Chapter 37 - triyugadharma prapañcaḥ

atha vakṣye laghūktena yugadharmāṃstataḥ param |
kṛtaṃ tretā dvāparaśca kaliśceti caturyugam || 1 ||
[Analyze grammar]

kṛtameva ca kartavyaṃ tasmin kāle yadīpsitam |
na tatradharmāḥsīdanti na ca kṣīyantivai prajāḥ || 2 ||
[Analyze grammar]

tataḥ kṛtayugaṃ proktamanvarthena guṇena vai |
na tasminyugasaṃsargevyavāyo nendriyakṣayaḥ || 3 ||
[Analyze grammar]

nānūyā nāpi ruditaṃ na darpo na ca paiśunam |
na vigraho na vidveṣona mithyā nāpi vañcanam || 4 ||
[Analyze grammar]

na bhayaṃ na ca santāpo na lobho na ca mānitā |
tadā jyotiḥparaṃ brahma vaikhānasamanāmayam || 5 ||
[Analyze grammar]

yā gatiryogināmekā hyapunarbhavakāṅkṣiṇām |
viṣṇussarvātmako devaḥ śuklo nārāyaṇaḥ smṛtaḥ || 6 ||
[Analyze grammar]

antaryāmiṇi tasmiṃstu sarvalokamaye harau |
svayaṃ śuklatvamāpanne sarvamacchaṃ bhaviṣyati || 7 ||
[Analyze grammar]

brāhmaṇāḥ kṣatriyā vaiśyāśśūdrāśca bhagavatparāḥ |
svakarmaniratāssarvebhavanti manujāḥ kṛte || 8 ||
[Analyze grammar]

samāśramaṃ samācāraṃ satyabhūtaṃ taporatam |
vijñānabharitaṃ sarvaṃ jagadbhavati santatam || 9 ||
[Analyze grammar]

eka vedasamāyuktā ekadharmavidhikriyāḥ |
pṛthagdharmāstveka vedā dharmamekamanuvratāḥ || 10 ||
[Analyze grammar]

caturāśramayustena karmaṇā kālayoginā |
akāmabhalasaṃyogāḥ prāpnuvanti parāṃ gatim || 11 ||
[Analyze grammar]

kṛte yuge catuṣpādaścāturvarṇyasya śāśvataḥ |
etatkṛtayugaṃ nāma traiguṇyaguṇavarjitam || 12 ||
[Analyze grammar]

tatastretāyugaṃ nāma yatra dharmastrī pādbhavet |
raktatāṃ tu samabhyeti harirnārāyaṇaḥ prabhuḥ || 13 ||
[Analyze grammar]

satyapravṛttāśca narāḥ dānadharmaparāyaṇāḥ |
yajante vividhairyajñairnārāyaṇamanāmayam || 14 ||
[Analyze grammar]

brāhmaṇādyāssvadharmeṣu pravartante nirantaram |
yato dharmapade vṛddhā dvāparaṃ pratipedare || 15 ||
[Analyze grammar]

yugaṃ saṃśīnadharmatvāddvāparaṃ paricakṣate |
viṣṇuḥ pītatvamabhyeti vedaścāpi vibhajyate || 16 ||
[Analyze grammar]

dvipādbhavati vaidharmo dvāpare samupasthite |
dvivedāścaikavedāśca nirvedāśca tathā pare || 17 ||
[Analyze grammar]

vibhinnaśāstraniṣṭhāśca bhavanti vividhakriyāḥ |
prajā dānaparā bhūtvā dānaṃ śaṃsanti santatam || 18 ||
[Analyze grammar]

rājasaṃ bhāvamāśritya rājasī bhavati prajā |
sattvātpracyavamānānāṃ vyādhayo bhṛśadāruṇāḥ || 19 ||
[Analyze grammar]

atyāhitāni cānyāni bhaveṣyantyadharottaram |
kālasya hrasvatāyogāccaturthaṃ syādyugaṃ kaliḥ || 20 ||
[Analyze grammar]

pratyakṣarūpadhṛgdevo na kalau dṛśyate yataḥ |
kṛtādiṣviva tenaiva triyugaḥ kalirucyate || 21 ||
[Analyze grammar]

padenaikena vai dharmaḥ pravarteta kalau yuge |
tasmiṃstu samanuprāpte na dharmassaṃpravartate || 22 ||
[Analyze grammar]

tāmasaṃ yugamāsādya hariḥ kṛṣṇatvameti ca |
yaḥ kaścidatra dharmātmā kriyoyogarato bhavet || 23 ||
[Analyze grammar]

naraṃ dharmaparaṃ dṛṣṭvā sarve'sūyāṃ prakurvate |
varṇāśramāśritācārāḥ praṇaśyantina saṃśayaḥ || 24 ||
[Analyze grammar]

vratācārāḥ praṇaśyanti dhyānayajñādayastathā |
upadravā janiṣyanti hyadharmasya pravartanāt || 25 ||
[Analyze grammar]

asūyāniratāssarve daṃbhācāraparāyaṇāḥ |
prajāścālpāyuṣassarve bhaviṣyantikalau yuge || 26 ||
[Analyze grammar]

sarvedharmāḥ praṇaśyanti kṛṣṇe kṛṣmatvamāgate |
yasmātkalirmahāghorassarvapāpasya sādhakaḥ || 27 ||
[Analyze grammar]

brāhmaṇāḥ kṣatriyā vaiśyāśśūdrā dharmaparāṅmukhāḥ |
ghore kaliyuge prāpte dvijā vedaparāṅmukhāḥ || 28 ||
[Analyze grammar]

