Chapter 25 - utsavavidhiḥ

athotsavavidhiṃ vakṣye devadevasya śārṅgiṇaḥ |
āraṃbhadivasātpūrvaṃ yajamāno mudnvitaḥ || 1 ||
[Analyze grammar]

pūrvoktaguṇasaṃpannaṃ varayitvā guruṃ tathā |
dviguṇārādhanāyaikamekaṃ kuṃbhārcanāya ca || 2 ||
[Analyze grammar]

homārthaṃ balidānārthaṃ tathā sthānārcanāya ca |
vṛṇetpadārthinaḥ pañca tāvataḥ paricārakān || 3 ||
[Analyze grammar]

ācāryamupasaṃgamya saṃpūjya ca vidhānataḥ |
karmedaṃ me kuru'ṣveti yācayedvinayānvitaḥ || 4 ||
[Analyze grammar]

ācāryaḥ saha śiṣyaistu kṛtvā keśādivāpanam |
snātvā snānavidhānena dhṛtvā dhautaṃ yathāvidhi || 5 ||
[Analyze grammar]

ūrdhvapuṇḍradharassamyaksaṃdhyādīn samupāsya ca |
brahmayajñaṃ ca kṛtvaiva tathā devarṣi tarpaṇam || 6 ||
[Analyze grammar]

japeddvādaśasūktāni nārāyaṇamathāruṇam |
ālaye saṃpraviśyaiva deveśaṃ saṃpraṇamya ca || 7 ||
[Analyze grammar]

devaṃ viśeṣato'bhyarcya kāryaṃ tasmai nivedayet |
yajamāno'pi dharmātmā nityakarma samāpyaca || 8 ||
[Analyze grammar]

devālayaṃ praviścaiva puṇyāhaṃ kārayettataḥ |
śrīvaikhānasa sūtrokta madhuparmavidhānataḥ || 9 ||
[Analyze grammar]

ācāryamṛtvijaścaiva saṃpūjya vidhinā tataḥ |
alaṅkuryācca ganthādyairdhūpadīpādibhistathā || 10 ||
[Analyze grammar]

navavastrottarīyādyaistathā pañcāṅgabhūṣaṇaiḥ |
pañcāṅgabhūṣaṇaṃ vakṣye yathā kuryādatandritaḥ || 11 ||
[Analyze grammar]

daśaniṣkapramāṇena kuṇḍalābharaṇaṃ pṛthak |
ṣaṇṇiṣkamānaṃ kaṭakamaṅgadaṃ cāṃgulīyakam || 12 ||
[Analyze grammar]

ekaviṃśatiniṣkāḍhyaṃ kaṭīsūtraṃ salakṣaṇam |
tadardhāṃśapramāṇeva grīvālaṅkaraṇaṃ pṛthak || 13 ||
[Analyze grammar]

aṣṭaniṣka pramāṇeva yajñasūtraṃ ca kārayet |
anena vidhinā kuryādgurorardhārdhamṛtvijām || 14 ||
[Analyze grammar]

ācāryaḥ prokṣyacātmānaṃ yajamānamathartvijaḥ |
prāśnīyātpañcagavyaṃ ca padārthibhyaścasādaram || 15 ||
[Analyze grammar]

yajamānāya dadyācca mantrapūrvaṃ viśeṣataḥ |
tataḥ padmāgnimādhāya pariṣicya ca pāvakam || 16 ||
[Analyze grammar]

yaddevādi catussūktānyājyena juhuyādguruḥ |
vaiśvānareṇa sūktena copatiṣṭheddhutāśanam || 17 ||
[Analyze grammar]

kṣapayitvā tataḥ pāpaṃ karmārhāste bhavantyataḥ |
kūśmāṇḍahoma ityuktassarvapāpapraṇāśanaḥ || 18 ||
[Analyze grammar]

tatkāne dīkṣitāssarve vidhimantrapurassaram |
baddhvā pratisaraṃ haste paścātkuryuḥkriyāmapi || 19 ||
[Analyze grammar]

tataḥprabhṛti sarve te śuddha dantanakhāstathā |
haviṣyabhojino dāntā strikālasnāyino'pi ca || 20 ||
[Analyze grammar]

jitendriyā bhaveyuste tathā'dhaśsāyino'pi ca |
strīśūdrābhyāmasaṃbhāṣya nārāyaṇaparāyaṇāḥ || 21 ||
[Analyze grammar]

yāvatkālaṃ bhaveddīkṣā tāvacchuddhā ime smṛtāḥ |
sūtake mṛtake vāpi teṣāṃ nāśauca iṣyate || 22 ||
[Analyze grammar]

athavakṣyeṃkurārthantu mṛttikāgrahaṇe vidhim |
śānta cakre samabhyarcya havīṃṣyapi nivedya ca || 23 ||
[Analyze grammar]

viṣvaksenaṃ samādāya yānamāropya nāthavat |
ācāryaḥ puratogacche dviṣṇurmā'miti coccaran || 24 ||
[Analyze grammar]

cakrasya paścādgaccheyurācāryeṇa samanvitāḥ |
ādarśahemakalaśapūrṇakuṃbhāṃkurādibhiḥ || 25 ||
[Analyze grammar]

dhvajatrayādikān sarvānpuraskṛtya padārthinaḥ |
prācyāṃ sarvasamṛddhissyādāgneyyāṃ dhānyanāśanam || 26 ||
[Analyze grammar]

yāmye janavināśassyānnairṛtyāṃ dhananāśanam |
anāvṛṣṭiśca vāruṇyāṃ rājakopaśca pāvane || 27 ||
[Analyze grammar]

saumye putrasamṛddhissyā daiśānyāṃ sukhadaṃ bhavet |
etānāṃ tu diśāṃ madhye praśastāṃ śuddhamṛttikām || 28 ||
[Analyze grammar]

ācāryassādhanairyukto diśaṃ gatvā saśiṣyakaḥ |
grāmadevālayādārādārāme'tra manorame || 29 ||
[Analyze grammar]

nadītaṭākatīre vā sīmāmanatilaṅghya ca |
prārdhya bhūdevatāmantrai śśuddhe deśe mṛdaṃ haret || 30 ||
[Analyze grammar]

vīśāmitau ca cakraṃ ca sthāpayetprāṅmukhānbudhaḥ |
prāṅmukhaścopalipyaiva vṛttākāraṃ samullikhet || 31 ||
[Analyze grammar]

tatra sthānaṃ ca saṃprokṣya dadhi krāvṇṇa'uccaran |
bhūrūpaṃ tu likhitvaiva bhūmirbhū'mneti ca bruvan || 32 ||
[Analyze grammar]

ūrdhvavaktrāṃ ca śayitāmaiśānyāṃ nyastamaulikām |
devīṃ mahīṃ tāmabhyarcya prokṣaṇaiḥ prokṣaṇaṃ caret || 33 ||
[Analyze grammar]

ekādaśopacāraiśca mūrtimantraissamarcayet |
puṇyāhaṃ vācayitvātu medinyādi samuccaran || 34 ||
[Analyze grammar]

khanitre śeṣamabhyarcya vastrādyaissamalaṅkṛte |
lalāṭe sarvadoṣaghnaṃ bāhvorbahusukhapradam || 35 ||
[Analyze grammar]

stanadvaye vayovṛddhirjaṭhare sarvasaṃpadaḥ |
adhobhāge mṛdaṃ tasyā nāhareta kadācana || 36 ||
[Analyze grammar]

evaṃ saṃkalpya manasā medinyādi tadā bruvan |
tvāṃ khanā'mīti mantreṇa vārāhaṃ manasā smaran || 37 ||
[Analyze grammar]

ubhābhyāñcaiva hastābhyāṃ khanitreṇa khanedbudhaḥ |
mahīṃ devīmanujñāpya khanitvā tālamātrakam || 38 ||
[Analyze grammar]

apohyaiva ca tatsarvaṃ tadadhasthsāṃ mṛdaṃ haret |
vaiṣṇavaṃ mantramuccārya tatrakāryaṃ samācaret || 39 ||
[Analyze grammar]

pātramadhye susannyasya pūrvavacchirasinyaset |
paścāddevīṃ samudvāsya cāpaṭaṃ tatra pūrayet || 40 ||
[Analyze grammar]

