Chapter 65

bodhisatvo yathā vīro nairaṃjanām upāgame |
atha kālo mahānāgo ekako va anucintayat || 1 ||
[Analyze grammar]

yathāyaṃ raṇate pṛthivī kaṃsapātrīva tāḍitā |
niḥsaṃśayaṃ mahāvīro loke prādurbhaviṣyati || 2 ||
[Analyze grammar]

raṇatīṃ pṛthivīṃ śrutvā nandighoṣasamākulāṃ |
bhavanāto uttaritvāna samantaṃ sa vilokaye || 3 ||
[Analyze grammar]

vilokayanto mahānāgo asadṛśaṃ puruṣottamaṃ |
agniskandhaṃ jvalamānaṃ vidyuṃ vāpi ghanāntare || 4 ||
[Analyze grammar]

nairaṃjanāyāṃ tīre adrutagāmi anigho puruṣasiṃho |
ghṛtahutanibhānanas taṃ nāgo kāla bhavantaṃ vande || 5 ||
[Analyze grammar]

tato udagro samāno prītisukhasamarpito |
bodhisatvaṃ namasyanto imāṃ gāthām abhāṣata || 6 ||
[Analyze grammar]

yādṛśā me purā dṛṣṭā lokanāthā mahāyaśāḥ |
teṣāṃ tuvaṃ pi sadṛśo atra me nāsti saṃśayaḥ || 7 ||
[Analyze grammar]

yathā uddharase pādaṃ dakṣiṇaṃ puruṣottama |
diśām abhivilokento adya buddho bhaviṣyasi || 8 ||
[Analyze grammar]

yatheyaṃ raṇate pṛthvī kaṃsapātrīva tāḍitā |
niḥsaṃśayaṃ mahāvīra adya buddho bhaviṣyasi || 9 ||
[Analyze grammar]

yathā ca bhavanaṃ mahyaṃ andhakāratamisrakaṃ |
obhāsena sphuṭaṃ sarvaṃ adya buddho bhaviṣyasi || 10 ||
[Analyze grammar]

yathā vimāno tejena sphuṭo tiṣṭhati sarvaśo |
niḥsaṃśayaṃ mahāvīra adya buddho bhaviṣyasi || 11 ||
[Analyze grammar]

yathā ca vimalā netrā viśuddhā mama nāyaka |
niḥsaṃśayaṃ mahāvīra adya buddho bhaviṣyasi || 12 ||
[Analyze grammar]

yathā cīvaranikṣepā yathā ca avagāhasi |
nairaṃjanāṃ śītakālāṃ adya buddho bhaviṣyasi || 13 ||
[Analyze grammar]

yathā nairaṃjanā ramyā kusumehi samākulā |
niḥsaṃśayaṃ mahāvīra adya buddho bhaviṣyasi || 14 ||
[Analyze grammar]

yathā ca puṣpā varṣanti devā kṣipanti ambarā |
vṛkṣā ca praṇatā sarve adya buddho bhaviṣyasi || 15 ||
[Analyze grammar]

śucijalaṃ ca vahate pratipūrṇaṃ pārthivottamasuto avagāhya |
abhyudayanto abhiṣecayitvā upāgame purimabuddhaniṣadyāṃ || 16 ||
[Analyze grammar]

sarvamahīṃ sacaturdvīpasaśailāṃ kheḍapiṇḍaṃ va anapekṣo jahitvā |
yāce svastikaṃ tṛṇāṃ narasiṃho yatra niṣaṇṇo sa spṛśo varabodhiṃ || 17 ||
[Analyze grammar]

tasya tṛṇāṃ mṛdukatūlanikāśāṃ svastiko kanakabimbanibhasya |
vegajātu adade tṛṇamuṣṭiṃ taṃ gṛhya ca mṛdutūlāṃgulapāṇiḥ || 18 ||
[Analyze grammar]

atha kalpasahasrāṇi vaśibhūtasahasrakoṭīn anucīrṇaṃ |
dṛṣṭvā tadā vrajantaṃ kālo śākyottamam avocat || 19 ||
[Analyze grammar]

mārgeṇa yena gaccasi dvipadottama adrutaṃ asaṃbhītaṃ |
adya jinapāramitāye sarvasatvāna caritaṃ budhyasi || 20 ||
[Analyze grammar]