vyājadharmaparāssarve vṛdhāhaṅkāra dūṣitāḥ |
sarvamākṣipyate nityaṃ naraiḥ paṇḍitamānibhiḥ || 29 ||
[Analyze grammar]

ahamevādhika iti sarvo vivadate janaḥ |
adharmalolupāssarve tathā caiva dvijātayaḥ || 30 ||
[Analyze grammar]

atastvalpāyuṣassarve bhaviṣyanti kalau yuge |
alpāyuṣṭvānmanuṣyāṇāṃ na vidyāgrahaṇaṃ bhavet || 31 ||
[Analyze grammar]

vidyāgrahaṇaśūnyatvādadharmassaṃpravartate |
vyutkrameṇa prajāssarvā mriyante pāpatarparāḥ || 32 ||
[Analyze grammar]

brāhmaṇādyāstathā varṇāssaṃkīryante parasbaram |
kāmakrodhaparā mūḍhā vṛdhāhaṃ kārapūritāḥ || 33 ||
[Analyze grammar]

baddhavairā bhaviṣyanti parasparavadhepsavaḥ |
janāssarve dayāhīnā dākṣiṇya parivarjitā || 34 ||
[Analyze grammar]

śūdratulyā bhaviṣyanti tapassatyavivarjitāḥ |
uttamā nīcatāṃ yānti nīcāścottamatāṃ tathā || 35 ||
[Analyze grammar]

rājāno dravyaniratā lobhamohaparāyaṇāḥ |
dharmakañcukasaṃvītā dharmavidhvaṃsakāriṇaḥ || 36 ||
[Analyze grammar]

yo yo'śvarathanāgāḍhyassa sa rājā bhaviṣyati |
kiṅkarāśca bhaviṣyanti śūdrāṇāṃ cadvijātayaḥ || 37 ||
[Analyze grammar]

mlecchāśca yunādyāśca pālayanti vasuṃdharām |
anāvṛṣṭibhayātprāyo gaganādattacakṣuṣaḥ || 38 ||
[Analyze grammar]

bhaviṣyanti narāssarve sadā kṣudbhayakātarāḥ |
kalau narābhaviṣyanti svalpabhāgyā bahuprajāḥ || 39 ||
[Analyze grammar]

pativākyamanādṛtya sadānyagṛhatatparāḥ |
duśśīlā duṣṭaśīleṣu kariṣyanti spṛhāṃ striyaḥ || 40 ||
[Analyze grammar]

paruṣānṛtabhāṣiṇyo dehasaṃskāra varjitāḥ |
vācālāśca bhaviṣyantikalau prāpte sadā striyaḥ || 41 ||
[Analyze grammar]

nagareṣu ca grāmeṣu prākārāṭṭādikān janāḥ |
corādibhayabhītāśca kāṣṭhayantrāṇi kurvate || 42 ||
[Analyze grammar]

durbhikṣakarapīḍābhiratīvopadrutā janāḥ |
godhūmānnayavānnāḍhyāndeśānprāpsyanti duḥkhitāḥ || 43 ||
[Analyze grammar]

svakāryasiddhiparyantaṃ snihyantyanyeṣu mānavāḥ |
bhikṣavaścāpi mitrādisnehasaṃbandhayantritāḥ || 44 ||
[Analyze grammar]

annopādhinimittena śiṣyān gṛhṇanti sarvataḥ |
ubhābhyāmapi hastābhyāṃ śiraḥkaṇḍūyanaṃ striyaḥ || 45 ||
[Analyze grammar]

kurvantyo bhartṛmukhyānāmājñāṃ bhetsyantyānādṛtāḥ |
pāṣaṇḍālāpaniratāḥ pāṣaṇḍijanasaṃginaḥ || 46 ||
[Analyze grammar]

bhaviṣyanti yadā viprā stadā vṛddhimiyātkaliḥ |
alpodakāstathā meghā alpasasyā vasuṃdharā || 47 ||
[Analyze grammar]

alpakṣīrāstathā gāvaḥ kṣīrātsarpirna jāyate |
ekavarṇā bhaviṣyanti varṇāścatvāra eva ca || 48 ||
[Analyze grammar]

nāsti varṇāntaraṃ tatralayaṃ yāsyanti mānavāḥ |
santassīdantyasantaśca vilasantisamantataḥ || 49 ||
[Analyze grammar]

maitrī parajane bhūyādvairaṃ ca svajane bhavet |
putrāḥ pitṛṣu jīvatsu mriyante ca tadagrataḥ || 50 ||
[Analyze grammar]

kalau kākiṇike'pyarthe vigṛhya tyaktasauhṛdāḥ |
tyakṣyantihi priyānprāṇān haniṣyanti svabāndhavān || 51 ||
[Analyze grammar]

pāṣaṇḍapracuredharme dasyuprāyeṣu rājasu |
cauryānṛtavṛdhāhiṃsānānāvṛttiṣu vai nṛṣu || 52 ||
[Analyze grammar]

