Chapter 34

sarveṣāṃ bodhisatvānāṃ janetvā puruṣottamaṃ |
carame saptame divase mātā jahati jīvitaṃ || 1 ||
[Analyze grammar]

atra kiṃ kāraṇaṃ bhavati yadi sarvajñamātaraḥ |
janetvā puruṣaśreṣṭhaṃ śīghraṃ jahanti jīvitaṃ || 2 ||
[Analyze grammar]

vasanto tuṣite kāye bodhisatvo imāṃ smṛtiṃ |
labhate śubhakarmeṇa parīkṣanto janetriyo || 3 ||
[Analyze grammar]

yasyeha pariśeṣaṃ syā nārīyo jīvitaṃ bhavet |
divasāni sapta māsā ca daśa tasyā uram otare || 4 ||
[Analyze grammar]

kiṃ kāraṇaṃ ayuktaṃ hi asmadvidham anuttaraṃ |
dhāretvā uttare kāle maithunaṃ pratisevituṃ || 5 ||
[Analyze grammar]

athāpi pratiseveyu kāmā sugatamātari |
na pitā devasaṃghānāṃ bhinnavṛtto ti tad bhavet || 6 ||
[Analyze grammar]

bhagavāṃ ca nāma kāmānāṃ doṣaṃ satataṃ bhāṣati |
atha ca lokanāthasya mātā kāmāṃ niṣevati || 7 ||
[Analyze grammar]

ye ca nṛpativeśmeṣu bhonti ratnakaraṇḍakāḥ |
ratanaṃ puruṣaśreṣṭhā bhājanaṃ bodhimātaro || 8 ||
[Analyze grammar]

paśyati vilokayanto lokaṃ śuddhodanasya orodhe |
nārīṃ amaravadhunibhāṃ vidyullatānibhāṃ viya māyāṃ || 9 ||
[Analyze grammar]

so tāṃ niśāmya jananīṃ āmantrayate maruṇāṃ cyaviṣyāmi |
antimam upetya vāsaṃ garbhe marumānuṣasukhārthaṃ || 10 ||
[Analyze grammar]

taṃ avaca devasaṃghaḥ kṛtāṃjalipuṭo varābharaṇadhārī |
ṛdhyatu uttamapudgala tava praṇidhi ahīnaguṇarūpa || 11 ||
[Analyze grammar]

vayam api lokahitā bahu manoramāṃ ośiritvā kāmaratiṃ |
pūjārthaṃ tava anindita manuṣyaloke vasiṣyāmaḥ || 12 ||
[Analyze grammar]

te vipularuciravarṇaṃ mandāravapuṣpavarṣam ākāśe |
pramuṃcinsu udagracittā stavaṃtā madhurāhi vācāhi || 13 ||
[Analyze grammar]

yam amaravasanā praśamanamanoramāṃ śokaduḥkhavimiśrān |
īkṣasi na ca niṣevasi kāmāṃ idam adbhutaṃ tuhyaṃ || 14 ||
[Analyze grammar]

yaṃ pi abhibhūya marugaṇaṃ jambūnadaparvatopamaprakāśo |
udyotayasi daśa diśo surarṣabha idaṃ pi āścaryaṃ || 15 ||
[Analyze grammar]

abhibhavasi devasaṃghā samaheśvaradānavāṃ samāragaṇāṃ|
tārāgaṇāṃ khagacarāṃ amitamati idaṃ pi āścaryaṃ || 16 ||
[Analyze grammar]

kiṃcāpi viprayogaṃ tvayā na icchāma bhūtasaṃghaguru |
api ca aravindanayana bhaviṣyasi gatir naramarūṇāṃ || 17 ||
[Analyze grammar]

atha cyavanakālasamaye viśuddhaśatapatrapadmanayanasya|
ānanditā marugaṇā ghoṣanti diśāhi sarvāhi || 18 ||
[Analyze grammar]

eṣā ca vartati kathā tuṣitapure sā ca apratirūpā māyā |
śuddhodanasya mahiṣī rājānam upetya idam āha || 19 ||
[Analyze grammar]

sā hariṇavatsanayanā viśuddhagandharvavadhunibhā śyāmā |
sahitaṃ idaṃ sumadhuraṃ śuddhodanam abravīt māyā || 20 ||
[Analyze grammar]

ābharaṇastambhitabhujā pravaravasanadhāriṇī sakhīhi saha|
tvayā vinā śākyanandana rajanīm imāṃ kṣapayituṃ chando || 21 ||
[Analyze grammar]

dhṛtarāṣṭrasya naravara prāsādavarasya uttamāṃ bhūmīṃ |
śayanapravaraṃ āruhi yatra kumudavasanasaṃnibhaṃ vimalaṃ || 22 ||
[Analyze grammar]

tena vacanena tuṣṭo deviye śuddhodano manāpena |
āmantrayati naravaro parivāram udagrasaṃkalpo || 23 ||
[Analyze grammar]

prativedayantu mi laghuṃ dhṛtarāṣṭraṃ pravarakusumasaṃchannaṃ |
muktakusumābhikīrṇaṃ karotha divi devabhavanaṃ vā || 24 ||
[Analyze grammar]

osaktapaṭṭadāmaṃ dhṛtarāṣṭraṃ ca śobhatāṃ capalam eva |
varahemajālacchannaṃ sumeruvaraśṛṅgasaṃkāśaṃ || 25 ||
[Analyze grammar]

