Chapter 17

[English text for this chapter is available]

rājovāca |
vicitramidamākhyānaṃ tvatprasādācchrutaṃ mayā |
dṛṣṭvā nārāyaṇaṃ śakraṃ nārado maṃdare girau || 1 ||
[Analyze grammar]

kiṃ cakāra munīṃdro'tha tanme vistarato mune |
vada saṃsārasaraṇodbhūtamāyāprapīḍitam |
kathāmṛtajalaughena vitṛṣaṃ kuru māṃ prabho || 2 ||
[Analyze grammar]

sārasvata uvāca |
athāsau nārado devaṃ jñātvā śaptaṃ dvijanmanā |
bhṛguṇā ca tathā pūrvaṃ nānyathaitadbhaviṣyati || 3 ||
[Analyze grammar]

bhaviṣyaṃ yadbhavaṃ deva vartamānaṃ viciṃtyatām |
ayaṃ ca vāmano bhūtvā viṣṇuryāsyati tāṃ purīm || 4 ||
[Analyze grammar]

nigrahaṃ sa baleḥ paścātkariṣyati mama priyam |
yuddhaṃ vinā kathaṃ stheyaṃ vartamānaṃ maholbaṇam || 5 ||
[Analyze grammar]

devadānavayuddhāni daityagandharva rakṣasām |
nivāritāni sarvāṇi sarīsṛpapatatriṇām || 6 ||
[Analyze grammar]

sāpatnajaḥ kalirnāsti mama bhāgyaparikṣaye |
devendro guruṇā pūrvaṃ vāritaḥ kiṃ karomyaham || 7 ||
[Analyze grammar]

mānanīyo gururme'yamatastaṃ na śapāmyaham |
yuddhārthaṃ tu tato yatno na sidhyati karomi kim || 8 ||
[Analyze grammar]

kenāpi daivayogena puruṣārtho na sidhyati |
tathāpi yatnaḥ kartavyaḥ puruṣārthe vipaścitā |
daivaṃ puruṣakāreṇa vināpi phalati kvacit || 9 ||
[Analyze grammar]

yaduktaṃ tadvaco vyarthaṃ yataḥ siddhiḥ prayatnataḥ |
baliṃ gatvā bhaṇiṣyāmi yathā yuddhaṃ kariṣyati || 10 ||
[Analyze grammar]

na śroṣyati sa cedvākyaṃ niścitaṃ taṃ śapāmyaham |
ityuktvā sa yayau vegānnārado balimaṃdire |
nimeṣāṃtaramātreṇa śiṣyābhyāṃ gagane sthitaḥ || 11 ||
[Analyze grammar]

prāsāde śailasaṃkāśe saptabhaume mahojjvale |
tasyopari sabhā divyā nirmitā viśvakarmaṇā || 12 ||
[Analyze grammar]

tasyāṃ siṃhāsanaṃ divyaṃ tatrāsīno balirnṛpa |
daityaiḥ parivṛtaḥ sarvaiḥ prauḍhihāsyakathāparaiḥ || 13 ||
[Analyze grammar]

ṛṣibhirbrāhmaṇaiḥ śāṃtaista thaivośanasā svayam |
putramitrakalatraiśca saṃvṛto divyamandire || 14 ||
[Analyze grammar]

devāṃganākaragrāhagṛhītairdivyacāmaraiḥ |
saṃvījyamāno daityendraḥ stūyamānaḥ sa cāraṇaiḥ || 15 ||
[Analyze grammar]

yāvadāste madonmattā mantrayaṃti parasparam |
daityadānavamukhyā ye te sarve yuddhakāṃkṣiṇaḥ || 16 ||
[Analyze grammar]

utthāyotthāya bhāṣaṃte pragalbhaṃte suraiḥ saha |
asmadīyamidaṃ sarvaṃ trailokyaṃ sāṃprataṃ gatam || 17 ||
[Analyze grammar]

śukrabuddhyā vinā yuddhaṃ prāpsyate kiṃ mahodayaḥ |
daityendro devarājena snehaṃ ca kuruto yadi || 18 ||
[Analyze grammar]

airāvaṇaṃ sadā mattaṃ kathaṃ no yācate baliḥ |
caturaṃ turagaṃ kasmānnārpayati divākaraḥ || 19 ||
[Analyze grammar]

yāvannākramyate lubdho dhanādhyakṣo raṇājire |
tāvannārpayate vittaṃ yadā tatsaṃcitaṃ suraiḥ || 20 ||
[Analyze grammar]

na darśayati ratnāni jalarāśī rasātalāt |
yāvanna mandaraṃ kṣiptvā vimathnīmo vayaṃ ca tam || 21 ||
[Analyze grammar]

yathāmṛtakalāścandrādbhujyante kramaśaḥ suraiḥ |
evaṃ bhāgaṃ baleḥ kasmānna dadāti jalātmakaḥ || 22 ||
[Analyze grammar]

svardhunī śītalo vātaḥ padmarkijalkavāsitaḥ |
svarge vāti śanairyadvattathā na balimaṃdire || 23 ||
[Analyze grammar]

indracāpodyatā meghā jalaṃ muṃcaṃti bhūtale |
balikhaṅgoddhutāḥ svargaṃ punaste yāṃti bhūtalāt || 24 ||
[Analyze grammar]

asmadīye dharāpṛṣṭhe yamo mārayate janam |
naivaṃ svarge na pātāle paśyāho kāryakāraṇam || 25 ||
[Analyze grammar]

āyurvṛttiṃ sutānsaukhyamasmākaṃ likhati svayam |
lalāṭe citragupto'sau na devānāṃ tu tatsamam || 26 ||
[Analyze grammar]

varṣāśītātapāḥ kālā vartaṃte bhuvi sāṃpratam |
na svarge naiva pātāle bhītā bhūmau bhramaṃti hi || 27 ||
[Analyze grammar]

ekavīryodbhavā yūyaṃ svasrīyā devadānavāḥ |
bhūmau sthitā vayaṃ kasmāddevāḥ kenoparikṛtāḥ || 28 ||
[Analyze grammar]

samudre mathyamāne tu daityendro vaṃcitaḥ suraiḥ |
ekataḥ sarvadevāśca baliścaivaikataḥ sthitaḥ || 29 ||
[Analyze grammar]

utpanneṣu ca ratneṣu bhāgyaṃ vai yasya yādṛśam |
gajāśvakalpavṛkṣādyāścaṃdragogaṇadaṃtinaḥ || 30 ||
[Analyze grammar]

gṛhītvā hyamṛtaṃ devairvayaṃ pāne niyojitāḥ |
etayā cūrṇitā yūyaṃ na jānīthātigarvitāḥ || 31 ||
[Analyze grammar]

pītāvaśeṣaṃ pīyūṣaṃ satyaloke dhṛtaṃ suraiḥ |
ahotikuṭilā devāḥ kasmāccheṣaṃ na dīyate || 32 ||
[Analyze grammar]

surāmṛtamiti jñātvā pīyūṣādvaṃcitā vayam |
tilatailamevamiṣṭaṃ yairna dṛṣṭaṃ ghṛtaṃ kvacit || 33 ||
[Analyze grammar]