śūdraprāyeṣu varṇeṣu chāgaprāyeṣu goṣu ca |
kariṣyanti tathā śūdrāḥ pravrajyāliṅginau'dhamāḥ || 53 ||
[Analyze grammar]

kāṣāyaparinītāśca jaṭilā bhakmadhūsarāḥ |
aśaucāvakramatayaḥ parapākānnajīvinaḥ || 54 ||
[Analyze grammar]

devadvijanivāseṣu pūjāmicchanti pāpinaḥ |
bhaviṣyanti durātmānaḥ śūdrāḥ pravrajitāstathā || 55 ||
[Analyze grammar]

utkoca jīvinastatra mahāpāparatāstathā |
bhaviṣyantyatha pāṣaṇḍāḥ kāpālā bhikṣavodhamāḥ || 56 ||
[Analyze grammar]

dharmavidhvaṃsaśīlānāṃ dvijanāṃ rājavallabhāḥ |
śūdrā dharmānpravakṣyanti pravrajyāliṅgino'dhamāḥ || 57 ||
[Analyze grammar]

gītavādyaparā viprā vedavādaparāṅmukhāḥ |
bhaviṣyanti kalau prāpte śūdramārga pravartinaḥ || 58 ||
[Analyze grammar]

hartāro na ca dātārobhaviṣyanti kalau yuge |
viśvāsahīnāḥ piśunā vedadevadvijātiṣu || 59 ||
[Analyze grammar]

asaṃskṛto ktivaktāro rāgadveṣaparāstathā |
paramāyuścateṣāṃ syāttadā varṣāṇi ṣoḍaśa || 60 ||
[Analyze grammar]

pañcame vāthaḥvaṣṭhe vā varṣekanyā prasūyate |
sartpavarṣāṣṭavarṣāśca prasūyante tathā narāḥ || 61 ||
[Analyze grammar]

svakarmatyāginassarve kṛtaghnā bhinnavṛttayaḥ |
yācakāḥ piśunāścaiva bhaviṣyanti kalau yuge || 62 ||
[Analyze grammar]

parāvamānaniratā ātmastutiparāyaṇāḥ |
parasvaharaṇopāyacintakāḥ sarvadā narāḥ || 63 ||
[Analyze grammar]

nindāṃ kurvanti satataṃ pitṛmātṛkuleṣu tu |
vadanti vācā dharmāṃśca cetasā pāpalolupāḥ || 64 ||
[Analyze grammar]

chādayanti prayatnena svadoṣaṃ pāpakarmajam |
apāpe duṣkṛtaṃ samyagvivṛṇvanti narādhamāḥ || 65 ||
[Analyze grammar]

dharmamārgapravaktāraṃ tiraskurvanti pāpinaḥ |
bhaviṣyanti kalau prāpti rājāno mlecchajātayaḥ || 66 ||
[Analyze grammar]

dvijāśca kṣatriyā vaiśyāḥ śūdrāścānyāśca jātayaḥ |
atyantakāminassarve saṃkīryante parasparam || 67 ||
[Analyze grammar]

na śiṣyo na guruḥ kaścinna putro na tathā pitā |
na bhāryā na patistatra bhavitā sarvasaṃkaraḥ || 68 ||
[Analyze grammar]

kalau ca te bhaviṣyanti dhanāḍhyā api yācakāḥ |
rasavikrayiṇaścāpi bhaviṣyanti kalau yuge || 69 ||
[Analyze grammar]

dharmapatnīṣu yacchanti patayo jāralakṣaṇam |
dviṣyanti pitaraṃ putrā guruṃ śiṣyādviṣanti ca || 70 ||
[Analyze grammar]

patiṃ ca vanitā dveṣṭi kalau prāptena saṃśayaḥ |
lobhābhibhūtamanasassarve duṣkarmaśālinaḥ || 71 ||
[Analyze grammar]

parānnalolupā nityaṃ bhaviṣyanti dvijātayaḥ |
parastrīniratāssarve paradravyaparāyaṇāḥ || 72 ||
[Analyze grammar]

martyāmiṣeṇa jīvanti duhantaścāpyajāvikān |
sarittīreṣu kuddālairopayiṣyanti cauṣadhīḥ || 73 ||
[Analyze grammar]

atyalpāni phalānyāsāṃ bhaviṣyanti kalau yuge |
veśyālāvaṇyaśīleṣu spṛhāṃ kurvanti yoṣitaḥ || 74 ||
[Analyze grammar]

dharmavighnā bhaviṣyanti striyaśca puruṣeṣu ca |
na kanyāṃ yācate kaścinna ca kanyāprado naraḥ || 75 ||
[Analyze grammar]

kanyā varāṃśca chandena grahīṣṭanti parasparam |
prāyaśaḥ kṛpaṇānāṃ ca bandhūnāṃ ca tadhā dvijāḥ || 76 ||
[Analyze grammar]

sādhūnāṃ vividhānāṃ ca vittānyapaharanti ca |
na yakṣyanti na hoṣyantina tapasyanti vai janāḥ || 77 ||
[Analyze grammar]

naiva dāsyanti dānādi nār'cayiṣyanti vā harim |
na dharme niviśiṣyanti hetuvādakathāśrayāḥ || 78 ||
[Analyze grammar]

apātreṣveva dānāni kurvanti ca tathā narāḥ |
kṣīropādhinimittena goṣu prītiṃ prakurvate || 79 ||
[Analyze grammar]

na kurvanti tathā viprāḥ snānaśaucādikāḥ kriyāḥ |
akālakarmaniratāḥ kūṭayuktiviśāradāḥ || 80 ||
[Analyze grammar]

devanindāparāścaiva vipranindāparāstathā |
tyaktapuṇḍraśikhāsūtrāścariṣyantidvijātayaḥ || 81 ||
[Analyze grammar]

viṣṇubhaktiparaṃ na syānmanaḥ kasyāpi jātu cit |
devapūjāparaṃ dṛṣṭvā sarve parihasanti ca || 82 ||
[Analyze grammar]

