Chapter 37 - Dhīmatī-avadāna

athāśoko mahīndro 'sau kṛtāṃjaliḥ pramoditaḥ |
upaguptaṃ tamarhantaṃ natvaivaṃ punarabravīt || 1 || {1}
[Analyze grammar]

bhadanta ye mahāsatvā bodhisatvā yathepsitaṃ |
sarvārthibhyaḥ pradatvaivaṃ dānaṃ kurvanti sarvadā || 2 || {2}
[Analyze grammar]

teṣāmevaṃ pradatte 'pi taddravyaṃ kṣīyate na hi |
punarvṛddhitamaṃ yāti tatkathaṃ me samādiśa || 3 || {3}
[Analyze grammar]

katamadvratapuṇyasya prabhāvācchrīḥ pravarddhate |
tadvrataṃ me bhavāñchāstā samyagādeṣṭumarhati || 4 || {4}
[Analyze grammar]

iti saṃprārthite rājñā śrutvā so 'rhanyatiḥ sudhīḥ |
upagupto narendraṃ taṃ samālokyaivamādiśat || 5 || {5}
[Analyze grammar]

śṛṇu rājanmahābhāga yathā me guruṇoditaṃ |
tathāhaṃ te pravakṣyāmi loke dharmābhivṛddhaye || 6 || {6}
[Analyze grammar]

ye satyasamādhānāḥ śuddhaśīlāḥ śubhārthinaḥ |
vasudhārāmahādevyāścaranti vratamuttamaṃ || 7 || {7}
[Analyze grammar]

teṣāṃ na kṣīyate dravyaṃ pradatte 'pi sadā gṛhe |
pravṛddhitarameva syādvasudhārānubhāvataḥ || 8 || {8}
[Analyze grammar]

tadyathāsītpurā buddhaḥ śākyasiṃho munīśvaraḥ |
sarvajño 'rhañjagacchāstā dharmarājastathāgataḥ || 9 || {9}
[Analyze grammar]

bhagavānnekadā tatra vārāṇasyāḥ purāntike |
mṛgadave jināvāse vijahāra sasāṃghikaḥ || 10 || {10}
[Analyze grammar]

tadā taddharmapīyūṣaṃ pātuṃ śakrādayo 'marāḥ |
brahmādi brāhmaṇāścāpi sarve lokādhipā api || 11 || {11}
[Analyze grammar]

siddhā vidyādharā daityā yakṣagaṃdharvakinnarāḥ |
rākṣasā garuḍā nāgāstathānye 'pi samāgatāḥ || 12 || {12}
[Analyze grammar]

yatayo yoginaścāpi tīrthikāśca tapaśvinaḥ |
nirgranthā vītarāgāśca munayo brahmacāriṇaḥ || 13 || {13}
[Analyze grammar]

evamanye 'pi lokāḥ saṃbuddhadharmavāṃchinaḥ |
tatsaddharmāmṛtaṃ pātuṃ mudā tatra samāgatāḥ || 14 || {14}
[Analyze grammar]

tatpurādhipatī rājā viśvabhadrābhidho mahān |
tasya bhāryā priyādevī ratnamālābhidhā satī || 15 || {15}
[Analyze grammar]

tadātmajakumārāṃśaḥ sūryaprabhābhidhaḥ kṛtī |
tadātmajā ramākārā kumārī vimalābhidhā || 16 || {16}
[Analyze grammar]

anye 'pyantarjanāścāpi sa jñātimitravāṃdhavāḥ |
purohitādayaścāpi vedavijñā dvijātayaḥ || 17 || {17}
[Analyze grammar]

vaiśyāśca maṃtriṇo 'mātyā gṛhasthāśca mahājanāḥ |
vaṇijaḥ sārthavāhāśca śilpinaścāpi paurikāḥ || 18 || {18}
[Analyze grammar]

grāmyā jānapadāścāpi tathā kārpaṭikā api |
evamanye 'pi lokāśca sarve te samupāgatāḥ || 19 || {19}
[Analyze grammar]

tatretya taṃ sabhāsīnaṃ sarvasaṃghapuraskṛtaṃ |
saṃbuddhaṃ śrīghanaṃ dṛṣṭvā muditāḥ samupācaran || 20 || {20}
[Analyze grammar]

tatra sarve 'pi te lokāḥ samabhyarcya yathākramaṃ |
tridhā pradakṣiṇīkṛtvā praṇatvā taṃ munīśvaraṃ || 21 || {21}
[Analyze grammar]

tatsaddharmāmṛtaṃ pātuṃ parivṛtya samaṃtataḥ |
puraskṛtya samādhāya samupatasthurādritā || 22 || {22}
[Analyze grammar]

atha sa bhagavāndṛṣṭvā tān sarvān samupasthitān |
bodhicaryāṃ samārabhya dideśa dharmamuttamaṃ || 23 || {23}
[Analyze grammar]

tatsaddharmaṃ samākarṇya sarvalokāḥ prabodhitāḥ |
bodhicittaṃ samāsādya bhavaṃti bodhicāriṇaḥ || 24 || {24}
[Analyze grammar]

āsīttatsamaye tatra vārāṇasyāṃ gṛhādhipaḥ |
dharmadhvajābhidhaḥ śreṣṭhī dātā sādhurmahājanaḥ || 25 || {25}
[Analyze grammar]

tasya bhāryā priyā kāntā śāntamatīti viśrutā |
putrāśca bahavastasya sutāścāpyabhavaṃstathā || 26 || {26}
[Analyze grammar]

pautrāḥ karmakarāḥ preśyā dāsī dāsajanā api |
aneke parivārāśca vaṃdhumitrasuhṛjjanāḥ || 27 || {27}
[Analyze grammar]

sarve te poṣitāstena saṃbhṛtya paripālitāḥ |
poṣaṇīyā gṛhasthasya sarve hi samupāśritāḥ || 28 || {28}
[Analyze grammar]

arthino 'pi sadā tasya gṛhe 'nekasamāgatā |
śubhāśīrvacanairnityaṃ mahotsāhaṃ pracakrire || 29 || {29}
[Analyze grammar]

so 'pi dharmadhvajo dātā tān sarvānarthino janān |
yathābhilaṣitairdravyaistoṣayitvābhyamodayat || 30 || {30}
[Analyze grammar]

evaṃ pradadatastasya kramātsaṃpatkṣayaṃ gatā |
taddṛṣṭvā sa gṛhī dānavighnaśaṃkārdito 'bhavat || 31 || {31}
[Analyze grammar]

tataḥ śokālaye sthitvā tatsaṃpatkṣīyaciṃtayā |
viniśvasan viṣaṇṇātmā tasthau bhogyanirutsahaḥ || 32 || {32}
[Analyze grammar]

tatastasya priyā bhāryā śāntamatī vicakṣaṇā |
bharttāraṃ taṃ viṣaṇṇāsyaṃ dṛṣṭvaivaṃ paryapṛchata || 33 || {33}
[Analyze grammar]

svāminnevaṃ kimālokya tiṣṭhase duḥkhaciṃtayā |
yatte 'tra jāyate duḥkhaṃ tadvadasva manogataṃ || 34 || {34}
[Analyze grammar]

iṭi bhāryoditaṃ śrutvā sa bharttābhiviniśvasan |
tāṃ bhāryāṃ supriyāṃ kāṃtāṃ samālokyaivamabravīt || 35 || {35}
[Analyze grammar]

ayi priye mahadduḥkhaṃ hṛdi me jāyate 'dhunā |
yatsaṃpadaḥ parikṣīṇā āyā me 'tra na vidyate || 36 || {36}
[Analyze grammar]

putrapautrādayo 'neke bahayo me kuṭumbinaḥ |
karmakarādayo bhṛtyā dāsīdāsādayo janāḥ || 37 || {37}
[Analyze grammar]

anye 'pi bahavaḥ preṣyāḥ pālanīyā divāniśaṃ |
arthino yācakāśca bahavo nityamāgatāḥ |
kathaṃ tānstoṣayiṣyāmi kramātkṣīṇā hi saṃpadaḥ || 38 || {38}
[Analyze grammar]

nūnaṃ me yācakāḥ sarve śūnyahastā gṛhādataḥ |
parikhinnavibhinnāsyā vrajiṣyanti nirāśayāḥ || 39 || {39}
[Analyze grammar]

iti cintāviṣaṇṇe me hṛdi duḥkhaṃ prajāyate |
tadduḥkhānalasaṃtaptastiṣṭhāmyevaṃ vimohitaḥ || 40 || {40}
[Analyze grammar]

kiṃ hi dānamahotsāhaṃ vinā gehe sukhaṃ bhavet |
paśuvatkevalaṃ bhuktvā kiṃ sāraṃ satsukhaṃ vinā || 41 || {41}
[Analyze grammar]

iti bhartroditaṃ śrutvā sātha śāntamatī satī |
bharttāraṃ taṃ samāśvāsya bodhayantyevamabravīt || 42 || {42}
[Analyze grammar]

āryaputra kimatrāpi jātā te hṛdi duḥkhatā |
kiṃ viṣādenā siddhyeta kevalaṃ dahyate manaḥ || 43 || {43}
[Analyze grammar]

avaśyaṃ bhāvino bhāvā bhavanti mahatāmapi |
tadviṣādaṃ parityajya cara śubhe samāhitaḥ || 44 || {44}
[Analyze grammar]

iti bhāryoditaṃ śrutvā sa bharttābhiviniḥśvasan |
tāṃ bhāryāṃ supriyāṃ kāṃtāṃ samālokyaivamabravīt || 45 || {45}
[Analyze grammar]

ayi priye śubhaṃ kāryaṃ nābhijānāmi sanmate |
tadupāyaṃ samākhyāya māṃ bodhayitumarhati || 46 || {46}
[Analyze grammar]

iti bharttroditam śrutvā sā ca śāṃtamatī satī |
bharttāraṃ taṃ samāśvāsya prabodhayitumabravīt || 47 || {47}
[Analyze grammar]

āryaputra mahāsādho tadupāyaṃ prakathyate |
kauśāṃvyāṃ ghoṣirārāme śākyasiṃho munīśvaraḥ || 48 || {48}
[Analyze grammar]

sarvajñaḥ sugato buddho hīnadīnānukaṃpakaḥ |
sarvavidyākalābhijñaḥ ṣaḍabhijño vicakṣaṇaḥ || 49 || {49}
[Analyze grammar]

mārajil lokavinnātho vināyakastathāgataḥ |
dvātriṃśallakṣaṇāśītivyaṃjanapratimaṇḍitaḥ || 50 || {50}
[Analyze grammar]

vyāma prabhābhibhāsvaṃtaṃ śatasūryādhikaprabhaṃ |
jaṃgamamiva ratnābhaṃ saumyaṃ samaṃtabhadrakaṃ || 51 || {51}
[Analyze grammar]

sarvasatvahitārthena vijahāra sasāṃghikaḥ |
tatra gatvā praṇatvā tattaṃ buddhaṃ śṛṇutādarāt || 52 || {52}
[Analyze grammar]

tadā sa bhagavānbuddhastadupāyaṃ samādiśet || 53 || {53!}
[Analyze grammar]

iti bhāryāsamādiṣṭaṃ śrutvā dharmadhvajo 'pi saḥ |
tatheti paribhāṣitvā sa bharttā saṃpramoditaḥ || 54 || {54}
[Analyze grammar]

tadā sa dharmadhvajo bhāryaṃ velāmādāya prācarat |
tato vihāre gatvā sa bhagavaṃtaṃ sasāṃghikaṃ |
dūrataḥ praṇatiṃ kṛtvā ekasthāne samāśrayat || 55 || {55}
[Analyze grammar]

tadā sa bhagavāndṛṣṭvā taṃ dharmadhvajaduḥkhitaṃ |
jānannapyāgataṃ kāmaṃ dharmadhvaje samabravīt || 56 || {56}
[Analyze grammar]

sādho kasmādihāgatya tiṣṭhase tatsamādiśa |
iti śāstrā samādiṣṭaṃ śrutvā dharmadhvajo 'pi saḥ || 57 || {57}
[Analyze grammar]

kṛtāṃjalipuṭo natvā bhagavaṃtamevamabravīt |
bhagavanyadvijānīyā nānya gacchāmi me vibho |
tvayi mama kāryameka pṛchāmīti vyacintayat || 58 || {58}
[Analyze grammar]

tadyathā me mahāsaṃpatkṣīṇaṃ yāti daridratāṃ |
punarvṛddhigataṃ dravyaṃ tatkathaṃ me samādiśa || 59 || {59}
[Analyze grammar]

katamadvratapuṇyasya prabhāvācchrī pravarddhate |
tadvrataṃ me bhavāñchāstā samyagādeṣṭumarhati || 60 || {60}
[Analyze grammar]