yena te purimā buddhā mṛdumārgeṇa prasthitā |
tena tvaṃ praṇato vīra adya buddho bhaviṣyasi || 21 ||
[Analyze grammar]

krakucchando bhagavāṃ buddho muni konākasāhvayo |
kāśyapo bhagavāṃ buddho bhavāṃ py etena prasthitaḥ || 22 ||
[Analyze grammar]

yena gato krakucchando konākamuni ca kāśyapo |
etena tvaṃ gaccha vīra adya buddho bhaviṣyasi || 23 ||
[Analyze grammar]

yathā tṛṇāni gṛhṇāsi yathā yācasi svastikaṃ |
yathopesi mahīmaṇḍaṃ adya buddho bhaviṣyasi || 24 ||
[Analyze grammar]

yathā ime śuddhāvāsā vaśībhūtā karapuṭāḥ |
namasyanti tarhi eṣāṃ satkāro śākyasutā samaḥ || 25 ||
[Analyze grammar]

purimehi yathā vimānaṃ tejena sphuṭaṃ sarvaśaḥ |
niḥsaṃśayaṃ mahāvīra adya buddho bhaviṣyasi || 26 ||
[Analyze grammar]

yathā ca bhavanaṃ mahyaṃ andhakāratamisrakaṃ |
obhāsena sphuṭaṃ sarvaṃ adya buddho bhaviṣyasi || 27 ||
[Analyze grammar]

yathā ca vimalā netrāḥ viśuddhā mama nāyaka |
niḥsaṃśayaṃ mahāvīra adya buddho bhaviṣyasi || 28 ||
[Analyze grammar]

yathā ca raṇate pṛthvī kaṃsapātrīva tāḍitā |
niḥsaṃśayaṃ mahāvīra adya buddho bhaviṣyasi || 29 ||
[Analyze grammar]

yathā ca vātā vāyanti yathā vṛkṣā niriṃgitā |
yathā dvijā nikūjanti adya buddho bhaviṣyasi || 30 ||
[Analyze grammar]

yathā medinī puṣpehi samaṃgibhūtamaṇḍitā |
buddhānām eva utpāde evaṃ bhoti alaṃkṛtā || 31 ||
[Analyze grammar]

yathā vāṇaśatā paṃca karonti tvāṃ pradakṣiṇaṃ |
niḥsaṃśayaṃ mahāvīra adya buddho bhaviṣyasi || 32 ||
[Analyze grammar]

yathā pattriśatā paṃca karonti tvāṃ pradakṣiṇaṃ |
niḥsaṃśayaṃ mahāvīra adya buddho bhaviṣyasi || 33 ||
[Analyze grammar]

yathā haṃsaśatā paṃca karonti tvā pradakṣiṇaṃ |
niḥsaṃśayaṃ mahāvīra adya buddho bhaviṣyasi || 34 ||
[Analyze grammar]

yathā kroñcaśatā paṃca karonti tvā pradakṣiṇaṃ |
niḥsaṃśayaṃ mahāvīra adya buddho bhaviṣyasi || 35 ||
[Analyze grammar]

yathā moraśatā paṃca karonti tvā pradakṣiṇaṃ |
niḥsaṃśayaṃ mahāvīra adya buddho bhaviṣyasi || 36 ||
[Analyze grammar]

yathā jīvakaśatā paṃca karonti tvā pradakṣiṇaṃ |
niḥsaṃśayaṃ mahāvīra adya buddho bhaviṣyasi || 37 ||
[Analyze grammar]

yathā pūrṇakumbhaśatā paṃca karonti tvāṃ pradakṣiṇaṃ |
niḥsaṃśayaṃ mahāvīra adya buddho bhaviṣyasi || 38 ||
[Analyze grammar]

yathā kanyāśatā paṃca karonti tvāṃ pradakṣiṇaṃ |
niḥsaṃśayaṃ mahāvīra adya buddho bhaviṣyasi || 39 ||
[Analyze grammar]

saṃmukhaṃ pi ca jinapāramitāye upāgame purimabuddhaniṣadyāṃ |
svastikakāle sa lokapradīpaḥ upāviśe mahiruhāgrasamīpe || 40 ||
[Analyze grammar]

yathā mṛdūhi jālehi saṃstaritvāna saṃstaraṃ |
yathā paryaṃkam ābhuṃjasi adya buddho bhaviṣyasi || 41 ||
[Analyze grammar]