śāstroditāśca ye devāḥparivārā madhudviṣaḥ |
tānparityajya mohena narāḥ kālabalātkṛtāḥ || 83 ||
[Analyze grammar]

hetuvādaparāndevān kariṣyantyaparāṃ stadā |
nirbadhnanti dvijāneva karārthaṃ rājakiṅkarāḥ || 84 ||
[Analyze grammar]

nādriyante dvijānanye kalau pāpasamākule |
dānayajña japādīnāṃ vikrīṇante phalaṃ dvijāḥ || 85 ||
[Analyze grammar]

pratigrahaṃ ca kurvante caṇḍālāderapi dvijāḥ |
śūdrastrīmaṅganiratā vidhavāsaṃgalolupāḥ || 86 ||
[Analyze grammar]

rajassvalānāṃ voḍhāro bhaviṣyanti kalau yuge |
śūdrānna pānaniratāḥ śūdraprāyā bhavanti ca || 87 ||
[Analyze grammar]

aṭṭaśūlājanapadāḥ śivaśūlāścatuṣpathāḥ |
pramadāḥ keśaśūlinyo bhaviṣyanti kalau yuge || 88 ||
[Analyze grammar]

kuhakāśca janāstatra hetuvādaviśāradāḥ |
pāṣaṇḍino bhaviṣyanti tiṣṭantyāśramanindakāḥ || 89 ||
[Analyze grammar]

na ca dvijātiśuśrūṣāṃ sarvadharmanivartinīm |
gṛhaprāyeṣvāśrameṣu yogiprāyeṣu bandhuṣu || 90 ||
[Analyze grammar]

tataśchānudinaṃ dharmassatyaṃ śaucaṃ dayā kṣamā |
kālena balinā sarvaṃ naśyatyāyurbalaṃ smṛtiḥ || 91 ||
[Analyze grammar]

vīttameva kalau nṝṇāṃ janmācāraguṇodayam |
dāṃpatye'bhirucirheturmāyaiva vyavahārake || 92 ||
[Analyze grammar]

dharmanyāyavyavasthānāṃ kāraṇaṃ balameva hi |
strītvamevopabhoge svādvipratve sūtrameva hi || 93 ||
[Analyze grammar]

liṅgamevāśramakhyātāvanyāyo vṛttikāraṇam |
avṛttau cāpi daurbalyaṃ pāṇḍitye cāphalaṃ vacaḥ || 94 ||
[Analyze grammar]

svīkāra eva codvāhe snānamevāśucau smṛtam |
udaraṃbharitā svārthesatyatve dhārṣṭyameva hi || 95 ||
[Analyze grammar]

dākṣye kuṭuṃbabharaṇe yaśorthe dharmasevanam |
itthaṃ kaliyuge prāpte dharmassarvo'pi jīryate || 96 ||
[Analyze grammar]

yadā māyānṛtaṃ tandrā nidrā hiṃsā viṣāyanam |
śoko moho bhayaṃ dainyaṃ sa kalistāmasaḥsmṛtaḥ || 97 ||
[Analyze grammar]

yadāyadā satāṃ hānirvaidikānāṃ dvijanmanām |
tadā tadā kaliṃprāptamavabuddhyeta paṇḍitaḥ || 98 ||
[Analyze grammar]

aho duḥkhamahoduḥkhamahoduḥkhamaho mahat |
svarūpamatibhīmasya saṃsārasya sudurbharam || 99 ||
[Analyze grammar]

viṇmūtrapūyakalite garbhavāse nipīḍanāt |
aśucāvatibhībhatse duḥkhamatyantadussaham || 100 ||
[Analyze grammar]

duḥkhaṃ ca jāyamānānāṃ gātrabhaṅgādipīḍane |
vātena preryamāṇānāṃ mūrchanāyātibhītidam || 101 ||
[Analyze grammar]

bālake nirvivekānāṃ bhūtadaivātmasaṃbhavam |
yauvane vārdhake caiva maraṇe cāti dāruṇe || 102 ||
[Analyze grammar]

ekauttaraṃ mṛtyuśataṃ dehe jñeyaṃ pratiṣṭhitam |
tatraikaḥ kālasaṃjñaḥ syāccheṣāstvāgantukāḥsmṛtāḥ || 103 ||
[Analyze grammar]

ye cātrāgantukāḥ proktāste tu śāmyanti bheṣajaiḥ |
japahomapradānaiśca kālamṛtyurna śāmyati || 104 ||
[Analyze grammar]

vividhā vyādhayaśśastraṃ sarpādyāḥ prāṇinastathā |
viṣāṇi cābhicārāśca mṛtyordvārāṇi dehinām || 105 ||
[Analyze grammar]

nauṣadhaṃ na tapo dānaṃ na mantrāna ca bāndhavāḥ |
śaknuvanti naraṃ trātuṃ kālamṛtyuprapīḍitam || 106 ||
[Analyze grammar]

rasāyanatapojapyayogasiddhairmahātmabhiḥ |
kālamṛtyurapi prāpto jīyate'nalasairnaraiḥ || 107 ||
[Analyze grammar]

nāsti mṛtyusamaṃ duḥkhaṃ nāsti mṛtyusamaṃ bhayam |
sadbhāryāṃ putramitrāṇi rājyaiśvaryasukhāni ca || 108 ||
[Analyze grammar]