iti saṃprārthitaṃ tena śrutvā sa bhagavānmudā |
dharmadhvajaṃ tamāmaṃtrya saṃpaśyannevamabravīt || 61 || {61}
[Analyze grammar]

sādhu śṛṇu samādhāya tadvidhiṃ saṃpravakṣyate |
tacchrutvā te prabodhitvā samācara vidhānataḥ || 62 || {62}
[Analyze grammar]

vasudhārāvrataṃ samyak yathā śrutaṃ mayā purā |
vajradharābdhigaṃbhīranirghoṣeṇopadeśitaṃ || 63 || {63}
[Analyze grammar]

tathāthā prathamaṃ tāvacchuddhabhūmau parigrahaṃ |
kṛtvā mṛdgomayāmbhobhiḥ saṃlipya paryaśobhayet || 64 || {64}
[Analyze grammar]

tataḥ sadgurumārādhya natvā kṛtāṃjalirmudā |
satkṛtya prārthayedevaṃ vasudhārāvrataṃ varaṃ || 65 || {65}
[Analyze grammar]

tataḥ sa guruṇā sārddhaṃ snātvā tīrthe viśuddhadhīḥ |
śuddhavastrāvṛtāḥ śuddhacitto brahmavihārikaḥ || 66 || {66}
[Analyze grammar]

māse bhādrapade kṛṣṇapakṣe māghe 'pi vā punaḥ |
tṛtīyāyāṃ tithau devīṃ samāvāhya vrataṃ caret || 67 || {67}
[Analyze grammar]

pūrvasmindivase vighnān kīlayetsarvadiksthitān |
tatra subhūtale sūtraṃ pātayitvā yathāvidhi || 68 || {68}
[Analyze grammar]

varttayenmaṃḍalaṃ devyāḥ sagaṇapratimaṇḍitaṃ || 69 || {69!}
[Analyze grammar]

evaṃ tanmaṃḍalaṃ kṛtvā saptavrīhisuveṣṭitaṃ |
tato 'ṣṭayakṣaṇīcihnaṃ śobhitaiḥ kalaśairvṛtaṃ || 70 || {70}
[Analyze grammar]

sapatākadhvajachatravitānaiḥ parimaṇḍitaṃ |
kṛtvā tanmaṇḍalaṃ vajrī pratiṣṭhāpya yathāvidhi || 71 || {71}
[Analyze grammar]

vicitrapuṣpamālābhiḥ pradīpaiḥ saṃprabhojvalaiḥ |
saurabhyadhūpanaiścāpi samabhyarcyābhiśobhayet || 72 || {72}
[Analyze grammar]

tatastanmaṇḍale devī sagaṇāṃ parisaṃsmaran |
dhyātvā jāgaraṇaṃ kṛtvā tad rātrīṃ vyatilaṃghayet || 73 || {73}
[Analyze grammar]

tataḥ prātaḥ samutthāya tīrthe snātvā suśuddhadhīḥ |
śucivastrāvṛte paṃcagavyaiḥ svāṃgaṃ vyaśodhayet || 74 || {74}
[Analyze grammar]

tataḥ sa sadguruṃ natvā tadājñāṃ śirasāvahan |
uttarābhimukhaḥ śuddha āsane samupāśrayet || 75 || {75}
[Analyze grammar]

tatastāvadguruṃ natvā triratnaśaraṇaṃ gataḥ |
maṃḍale sagaṇāṃ devīṃ dhyātvāvāhya samarcayet || 76 || {76}
[Analyze grammar]

tato 'rahaṃ saṃpradatvāgre praṇatvā sāṃjalirmudā |
japastotrādikaṃ kṛtvā kuryācca pāpadeśanāṃ || 77 || {77}
[Analyze grammar]

puṇyānumodanāṃ kṛtvā prārthayedbodhisaṃvaraṃ || 78 || {78!}
[Analyze grammar]

tataḥ pradakṣiṇāṃ kṛtvā natvāstāṃgaiśca sāṃjaliḥ |
tataḥ pītamayaṃ sūtram ṣoḍaśabhedavarttitaṃ |
śuddhaṃ gururmaṃtreṇa śodhayet || 79 || {79}
[Analyze grammar]

tatastadvratasūtraṃ sa sagururdhāraṇīṃ pathan |
tasmai śiṣyāya rakṣyārthaṃ datvābhiṣekamarppayet || 80 || {80}
[Analyze grammar]

tadvrataṃ sūtramādāya vaṃdhitvā svakare vratī |
yāvadvratasamāptaṃ na tāvattatsūtramādharet || 81 || {81}
[Analyze grammar]

tataḥ vratī yathāśakti gurave dānadakṣiṇaṃ |
datvāṣṭāṅgapraṇāmeṇa natvā samabhitoṣayet || 82 || {82}
[Analyze grammar]

tataḥ paṃcāmṛtairyuktaṃ baliṃ kṣīrodanābharaṃ |
sa yakṣayakṣaṇīlokapālebhyaḥ saṃpradāpayet || 83 || {83}
[Analyze grammar]

tataḥ kṣamārthanaṃ kṛtvā guruṇā saha pālanaṃ |
tṛtīyapraharāgre 'hneḥ kuryātsa yavapūrakaiḥ || 84 || {84}
[Analyze grammar]

pālanāṃte punaḥ snātvā tāṃ devīṃ sagaṇāṃ smaran |
paṭhañchrīdhāraṇīm rātrī pūjayecca yathāvidhi || 85 || {85}
[Analyze grammar]

evaṃ nityaṃ catuḥsaṃdhyaṃ pūjayecchrīvasuṃdharāṃ |
yāvajjīvaṃ yathāsaktau varṣaikaṃ vā tathā caret || 86 || {86}
[Analyze grammar]

ṣaṇmāsaṃ māsamekaṃ ca yathāśakti vrataṃ caret |
navasaptadinānyevaṃ paṃcatrīṇi dinānyapi || 87 || {87}
[Analyze grammar]

aho rātraṃ tathaikaṃ vā vāramekaṃ vrataṃ caret |
tatpare dyurdine prātaḥ snātvā śuddhāśayo vratī |
tathā tāṃ sagaṇāṃ devīṃ samarcayed yathāvidhi || 88 || {88}
[Analyze grammar]

tataśca guruve 'bhyarcya vastrālaṃkārabhūgṛhaṃ |
sadakṣiṇāṃ pradatvaivaṃ svātmānaṃ ca samarppayet || 89 || {89}
[Analyze grammar]

tataḥ sa gururādāya tasmai śiṣyāya sāśiṣaṃ |
datvā kṣamārthanāṃ kṛtvā tanmaṇḍalaṃ visarjayet || 90 || {90}
[Analyze grammar]

tatastad raja ādāya bhaṇḍāgāre 'bhigopitaṃ |
saṃnidhāya sadā nityamabhyarcya sādaraṃ bhajet || 91 || {91}
[Analyze grammar]

tad rajaḥśeṣanirmālyaṃ nadyāṃ nāgānyathāvidhi |
samabhyarcya samarppitvā sarvaṃ jale pravāhayet || 92 || {92}
[Analyze grammar]

tatastajjalamādāya gṛhe gatvā mahotsavaiḥ |
tajjalairmaṇḍalāgārakoṣṭhe sarvatra siṃcayet || 93 || {93}
[Analyze grammar]

tatastadvratapūrṇārthaṃ rātrau devīṃ kumārikāṃ |
yathāvidhi samāvāhya samabhyarcyābhyatoṣayet || 94 || {94}
[Analyze grammar]

satgurupramukhān sarvānyogino yoginīrapi |
samabhyarcya yathākāmaṃ bhojanaiḥ saṃpratoṣayet || 95 || {95}
[Analyze grammar]

tatastaṃ sagaṇaṃ cakraṃ natvā vratī sa sāṃjaliḥ |
kṣamāpya vinayaṃ kṛtvā prārthayecchrīsamṛddhitāṃ || 96 || {96}
[Analyze grammar]

tatastatsagaṇaṃ cakraṃ tadbhaktyā saṃpratoṣitaṃ |
tasmai vratine dadyātsusaṃpattisubhāṣitaṃ || 97 || {97}
[Analyze grammar]

tatastasya gṛhe devī vasudhārā samāśritā |
sarvadravyābhisaṃpūrṇaṃ kṛtvā tiṣṭhetsadā sthirā || 98 || {98}
[Analyze grammar]

tatastaddravyamādāya sarvārthibhyo yathepsitaṃ |
saṃpradatvā yathākāmaṃ bhuktvā bhavaṃ sukhaṃ caret || 99 || {99}
[Analyze grammar]

evaṃ gṛhapate matvā vasudhārāvrataṃ mahat |
yathāvidhi samādāya gṛhe cara samādarāt || 100 || {100}
[Analyze grammar]

tataste sarvadā gehe maṃgalaṃ nirupadravaṃ |
bhavetsāpi mahādevī sagaṇā nivasetsthirā || 101 || {1}
[Analyze grammar]

tataste sarvasaṃpattiḥ pravarddhitā śubhānvitā |
bhavane saṃbhavantyeva na kadācitkṣayaṃ vrajet || 102 || {2}
[Analyze grammar]

tatastvaṃ sarvadā saukhyaṃ bhuktvā datvā yathepsitaṃ |
triratnabhajanaṃ kṛtvā śubhe cara samāhitaḥ || 103 || {3}
[Analyze grammar]

etatpuṇyavipākena sadā tvaṃ sadgatiṃ tataḥ |
bodhicaryāṃ caranbodhiṃ prāpya buddhapadaṃ labheḥ || 104 || {4}
[Analyze grammar]

ityādiṣṭaṃ munīndreṇa śrutvā dharmadhvajo gṛhī |
sa mudā suprasannātmā vrataṃ caritumaichata || 105 || {5}
[Analyze grammar]

tataḥ sa mudito natvā sāṃjalistaṃ jagadguruṃ |
bhagavantaṃ jagannāthaṃ prārthayadevamādarāt || 106 || {6}
[Analyze grammar]

bhagavan sarvavicchāstarbhavatāṃ śaraṇaṃ gataḥ |
bhavadājñāṃ śiro dhṛtvā cariṣye 'hamidaṃ vrataṃ || 107 || {7}
[Analyze grammar]

tadbhavāṃ kṛpayā śāstastadanujñāṃ dadātu me |
bhavatātra yathādiṣṭaṃ cariṣye tattathā khalu || 108 || {8}
[Analyze grammar]

iti saṃprārthite tena bhagavān sa jagadguruḥ |
tasmai devyā mahāvidyāṃ dhāraṇīṃ saṃpaṭhandadau || 109 || {10}
[Analyze grammar]

so 'pi dharmadhvajo natvā sāñjalistaṃ munīśvaraṃ |
dhāraṇīṃ tāṃ samādāya saṃpapāṭha pramoditaḥ || 110 || {10}
[Analyze grammar]

tataḥ sa suprasannātmā dharmadhvajaḥ kṛtāṃjaliḥ |
taṃ munīndraṃ jagannāthaṃ praṇatvā svagṛhaṃ yayau || 111 || {11}
[Analyze grammar]

tataḥ sa svagṛhaprāptaḥ suprasannamukhāmbujaḥ |
tāṃ śāṃtamatāṃ bhāryāṃ samāmaṃtryaivamabravīt || 112 || {12}
[Analyze grammar]

priye dhanyāsi kalyāṇī yattvayāhaṃ prabodhitaḥ |
saṃbuddhaśāsanaṃ ratnamāptavānahamāgataḥ || 113 || {13}
[Analyze grammar]

tadyathā samupādiṣṭaṃ munīndreṇānuśāsinā |
tathāvāṃ tadvrataṃ devyāścarevahi samādarāt || 114 || {14}
[Analyze grammar]

iti bhartrā samuddiṣṭe sāpi śāntamatī mudā |
bharttāraṃ taṃ samālokya sudṛṣṭyaivamabhāṣata || 115 || {15}
[Analyze grammar]

ayi svāmin kathaṃ śāstra samādiṣṭaṃ vadasva me |
yathādiṣṭaṃ munīndreṇa tatha carevahi dhruvaṃ || 116 || {16}
[Analyze grammar]

iti bhāryoditaṃ śrutvā bharttā dharmadhvajo 'tha saḥ |
mudā śāṃtamatīṃ bhāryāṃ tāṃ samīkṣyaivamabravīt || 117 || {17}
[Analyze grammar]