śirasā dhārayitvātu purastāccakraśāntayoḥ |
grāmaṃ pradakṣiṇaṃ kṛtvā devālayamupāvrajet || 41 ||
[Analyze grammar]

pūrvasminnuttare pārśve vāṃkurānarpayettadhā |
cakrādīnabhiṣicyaiva havissamyaṅnivedya ca || 42 ||
[Analyze grammar]

svesvesthāne tu saṃsthāpya paścādyāgaṃ samārabhet |
alayābhimukhe vāpi dakṣiṇe vā manorame || 43 ||
[Analyze grammar]

yamapāvakayormadhye pāvakāṃśe'tha vā caret |
aiśānyāṃ vātha vā kecitsomeśānāntare tathā || 44 ||
[Analyze grammar]

kalpayedyāgaśālāṃ ca pratiṣṭhoktavidhānataḥ |
vediṃ tanmadhyame paṅktau vedimānena kārayet || 45 ||
[Analyze grammar]

pratiṣṭhādyardhamānaṃ vā ratnimātrodayaṃ kramāt |
pañcāgnīn kalpayeddhīmānutsave cottame tathā || 46 ||
[Analyze grammar]

tretāgnīn kalpayedvidvānmadhyame cotsavekramāt |
adhamaṃ yadi cetsabhyaṃ kalpayetpūrvavatsudhīḥ || 47 ||
[Analyze grammar]

tretāgnikalpanaṃ yatra pradhānaṃ gārhapatyakam |
ubhayoranyayossabhyaṃ pradhānaṃ kalpayettathā || 48 ||
[Analyze grammar]

bhūmiyajñeva sarvatra śodhayecca yathāvidhi |
devaṃ devyau samādāya snānaśvabhre gurūttamaḥ || 49 ||
[Analyze grammar]

paraṃ raṃ'heti mantreṇa sthāpayecca viśeṣataḥ |
nityasnānoktamārgeṇa snāpayitvā hariṃ param || 50 ||
[Analyze grammar]

āsthāne viṣṭaraṃ nyasya tadūrdhve vastramāstaret |
devaṃ devyau samādāya śvetavastrairvibhūṣya ca || 51 ||
[Analyze grammar]

kuṇḍalāṃgadahārādibhūṣaṇairapi bhūṣayet |
śvetamālyairalaṅkṛtya śvetagandhānulepanaiḥ || 52 ||
[Analyze grammar]

pavitraṃ cottarīyañca gatvā devaṃ praṇamya ca |
rājavaccopacārādīnācareddeśikottamaḥ, || 53 ||
[Analyze grammar]

navakubhāropaṇam |
pūrvoktavidhinā dhīmānnava kuṃbhānpragṛhyaca |
indraṃ naro na'ityuktvātantunā veṣṭayettathā || 54 ||
[Analyze grammar]

vedyāmuparipūrvoktadhānyānyāstīrya mantravit |
catussūtrairnavapadaṃ kṛtvā kuṃbhāṃśca vinyaset || 55 ||
[Analyze grammar]

kuṃbhānadbhiḥ ppapūryaiva kuśakūrcākṣatādikān |
maṅgalānyāyudhaṃ ratnaṃ pratikuṃbhaṃ pṛthakpṛthak || 56 ||
[Analyze grammar]

gāyatṣā caiva nikṣivya madhyakuṃbhe viśeṣataḥ |
dvyaṅgulena pramāṇena srugādīnyapi pūrvavat || 57 ||
[Analyze grammar]

hānakenaiva kṛtvā tu viṣṇusūktena nikṣipet |
āveṣṭya vastrayugmena sarvānapi pṛthakpṛthak || 58 ||
[Analyze grammar]

vedyā madhastātpūrvetu vīśaṃ vai paścimāmukham |
sannyasya dakṣiṇe paścāccakraṃ caivottarāmukham || 59 ||
[Analyze grammar]

paṅktīśaṃ prāṅmukhaṃ paścātpaścime cottare'tha vā |
dakṣiṇābhimukhaṃ śāntaṃ sthaṇḍilopari sannyaset || 60 ||
[Analyze grammar]

abhāve garuḍādīnāṃ sthāne tatra ca tatra ca |
kuṃbhāntsannyasya tanmadhye dhyātvaivāvāhayetkramāt || 61 ||
[Analyze grammar]

yāvattīrthāvasānaṃ syāttāvatkuṃbhetu pārṣadān |
sāyaṃ prātarviśeṣeṇa pūjayedvidhivatsudhīḥ || 62 ||
[Analyze grammar]

paścātsabhyāgnikuṇḍe tu vidhināghāra mācaret |
uttarābhimukha stiṣṭhan kururvedyāstu dakṣiṇe || 63 ||
[Analyze grammar]

prāṇāyāmaṃ tataḥkṛtvā pūrvavaddhyānamācaret |
pradhānakuṃbhamadhye tu viṣṇuṃ devyau ca sānvayau || 64 ||
[Analyze grammar]

dhruvādāvāhayenmantrī prāgādiṣu yathākramam |
puruṣaṃ kapilaṃ satyaṃ yajñamacyutameva ca || 65 ||
[Analyze grammar]

nārāyaṇaṃ cāniruddhaṃ tataḥ puṇyaṃ samarcayet |
taṃ rukmavarṇaṃ raktāsyaṃ raktanetraṃ sukhodvaham || 66 ||
[Analyze grammar]

kirīṭahārakeyūralaṃbayajñopavītinam |
kaustubhodbhāsitoraskaṃ śrīvatsāṃkaṃ caturbhujam || 67 ||
[Analyze grammar]

dakṣiṇenaikahastena bhaktānāmabhayapradam |
vāmenāpyanyahastena svakaṭyāmavalaṃbitam || 68 ||
[Analyze grammar]

parābhyāṃ tu karābhyāṃ tu śaṅkhacakradharaṃ param |
śukapiñchāṃbaradharaṃ viṣṇuṃ praṇavarūpiṇam || 69 ||
[Analyze grammar]

taptahāṭakasaṃkāśāṃ padmapatrāyatekṣaṇām |
tisṛbhiḥpuṣpacūḍūbhirlalāṭopari śobhitām || 70 ||
[Analyze grammar]

sapadmavāmahastāntāṃ kakṣyābaddhaghanastanīm |
prasāritetarakarāṃ prasannendunibhānanām || 71 ||
[Analyze grammar]

śrīvatsāṃkitabījāntāṃ phālgunecottarodbhavām |
viṣṇordakṣiṇapārśvasthāṃ haṃsaniryākhyavāhinīm || 72 ||
[Analyze grammar]

vāmabhāge mahīṃ śyāmāṃ sarvābharaṇabhūṣitām |
vaiśākhe revatījātāṃ dadhatīṃ dakṣiṇe'ṃbujam || 73 ||
[Analyze grammar]

prasāritetarakarāṃ prasannendunibhānanām |
mahācātakamārūḍhāṃ lakṣnīpūrvākṣarānvitām || 74 ||
[Analyze grammar]

puruṣaḥ prāṅmukho'cchābhaḥ pītavāsāścaturbhujaḥ |
śaṅkhacakradharaśśrīmān sarvābharaṇabhūṣitaḥ || 75 ||
[Analyze grammar]

varado'bhayadaḥ prācyāṃ śrībhūmisahito hariḥ |
kapilaḥ prāṅmukho'cchābho raktavastro'ṣṭabāhuyuk || 76 ||
[Analyze grammar]

dakṣiṇenaikahasteva bhaktānāmabhayapradaḥ |
anyaiścakrāsihalabhṛtsarvābharaṇabhūṣitaḥ || 77 ||
[Analyze grammar]

vāmenāpyanyahastena svakaṭyāmavalaṃbya ca |
anyaiśsaṃkhadhanurdaṇḍadharassuṃdara vigrahaḥ || 78 ||
[Analyze grammar]