ābaddhāni ca vairāṇi mṛtyussarvaṃ vināśayet |
yadduḥkhaṃ maraṇe jantorna tasyeha samaṃ kvacit || 109 ||
[Analyze grammar]

maṇḍūka iva sarpeṇa grasyate mṛtyunā jagat |
bāndhavaiśca pariṣvaktaḥ priyaiśca parivāritaḥ || 110 ||
[Analyze grammar]

niśśvapandīrghamuṣṇaṃ ca mukhena pariśuṣyatā |
caturṣvanteṣu khaṭvāyāḥ parivṛtya mūhurmuhuḥ || 111 ||
[Analyze grammar]

sammūḍhaḥ kṣipate'tyardhaṃ hastapādamitastataḥ |
khaṭvāyā vāñchate bhūmiṃ bhūmeḥ khaṭvāṃ tato mahīm || 112 ||
[Analyze grammar]

vivastrastyaktalajjaśca mūtraviṣṭhāpariplutaḥ |
yācamānaśca salilaṃ śuṣkakaṇṭhāsyatālukaḥ || 113 ||
[Analyze grammar]

cintayānaścavittāni kasyaitānimṛtemayi |
nakhāgraiśca spṛśanbhūmiṃ kālapāśena karṣitaḥ || 114 ||
[Analyze grammar]

mriyate paśyatāmeva gale khurakhurāyate |
jīvastṛṇajalūkāvaddehāddehaṃ viśedasau || 115 ||
[Analyze grammar]

saṃprāpyottaravaṃśe ca tanuṃ tyajati paurvikīm |
dehabhedena yaḥ puṃsāṃ viyogaḥ karmasaṃkṣayāt || 116 ||
[Analyze grammar]

maraṇaṃ tadvinirdiṣṭaṃ na nāśaḥ paramārthataḥ |
jāyate mriyate caivaṃ karmabhiḥ svayamārjitaiḥ || 117 ||
[Analyze grammar]

śītoṣṇatṛṣṇākṣudrograjvarādiparivāritaḥ |
sarvadaivapumānāste yāvajjanmānta saṃsthitiḥ || 118 ||
[Analyze grammar]

duḥkhātiśayabhūtaṃ hi yadante nāsukhaṃ nṛṇām |
tasyopamānaṃ naivāsti kāryeṇaivānu mīyate || 119 ||
[Analyze grammar]

kṛṣyamāṇasya puruṣairyadyamasyātidussaham |
duḥkhaṃ tatsaṃsmṛtiṃ prāptaṃ karoti mama vepathum || 120 ||
[Analyze grammar]

tataścaiva punastasya yonisaṃkramaṇe ca yat |
garbhasthasya ca yadduḥkhamatidussahamulbaṇam || 121 ||
[Analyze grammar]

punaśca jāyamānasya bālyayauvanajaṃ ca yat |
duḥkhānyetānyanantāni saṃsārāntaravartibhiḥ || 122 ||
[Analyze grammar]

puruṣairanubhūyante sukhabhrāntivimohitaiḥ |
na vai sukhakalā kācidatrāstyatyantaduḥkhade || 123 ||
[Analyze grammar]

saṃsārasaṃkaṭe saṃgamupetānāṃ kadā cana |
viṣayāsaktamanasassatataṃ pāmarā janāḥ || 124 ||
[Analyze grammar]

na matiṃ kurvate viṣṇau sarvalokeśvareśvare |
athāpi nātra bibhyanti vaiṣṇavā bhagavatpriyāḥ || 125 ||
[Analyze grammar]

viṣṇudhyānaparāssanto viṣvarcanaparāyaṇāḥ |
te viṣṇusadṛśā jñeyā na hi tānbādhate kaliḥ || 126 ||
[Analyze grammar]

māyeyaṃ vaiṣṇavī bhūyaḥ pātayetprāṇinastadā |
dustarāpi bhavetsādhyā yairnyastaṃ mādhavemanaḥ || 127 ||
[Analyze grammar]

asaṃtyajya ca gārhasthyamataptvā catathā tapaḥ |
chinatti vaiṣṇavīṃ māyāṃ keśavārādhane rataḥ || 128 ||
[Analyze grammar]

viṣayānavirodhena sevamāno'pi mādhavam |
arcayānastarantyenāṃ viṣṇumāyāṃ duratyayām || 129 ||
[Analyze grammar]

yata evamato labdhvāśarīraṃ karmasādhanam |
śubhaṃ karmaiva kartadyaṃ tatprasādāya mānavaiḥ, || 130 ||
[Analyze grammar]

prasādite'smin sarveṣāṃ svavarṇāśramakarmabhiḥ |
sarvehastagatāḥ kāmā muktiścānte karasthitā || 131 ||
[Analyze grammar]

kāryārthā mūrtayastasya lokakalyāṇakārakāḥ |
atassākārameveṣṭvā bhaktyemaṃ siddhimāpnuyāt || 132 ||
[Analyze grammar]

idaṃ ca śāstramālaṃbya pūjayedviṣṇumavyayam |
yaddhyānaṃ kevalaṃ proktaṃ śāstre kvacidanāśrayam || 133 ||
[Analyze grammar]

na tatrendriyadaurbalyātkarmasthasyādhikāritā |
yathā giritaṭāgrasthavanaspatiphalecchayā || 134 ||
[Analyze grammar]

upāye vartate'śrāntastathāsau yatnamācaret |
sarvatra kramavānyatnaḥkāryo naicchaiva kevalā || 135 ||
[Analyze grammar]

tatkāyavāṅmanoyogaiḥkramādicchetparāṃ gatim |
nirākāretu yā bhaktyā pūjeṣṭā dhyānameva vā || 136 ||
[Analyze grammar]