śṛṇu bhadre yathādiṣṭaṃ munīndreṇa tathā khalu |
yadvrataṃ vasudhārāyāstadvidhiṃ te pravakṣyate || 118 || {18}
[Analyze grammar]

ityukte svāminā tena sā ca śāntamatī priyā |
bharttāraṃ taṃ samālokya muditaivamabhāṣata || 119 || {19}
[Analyze grammar]

svāminstena munīndreṇa yathādiṣṭaṃ tathā bhavān |
suvistaraṃ samākhyāya mano me saṃvinodata || 120 || {20}
[Analyze grammar]

ityukte bhāryayā sātha dharmadhvajaḥ suvistaraṃ |
yathādiṣṭaṃ munīndreṇa tathā sarvaṃ nyavedayat || 121 || {21}
[Analyze grammar]

tacchrutvā sā prabodhantī śāṃtamatyanumoditā |
tathā tasyā mahādevyā vrataṃ caritumaichata || 122 || {22}
[Analyze grammar]

tatastaṃ svāminaṃ natvā sā ca śāntamatī satī |
tadvratārambhasāmagrīṃ sādhitumevamabravīt || 123 || {23}
[Analyze grammar]

svāmin vrataṃ cariṣyāvo vasulakṣmyā yathāvidhi |
sāmagrīṃ sādhayeyāsya tadanujñāṃ pradehi me || 124 || {24}
[Analyze grammar]

iti bhāryoditaṃ śrutvā dharmadhvajaḥ sa moditaḥ |
sādhyatāṃ sarvasāmāgrīmiti tāṃ sāṃvyanodayat || 125 || {25}
[Analyze grammar]

tataḥ sā muditāḥ sarve sāmagrīṃ sādhayantyapi |
bharttāraṃ tamupāmaṃtrya darśayantyevamabravīt || 126 || {26}
[Analyze grammar]

sarvaṃ me sādhitaṃ siddhaṃ svāminnatra prasīdatu |
tatsadguruṃ samāmaṃtrya vratamālabdhumarhati || 127 || {27}
[Analyze grammar]

iti bhāryoditaṃ śrutvā sa dharmadhvaja ādarāt |
sadguruṃ samupārādhya natvevaṃ prārthayanmudā || 128 || {28}
[Analyze grammar]

bhadanta śrīvasudhārādevyā vrataṃ carevahi |
tasmātdevīṃ samārādhya vratopadeśamādiśa || 129 || {29}
[Analyze grammar]

iti saṃprārthite tena tatheti hi sa sadguruḥ |
pratiśrutya yathādiṣṭaṃ munīndreṇa tathācarat || 130 || {30}
[Analyze grammar]

tathā bhādrapade māse kṛṣṇapakṣe sa sadguruḥ |
dvitīyāyaṃ tithau tīrthe snātvā suvāsasā sudhīḥ || 131 || {31}
[Analyze grammar]

yathāvidhiṃ samārabhya maṃḍalaṃ samavarttayat |
tatra tāṃ sagaṇāṃ devīṃ pratiṣṭhāpya samarcayat || 132 || {32}
[Analyze grammar]

tatparedyustritīyāyāṃ susnātaṃ śubhāmbaraṃ |
dharmadhvajaṃ sadāraṃ taṃ paṃcagavyairvyaśodhayat || 133 || {33}
[Analyze grammar]

tatastau daṃpatī śāstrā yathādiṣṭaṃ samāhitau |
śrutvā tathā samādhāya pracaratu vrataṃ mudā || 134 || {34}
[Analyze grammar]

yathā śāstrā samādiṣṭaṃ tathā kṛtvā vrataṃ mudā |
gaṇacakrādikaṃ sarvaṃ samāpya tau nanandatuḥ || 135 || {35}
[Analyze grammar]

tatastasya gṛhe devīṃ vasudhārā samāśritā |
sarvadravyaṃ samāpūrya tasthau sadā prasāditā || 136 || {36}
[Analyze grammar]

tatastasya gṛhe saṃpaddine pravarddhitā |
saratnadhātusadvastraśasyādi dravyajātayaḥ || 137 || {37}
[Analyze grammar]

tā evaṃ varddhitā dṛṣṭvā sadāraḥ sa gṛhādhipaḥ |
sa vismayo muditotphullavaktrāmbujo 'bhyanaṃdata || 138 || {38}
[Analyze grammar]

tataḥ sa sarvadārthibhyo datvā dānaṃ yathepsitaṃ |
triratnabhajanaṃ kṛtvā sukhaṃ bhuktvā śubhe 'carat || 139 || {39}
[Analyze grammar]

taddṛṣṭvā tasya gehasya samīpastho dvijottamaḥ |
viṣṇudāsābhidho vijño vismayoddhatamānasaḥ || 140 || {40}
[Analyze grammar]

dhīmatīṃ ramaṇīṃ bhāryāṃ suviśuddhāśayāṃ satīṃ |
niḥśvasanstāṃ samāmaṃtrya punarevamabhāṣata || 141 || {41}
[Analyze grammar]

paśya bhadrasya mitrasya gṛhe saṃpatsamṛddhitā |
kimanena kṛtaṃ dharmaṃ yenaivaṃ śrīḥ pravarddhitā || 142 || {42}
[Analyze grammar]

kimāvābhyāṃ kṛtaṃ pāpaṃ yenaivaṃ no vipatsadā |
kimatrāvāṃ kariṣyāvo yena saṃpatpravarddhitā || 143 || {43}
[Analyze grammar]

tadupāyaṃ na jānāmi ko me upadiśeddhitaṃ |
dhanyāste dhanavaṃtā ye yathākāma sukhāśinaḥ || 144 || {44}
[Analyze grammar]

kiṃ te sadguṇavaṃto 'pi kṛpaṇā ye daridritā |
varaṃ prāṇaparityāgaṃ na tvevaṃ jīvitaṃ bhave || 145 || {45}
[Analyze grammar]

kiṃ teṣāṃ sadguṇaiścāpi yeṣāṃ saṃpadgṛhe na hi |
dhanavānpuruṣo dhīraḥ kulīno nirguṇo 'pi ca |
sarve hi dhanināṃ vaśyā paṃḍitāḥ suguṇā api || 146 || {46}
[Analyze grammar]

dhanavānnirguṇaścāpi mānyate guruvajjanaiḥ |
dhanahīnā na pūjyaṃte paṃḍitā brahmaṇā api || 147 || {47}
[Analyze grammar]

dhigme jīvitamevaṃ hi brāhmaṇasyāpi duḥkhinaḥ |
varamevādyetanmṛtyurna tveva cirajīvituṃ || 148 || {48}
[Analyze grammar]

kimanenāpi jīvena kevaladuḥkhabhoginā |
tadatra marttumichāmi naiva jīveya duḥkhabhāk || 149 || {49}
[Analyze grammar]

sarveṣāmapi jaṃtūnāmavaśyaṃ maraṇaṃ bhave |
tadatra vidyamāno 'haṃ kathaṃ loke careya hi || 150 || {50}
[Analyze grammar]

ityevaṃ vilapaṃ vipro viṣṇudāsaḥ sa mohitaḥ |
galadaśruvirukṣākṣastasthau muhurviniḥśvasan || 151 || {51}
[Analyze grammar]

ityevaṃ vilapantantaṃ dṛṣṭvā sā dhīmatī priyā |
bodhayituṃ samāśvāsya bharttāramevamabravīt || 152 || {52}
[Analyze grammar]

mā viṣādaṃ kṛthāḥ svāmindhairyamālambya tiṣṭhatu |
kiṃ kariṣyāvahe hyatra daivātsaṃpanna tau gṛhe || 153 || {53}
[Analyze grammar]

tathāpi dhairyamālambya yatnaṃ kuru samāhitaḥ |
yatnena siddhyate sarvaṃ guṇadravyādi sādhanaṃ || 154 || {54}
[Analyze grammar]

tadatrāhaṃ vadiṣyāmi hitārthaṃ te śṛṇu prabho |
bhāryā hi svāmino bhartturhitārtham 'bhyanudeśinī || 155 || {55}
[Analyze grammar]

yadayaṃ gṛhabhṛdbharttā dharmadhvajastava priyaḥ |
suhṛnmitraṃ mahāsādhustadādarātsa pṛchyatāṃ || 156 || {56}
[Analyze grammar]

yathā tena samādiṣṭaṃ tathaiva krīyatāṃ prabho |
tatastasya yathā saṃpattathāsmākaṃ bhavedapi || 157 || {57}
[Analyze grammar]

iti bhāryoditaṃ śrutvā viṣṇudāsaḥ sa tairthikaḥ |
bauddhavākye viruddhatvādanichannevamabravīt || 158 || {58}
[Analyze grammar]

vayaṃ hi brāhmaṇā bhadre buddhadevī vasuṃdharā |
tadvidhiṃ vedaśāstreṣu kathitaṃ na kvacidapi || 159 || {59}
[Analyze grammar]

tatkathaṃ svakulācāraṃ tyaktvānyacharaṇaṃ gatāḥ |
bauddhopadeśamāsādya lakṣmyā vrataṃ caremahi || 160 || {60}
[Analyze grammar]

ye tyaktvā svakulācāramanyatra śaraṇaṃ gatāḥ |
vrataṃ caraṃti saṃpattilābhilābhākulāśayāḥ || 161 || {61}
[Analyze grammar]

te svadharmaparibhraṣṭā ihāpi kliṣṭabhoginaḥ |
rogiṇo duhitātmāno mṛtā yāsyaṃti durgatīṃ || 162 || {62}
[Analyze grammar]

iti bhadre na me vāṃchā bauddhadevyā vrate 'śubhe |
varaṃ prāṇaparityāgaṃ nānyadvrataṃ caremahi || 163 || {63}
[Analyze grammar]

asmākamapi yā devī mahālakṣmī kuleśvarī |
tasyā vrataṃ samādhāya caremahi sadādarāt || 164 || {64}
[Analyze grammar]

tataḥ sā śrīmahādevī gṛhe 'śmākaṃ samāśritā |
yathābhivāṃchitaṃ dravyaṃ sarvaṃ dadyātprasāditā || 165 || {65}
[Analyze grammar]

iti tasyā mahālakṣmyā vrataṃ carāvahe vayaṃ |
tattadvratasya sāmagrīṃ sādhaya sarvamādarāt || 166 || {66}
[Analyze grammar]

iti bhartroditaṃ śrutvā dhīmatī sā pramoditā |
tathetyabhyanumodantī tatsāmagrīmasādhayat || 167 || {67}
[Analyze grammar]

tatra sā dhīmatī tasyāḥ śāṃtamatyāḥ puro gatā |
tadvṛttāntaṃ sāmākhyāya sāmagrīṃ samayācata || 168 || {68}
[Analyze grammar]

sāpi śāṃtamatī tasyai dhīmatyai saṃpramoditā |
yad yatsaṃprārthitaṃ dravyaṃ tattatsarvaṃ dadau mudā || 169 || {67}
[Analyze grammar]

taddravyaṃ sā samādāya bhartturagre samāgatā |
tatsarvaṃ samupasthāpya vinodyaivamabhāṣata || 170 || {70}
[Analyze grammar]

svāmintvayā yathādiṣṭaṃ tatsarvaṃ sādhitaṃ mayā |
tathā tasyā mahālakṣmyā vratamārabha sāṃprataṃ || 171 || {71}
[Analyze grammar]

iti bhāryoditaṃ śrutvā viṣṇudāsaḥ sa moditaḥ |
yathāvidhi mahālakṣmīvrataṃ caritumārabhat || 172 || {72}
[Analyze grammar]

māse bhādrapade kṛṣṇapakṣe 'ṣṭamyāṃ yathāvidhi |
maṇḍalādīnpratisthāpya śuddhaśīlaḥ samāhitaḥ || 173 || {73}
[Analyze grammar]

sadārastāṃ mahālakṣmīṃ samāvāhya samarcayan |
vidhinā tadvrataṃ kṛtvā saṃpattiṃ prārthayanmudā || 174 || {74}
[Analyze grammar]

tataḥ sa brāhmaṇaḥ kṛtvā tadvrataṃ susamāptitaṃ |
sabhāryaḥ suprasannātmā prācarattāṃ śriyaṃ smaran || 175 || {75}
[Analyze grammar]

tathā tasya gṛhe saṃpatsamudbhūtābhyajāyata |
dṛṣṭvā tau daṃpatī tatra mahānaṃdamavāpatuḥ || 176 || {76}
[Analyze grammar]

tataḥ sa brāhmaṇo lubdho dṛṣṭvā tān saṃpadaṃ mudā |
sarvān gupte nidhāyaiva na kiṃ cittadvyayaṃ vyadhāt || 177 || {77}
[Analyze grammar]

bhūyastṛṣṇābhisaṃtapto mātsaryābhihatāśayaḥ |
kasmai cidapi taddravyaṃ kiṃ ciddānaṃ dadau kvacit || 178 || {78}
[Analyze grammar]

tathā saṃrakṣya taddravyaṃ nidhāya tu viyatnataḥ |
gopayitvā svayaṃ bhoktumapi naivābhyavāṃchata || 179 || {79}
[Analyze grammar]

tathāpi sa pralubdhātmā nityaṃ kṛpaṇo 'rthivat |
dhanināṃ samupāśritya yācitvā dhanamārjayat || 180 || {80}
[Analyze grammar]