āgneyyāṃ diśi gāyatṣā sāvitṣā ca yuto hariḥ |
satyoyāmyamukhaśśrīmānañjanābhaścaturbhujaḥ || 79 ||
[Analyze grammar]

śaṅkhacakradharasyaumyassarvābharaṇabhūṣitaḥ |
varado'bhayadassādhūraktavāsā mahāhanuḥ || 80 ||
[Analyze grammar]

devībhyāṃ dhṛtipauṣṇībhyāṃ yuto yāmyadiśi prabhuḥ |
yajñaḥ paścimadigvaktrastaptacāmīkaraprabhaḥ || 81 ||
[Analyze grammar]

saptahastaścatuśśruṅgo raktavāsā dviśīrṣakaḥ |
śaṅkhacakrājyapātrasruksruvānupabhṛtaṃ juhūm || 82 ||
[Analyze grammar]

bibhrattripādo nairṛtyāṃ devassvāhāsvadhāyutaḥ |
acyutaḥ paścimāśāsyaḥ kanakābhaścaturbhujaḥ || 83 ||
[Analyze grammar]

śaṅkhacakradharaśśrīmān sarvābharaṇabhūṣitaḥ |
varado'bhayadassākṣī sarvakarmaphalapradaḥ || 84 ||
[Analyze grammar]

yuktaḥpavitrīkṣoṇībhyāṃ pratīcyāṃ śyāmalāṃbaraḥ |
nārāyaṇaḥ paścimāsyassphaṭikābhaścaturbhujaḥ || 85 ||
[Analyze grammar]

śaṅkhacakradharaśśrīmān sarvābharaṇabhūṣitaḥ |
varado'bhayadaśśyāmāṃbaraśśrīvatsacihnitaḥ || 86 ||
[Analyze grammar]

saṃyutaḥ kamalelābhyāṃ vāyavyāṃ jagatāṃ patiḥ |
aniruddha udīcyāsyaḥ pravālābhaścaturbhujaḥ || 87 ||
[Analyze grammar]

anantotsaṃga āsīnaḥ puṣpāṃbaradharo hariḥ |
śaṅkhacakradharaśśrīmān sarvābharaṇabhūṣitaḥ || 88 ||
[Analyze grammar]

dadhatsvadakṣiṇe vāme pramodādāyinīṃ mahīm |
varado'bhayado deva udīcyāṃ sarvasiddhidaḥ || 89 ||
[Analyze grammar]

puṇyaḥprāgānanaśśrīmāṃ staruṇādityasannibhaḥ |
śrīvatsavakṣā nityaśrīssarvābharaṇabhūṣitaḥ || 90 ||
[Analyze grammar]

caturbhujaśśaṅkhacakravaradābhayacihnitaḥ |
śvetavastrottarīyopavītādyaissamalaṅkṛtaḥ || 91 ||
[Analyze grammar]

indirādharaṇīnāthariśānyāṃ puṇyapūruṣaḥ |
etāndevān samāvāhya samabhyarcyāṣṭavigrahaiḥ || 92 ||
[Analyze grammar]

vīśānasāyipaṅktīśaśāntāndikṣvarcayetkramāt |
sāyaṃ prātarvinā kuṃbhairdevaṃ vīśāmitaissaha || 93 ||
[Analyze grammar]

vedyāmeva pratiṣṭhāpya pūjayediti ke ca na |
hotrapraśaṃsanam |
hotā paścātpradhānāgnau hautraśaṃsanamācaret || 94 ||
[Analyze grammar]

pratiṣṭhoktakrameṇaiva tadālayagatān surān |
avāhya tatkrameṇaiva nirupyājyāhutīryajet || 95 ||
[Analyze grammar]

pariṣicya pāvakaṃ paścādvaiṣṇavaṃ juhuyātkramāt |
vedyāntu paścime vātha vāyavyāṃ vā viśeṣataḥ || 96 ||
[Analyze grammar]

sthiṇḍilaṃ kalpayitvātra cāstaredaṇḍajādikān |
yajamānasamāyukto gururdevaṃ praṇamya ca || 97 ||
[Analyze grammar]

kusumāñjali mutsṛjya pratadviṣṇuṃ'riti bruvan |
devībhyāṃ saha deveśamādāya sthaṇḍilopari || 98 ||
[Analyze grammar]

prāṅmukhaṃ caiva saṃsthāpya pūjayedaṣṭavigrahaiḥ |
utsavapratimābhāve snāpane vā viśeṣataḥ || 99 ||
[Analyze grammar]

snapanasyāvyabhāve tu kautuke cācarettu vā |
kautuke yadi ceddevyau naivādāya tathā caret || 100 ||
[Analyze grammar]

nādarennityavaikalyaṃ visargāvāhane tathā |
ācaredutsavaṃ vidvānnityārcāntu yathākramam || 101 ||
[Analyze grammar]

kuryāccennityavaikalyaṃ sarvanāśo bhaveddhruvam |
snāpayedyadi cedvidvānmadhyame cotsavasya tu || 102 ||
[Analyze grammar]

snapane yadi saṃprāpte kautuke snapanaṃ caret |
snāpanapratimābhāve snapanaṃ yadi cotsave || 103 ||
[Analyze grammar]

saṃprāste snapane cātra kautuke cotsavaṃ vinā |
acaredeva sāṃkaryaṃ nācaredubhayorapi || 104 ||
[Analyze grammar]

utsave vartamāne tu kautuke snapanaṃ yadi |
saṃbhaveduktakāle tu karmaṇī dve samācaret || 105 ||
[Analyze grammar]

purāpravṛttakārye tu doṣo nānena saṃbhavet |
kātuke cedyathai kāgnau bahukarmavadācaret || 106 ||
[Analyze grammar]

gṛhe tretāgni vannityaṃ praṇīyāropaṇaṃ vinā |
snāpanotsavabhede tu kautukena dinaṃ dinam || 107 ||
[Analyze grammar]

arohaṇaṃ yadi bhaveddruve tatkarma pūrvataḥ |
āvāhya karmamāmante tathā sāye visarjayet || 108 ||
[Analyze grammar]

pātra rāvāhanaṃ nityamarcanādau viśeṣataḥ |
visargaṃ sāyamarcānte kautuke tu yathā tathā || 109 ||
[Analyze grammar]

tathaivautsavadīkṣānte samāvāhya dhruvātsudhīḥ |
visargaṃ nācarenmadhye dīkṣāntetu samācaret || 110 ||
[Analyze grammar]

arcanānte viśeṣeṇa puṇyāhamapi vācayet |
hemapātre tu sauvarṇaṃ kautukaṃ taṇḍulopari || 111 ||
[Analyze grammar]

sannyasya pūrvavaddhīmānbandhayeddakṣiṇekare |
kuṃbhāndevyauca cakrādīn samābaddhya samarcayet || 112 ||
[Analyze grammar]

pariṣicya pāvakaṃ paścādvaiṣmavaṃ viṣmusūktakam |
juhuyātpauruṣaṃ sūktaṃ śrībhūsūkta samanvitam || 113 ||
[Analyze grammar]

dinasaṃdhyādhidaivatyaṃ tithivārarkṣadaivatam |
tathā māsādhidai vatyamabdadai vatyameva ca || 114 ||
[Analyze grammar]