viṣṇorvakracaritrāṇāṃ saṃkhyā kartu na śakyate |
tathāpi kathyate tuṣṭairhṛṣṭaistairyadanuṣṭhitam || 34 ||
[Analyze grammar]

gaurāṃgī sundarī subhrūḥ pīnonnatapayodharā |
sukeśā caṃdravadanā karṇāsaktavilocanā || 35 ||
[Analyze grammar]

valitrayāṃkitā madhye bālā muṣṭyāpi gṛhyate |
sthalāraviṃdacaraṇā lateva bhujabhūṣitā || 36 ||
[Analyze grammar]

sā sarvābharaṇopetā sarvalakṣaṇasaṃyutā |
trailokyamohinī devī saṃjātā'mṛtamanthane || 37 ||
[Analyze grammar]

amṛtādutthitā pūrvaṃ yasya sā tasya taddhruvam |
trailokyaṃ vaśagaṃ tasya yasya sā cārulocanā || 38 ||
[Analyze grammar]

tayā saṃmohitāḥ sarve devadānavarākṣasāḥ |
vimucya manthanaṃ sarve tāṃ grahītuṃ samudyatāḥ || 39 ||
[Analyze grammar]

ekā strī bahavo devā dānavādaityarākṣasāḥ |
vivādaḥ sumahāñjātaḥ kathamatra bhaviṣyati || 40 ||
[Analyze grammar]

āgatya viṣṇunā sarve bhuje dhṛtvā nivāritāḥ |
asyārthe kimaho vādaḥ kriyate bhoḥ parasparam || 41 ||
[Analyze grammar]

amṛtārthe samārambho mahilārthe vinaśyati |
saṃketaṃ prathamaṃ kṛtvā viṣṇunā cuṃbitā punaḥ || 42 ||
[Analyze grammar]

divyarūpadharaḥ sragvī vanamālāvibhūṣitaḥ |
kaustubhoddyotitatanuḥ śaṃkhacakragadādharaḥ || 43 ||
[Analyze grammar]

tasyā haste śubhāṃ mālāṃ dattvā viṣṇuḥ puraḥ sthitaḥ |
uddhṛtya bāhuṃ sarveṣāṃ babhāṣe vacanaṃ hariḥ || 44 ||
[Analyze grammar]

kurvaṃtu kuṇḍalaṃ sarve tiṣṭhantu svayamāsane |
vilokya svecchayā lakṣmīrvaramālāṃ prayacchatu || 45 ||
[Analyze grammar]

svayaṃvaravibhedaṃ yaḥ kariṣyatyatilaṃpaṭaḥ |
sa vadhyaḥ sahitaiḥ sarvaiḥ parastrīlubdhako yathā || 46 ||
[Analyze grammar]

paradārakṛtaṃ pāpaṃ strīvadhyā tasya jāyatām |
anyo'pi yaḥ karotyevamevamastu taducyatām || 47 ||
[Analyze grammar]

sādhāraṇaṃ hariṃ jñātvā tathetyuktvā tathā kṛtam |
devadānavadaityānāṃ gaṃdharvoragarakṣasām |
madhye yo'bhimato bhartā sa te satyaṃ bhavediti || 48 ||
[Analyze grammar]

tenāsau mohitā pūrvaṃ dṛṣṭidānena karṣitā |
ādyaṃ saṃmohanaṃ strīṇāṃ cakre dṛṣṭinirīkṣaṇam || 49 ||
[Analyze grammar]

evameveti tatkarṇe hastaṃ dattvā yaducyate |
dadhāti hṛdi yaṃ nārī kāmabāṇaprapīḍitā || 50 ||
[Analyze grammar]

tameva varayedatra kaścinnāstyeva saṃśayaḥ |
saṃjāte kalahe pūrvaṃ hariṇā taṃ nivartitum || 51 ||
[Analyze grammar]

yadā gṛhītā sarvaiḥ sā hariṃ naiva vimuṃcati |
tvameva bhartā sā'caṣṭe muṃca māṃ vraja dūrataḥ || 52 ||
[Analyze grammar]

muktvā dūraṃ tato viṣṇuḥ praviṣṭaḥ suramaṇḍale |
tadā sarve ca māmuktvā yathāsthānaṃ svayaṃ gatāḥ || 53 ||
[Analyze grammar]

ācaṣṭa vijayā pūrvaṃ sarvāndevānyathākramam |
sā ca nirīkṣate paścāttaṃ vicārya vimuñcati || 54 ||
[Analyze grammar]

udāsīnaḥ śivaḥ śāṃto gaurīkāṃtastrilocanaḥ |
nānyāṃ nirīkṣate nityaṃ dhyānāsaktastrilocanaḥ || 55 ||
[Analyze grammar]

pitāmahoyamityuktaṃ yadā sakhyā tadā tayā |
namaskṛtya gataṃ dūre kṛtvā maunaṃ na paśyati || 56 ||
[Analyze grammar]

ādityaṃ padmakaṃ muñca dahanaṃ dahanātmakam |
vāti vāto gatā dūre varuṇo me pitā yataḥ || 57 ||
[Analyze grammar]

paulomīvadanāsakto devendro me na rocate || 58 ||
[Analyze grammar]

vadhabaṃdhakṛtacchedabhedadaṇḍavikarṣa ṇam |
kurvanna kurute saumyaṃ rūpaṃ vaivasvato yamaḥ || 59 ||
[Analyze grammar]

devadānavagaṃdharvadaityapannagarākṣasān || 60 ||
[Analyze grammar]

dṛṣṭvātyugrāṃstato yāti dṛṣṭo'sau puruṣo ttamaḥ |
karṇāṃtalocanabhrāṃtavaktraṃ dṛṣṭyāvalokya tam || 61 ||
[Analyze grammar]

saubhāgyātiśayākrāṃtaṃ ramyaṃ kāmamanoharam |
saṃjātapulakodbhedasvedavārikaṇāṃkitam || 62 ||
[Analyze grammar]

devadānavadaityendrakrodhadṛṣṭinirīkṣitam |
ramyaṃ rāmā varaṃ cakre dadau mālāṃ tataḥ svayam || 63 ||
[Analyze grammar]

daityāḥ parasparaṃ procuḥ prekṣya tatsuraceṣṭitam |
vibhāgaṃ paśya devānāṃ svarge sarve svayaṃ gatāḥ || 64 ||
[Analyze grammar]

pātālasya tale yūyaṃ mānavā dharaṇītale |
devāstribhuvane yāṃtu na vayaṃ svargagāminaḥ || 65 ||
[Analyze grammar]

mānavāḥ kṣatriyā rājyaṃ kurvaṃtu pṛthivītale |
pātālaṃ tu parityajya dhātrī yadi tu rakṣyate || 66 ||
[Analyze grammar]

daityadānavajaiḥ kaiścidrākṣasaistanna śobhanam |
atha kiṃ bahunoktena rājā tribhuvane baliḥ || 67 ||
[Analyze grammar]

saṃvibhajyātha ratnāni samaṃ rājyaṃ vidhīyatām |
yāvadevaṃ pragalbhaṃte tāvatpaśyaṃti nāradam || 68 ||
[Analyze grammar]

gaganātsamupāyāṃtaṃ dvitīyamiva bhāskaram |
brahmadaṃḍakarāsaktayuddhapustakadhāriṇam || 69 ||
[Analyze grammar]

kṛṣṇājinadharaṃ śāṃtaṃ chatravīṇākamaṇḍalūn |
mauṃjīguṇatrayāsaktagraṃthipravaramekhalam || 70 ||
[Analyze grammar]

brahmarūpadharaṃ śāṃtaṃ divyarudrākṣabhūṣitam |
gata kalpakṛtagraṃthisūtramālāvalaṃbitam || 71 ||
[Analyze grammar]

viraṃciharasaṃvādo janmāhaṃkāragarvitaḥ |
saṃkruddhaiḥ kriyate ko'dya ciṃtātatparamānasam || 72 ||
[Analyze grammar]