tathārjanaḥ kṛtastasya gṛhe dravyaṃ na varddhitaṃ |
dine dine nihīnatvaṃ gatvā kṣayaṃ kramād yayau || 181 || {81}
[Analyze grammar]

tataḥ sa brāhmaṇo lubdho dhanināmarthino gṛhe |
dṛṣṭvātiruṣitaḥ sarvānparibhāṣyābhyaniṃdayat || 182 || {82}
[Analyze grammar]

tatpāpatāvipākena gṛhe yadgopitaṃ dhanaṃ |
tatsarvaṃ nihṛtaṃ caurairnidagdhaṃ cāpi vahninā || 183 || {83}
[Analyze grammar]

tataḥ sa brāhmaṇastīvrakleśāgniparitāpitaḥ |
daridritāvibhagnāśaḥ sabhāryo nyavasadgṛhe || 184 || {34!}
[Analyze grammar]

tasminnavasare tasyā dhīmatyāḥ sa pitā dvijaḥ |
hariśarmābhidho gehe yajñaṃ karttuṃ sadārabhat || 185 || {35}
[Analyze grammar]

tadā sa vāṃdhavān sārvāñjñātīnmitrasuhṛjjanān |
bhaginībhāgineyāṃśca jāmātrīṃś tatsutānapi || 186 || {36}
[Analyze grammar]

duhitṝrapi sarvāśca nyamaṃtrayatsamādarāt || 187 || {37}
[Analyze grammar]

tatra te vāṃdhavā sarve jñātimitrasuhṛjjanāḥ |
bhaginyā bhāgineyāśca jāmātaro 'pi tatsutāḥ || 188 || {38}
[Analyze grammar]

duhitarastathā pautrāḥ pautryādayo 'pi cāpare |
sarve te samupāgatya samupatasthurādritāḥ || 189 || {39}
[Analyze grammar]

tatra sā kṛpaṇībhūtā durbhageti pitāpi saḥ |
tatra yajñamahotsāhe tāmekāṃ na nyamaṃtrayat || 190 || {40}
[Analyze grammar]

tadā sā dhīmatī śrutvā pituryajñamahotsavaṃ |
kathaṃ me vismṛtaṃ pitrā mātrāpi vāṃdhavairapi || 191 || {41}
[Analyze grammar]

iti ciṃtāviṣāghrātahṛdayā parimūrchitā |
bhojane 'pi nirutsāhā tasthau lajjānvitā gṛhe || 192 || {42}
[Analyze grammar]

tathā sa viṣṇudāso 'pi sasurasya gṛhe tadā |
śrutvā yajñamahotsāhaṃ tāṃ bhāryāmevamabravīt || 193 || {43}
[Analyze grammar]

kathaṃ te janakenāvāṃ vismṛtau kena hetunā |
naiva nimaṃtritau bhadre yathā sarve nimaṃtritā || 194 || {44}
[Analyze grammar]

iti bhartroditaṃ śrutvā dhīmatī sātilajjitā |
bharttāraṃ viṣṇudāsaṃ taṃ bodhayantyevamabravīt || 195 || {45}
[Analyze grammar]

kimatrāhaṃ vadiṣyāmi yannau saṃpadgṛhe 'sti na |
tena nau lajjayāmbāpi nimaṃtrituṃ na vāṃchate || 196 || {46}
[Analyze grammar]

iti sā dhīmatī lajjāsaṃkuṃcitāśayānanā |
bhartrā saha vilapyaiva tasthau gṛhe nirāśitā || 197 || {47}
[Analyze grammar]

tadā tajjanaṃ smṛtvā dhīmatīṃ tāmanāgatāṃ |
kāñcitpaṭhigatāṃ ceṭīṃ samāhūyaivamabravīt || 198 || {48}
[Analyze grammar]

ayi sakhi sutā me sā dhīmatā yadi dṛśyate |
madvācasā sametyāsau vaktavyaivaṃ laghu tvayā || 199 || {49}
[Analyze grammar]

pituste mandire yajñamahotsāhaṃ pravarttate |
tatkathaṃ na samāyāsi sabharttāgantumarhasi || 200 || {50}
[Analyze grammar]

iti saṃdiśya te mātrā preṣitāhaṃ tvadantike |
tanmāturvacanaṃ śrutvāgacheti tatpuro vada || 201 || {51}
[Analyze grammar]

tatsaṃdiṣṭaṃ tayā śrutvā tatheti pratibhāṣya sā |
ceṭī tato 'bhigachantī dhīmatyā bhavane yayau || 202 || {52}
[Analyze grammar]

tatra tāṃ dhīmatīṃ dṛṣṭvā sā ceṭī samupasthitā |
yathā mātrā samādiṣṭaṃ tathā sarvaṃ nyavedayat || 203 || {53}
[Analyze grammar]

tattayā kathitaṃ śrutvā dhīmatī sāśrumocinī |
viniḥśvasya prasūṃ smṛtvā vilapantyaivamabravīt || 204 || {54}
[Analyze grammar]

hā mātaḥ kathamadyāhaṃ saṃsmṛtā sāṃprataṃ tvayā |
kimāgacheya te putrī pāpinī duḥkhabhāginī || 205 || {55}
[Analyze grammar]

tasminneva kṣaṇe bharttā viṣṇudāsa upācarat |
tāṃ ceṭīṃ samupālokya kimarthamityapṛchata || 206 || {56}
[Analyze grammar]

iti tenābhisaṃpṛṣṭe sā ceṭī racitāṃjaliḥ |
brāhmaṇaṃ taṃ praṇamyaitatsarvaṃ vṛtāṃtamabravīt || 207 || {57}
[Analyze grammar]

tathā tatkathitaṃ śrutvā viṣṇudāso 'pi sa dvijaḥ |
galadaśruvirukṣākṣastāṃ bhāryāmevamabravīt || 208 || {58}
[Analyze grammar]

kiṃ vadiṣyāvahe bhārye daivānnau jāyate vipat |
tathāpi dhairyamālamvya gacha draṣṭuṃ piturmanaḥ || 209 || {59}
[Analyze grammar]

iti bhartroditaṃ śrutvā dhīmatī sā kuvāsinī |
nirmaṇḍanātsutānputrīḥ samādāya śanairyayau || 210 || {60}
[Analyze grammar]

tato māturgṛhe prāptā dṛṣṭvā tau pitarau puraḥ |
gatvā sā dhīmatī natvā tasthau lajjāhatāśayā || 211 || {61}
[Analyze grammar]

pitarau tāṃ sutāṃ dṛṣṭvā vichandāṃ lajjitāśayaṃ |
kiṃ ciddṛṣṭvāgatāsīti kathitvaiva niṣedatuḥ || 212 || {62}
[Analyze grammar]

tataḥ sā dhīmatī sarvāñjñātīnbhrātrīṃśca vāṃdhavān |
bhaginīḥ suhṛdo jeṣṭhānpraṇanāma yathākramaṃ || 213 || {63}
[Analyze grammar]

tāṃ dṛṣṭvā jñātayaḥ sarve bhrātaro vāṃdhavā api |
bhaginyāpi suhṛdaścāpi dṛṣṭvopahasya jalpire || 214 || {64}
[Analyze grammar]

tathā prahasitaṃ sarve sā dṛṣṭvātitrapānvitā |
svadaivasmṛtimādhāya niḥśvasyaikānta āśrayat || 215 || {65}
[Analyze grammar]

tataḥ sa hariśarmā sa purohito yathāvidhi |
yajñakarmasamārabhya yathākāmaṃ samāpayat || 216 || {66}
[Analyze grammar]

tatastān vāṃdhavāñjñātīn suhṛnmitrajanānapi |
satkṛtyātyabhisaṃtuṣṭān sādareṇa vyasarjayat || 217 || {67}
[Analyze grammar]

tataste jñātayaḥ sarve vaṃdhumitrasuhṛjjanāḥ |
naṃditāstaṃ praśaṃsitvā svasvālayaṃ mudā yayuḥ || 218 || {68}
[Analyze grammar]

tataste susthitāḥ sarve jñātivaṃdhusuhṛjjanāḥ |
nānākathābhisaṃlāpaṃ kurvantaḥ saṃniṣedire || 219 || {69}
[Analyze grammar]

tataḥ sā dhīmatī paścādbhuktvaikānte nirādritā |
putraputrī samādāya śivasya bhavane 'carat || 220 || {70}
[Analyze grammar]

tatra sā stṛṇamāstīrya putraputrīsamanvitā |
dāridryaduḥkhacintānuniḥśvasantī nyaṣīdata || 221 || {71}
[Analyze grammar]

tatra sa viṣṇudāso 'pi paścādbhuktvā nirādritaḥ |
śivālaye sthitāṃ śrutvā saha sthātumupācarat || 222 || {72}
[Analyze grammar]

bharttāraṃ tamupāyātaṃ dṛṣṭvā sā dhīmatī tadā |
galadaśruvirukṣākṣā vilapantyevamabravīt || 223 || {73}
[Analyze grammar]

dhigme jīvaṃ daridrāyāḥ kimevaṃ jīvitena hi |
pitrorapi dayāsnehadṛṣṭirna vidyate mayi || 224 || {74}
[Analyze grammar]

yatpitroḥ samāḥ sarvā bhaginyaḥ svātmajā api |
tathāhaṃ mānitā naiva mānitāstā yathādarāt || 225 || {75}
[Analyze grammar]

dhigjīvitaṃ daridrāyā janmāpi dhikca mānuṣe |
kiṃ rūpaiḥ suguṇaiḥ vāpi vidyābhiḥ kiṃ dhanaṃ vinā || 226 || {76}
[Analyze grammar]

hā daiva kiṃ mayā pāpaṃ dāruṇaṃ prakṛtaṃ purā |
yanme na vidyate saṃpatpitro dadhāpi dayā mayi || 227 || {77}
[Analyze grammar]

tadatra kiṃ kariṣyāmi yāsyāmi śaraṇaṃ kuha |
kā māṃ rakṣetsvadaivotthadaridryaduḥkhatāpinīṃ || 228 || {78}
[Analyze grammar]

kimevaṃ jīvitenāpi varaṃ mṛtyurhi sāṃpratāṃ |
avaśyameva marttavyaṃ sarveṣāmapi janmināṃ || 229 || {79}
[Analyze grammar]

evaṃ nānāpralāpena vilapantī sutam sutāṃ |
bharttāraṃ ca muhurdṛṣṭvā kāruṇyārttā ruroda sā || 230 || {80}
[Analyze grammar]

evaṃ vilāpaṃ kurvantīṃ rudantīṃ tāṃ vilokya saḥ |
viṣṇudāso viniḥśvasya samāśvāsyaivamabravīt || 231 || {81}
[Analyze grammar]

priye 'tra mā rudihi tvaṃ kiṃ kariṣyāvahe 'dhunā |
yadāvābhyāṃ kṛtaṃ pāpaṃ bhoktavyameva tatphalaṃ || 232 || {82}
[Analyze grammar]

tadatra dhairyamālamvya tiṣṭha kiṃ vakṣyate bahu |
avaśyaṃ bhāvino bhāvā bhavaṃti mahatāmapi || 233 || {83}
[Analyze grammar]

śivo 'pi sa virūpākṣo nīlakaṇṭho digaṃvaraḥ |
unmatto bhasmaliptāṃgaḥ kapālayo 'pi rasthidhṛk || 234 || {84}
[Analyze grammar]

viṣṇurvīro 'pi saṃsāre bhramitaḥ sa janārdanaḥ |
so 'pi dāso validvāsthaścauro vyādheṣuṇāhataḥ || 235 || {85}
[Analyze grammar]

brahmā lokādhipaḥ so 'pi kāmārtto 'gamyakarmakṛt |
niyujyo nighnito vairisevakaśchinnamastaka || 236 || {86}
[Analyze grammar]

cicheda brahmaṇaḥ pūrvaṃ rudraḥ krodhātta paṃcamaṃ |
tacchiro dustyajaṃ gṛhṇanbrahmāṇḍaṃ parivabhrame || 237 || {87}
[Analyze grammar]