caturaṅginī ca senā saśūlanārācatomaravicitrā |
paripālayatāṃ capalaṃ dhṛtarāṣṭraṃ manojñasaṃghātaṃ || 26 ||
[Analyze grammar]

osṛṣṭā yevājñā narapatinā sajjaṃ eva ca sarvaṃ |
kṛtvā tatra sakuśalaṃ rājānam upetya idam āhuḥ || 27 ||
[Analyze grammar]

varṣasahasram anūnaṃ prajā paripālayatu bho mahipālo |
sajjaṃ ti vimānavaraṃ śobhati tava harṣasaṃjananaṃ || 28 ||
[Analyze grammar]

atha sā amaravadhūnibhā māyā utthāya āsanavarāto |
abravīt mahīpatisutaṃ āditye astamitamātre || 29 ||
[Analyze grammar]

eṣā samādiyāmi prāṇeṣu avihiṃsaṃ brahmacaryaṃ ca |
viramāmi cāpy adinnād madyād anibaddhavacanāc ca || 30 ||
[Analyze grammar]

akhilavacanāc ca naravara viramāmi tathaivaṃ paiśunyāc ca|
paruṣavacanāc ca narapati viramāmi ayaṃ mama chando || 31 ||
[Analyze grammar]

parakāmeṣu ca īrṣyāṃ no saṃjāneyyaṃ nāpy abhidrohaṃ |
bhūteṣu upajaneṣyaṃ viparītamatiṃ ca vijahāmi || 32 ||
[Analyze grammar]

ekādaśaprakāraṃ śīlaṃ sevāmy ahaṃ pṛthivipāla |
rajanīm imāṃ anūnāṃ evaṃ mama jāyate chando || 33 ||
[Analyze grammar]

mā suda khu bhūmipāla kāmavitarko mā mayi pratikāṃkṣi |
preṣaya mā ti apuṇyaṃ bhaveyā mayi brahmacāriṇiye || 34 ||
[Analyze grammar]

sarve tava saṃkalpāṃ paripūremīti pārthivo avaca |
abhirama bhavanavaragatā ahaṃ ca rājyaṃ ca tava vaśyaṃ || 35 ||
[Analyze grammar]

sā strīsahasrasamagrā anantaraṃ gṛhya taṃ vimānavaraṃ |
abhiruhiya abhiniṣīde manāpaparipūrṇasaṃkalpā || 36 ||
[Analyze grammar]

sā kiṃcid eva kālaṃ tasmiṃ himakumudapuṇḍarīkanibhe |
śayane praśamadamaratā tūṣṇīṃbhāvena kṣepayati || 37 ||
[Analyze grammar]

sā dāniṃ dakṣiṇena pārśvena parinyāsi śarīravaraṃ |
kusumalatā va drumavaraṃ śayanaṃ parivelliyāśayitā || 38 ||
[Analyze grammar]

atha tāṃ niśāmya śayanopagatāṃ devīṃ divyapramadārūpanibhāṃ |
tuṣitālayā cyaviya devagaṇā prāsādamūrdhni pratiṣṭhihinsu || 39 ||
[Analyze grammar]

te mūrdhanā abhinatā sarve hṛṣṭā kṛtāṃjalipuṭā amarā |
vandanti tāṃ vipulapuṇyadharāṃ māyāṃ jinasya jananīṃ śayane || 40 ||
[Analyze grammar]

atha kautūhalaparaṃ saṃjaniyā bahudevakanyā śucimālyadharā |
jinamātur upagatā draṣṭumanā prāsādamūrdhni pratiṣṭhihinsu || 41 ||
[Analyze grammar]

upasaṃkramitva śayanopagatāṃ māyāṃ niśāmya varavidyunibhāṃ |
prītisukhaṃ vipulaṃ saṃjaniyā atha saṃpravarṣi divijaṃ kusumaṃ || 42 ||
[Analyze grammar]

mānuṣyakaṃ pi kila edṛśakaṃ rūpaṃ sujātam idam āścaryaṃ|
kañcit kālaṃ sthihiy' antarato nāyaṃ samā maravadhūhi bhave || 43 ||
[Analyze grammar]

līlāṃ niśāmayatha he sakhikā pramadāyimasya yatha opayikāṃ |
śayane virocati manaḥ harati vibhrājate kanakarītir iva || 44 ||
[Analyze grammar]

ayan tu dhareṣyati mahāpuruṣaṃ atyantadānadamaśīlarataṃ |
sarvāśravāntakaraṇaṃ virajaṃ kiṃ hāyate tava narendravadhū || 45 ||
[Analyze grammar]

cāpodare karatalapramite vararomarājivicitre rucire |
iha so bhaviṣyati anantamatiḥ satataṃ alipta aśubhena śuciḥ || 46 ||
[Analyze grammar]

bahudīrgharātranicitaṃ kuśalaṃ pramadāyimasya vipulaṃ paramaṃ |
yā taṃ dhareṣyati anantaguṇaṃ cirarātrasannicitapuṇyabalaṃ || 47 ||
[Analyze grammar]

anurūpā tvaṃ pramadā pravarā mātā sa caiva puruṣapravaro |
putro prahīnavanatho virajo kiṃ hāyate tava narendravadhū || 48 ||
[Analyze grammar]