āyātaṃ nāradaṃ dṛṣṭvā vismitāḥ samupasthitāḥ |
prabho prasādaḥ kriyatāmāgaṃtavyaṃ gṛhe mama || 73 ||
[Analyze grammar]

dhanyo'haṃ kṛtapuṇyo'haṃ yasya me tvaṃ gṛhāgataḥ |
ityukto balinā vipro viveśāsuramaṃdire |
āsanaṃ pādyamarghyaṃ ca dattvā saṃpūjito dvijaḥ || 74 ||
[Analyze grammar]

praviśya sahitāḥ sarve saṃviṣṭā daityadānavāḥ |
śukreṇa sahito daityo babhāṣe nāradaṃ baliḥ || 75 ||
[Analyze grammar]

idaṃ rājyamime dārā ime putrā ahaṃ baliḥ |
brūhi yenātra te kāryaṃ dānaṃ me prathamaṃ vratam || 76 ||
[Analyze grammar]

nārada uvāca |
bhaktyā tuṣyaṃti ye viprāste viprā bhūmidevatāḥ |
na tu ye pūjitāḥ śaktyā punaryācaṃti te'dhamāḥ || 77 ||
[Analyze grammar]

tvayā'haṃ pūjito hṛṣṭo na vittairme prayojanam |
hṛṣṭo'haṃ tava rājyena yajñairdānairvrataistathā || 78 ||
[Analyze grammar]

devaiḥ kṛtaṃ vipriyaṃ te kiṃcitpaśyāmyahaṃ bale |
tvayā saṃpūjyamāno'pi devarājo na tuṣyati || 79 ||
[Analyze grammar]

na kṣamaṃti surāḥ sarve tava rājyaṃ dharātale |
svarge me tāpako jāto devānāṃ tava vigrahe || 80 ||
[Analyze grammar]

saṃnahya prathamaṃ yāti yaḥ sainyaṃ śatrubhūmiṣu |
sa kṣatriyo vijayate tasya rājyaṃ ca vardhate || 81 ||
[Analyze grammar]

ucchedastava rājyasya bhaviṣyati śrutaṃ mayā |
evaṃ jñātvā yathāyuktaṃ tacchīghraṃ tu vidhīyatām || 82 ||
[Analyze grammar]

baliruvāca |
yairguṇaiḥ kurute rājyaṃ rājā tānvada me vibho |
dānaṃ pātre pradātavyaṃ mayā tvamapi taṃ vada || 83 ||
[Analyze grammar]

nārada uvāca |
ṣaḍviṃśadguṇasaṃpanno rājā rājyaṃ karoti ca |
sa rājyaphalamāpnoti śṛṇu tatkathayāmyaham || 84 ||
[Analyze grammar]

careddharmānakaṭuko muṃcetsnehamanāstike |
anṛśaṃsaścaredarthaṃ caretkāmamanuddhataḥ || 85 ||
[Analyze grammar]

priyaṃ brūyādakṛpaṇaḥ śūraḥ syādavikatthanaḥ |
dātā cā'yāmavarjaḥ syātpragalbhaḥ syādaniṣṭhuraḥ || 86 ||
[Analyze grammar]

saṃdadhīta na cānāryānvigṛhṇīyānna baṃdhubhiḥ |
nānāptaiścārayeccārānkuryātkāryamapīḍayan || 87 ||
[Analyze grammar]

arthānbrūyānna cāpatsu guṇānbrūyānna cātmanaḥ |
ādadyānna ca sādhubhyo nāsatpuruṣamāśrayet || 88 ||
[Analyze grammar]

nāparīkṣya nayeddaṇḍaṃ na ca maṃtraṃ prakāśayet |
visṛjenna ca lubdhebhyo viśvasennāpakāriṣu || 89 ||
[Analyze grammar]

āptaiḥ suguptadāraḥ syādrakṣyaścānyo ghṛṇī nṛpaḥ |
striyaṃ seveta nātyarthaṃ mṛṣṭaṃ bhuṃjīta nā'hitam || 90 ||
[Analyze grammar]

asteyaḥ pūjayenmānyānguruṃ sevedamāyayā |
arcyo devo na dambhena śriyamicchedakutsitām || 91 ||
[Analyze grammar]

seveta praṇayaṃ kṛtvā dakṣaḥ syādatha kālavit |
sāṃtvavākyaṃ sadā vācyamanugṛhṇanna cākṣipet || 92 ||
[Analyze grammar]

praharenna ca viprāya hatvā śatrūnna śeṣayet |
krodhaṃ kuryānna cākasmānmṛduḥ syānnāpakāriṣu || 93 ||
[Analyze grammar]

evaṃ rājye ciraṃ stheyaṃ yadi śreya ihecchasi |
tapaḥsvādhyāyadānāni tīrthayātrā'śramāṇi ca || 94 ||
[Analyze grammar]

yogenātmaprabodhasya kalāṃ nārhaṃti ṣoḍaśīm |
tvayā saṃsāravairāgyaṃ karttavyaṃ viprapūjanam || 95 ||
[Analyze grammar]

yaṣṭavyaṃ vividhairyajñairdhyeyo nārāyaṇo hariḥ |
prasaṃgena samāyāto yāsye raivatake girau || 96 ||
[Analyze grammar]

tatrāste bhagavānviṣṇurnadī trailokyapāvanī |
tatrāste ca śivāvṛkṣo bahupuṣpaphalānvitaḥ |
tatra gatvā kariṣyāmi vrataṃ tadviṣṇuvallabham || 97 ||
[Analyze grammar]

baliruvāca |
ko'yaṃ raivatakonāma vrataṃ kiṃ viṣṇuvallabham |
śivāvṛkṣāstu ke proktāstatkathaṃ kathayasva me || 98 ||
[Analyze grammar]

nārada uvāca |
purā yugādau daityendra sapakṣāḥ parvatāḥ kṛtāḥ |
saṃciṃtya brahmaṇā paścādacalāste kṛtāḥ punaḥ || 99 ||
[Analyze grammar]

