Chapter 6

ṣaṣṭho'dhyāyaḥ - 6
śrīḥ[1]---
pūrṇastimitaṣāḍ‌guṇyacidānandamahodadheḥ|
ahaṃtāhaṃ harerādyā nistaraṅgārṇavākṛteḥ || 1 ||
1. - - - - - - - - - - - -
[1. śrīruvāca B. ]
sāhamevaṃvidhā śuddhā vkaciducchūnatāṃ gatā|
sisṛkṣālakṣaṇā devī svatantrā saccidātmikā || 2 ||
2. - - - - - - - - - - - - -
ṣaṭ‌kośatāṃ samāpadye sattāhaṃ vaiṣṇavī parā|
śaktirmāyā prasūtiśca prakṛtisriguṇātmikā || 3 ||
3. śaktimāyāprasūtiprakṛtibrahmāṇḍajīvadehākhyeṣu ṣaṭ‌su kośeṣu śaktikośaḥ suddhamārgapravartakaḥ| tatraiva saṃkarṣaṇādīnāṃ trayāṇāmāvirbhāvaḥ|
brahmāṇḍaṃ [2]jīvaladehaścetyete ṣaṭ‌kośasaṃjñitāḥ|
sisṛkṣā yā parā viṣṇorahaṃtāyāḥ samudgatā || 4 ||
4. - - - - - - - - - - - - -
[2. jīvadehāśca B. ]
śaktiḥ sā prathamaḥ kośaḥ śuddhamārgapravartanī|
kośaḥ kulāyaparyāyaḥ śarīrāparanāmavān || 5 ||
5. - - - - - - - - - - - -
śuddhe'smin prathame kośe prathamonmeṣalakṣaṇe|
ahaṃmānī paro hyāsīddevaḥ saṃkarṣaṇaḥ prabhuḥ || 6 ||
6. - - - - - - - - - - - -
tilakālakavattatra vikāro masṛṇaḥ sthitaḥ|
tasyāhaṃtā tu [3]yā devī sāhaṃ [4]sāṃkarṣaṇī parā || 7 ||
7. - - - - - - - - - - - - - - - -
[3. devī yā E. I. ]
[4. saṃkarṣaṇī B. ]
śrīrityeva[5] samākhyātā vijñānabalaśālinī|
yastasyā me samunmeṣaḥ pradyumnaḥ sa tu kīrtyate || 8 ||
8. saṃkarṣaṇasya mahiṣī śrīḥ| pradyumnasya sarasvatī| aniruddhasya ratiḥ| vāsudevasya śāntiḥ|
[5. evaṃ B. ]
saṃkarṣaṇasya devasya śaktikośābhimāninaḥ|
[6]buddhitve vartate devaḥ pradyumnaḥ puruṣottamaḥ || 9 ||
9. - - - - - - - - - - - - -
[6. buddhivat A. B. ]
bhoktṛbhogyasamaṣṭistu nilīnā[7] tatra tiṣṭhati|
manobhūtasya devasya tasyāhaṃtā tu yā smṛtā || 10 ||
10. - - - - - - - - - - - - -
[7. nilīnaṃ B. ]
sāhaṃ sarasvatī nāma [8]vīryaiśvaryavivartinī|
yo me tasyāḥ samunmeṣaḥ so'niruddhaḥ prakīrtitaḥ || 11 ||
11. - - - - - - - - - - - - - -
[8. vīryaśaurya A. I. ]
tasya saṃkarṣaṇasyāhamahaṃkāravidhau sthitā|
saṃkarṣaṇādayo devāstraya ete purātanāḥ || 12 ||
12. - - - - - - - - - - -
jīvo buddhirahaṃkāra iti nāmnā prakīrtitāḥ|
naivaite prākṛtā devāḥ kiṃtu śuddhacidātmakāḥ || 13 ||
13. - - - - - - - - - - - -
ādivyūhasya[9] devasya vāsudevasya dīvyataḥ|
tattatkāryakaratvena tattannāmnā nirūpitāḥ || 14 ||
14. - - - - - - - - - - - -
[9. vyūḍhasya F. ]
sarve te ṣaḍ‌guṇāḥ proktāḥ sarve te puruṣottamāḥ|
pūrṇastimitaṣāḍ‌guṇyasadānandamahodadheḥ || 15 ||
15. - - - - - - - - - - -
ṣaṇṇāṃ yugapadunmeṣo guṇānāṃ[10] kāryavattayā|
yo'bhūtsa vāsudevastu vyūhaḥ prathamakalpitaḥ || 16 ||
16. - - - - - - - - - - - -