ramaṇīyamivābhāti tadanarthasya kāraṇam |
sthūlabhāvaprasaṃdīni janmanāsyendriyāṇi tu || 137 ||
[Analyze grammar]

sūkṣmāccha na prapadyante cirācca kimutācirāt |
na ca rūpaṃ vinā dovo dhyātuṃ kenāpi śakyate || 138 ||
[Analyze grammar]

sarvarūpanivṛttā hi buddhiḥ kutrāsya tiṣṭhati |
nivṛttāglāyate buddhirnidrayāhi parīyate || 139 ||
[Analyze grammar]

tasmādvidvānupāsīta buddhyā sākālameva tam |
astitasya parokṣaṃ taditi kiñcidanusmaret || 140 ||
[Analyze grammar]

sarvadhākāramuddiṣṭaṃ na parityajya paṇḍitaḥ |
paraṃ devamupāsīta muktaye vā phalāyavā || 141 ||
[Analyze grammar]

bhaktyākṛtenārcanena tuṣṭodevaḥ prajāpateḥ |
pūjādyanugrahāyā'dāvāvirbhūtaścaturbhujaḥ || 142 ||
[Analyze grammar]

tasmāttenaiva rūpeṇa hriyā lakṣmyā samāyutaḥ |
dhyeyassevyor'caniyaśca sadā nārāyaṇo budhaiḥ || 143 ||
[Analyze grammar]

sākāre'smin kṛtā pūjā stutirvā dhyānameva vā |
vidhinā śāstradṛṣṭena tasminneva kṛtā bhavet || 144 ||
[Analyze grammar]

tadevārādhanaṃ viṣṇoravajñātaṃ viśeṣataḥ |
khyāpanārthaṃ kalau kaścidbhaviṣyati mahāmatiḥ || 145 ||
[Analyze grammar]

dharmaglāniradharmasya vṛddhiryāvadbhaviṣyati |
tāvavbhartā mahāviṣṇuḥ sṛjatyātmānamātmanā || 146 ||
[Analyze grammar]

śrīnivāse janāvāne śrīnivāsaḥ svayaṃ hariḥ |
śrīnivāsassamākhyāto bhūmāvavatariṣyati || 147 ||
[Analyze grammar]

utpatsyamāna evāsau bhrājamānassvatejasā |
jagadāvaraṇaṃ krūraṃ tamaḥ puñjaṃ haniṣyati || 148 ||
[Analyze grammar]

pañcahāyana evātha prāptasarvakalākulaḥ |
saṃskṛto'khilasaṃskārairbrahmavarcasasevitaḥ || 149 ||
[Analyze grammar]

sarvalokeśvaraṃ devaṃ śrīnivākaṃ śriyaḥ patim |
caturbhujamudārāṅgaṃ divyābharaṇabhūṣitam || 150 ||
[Analyze grammar]

śrīvatsāṃkaṃ mahābāhuṃ śaṅkhacakragadādharam |
kirīṭamukuṭopetaṃ varadābhayacihnitam || 151 ||
[Analyze grammar]

haimordhvapuṇḍralāvaṇyalasadvadanapaṅkajam |
vaikhānasairmahābhāgairarcyamānaṃ nirantaram || 152 ||
[Analyze grammar]

kṛtāspadaṃ kaliyuge tadīyaṃ kuladaivatam |
arāyi kāṇa'ityādyaiśśrutivākyairabhiṣṭutam || 153 ||
[Analyze grammar]

rayiḥ kakudmā'nityādyairmantrairvaikhānasaiḥ paraiḥ |
ijyamānaṃ viśeṣeṇa vividhaiḥ pāramātmikaiḥ || 154 ||
[Analyze grammar]

kalyāṇaguṇasaṃpūrṇaṃ divyamaṅgalavigraham |
svayaṃvyaktaṃ parañjyotiḥ paraṃ brahma parātparam || 155 ||
[Analyze grammar]

vidhinā śāstradṛṣṭena devamārādhayiṣyati |
prasādasumukho devassvātmabhūte śiśau svayam || 156 ||
[Analyze grammar]

avanamya ca mūrdhānaṃ gṛhīṣyati gale srajam |
divyaiḥprasannairgrathitāṃ kusumaistulasīdalaiḥ || 157 ||
[Analyze grammar]

svayaṃ sārdhaṃ kumāreṇa havīṃṣi ca bhujiṣyati |
saṃtuṣṭena kumāreṇa prārthitaḥ karuṇānidhiḥ || 158 ||
[Analyze grammar]

vaikhānasairmahābhāgairupetaiḥ saha mandire |
havīṃṣyaśiṣyatyadhyakṣaṃ kumāraṃ sāntvayiṣyati || 159 ||
[Analyze grammar]

arcāvatāramahātmyaṃ lokebhyaḥkhyāpayiṣyati |
devor'cakaparādhīnaḥ sarvaṃ tebhyaḥ kariṣyati || 160 ||
[Analyze grammar]

tathā sammānitaḥ premṇā śrīnivāsena sādaram |
yajñairbahuvidhairanyairyajñeśaṃ saṃyajiṣyati || 161 ||
[Analyze grammar]

viśāle bahusaṃskārasaṃkule vasudhātale |
sthāpayiṣyati viṣṇvarcāṃ grāme grāme gṛhe gṛhe || 162 ||
[Analyze grammar]

purāṇi ca janāvāsā gṛhāṇi gṛhiṇāṃ tathā |
mandirairindireśasya sundarairnatibhandhuraiḥ || 163 ||
[Analyze grammar]

