Chapter 35

nīvaraṇāni vijahitva ekāgreṇa manasā mama śṛṇotha |
yathā asito parideve utpanne śākiyakumāre || 1 ||
[Analyze grammar]

asito nāma maharṣiḥ abhūṣi yo vasati vindhyaviṣayasmiṃ |
niyatanicayo mahātmā mahākapila-uttamāṃgaruhaḥ || 2 ||
[Analyze grammar]

āraṇyaśāstrakuśalo lābhī pañcāna so abhijñāna |
kailāsaśikharavāsī dhanapatir iva guhyakādhipati || 3 ||
[Analyze grammar]

so vasati kānanamūrdhni mūlaphalam akṛṣṭaṃ rucchāṃ vṛttiṃ |
śiṣyeṇa nālakena sārdhaṃ anyehi ca bahūhi || 4 ||
[Analyze grammar]

daśakuśalakarmasevī praśamadamarato pare ca ovadati |
devaguṇapāramigato ṛṣiḥ paramaśīlasaṃpanno || 5 ||
[Analyze grammar]

obhāso ca suvipulo prītī lokottara asaṃmuhyantī |
satvā caikāntasukhī abhunsu pṛthivī ca kampesi || 6 ||
[Analyze grammar]

so tatra saṃniṣaṇṇo paśyati mandāravāṇi kusumāni |
dharaṇītale patitāni divyāni ca kalpapuṣpāṇi || 7 ||
[Analyze grammar]

paśyati asito ca nabhe ābharaṇaśaṭāni viprakīrṇāni |
sahasrā pradhāvitānāṃ gaganatale devakanyānāṃ || 8 ||
[Analyze grammar]

madhuraṃ ca kiṃnarīṇāṃ śṛṇoti gītasvaraṃ giriguhāsu |
girinadiyo kūlavahāṃ śamayati kusumākulajaloghāṃ || 9 ||
[Analyze grammar]

obhāsaṃ pi ca vipulaṃ samantato paśyati daśadiśāsu |
sahasā samutpatantaṃ ravitaruṇamarīcisaṃkāśaṃ || 10 ||
[Analyze grammar]

etāni ca anyāni ca bahūni āścaryakāni dṛṣṭvāna |
uddharṣitaromakūpo asito cintāmano āsi || 11 ||
[Analyze grammar]

kin tu khu mahī pracalitā gaganatale dundubhino ca nadanti |
obhāsito ca loko pravarṣati ca puṣpavarṣāṇi || 12 ||
[Analyze grammar]

na vibhānti candrasūryā lavaṇajalo kṣubhyate asitatoyo |
padmottarīyapaṭalā dṛśyanti kusumākulajalaughā || 13 ||
[Analyze grammar]

sarve c' ime drumavarā akālakusumehi + + + cchāditā |
adya phalakusumabharitā surabhī gandhā pravāyanti || 14 ||
[Analyze grammar]

na ca prajvalate agniḥ nirayasahasreṣu adya divasena |
na ca vedayanti duḥkhaṃ lokāntarikā vipadyamānā || 15 ||
[Analyze grammar]

na cāpi kṣudhāpipāsā yathā pure jāyate śarīrasmiṃ |
hṛdayaṃ ca me pramuditaṃ kin tu khalu bhaviṣyati adya || 16 ||
[Analyze grammar]

atibalam udīrṇahāsā kiṃ tu khalu purastime diśābhāge |
dhāvanti devakanyā candanacūrṇaṃ grahetvāna || 17 ||
[Analyze grammar]

ko na khalu mahānubhāvo utpanno adya jaṃbudvīpasmiṃ |
kasya yaśena yaśavato ayam edṛśako mahābhāvo || 18 ||
[Analyze grammar]

tahim edṛśaṃ nimittaṃ lokasmiṃ yasya kasyacid bhoti |
buddhānām utpāde edṛśakā bhonti ākārāḥ || 19 ||
[Analyze grammar]

pṛthivīya patantānāṃ śṛṇoti ākāśe amarasaṃghānāṃ |
utpanno lokanātho buddho hohiṣyati aneyo || 20 ||
[Analyze grammar]

so dāni pramuditamano gaganatale śruṇiya devasaṃghānāṃ |
adya naravīragarbho buddho lokasmiṃ utpanno || 21 ||
[Analyze grammar]