tadālayagatānāṃ ca juhuyānmūrtibhiḥ kramāt |
vyāhṛtyantaṃ pradhāne syāttata āhavanīyake || 115 ||
[Analyze grammar]

nṛsūktaṃ dakṣiṇāgnau ca vaiṣṇavaṃ tathā || 116 ||
[Analyze grammar]

avasathye mahīsūktamekākṣaramato yajet |
juhuyātpaiṇḍarīkāgnā vato devādi'vaiṣṇavam || 117 ||
[Analyze grammar]

viṣṇusūktaṃ puruṣasūktaṃ yaddevādi'samanvitam |
pāramātmika mantrāṃśca brāhmamaindraṃ ca vāruṇam || 118 ||
[Analyze grammar]

juhuyādviṣṇugāyatṣā śvetābjaṃ ca ghṛtāplutam |
aṣṭottaraśataṃ caiva sarvadoṣopaśāntaye || 119 ||
[Analyze grammar]

ekāgnimatha vādhāya juhuyādadhamādhamam |
sabhya homaṃ ca pūrvoktaṃ vaiṣṇavādi vidhānataḥ || 120 ||
[Analyze grammar]

athotsavādhidaivatyaṃ viśeṣeṇa pravakṣyate |
brāhmamārṣaṃ tathā raudramaindraṃ saumyaṃ ca vaiṣmavam || 121 ||
[Analyze grammar]

sarvadaivatyayāmye ca vāruṇaṃ ca navāhnike |
āgneyaṃ prājāpatyaṃ ca kauberaṃ vaighnameva ca || 122 ||
[Analyze grammar]

śrīdaivatyaṃ ca kaumāramādityaṃ raudrameva ca |
daurgamaindraṃ tathā yāmyaṃ vaiṣṇavaṃ skāngameva car || 123 ||
[Analyze grammar]

iśānyaṃ saumyamityetattithidaivatyamucyate |
tattaddvāre tu juhuyānmatrairdvārādhipocitaiḥ || 124 ||
[Analyze grammar]

tathā nakṣatradaivatyaṃ juhuyādvidhinā budhaḥ |
trisaṃdhiṣu hunedaindraṃ sauraṃ bārhaspataṃ kramāt || 125 ||
[Analyze grammar]

māsarkṣādhipadaivatyaṃ māsadaivatyamucyate |
yāmyaṃ ca vaiṣṇavaṃ saumyaṃ brāhmaṃ bārhaspataṃ tathā || 126 ||
[Analyze grammar]

saumyamaindraṃ vāruṇaṃ ca śeṣāgnyādityabhautikam |
mārutaṃ bhṛgudaivatyaṃ vāruṇaṃ vaighnameva ca || 127 ||
[Analyze grammar]

raudraṃ kauberakaṃ tvāṣṭraṃ maitraṃ kaumārameva ca |
sāvitrīṃ śrīdaivatyaṃ caiva gaurīdaivatyameva ca || 128 ||
[Analyze grammar]

ādityaṃ paitṛkaṃ caivāditi daivatyameva ca |
yogadaivatyametatkyājjuhuyādvidhinā budhaḥ || 129 ||
[Analyze grammar]

aindraṃ ca prājāpatyaṃ ca maitramāryamaṇaṃ tathā |
bhūta śrīyāmyadaivatyaṃ bhārgavaṃ vṛṣadaivatam || 130 ||
[Analyze grammar]

kauberaṃ vāyudaivatyaṃ juhuyātkaraṇeṣu vai |
devebhyaḥ pitṛbhyaśceti pakṣayośśuklakṛṣṇayoḥ || 131 ||
[Analyze grammar]

sauraṃ cāndraṃ ca juhuyātkramādayanayordvayoḥ |
madhuśca mādhava'śceti juhuyādṛtuṣu kramāt || 132 ||
[Analyze grammar]

viṣṇuḥ prajāpatiśśūlī vighneśassapta carṣayaḥ |
aṣṭau lokādhipāḥ pañca bhūtā viśvaṃbharādayaḥ || 133 ||
[Analyze grammar]

vasavo'ṣṭau ca rohiṇyassapta śrīścaṇḍikā guhaḥ |
sūryassomaścirañjīvī kāśīvīśapurardarāḥ || 134 ||
[Analyze grammar]

cakraśśānto gururbhaumabudhaśukraśanaiścarāḥ |
haviḥpālo hyanastaśca gaṅgā jyeṣṭhā ca mātaraḥ || 135 ||
[Analyze grammar]

prabhavādi kramādete vijñeyā vatsarādhipāḥ |
tathotsavādhidaivatyaṃ tithivārarkṣadaivatam || 136 ||
[Analyze grammar]

caturdaivatyamātrantu juhuyāditi ke ca na |
palāśabilvaśāmīlanya grothoduṃbarāstathā || 137 ||
[Analyze grammar]

aśvaddhakhadirapla kṣabrahmavṛkṣāḥ kramādime |
samidhāṃ grāhya vṛkṣāntu parṇamaśvadthameva vā || 138 ||
[Analyze grammar]

padmaṃ ca bilvapatraṃ ca karavīraṃ kumudaṃ tathā |
nandyāvartaṃ ca tulasī tathaiva sthalapaṅkajam || 139 ||
[Analyze grammar]

viṣṇukrāntāravinde tu puṣpāṇyetānyanukramāt |
alābhe tulasīṃ vātha karavīraṃ ca paṅkajam || 140 ||
[Analyze grammar]

mudgaṃ niṣpāvakaṃ caiva kuluddhaṃ māṣayeva ca |
tilānapūpān lājāṃśca yavān saktūnyathākramam || 141 ||
[Analyze grammar]

balidravyāṇi coktāni sarvābhāve tu maudgikam |
evameva vidhānena dvikālaṃ homamācaret || 142 ||
[Analyze grammar]

prātassaṃdhyāvasānetu sāyamarcāvasānake |
homaṃ kṛtvā baliṃ dadyāddvikālaṃ cotsavaṃ caret || 143 ||
[Analyze grammar]

utsavabhramaṇaṃ vakṣye devadevasya śārṅgiṇaḥ |
balinirvāpaṇānte tu sāyaṃ prātarviśeṣataḥ || 144 ||
[Analyze grammar]

devadevamalaṅkṛtya vastrādyairbhūṣaṇaiśśubhaiḥ |
sugandhipuṣpamālābhirgandhairapi manoharaiḥ || 145 ||
[Analyze grammar]

rathe vā śibikāyāṃ vā vīśaskandhe'pi vā tathā |
gajāśvāṃdolikādau vā vāhane samalaṅkṛte || 146 ||
[Analyze grammar]

ahameveda'mantreṇa devamāropya niścalam |
aṣṭopacārairabhyarcya lājāpūpādikāṃstathā || 147 ||
[Analyze grammar]

saṃkkṛtān guḍasaṃmiśrānnivedya mukhavāsakam |
datvā vādyaissamāyuktaṃ sarvālaṅkārasaṃyutam || 148 ||
[Analyze grammar]

dāsībhirvādakaiśyaiva nṛttageyasamanvitaiḥ |
brāhmaṇairvedavidbhiśca samāyuktaṃ śanaiśsanaiḥ || 149 ||
[Analyze grammar]

dhvajaiścatrairātapatraistoraṇaiśca tathaiva ca |
saṃbhṛtaiḥ saṃyutaṃ cānyaissarvaiśśṛṅgāralakṣmabhiḥ || 150 ||
[Analyze grammar]

vālavyajanahastābhirdāsībhiḥ pārśvayordvayoḥ |
vījyamānaṃ viśeṣeṇa tathā bhaktavarairapi || 151 ||
[Analyze grammar]

vāhaye yurdvijā devaṃ brāhmaṇā vedapāragāḥ |
dīpairudagrairbahubhiḥ pariṣiktairghṛtādinā || 152 ||
[Analyze grammar]

parassahasraissarvatra dīpayecca śatāvaraiḥ |
vipraistrayīmadhīyānairjapastutiparāyaṇaiḥ || 153 ||
[Analyze grammar]

nṛtyatā gāyatā māpi gāṇikyena susevitam |
vīṇādivādibhiścaiva vandibhiśca tathā paraiḥ || 154 ||
[Analyze grammar]