maṇḍitāni bhaviṣyanti jagattattvaṃ bhajiṣyati |
ita ācārya nirdeśa itaśśiṣyopasarpaṇam || 164 ||
[Analyze grammar]

ihaiva gṛhiṇāṃ bhūyaḥ prasaṃga iha mantraṇam |
acāryavaraṇaṃ ceha śilpināmiha mārgaṇam || 165 ||
[Analyze grammar]

iha prastarasaṃgrāha iha dārugrahastathā |
iha diksāthanaṃ caiha vasudhāsaṃparīkṣaṇam || 166 ||
[Analyze grammar]

ito maṅgalaghoṣaśca itaḥpuṇyāhavācanam |
ita ādyeṣṭakānyāsa ito mūrdheṣṭakāvidhiḥ || 167 ||
[Analyze grammar]

itaśśūlagrahaśceta ito vairajjubandhanam |
itaśca mṛtsnāsaṃskāra ito varṇavilekhanam || 168 ||
[Analyze grammar]

ito madhūcchiṣṭavidhirito'laṅkārakalpanam |
ito dhvajasya nirmāṇamito bhaktasamāgamaḥ || 169 ||
[Analyze grammar]

itaḥpratiṣṭhāsaṃkalpa nāto nayanamokṣaṇam |
ito'dhivāsanaṃ ceto prabhūtabalidāpanam || 170 ||
[Analyze grammar]

ito'gnimanthanaṃ ceto homa ānandavardhanaḥ |
iha gītaṃ nṛttamiha vādyaṃ śrutimanoharam || 171 ||
[Analyze grammar]

iha pratiṣṭhā devasya iha ca dvijabhojanam |
iha kālotsavaśceha dhanuṣi prātarutsavaḥ || 172 ||
[Analyze grammar]

mudgānnasya guḍānnasya prasādasya nivedanam |
adyottiṣṭhati vaikuṇṭhaḥ śayitaḥ kṣīrasāgare || 173 ||
[Analyze grammar]

adya vratasyāpavargo saṃśitassa bhuvo hareḥ |
adya vaivāhikaṃ devyāvratānte lokamaṅgalam || 174 ||
[Analyze grammar]

adya pauṣī pūrṇimāhocādya caikādaśī śubhā |
adya devasya kuryanti snapanaṃ kalaśaiśśataiḥ || 175 ||
[Analyze grammar]

adya dāśarathirjāto dvādaśī māghasaṃbhavā |
adya cātā jaganmātā phālgune revatī tithau || 176 ||
[Analyze grammar]

adyakurvanti devasya damanotsavamīśvarāḥ |
caitramāsasta devasya mahāprītikaraḥ kila || 177 ||
[Analyze grammar]

kurvanti manujādhīśā vasante divyamutsavam |
jalakrīḍotsavo hyadya caitrayātrā hareḥkvacit || 178 ||
[Analyze grammar]

ketakīmālatījātīmallikādolikotsavaḥ |
gandhotsavo'dya kriyate paurṇamāsī kadā dinam || 179 ||
[Analyze grammar]

kadā caikādaśī puṇyā kadā vā dvādaśītidhiḥ |
kadā nṛsiṃhassaṃjātaḥ smṛtamadyatrayodaśī || 180 ||
[Analyze grammar]

vaiśākhe śuklapakṣe tu kriyate vārṣikotsavaḥ |
kadā bhavetpaurṇamāsī kriyate candrikotsavaḥ || 181 ||
[Analyze grammar]

kadā jyeṣṭhotsavo bhūyātkadā vā pūrṇimā śubhā |
prapotsavaḥ kadā bhūyādāṣāḍhī ca bhaviṣyati || 182 ||
[Analyze grammar]

kadā ca śravaṇaṃ bhūyānnakṣatraṃ yatra mārutiḥ |
rāmasevādhuraṃ dhṛtvā jātassākṣānmahāmatiḥ || 183 ||
[Analyze grammar]

kadā ca śrāvaṇī bhūyādyatra nārāyaṇo hariḥ |
svātmānaṃ janayāmāsa lokakalyāṇahetave || 184 ||
[Analyze grammar]

vaikhānasaṃ vikhanasaṃ viriñcamiti yaṃ viduḥ |
kadā bhādrapado māsastatra caikādaśī bhavet || 185 ||
[Analyze grammar]

kadā vā dvādaśī bhūyātsarvapāpa praṇāśinī |
tiladhenuṃ pradāsyanti yatra devasya sannidhau || 186 ||
[Analyze grammar]

kadāśvino bhavenmāsastatrāpi daśamī śubhā |
aśvayātrā harerbhūyādanuyāsyāmahe harim || 187 ||
[Analyze grammar]

kadā bhavedamāvāsyā yasyāṃ sa narakohataḥ |
kadā vā kārtikomāso bhaviṣyati haripriyaḥ || 188 ||
[Analyze grammar]

dīpāropo bhavettatra kadā vā kārtikī śubhā |
kadāyugādaya stadvatpuṇyakālā viśeṣataḥ || 189 ||
[Analyze grammar]

kadā bhaviṣyati hare rathayātrā mahātmanaḥ |
kadā vā gajayātrā syātkadā vīśādhirohaṇam || 190 ||
[Analyze grammar]

kadā bhramati deveśo grāmavīthiṣu sundaram |
kadā labhiṣṭati harestīrthaṃ paramapāvanam || 191 ||
[Analyze grammar]

kadā prasādaṃ devasya kaṇasyāpi labhiṣyati |
kadā śaṅkharathāṅgādidivyalāñchanalāñchitā || 192 ||
[Analyze grammar]

pādukā devadevasya saṃskariṣyati me śiraḥ |
kadā vā tulasīṃ puṇyāmarpitāṃ tasya pādayoḥ || 193 ||
[Analyze grammar]

aśnāmi śirasā caiva dhārayiṣyāmi vaiṣṇavīm |
kadā vā puṇyapuṣpāṇāmekaṃ devasamarpitam || 194 ||
[Analyze grammar]