yathā vāṇaśatā paṃca karonti tvāṃ pradakṣiṇaṃ |
samīpe drumarājasya adya buddho bhaviṣyasi || 42 ||
[Analyze grammar]

tvaṃ pi naravīra cariyāṃ adya niṣevasi pūrvaṃ anucīrṇāṃ |
dhakṣyasi tvaṃ śaṭhasainyaṃ sanāgaratha sapadātaṃ || 43 ||
[Analyze grammar]

yathā dvātriṃśatī kāye mahāpuruṣalakṣaṇā |
niḥsaṃśayaṃ mārasainyaṃ prabhaṃjitvā virocasi || 44 ||
[Analyze grammar]

adya tvaṃ sāśravaṃ cittaṃ kilesamadasūdana |
jñānenotpāṭayitvāna bodhiṃ prāpya vibhotsyasi || 45 ||
[Analyze grammar]

adya te saha dharmeṇa prativaktā na bheṣyati |
iti kālo mahānāgaḥ uragāṇāṃ varottamaḥ |
hṛṣṭo prāṃjaliko āha adya buddho bhaviṣyasi || 46 ||
[Analyze grammar]

taṃ ca kālam avaci dvipadendro prītiharṣaparivṛṃhitakāyo |
adya kāla vacanaṃ tava satyaṃ adya spṛśiṣya anuttarabodhiṃ || 47 ||
[Analyze grammar]

api mahidharā girivarā na bhaveyā candramātra gagaṇā prapateyā |
naivāhan tatra gato na bhaveyaṃ bhohi prītimanaso bhujagendra || 48 ||
[Analyze grammar]

meruśṛṃga anilo vidhameyā medinī ca gagaṇaṃ ca sameyā |
mādṛśā na hi siṃhāsanaśreṣṭhaṃ upagamya amṛtaṃ na spṛśensuḥ || 49 ||
[Analyze grammar]

so girāṃ pramuṃca tatra niṣaṇṇo tiryaṃ va drumavarasya samīpe |
adya sarvabhavamūlam aśeṣaṃ ūhanāmi rajanīkṣayakāle || 50 ||
[Analyze grammar]

stavitva kālo saṃbuddhaṃ dvātriṃśavaralakṣaṇaṃ |
pradakṣiṇaṃ karitvāna tatraivāntarahāyitha || 51 ||
[Analyze grammar]

vaihāyase tiṣṭhasi antarīkṣe vegapramatto mṛgamaṇḍalīva |
namasyanto prāṃjali vandamāno taṃ vandanīyaṃ iha tvaṃ namasyasi || 52 ||
[Analyze grammar]

ahaṃ vo īśvaro rājā vicetā sarvaprāṇināṃ |
sukhaduḥkhasya vidvāṃso loke paryāyakovidu || 53 ||
[Analyze grammar]

yavā te yauvanaṃ vīra ārogyaṃ ca mahāyaśa |
bhuṃja mānuṣyakā kāmāṃ pitur niveśane vasa || 54 ||
[Analyze grammar]

mahīṃ ramyāṃ āvasehi sphītāṃ udadhimaṇḍalāṃ |
mahāyajñāni yajamāno rājyaṃ kārehi gautama || 55 ||
[Analyze grammar]

aśvamedhaṃ puruṣamedhaṃ puṇḍarīkaṃ nirargaḍaṃ |
etāṃ yajñāṃ yajitvāna hohisi amaro maru || 56 ||
[Analyze grammar]

etāṃ yajñā yajitvāna trāyastriṃśā sa-indrikā |
modanti kāmakānāṃ + + + + + + + + + + + + || 57 ||
[Analyze grammar]

evaṃ tvaṃ hi mārṣa kruhi karohi vacanaṃ mama |
mā āgāmike vihanyāhi hitvā sāṃdṛṣṭikaṃ phalaṃ || 58 ||
[Analyze grammar]

imāṃ gāthāṃ bhaṇe māro bodhisatvasya santike |
tathāvādinaṃ ca māraṃ bodhisatvo dhyabhāṣati || 59 ||
[Analyze grammar]

pramattabuddhi pāpīmaṃ kasya arthaṃ ihāgataḥ |
naiva tvaṃ īśvaro rājā na brahmā na prajāpatiḥ || 60 ||
[Analyze grammar]