ṣaḍjādigītanipuṇairvādyavādakakovidaiḥ |
gadyaṃ padyaṃ tathā miśraṃ pathadbhistsotramujjvalam || 155 ||
[Analyze grammar]

vai taṇḍikaistathā jalpairnipuṇairvādaśikṣitaiḥ |
tathā tattvakathāniṣṭhaiḥ padārdhajñaiśca tārkikaiḥ || 156 ||
[Analyze grammar]

mīmāṃsakairyājñikaiśca chāndasaissāṃkhyakovidaiḥ |
yogajñaiśca purāṇajñaiśśābdikaistattvavedibhiḥ || 157 ||
[Analyze grammar]

mauhūrtikaiśca gaṇaśaḥparasparajīgīṣubhiḥ |
tattacchāstrokamārgeṇa prameyaṃ ca bahusthitam || 158 ||
[Analyze grammar]

uccairbruvāṇairvidvadbhiḥ pañcakālaparāyaṇaiḥ |
vāsudevasya māhātmyaṃ kathayadbhiścasāttvikaiḥ || 159 ||
[Analyze grammar]

śāstreṣu naipuṇaṃ sarvaṃ pradarśayitumudyataiḥ |
devasya purataḥpṛṣṭhe pārśvataścasthitairjanaiḥ || 160 ||
[Analyze grammar]

senayā sarvato dikṣu caturaṅgabalāḍhyayā |
devasya pārśvayoḥ pūrde lākṣārañjitamaskaraiḥ || 161 ||
[Analyze grammar]

yatrairdārumayaiścitraiḥ pakṣyākārairitastataḥ |
devatākṛtiyantraiśca tathā yantrairgajādibhiḥ || 162 ||
[Analyze grammar]

niṣādibhissamārūḍhaiḥ strībhiśca bharatoditaiḥ |
mārgairbahuvidhairnṛttaṃ darśayantībhiradbhutam || 163 ||
[Analyze grammar]

lekhāyantraistsriyārūḍhairyantrairanyaistathā vithaiḥ |
gatāgatāni kurvāṇairanuyātaṃ samākulaiḥ || 164 ||
[Analyze grammar]

śanairnayejjagannāthaṃ yathāśakti samanvitaiḥ |
ārabhyāvaraṇādādyādeṣā parivṛtirbhavet || 165 ||
[Analyze grammar]

devena sārthamācāryo yānamāruhya tatra tu |
rakṣārthaṃ devadevasya dhyāyannupaviśeddharim || 166 ||
[Analyze grammar]

arcakaśca tathāsīnassamyagarcanamācaret |
ārohaṇe gajendrasya devadevaṃ viśeṣataḥ || 167 ||
[Analyze grammar]

vastrābharaṇapuṣbādyairalaṅkṛtya yathārhakam |
deveśaṃ pūrvamāropya hastenādāyacāṃkuśam || 168 ||
[Analyze grammar]

niṣīdedgajapṛṣṭhe tu deśikassvayamatvaraḥ |
arcakaśchatramādāya tathā devasya dhārayet || 169 ||
[Analyze grammar]

toyadhārāṃ puraskṛtya kuryādbhramaṇamācarāt |
grāmaṃ pradakṣiṇaṃ kuryādbaliryena padhā kṛtaḥ || 170 ||
[Analyze grammar]

tatkāle devamāyāntaṃ bhaktā bhāgavatā janāḥ |
spagṛhaprāṃgaṇe caiva pratyudthāya punaḥpunaḥ || 171 ||
[Analyze grammar]

praṇamya copahārāṃśca dadyurbahuvidhānbahūn |
patraṃ puṣpaṃ phalaṃ pūgaṃ nāgavallīdalānyapi || 172 ||
[Analyze grammar]

dakṣiṇāṃ ca viśeṣeṇa yathāśakti yathāruci |
nīrājanādi kuryuśca bālavṛddhāturāstadā || 173 ||
[Analyze grammar]

tapobhirbahubhirgamye svayameva parātpare |
bhaktānukaṃpayā deve spagṛhadvāramāgate || 174 ||
[Analyze grammar]

ko na nandati mūḍhātmā tasya kā niṣkṛtirbhavet |
tatkāle cārpitaṃ dravyaṃ yadapakvaṃ pragṛhya ca || 175 ||
[Analyze grammar]

āmantraṃ tu nivedyaiva bhagavatpriyamācaret |
upahāreṣu tatrārdhaṃ gṛhṇīyādbhāgamarcakaḥ || 176 ||
[Analyze grammar]

nāgavallīdalaṃ puṣpaṃ kramukaṃ dakṣiṇādikam |
sarvamarcakasarvasvaṃ gṛhṇīyādarcakassvayam || 177 ||
[Analyze grammar]

tatkāle bhaktinamrebhyassaṃprāptebhyaśca sannidhim |
bhagadatpādukāṃ dadyācchirasi śraddhayā guruḥ || 178 ||
[Analyze grammar]

śirasā dhāraṇe martyaisspṛṣṭidoṣo na vidyate |
na nayetpādukāṃ viṣṇordūrīkṛtya tu sannidhim || 179 ||
[Analyze grammar]

na gṛhadvārasīmāntaṃ nayettāṃ gṛhiṇāṃ guruḥ |
iṣṭaṃ rājagṛhe strībhiḥ pādukādhāraṇaṃ yadi || 180 ||
[Analyze grammar]

dehalīmanatikramya neyāttāṃ dīpikānvitām |
tadā dīpaistathānyaiśca rājārhaiśca paricchadaiḥ || 181 ||
[Analyze grammar]

neyā syātpādukā viṣṇoḥ praṇidhissā yato hareḥ |
tassannidhimatikramya pūjakastu na jātu cit || 182 ||
[Analyze grammar]

ādānāyopahārāṇāṃ prayāyādgṛhiṇāṃ gṛhān |
nāpi kāryāntarāsaktaḥ pañcahastānati kramet || 183 ||
[Analyze grammar]

eṣa śreṣṭhopacārassyādyatassammānyate hariḥ |
evaṃ pradakṣiṇaṃ nītvā nivartetālayaṃ prati || 184 ||
[Analyze grammar]

gopurāgretu deveśaṃ kṛtvā devonmukhaṃ kramāt |
arghyapādyādinābhyarcya nivedya pṛthukādikam || 185 ||
[Analyze grammar]

dhāmapradakṣiṇaṃ nītvā punarāviśya cālayam |
avaropya ca deveśaṃ sthāpya cāsthānamaṇḍape || 186 ||
[Analyze grammar]

pādyamācamanaṃ datvā mukhavāsaṃ pradāya ca |
kautukaṃ tu visṛjyaiva śuddhodaissnāpayetprabhum || 187 ||
[Analyze grammar]

vimṛjya plotavastreṇa samalaṅkṛtya pūrvavat |
kautukaṃ punarābaddhya haviḥpaścānnivedayet || 188 ||
[Analyze grammar]

kuryādrājopacārāṇi sa hi rājā jagatprabhuḥ |
vinodaṃ kārayeccaiva nṛttagītādibhirbahu || 189 ||
[Analyze grammar]

tataḥ praṇamya deveśaṃ pūrvasthāne niveśayet |
prathame'hani sāyetu kartavyamidamīritam || 190 ||
[Analyze grammar]

dvitīyāhaḥprabhṛtyeva sāyaṃ prātaśca nityaśaḥ |
nityārcanānte dviguṇamarcayecca nivedayet || 191 ||
[Analyze grammar]