atha rākṣasā vividharūpadharā āṇattā divi parito capalaṃ |
tiṣṭhantu bho pravaraśastradharā sarvadiśāṃ kurutha asaṃvaraṇāṃ || 49 ||
[Analyze grammar]

teṣām anantaraṃ dvijihvagaṇā ārakṣahetu diśatāsu sthitā |
vātaṃ pi yeṣa calitaṃ śruṇiya krodhā samutpatanti agnisamā || 50 ||
[Analyze grammar]

teṣām anantaragatā thapitā yakṣā pradīptaśikharā vikṛtā |
ye duṣṭacitta vinivārayathā mā ca vadhaṃ kurutha kasya cāpi || 51 ||
[Analyze grammar]

teṣām anantarasthitā bahavo gandharvasaṃgha śubharūpadharā |
ārakṣahetu śubhacāpadharā cyavanakṣaṇe vimalabuddhimato || 52 ||
[Analyze grammar]

catvāri lokapatino pi sthitā gagane svakapārivāreṇa saha |
adya cyaviṣyati kila bhagavāṃ lokasya arthasukhavṛddhikaro || 53 ||
[Analyze grammar]

tridaśehi sārdhaṃ tridaśapravaro sthita antarīkṣe varacakradharo |
acirā cyaviṣyati cyutiṃ carimāṃ ākāṅkṣamāṇo sukham apratimaṃ || 54 ||
[Analyze grammar]

māyāya mūli bahudevagaṇā kṛtvā daśāṅgulaṃ natābhimukhā |
samudīrayanti madhuraṃ vacanaṃ ullokayanti tuṣiteṣu jinaṃ || 55 ||
[Analyze grammar]

vyavadānasannicitapuṇyabalā samayo ti antimam upehi bhavaṃ |
sajjā tāva bhavati te jananī anukaṃpa dāni duḥkhitāṃ janatāṃ || 56 ||
[Analyze grammar]

eṣo cyavāmi iti muṃci girāṃ śubhaṃ vacanaṃ udīrayi + + + |
atha supinaṃ jananī jinasya tasmiṃ kṣaṇe paśyati varavipākaphalaṃ || 57 ||
[Analyze grammar]

himarajatanibho me ṣaḍviṣāṇo sucaraṇacārubhujo suraktaśīrṣo |
udaram upagato gajapradhāno lalitagatiḥ anavadyagātrasandhiḥ || 58 ||
[Analyze grammar]

kiṃ kāraṇaṃ suravareṇa prabhā pramuktā candrāṃśuśītalatarā kanakāvadātā |
yenāsureśvaragaṇā manujeśvarāś ca prahlāditā ca narakā jvalanāgnikalpāḥ || 59 ||
[Analyze grammar]

ye tatra tatra janatāṃ pratipālayanti saṃsārapaṃjaragatāṃ madanābhibhūtāṃ |
teṣāṃ vimokṣakaraṇena mahāyaśena āmantraṇārtham anaghena prabhā pramuktā || 60 ||
[Analyze grammar]

muñcatha amarā purāṇi na kila prāmodyasya ayaṃ kālo |
jarāmaraṇapuraṃ bhettuṃ kālo jñānaprahāreṇa || 61 ||
[Analyze grammar]

iti sa nadiya siṃhanādaṃ narasiṃho cyavanakālasamayasmiṃ |
antarahito kṣaṇena narendrabhavane samupapadyi || 62 ||
[Analyze grammar]

yo so tuṣitaṃ kāyaṃ obhāseti śubhena varṇena |
devapurāc cyavamāno taṃ anativaraṃ jinaṃ vande || 63 ||
[Analyze grammar]

sabrahmakaṃ ca lokaṃ saśramaṇabrāhmaṇīṃ prajāṃ sarvāṃ |
varṇen' obhāsayati anativaro lokapradyoto || 64 ||
[Analyze grammar]

āścaryam adbhutam idaṃ paśyatha yāvat maharddhikaḥ śāstā |
smṛtimāṃ susaṃprajāno mātuḥ kukṣismiṃ okrānto || 65 ||
[Analyze grammar]

yāvac ca narapravaro uttamalakṣaṇasamaṅgi asthāsi |
mātāye kukṣismiṃ smṛtimatimāṃ saṃprajāno ca || 66 ||
[Analyze grammar]

tato ayaṃ sāgaramerumaṇḍalā prakampitā ṣaḍvidham āsi medinī |
kṛtā lokā vimalā manoramā mahāndhakārāpanudasya tejasā || 67 ||
[Analyze grammar]

caturo pi lokapālā rakṣām akarensu lokanāthasya |
mā kocī ahiteṣī namucibalanudaṃ vihiṃseyā || 68 ||
[Analyze grammar]

tato koṭisahasrāṇi devānāṃ kapilāhvayaṃ |
upagatāni tuṣṭāni ārakṣaṃ varabuddhino || 69 ||
[Analyze grammar]

devanagaraṃ iva kapilapuram uttamaṃ kṛtam anuviśantehi |
manomayavikramagatehi amaragaṇehi abhivirocati || 70 ||
[Analyze grammar]

māyāṃ parivāretvā maheśvaragaṇānāṃ kila sahasrāṇi |
āśu vigatamala-m-akhilā ākāśagatā abhiniṣaṇṇāḥ || 71 ||
[Analyze grammar]