śirasā dhārayiṣyāmi jighrāmi bhahugandhavat |
devadevasya drakṣyāmi kadā sarvāṅgasuṃdaram || 195 ||
[Analyze grammar]

āpādamauliparyantaṃ lāvaṇyamadhuraṃ vapuḥ |
ityādikāḥ kathāstatra bhaviṣyanti prajāsu ca || 196 ||
[Analyze grammar]

sarve dharmaparāssarve nārāyaṇa parāyaṇāḥ |
arcane vāsudevasya bhaviṣyanti ratā narāḥ || 197 ||
[Analyze grammar]

ityeva kālaṃ kāleyaṃ gururujjīvayiṣyati |
śrīnivāsaṃ śriyovāsamarciṣyati ciraṃ bhuvi || 198 ||
[Analyze grammar]

pāṣaṇḍopaplutaṃ dharmamuddhariṣyati vaiṣṇavam |
idaṃ ca bhagavacchāstraṃ cirasthāyi kariṣyati || 199 ||
[Analyze grammar]

sarvatantrasvatantro'sau bahūn grandhānpraṇeṣyati |
asaṃkhyebhyaśca śiṣyebhyastattārthamupadekṣyati || 200 ||
[Analyze grammar]

dharmavyavasthāṃ kṛtvaivaṃ kalāvatibhayaṅkare |
sameṣyati paraṃ sthānaṃ tadviṣṇoḥ paramaṃ padam || 201 ||
[Analyze grammar]

yugānte ca punarnāmaharernaiko gṛhīṣyati |
tadā harirmahāvīraḥ kalkī nāma bhaviṣyati || 202 ||
[Analyze grammar]

adharmanidhanaṃ kṛtvā dharmaṃ saṃsthāpayiṣyati |
harerdivyāvatārāṇāmavatārakathāmimām || 203 ||
[Analyze grammar]

yaḥ paṭhecchruṇuyādvāpi so'pi yāsyati sadgatim |
dhanyāste puruṣaśreṣṭhā durante bhavasāgare || 204 ||
[Analyze grammar]

ye nāmāpi kalau viṣṇossmariṣyintyavyayātmavaḥ |
dhyāyan kṛtayuge viṣṇuṃ tretāyāṃ dāpare yajan || 205 ||
[Analyze grammar]

yattatphalamavāpnoti kalau smaraṇamātrataḥ |
harerharati pāpāni nāmasaṃkīrtitaṃ sakṛt || 206 ||
[Analyze grammar]

pāṣaṇḍabahule loke kalāvatibhayaṅkare |
tannāmakīrtayedyastu taṃ vidyātkṛtināṃ varam || 207 ||
[Analyze grammar]

tasmātsarvaprayatnena bhaktyā paramayā yutaḥ |
samūrtārādhanaṃ kuryānnānyathā muktimāpnuyāt || 208 ||
[Analyze grammar]

nāthamādyaistu navabhiradhyāyairīḍyate kramāt |
bhūparīkṣādikarmāṇi vimānānāṃ ca kalpanam || 209 ||
[Analyze grammar]

vividhānāṃ ca berāṇāṃ nirmāṇavidhivistaraḥ |
daśame nāṃkurāropaḥ paścāddvābhyāmudīritaḥ || 210 ||
[Analyze grammar]

pratiṣṭhā vidhiratyanta phalado jagataḥ pateḥ |
paścāddaśāvatārāṇāṃ caturbhiḥ procyate vidhiḥ || 211 ||
[Analyze grammar]

tathā saptadaśe cokta ādimūrti vidhistataḥ |
aṣṭādaśer'canaṃ sāṃgamuktaṃ madhuvidāriṇaḥ || 212 ||
[Analyze grammar]

dvābhyāmuktastato pūjādravya saṃgrahaṇa kramaḥ |
ekaviṃśe viśeṣārcāvidhissamyagudīritaḥ || 213 ||
[Analyze grammar]

dvāviṃśesnapanaṃ coktaṃ trayoviṃśe viśeṣataḥ |
vidhirutsavacakrasya prokto dvābhyāmathotsavaḥ || 214 ||
[Analyze grammar]

tataśca ṣaḍbhiradhyāyaiḥ prāyaścittasya vistaraḥ |
proktastataśca dvātriṃśe saṃkīrṇaṃśā udīritāḥ || 215 ||
[Analyze grammar]

arcāvatāramahimā trayastriṃśe prakīrtitaḥ |
svayaṃvyaktādibhedaśca catustriṃśe prakāśitaḥ || 216 ||
[Analyze grammar]

pañcatriṃśe tu saṃproktaṃ kriyāyogāśritaṃ phalam |
ṣaṭtriṃśetvapacārāśca kathitā devakopanāḥ || 217 ||
[Analyze grammar]

kalidharmāśca saṃproktāssaptatriṃśe viśeṣataḥ |
saptatriṃśadbhiradhyāyairevaṃ gurukṛpābalāt || 218 ||
[Analyze grammar]

ṣaḍbhiḥ sahasraiḥ ślokaistu kriyāṅgamupavarṇitam || 219 ||
[Analyze grammar]