utpataṃti mahākāyā nipataṃti yadṛcchayā |
merumaṃdarakailāsā vacasā saṃsthitāḥ sthirāḥ || 100 ||
[Analyze grammar]

vāritā na sthitā ye tu ta iṃdreṇa sthirīkṛtāḥ |
merordakṣiṇa śṛṃge tu kumudeti sa parvataḥ || 101 ||
[Analyze grammar]

divyaḥ sapakṣaḥ sauvarṇo divyavṛkṣaiḥ samāvṛtaḥ |
tasyopari purī divyā vaiṣṇavī viṣṇunā kṛtā || 102 ||
[Analyze grammar]

tasyā madhye gṛhaṃ divyaṃ yasmillaṃkṣmīḥ sadā sthitā |
meroḥ śṛṃge purī ramyā gṛhaṃ tatra manoramam || 103 ||
[Analyze grammar]

tatrāste sa bhavo devo bhavānī yatra saṃsthitā |
sabhā māheśvarī ramyā sauvarṇī ratnamaṃḍitā || 104 ||
[Analyze grammar]

tatrāste bhagavānviṣṇurdevairbrahmādibhirvṛtaḥ |
tasyāṃ viṣṇuḥ sadā yāti devaṃ draṣṭuṃ maheśvaram || 105 ||
[Analyze grammar]

sauvarṇaiḥ kumudairyasmādasau sarvatra maṃḍitaḥ |
kumudeti kṛtaṃ nāma devaistatra samāgataiḥ || 106 ||
[Analyze grammar]

ekadā bhagavānrudro girau tasminsamāgataḥ |
draṣṭuṃ tacchikhare ramye tāṃ purīṃ viṣṇupālitām || 107 ||
[Analyze grammar]

gṛhāgataṃ haraṃ dṛṣṭvā hariṇā sa tu pūjitaḥ |
lakṣmyā saṃpūjitā gaurī harṣitā tatra saṃsthitā || 108 ||
[Analyze grammar]

ekāsanopaviṣṭau tau maṃtrayaṃtau parasparam |
hareṇa kāraṇaṃ jñātvā tatsarvaṃ kathitaṃ hareḥ || 109 ||
[Analyze grammar]

tvayeyaṃ nagarī kāryā maṃdare parvatottame |
praṣṭavyaḥ kāraṇaṃ nāhamavaśyaṃ tadbhaviṣyati || 110 ||
[Analyze grammar]

hara eva vijānāti kāraṇaṃ katamo'pi na |
evaṃ tatheti tau proktvā saṃsthitau parvato'pi saḥ || 111 ||
[Analyze grammar]

taṃ dṛṣṭvā saṃgataṃ rudraṃ kumudaḥ svayamāyayau |
dhanyo'haṃ kṛtapuṇyo'haṃ yasya me gṛhamāgatau || 112 ||
[Analyze grammar]

dvābhyāmukto girivaro dadāva kiṃ varaṃ tava |
ityuktaḥ parvatastābhyāṃ varaṃ vavre sa mūḍhadhīḥ || 113 ||
[Analyze grammar]

bhaviṣyatkāryahetutvādbhaviṣyati na tadvṛthā |
yatrāhaṃ tatra vastavyaṃ bhavadbhyāmastu me varaḥ || 114 ||
[Analyze grammar]

matsannidhau samāgatya sthātavyaṃ brahmavāsaram |
tathetyuktvā sapatnīkau gatau hariharāvubhau || 116 ||
[Analyze grammar]

pañcamo yo manuḥ pūrvaṃ raivato nāma viśrutaḥ |
tasyotpattau tu yadvṛttaṃ kumudāgre śṛṇuṣva tat || 116 ||
[Analyze grammar]

ṛṣirāsīnmahābhāga ṛtavāgiti viśrutaḥ |
tasyāputrasya putro'bhūdrevatyante mahātmanaḥ || 117 ||
[Analyze grammar]

sa tasya vidhivaccakre jātakarmādikāḥ kriyāḥ |
tathopanayanādyāśca sa cāśīlo'bhavannṛpa || 118 ||
[Analyze grammar]

yataḥ prabhṛti jāto'sau tataḥ prabhṛtyasāvṛṣiḥ |
dīrgharogaparāmarśamavāpātīva durddharam || 119 ||
[Analyze grammar]

mātā cāsya parāmārtiṃ kuṣṭharogābhipīḍitā |
jagāma cintāṃ sa ṛṣiḥ kimetaditi duḥkhitaḥ || 120 ||
[Analyze grammar]

mūrkhastu maṃdadhīḥ putro duḥkhaṃ janayate pituḥ |
amārgago viśeṣeṇa duḥkhādduḥkhataraṃ hi tat || 121 ||
[Analyze grammar]

aputratā manuṣyāṇāṃ śreyase na kuputratā |
suhṛdāṃ nopakārāya pitṝṇāṃ nāpi tṛptaye || 122 ||
[Analyze grammar]

suputro hṛdaye'bhyeti mātāpitrordinedine |
pitrorduḥkhāya dhigjanma tasya duṣkṛtakarmaṇaḥ || 123 ||
[Analyze grammar]

dhanyāste tanayā ye syuḥ savarlokābhisaṃmatāḥ |
paropakāriṇaḥ śāṃtāḥ sādhukarmaṇyanuvratāḥ || 124 ||
[Analyze grammar]

anirvṛtaṃ nirānaṃdaṃ duḥkhaśokapariplutam |
narakāya na svargāya kuputratvaṃ hi janminaḥ || 125 ||
[Analyze grammar]

karoti suhṛdāṃ dainyamahitānāṃ tathā mudam |
akāle tu jarāṃ pitroḥ kuputraḥ kurute kila || 126 ||
[Analyze grammar]

nārada uvāca |
evaṃ so'tyantaduṣṭasya putrasya caritairmuniḥ |
dahyamānamanovṛttirvṛddhagargamapṛcchata || 127 ||
[Analyze grammar]

ṛtavāguvāca |
suvratena purā vedā adhītā vidhinā mayā |
samāpya vidyā vidhavatkṛto dāraparigrahaḥ || 128 ||
[Analyze grammar]

sadāreṇa hi yāḥ kāryāḥ śrautasmārttādikāḥ kriyāḥ |
tāḥ kṛtāśca vidhānena kāmaṃ samanurudhya ca || 129 ||
[Analyze grammar]

putrārthaṃ janitaścāyaṃ puṃnāmno vicyutau mune |
so'yaṃ kimātmadoṣeṇa māturdoṣeṇa kiṃ mama |
asmadduḥkhāvaho jāto dauḥśīlyādvada kovida || 130 ||
[Analyze grammar]

garga uvāca |
revatyante muniśreṣṭha jāto'yaṃ tanayastava |
tena duḥkhāya te duṣṭe kāle yasmādajāyata || 131 ||
[Analyze grammar]

tavāpacāro naivāsya māturnāpi kulasya ca |
anyaddauḥśīlyahetutvaṃ revatyaṃta upāgatam || 132 ||
[Analyze grammar]

revatī aśvinormadhyamāśleṣāmaghayostathā |
jyeṣṭhāmūlarkṣayoḥ proktaṃ gaṃḍāṃtaṃ tu bhayāvaham || 133 ||
[Analyze grammar]

gaṃḍatraye tu ye jātā naranārīturaṃgamāḥ |
tiṣṭhaṃti na ciraṃ gehe tiṣṭhanto'pi bhayaṃkarāḥ |
evamukto'tha gargeṇa cukrodhātīva kopanaḥ || 134 ||
[Analyze grammar]