teṣāṃ dāniṃ pṛṣṭhato indrasahasrāṇi vimalaśikharāṇi |
subahūni bahuguṇasya ārakṣārthaṃ niṣaṇṇāni || 72 ||
[Analyze grammar]

teṣāṃ dāniṃ pṛṣṭhato devendrāṇāṃ sahasranayutāni |
kāmāvacarā devā niṣaṇṇā gagane niralambe || 73 ||
[Analyze grammar]

devagaṇānāṃ pṛṣṭhato asurā asurāṇāṃ ca dvijihvagaṇāḥ |
yakṣāś ca vikṛtarūpāḥ rākṣasasaṃghāś ca saṃniṣaṇṇāḥ || 74 ||
[Analyze grammar]

etāye vidhiye gaganam amaraśatasahasrasaṃkulaṃ śrīmad |
atyantasupariśuddhaṃ kuśalam upacitaṃ hi varadena || 75 ||
[Analyze grammar]

so yaṃ mahānubhāvo smṛtimāṃ tuṣitabhavanā cyavitvāna |
pāṇḍaravarāhakanibho bhavitva gajarūpi ṣaḍḍanto || 76 ||
[Analyze grammar]

vīraśayane śayantiye poṣadhikāye viśuddhavasanāye |
smṛtasaṃprajānakuśalo mātuḥ kukṣismiṃ okrānto || 77 ||
[Analyze grammar]

sā ca rajanīprabhāte ākhyāsi bhartuno manāpasya |
rājavara pāṇḍaro me gajarājo kukṣim okrānto || 78 ||
[Analyze grammar]

taṃ ca śruṇitvāna rājā vaipaṃcanikāṃ samāgatāṃ avaca |
supinasmiṃ asya sarve bhaṇātha bhūtaṃ phalavipākaṃ || 79 ||
[Analyze grammar]

te tatra cāvaciṃsū naimittikā pṛcchitā svayaṃ rājñā |
dvātriṃśalakṣaṇadharo kukṣiṃ devīye okrānto || 80 ||
[Analyze grammar]

hṛṣṭo bhavāhi naravara yasya tava kulasmiṃ pratyutpanno |
pṛthivīdhara vīragarbho anopamasatvo mahāsatvo || 81 ||
[Analyze grammar]

yatha maya paurāṇānām ācaryāṇāṃ svayaṃ samupāhṛtaṃ |
dve sya gatayo anantyā bhavanti naravīraśārdūla || 82 ||
[Analyze grammar]

yadi āsiṣyati agāre mahipati hoti saratano maharddhiko |
nityānubaddhavijayo rājaśatasahasraparivāro || 83 ||
[Analyze grammar]

atha khalu pravrajiṣyati cāturdvīpāṃ mahīṃ vijahiyāna |
hohiti ananyaneyo buddho netā naramarūṇāṃ || 84 ||
[Analyze grammar]

supinaṃ pi śākiyānī ākhyāsi bhartuno manāpasya |
śveto gajanātho me kukṣiṃ bhettvāna okrānto || 85 ||
[Analyze grammar]

etaṃ śruṇitva rājā vaipaṃcanikāṃ samāgatāṃ avaca |
supinasmiṃ asya sarvaṃ bhaṇātha bhūtaṃ phalavipākaṃ || 86 ||
[Analyze grammar]

te tatra cāvaciṃsū naimittika pṛcchitā svayaṃ rājñā |
dvātriṃśalakṣaṇadharo kukṣiṃ devīye okrānto || 87 ||
[Analyze grammar]

yadi punar agāramadhye vasati pṛthivīṃ abhijeṣyate sarvāṃ |
śūrāṃ putrasahasraṃ labheta etādṛśāṃ vīrāṃ || 88 ||
[Analyze grammar]

atha ratana-anantākaraṃ pūrṇāṃ mahīm ujjhiyāna pravrajati |
buddho hohiti loke sarvajño sarvadarśāvī || 89 ||
[Analyze grammar]

svapnāntare pramadā adarśi sūryaṃ nabhā kukṣim anupraviṣṭaṃ |
prasūyati strīratanaṃ subhāgaṃ bhartāsya bhoti nṛpo cakravartī || 90 ||
[Analyze grammar]

svapnāntare yā pramadā adarśi candraṃ nabhā kukṣim anupraviṣṭaṃ |
prasūyate sā naradevagarbhaṃ so bhavati rājā balacakravartī || 91 ||
[Analyze grammar]

svapnāntare yā pramadā adarśi sūryaṃ nabhā kukṣim anupraviṣṭaṃ |
prasūyate sā varalakṣitāṃgaṃ so bhavati rājā balacakravartī || 92 ||
[Analyze grammar]

svapnāntare yā pramadā adarśi śvetaṃ gajaṃ kukṣim anupraviṣṭaṃ |
prasūyate sā gajasattvasāraṃ so bhavati buddho bodhitārthadharmo || 93 ||
[Analyze grammar]

kukṣiṃ prabhāsayantaṃ kanakavapuṃ pravaralakṣaṇasamaṅgiṃ |
dhāremi cakravartiṃ varapuruṣaṃ rājaśārdūlaṃ || 94 ||
[Analyze grammar]