so sarvaṃ jambudvīpaṃ olokayi divyalocanehi ṛṣi |
addasa śākyāna kule jāto śuddhodanasuto yaṃ || 22 ||
[Analyze grammar]

tasyāpi evaṃ dṛṣṭvā jāto diśāsu bodhiya kaulīno |
tatraiṣa buddhaśabdo carati drakṣyāmi taṃ kāle || 23 ||
[Analyze grammar]

te cāpi kuṭhārihastā kṛṣṇājinasukṛtauttarāsaṃgā |
valkalacīrāṃbaradharā ādāya phalodakam āgami || 24 ||
[Analyze grammar]

ākāśe nirālambe vāyupathe + + + prakrāmi ṛṣiḥ |
ṛddhiṃ saṃjanayitvā kṣaṇena āgami kapilavastuṃ || 25 ||
[Analyze grammar]

himavatamūle adarśi nagaraṃ ramyaṃ ādityabandhuguptaṃ |
durdharṣaṃ paraśatrubhiḥ taṃ ca suramaṇīyaṃ tridaśāna iva |
devānāṃ praviśe ṛṣi puraṃ śākiyadarśanārthāye || 26 ||
[Analyze grammar]

susannibhantaṃ praviśe āpaṇapaṇyakrayaprasaktaṃ pūrṇaṃ |
hṛṣṭajanehi pramuditahayagajarathapattisaṃghehi || 27 ||
[Analyze grammar]

so manasā upagacchanto dvāre praviṣṭo śuddhānte + + + |
śuddhodanasya nilayaṃ nilayaṃ yathā devarājasya || 28 ||
[Analyze grammar]

prāsādaharmiyaṃ taṃ gavākṣavaraśaraṇapaṃjaravibuddhaṃ |
girikūṭaṃ iva galitaṃ paśyati gagane virocentaṃ || 29 ||
[Analyze grammar]

tasmiṃ vimānamukhye kūṭāgārāṇi rajataśrīmāṇi |
śobhanti karṇikāyo hutāśanahutārcisaṃkāśā || 30 ||
[Analyze grammar]

garbhagṛhāṇī śubhāni ca santi viśadaśaṃkhahārakasaṃnibhā |
vimalaravisaṃprakāśā dyotanti kṛtā va candrāṇi || 31 ||
[Analyze grammar]

dṛśyanti tatra uptā veruliyasya sukṛtehi phalakehi |
gṛhasūcīkāvalīhi vidyughanaprasekavarṇāni || 32 ||
[Analyze grammar]

paśyanti toraṇāni kanakamayā agnijvālasadṛśāni |
vimalaravisaṃprakāśā dyotanti kṛtā ca candrāṇi || 33 ||
[Analyze grammar]

kvacitkvacit kālameghasadṛśasamadā pi sṛjanti viya toyaṃ |
kvaci niśritārkasadṛśā satārakā niścaranti kvacit || 34 ||
[Analyze grammar]

mārjārapotakā pi ca kvacitkvacit sahasāvapatanti tahiṃ |
trasyanti ca varhiṇehi kvacitkvacit saṃpatantehi || 35 ||
[Analyze grammar]

madhuraṃ ca paṃjaragatā kvacitkvacit kokilā nikūjanti |
śukasārikā kvacitkvacid ābharaṇanidānavibhrāntā || 36 ||
[Analyze grammar]

śuddhaṃ daśasu vidiśāsu caturasraṃ nirmitaṃ su-āviddhaṃ |
durgharṣiyaṃ arībhiḥ sūtragrahasya samupacīrṇaṃ || 37 ||
[Analyze grammar]

bahuvidharatnasaṃcayāyaṃ anekavicitrasaṃghātabhūmiyāṃ |
sīho niṣadyati viṣṭaṃ trasati ca udentam ādityaṃ || 38 ||
[Analyze grammar]

taṃ yugyayānakavigataṃ ceṭīvelāsikāhi ca upetaṃ |
kāṣāyakarburavarṇaṃ varṣavarasamākulaṃ praviśe || 39 ||
[Analyze grammar]

preṣyaśatayānakalilaṃ āryajanasamākulaṃ śucisugandhaṃ |
praviśe bhavanaduvāraṃ prāpto jaṭilo nyasaṃrodhaṃ || 40 ||
[Analyze grammar]