saca tvam īśvaro asyā na me yācesi prāṃjali |
susamṛddhāpi yā jātiḥ hīnotkṛṣṭā ca madhyamā |
tāṃ nāhaṃ abhinandāmi anapekṣo smi te pi hi || 61 ||
[Analyze grammar]

susamṛddhā pi ye kāmā hīnautkṛṣṭamadhyamā |
te py ahaṃ nābhinandāmi anapekṣo smi te pi hi || 62 ||
[Analyze grammar]

ye pime paṃca kāmaguṇā lokasya sukhasammatā |
te py ahaṃ nābhinandāmi anapekṣo smi te pi hi || 63 ||
[Analyze grammar]

nāgo yathā pāśaṃ bhittvā dārayitvā ca bandhanā |
gacchati yenakāmo va + + + + + + + + + + + + + + + || 64 ||
[Analyze grammar]

chittvā gṛhabandhanāni gaṃsāmi ahaṃ puraṃ varaṃ |
aho dharmam udīrayensuḥ hṛṣṭapramuditā nabhe || 65 ||
[Analyze grammar]

aham īśvaro madakaro marumānuṣāṇāṃ mahyaṃ surāsuravaro viṣayānuvāsī |
saṃsārapaṃjaragatā madanābhibhūtā kāmāturā mucyanti mṛtyupāśā || 66 ||
[Analyze grammar]

taṃ vācayā madhurayā paramārthadarśī māraṃ bravīta mahimaṇḍagato maharṣi |
ākalpakoṭi kuśaloghasamanvitasya vacanaṃ nararṣabharutaṃ narapuṃgavasya || 67 ||
[Analyze grammar]

cittaśūro si yadi taveśvaratvaṃ kāmeśvaro si yadi vyaktam anīśvaro si |
kāmāturā hi strīṇāṃ manujendragarbha paṃke patanti maṇiratnavilambicūḍā || 68 ||
[Analyze grammar]

teṣān tathā nipatitāna mahīśvarāṇāṃ pṛṣṭhe patanti puruṣāṇa striyo lalantyaḥ |
te kāmarāgamadavegayutā hasanti tasmiṃ kṣaṇasmiṃ pramadā yamadāsabhūtā || 69 ||
[Analyze grammar]

so dāsatām upagato pramadājanasya aiśvaryatāṃ vadasi paśya yathāsi mūḍho |
kāmāturasya hi na vidyati īśvaratvaṃ nābhū na cāpi bhavitā iti niścitaṃ me || 70 ||
[Analyze grammar]

so haṃ tavādya sabalaṃ yadhi nirjinitvā aruṇodaye pratibhāte bhavitāsmi buddho |
siṃhāsanam anugato hi na kaści kṛṣṇa uttiṣṭhate caramadehagato abuddho || 71 ||
[Analyze grammar]

kiṃ garjase drumavarasmi sukhaṃ niṣaṇṇo na hi tāva paśyasiha yodhyasahasramāliṃ |
senāṃ piśācabahurākṣasayakṣasaṃghāṃ caturaṃginīṃ muditāṃ bahumantrayantrāṃ || 72 ||
[Analyze grammar]

yadi mārakoṭinayutāni samāgamensuḥ kuśalaughasaṃcayasaṃcitanararṣabhasya |
romaṃ na iṃjeya kuto tuvaṃ kṛṣṇabandhu pratigaccha kiṃ vilapesi nirarthakena || 73 ||
[Analyze grammar]

niṣaṇṇo siṃho yatha duṣpradharṣo obhāsayitva diśāṃ vṛkṣamūle |
na caitad asmākaṃ kadāci rocati yaṃ evarūpaṃ ṛṣim ākramesi || 74 ||
[Analyze grammar]