śaṃkhatīrthe gato rudrastacchiraḥ parimuktavān |
kapālamocanastīrtho dvitīyāvarttasaṃsthitaḥ || 238 || {88}
[Analyze grammar]

iti utkalakhaṇḍakṣetramāhātmye uktamāste |
evamanye 'pi lokāśca munayastāpasā api || 239 || {89}
[Analyze grammar]

kopāgnidahitātmāno vrajanti narakeṣvapi |
evaṃ sarve 'pi lokāśca svasvadaivānubhāvinaḥ || 240 || {90}
[Analyze grammar]

sukhino duḥkhino bhūtā bhramaṃti bhavasāgare |
kṣaṇāl labhanti saṃpattiṃ bhavanti ca daridritāḥ || 241 || {91}
[Analyze grammar]

sarve devādayo lokāḥ svakṛtakarmabhoginaḥ |
evaṃ matvātra saṃsāre sukhaṃ duḥkhaṃ svadaivajaṃ || 242 || {92}
[Analyze grammar]

mā kṛthāstadviṣāda tvaṃ dhairyaṃ dhṛtvā samācara |
svakuleśamanusmṛtvā samabhyarcya yathāvidhiḥ |
śraddhayā śaraṇaṃ kṛtvā bhaja nityaṃ samāhitā || 243 || {93}
[Analyze grammar]

tatastatpuṇyapākena pāpaṃ no vilayaṃ vrajet |
tataḥ saṃpatsamṛddhiḥ syāttadā lapsyāvahe sukhaṃ || 244 || {94}
[Analyze grammar]

iti me vacanaṃ śrutvā dhairyamālamvya sāṃprataṃ |
putraputrīṃ samādāya praihi gṛhe vrajāmahe || 245 || {95}
[Analyze grammar]

iti bhartroditaṃ śrutvā dhīmatī sābhibodhitā |
putraṃ putrīṃ purodhāya śanairbhartrā sahācarat || 246 || {96}
[Analyze grammar]

tatra sā svagṛhe gatvā kṣaṇaṃ sthitvā nirutsahā |
tataḥ śāntamatīṃ draṣṭuṃ samutthāya śanairyayau || 247 || {97}
[Analyze grammar]

tatra sā dhīmatī tasyāḥ śāṃtamatyāḥ purogatā |
galadaśruviliptāsyā niḥśvasaṃtyevamabravīt || 248 || {98}
[Analyze grammar]

śāṃtamate pituryajñamahotsāhapravarttitaṃ |
tatsaṃdraṣṭu gatā tatra mahālajjānvitā caraṃ || 249 || {99}
[Analyze grammar]

yanmāṃ dṛṣṭvā bhaginyo 'pi jñātivaṃdhusuhṛjjanāḥ |
api sarve mitho dṛṣṭvā prajalpitābhyupāhasan || 250 || {100}
[Analyze grammar]

bhāgineyāśca sarve 'pi māṃ dṛṣṭvā ruṣitāśayāḥ |
putraputrīṃ ca me dṛṣṭvā phutkṛtya pratyātāḍayan || 251 || {1}
[Analyze grammar]

pitṛbhyāṃ mānitāḥ sarvāḥ bhaginyastā yathādarāt |
tathāhaṃ mānitā naiva draṣṭumapi na caiṣyate || 252 || {2}
[Analyze grammar]

rātrāvapi gṛhe vāsaṃ na me dattaṃ nirādarāt |
śivālaye niṣaṇṇā tanniśāṃ kṛcchrādvyalaṃghayaṃ || 253 || {3}
[Analyze grammar]

evamahaṃ mahallajjāduḥkhāgnipatitāpitā |
marttumapi tadicchāmi kimevaṃ jīvitenapi || 254 || {4}
[Analyze grammar]

yadi te 'sti kṛpā bhadre duḥkhinyāṃ mayi vidyate |
taddravyopārjanopāyaṃ samupadeṣṭumarhati || 255 || {5}
[Analyze grammar]

iti tayoditaṃ śrutvā śāntamatīrdayārditaḥ |
dhīmatīṃ tāṃ samālokya samāśvāsyaivamabravīt || 256 || {6}
[Analyze grammar]

dhīmatī śrīmahāsaṃpatsādhanopāyamasti me |
yadyatrāpyasti te vāṃchā pravakṣyāmi śṛṇuṣva tat || 257 || {7}
[Analyze grammar]

yadi śraddhāsti te devyā vasulakṣmyā vrataṃ cara |
tataste śrīvasundhārā mahādevī vasedgṛhe || 258 || {8}
[Analyze grammar]

tatastasyā mahādevyāḥ kṛpādṛṣṭiprasādataḥ |
saṃpattiste samudbhūtā pravarddhitā bhavedgṛhe || 259 || {9}
[Analyze grammar]

tadā tvaṃ śraddhayārthibhyo dānaṃ datvā yathepsitaṃ |
triratnabhajanaṃ kṛtvā śubhe cara sukhāśinī || 260 || {10}
[Analyze grammar]

etatpuṇyavipākena sarvadā sadgatiṃ gatā |
kramādbodhiṃ samāsādya saṃbuddhapadamāpnuyāḥ || 261 || {11}
[Analyze grammar]

evaṃ matvāsti te vāṃchā saṃbuddhapada sādhane |
śrīdevyāḥ śaraṇaṃ gatvā samādhāya vrataṃ cara || 262 || {12}
[Analyze grammar]

iti tayā samādiṣṭaṃ śrutva sā dhīmatī mudā |
tāṃ śāṃtamatīmānamya sāṃjalīrevamabravīt || 263 || {13}
[Analyze grammar]

sādhu bhadre vrataṃ dhṛtvā śrīdevyāḥ śaraṇaṃ gatā |
triratnabhajanam kṛtvā cariṣyāmi śubhe sadā || 264 || {14}
[Analyze grammar]

tadbhavaṃtī kṛpādṛṣṭyā tadupadeśamādiśa |
yāvajjīvaṃ cariṣyāmi śrīdevyā vratamādarāt || 265 || {15}
[Analyze grammar]

iti tayoditaṃ śrutvā śāntamatiḥ samādarāt |
dhīmatīṃ tāṃ samālokya punarevamabhāṣata || 266 || {16}
[Analyze grammar]

yadi bhadre 'sti te satyaṃ snātvā śuddhāmvarāvṛtā |
prehi taṃ śrīghanaṃ nāthaṃ saṃsmṛtvā prārthayāvahe || 267 || {17}
[Analyze grammar]

tayeti samupādiṣṭaṃ śrutvā sā dhīmatī mudā |
sahasā svagṛhe gatvā snātvā śuddhāmvarāvṛtā || 268 || {18}
[Analyze grammar]

sa lājākṣatapuṣpāṇi gṛhitvā sahasā mudā |
tasyāḥ śāṃtamateragre prayātevamabhāṣata || 269 || {19}
[Analyze grammar]

bhadre tvayā yathādiṣṭaṃ tathāhaṃ samupāgatā |
taṃ munīndramanusmṛtvā prārthayeha samāgamaṃ || 270 || {20}
[Analyze grammar]

iti tayoditaṃ śrutvā sā śāntamatirādarāt |
tāṃ dhīmatīṃ samāmaṃtrya prāsādāntaṃ yayau mudā || 271 || {21}
[Analyze grammar]

tatra śāntamatiḥ sāṭṭe dhīmatyā saha saṃsthitā |
jānubhyāṃ bhuvi saṃsthitvā bhagavatsthitadigmukhā || 272 || {22}
[Analyze grammar]

saṃbhavantyuttarāsaṅgaṃ saha lājākṣatādibhiḥ |
sāmbupuṣpāñjaliṃ dhṛtvā natvaivaṃ prārthayanmuniṃ || 273 || {23}
[Analyze grammar]

bhagavannātha sarvajña vijānīte bhavānapi |
yadiyaṃ dhīmatī sādhvī bhagavaccharaṇamāgatā || 274 || {24}
[Analyze grammar]

yadiyaṃ sāṃprataṃ śāsturupadeśād yathāvidhi |
śrīvasudhāmahādevyā vrataṃ caritumichati || 275 || {25}
[Analyze grammar]

tadatra samupāgatya kṛpayāsmai dayānidhe |
śrīsādhanaṃ vrataṃ śreṣṭhaṃ samupadeṣṭumarhati || 276 || {26}
[Analyze grammar]

iti saṃprārthya sā śāntamatistaṃ trijagadguruṃ |
anusmṛtvā tridhā nātvā prākṣipattajjalādikaṃ || 277 || {27}
[Analyze grammar]

prakṣiptāni tayā tāni sāmbulājākṣatāṇyapi |
sadūrvākuṇḍapuṣpāṇi sarvāṇi gagaṇe śaran || 278 || {28}
[Analyze grammar]

tatastāni pragacchanti vihāyasā vihaṅgavat |
kośāmvyāṃ ghoṣirārāme vihāre samupāyayuḥ || 279 || {29}
[Analyze grammar]

tatrasthasya munīndrasya murddhā pari vihāyasi |
saṃsthitāni prabhāsanti virejustāni chatravat || 280 || {30}
[Analyze grammar]

taddṛṣṭvā bhikṣavaḥ sarve sāṃghikāste savismayāḥ |
kuto nimaṃtraṇamāyātamiti dhyātvābhitasthire || 281 || {31}
[Analyze grammar]

tatrānandaḥ samutthāya sāṃjaliḥ purato gataḥ |
taṃ munīndraṃ praṇatvaivaṃ papracha vismayānvitaḥ || 282 || {32}
[Analyze grammar]

bhagavan kuta etāni sāmbulājākṣatānyapi |
puṣpāṇi samupāyānti tatsamādeṣṭumarhati || 283 || {33}
[Analyze grammar]

iti tenoditaṃ śrutvā bhagavāṃ sa munīśvaraḥ |
tamānaṃdaṃ samāmaṃtrya samālokyaivamabravīt || 284 || {34}
[Analyze grammar]

yaḥ kāśīpure vipro viṣṇudāso daridritaḥ |
dharmadhvajo dhanī śrīmān gṛhastho dhanadopamaḥ || 285 || {35}
[Analyze grammar]

tayorbhārya ubhe sādhvau śāntamatī ramopamā |
dhīmatī brāhmaṇī bhadrā daridritā suduḥkhinī || 286 || {36}
[Analyze grammar]

tābhyāṃ śrīvasudhārāyā vrataṃ caritumichyate |
tadidaṃ nimaṃtraṇārthaṃ me upahāraṃ samāgataṃ || 287 || {37}
[Analyze grammar]

tasmācchrīvasudhārāyā vratavidhiṃ tvamātmanā |
upadeṣṭuṃ tayorgehe kāśyāṃ gaṃtuṃ samarhasi || 288 || {38}
[Analyze grammar]

ityādiṣṭaṃ munīndreṇa śrutvānaṃdastatheti saḥ |
śāsturājñāṃ śirodhṛtvā kāśyāṃ vihāyasā yayau || 289 || {39}
[Analyze grammar]

tatrākāśān sa ānaṃdaḥ śāṃtamatergṛhe puraḥ |
avatīrya sudhāraśmiriva tasthau prabhāsayan || 290 || {40}
[Analyze grammar]

tatrasthaṃ taṃ samālokya śāntamatiḥ sa dhīmatī |
muditā sahasā tasya praṇaṃtuṃ samupācarat || 291 || {41}
[Analyze grammar]

tatra sā samupāsṛtya śāṃtamatiḥ sadhīmatī|
tamānaṃdaṃ samālokya natvaivaṃ prārthayanmudā || 292 || {42}
[Analyze grammar]

bhadanta caraṇau vaṃde bhavatāṃ śaraṇaṃ gatā |
tadatra kṛpayāsmākamanugṛhya prasīdatu || 293 || {43}
[Analyze grammar]

yadasmākaṃ bhavāñchāstā tadgṛhe samupāśrayan |
vasudhārāmahādevyā vratavidhiṃ samādiśa || 294 || {44}
[Analyze grammar]

yadiyaṃ dhīmatī bhadrā bhavatāmupadeśataḥ |
vasulakṣmyā mahādevyā vrataṃ caritumichati || 295 || {45}
[Analyze grammar]

tadasyai śrīmahādevyā vratavidhiṃ yathākramaṃ |
vistaraṃ samupādeṣṭumarhati kṛpayā bhavān || 296 || {46}
[Analyze grammar]

iti saṃprārthitaṃ śāntamatyā tayā niśamya saḥ |
ānaṃdaste ubhe dṛṣṭvā tatheti pratyabhāṣata || 297 || {47}
[Analyze grammar]

tataḥ sā dhīmatī natvā sāṃjalistaṃ jinātmajaṃ |
ānaṃdaṃ suprasannāsyā dṛṣṭvaivaṃ prārthayanmudā || 298 || {48}
[Analyze grammar]

bhadaṃto 'haṃ svadaivena pāpinī duḥkhabhāginī |
tadbhavaccharaṇaṃ gatvā samiche vasudhāvrataṃ || 299 || {49}
[Analyze grammar]

tadbhavān kṛpayā śāstargṛhe me samupāgataḥ |
yathāvidhi samādiśya vrataṃ me dātumarhati || 300 || {50}
[Analyze grammar]

tayaivaṃ prārthitaṃ śrutvā sa ānaṃdo jinātmajaḥ |
tatra utthāya dhīmatyāstasyā gṛhe upācarat || 301 || {51}
[Analyze grammar]

tatra sā dhīmatī sādhvī śāntamatyā samanvitā |
sahasā svagṛhe gatvā prastārayattadāsanaṃ || 302 || {52}
[Analyze grammar]

tataḥ sā dhīmatī tasya śāstuḥ śuddhāmbunā mudā |
pādaprakṣālanaṃ kṛtvā praṇatvaiva ca prārthayat || 303 || {53}
[Analyze grammar]

bhadaṃtārhanmahābhijña mamānugrahakāraṇaṃ |
atrāsane samāśritya dharmamādeṣṭumarhati || 304 || {54}
[Analyze grammar]

tayeti prārthitaṃ śrutvā sa ānaṃdaḥ prasannadhīḥ |
taddattāsana āśritya tasthau dhyātvā prabhāsayan || 305 || {55}
[Analyze grammar]

taṃ dṛṣṭvā brāhmaṇaḥ so 'pi viṣṇudāsaḥ prasāditaḥ |
sahasā sāṃjalirnatvā tatraikāṃta upāśrayan || 306 || {56}
[Analyze grammar]

tataḥ sā dhīmatī sādhvī sāṃtamatīsamanvitā |
tamānaṃdaṃ samabhyarcya bhojanenābhyatoṣayat || 307 || {57}
[Analyze grammar]

tataḥ sā praṇatiṃ kṛtvā nīcāsanasamāśritā |
tamānaṃdaṃ mahābhijñaṃ sāṃjalirevamabravīt || 308 || {58}
[Analyze grammar]

bhadanta bhavatāmājñāṃ dhṛtvāhaṃ śirasā mudā |
śrīdevyā vasudhārāyāścariṣyāmi vrataṃ dhruvaṃ || 309 || {59}
[Analyze grammar]

tadbhadanta bhavāñchāstā tadvidhiṃ me yathākramaṃ |
kṛpānugrahamādhāya samupādeṣṭumarhati || 310 || {60}
[Analyze grammar]

iti saṃprārthite tena viṣṇudāsena saddhiyā |
śrutvānaṃdaḥ sa saṃpaśyanstaṃ dvijamevamabravīt || 311 || {61}
[Analyze grammar]