ṛtavāguvāca |
yasmānmamaika putrasya revatyante samudbhavaḥ || 135 ||
[Analyze grammar]

revatī kiṃ na jānāti māṃ vipraḥ śāpayiṣyati |
jājvalyamānā gaganāttasmātpatatu revatī || 136 ||
[Analyze grammar]

nārada uvāca |
tenaivaṃ vyāhṛte vākye revatyṛkṣaṃ papāta ha ||
paśyataḥ sarvalokasya vismayāviṣṭacetasaḥ || 137 ||
[Analyze grammar]

īśvarecchāprabhāvena patitā girimūrddhani |
revatyṛkṣaṃ nipatitaṃ kumudādrau samantataḥ || 138 ||
[Analyze grammar]

surāṣṭradeśe sa prāptaḥ patito bhūtale śubhe |
himācalasya putro ya ujjayaṃto girirmahān || 139 ||
[Analyze grammar]

kumudena samaṃ maitrī kṛtā pūrvaṃ parasparam |
yatra tvaṃ sthāsyase sthātā tatrāhamapi niścitam || 140 ||
[Analyze grammar]

iti kṛtvā gṛhītvātha gaṃgāvāri sayāmunam |
sārasvataṃ tathā puṇyaṃ siṃcituṃ taṃ samāgataḥ || 141 ||
[Analyze grammar]

āhūtasaṃplavaṃ yāvatsaṃsthitau tau parasparam |
kumudādriśca tatpātātkhyāto raivatako'bhavat || 142 ||
[Analyze grammar]

atīva ramyaḥ sarvasyāṃ pṛthivyāṃ pṛthivīpate |
kumudādriśca sauvarṇo revatīcyavanātpunaḥ || 143 ||
[Analyze grammar]

paṃkajābhaḥ sa bāhyena jāto varṇena bhūpate |
meruvarṇaḥ sa madhye tu sauvarṇaḥ parvatottamaḥ || 144 ||
[Analyze grammar]

tataḥ sañjanayāmāsa kanyāṃ raivatako giriḥ |
revatīkāṃti saṃbhūtāṃ revatīsadṛśānanām || 145 ||
[Analyze grammar]

pramuco nāma rājarṣistena dṛṣṭā varāṃganā |
pitṛvadrevatīnāma kṛtaṃ tasyā nṛpottama || 146 ||
[Analyze grammar]

revatīti ca vikhyātā sā sarvatra varāṃganā |
sarvatejomayaṃ sthānaṃ sarvatīrthajalāśrayam || 147 ||
[Analyze grammar]

gaṃgājalapravāhaiśca saṃyuktaṃ yāmunaistathā |
sthitaṃ sārasvataṃ toyaṃ tatra garteṣu tattrayam || 148 ||
[Analyze grammar]

vikhyātaṃ revatīkuṃḍaṃ yatra jātā ca revatī |
smaraṇāddarśanātsnānātsarvapāpakṣayo bhavet || 149 ||
[Analyze grammar]

sā bālā varddhitā tena pramuṃcena mahātmanā |
yauvanaṃ tu tayā prāptaṃ tasminraivatake girau || 150 ||
[Analyze grammar]

tāṃ tu yauvanasaṃpannāṃ dṛṣṭvā'tha pramuco muni |
ekāṃte cintayāmāsa ko'syā bhartā bhaviṣyati || 151 ||
[Analyze grammar]

hūtvāhūtvā sa papraccha guruṃ vahniṃ dvijottamaḥ |
prasādaṃ kuru me brūhi ko'syā bhartā bhaviṣyati || 152 ||
[Analyze grammar]

anyo'syāḥ sadṛśaḥ ko'pi vaṃśe nāsti karomi kim |
vahnikuṇḍātsamutthāya proktavānhavyavāhanaḥ || 153 ||
[Analyze grammar]

śṛṇu me vacanaṃ vipra yo'syā bhartā bhaviṣyati |
priyavratānvayabhavo mahābalaparākramaḥ || 154 ||
[Analyze grammar]

putro vikramaśīlasya kāliṃdījaṭharodbhavaḥ |
durdamo nāma bhavitā bhartā hyasyā mahīpatiḥ || 155 ||
[Analyze grammar]

atrāṃtare samāyāto durdamaḥ sa mahīpatiḥ |
girau mṛgavadhākāṃkṣī muniṃ gehe na paśyati |
priye'yi tātaḥ kva gata ehi satyaṃ bravīhi me || 156 ||
[Analyze grammar]

nārada uvāca |
agniśālāsthitenaiva tacchrutaṃ vacanaṃ priyam |
priyetyāmantraṇaṃ ko'yaṃ karoti mama veśmani || 157 ||
[Analyze grammar]

sa dadarśa mahātmānaṃ rājānaṃ durdamaṃ muniḥ |
jaharṣa durdamaṃ dṛṣṭvā muniḥ prāha sa gautamam || 158 ||
[Analyze grammar]

śiṣyaṃ vinayasampannamarghyaṃ pādyaṃ samānaya |
ekaṃ tāvadayaṃ bhūpaścirakālādupāgataḥ || 159 ||
[Analyze grammar]

jāmātā sāṃprataṃ rājā yogyāsya ca sutā mama |
tataḥ sa ciṃtayāmāsa rājā jāmātṛ kāraṇam || 160 ||
[Analyze grammar]

maunena vidhinā rājā jagṛhe'rghyaṃ dvijājñayā |
tamāsanagataṃ vipro gṛhītārghyaṃ mahāmuniḥ || 161 ||
[Analyze grammar]

prastutaṃ prāha rājendraṃ nṛpate kuśalaṃ pure |
kośe bale ca mitre ca bhṛtyāmātya prajāsu ca |
tathātmani mahābāho yatra sarvaṃ pratiṣṭhitam || 162 ||
[Analyze grammar]

patnī ca te kuśalinī yā'tra sthāne hi tiṣṭhati |
anyāsāṃ kuśalaṃ brūhi yāḥ saṃti tava maṃdire || 163 ||
[Analyze grammar]

rājovāca |
tvatprasādādakuśalaṃ nāsti rājye kvacinmama |
jātakautūhalo'smyasmi mama bhāryā'tra kā mune || 164 ||
[Analyze grammar]

pramuca uvāca |
revatī te varā bhāryā kiṃ na vetsi nṛpottama |
trailokyasundarī yā tu kathaṃ sā vismṛtā tava || 165 ||
[Analyze grammar]

rājovāca |
subhadrāṃ śāṃtapāpāṃ ca kāverītanayāṃ tathā |
sūrātmajānujātāṃ ca kadaṃbāṃ ca varaprajām || 166 ||
[Analyze grammar]

vipāṭhāṃ naṃdinīṃ caiva vedmi bhāryāṃ gṛhe mama |
tiṣṭhanti naiva jānāmi bhāryā me revatī kutaḥ || 367 ||
[Analyze grammar]