gajaṃ ratnaśreṣṭhaṃ madanabalavegāpanayanaṃ pradīpaṃ lokasya tamatimiramohāpanayanaṃ |
guṇānāṃ koṣaṃ tvaṃ aparimitaratnākaradharaṃ dharesi rājarṣiṃ apratihatacakraṃ samaruciṃ || 95 ||
[Analyze grammar]

yathā mama na rāgadoṣā prasahanti narendragarbham upalabhya |
niḥsaṃśayaṃ bhaviṣyati samaruci yatha niścarati vācā || 96 ||
[Analyze grammar]

yatha vaiḍūryasya maṇi sphāṭikasamudge kaṭi-utsaṃgasmiṃ |
nihito syā evam eva bodhisatvaṃ paśyati mātā |
kukṣiṃ obhāsentaṃ vigrahaṃ iva jātarūpasya || 97 ||
[Analyze grammar]

anyaṃ ca dāni paśyatha āścaryaṃ tasya devaparṣāye |
tāva vipulāye yā kathā abhūt paramaharṣasaṃjananī || 98 ||
[Analyze grammar]

na pi kāmakathā teṣāṃ na pi apsarasāṃ kathā na gītakathā |
na pi vādyakathā teṣāṃ na pi bhakṣakathā na pānakathā || 99 ||
[Analyze grammar]

nābharaṇakathā teṣāṃ na pi vastrakathā pravartati kācit |
yānodyānakathā vā manasāpi na jāyate teṣāṃ || 100 ||
[Analyze grammar]

sādhū puṇyabalavato dyuti + + + sā sadevakaṃ lokaṃ |
abhibhavati nāyakasya vikasati eṣā kathā tatra || 101 ||
[Analyze grammar]

sādhuṃ garbhokramaṇaṃ karmaṇa anurūpaṃ pāramigatasya |
iti vikasati bahuvidhā kathā pariṣāmadhye etasmiṃ || 102 ||
[Analyze grammar]

sādhū ti nirāmiṣehi saṃjñāpadehi kṣapenti tatkālaṃ |
varabuddhino ayaṃ api kathā vikasati pariṣāmadhye || 103 ||
[Analyze grammar]

evaṃ bahuprakārāṃ kathāṃ kathayantā ramanti devagaṇāḥ |
rūpaṃ varṇaṃ tejaṃ varaṃ ca vīracaryaṃ kathayantā || 104 ||
[Analyze grammar]

lumbinivanaṃ sucapalaṃ apagatatṛṇakhāṇḍapatrasaṃkhāraṃ |
varasurabhikusumanikaraṃ karotha gandhodakasugandhaṃ || 105 ||
[Analyze grammar]

lumbinivane va vātā tamālapatragandhavāsitaśarīrā |
vāyantu amṛtagandhāṃ madajananā ca palāyantu || 106 ||
[Analyze grammar]

agaruvaradhūpagandhā samonamantu nabhato jaladharā taṃ |
lumbinivanaṃ chādetuṃ varacūrṇarasākulaṃ kṣipraṃ || 107 ||
[Analyze grammar]

ekaikaṃ caṅkramavaraṃ dukūlapaṭṭorṇākośikārehi |
kalpayatha kalpavṛkṣāṃ yatha divi devapradhānasya || 108 ||
[Analyze grammar]

sphaṭikamaṇikuṇḍaladharā vigalitavasanā pralambamaṇihārā |
ādāya gandhamālyaṃ gaganapathagatā praḍīyanti || 109 ||
[Analyze grammar]

mandāravāna bharitā kācit śaṃgeriyo gṛhītvāna |
haricandanasya kācit kāci punaḥ kalpaduṣyāṇāṃ || 110 ||
[Analyze grammar]

sthalajajalajaṃ ca mālyaṃ gṛhītvā apsarā muditacittāḥ |
ratanā ābharaṇāni ca jambudvīpe abhimukhīyo || 111 ||
[Analyze grammar]

caturāśītim anūnā chatrasahasrāṇi devakanyāyo |
kanakaratanāmayāni ādāya nabhe praḍīyanti || 112 ||
[Analyze grammar]

kūṭāgārasamehi ca sphaṭikamaṇimusālagalvehi citrehi |
bharitam api antarīkṣaṃ duṣyaśatasamucchritapatākaṃ || 113 ||
[Analyze grammar]

gajaśvasanasannikāśā śāradameghā khagapathe virocanti |
varasurabhikusumagandhā kamalotpalacampakavimiśrāḥ || 114 ||
[Analyze grammar]

bhujagapatino pramuditā meghehi sugandhatoyabharitehi |
abhyokiranti nagaraṃ anyāni ca adbhutaśatāni || 115 ||
[Analyze grammar]

avagāhya taṃ vanavaraṃ māyā sakhisaṃvṛtā jinajinetrī |
vicarati cittarathe devi amaravadhū yatha ratividhijñā || 116 ||
[Analyze grammar]

sā krīḍārtham upagatā pilakṣaśakhāṃ bhujāya avalambya |
pravijṛmbhitā salīlā tasya yaśavato jananakāle || 117 ||
[Analyze grammar]

atha vā navati sahasrā marukanyā āśur eva sannipatitā |
māyāṃ kṛtāṃjalipuṭā idam avaca prasannasaṃkalpā || 118 ||
[Analyze grammar]

adya jarāvyādhimathanaṃ janayiṣyasi amaragarbhasukumāraṃ |
devī divi bhuvi mahitaṃ hitaṃ hitakaraṃ naramarūṇāṃ || 119 ||
[Analyze grammar]