kuṃbhadevān samārādhya dhvajadevārcanaṃ caret |
homaṃ baliṃ ca datvātu kārayedutsavaṃ tathā || 192 ||
[Analyze grammar]

tṛtīye pañcaye'vāhni prātassyādgaruḍotsavaḥ |
ṣaṣṭhe'hani tu madhyāhne devībhyāṃ sahitaṃ harim || 193 ||
[Analyze grammar]

pīṭhamadhye samāropya samabhyarcyāṣṭavigrahaiḥ |
jalakuṅkumamādāya kārayedutsavaṃ tathā || 194 ||
[Analyze grammar]

navavastrādikaṃ datvā pṛthukāni nivedya ca |
datvā tāṃbūlamācāmamarcayedrājavatprabhum || 195 ||
[Analyze grammar]

saptame prātararcānte kuryātsaptarṣipūjanam |
vṛṇuyādṛtvijassaptatadācāryapurassarān || 196 ||
[Analyze grammar]

dhyātvā saptarṣivattāṃstu svarṇaṃ gāmājyameva ca |
taṇḍulodakakuṃbhādīndūrvāgraṃ kramukaṃ tathā || 197 ||
[Analyze grammar]

dadyātprabhūtaṃ tebhyantu brāhmaṇebhyaḥ pṛthakpṛthak |
tatsāyaṃ ca viśeṣeṇa kṛṣṇagandhānulepanam || 198 ||
[Analyze grammar]

sadyaḥ pratisaraṃ baddhvā devāgre sthaṇḍilaṃ caret |
kṛṣṇāguru samādāya sarvavādyasamāyutam || 199 ||
[Analyze grammar]

grāmaṃ pradakṣiṇaṃ kṛtvā sthaṇḍilopari vinyaset |
puṇyāhaṃ vidhivatkṛtvā śriyamāvāhya tatra ca || 200 ||
[Analyze grammar]

saṃskṛtya vidhivadgandhān samabhyarcya hariṃ tataḥ |
gandhadvāre'ti mantreṇa sarvāṅgaṃ lepayedguruḥ || 201 ||
[Analyze grammar]

devyādīnāṃ tathā kuryāttattanmantrairyathāvidhi |
taccheṣagandhaṃ bhaktyaiva bhaktebhyo dāpayedguruḥ || 202 ||
[Analyze grammar]

tadgandhadhāraṇānnṝṇāṃ bhadeyussarvasaṃpadaḥ |
sāyamarcāvasāne tu rathayātrāṃ samācaret || 203 ||
[Analyze grammar]

aṣṭame divase prāpte samāpte prātarutsave |
alaṅkṛtya tu deveśaṃ mṛgayotsavamācaret || 204 ||
[Analyze grammar]

madhyāhne devadevasya jalakrīḍotsavaṃ caret |
prapāṃ kṛtvā vidhānena nadyādīnāṃ taṭe budhaḥ || 205 ||
[Analyze grammar]

vitānādyairalaṅkṛtya jalakrīḍārthamaṇṭapam |
biṃbādhyardhāyatāmardhavistārāṃ biṃbadaghnikām || 206 ||
[Analyze grammar]

jaladroṇīmathācchidrāṃ nyasya lohamayīṃ ghanām |
nādeyādbhissamāpūrva dhārāsvi'ti ca mantrataḥ || 207 ||
[Analyze grammar]

elācandanakarbūraiḥ kuṅkumenādhivāsayet |
kalhāraketakīpuṣpairuśīrāgurubhistathā || 208 ||
[Analyze grammar]

āstīrya navavastrāṇi vedāha'miti mantrataḥ |
puṇyatīrthaṃ śivaṃ puṇyaṃ devāvāsa'miti bruvan || 209 ||
[Analyze grammar]

adhidevaṃ samāvāhya vigrahairaṣṭabhiryajet |
maṇḍape paścimārdhe tu viṣṭare sottarachade || 210 ||
[Analyze grammar]

devadevaṃ samāsthāpya śakunasūktaṃ samuccaran |
navavastrottarīyādyairalaṅkṛtya manoharam || 211 ||
[Analyze grammar]

pādyādibhissamabhyarcya sthāpagaissahito guruḥ |
bhūḥ prapadye'ti mantreṇa devadevaṃ praṇamya ca || 212 ||
[Analyze grammar]

paraṃ raṃhe'ti mantreṇa devamādāyacādarāt |
pratadviṣṇustsavata'iti jaladroṇyāṃ niveśya ca || 213 ||
[Analyze grammar]

indrādī śca jayādīśca taṇḍulaiḥkj ptamaṇḍale |
samāvāhya samabhyarcyejjaladroṇyabhito guruḥ || 214 ||
[Analyze grammar]

apo hi ṣṭhā'di mantrāṃ strīnanuvākāntsamuccaran |
idamāpaśśi'vetyuktvā āpo vā ida'muccaran || 215 ||
[Analyze grammar]

abhimantṣa jaladroṇyāṃ devadevaṃ praṇamya ca |
pauruṣaṃ sūktamuccārya viṣṇusūktaṃ ca vaiṣṇavam || 216 ||
[Analyze grammar]

iṣe tvorje'tvādi japanbhūrānilaya'ityapi |
maṅjayitvā jaladroṇyāṃ devaṃ prākchirasaṃ harim || 217 ||
[Analyze grammar]

adhivāsyatu yāmārdhaṃ yāmadvayamathāpi vā |
paraṃ raṃ'heti mantreṇa tata uddhṛtyavai punaḥ || 218 ||
[Analyze grammar]

alaṅkṛtya ca vastrādyairyathārhaṃ paripūjya ca |
yānamāropya deveśaṃ grāmamālayameva vā || 219 ||
[Analyze grammar]

pradakṣiṇaṃ kramānnītvā sarvālaṅkālasaṃyutam |
grāmavīthyāmupahṛtamupahālamagṛhya ca || 220 ||
[Analyze grammar]

punarālayamāviśya saṃsthāpyāsthānamaṇḍape |
sugandhitailenābhyajya devaṃ saṃsnāpya pūrvavat || 221 ||
[Analyze grammar]

jīvasthāne samāsthāpya samabhyarcya nivedayet |
tadrātrāvutsavāntetu devaṃ devīyutaṃ harim || 222 ||
[Analyze grammar]

pratiṣṭhoktavidhānena baddhvā pratisaraṃ tataḥ |
adhivāsavidhānena śayane śāyayedguruḥ || 223 ||
[Analyze grammar]

prabhāte devasutthāpya pādyādyarghyāntamarcayet |
tasmintīrthadine prātarhemādyaṃ prātarutsavam || 224 ||
[Analyze grammar]

kṛtvā havirvinā devamabhyarcyāsthānamaṇḍape |
pramukhe garuḍaṃ paścāddakṣiṇe cakrameva ca || 225 ||
[Analyze grammar]

amitaṃ cottaredhīmāndhānyapīṭhopari nyaset |
nityapūjāṃ havirdānaṃ dhruvabere samācaret || 226 ||
[Analyze grammar]

pūrvālaṅkṛtavastrādīnvisṛjyaiva prayatnataḥ |
anyavastrāṇicācchādya yathārhaṃ bhūṣya bhūṣaṇaiḥ || 227 ||
[Analyze grammar]

aṣṭopacārairabhyarcya devaṃ cakrādidevatāḥ |
vrīhibhisthsaṃḍilaṃ kṛtvā dvihastāyatavistṛtam || 228 ||
[Analyze grammar]

ulūkhalaṃ ca musalaṃ sthāpya vastreṇa saṃyutam |
tayorīśau krameṇaiva brahyeśāvarcayedbudhaḥ || 229 ||
[Analyze grammar]

pātre haridrāṃ saṃgṛhya sinīvālīmathār'cya ca |
ulūkhale haridrāṃ ca tanmantreṇa vinikṣipet || 230 ||
[Analyze grammar]

gṛhītvā vaiṣṇavairmantrairācāryo musalaṃ tathā |
viṣṇusūktaṃ samuccārya kiñcittadavaghātayet || 231 ||
[Analyze grammar]

bhaktairvā devadāsībhiścūrṇīkṛtya viśeṣataḥ |
ekasminvādvayorvātha triṣu vā kalaśeṣuvai || 232 ||
[Analyze grammar]

gandhoṣitaṃ ca vādailamāḍhakaṃ parigṛhyaca |
pidhāya ca pidhānaiśca sthaṇḍilopari vinyaset || 233 ||
[Analyze grammar]