śīlena kṣāntīye tapena caiva upeto sarvaparamāṃ gatiṃ gato |
so evarūpo samucchritadhvajo gajo yathā bhetsyati ātmabandhaṃ || 75 ||
[Analyze grammar]

paśya tuvaṃ sarvadvipāda-uttamaṃ taṃ candro yathā vibhāti pūrṇamāsye |
kathaṃ hi cittaṃ kramate abuddhi yo evarūpāṃ labhate viheṭhāṃ || 76 ||
[Analyze grammar]

aṃgārakarṣūṃ prapateya na koci āśīviṣaṃ pi spṛśe no kareṇa |
jātyandho trasto śunakhehi pṛṣṭhe so andhakūpe prapate acakṣuḥ || 77 ||
[Analyze grammar]

evaṃ ime bhonti parīttacetaso mantro ca no asti tathāvidhānāṃ |
ye evarūpaṃ pariśuddhagocaraṃ taṃ aśraddadhānā prapatanti acakṣuṣo || 78 ||
[Analyze grammar]

sacevaṃ etaṃ vacanaṃ na gṛhṇatha mārgastha unmārgagatā smariṣyatha |
palāyamānā diśatā caturdiśaṃ yathāpi + + + bhraṣṭa kroṣṭuko || 79 ||
[Analyze grammar]

sarvo svakārthasmi samucchritasmiṃ sammoham āsanno visaṃjñabuddhiḥ |
yathā ayaṃ deva asaṃpratīto matiṃ ayuktāṃ karute janīsutaḥ || 80 ||
[Analyze grammar]

atha sa sagavayāśvaratho kho bahuhayavāraṇayuktāṃ senāṃ |
abhinirmiṇīyabhiyāsi yena bodhisatvāsanaṃ śreṣṭhaṃ || 81 ||
[Analyze grammar]

so hayasahasrayuktaṃ vāhanam abhiruhya citracāpadharo |
vācām ugrām udīraye hanatha hanatha gṛhṇatha naṃ śīghraṃ || 82 ||
[Analyze grammar]

kuṃjarakharaśvavadanā uṣṭramukhā muṣalapāṇino raudrā |
rākṣasagaṇā pratibhayaṃ bhramanti yato sau arinighātī || 83 ||
[Analyze grammar]

aparāṇi kabandhāni āśīviṣakāni ruhanti medinyāṃ |
imaṃ hanatha imaṃ gṛhṇatha ravanti ārttasvaraṃ ghoraṃ || 84 ||
[Analyze grammar]

apare mukhato sarpān agniṃ viṣaṃ ca vamanti + + + |
pādena gṛhya gajendram abhidravanti piśācagaṇāḥ || 85 ||
[Analyze grammar]

parvataśṛṃgānapara uggiramānā abhidravanti muniṃ |
aṃgāravarṣam apare varṣanti nabhe piśācagaṇāḥ || 86 ||
[Analyze grammar]

kṣuraparyantā apare bhramenti cakrāṇi antarīkṣagatā |
gagaṇe ca caṭacaṭāyati asanirghorāṃ karoti śabdaṃ || 87 ||
[Analyze grammar]

so kareṇa mṛdutūlupamena āhaneya dharaṇīṃ dvipadendro |
kampe medinī sasāgaraśailā tena bhagnā ca camuḥ namucisya || 88 ||
[Analyze grammar]

so ca jahe tadā bodhisamīpaṃ bodhisatvatejena te caranto |
anekaturagavāraṇayodhā vagāḍhā nairaṃjanāṃ nāma tīrthaṃ || 89 ||
[Analyze grammar]

patitamathitāśvarathaśastraḥ māro sarākṣasagaṇo diśāṃ ca |
aprajānanto nairaṃjananāma pratyotīrṇo vigataśastro tīrthaṃ || 90 ||
[Analyze grammar]

yojanasahasramātraṃ palānā ṛddhibalena rakṣasenā trastā |
tathāpi no cābhayā prakaṃpanti jīvātha diṣṭyā sma saṃśayamuktā || 91 ||
[Analyze grammar]

anye rakṣagaṇāḥ kaṇṭhāvalagnā prarodanti ca mandāravāṃ ca |
devā pravarṣensu karkāravāṃ ca hṛṣṭamanā vācam udīrayanti || 92 ||
[Analyze grammar]

vijayo pārthivasya gagaṇe ca dundubhiśabdo hikkāranado ca |
nirnade trailokye pravidhutaṃ ca nabhaṃ vimalaṃ śāstu vijayasmiṃ || 93 ||
[Analyze grammar]

yo sau bhāvo satpuruṣottamasya nairaṃjanātīram upahatasya |
na śakyaṃ tad varṣaśatehi vaktuṃ pradeśamātraṃ parikīrtayiṣyaṃ || 94 ||
[Analyze grammar]