mā khalu janaya viṣādaṃ parikarma vayaṃ tavaṃ kariṣyāmaḥ |
yaṃ kartavyam udīraya dṛśyatu kṛtam eva tatsarvaṃ || 120 ||
[Analyze grammar]

atha caturi lokapālā saparivārā āśu-r-eva sannipatitā |
divyapraveṇihastā devim upagatā pradakṣiṇato || 121 ||
[Analyze grammar]

sarve pi devasaṃghā māyāṃ paricārayitva ākāśe |
sthitā mālyagandhahastā svaparivāreṇa upaśobhanti || 122 ||
[Analyze grammar]

dakṣiṇena hi pārśvena jāyante puruṣottamāḥ |
sarve puruṣaśārdūlā bhavanty atravihāriṇaḥ || 123 ||
[Analyze grammar]

kiṃ tan na bhidyate pārśvaṃ vedanā ca na jāyate |
tasyā jinajanetrīye janetvā puruṣottamaṃ || 124 ||
[Analyze grammar]

manomayena rūpeṇa prādurbhonti tathāgatā |
evaṃ na bhidyate pārśvaṃ vedanā na ca jāyati || 125 ||
[Analyze grammar]

jātamātro ca vikrame sapta vikramate bhuvi |
diśāṃ ca praviloketi mahāhāsaṃ ca ūhati || 126 ||
[Analyze grammar]

atra kiṃ kāraṇaṃ uktaṃ yaṃ sapta kramate kramān |
na ca aṣṭa na ca ṣaṣṭi atra āgamanaṃ śṛṇu || 127 ||
[Analyze grammar]

garbhāvāsapariśrānto sarvalokahito muniḥ |
paścimo garbhāvāso yaṃ atha vegena prakrami || 128 ||
[Analyze grammar]

taṃ tu saptapade nyaste devasaṃghābhilīyata |
sahasā lokapālebhyo aṃkena dhāriye muniḥ || 129 ||
[Analyze grammar]

atha varṣo samutpadye divyakusumaśīkaro |
mandāravarajākīrṇṇo divyacandanasaṃkulo || 130 ||
[Analyze grammar]

dīrghakālam udagrāś ca suramukhyā agradhūpanaṃ |
pramuṃciṣu vibhūṣārthaṃ tasya uttamabuddhino || 131 ||
[Analyze grammar]

yad arthaṃ ca viloketi diśāṃ apratipudgalo |
tatrāpi āgamaṃ vakṣye upadeśaṃ manoramaṃ || 132 ||
[Analyze grammar]

na so vidyate satvānāṃ deveṣu manujeṣu vā |
yasyaivaṃ saṃbhavo bhavati garbhokramaṇam eva ca || 133 ||
[Analyze grammar]

khadyotakanakanirbhāsaṃ pārśvaṃ jinajanetriye |
āyate yadā sarvajñaḥ āyate carame bhave || 134 ||
[Analyze grammar]

jātamātrasya taccittaṃ āsi pravaravādino |
asti kaścit samabuddhi me idaṃ tarkaṃ nivartituṃ || 135 ||
[Analyze grammar]

kecit saṃsāracāreṇa artīyanti yathā ahaṃ |
ityarthaṃ puruṣādityaḥ diśāṃ sarvāṃ nirīkṣati || 136 ||
[Analyze grammar]

atha diśāṃ vilokento dṛśyati vadatāṃ varaḥ |
devakoṭisahasrāṇi tasmiṃ hāsaṃ pramuñcati || 137 ||
[Analyze grammar]

jātamātrasya me cāhuḥ devatā mārakāyikāḥ |
caturdvīpo mahākośo cakravartī bhaviṣyasi || 138 ||
[Analyze grammar]

athāsya hāso saṃbhavati na me satvā vijānatha |
sarvajño sarvadarśāvī bhaviṣyaṃ puruṣottamaḥ || 139 ||
[Analyze grammar]

evam etaṃ praśaṃsanti vipākam upadeśakāḥ |
tathā hi narasiṃhānāṃ śāsanaṃ suprakāśitaṃ || 140 ||
[Analyze grammar]

yaṃ tiṣṭhantī janaye vīraṃ saṃkusumitehi śālehi |
śarīram avalambyamānā taṃ anativaraṃ jinaṃ vande || 141 ||
[Analyze grammar]

saṃpratijāto sugato samehi pādehi dharaṇim avatiṣṭhe |
sapta ca padāni agamā sarvāṃ ca diśāṃ viloketi || 142 ||
[Analyze grammar]

taṃ cāsya caṃkramantaṃ anvāgami vījanaṃ ca cchatraṃ ca |
mā varaviduno kāye daṃśā maśakā ca nipatensuḥ || 143 ||
[Analyze grammar]

saṃpratijāte sugate devā prathamaṃ jinaṃ pratigṛhṇe |
paścāc cainaṃ manuṣyā anativaraṃ aṅke dhārensuḥ || 144 ||
[Analyze grammar]

pratyagrahensu devā sugataṃ dvātriṃśalakṣaṇasamaṃgiṃ |
paścāc cainaṃ manuṣyā anativaraṃ aṃke dhārensuḥ || 145 ||
[Analyze grammar]

nirvāyensu pradīpā mānuṣakā obhāsit' abhūl lokaṃ |
saṃpratijāte sugate ulkādhāre naramarūṇāṃ || 146 ||
[Analyze grammar]