ṛṣiruvāca |
priyeti sāṃprataṃ proktā revatī sā priyā tava |
tadanyathā na bhavitā vacanaṃ nṛpasattama || 168 ||
[Analyze grammar]

rājovāca |
nāsti bhāvakṛto doṣaḥ kṣamyatāṃ tadvaco mama |
vinirgataṃ vacovaktrānnāhaṃ jāne dvijottama || 169 ||
[Analyze grammar]

ṛṣiruvāca |
nāsti bhāvakṛto doṣaḥ parivedmi kuruṣva tat |
vahninā kathitastvaṃ me jāmātādya bhaviṣyasi || 170 ||
[Analyze grammar]

ityādivacanai rājā bhāryā mene sa revatīm |
ṛṣistathodyataḥ kartuṃ vivāhaṃ vidhi pūrvakam |
uvāca kanyā pitaraṃ kiñcinme śrūyatāṃ pitaḥ || 171 ||
[Analyze grammar]

yadi me patinā tāta vivāhaṃ kartumicchasi |
revatyṛkṣaṃ vivāhaṃ me tatkarotu prasādataḥ || 172 ||
[Analyze grammar]

ṛṣiruvāca |
revatyṛkṣaśca na vai bhadre candrayoge divi sthitam |
ṛkṣāṇyanyānyapi saṃti subhrūrvaivāhakāni ca || 173 ||
[Analyze grammar]

kanyovāca |
tāta tena vinā kālo vikalaḥ pratibhāti me |
vivāho vikale tāta madvidhāyāḥ kathaṃ bhavet || 174 ||
[Analyze grammar]

pramuñca uvāca |
ṛtavāgiti vikhyātastapasvī revatīṃ prati |
cakāra kopaṃ kruddhena tenarkṣaṃ tannipātitam || 175 ||
[Analyze grammar]

mayā cāsmai pratijñātā bhāryeti viditaṃ tava |
na cecchasi vivāhaṃ tvaṃ saṃkaṭaṃ naḥ samāgatam || 176 ||
[Analyze grammar]

kanyovāca |
ṛtavāgeva sa muniḥ kimetattaptavānsvayam |
na tvayā mama tātena brahmabandhoḥ sutā'smi kim || 177 ||
[Analyze grammar]

ṛṣiruvāca |
brahmabandhoḥ sutā na tvaṃ tapasvī nāsti me'dhikaḥ |
sutā tvaṃ ca mayā deyā nānyatkartuṃ samutsahe || 178 ||
[Analyze grammar]

kanyovāca |
tapasvī yadi me tātastatkimṛkṣamidaṃ divi |
samāropya vivāho me kasmānna kriyate punaḥ || 179 ||
[Analyze grammar]

ṛṣiruvāca ||
evaṃ bhavatu bhadraṃ te bhadre prītimatī bhava |
āropayāmīndumārge revatyṛkṣaṃ kṛte tava || 180 ||
[Analyze grammar]

tatastapaḥprabhāvena revatyṛkṣaṃ mahāmuniḥ |
yathā pūrvaṃ tathā cakre somayogi dvijottamaḥ |
vivāhaṃ duhituḥ kṛtvā jāmātaramuvāca ha || 181 ||
[Analyze grammar]

audvāhikaṃ te bhūpāla kathyatāṃ kiṃ dadāmyaham |
duṣprāpamapi dāsyāmi vidyate me mahattapaḥ || 182 ||
[Analyze grammar]

rājovāca |
manoḥ svāyaṃbhuvasyāhamutpannaḥ saṃtatau mune |
manvaṃtarādhipaṃ putraṃ tvatprasādādvṛṇomyaham || 183 ||
[Analyze grammar]

ṛṣiruvāca |
bhaviṣyati mahīpālo mahābalaparākramaḥ |
revatī revatīkuṇḍe snātvā putraṃ janiṣyati || 184 ||
[Analyze grammar]

evaṃ kṛtvā gato rājā sā ca putramajījanat |
raivateti kṛtaṃ nāma babhūva sa manurnṛpaḥ || 185 ||
[Analyze grammar]

amunā ca tadā proktamasminraivatake girau |
striyaḥ snānaṃ kariṣyaṃti tāsāṃ putrā mahābalāḥ |
dīrghāyuṣo bhaviṣyaṃti duḥkhadāridryavarjitāḥ || 186 ||
[Analyze grammar]

nārada uvāca |
ityukte parvato rājandīrgho bhūtvā papāta saḥ |
etau tau saṃsmṛtau devau sabhāryau hariśaṃkarau || 187 ||
[Analyze grammar]

smṛtamātrau tadā'yātau tena baddhau purā yataḥ |
yatrāhaṃ tatra sthātavyaṃ bhavadbhyāmiti niścitam || 188 ||
[Analyze grammar]

ato viṣṇuharau devau sthitau tau parvatottame |
girau raivatake ramye svarṇarekhānadījale |
ārādhayaddhariṃ devaṃ revatī tāṃ ca sobravīt || 189 ||
[Analyze grammar]

bhavatāccaṃdrayogaste gagane brāhmaṇājñayā |
anyadvṛṇīṣva tuṣṭo'haṃ varaṃ manasi yatsthitam || 190 ||
[Analyze grammar]

revatyuvāca |
girau raivatake deva sthātavyaṃ bhavatā sadā |
mayā snānaṃ kṛtaṃ yatra tatra snāsyaṃti ye janāḥ || 191 ||
[Analyze grammar]

teṣāṃ viṣṇupure vāso bhavatviti vṛtaṃ mayā |
evamastu tadā procya girau raivatake sthitaḥ |
dāmodaraścaturbāhuḥ svayaṃ rudropi saṃsthitaḥ || 192 ||
[Analyze grammar]

gaṃgādyāḥ saritaḥ sarvāḥ saṃsthitā viṣṇunā saha |
kṣīrode mathyamāne tu yadā vṛkṣaḥ samutthitaḥ || 193 ||
[Analyze grammar]

āmardde devadaityānāṃ tena sāmardakī smṛtā |
asminvṛkṣe sthitā lakṣmīḥ sadā pitṛgṛhe nṛpa || 194 ||
[Analyze grammar]