śṛṇu vipra munīndreṇa yāthādiṣṭaṃ mayā śrutaṃ |
tathāhaṃ te pravakṣyāmi śrīvratasya vidhiṃ kramāt || 312 || {62}
[Analyze grammar]

bhādrapade 'śite pakṣe tṛtīyāyāṃ tithau tathā |
māghe vāpi śite pakṣe śuklapakṣe 'pi vā sadā || 313 || {63}
[Analyze grammar]

tīrthe devālaye śuddhabhūpradeśe gṛheṣu vā |
samyagbhūśodhanaṃ kuryādgomayena mṛdāmbunā || 314 || {64}
[Analyze grammar]

prātarutthāya tīrtheṣu snātvā śucisamācaraḥ |
tridhācamyāmṛtaṃ kāyaṃ paṃcagavyena śodhayet || 315 || {65}
[Analyze grammar]

śuddhaśīlasamādhānaḥ pariśuddhāmvarāvṛtaḥ |
saṃbodhicittamādhāya sadgurorupadeśa dhṛk || 316 || {66}
[Analyze grammar]

subhūmau maṇḍalaṃ samyagvarttayitvā yathāvidhi |
dhvajachatrapatākābhi vitānaiścābhimaṃḍayet || 317 || {67}
[Analyze grammar]

maṃḍalasya vahistasya jvālāvalyā vahiḥ punaḥ |
paṃcavalyāvalībhiśca sa lājākṣatasaṃyutaiḥ || 318 || {68}
[Analyze grammar]

veṣṭayitvā tato vāhye kramān saṃsthāpayedghaṭān |
tīrthāmbupūritānpītavastrāvṛtān saciṃhnitān || 319 || {69}
[Analyze grammar]

tātra śrīvasudhāṃ devīṃ sagaṇāṃ vidhinā kramāt |
samāvāhya samabhyarcya pratiṣṭhāpyādhivāsayet || 320 || {70}
[Analyze grammar]

tṛtīyāyāṃ tathā prātaḥ snātvā śuddhāmvarāvṛtaḥ |
madhyāhne svāsanāsīna uttarādigmukhasthitaḥ || 321 || {71}
[Analyze grammar]

ādau guruṃ samabhyarcya ratnatrayaṃ samarcayet |
tato dhyātvā mahādevīṃ vasudhārāṃ śubhakarīṃ || 322 || {72}
[Analyze grammar]

sagaṇāṃ tāṃ samāvāhya datvā pādārghamādarāt |
pītamayopahāreṇa samabhyarcya yathāvidhi || 323 || {73}
[Analyze grammar]

sarvopakaraṇānyagre nivesya samaḍhokayat |
tatastaddhāraṇīṃ samyakpaṭhenmaṃtrāṇi ca kramāt || 324 || {74}
[Analyze grammar]

tataḥ kṛtāṃjaliḥ stutvā kuryāśca pāpadeśanāṃ |
puṇyānumodanāṃ cāpi kuryācca praṇatiṃ smaran || 325 || {75}
[Analyze grammar]

kuryātpradakṣiṇānyevamaṣṭāṅgaiḥ praṇametpunaḥ |
bodhicittaṃ samādhāya saṃprārthayedabhīpsitaṃ || 326 || {76}
[Analyze grammar]

tato valiṃ pradatvā ca sa bhūtānparitoṣayet |
tataḥ kṣamārthanāṃ kṛtvā vratasūtraṃ ca prārthayet || 327 || {77}
[Analyze grammar]

ṣoḍaśabheditaṃ sūtram ṣoḍaśagraṃthisaṃyutaṃ |
vratasūtraṃ samādāya rakṣārthaṃ vaṃdhayetkare || 328 || {78}
[Analyze grammar]

tato guruṃ samārādhya deyāddānaṃ samichitaṃ |
sadakṣiṇaṃ susatkāraiḥ satkṛtya samatoṣayet || 329 || {79}
[Analyze grammar]

tatastṛtīyā yāme 'hneḥ prāśnuyād yavapūrakān |
paṃcāmṛtaphalaskaṃdamūlapatrādikānapi || 330 || {80}
[Analyze grammar]

pālanānte punaḥ snātvā tāṃ śrīdevīmanusmaran |
taddhāraṇīṃ paṭhan rātrau pūjayecca samāhitaḥ || 331 || {81}
[Analyze grammar]

evaṃ nityaṃ catuḥ saṃdhyaṃ pūjayecchrīvasuṃdharāṃ |
tatparedyustathābhyarcya tanmaṃḍalaṃ visarjayet || 332 || {82}
[Analyze grammar]

tad rajāṃsi samādāya saṃnidhāya śubhe ghaṭe |
bhaṃḍāgāre pratisthāpya sadārānbhajennamet || 333 || {83}
[Analyze grammar]

śeṣarajaḥ sa nirmālyaṃ nadyāṃ nāgānyathāvidhi |
samabhyarcya samarppitvā sarvaṃ jale pravāhayet || 334 || {84}
[Analyze grammar]

tatastajjalamādāya gṛhe gatvā samantataḥ |
prokṣya tanmaṃḍalasthāne kumārīṃ vidhinārcayet || 335 || {85}
[Analyze grammar]

tatastan sagaṇaṃ cakraṃ samabhyarcya yathāvidhi |
bhojanaiḥ saṃparitoṣya prārthayed yatsamīchitaṃ || 336 || {86}
[Analyze grammar]

tathā tatsagaṇaṃ cakraṃ kṛtvā kṣamārthanāṃ tataḥ |
sāṃjaliśca kramānnatvā visarjayetprasādayan || 337 || {87}
[Analyze grammar]

tadā śrīvasudhā devī svayamāgatya tadgṛhe |
samāśritya sadā sarvadravyaiḥ saṃpūrayeddhruvaṃ || 338 || {88}
[Analyze grammar]

tatastatra gṛhe nityaṃ maṃgalaṃ nirupadravaṃ |
dānapuṇyamahotsāhapravarttitaṃ bhavetsadā || 339 || {89}
[Analyze grammar]

evaṃ tasyā mahādevyā vasulakṣmyā vratodbhavaṃ |
puṇyaṃ mahadasaṃkhyeyamaprameyaṃ vidurjināḥ || 340 || {90}
[Analyze grammar]

evaṃ mahattaraṃ puṇyaṃ vijñāya dvija tattathā |
śraddhaye tadvrataṃ kuryā yadi saṃpattimichasi || 341 || {91}
[Analyze grammar]

yaśca tāṃ śrīmahādevīṃ vasudhārāmanusmaran |
yatkāryamārabhettasya tatsarvaṃ hi samṛddhyati || 342 || {92}
[Analyze grammar]

ratnārthī labhate ratnaṃ dhanārthī labhate dhanaṃ |
bhogyārthī labhate bhogyaṃ yaso 'rthī labhate yaśaḥ || 343 || {93}
[Analyze grammar]

dravyārthī labhate dravyān guṇārthī labhate guṇān |
vidyārthī labhate vidyāṃ śubhārthī labhate śubhaṃ || 344 || {94}
[Analyze grammar]

mānyārthī labhate mānyaṃ jayārthī labhate jayaṃ |
dharmārthī labhate dharmān sukhārthī labhate sukhaṃ || 345 || {95}
[Analyze grammar]

rājyārthī labhate rājyaṃ gṛhārthī labhate gṛhaṃ |
kṣetrārthī labhate kṣetrān rasārthī labhate rasān || 346 || {96}
[Analyze grammar]

bhāryārthī labhate bhāryāṃ sutārthī labhate sutāṃ |
putrārthī labhate putrānpautrārthī pautramāpnuyāt || 347 || {97}
[Analyze grammar]

jñānārthī labhate jñānaṃ mokṣārthī mokṣamāpnuyāt |
evamanyāni vastūni sarvopakaraṇānyapi || 348 || {98}
[Analyze grammar]

sarvāṇi dravyajātāni vastrādi bhūṣaṇānyapi |
samāpnuyātsamṛddhāni vasulakṣmyāḥ prasādataḥ || 349 || {99}
[Analyze grammar]

tato dānāni dadyātsa śuddhaśīlaḥ samācaret |
kṣāntiṃ ca bhāvayennityaṃ dharmavīryaṃ samārabhet || 350 || {100}
[Analyze grammar]

tathā dhyānaṃ samādhāya prajñābdhiṃ saṃtareddrutaṃ |
sarvopāyavidhānajño bodhipraṇidhimānasaḥ || 351 || {1}
[Analyze grammar]

sadbuddhibalavāndhīraḥ sa bodhijñānamāpnuyāt |
sarvamāragaṇāñjitvā niḥkleśo 'rhañjitendriyaḥ |
saṃbuddhapadamāsādya nirvṛtapadamāpnuyāt || 352 || {2}
[Analyze grammar]

evaṃ brāhmaṇa vijñāya saddharmmaṃ yadi vāṃchasi |
tāṃ śrīdevīṃ mahālakṣmīṃ vasudhārāṃ sadā bhaja || 353 || {3}
[Analyze grammar]

tathā te sarvadā gehe maṃgalaṃ nirupadravaṃ |
sarvatreha paratrāpi bhavennūnaṃ na saṃśayaḥ || 354 || {4}
[Analyze grammar]

tathā dānāni datvā tvaṃ svayaṃ tadvrataṃ saṃcaran |
sarvasatvahitaṃ kṛtvā yāvajjīvaṃ sukhaṃ cara || 355 || {5}
[Analyze grammar]

tataḥ kleśavimuktātmā saṃbodhipraṇidhānadhṛk |
bodhicaryāvratāraktā bodhisatvo bhaveddhruvaṃ || 356 || {6}
[Analyze grammar]

sarve 'pi sugatā bodhisatvāścāpi jinātmajāḥ |
vasudhārāvrataṃ dhṛtvā saṃvibhrati jagattrayaṃ || 357 || {7}
[Analyze grammar]

iti tenārhatādiṣṭaṃ śrutvā sa brāhmaṇo mudā |
tathā śrīvasudhārāyā vrataṃ caritumaichata || 358 || {8}
[Analyze grammar]

tataḥ sa viṣṇudāso 'pi bhāryāṃ tāṃ dhīmatīṃ mudā |
suprasannamukhāmbhojaḥ samālokyaivamabravīt || 359 || {9}
[Analyze grammar]

priye dhanyāsi kalyāṇī yadahaṃ tvatprayatnataḥ |
śrīdevyā vrataṃ ratnaṃ prāpnomi sāṃprataṃ khalu || 360 || {10}
[Analyze grammar]

tad yathānena śāstrātra samādiṣṭaṃ tathā khalu |
śrīdevyāḥ śaraṇaṃ gatvā vāṃchāmi carituṃ vrataṃ || 361 || {11}
[Analyze grammar]

tattvamapi samādhāya mayā sārddhaṃ tathādarāt |
śrīdevyāḥ śaraṇaṃ kṛtvā vrataṃ caritumarhati || 362 || {12}
[Analyze grammar]