saṃpratijāte sugate jñātī udakārthikā vidhāvensuḥ |
atha purato udupānā pūrā mukhato viṣyandensuḥ || 147 ||
[Analyze grammar]

duve vāridhārā udgami ekā śītasya ekā uṣṇasya |
yatra snapayensu sugataṃ vigrahaṃ iva jātarūpasya || 148 ||
[Analyze grammar]

eṣā prasūṣyati narendravadhūttamaṃ taṃ vatsaṃ vibuddhavarapuṣkaragauragarbhaṃ |
yo prāpsyate dharaṇimaṇḍagatottamārthaṃ māraṃ nihatya sabalaṃ tam upemi vīraṃ || 149 ||
[Analyze grammar]

amrakṣitā garbhamalena gātrā jātaṃ jale paṃkajam uttamaṃ vā |
vapuṣmanto bālaraviprakāśo sabrahmakān amarān abhibhoti || 150 ||
[Analyze grammar]

tato jātamātro kule śākiyānāṃ atikramya dhīro padānīha sapta |
samolokayitvā diśā ūhasāsi ayaṃ dānim eko bhavo paścimo tti || 151 ||
[Analyze grammar]

nabhe tu cchatram eva vibhrājamānaṃ maṇimuktiśreṣṭhaṃ parābhāvibhrājaṃ |
vidhūtadāmena mandāravānāṃ bahū devaputrā nabhe dhārayensuḥ || 152 ||
[Analyze grammar]

sabālārkaśaṃkhapratīkāśavarṇaṃ varaṃ hemacchatraṃ nabhe dhārayensuḥ |
tato vījanīyo visṛṣṭā bhramensuḥ kareṇa grahetvā jinaṃ vījayensuḥ || 153 ||
[Analyze grammar]

tataḥ puṇyagandhā sukhoṣṇā prabhūtā laghupremaṇīyā hitā mānuṣāṇāṃ |
śivā nandanīyā tuṣārānubaddhā duve vāridhārā nabhe udgamensu || 154 ||
[Analyze grammar]

tato meruśṛṅgād anekaprakārā pramuktottarīyā samantormijātā |
bhṛśaṃ viśvagandhādhivāsānuvātā dṛḍhāṃ ṣaḍvidhānaṃ mahīṃ kaṃpayensuḥ || 155 ||
[Analyze grammar]

suvarṇasya rūpyamaṇīnāṃ śubhānā vimāneṣu devā satūryā vighuṣṭā |
sujātena jātaṃ jinaṃ prekṣamāṇā sacandrārkatāraṃ nabhaṃ śobhayensu || 156 ||
[Analyze grammar]

ayaṃ so sadevaṃ sanāgaṃ sayakṣaṃ mahoghaṃ maharṣī jagaṃ uttaritvā |
tataḥ kṣemam ekāṃ diśāṃ prāpsyatīti prahṛṣṭā sya devā nabhe vyāharensuḥ || 157 ||
[Analyze grammar]

naro cetiyeṣu praviṣṭo akāmo mahālokanātho narendrāṇa śāstā |
yadā uttamāṅgena vandāpayensuḥ tato tasya pādāni prādurbhavensu || 158 ||
[Analyze grammar]

tato devatā cābhayā ity avocat na eṣo nurūpo mamaṃ vandamāmo |
praṇāmaṃ ca eṣo yad anyasya kuryād dṛḍhaṃ saptadhā asya mūrdhaṃ sphaṭeyāti || 159 ||
[Analyze grammar]

jāte jagapradhāne sarve arthā pradakṣiṇā rājño |
tena naralambakasya nāmaṃ sarvārthasiddha iti || 160 ||
[Analyze grammar]

rājakulaṃ kumārasmiṃ praviṣte avacat purohitaṃ nṛpatiḥ |
lakṣaṇavidhiguṇakuśalāṃ viprāṃ pariyeṣatha śīghraṃ || 161 ||
[Analyze grammar]

taṃ vijñāya ca devā maheśvarā nāma cittavasavarttī |
mā lakṣaṇā akuśalā vikalpayiṣyanti dvijasaṃghā || 162 ||
[Analyze grammar]

vigatamadamānadarpā aṣṭa sahasrā maheśvaravarāṇāṃ |
devanaraguruṃ kṛtāñjalī saṃpratijātaṃ upagamensuḥ || 163 ||
[Analyze grammar]

te rājakuladvāre śucivastrāmbarasthitā stimitaśabdāḥ |
pratihārarakṣam abravīt sumadhurakaraviṃkarutaghoṣāḥ || 164 ||
[Analyze grammar]