śivālakṣmīḥ smṛto vṛkṣaḥ sevyate surasattamaiḥ |
devairbrahmādibhiḥ sarvairvṛkṣo'sau vaiṣṇavaḥ smṛtaḥ || 195 ||
[Analyze grammar]

sarvaiḥ saṃciṃtya mukto'sau girau raivatake purā |
asya vṛkṣasya yātrāṃ ye kariṣyaṃti harerdine || 196 ||
[Analyze grammar]

phālgune ca site pakṣa ekādaśyāṃ nṛpottama |
teṣāṃ putrāśca pautrāśca bhaviṣyaṃti guṇādhikāḥ |
prāṃte viṣṇupure vāso jāyatenātra saṃśayaḥ || 197 ||
[Analyze grammar]

baliruvāca |
kathametadvrataṃ kāryaṃ vaiṣṇavaṃ viṣṇuvallabham |
rātrau jāgaraṇaṃ kāryaṃ vidhinā kena tadvada || 198 ||
[Analyze grammar]

nārada uvāca |
phālgunasya site pakṣa ekādaśyāmupoṣitaḥ |
snātvā nadyāṃ taḍāge vā vāpyāṃ kūpe gṛhe'pi vā || 199 ||
[Analyze grammar]

gatvā girau vane vā'pi yatra sā prāpyate śivā |
pūjyā puṣpaiḥ śubhai rātrau kāryaṃ jāgaraṇaṃ naraiḥ || 200 ||
[Analyze grammar]

aṣṭādhikaśataiḥ kāryā phalaistasyāḥ pradakṣiṇā |
pradakṣiṇīkṛtya nagaṃ bhoktavyaṃ tu phalaṃ naraiḥ || 201 ||
[Analyze grammar]

karakaṃ jalapūrṇaṃ tu karttavyaṃ pātrasaṃyutam |
haviṣyānnaṃ tu karttavyaṃ dīpaḥ kāryo vidhānataḥ || 202 ||
[Analyze grammar]

evaṃ jāgaraṇaṃ kāryaṃ kathāśravaṇatatparaiḥ |
mucyaṃte dehinaḥ pāpaiḥ kalijaiḥ kāyasaṃbhavaiḥ || 203 ||
[Analyze grammar]

dehāṃte te narāḥ sarve pūjyaṃte harimaṃdire || 204 ||
[Analyze grammar]

sārasvata uvāca |
ityuktvā nārado daityaṃ yayau raivatakaṃ girim |
daityendro maṃtrayāmāsa kiṃkāryaṃ sāṃprataṃ mayā || 205 ||
[Analyze grammar]

na rocate suraiḥ sārddhaṃ vigraho me surottamāḥ || 206 ||
[Analyze grammar]

maṃtriṇa ūcuḥ |
nāsti kṣamā bhṛśaṃ teṣāṃ kṣatriyāṇāṃ gṛhe satām |
aśaktamapi maṃsyaṃte svayamāyāṃti te yataḥ |
tasmātsvayaṃ prayāsyāmo devendraṃ sahitā vayam || 207 ||
[Analyze grammar]

iti śrutvā dadau ḍhakkāṃ prathamaṃ suravigrahe |
gṛhītvā vāhinīṃ daityāḥ prasthitā meru parvate || 208 ||
[Analyze grammar]

yatra sā nagarī ramyā devarājasya pūrvataḥ |
āgacchamānāṃ tāṃ jñātvā vāhinīṃ meruparvate || 209 ||
[Analyze grammar]

devarājasamādeśāccalitā deva vāhinī |
sumeroḥ pūrvadigbhāge yuddhamāsītparasparam || 210 ||
[Analyze grammar]

devasainyaṃ yadā sarvaṃ daityasainyenasaṃyutam |
mahāpralayasādṛśyaṃ yuddhaṃ vṛttaṃ tadā tayoḥ || 211 ||
[Analyze grammar]

airāvaṇaṃ samāruhya devarājaḥ samāgataḥ |
rathamāruhya daityendro yuddhāyānye samāgatāḥ || 212 ||
[Analyze grammar]

devā yajñabhujo yasmāttasmānna yuddha kāṃkṣiṇaḥ |
airāvaṇo baliṃ dṛṣṭvā na cacālāgrato mṛdhe || 213 ||
[Analyze grammar]

saṃgrāme vimukho yāti diggajaiḥ pariveṣṭitaḥ |
adhvare bāhunā yena saṃkalpaṃ kṛtavānbaliḥ || 214 ||
[Analyze grammar]

tena vai sa surānsarvānvārayāmāsa saṃyuge |
vāritā vimukhā yāṃti devarājaḥ karotu kim || 215 ||
[Analyze grammar]

kuliśaṃ na kurute karma bhujamuktaṃ na gacchati || 216 ||
[Analyze grammar]

evaṃ bahūni yuddhāni nivṛttāni tadā tayoḥ |
 na haṃtuṃ śakyaṃte yuddhe devairdaityā mahābalāḥ || 217 ||
[Analyze grammar]

balākāṃkṣāḥ sthitā devā guruṇā te prabodhitāḥ |
amarā devatāḥ sarva iti śukreṇa vāritāḥ || 218 ||
[Analyze grammar]

avatāraṃ harerjñātvā pañcamaṃ vāmanaṃ sthitam |
atihṛṣṭo'marāvatyāṃ rājyaṃ cakre sureśvaraḥ || 219 ||
[Analyze grammar]

nanartta yuddhe daityendraḥ svagṛhe yajate surān |
pātālābhisṛtā daityā rājyaṃ kurvaṃti mānavāḥ || 220 ||
[Analyze grammar]

tadā devagaṇāḥ sarve mantrayanti suraiḥ saha |
daityo lokadvayaṃ śāsti svargaṃ śāsti sureśvaraḥ || 221 ||
[Analyze grammar]

kṣaṃtavyaṃ tāvadevāsya vāmano raivataṃ girim |
yāvadyāti suraiḥ kāryaṃ maunaṃ daityajitairapi || 222 ||
[Analyze grammar]

yadāprabhṛti sañjāto vāmano dharaṇītale |
tadāprabhṛti daityānāṃ dunirmittāni jajñire || 223 ||
[Analyze grammar]

śivā praviśya nagare rauti sā visvaraṃ niśi |
bhramanti nagare kākā divārātraṃ virāviṇaḥ || 224 ||
[Analyze grammar]

sarppāḥ sarppaṃti geheṣu kṛṣṇā raudrā viṣolbaṇāḥ |
kaṃkā gṛdhrā bakā bhrāṃtā bhramanti nagaropari || 225 ||
[Analyze grammar]

jāyante vimukhā garbhāḥ strīṣu goṣu mṛgīṣu vā |
ghṛtaṃ dugdhaṃ ca naivāsti tile tailaṃ na vidyate || 226 ||
[Analyze grammar]

jane jānapado nityaṃ yudhyate ca parasparam |
kālī karālavadanā dīrghakeśī vilocanā || 227 ||
[Analyze grammar]

ajñātā rudatī yāti nagare sā gṛhaṃ prati |
ko'yaṃ na jñāyate kasmāttapasvī bhasmaguṃṭhitaḥ || 228 ||
[Analyze grammar]

yatirmaunavratī nagna puro yāti gṛhegṛhe |
ḍamarūḍḍāmaruṃ paścāddhuṃkāraṃ vidadhāti ca || 229 ||
[Analyze grammar]

akāle kupitā meghā jalaṃ muñcaṃti puṣkalam |
karakaiḥ pūritā garbhā garjaṃti girayo bahu || 230 ||
[Analyze grammar]

samajāyata bhūkaṃpo digdāhaścāpyajāyata |
militvā śvagaṇaḥ sarvo mukhamuccairvidhāya ca || 231 ||
[Analyze grammar]

rauti rātrau pure nityaṃ ghūkaḥ śabdaṃ viśabdate |
balirājyakṣayo jāto divi ketūdayo niśi || 232 ||
[Analyze grammar]