ācchādya navavastreṇa somaṃ taile samarcayet |
sinīvālīṃ ca taccūrṇe cakrādīṃśca prapūjayet || 234 ||
[Analyze grammar]

devamabhyarcya puṇyāhaṃ vācayanvaiṣṇavaṃ guruḥ |
saṃsrāvya mūrthni tattailaṃ vedāha'miti mantrataḥ || 235 ||
[Analyze grammar]

hāridracūrṇaissaṃsnāpya cakrādīn snāpayettataḥ |
tacchiṣṭaṃ dhārayanbhaktassarvapāpaiḥ pramucyate || 236 ||
[Analyze grammar]

atha yāne samāropya devaṃ cakrādibhissaha |
cūrṇotsavamimaṃ kṛtvā tīrthotsavamathācaret || 237 ||
[Analyze grammar]

devakhātaṃ yadi phavettīrthaṃ tatra praśasyate |
nadyāditīre saṃsthāpya devībhyāṃ saha vā vinā || 238 ||
[Analyze grammar]

cakrādīnpūrvavatsthāpya pramukhe sthaṇḍilaṃ caret |
dravyeṇāpūrva kalaśān gāyatrīmantramuccaran || 239 ||
[Analyze grammar]

madhye siddhārthakaṃ nyasya prācyāṃ syādakṣatodakam |
dakṣiṇe gandhatoyaṃ syātpaścime tu kuśodakam || 240 ||
[Analyze grammar]

japyodakaṃ cottare syādvidiśāsu ca madhyataḥ |
upasnānāni vinyasya kramāttadadhipān guruḥ || 241 ||
[Analyze grammar]

ādityānapsarasaśca kāśyapaṃ ca guruṃ tathā |
ṛtūṃśca marutaścaiva munīṃ stakṣakameva ca || 242 ||
[Analyze grammar]

mantrānvidyādharāṃścaiva krameṇāvāhyacārcayet |
pūtasta'syeti mantreṇa imā oṣadhaya'ityapi || 243 ||
[Analyze grammar]

abhi tvā śūra'catvāri'pūtastanye'ticakramāt |
kalaśaiḥ pañcabhissnāpyatattaddravyāntare kramāt || 244 ||
[Analyze grammar]

vārīścatasra'ityuktvā copasnānaṃ samācaret |
śiṣṭābhiḥ kalaśādbhiśca cakrādhīnabhiṣicya ca || 245 ||
[Analyze grammar]

praviśya tu jalaṃ tatra varuṇaṃ cārcayetkramāt |
hastābhyāṃ cakramādāya devaṃ bhaktaissamanvitaḥ || 246 ||
[Analyze grammar]

ācāryaḥ prathamaṃ tīrthe cakraṃ ssṛṣṭyāvagāhayet |
nābhidaghnajale tatra jalamadhye tu susthitaḥ || 247 ||
[Analyze grammar]

cakraṃ devaṃ hṛdi sthāpya hastābhyāṃ dhārayandṛḍham |
ye te śataṃ'samuccārya prāṅmukho vāpyudaṅmukhaḥ || 248 ||
[Analyze grammar]

nimajjayettadā cakraṃ sarvavādyayutaṃ guruḥ |
janāssarve ca tattīrthe snātvā vigatakalmaṣāḥ || 249 ||
[Analyze grammar]

bhaveyuraśvamedhasya phalaṃ ca samavāpnuyuḥ |
tatastīre pratiṣṭhāpya viṣṭare cakramuttame || 250 ||
[Analyze grammar]

kuryādavabhṛthasnānaṃ śuddhasnānoktamārgataḥ |
tato visṛjya vastrādīndevaṃ cānyairvibhūṣya ca || 251 ||
[Analyze grammar]

tatraiva nasasnāṃbhārān saṃbhṛtya vidhinā guruḥ |
devībhyāṃ saha deveśaṃ snāpayetpūrvavatprabhum || 252 ||
[Analyze grammar]

alaṅkṛtya viśeṣeṇa kuryādarghyāntapūjanam |
paścāddevaṃ samādāya sarvālaṅkārasaṃyutam || 253 ||
[Analyze grammar]

śākunaṃ sūktamuccārya nītvā grāmaṃ pradakṣiṇam |
devālayaṃ praviśyāthasthāpya cāsthānamaṇḍape || 254 ||
[Analyze grammar]

pādyādibhissamabhyarcya vedānadhyāpayetkramāt |
muhuḥpuṣpāṃjaliṃ datvājīvasthāne niveśayet || 255 ||
[Analyze grammar]

cakrādīnapi cādāya tattatthsāne niveśya ca |
puṇyāhaṃ vācayitvātu prokṣaṇeḥ prokṣaṇaṃ caret || 256 ||
[Analyze grammar]

nityapūjaṃ samāpyaiva havirdadyādviśeṣataḥ |
yāgaśālāṃ samāsādya hutvāgniṣu ca vaiṣṇavam || 257 ||
[Analyze grammar]

kuṃbhasthāṃ śaktimādāya dhruvabere'varopayet |
antahomaṃ ca hutvāgniṃ nityakuṇḍepraṇīya ca || 258 ||
[Analyze grammar]

tadrātrau nityahomānte baliṃ datvā ca pūrvavat |
paścāccakraṃ vinā dadyādbaliṃ śuddhānna kalpitam || 259 ||
[Analyze grammar]

pūrvoktenaiva mārgeṇa sarvatra balimācaret |
caityasthāne prapāyāṃ tu utyāne vṛkṣamūlake || 260 ||
[Analyze grammar]

taṭāke nirjhare kūpavāpīvalmīkapārśvake |
śmaśāne'nyatra devāgre vīthyanteṣu ca nikṣipaset || 261 ||
[Analyze grammar]

punarālayamāviśya snātvā cāpyagnisannidhau |
dhvajamūlaṃ samāsādya sarvavādya samāyutam || 262 ||
[Analyze grammar]

dhvacāvarohaṇaṃ kuryāddhvajamatraṃ samuccaran |
taddhvajaṃ tu samādāya prādakṣiṇyakrameṇa vai || 263 ||
[Analyze grammar]

parītya mandiraṃ paścātpraviśyābhyantaraṃ punaḥ |
devasya pādamūle tu nyasya puṣpāñjaliṃ dadet || 264 ||
[Analyze grammar]

kṣamāmantraṃ samuccārya daṇḍavatpraṇamedbhuvi |
phalaśrutiḥ |
evaṃ yaḥ kurute bhaktvā viṣṇorutsavamādarāt || 265 ||
[Analyze grammar]

sarvapāpaviśuddhātmā sarvān kāmānavāpya ca |
ante vimānamāruhya viṣṇulokaṃ sa gacchati || 266 ||
[Analyze grammar]

puṣpayāgaḥ ataḥparaṃ pravakṣyāmi puṣpayāgaṃ sukhāvaham |
dvitīyadivase tīrthātpuṣpayāgaṃ samācaret || 267 ||
[Analyze grammar]