osaraṇe ca bharitā addaśi pramadā sthitasaṃbhrāntena |
pragṛhītakhaḍgahastā ati-r-iva priyadarśanapralāpā || 41 ||
[Analyze grammar]

asito cāsau vyakto gambhīro sarvaśāstrasuvidhijño |
pratihārarakṣam avoca nivedaye śākyarājasya || 42 ||
[Analyze grammar]

kālo smi vikhyāto bhāradvājo ham asmi gotreṇa |
jāto smi ārya ti viṣaye sikhare vindhyasmiṃ viharāmi || 43 ||
[Analyze grammar]

sādhv ārya tti śrutadharo pratiśruṇiya prāpaye mahīpatino |
tad vacanaṃ anavaśeṣaṃ śrutvā ca praveśayitvā ca || 44 ||
[Analyze grammar]

pratibhāṇito praviṣṭo siṃhahanusya svargasadṛśanilayaṃ |
indra iva nandanaṃ gato saṃkīrṇaṃ apsaragaṇehi || 45 ||
[Analyze grammar]

vardhāpaye jayena phalāni upanāmaye asitanāmo |
pratyagrahesi rājā svāgataṃ bhagavato ti ca avocat || 46 ||
[Analyze grammar]

atha kanakam aṣṭapādaṃ suvicitrakilañjakaṃ maṇivicitraṃ |
prakṣaptam āsanavaraṃ tatra niṣīde anujñāto || 47 ||
[Analyze grammar]

paryaṃkasmiṃ niṣaṇṇo paṃcābhijño ṛṣī maharddhīko |
bhaktena nimantreti svāmaṃ śuddhodano rājā || 48 ||
[Analyze grammar]

bhaktaṃ kṛtaṃ prabhūtaṃ pratiśruṇu taṃ anāmayan tu te bhagavan |
icchāma te kumāraṃ draṣṭuṃ yadi te anumataṃ syāta || 49 ||
[Analyze grammar]

svāgatam anurāgataṃ te supto tāvat priyadarśi kumāro |
drakṣyasi tvaṃ prativibuddhaṃ vigrahaṃ iva jātarūpasya || 50 ||
[Analyze grammar]

pratibuddhaṃ ca kumāraṃ praveṇiyaṃ aṣṭamaṃgalakṛtāyaṃ |
upanāmayi mātusmā ghanavivarakṛtaṃ ca ādityaṃ || 51 ||
[Analyze grammar]

dṛṣṭvāna taṃ ṛṣivaro kuṇḍalam iva paṭṭakambalanyastaṃ |
abhyutthahitva tvaritaṃ aṃkena pratīcchati kumāraṃ || 52 ||
[Analyze grammar]

aṅkena gṛhya niśāmya dvātriṃśallakṣaṇeṣu upāgataṃ |
tathā anuvyaṃjanehi prarodi ākhaṇḍalasamāno || 53 ||
[Analyze grammar]

taṃ aśrupūrṇanayanaṃ rājā śuddhodano idam avocat |
kiṃ dāni te kumāraṃ dṛṣṭvā daurmanasyam utpannaṃ || 54 ||
[Analyze grammar]

yo tadaho jātamātro sapta padān uttarāmukho agami |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 55 ||
[Analyze grammar]

yasmiṃ tadaho jāto chatraṃ ca vījanīṃ ca grahetvāna |
asthānsu antarīkṣe dṛṣṭvā kiṃ rodiṣi brahma || 56 ||
[Analyze grammar]

yasmiṃ tadaho jāte sarvo obhāsito abhūl loko |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 57 ||
[Analyze grammar]

yasmiṃ tadaho jāte udupānā duve nabhe udgacchensuḥ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 58 ||
[Analyze grammar]

yasmiṃ tadaho jāte devā chatraṃ nabhasmiṃ dhārensuḥ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 59 ||
[Analyze grammar]

yasmiṃ tadaho jāte devā mandāravāṇi prakirensuḥ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 60 ||
[Analyze grammar]

yasmiṃ tadaho jāte acetanā saṃprakampitā vasudhā |
taṃ tuvṃ brāhmaṇa dṛṣṭvā kiṃ rodiṣi śrotum icchāmi || 61 ||
[Analyze grammar]

