam || 619 ||
[Analyze grammar]

pāpāyaiva bhavettasmādbhūtikāmastu taṃ tyajet |
sevārthināṃ sakāśāttu balātkāreṇa yaḥ prabhuḥ || 620 ||
[Analyze grammar]

gṛhṇīyāttukaraṃ sadyaḥ patetsa saha tena ca |
devasya sannidhau bhaktairbhaktyāyattu samarpyate || 621 ||
[Analyze grammar]

patraṃ phalaṃ vā mūlaṃ vā svarṇaṃ vāsāṃsi cetarat |
dāyādyamarcakānāṃ tu yo mohādapanihnute || 622 ||
[Analyze grammar]

svayaṃ vāpyupayuñjīta sa pāpī narakaṃ vrajet |
viśrāṇayanti haraye yadbhaktā bhaktibhāvitāḥ || 623 ||
[Analyze grammar]

tannāmnā pūjakāneva jānanti phalabhāginaḥ |
sthirajaṅgamayoḥ pūjā yatassampāditā bhavet || 624 ||
[Analyze grammar]

tasmādbhagavato nāmnā dattaṃ yaddevamandire |
vihāyābharaṇādīni vāsāṃsyanyatparicchadam || 625 ||
[Analyze grammar]

devālaṅkārayogyāni mūlyavanti viśeṣataḥ |
arcakā eva gṛhṇīyuḥ pratibadhnīta netaraḥ || 626 ||
[Analyze grammar]

yastvadhīkāragarveṇa devāgāramupāśritaḥ |
akāle sevituṃ cecchetso'pi yāsyati durgatim || 627 ||
[Analyze grammar]

atha vā sevituṃ cecchetkāraṇenāpi kena cit |
ukteṣveva tu kāleṣu seveta matimānnaraḥ || 628 ||
[Analyze grammar]

antyārcanāvasāne yatkavāṭo badhyate tataḥ |
punarudghāṭanaṃ yāvatpratyūṣe ca bhaviṣyati || 629 ||
[Analyze grammar]

tāvannaiva hariṃ sevedakālassa viśeṣataḥ |
pratyūṣādyantyakālāntapūjane'pi tu mantrataḥ || 630 ||
[Analyze grammar]

tattatkāle kavāṭasya bandhane vihite'pi ca |
na tadā tāvatī hāniravabaddhe'pyamantrakam || 631 ||
[Analyze grammar]

athār'canārhakālepi bhaktānāṃ sevanāya tu |
akālā bahavaḥ proktāstathā yavasikoditā || 632 ||
[Analyze grammar]

tasmādakālasevāṃ tu vidhinā parivarjayet |
viṣayākrāntacittānāṃ viṣṇvarcanamakurvatām || 633 ||
[Analyze grammar]

karmabhūmau nṛṇāṃ janma karmāpi vibhalaṃ dhruvam |
yo gurau mānuṣaṃ bhāvaṃ śilābhāvaṃ ca daivate || 634 ||
[Analyze grammar]

mantreṣu jīvikābhāvaṃ hiṃsābhāvaṃ makheṣu ca |
pūjakeṣu ca pūjāyāṃ nīrasaṃ bhāvameti saḥ || 635 ||
[Analyze grammar]

sarvadhā ninditavyo hi jīvitaṃ tasya niṣphalam |
kṣamāmantraḥ |
atha vakṣye viśeṣaṇa kṣamāmantravidhiṃ param || 636 ||
[Analyze grammar]

apacāreṣu sarveṣu yaṃ japtvā mucyate naraḥ |
aparādhaḥ kṛto yena jānatā svavaśena saḥ || 637 ||
[Analyze grammar]

kṣamāmantrasahasrasya jāpenāpi na mucyate |
kṣamāmantrastvaśeṣāghadhvaṃsanakṣama ucyate || 638 ||
[Analyze grammar]

nārāyaṇa namaste'stu namo bhaktaparāyaṇa |
namo namo namaste'stu namaste'stu namo namaḥ || 639 ||
[Analyze grammar]

ajñānādarthalobhādvā rāgāddveṣātpramādataḥ |
aparādhaḥ kṛto yastaṃ kṣamasva puruṣottama || 640 ||
[Analyze grammar]

saṃdhyayośca divā rātrau jāgratsvapnasuṣuptiṣu |
aparādhaḥ kṛto yastaṃ kṣamasva puruṣottama || 641 ||
[Analyze grammar]

kāyena manasā vācā sarvairvāpi samuccitaiḥ |
aparādhaḥ kṛto yastaṃ kṣamasva puruṣottama || 642 ||
[Analyze grammar]

tiṣṭhatā prajatā caiva śayyāsanagatena ca |
aparādhaḥ kṛto yastaṃ kṣamasva puruṣottama || 643 ||
[Analyze grammar]

snāsyatā japatā vāpi yajatā juhvatā mayā |
aparādhaḥ kṛto yastaṃ kṣamasva puruṣottama || 644 ||
[Analyze grammar]

bhujatā dhyāyatā nūnaṃ viṣayānupasevatā |
aparādhāḥ kṛtā ye tān kṣamasva puruṣottama || 645 ||
[Analyze grammar]

mayā vā majjanairvāpi mama bandhubhirevavā |
aparādhaḥ kṛto yastaṃ kṣamasva puruṣottama || 646 ||
[Analyze grammar]

rājñā vā tadamātyairvā rājabhṛtyairathāpivā |
aparādhaḥ kṛto yastaṃ kṣamasva puruṣottama || 647 ||
[Analyze grammar]

ācāryeṇār'cakenāpi bhaktairvāparicārakaiḥ |
aparādhaḥ kṛto yastaṃ kṣamasva puruṣottama || 648 ||
[Analyze grammar]

gāyakairnartakairvātha vāditrāṇāṃ ca vādakaiḥ |
aparādhaḥ kṛto yastaṃ kṣamasva puruṣottama || 649 ||
[Analyze grammar]

praṇavādivisargāntaṃ kriyāsu vidhipūrvakam |
amantramarcane doṣaṃ kṣamasva puruṣottama || 650 ||
[Analyze grammar]

uddhānācchayanā ntantu kriyāsu vividhāsu ca |
śraddhālopakṛtaṃ doṣaṃ kṣamasva puruṣottama || 651 ||
[Analyze grammar]

kaśśaknotyarcituṃ devaṃ tvāmanādyantamavyayam |
tasmādajñānacaritaṃ kṣamasva puruṣottama || 652 ||
[Analyze grammar]

prārthaye devadevaṃ tvāṃ prasīda bhagavanmayi |
prasīdatu raṃ mahyaṃ tava vakṣaḥsthalālayā || 653 ||
[Analyze grammar]

iśānā jagato devī mātā nityānapāyinī |
prasīdantu surāḥ sarve prasādādyuvayormayi || 654 ||
[Analyze grammar]

svastyastu kṛpayāsmākaṃ yuvayoḥ suprasannayoḥ |
upacārāpadeśena kṛtānaharaharmayā || 655 ||
[Analyze grammar]

apacārānimāntsarvān kṣamasva puruṣottama |
iti vijñāpayedbhūyo bhaktisādhvasabhāvitaḥ || 656 ||
[Analyze grammar]

tadarthanātparaṃ prītaḥ prasīdati khagadhvajaḥ |
kṣamāmantramimaṃ deyānna cāśuśrūṣave kvacit || 657 ||
[Analyze grammar]