iti bhartroditaṃ śrutvā dhīmatī sānumoditā |
bharttāraṃ taṃ samālokya punarevamabhāṣata || 363 || {13}
[Analyze grammar]

tathā satyaṃ samādhāya śraddhayā śaraṇaṃ gatau |
śrīdevyā vratamatrāvāṃ samādarāccarāvahe || 364 || {14}
[Analyze grammar]

ityuktvā sā satī bhadrā dhīmatī sahasādarāt |
vratopacārasāmagrīṃ muditā samasādhayat || 365 || {15}
[Analyze grammar]

tatastaṃ gurumānaṃdaṃ natvā sā sāṃjalirmudā |
tadvratārambhamādhātuṃ prārthayedevamādarāt || 366 || {16}
[Analyze grammar]

bhadanta śrīmahādevyā vratadina upāsthitaḥ |
tad yathāvidhimādiśya saṃcārayatāṃ vrataṃ || 367 || {17}
[Analyze grammar]

tayeti prārthitaṃ śrutvā sa ānaṃdo jinātmajaḥ |
sarvavidhiṃ samādiśya vratāraṃbhaṃ samākramat || 368 || {18}
[Analyze grammar]

tatra bhūśodhanaṃ kṛtvā sa ānaṃdo yathāvidhi |
maṃḍalaṃ varttayitvā tatpratisthāpyādhyavāsayat || 369 || {19}
[Analyze grammar]

tathā tau daṃpatī tīrthe snātvā śuddhāmvarāvṛtau |
yathā śāstrā samādiṣṭaṃ sarvaṃ kṛtvopatasthatuḥ || 370 || {20}
[Analyze grammar]

tatastau daṃpatī tasya śāsturādeśataḥ kramāt |
śuddhāsanasamāsīnāv uttarābhimukhasthitau || 371 || {21}
[Analyze grammar]

gavyaiḥ kāmādi vastūni sarvāṇi śuddhitānyapi |
kṛtvā śāstrā yathādiṣṭaṃ tathāraṃbhaṃ pracakratuḥ || 372 || {22}
[Analyze grammar]

ādau guruṃ samabhyarcya tato ratnatrayaṃ mudā |
abhyarcya śaraṇaṃ kṛtvā praṇatvā vidhinādarāt || 373 || {23}
[Analyze grammar]

tatastanmaṇḍale devīṃ sagaṇāṃ śrīvasuṃdharāṃ |
dhyātvā tathā samāvāhya datvā pādārghamādarāt || 374 || {24}
[Analyze grammar]

tatastāṃ sagaṇāṃ devīṃ samabhyarcya yathākramaṃ |
sarvapūjopacāraiśca paṭhitvā dhāraṇīṃ tataḥ || 375 || {25}
[Analyze grammar]

sahṛdvījādimaṃtrāṇi yathākramaṃ jajalpatuḥ |
tato 'ṣṭāṅgapraṇāmaiśca natvā kṛtvā pradakṣiṇāṃ || 376 || {26}
[Analyze grammar]

guṇābhivādanai stotrai stutvā natau vavaṃdatuḥ || 377 || {27!}
[Analyze grammar]

tatastau sāṃjalī sthitvā prakṣitvā pāpadeśanāṃ |
puṇyānumodanāṃ cāpi saṃprārthya śrīsamṛddhyatāṃ || 378 || {28}
[Analyze grammar]

salokapālabhūtebhyo baliṃ paṃcāmṛtānvitaṃ |
yathāvidhi praḍhaukitvā prārthayatāṃ susaṃpadaṃ || 379 || {29}
[Analyze grammar]

tato dānaṃ pradatvaivaṃ gurave 'pi sudakṣiṇāṃ |
tataḥ kṣamārthanāṃ kṛtvā samāptaṃ cakraturvrataṃ || 380 || {30}
[Analyze grammar]

tato gurustayoḥ śāstā vratasūtraṃ samarppayat |
saṃpattisasamṛddhāśīrvādaṃ dadau prasāditaḥ || 381 || {31}
[Analyze grammar]

tato guruṃ puraskṛtya yathoktaṃ vratapālanaṃ |
kṛtvā tataḥ punaḥ snātvā devīṃ dhyātvā niṣedituḥ || 382 || {32}
[Analyze grammar]

tato rātrau samādhāya sagaṇāṃ vasuṃdharāṃ |
devīṃ dhyātvā samabhyarcya dharmmaṃ śrutvā niṣedatuḥ || 383 || {33}
[Analyze grammar]

tataḥ prātaḥ samutthāya snātvā śuddhāmvarāvṛtau |
tathā tāṃ sagaṇāṃ devīmāvāhyānarcatuḥ kramāt || 384 || {34}
[Analyze grammar]

tatastadvratasaṃpūrṇaṃ kṛtvā dānaṃ sadakṣiṇaṃ |
pradatvā gurave natvā tanmaṇḍalaṃ vyasarjatāṃ || 385 || {35}
[Analyze grammar]

tatastad rajamādāya bhaṃḍāgāre yathoditaṃ |
nidhāya tatsa nirmālyaṃ śeṣaṃ nadyāṃ yathāvidhiṃ || 386 || {36}
[Analyze grammar]

gururnāgān samabhyarcya samarpya prākṣipajjale |
tatastajjalamādāya mahotsāhairgṛhaṃ yayau || 387 || {37}
[Analyze grammar]

tata gṛhe tadambhobhirabhiṣiṃcya samantataḥ |
kumārīṃ vidhinārādhya gaṇacakraṃ samarcayat || 388 || {38}
[Analyze grammar]

tatastau daṃpatī natvā sāṃjali sādaraṃ mudā |
saṃpattiprārthanāṃ kṛtvā kṣamāpya tadvyasarjatāṃ || 389 || {39}
[Analyze grammar]

tatastasyā gṛhe devī vasundhārā svayaṃ sthitā |
sarvadravyasamāpūrṇaṃ kṛtvā tasthau prasāditā || 390 || {40}
[Analyze grammar]

sarvadravyābhisaṃpūrṇaṃ dṛṣṭvā tau daṃpatī gṛhaṃ |
vismayānaṃdasaṃpannau mitha evaṃ samūcatuḥ || 391 || {41}
[Analyze grammar]

aho satyaṃ jagacchāsturyathādiṣṭaṃ tathā khalu |
tathāvāṃ śaraṇaṃ gatvā devyā vrataṃ carevahi || 392 || {42}
[Analyze grammar]

ityuktvā tau prasīdaṃtau śaraṇaṃ gatvā samāhitau |
tasyāḥ śrīmahādevyāḥ sadā vrataṃ praceratuḥ || 393 || {43}
[Analyze grammar]

tadārabhyaḥ sadārthibhyo datvā dānaṃ yathārthitaṃ |
triratnabhajanaṃ kṛtvā praceratuḥ śubhe sadā || 394 || {44}
[Analyze grammar]

tato 'sau yatirānaṃdastau samāmaṃtrya daṃpatī |
pakṣivatsahasākāśātkauśāṃvyāṃ samupācarat || 395 || {45}
[Analyze grammar]

tatra sa taṃ jagannāthaṃ praṇatvā sāṃjaliḥ punaḥ |
etatsarvaṃ pravṛttāṃtaṃ nivedyaikāntamāśrayat || 396 || {46}
[Analyze grammar]

tataḥ sa bhagavāndṛṣṭvā tamānaṃdaṃ sabhāṃ ca tāṃ |
dhīmatyāḥ śāṃtamatyāśca prasāditvaivamādiśat || 397 || {47}
[Analyze grammar]

dhanyā sā dhīmatī śāntamatī cāpi subhāvinī |
yatte śrīvasudhārāyā bhavetāṃ vratadhāriṇī || 398 || {48}
[Analyze grammar]

tanme ubhe mahatpuṇyalābhinyau śrīsamanvite |
sarvasatvahitādhānabodhicaryāsamudyate || 399 || {49}
[Analyze grammar]

kramādbodhiṃ samāsādya buddhapadamavāpsyata || 400 || {50!}
[Analyze grammar]

ityādiṣṭaṃ munīndreṇa śrutvā te sarvasāṃghikāḥ |
tāṃ śrīvasuṃdharāṃ devīṃ smṛtvā nityaṃ prabhejire || 401 || {51}
[Analyze grammar]

tadā tasyāḥ pitā viprā dhīmatyā duhiturgṛhe |
samudbhūtā mahāsaṃpadityaśroṣījjanoditaṃ || 402 || {52}
[Analyze grammar]

tataḥ sa brāhmaṇo bhāryāṃ dhīmatyā mātaraṃ mudā |
sahasā samupāmaṃtrya pura evamabhāṣata || 403 || {53}
[Analyze grammar]

kiṃ tvayānuśrutaṃ bhārye dhīmatyā yadgṛhe 'dhunā |
mahāsaṃpatsamudbhūtā mayeti śrūyate khalu || 404 || {54}
[Analyze grammar]

iti bhartrā samākhyātaṃ śrutvā sā vismayānvitā |
kathametadbhavetsatyamiti taṃ patimabravīt || 405 || {55}
[Analyze grammar]

iti bhāryoditaṃ śrutvā hariśarmāpi sa dvijaḥ |
savismayenākhyātaṃ śrutvā caivamabhāṣata || 406 || {56}
[Analyze grammar]

priye śrutaṃ mayā satyaṃ dhīmatyā yadgṛhe 'dhunā |
mahāsaṃpatsamudbhūtā vasundhārāprasādataḥ || 407 || {57}
[Analyze grammar]

yadi naitatpratīto 'pi janaiḥ sā dhīmatī sutā |
svagṛhe 'tra samāhūya tvamevaṃ paripṛchyatāṃ || 408 || {58}
[Analyze grammar]

kathaṃ saṃjāyate saṃpanmahatī te gṛhe 'dhunā |
etatsatyaṃ tvayā putrī puro me kathyatāmiti || 409 || {59}
[Analyze grammar]

evaṃ bhartrā samākhyātaṃ śrutva sā dhīmatīprasūḥ |
tatheti prativijñāya svasakhīmevamabravīt || 410 || {60}
[Analyze grammar]

śṛṇu sakhi sutāyā me dhīmatyā yadgṛhe 'dhunā |
saṃbhūtā mahatī saṃpadvasuṃdhārā prasādataḥ || 411 || {61}
[Analyze grammar]

iti śrutaṃ mayā satyaṃ draṣṭumichāmi tatkhalu |
tattāṃ sutāṃ samāhūya samādarādihānaya || 412 || {62}
[Analyze grammar]

iti tayā samākhyātaṃ śrutvā sā supriyā sakhī |
tatheti prativijñapya dhīmatyā bhavane yayau || 413 || {63}
[Analyze grammar]

tatra sā samupāsṛtya dhīmatīṃ tāṃ subhadrikāṃ |
dṛṣṭvā savismayānaṃdayuktā natvaivamabravīt || 414 || {64}
[Analyze grammar]

bhadre 'haṃ preṣitā mātrā tvadāhvānaṃ pratīha tat |
sahasā tvaṃ samāgaṃtumarhasi svātmajānvitā || 415 || {65}
[Analyze grammar]

iti tayā samākhyātaṃ śrutvā sā dhīmatī mudā |
hasantī tāṃ sakhīṃ mātuḥ samālokyaivamabravīt || 416 || {66}
[Analyze grammar]

ayi māṃ smarate mātā kimarthaṃ sāṃprataṃ kathaṃ |
tadāhaṃ na smṛtā mātrā dāridriyaduḥkhinī yadā || 417 || {67}
[Analyze grammar]

tathāpyahaṃ mukhaṃ māturdraṣṭumichāmi sāṃprataṃ |
tathāhamāgamiṣyāmi yathā mātuḥ samīhitaṃ || 418 || {68}
[Analyze grammar]

ityuktvā dhīmatī sātha putraṃ ca bhūṣaṇaṃ |
bhūṣayitvā suvastraiśca prāvārya samamaṇḍayat || 419 || {69}
[Analyze grammar]

svayaṃ ca sā prasādhitvā duṣyapaṭṭāmvarāvṛtā |
śrīmad ratnāmvalaṃkārairmaṇḍitāṃgābhiśobhitā || 420 || {70}
[Analyze grammar]

tataḥ sakhyā tayā sārddhaṃ putraputrīsamanvitā |
saṃprasthitā janaiścāpi saha māturgṛhe yayau || 421 || {71}
[Analyze grammar]

tatra sā jananī dṛṣṭvā dhīmatīṃ tāṃ samāgatāṃ |
taṃ suputraṃ suputrīṃ ca paśyantī samupācaran || 422 || {72}
[Analyze grammar]

tatra tāṃ jananīṃ dṛṣṭvā dhīmatī sātmajānvitā |
sahasā samupāgatya natvāpṛchatsukauśalaṃ || 423 || {73}
[Analyze grammar]