yasmiṃ tadaho jāte lavaṇajalo kṣobhito asitatoyo |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 62 ||
[Analyze grammar]

yasmiṃ tadaho jāte nabhasi gatā dundubhiyo vādyanti |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 63 ||
[Analyze grammar]

yasmiṃ tadaho jāte paṃca śatā jātā śākyaputrāṇāṃ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 64 ||
[Analyze grammar]

yasmiṃ tadaho jāte paṃca śatā jātā śākyakanyānāṃ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 65 ||
[Analyze grammar]

yasmiṃ tadaho jāte paṃca śatā jātā mahya dāsānāṃ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 66 ||
[Analyze grammar]

yasmiṃ tadaho jāte paṃca śatā jātā mahya dāsīnāṃ |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 67 ||
[Analyze grammar]

yasmiṃ tadaho jāte mahya turagāṇāṃ paṃca śatā jātā |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 68 ||
[Analyze grammar]

yasmiṃ tadaho jāte paṃca śatā gajapotānāṃ jātā |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 69 ||
[Analyze grammar]

yasmiṃ tadaho jāte paṃca nidhiśatā mukhāni darśenti |
taṃ tuvaṃ brāhmaṇa dṛṣṭvā kiṃ rodiṣi śrotumiccḥāmi || 70 ||
[Analyze grammar]

yasmiṃ tadaho jāte maṇḍalino rājāno praṇata mahyaṃ |
taṃ tuvaṃ brāhmaṇa dṛṣṭvā kiṃ rodiṣi śrotumiccḥāmi || 71 ||
[Analyze grammar]

yasya rājācāryā brāhmaṇa saṃdarśanāya upayānti |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 72 ||
[Analyze grammar]

yaṃ paśyitvā manujā bhavanti hṛṣṭā sukhī udagrā ca |
taṃ tuvaṃ brāhmaṇa dṛṣṭvā kiṃ rodiṣi śrotum icchāmi || 73 ||
[Analyze grammar]

vyapanaya brāhmaṇa śokaṃ bhava muditamano sukhaṃ pratilabhāhi |
eṣo bhaviṣyati nṛpo saptaratanavā pṛthivipālo || 74 ||
[Analyze grammar]

evaṃ ukte avacī asito sitasāhvayaṃ idam avocat |
aśrūṇi pramārjanto + + + + + + vyākṛto ṛṣibhiḥ || 75 ||
[Analyze grammar]

ānandahutāsanabahutaruṇārkanibho na so puruṣasiṃho |
hohiti narapati rājā hohiti śāstā anabhibhūto || 76 ||
[Analyze grammar]

eṣo hi trīhi kramehi traidhātukaṃ laṃghiyā anavaśeṣaṃ |
śivam amaraṃ nirantarāyaṃ adhigamiṣyati uttamaṃ dharmaṃ || 77 ||
[Analyze grammar]

jīrṇo ahaṃ gatavayo daharo ca narottamo acirajāto |
kālagato bhaviṣyaṃ ahaṃ yada bodhiṃ prāpsyati kumāro || 78 ||
[Analyze grammar]

buddho ayaṃ bhaviṣyati sarvajño sarvadharmavaśavartī |
svākhyātadharmavinaye ahaṃ ca jīrṇo ti rodāmi || 79 ||
[Analyze grammar]

nāpi mahyaṃ maraṇabhayaṃ kahiṃ tu jāto na mrīyate manujo |
buddhaṃ tu apratisamaṃ na drakṣyan tena rodāmi || 80 ||
[Analyze grammar]

na khu mahyaṃ maraṇabhayaṃ kahiṃ tu jāto na mrīyate manujaḥ |
dharmaṃ tu opasamikaṃ na śroṣyaṃ tena rodāmi || 81 ||
[Analyze grammar]

na khu mahyaṃ maraṇabhayaṃ kahiṃ tu jāto na mrīyate martyo |
saṃghaṃ guṇasāgaram ahaṃ na drakṣyan tena rodāmi || 82 ||
[Analyze grammar]

yo buddho bodhayiṣyati prajām imāṃ bhogehi ciraprasuptāṃ |
so yaṃ prādurbhūto ahan tu jīrṇo ti rodāmi || 83 ||
[Analyze grammar]