śuddhodanaṃ upagamya brūvīhi ime lakṣaṇaguṇavidhijñā |
tiṣṭhanti aṣṭa sahasrā praviśensuḥ yadi anumatan te || 165 ||
[Analyze grammar]

sādhū ti pratiśrutvā pratihārarakṣo praviśya rājakulaṃ |
abravīt kṛtāṃjalipuṭo prītamanaso pṛthivīpālaṃ || 166 ||
[Analyze grammar]

atulavaradīptayaśasā kāraya rājyaṃ ciraṃ nihataśatru |
dvāre te 'marasadṛśā tiṣṭhanti praveṣṭum icchanti || 167 ||
[Analyze grammar]

pratipūrṇavimalanayanā madhurasvara mattavāraṇavicārī |
bhavati mama teṣu śaṃkā na te manujā devaputrās te || 168 ||
[Analyze grammar]

paricaṃkramatāṃ teṣāṃ dharaṇīrajo kramavarāṃ na spṛśāti |
na ca sānaṃ paśyati padaṃ pṛthivyāṃ idaṃ api āścaryaṃ || 169 ||
[Analyze grammar]

gambhīrastimitaceṣṭā āryākārā praśāntadṛṣṭipathā |
vipulāṃ janenti prītiṃ janasya samudīkṣamāṇasya || 170 ||
[Analyze grammar]

anyaṃ ca dāni adbhutaṃ śarīracchāyā na dṛśyate teṣāṃ |
teṣāṃ ca sandhiśabdo caṃkramatāṃ na śruyate kaścit || 171 ||
[Analyze grammar]

niḥsaṃśayaṃ upagatā putravaraṃ naravarādhipa draṣṭuṃ |
abhinandaṃ abhivādaya paśyāhi ayonijāṃ devāṃ || 172 ||
[Analyze grammar]

varamālyagandhahastāṃ līlāceṣṭāṃ manoramaśarīrāṃ |
dīpyantāṃ iva śirīye asaṃśayaṃ pravaramarutas te || 173 ||
[Analyze grammar]

śuddhodano niśāmya vacanam idaṃ harṣakampitaśarīro |
abravīt bhaṇahi sucapalaṃ praviśantu niveśanam udāraṃ || 174 ||
[Analyze grammar]

kiṃkāraṇaṃ na edṛśā prākṛtapuruṣāṇa bhonti ākārāḥ |
na pi mānuṣāṇa īdṛśī ṛddhi bhavati yādṛśīṃ bhaṇasi || 175 ||
[Analyze grammar]

atha so pratihārarakṣo upagamya maheśvarāṃ idam avocat |
prahvo kṛtāṃjalipuṭo praṇamya hṛṣṭo muditacitto || 176 ||
[Analyze grammar]

abhinandato narapatiḥ praviśantu bhavanto divyapurakalpaṃ |
rājavṛṣabhasya veśmaṃ narādhipatinā anujñātāḥ || 177 ||
[Analyze grammar]

etaṃ śrutvā vacanaṃ aṣṭasahasraṃ maheśvaravarāṇāṃ |
praviśanti pārthivakulaṃ anihatakulavaṃśamukhyasya || 178 ||
[Analyze grammar]

śuddhodano pi rājā maheśvarāṃ dūrato niśāmetvā |
pratyutthito saparivāro gauravabalabhāvitaśarīro || 179 ||
[Analyze grammar]

tāṃ avaca rājavṛṣabho svāgatam anurāgaṃ bhavi sarveṣāṃ |
prītā sma darśanena praśamadamabalena ca bhavatāṃ || 180 ||
[Analyze grammar]

saṃvidyante imāni asmākaṃ āsanapradhānāni |
āstāṃ tāva bhavanto asmākam anugrahārthāye || 181 ||
[Analyze grammar]

atha te teṣv āsaneṣu bahuratnaviśuddhacitrapādeṣu |
vigatamadamānadarpā niṣīdi anavadyakarmāntāḥ || 182 ||
[Analyze grammar]

te kaṃcid eva kālaṃ āgamayitvā narādhipam avocat |
śṛṇvatu bhavān prayojanaṃ yaṃ asmākam iha gamanāye || 183 ||
[Analyze grammar]

sarvamanavadyagātro utpanno lokasundaro tuhyaṃ |
putro kila manujapate lakṣaṇaguṇapāramīprāpto || 184 ||
[Analyze grammar]

vayam api lakṣaṇakuśalās samarthā guṇadoṣalakṣaṇaṃ jñātuṃ |
yadi na gurutvaṃ bhavato paśyema mahāpuruṣarūpaṃ || 185 ||
[Analyze grammar]

so avaca hanta paśyatha suvyapadeśakṣemaṃ mama putraṃ |
marumanujaharṣajananaṃ lakṣaṇaguṇapāramīprāptaṃ || 186 ||
[Analyze grammar]

atha sa mṛdukācalindikapraveṇiye guṇadharaṃ grahetvāna |
aṃkena vādicandraṃ upanāmayati suravarāṇāṃ || 187 ||
[Analyze grammar]

ālokayitva dūrā maheśvarā parākramaṃ daśabalasya |
mūrdhani vigalitamakuṭā nipatanti mahītale hṛṣṭāḥ || 188 ||
[Analyze grammar]

samā heṣṭā ca dīrghā ca āyatā utsaṃgapaṃcamā |
eṇi bṛhatpratiṣṭhito kośa nyagrodha te daśa || 189 ||
[Analyze grammar]

mṛdujālā ca pratipūrṇā ekā ūrdhvāgrapaṃcaṃāḥ |
ślaksṇacchavi haṃsāntarā ca utsadā ca te daśa || 190 ||
[Analyze grammar]

rasaṃ suvarṇasīho ca samā śuklā ca paṃcaṃā |
samā prabhūtā brahṃā ca nīlagopakṣa te daśa |
ūrṇā uṣṇīṣaśīrṣaṃ ca nātho dvātriṃśalakṣaṇo || 191 ||
[Analyze grammar]