śāntidaṃ puṣṭidaṃ ceti kāmyadaṃ ca tridhā bhavet |
prātarmadhyāhnāparāhṇāḥ kramātkālāḥ prakīrtitāḥ || 268 ||
[Analyze grammar]

nyūnaṃ vāpyadhikaṃ caitaddoṣopaśamanāya vai |
āsthānamaṇḍape vātha snapanālaya eva vā || 269 ||
[Analyze grammar]

caturdiśaṃ caturhastaṃ gopayenopalipya ca |
pañcaviṃśatpadaṃ kṛtvā ṣaṭsūtraiḥ prāgudgagataiḥ || 270 ||
[Analyze grammar]

madhye nanapade padmaṃ sāṣṭapatraṃ sakarṇikam |
ratnadhānyādikairvāpi taṇḍulairvrīhibhistilaiḥ || 271 ||
[Analyze grammar]

bahisteṣu padeṣvagre vīśamekatra pūjayet |
dakṣiṇe cakramabhyarcya paṅktīśaṃ paścime tathā || 272 ||
[Analyze grammar]

udīcyāṃ śāntamabhyarcya śeṣeṣu ca padeṣu vai |
pūjādravyāṇi saṃbhṛtya pratyekaṃ vinyasedbudhaḥ || 273 ||
[Analyze grammar]

daleṣvaṣṭasu padmasya suvarṇaśakalopari |
lokapālāntsamabhyarcya vastropari yathādiśam || 274 ||
[Analyze grammar]

niṣkatrayasuvarṇeva kalpite karṇikopari |
ādityamaṇḍalaṃ tatra rājate candramaṇḍalam || 275 ||
[Analyze grammar]

tasmin suvarṇarūpe tu vahni maṇḍalamarcayet |
viṣṭaraṃ tatra saṃsthāpya tadantargatapaṅkaje || 276 ||
[Analyze grammar]

tatra devaṃ pratiṣṭhāpya yāvaddivasamutsavam |
tāvatkṛtvassamabhyarchya saptaviṃśativigrahaiḥ || 277 ||
[Analyze grammar]

tatra pūjāvasānetu tattatpuṣpāñjaliṃ dadet |
paṅkajaṃ tulasī bilvaṃ karavīramathotpalam || 278 ||
[Analyze grammar]

nandyāvartaṃ ca kumudamapāmārgaṃ tathaiva ca |
viṣṇukrāntaṃ ca dūrvāṃ cakramādetānyanukramāt || 279 ||
[Analyze grammar]

evaṃ puṣpājaliṃ datvā ṛtvijassahatairguruḥ |
nṛttairgeyaiścavādyaiśca caturvedastavairapi || 280 ||
[Analyze grammar]

parātparataraṃ pāraṃ guhyādguhyataraṃ gurum |
sarvavedārthasāraṃ taṃ dvādaśāṣyākṣaraṃ tathā || 281 ||
[Analyze grammar]

japanto viṣṇugāyatrīṃ śatamaṣṭottaraṃ tataḥ |
dadyuḥ puṣpāñjali bhaktyā devadevasya pādayoḥ || 282 ||
[Analyze grammar]

pañcāgniṣvatha vāgnīṃstrīnpaiṇḍarīkamathāpi vā |
devasya paritaḥ kuryāduttamādikrame kramāt || 283 ||
[Analyze grammar]

uttame sabhyakuṇḍe tu madhye tvāhavanīyake |
hautrapraśaṃsanaṃ kuryāttadālayagatāntsurān || 284 ||
[Analyze grammar]

āvāhyājyaṃ nirūpyaiva tatkrameṇāhutīryajet |
vaiṣṇavaṃ viṣṇusūktaṃ ca samyagghutvā viśeṣata || 285 ||
[Analyze grammar]

tataścāhavanīyāgnau nṛsūktaṃ vaiṣṇavaṃ yajet |
dakṣiṇāgnau viṣṇusūktaṃ śrīsūktaṃ ca yajetkramāt || 286 ||
[Analyze grammar]

juhuyādgārhapatyāgnau gāyatrīṃ vaiṣṇavīṃ tataḥ |
āvasaddhye tu juhuyātsūktamekākṣarādikam || 287 ||
[Analyze grammar]

ājyena samidhā tattaddhavirbhedaiśca hūyatām |
etaduttamamuddiṣṭaṃ madhyamaṃ tu pravakṣyate || 288 ||
[Analyze grammar]

yathālābhapramāṇena pūrvoktārdhena vā hareḥ |
padmamaṇḍaladevānāṃ kārayetpratimādikam || 289 ||
[Analyze grammar]

tattaddinārcanānte tu śuddhānnaṃ vā nivedya ca |
sarvārcānte pañcahavirdadyādityāha pūrvajaḥ || 290 ||
[Analyze grammar]

caturvedādighoṣaṃ ca caturdikṣu prakalpayet |
abjahomaṃ krameṇaiva juhuyānmantra vittamaḥ || 291 ||
[Analyze grammar]

puṣpanyāsakrameṇaiva sarvavidyeśvarāntakam |
abhyarcya prathamaṃ paścātpaṣpayāgokta pūjanam || 292 ||
[Analyze grammar]

kṛtvā yathālābhahavirbhakṣyāṇi vividhāni ca |
nivedya mukhavāsānte parivārabaliṃ kṣipet || 293 ||
[Analyze grammar]

ityevaṃ madhyame proktaṃ pravakṣyāmyadhame punaḥ |
vinā diśādibhirbhedairhemaiśca pṛthagarcanaiḥ || 294 ||
[Analyze grammar]

maṇḍale devamāropya pūjayitvā yadhāvidhi |
havīṃṣi pañca coktāni nivedya ca tataḥ param || 295 ||
[Analyze grammar]

dadyātpuṣpāṃjaliṃ mantraissamastadivasoditaiḥ |
jānvantaṃ ca tathorvantaṃ kaṭyantaṃ ca samarcayet || 296 ||
[Analyze grammar]

nābhyantaṃ ca stanāntaṃ ca bāhyastamiti cakramāt |
grīvāntaṃ ca lalāṭāntaṃ maulyastamiti cakramāt || 297 ||
[Analyze grammar]

tattatpūjāvasānetu havissamyaṅni vedayet |
utsavājñātadoṣāṇāṃ prāyaścittamidaṃ smṛtam || 298 ||
[Analyze grammar]

atassarvaprayatnena puṣpayāgaṃ samācaret |
dvādaśārādhanam |
kuryādyathoktavidhinā dvādaśārādhanaṃ tathā || 299 ||
[Analyze grammar]

dadyādācāryapūrvebhyo dakṣiṇāṃ vidhivattataḥ |
ekaviṃśatiniṣkantu dadyādācāryadakṣiṇām || 300 ||
[Analyze grammar]

padārthināṃ ca sarveṣāṃ tadardhaṃ syātpṛthakpṛthak |
gobhūmibhyāṃ viśeṣeṇa datvācāryaṃ prasādayet || 301 ||
[Analyze grammar]

ācāryassuprasannātmā sarvāgniṣu yathākramam |
antahomaṃ samāpyaiva devadevaṃ praṇamya ca || 302 ||
[Analyze grammar]

jīvasthāne pratiṣṭhāpya deveśaṃ samyagarcayet |
brāhmaṇānbhojayeccaiva pradadyādbhūridakṣiṇām || 303 ||
[Analyze grammar]

puṣpayāgotsavaḥ prokto devadevasya śārṅgiṇaḥ |
śāntikādividhāne tu kuryādaṅkurapūrvakam || 304 ||
[Analyze grammar]

evaṃ yaḥkurute bhaktyāpuṣbayāgaṃ hareḥ priyam |
sarvān kāmānavāpyaiva sarvaiśvaryamavāpya ca || 305 ||
[Analyze grammar]

sarvān śatrūnvijitvaiva prajāpaśusamanvitaḥ |
ante vimānamāruhya viṣṇusāyujyamāpnuyāt || 306 ||
[Analyze grammar]