yo mukto mocayiṣyati prajām imāṃ rāgabandhanair baddhāṃ |
so yaṃ prādurbhūto ahan tu jīrṇo ti rodāmi || 84 ||
[Analyze grammar]

yo mukto mocayiṣyati prajām imāṃ mohabandhanair baddhāṃ |
so yaṃ prādurbhūto ahan tu jīrṇo ti rodāmi || 85 ||
[Analyze grammar]

yo mukto mocayiṣyati prajām imāṃ rāgadoṣamoheṣu |
so yaṃ prādurbhūto ahan tu jīrṇo ti rodāmi || 86 ||
[Analyze grammar]

yo ātmanā arogo bhūtvā anyāṃ api kāhiti arogāṃ |
so yaṃ prādurbhūto ahan tu jīrṇo ti rodāmi || 87 ||
[Analyze grammar]

yo ātmanā aśoko bhūtvā anyāṃ api kāhiti aśokāṃ |
so yaṃ prādurbhūto ahan tu jīrṇo ti rodāmi || 88 ||
[Analyze grammar]

yo ātmanā viśalyo bhūtvā anyāṃ api kāhiti viśalyāṃ |
so yaṃ prādurbhūto ahan tu jīrṇo ti rodāmi || 89 ||
[Analyze grammar]

sukhitā ime naramarū kāśipure dharmarājaṃ drakṣyanti |
cakraṃ pravartayantaṃ ahan tu jīrṇo ti rodāmi || 90 ||
[Analyze grammar]

sukhitā ime naramarū drakṣyante gaṇavarasya madhyagataṃ |
amṛtaṃ pratibhajamānaṃ ahan tu jīrṇo ti rodāmi || 91 ||
[Analyze grammar]

vyādhi jarā ca maraṇaṃ antarāyakarā bahū manuṣyāṇāṃ |
āśvāstā utpanno ahaṃ anāśvasto rodāmi || 92 ||
[Analyze grammar]

tathā ṛṣi ālapitvā bahūni karuṇāyanto vepitvā |
anuśaṃse vācāye naravaradamakaṃ tadā dṛṣṭvā || 93 ||
[Analyze grammar]

prācīnadiśaṃ avoca ihāgato naruttamaṃ gaveṣanto |
na hi sulabho utpādo buddhāna adāntadamakānāṃ || 94 ||
[Analyze grammar]

so dāni bodhisatvaṃ bahuśo abhipradakṣiṇaṃ caritvāna |
āmantraye narapatiṃ gacchāmi snigdhavatīṃ bhavān detu || 95 ||
[Analyze grammar]

buddhanirghoṣaṃ śrutvā gacchesi vināyakottamasakāśaṃ |
carayesi brahmacaryaṃ vacanaparikaro ca tasya syāt || 96 ||
[Analyze grammar]

sādhu iti pratiśrutvā asitasya nārado idaṃ vacanaṃ |
pravrajiya gaṇajyeṣṭho abhūṣi arahā vidhutakleśo || 97 ||
[Analyze grammar]

kātyāyanasya sagotraṃ nāmena nāradaṃ jinasya sutaṃ |
vanevāsinaṃ + + + vandatha parinirvṛtaṃ sthaviraṃ || 98 ||
[Analyze grammar]

taṃ nirvṛtaṃ samaśāntaṃ nirupadhiṃ sarvopadhikṣayavimuktaṃ |
sarvaprapañcātītaṃ vandatha parinirvṛtaṃ sthaviraṃ || 99 ||
[Analyze grammar]

etāni buddhasya ameyabuddhino kāye aśītiṃ anuvyaṃjanāni |
yehi sya kāyo satataṃ alaṃkṛto devātidevasya narottamasya || 100 ||
[Analyze grammar]

praśastāni yasya duve triṃśatiṃ ca aśītiṃ ca kāye anuvyaṃjanāni |
samantā ca vyāmaprabhā niścarensuḥ kathaṃ nāma vijñū jine na prasīde || 101 ||
[Analyze grammar]

śatakhutto samādāya yaṃ puṇyaṃ sarvasattvanāṃ |
tenāsya lakṣaṇavaraṃ kāye ekaṃ nivartaye || 102 ||
[Analyze grammar]