[10. unmeṣāt ṣāḍ‌guṇyaṃ B. ]
tasya śāntirahaṃtā tu sāhaṃ śaktiḥ prakīrtitā|
śaktikośasthitā devāḥ [11]sūyante yatra cintitāḥ || 17 ||
17. - - - - - - - - - - - - - - -
[11. trayaste E. I. ]
aniruddhasya yāhaṃtā ratirityeva saṃjñitā|
saiva devī mahālakṣmīrmāyākośaḥ sa ucyate || 18 ||
18. māyākośamārabhyāśuddhasṛṣṭiḥ| mahālakṣmyā rājasatvaṃ prapañcasṛṣṭinidānatvaṃ ca pūrvamuktam|
mahālakṣmyā ya unmeṣo māyāyā guṇasaṃjñitaḥ|
mahākālīmahāvidyādvayaṃ saṃparikīrtyate || 19 ||
19. - - - - - - - - - - -
mahālakṣmīmahāmāyāmahāvidyāmayo mahān|
prasūtirnāma kośo me tṛtīyaḥ paripaṭhyate || 20 ||
20. prasūtikośaḥ rājasyā mahālakṣmyāḥ, tāmasyā mahāmāyāyāḥ, sāttvikyā mahāvidyāyāśca samavāyarūpaḥ|
trīṇyatra mithunānyāsan yāni pūrvoditāni te|
pradhānaṃ salilīkṛtya yacchete puruṣottamaḥ || 21 ||
21. trīṇi mithunāni pañcamādhyāye saptamādibhiḥ saptabhiḥ ślokairvarṇitāni| pradhānameva prakṛtikośa ityucyate| etāsāṃ māyāprasūtiprakṛtīnāṃ tamo'vyaktaprakṛtināmabhirupaniṣatsu vyavahāraḥ|
sā proktā prakṛtiryonirguṇasāmyasvarūpiṇī|
viriñco'janayadyadvai pūrvamaṇḍaṃ svamātmani || 22 ||
22. - - - - - - - - - - - -
tadeke prakṛtiṃ prāhustattvaśāsraviśāradāḥ|
mahadādyaiḥ pṛthivyantairaṇḍaṃ yannirmitaṃ saha || 23 ||
23. - - - - - - - - - - - -
tadbrahmāṇḍamiti[12] proktaṃ yatra brahmā virāḍabhūt|
aṅgapratyaṅgayuktaṃ yaccharīraṃ [13]jīvināmiha || 24 ||
24. - - - - - - - - - - - - - -
[12. brahmāṇḍamidaṃ E. ]
[13. jīvatāmiha E. ]
eṣā kośavidhā ṣaṣṭhī kramaśastanutāṃ gatā|
avarohāḥ ṣaḍete me pūrṇāyāḥ parikīrtitāḥ || 25 ||
25. - - - - - - - - - - - -
ādye kośe svayaṃ devasridhaivāhaṃtayā sthitaḥ|
pañcasvanyeṣu kośeṣu jīvā nānāvidhāḥ sthitāḥ || 26 ||
26. - - - - - - - - - - - - - -
śubhāśubhavibhāgotthāṃ bhajante vividhāṃ daśām|
divyāstisrasrayastāsāṃ[14] mithunāni ca yāni tu || 27 ||
27. - - - - - - - - - - - - - - - -
[14. trayastvāsāṃ E. I. ]
aṇḍamadhye'vatārāśca tāsāṃ teṣāṃ ca ye smṛtāḥ|
svātantryanirmitāstvete[15] naiva karmavaśānugāḥ || 28 ||
28. - - - - - - - - - - - - - -
[15. nirmitāste te E. I. ]
aprākṛtāśca te dehā ubhayeṣāṃ prakīrtitāḥ|
anye pañcasu kośeṣu devādyāḥ sthāvarāntimāḥ || 29 ||
29. - - - - - - - - - - - - -
nānāsthānajuṣo jīvāḥ karmabhiḥ saṃsaranti ye|
[16]adhikārakṣayaṃ nītvā śubhapākavaśādime || 30 ||
30. adhikāreti "yāvadadhikāramavasthitirādhikārikāṇām" iti bādarāyaṇasūtram|
[16. adhikāraṃ E. ]
saṃprāpya jñānabhūyastvaṃ yogakṣapitakalmaṣāḥ|
ārohanti śanaiḥ kośānārūḍhā na patanti te || 31 ||