ādityamaṇḍale vedhaḥ kīlakairdṛśyate kṛtaḥ |
kabandhasaṃkule vyomni candramā na prakāśate || 233 ||
[Analyze grammar]

sa jāto rohiṇīvedho yo jāto yugavyatyaye |
nakṣatrāṇi divā lokairgaṇyante guṇavattaraiḥ || 234 ||
[Analyze grammar]

bījānāṃ vyatyayo jajñe bhūmistrīgomṛgīṣu ca |
aśvā hreṣaṃti sahasā madaṃ kurvaṃti no gajāḥ || 239 ||
[Analyze grammar]

mantriṇāṃ maṃtrito mantro bhidyate rājyasaṃkṣaye |
ghṛtāhutyā huto vahnirjvalati na tadā dvijaiḥ || 236 ||
[Analyze grammar]

pracaṇḍaḥ pāvano vāti vātyayā ghūrṇitadrumaḥ |
dhvajā jvalanti caityeṣu nabho bhavati dhūsaram || 237 ||
[Analyze grammar]

ete cānye ca bahava utpātā balino gṛhe |
saṃjātā vāmane jāte nāradāgamanādanu || 238 ||
[Analyze grammar]

anyacca jāyate raudraṃ yaddivā svapnadarśanam |
saṃnahyaṃte yadā daityāḥ patitā nipataṃti ca || 239 ||
[Analyze grammar]

nimittāni sa sainyasya dṛṣṭvaivaṃ na pravarttate |
sadā saṃtiṣṭhate gehe rājyaṃ ca kurute baliḥ || 240 ||
[Analyze grammar]

śarīre na sukhaṃ tasya gātrabhaṃgaḥ śirovyathā |
jvarito na sukhaṃ śete na bhuṃkte na pibatyasau |
na bhuktaṃ jīryate lokaḥ sarvopi vyākulīkṛtaḥ || 241 ||
[Analyze grammar]

viparītaṃ jagaddṛṣṭvā balirvyākulamānasaḥ |
mantrayāmāsa kimidaṃ brāhmaṇaiḥ saha duḥkhitaḥ || 242 ||
[Analyze grammar]

śukraṃ guruṃ samānīya sabhāyāṃ saṃniveśya ca |
papraccha kuśalaṃ daityo bhaktyā paramayā yutaḥ |
viparītamidaṃ sarvaṃ varttate tadvadasva me || 243 ||
[Analyze grammar]

nāradena yaduktaṃ me guro satyaṃ bhaviṣyati |
utpātaśāṃtikaṃ brūhi brāhmaṇaiḥ sahito mama || 244 ||
[Analyze grammar]

śukra uvāca |
utpātaśāṃtaye kāryo yajñaḥ sarvasvadakṣiṇaḥ |
brāhmaṇaiḥ kṣatriyaiḥ sārddhaṃ dvādaśābdo vidhīyatām || 245 ||
[Analyze grammar]

ṛṣayo brāhmaṇā ye ca munayo brahmacāriṇaḥ |
āgacchantu mahāyajñe ye ca dūre'pi saṃsthitāḥ || 246 ||
[Analyze grammar]

nagarātpūrvadigbhāge karttavyo yajñamaṇḍapaḥ |
yasya yasyābhirucitaṃ deyaṃ dānaṃ tvayā nṛpa |
tathā kariṣya ityuktvā yajñārthaṃ tatparobhavat || 247 ||
[Analyze grammar]

ānāyya brāhmaṇānsarvānkuśalānyajñakarmaṇi |
gṛhītā yajñadīkṣā tairyajñe vai sarva dakṣiṇe || 248 ||
[Analyze grammar]

brāhmaṇāya mayā deyaṃ sarvasvamiha yācite |
śarīraputramitrāṇi dārāndāsyāmi yācitaḥ || 249 ||
[Analyze grammar]

dātavyaṃ satataṃ dānaṃ brāhmaṇebhyo mayādhvare |
vāritenāpi na stheyaṃ dātavyaṃ niścitaṃ mayā |
yācitaścenna dāsyāmi tadā vyartho mamā'dhvaraḥ || 250 ||
[Analyze grammar]

vidhāya maṇḍapaṃ divyaṃ bahuyojanavistaram |
tatra dānāni dīyante bhojanācchādanāni ca || 251 ||
[Analyze grammar]

saptarṣayaḥ samāyātā gaganāddharaṇītale |
digbhyaḥ samāgatāḥ sarve brāhmaṇāḥ saṃti ye bhuvi || 252 ||
[Analyze grammar]

kṣatriyāśca samāyātā vigṛhya vividhaṃ vasu |
nivedayanti te rājñe prārabdhe yajñakarmaṇi || 253 ||
[Analyze grammar]

āsamudrātsamāyātā naṭanarttakayācakāḥ |
gītavāditranirghoṣo vedadhvanivimiśritaḥ || 254 ||
[Analyze grammar]

trailokyaṃ badhirīcakre dehidehīti yācitam |
mā dehīti vaco nāsti stokaṃ dehīti caiva na || 255 ||
[Analyze grammar]

yadyadyo yācate vastu tattasmai tatra dīyate |
brāhmaṇo hi na so'pyasti yo hi taṃ bahu yācate || 256 ||
[Analyze grammar]

bhojanācchādanārthaṃ ca na gṛhṇaṃti dvijātayaḥ |
suvarṇaratnaraupyāṇi tathāśvarathakuṃjarān || 257 ||
[Analyze grammar]

gṛhagobhūmigrāmāṃśca na gṛhṇaṃti dvijātayaḥ |
balirājyena saṃtuṣṭāḥ kiṃ kurvati dhanena te || 258 ||
[Analyze grammar]

evaṃ pravartate yajño mahānsarvasvadakṣiṇaḥ || 259 ||
[Analyze grammar]

nṛtyaṃti gāyaṃti paṭhaṃti cānye stuvaṃti yajñaṃ bahudānayuktam |
brahmendra rudragrahasūryacaṃdrāḥ prasāditā āhutibhiśca mantraiḥ || 260 ||
[Analyze grammar]

baliṃ praśaṃsaṃti guruṃ tathānye hotārameke parivārameke |
prajāpaternāpi surādhipasya samāpyate cedatha yāsyati dhuvam |
pradāya rājyaṃ dvijapuṃgavebhyaḥ saputramitraiḥ sahito rasātalam || 261 ||
[Analyze grammar]

itīti vācaḥ pravadaṃti vāḍavāḥ śṛṇvaṃti daityāḥ kimidaṃ vadaṃti |
baleḥ puraḥsthāḥ kathayaṃti saṃgatā baliḥ prahṛṣṭaḥ pradadāti yācitam || 262 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe dvitīye vastrāpathakṣetramāhātmye baliyajñaprabhāvavarṇanaṃnāma saptadaśo'dhyāyaḥ || 17 ||
[Analyze grammar]