dṛṣṭo me jāmbūnadakāñcanābho vyomaprabho lakṣaṇacitragātro |
saṃprasthito ekacaro abhūṣi nairañjanā yāva ca bodhimaṇḍo || 95 ||
[Analyze grammar]

so te kramāṃ padmadalaprakāśāṃ yathā yathā nikṣipate mahīyaṃ |
tathā tathā kampati sābhirāmā anekaghoṣābhiratā vasudharā || 96 ||
[Analyze grammar]

dṛṣṭā me mārasya camū samāgatā samantato yakṣasahasrakoṭyo |
karoti trāsaṃ hṛdayaṃ prakampe na satvasārasya karonti iñjanāṃ || 97 ||
[Analyze grammar]

na cāsya bhāvaṃ pṛthivīya jñāyate samantato devasahasrakoṭiyo |
ghoṣaṃ udīrayanti bhaviṣyate jino prahṛṣṭā vastrāṇi ca bhrāmayensuḥ || 98 ||
[Analyze grammar]

dṛṣṭā me paṃcaśatā jīvajīvakā mayūrahaṃsā karaviṃkakokilā |
saṃprasthitenaikaravā abhūṣi nairaṃjanā yāva ca bodhimaṇḍaṃ || 99 ||
[Analyze grammar]

dṛṣṭo me mārgā amarehi nirmito nairaṃjanā yāva ca bodhimaṇḍaṃ |
dhūpasya ca puṣpasya ca mālyasya vicitrapuṣpo sumanojñagandho || 100 ||
[Analyze grammar]

bhagne māre sarvaśo hatateje pūrve yāme pariśodhaye cakṣuṃ |
madhyame ca yāme māranighātī pūrvenivāsacaritā smaresi || 101 ||
[Analyze grammar]

udgate ca aruṇe varabuddhiṃ yattakāṃ purimabuddhānubuddhāṃ |
buddhadharmavaśitā prāpuṇesi lokanātho bhavarāganighātī || 102 ||
[Analyze grammar]

atha nānāvarṇā kusuma-oghā nipatensuḥ sucitrasugandhā |
devaputrakaratalavimuktā devarājam abhidakṣiṇiyensuḥ || 103 ||
[Analyze grammar]

yasya vīryaṃ girisāram atulyaṃ yo sadā kulātiteja sikhīva |
tasya devamanujopacitasya aṃjaliṃ kurutha apratimasya || 104 ||
[Analyze grammar]

yadā ime prādurbhavanti dharmā ātāpino dhyāyato brāhmaṇasya |
athāsya kāṃkṣā vyapanenti sarvā yadā prajānāti sahetudharmā || 105 ||
[Analyze grammar]

yadā ime prādurbhavanti dharmā ātāpino dhyāyato brāhmaṇasya |
athāsya kāṃkṣā vyapanenti sarvā kṣayaṃ pratyayānāṃ avaiti || 106 ||
[Analyze grammar]

yadā ime prādurbhavanti dharmā ātāpano dhyāyato brāhmaṇasya |
vidharṣitā tiṣṭhati mārasainyā sūryeṇaiva obhāsitam antarīkṣaṃ || 107 ||
[Analyze grammar]

sukho vipāko puṇyānāṃ abhiprāyaś ca ṛdhyati |
kṣipraṃ ca paramāṃ śāntiṃ nirvṛtiṃ cādhigacchati || 108 ||
[Analyze grammar]

purato ye upasargā devatā mārakāyikā |
antarāyaṃ na śaknonti kṛtapuṇyasya kartuṃ vai || 109 ||
[Analyze grammar]

ye bhonti alpapuṇyasya vigrahā te na bhavanti balavanto |
balavāṃ bhoti samādhī saṃbhāravatāṃ sapuṇyavatāṃ || 110 ||
[Analyze grammar]

yadi yo ca devaloke atha vā vasavartino manuṣyo vā |
akṛtyaṃ prārthayate kiṃci tathā tatha na ṛdhyate tasya || 111 ||
[Analyze grammar]

atha vā puna prārthayati nirvāṇaṃ acyutaṃ padam aśokaṃ |
mārgaṃ duḥkhapraśamanaṃ pratilabhate alpakisareṇa || 112 ||
[Analyze grammar]