31. - - - - - - - - - - - - -
satyalokātprabhṛtyete yāṃ bhūmimadhirohitāḥ|
punaste na nivartante tiṣṭhantyūrdhvaṃ vrajanti te || 32 ||
32. - - - - - - - - - - - - -
śakraḥ[17]---
kṣīrodasaṃbhave devi padmanābhakuṭumbini|
jīvaḥ ko nāma [18]tad‌ brūhi namaste padmasaṃbhave || 33 ||
33. - - - - - - - - - - - - - - - -
[17. śakra uvāca F. ]
[18. taṃ E. ]
śrīḥ---
pūrṇāhaṃtā harerādyā sāhaṃ sarveśvarī parā|
[19]tasyāḥ smṛtāścatasro me daśāsridaśapuṃgava || 34 ||
34. - - - - - - - - - - - - - -
[19. satyāḥ E. ]
pramāteti vidhā tvekā tadantaḥkaraṇaṃ parā|
bahiḥ karaṇamanyā ca caturthī bhāvabhūmikā || 35 ||
35. pramātā jīvaḥ| antaḥkaraṇaṃ manobuddhyahaṃkārarūpeṇa trividham| bahiḥ karaṇaṃ jñānendriyakarmendriyarūpeṇa daśavidham| bhāvabhūmikā prameyaprapañcajātam|
pramātā cetanaḥ prokto matsaṃkocaḥ sa ucyate|
ahaṃ hi deśakālādyairaparicchedamīyuṣī || 36 ||
36. - - - - - - - - - - -
svātantryādeva saṃkocaṃ bhajāmyajahatī svatām|
prathamastatra saṃkocaḥ pramāteti prakīrtyate || 37 ||
37. - - - - - - - - - - - -
cidātmani yathā viśvaṃ mayi līnamavasthitam|
pramātari tathaivaitaddarpaṇodaraśailavat || 38 ||
38. - - - - - - - - -
aikarūpyaṃ dvirūpatvaṃ trirūpatvaṃ caturbhidām|
[20]saptapañcakarūpatvaṃ pramātā yatprapadyate || 39 ||
39. catvāro bhedāḥ jāgradādyavasthāḥ|
[20. ṣaṭ‌saptapañca A. B. C. ]
prakāśenātmano[21] hyeko grāhyagrāhakatāvaśāt|
dvairūpyaṃ tattrirūpatvaṃ jñānākārakriyātmanā || 40 ||
40. - - - - - - - - - - - -
[21. ātmanā E. ]
saptapañcakarūpatvaṃ tattattattvasthitau sthitam|
śakraḥ---
[22]kāni tattvāni padmākṣi kati kīdṛgvidhāni ca || 41 ||
41. - - - - - - - - - - - - - - - -
[22. tāni F. ]
etatpṛṣṭā mayā brūhi namaste [23]sindhusaṃbhave|
śrīḥ[24]---
[25]sthūlasūkṣmavibhedena bhūtāni daśa khāni ca || 42 ||
42. - - - - - - - - - - - - - -
[23. padma B. ]
[24. śrīruvāca B. ]
[25. C. omits three lines from here. ]
jñānakarmavibhedena trīṇyantaḥkaraṇāni ca|
prakṛtiśca prasūtiśca māyā sattvaṃ rajastamaḥ || 43 ||
43. - - - - - - - - - - - - -
kālaśca niyatiḥ śaktiḥ puruṣaḥ paramaṃ nabhaḥ|
bhagavāniti tattvāni sāttvatāḥ samadhīyate || 44 ||
44. - - - - - - - - - - - -
śakraḥ---
mayā śrutāni tattvāni tvadvaktrasarasīruhāt|
vyācakṣvaitāni me devi namaste sarasīruhe || 45 ||
45. - - - - - - - - - - - -
iti [26]śrīpāñcarātrasāre lakṣmītantre [27]ṣaṭ‌kośaprakāśo nāma ṣaṣṭho'dhyāyaḥ
[26. śrīpañcarātra A. E.; śrīpañcarātre I. ]
[27. I. omits the title. ]
********iti ṣaṣṭho'dhyāyaḥ********