jananī sāpi tāṃ putrīṃ putraputrīsamanvitāṃ |
dhīmatīṃ sahasāliṃgya papracha kauśalaṃ mudā || 424 || {74}
[Analyze grammar]

tataḥ sā dhīmatī putrī putraputrīsamanvitā |
mātrā sahābhigachaṃtī piturgehamupāsarat || 425 || {75}
[Analyze grammar]

tatra sādhīmatīṃ putrīṃ putraputrīsahāgatāṃ |
dṛṣṭvā sa janako 'pyevaṃ paśyanpratyudyayau mudā || 426 || {76}
[Analyze grammar]

janakaṃ taṃ samālokya dhīmatī sātmajānvitā |
saṃsmitā samupāsṛtya natvāpṛchatsukauśalaṃ || 427 || {77}
[Analyze grammar]

pitāpi sa samālokya dhīmatīṃ tāṃ śubhāṃśikāṃ |
putraputryau ca saṃbhāṣya papracha kauśalaṃ mudā || 428 || {78}
[Analyze grammar]

pitā sa jananī sāpi dhīmatīṃ tāṃ subhāvinīṃ |
pautraṃ pautrīṃ ca saṃdhṛtvā svagṛhe jagmaturmudā || 429 || {79}
[Analyze grammar]

tatra sā jananī tasyāḥ pautryāḥ pautrasya cādarāt |
pādānprakṣālayitvāśu svakamānayat || 430 || {80}
[Analyze grammar]

tadāsanaṃ samāstīrya tāṃ putrīṃ svayamādarāt |
pautraṃ pautrīṃ ca tān sarvān saṃdhṛtvā saṃnyaveśayat || 431 || {81}
[Analyze grammar]

tatrāsane samāśritya pārśvayorvāmadakṣayoḥ |
putrīṃ putramupasthāpya tasthau sā dhīmatī smitā || 432 || {82}
[Analyze grammar]

tāmāgatāṃ samākarṇya sarve 'pi jātayo mudā |
sahasā draṣṭumāgatya sā daraṃ samupāyayuḥ || 433 || {83}
[Analyze grammar]

tathā te vāṃdhavāḥ sarve suhṛtminrajanā api |
tāṃ tathā svagṛhāyātāṃ kuśalaṃ praṣṭumāyayuḥ || 434 || {84}
[Analyze grammar]

tathā tāśca bhaginyo 'pi tāsāṃ sarve 'pi cātmajāḥ |
tāṃ dhīmatīṃ tathāyātāṃ śrutvā draṣṭu samā yayuḥ || 435 || {85}
[Analyze grammar]

evamanye 'pi lokāśca dhīmatīṃ tāṃ subhūṣaṇāṃ |
svamāturgṛhamāyātāṃ śrutvā draṣṭumupāyayuḥ || 436 || {86}
[Analyze grammar]

tatretaṃ dhīmatīṃ kāṃtāṃ suvastrabhūṣaṇāvṛtāṃ |
te sajñātyādayaḥ sarve dṛṣṭvā vismayamāyayuḥ || 437 || {87}
[Analyze grammar]

tato 'nujā bhaginyādi jñātivaṃdhusuhṛjjanāḥ |
sarve tāṃ sādaraṃ natvā paprachuḥ kuśalaṃ mudā || 438 || {88}
[Analyze grammar]

tathā sā dhīmatī cāpi jñātivaṃdhusuhṛjjanān |
vandanīyānstānnatvāpṛchatsukauśalaṃ || 439 || {89}
[Analyze grammar]

tataḥ sā jananī tasyai dhīmatyai sādarānmudā |
varṇagaṃdharasopetaṃ bhojanaṃ samupāharat || 440 || {90}
[Analyze grammar]

tathā sautāya sautāyai bhojanaṃ surasānvitaṃ |
sādaramupaḍhokitvā pura evamabhāṣata || 441 || {91}
[Analyze grammar]

gṛhṇāṇa surasaṃ bhogyaṃ bhukṣva hṛddhīmati priye |
yo sauta saute ca saudārdda procyutaṃ yadabhīpsitaṃ || 442 || {92}
[Analyze grammar]

janako vitathya sarvo bhaginyo bhrātaro 'pi ca |
bhātṛjāyāṃ sukhāścāpi tasyāścakruḥ samādaraṃ || 443 || {93}
[Analyze grammar]

tathādarāṃ kṛtaṃ sarve śrutvā sā dhīmatī tadā |
pūrvavṛttimanusmṛtvā manasaivaṃ vyaciṃtayat || 444 || {94}
[Analyze grammar]

naivāhaṃ mānitā hyebhirnāyaṃ putro 'pi mānitaḥ |
na ca yaṃ mānitā putri dhanamevātra manyate || 445 || {95}
[Analyze grammar]

yadā na me gṛhe saṃpaddaridro 'haṃ ca duḥkhinī |
tademe sarva ete 'pi nāpi 'paśyanmukhaṃ mama || 446 || {96}
[Analyze grammar]

idānīṃ me gṛhe saṃpajjātā tatsukhānvitāṃ |
evaṃ mate 'pi sarve māṃ mānayaṃti samādarāt || 447 || {97}
[Analyze grammar]

yadahaṃ mānitā naiva dhanamevābhimānyate |
tad yasya taiḥ kriyate mānyaṃ sa bhuṃjyādidamādaraṃ || 448 || {98}
[Analyze grammar]

iti sā manasā dhyātvā sarvāṇi bhūṣaṇānyapi |
svāni putrasya putryāśca saṃnirīkṣya samādade || 449 || {99}
[Analyze grammar]

tataḥ sā dhīmatī kāṃśasthālyāṃ sarvāṇi tānyapi |
bhūṣaṇāni prasāryaivaṃ sādaraṃ pratyabhāṣata || 450 || {100}
[Analyze grammar]

bho bho bhavanti sarvāṇi bhūṣaṇāni priyāṇi me |
idaṃ saurasikaṃ bhojyaṃ prāśnuta svechayā sukhaṃ || 451 || {1}
[Analyze grammar]

saṃsāre mānanīyaṃ hi dhanameva sadādarāt |
dhanānurūpeṇa yal loke mānyate niṃdyate naraḥ || 452 || {2}
[Analyze grammar]

dhanavānpuruṣo loke nīco 'pi mānyate 'guṇaḥ |
nirdhanā guṇavāṃścāpi sujāto 'pi na mānyate || 453 || {3}
[Analyze grammar]

dhanānurūpeṇa sarvatra vicāramānyabhojanaṃ |
dhanaprasaṃgato mūrkho nīco 'pi dhanyato bhavet || 454 || {4}
[Analyze grammar]

yāvatsaṃpadgṛhe tāval loke samādrito naraḥ |
yadā saṃpadvihīne tu tadā sa bhūtavaccaret || 455 || {5}
[Analyze grammar]

iti sābhilapantyeva sarvāṇi bhūṣaṇānyapi |
tāni punaḥ samādāya yathā sthānaṃ nyayojayat || 456 || {6}
[Analyze grammar]

tatastadbhojanaṃ kiṃcidbhaktvā sā svātmajānvitā |
natvaiva pitarau bhartturgṛhe yayau prasāditā || 457 || {7}
[Analyze grammar]

tatra sā dhīmatī bhartturviṣṇudāsasya pādayoḥ |
natvā sarvapravṛttāṃtaṃ nyavedayatpuraḥ sthitā || 458 || {8}
[Analyze grammar]

etadbhāryāsamākhyātaṃ śrutvā sa brāhmaṇaḥ patiḥ |
muditastāṃ sukalyāṇīṃ bhāryaṃ dṛṣṭvaivamabravīt || 459 || {9}
[Analyze grammar]

dhanyo 'si tvaṃ sukalyāṇī yatte samupādeśataḥ |
śrīdevīvratamādhāya samāpnomi susaṃpadaṃ || 460 || {10}
[Analyze grammar]

priye tvāmatra tadratnasaṃbhavakulasaṃbhavāṃ |
śrīvasudhāmahādevīsamāṃ manye 'hamātmanā || 461 || {11}
[Analyze grammar]

ityuktvā brāhmaṇo bharttā viṣṇudāsaḥ kṛtāṃjaliḥ |
dhīmatīṃ taṃ sukalyāṇīṃ natvaivaṃ punarabravīt || 462 || {12}
[Analyze grammar]

priye tava prasādena sāphalyaṃ janma me 'dhunā |
yacchrīvasuṃdharādevyā upāsako vratī bhave || 463 || {13}
[Analyze grammar]

tanmayā prakṛtaṃ pāpaṃ tatsarvaṃ kṣīyate 'dhunā |
saṃpattiḥ saṃprajātā ca naiva kṣīṇā bhave dhi naḥ || 464 || {14}
[Analyze grammar]

tathā vayaṃ sadāpyasyāḥ śrīdevyāḥ śaraṇaṃ gatāḥ |
yathāvidhi vrataṃ dhṛtvā caremahi śubhe 'dhunā || 465 || {15}
[Analyze grammar]

triratnabhajanaṃ kṛtvā datvārthibhyo yathepsitaṃ |
yāvajjīvaṃ śubhaṃ kṛtvā bhuktvā saukhyaṃ caremahi || 466 || {16}
[Analyze grammar]

etatpuṇyavipākena sarvadā sadgatīṃ gatāḥ |
kramātsaṃbodhimāsādya buddhapadaṃ labhemahi || 467 || {17}
[Analyze grammar]

iti bhartroditaṃ śrutvā dhīmatī sānumoditā |
tathā sadā vasuṃdhārāvrataṃ dhṛtvā śubhe 'carat || 468 || {18}
[Analyze grammar]

tataḥ sā dhīmatī tasyāḥ śāṃtamateḥ purogatā |
sarvametatpravṛttāṃtaṃ nivedyaivamabhāṣata || 469 || {19}
[Analyze grammar]

priye sakhi mahābhāge bhavatkṛpāprasādataḥ |
pāpaṃ me kṣīyate sarvaṃ tajjanma saphalaṃ bhave || 470 || {20}
[Analyze grammar]

saṃpattiḥ saṃprajātā me naiva kṣīṇā bhavedapi |
tad yāvajjīvitaṃ devyāḥ śaraṇastho bhajāni hi || 471 || {21}
[Analyze grammar]

tvameva śāstā na cānyā hi saddharmopadeśinī |
tanme puṇyānubhāvena saṃbuddhapadamāpnuhi || 472 || {22}
[Analyze grammar]

ityudite tamāśrutvā śāṃtamatiśca sā mudā |
dhīmatīṃ tāṃ samālokya punarevamabhāṣāta || 473 || {23}
[Analyze grammar]

bhadre dhīmati saṃbuddhaśaraṇasthā sadādarāt |
śrīdevyāvratamādhāya śubhe cara samāhitā || 474 || {24}
[Analyze grammar]

etatpuṇyavipākena sarvadā sadgatīṃ gatā |
kramātsaṃbodhimāsādya saṃbuddhapadamāpnuyāḥ || 475 || {25}
[Analyze grammar]

iti matvātra saṃsāre śubhaṃ dharmārthasādhanaṃ |
dharmo lokahitārthāya tal lokārthe dharmamācareḥ || 476 || {26}
[Analyze grammar]

iti tayoditaṃ śrutvā dhīmatī sā prabodhitā |
tatheti pratinaṃditvā muditā svagṛhe yayau || 477 || {27}
[Analyze grammar]

tataḥ prabhṛti sā sādhvī dhīmatī sarvadā gṛhe |
śrīdevyā bhajanaṃ kṛtvā datvā dānaṃ śubhe 'carat || 478 || {28}
[Analyze grammar]

tathā tasyā gṛhe saṃpaddine dine pravarddhitā |
sarvasatvopabhogyārthaṃ babhūva dharmasādhinī || 479 || {29}
[Analyze grammar]

tathā sā dhīmatī dṛṣṭvā sarvasaṃpatpravarddhitāṃ |
mudā lokahitaṃ kṛtvā pracacāra śubhe sadā || 480 || {30}
[Analyze grammar]

iti me guruṇādiṣṭaṃ śrutaṃ mayā tathocyate |
tathā tvamapi rājendra vasudhārāvrataṃ cara || 481 || {31}
[Analyze grammar]

prajāścāpi mahārāja bodhayitvā prayatnataḥ |
śrīdevyāḥ śaraṇe sthāpya vrataṃ cāraya sarvadā || 482 || {32}
[Analyze grammar]

tathā te sarvadā kṣemaṃ sarvatrāpi bhaveddhruvaṃ |
kramādbodhiṃ samāsādya saṃbuddhapadamāpnuyāḥ || 483 || {33}
[Analyze grammar]

iti tenārhatādiṣṭaṃ śrutvāśokaḥ sa bhūpatiḥ |
tathetyabhyanumoditvā prābhyanandatsapārṣadaḥ || 484 || {34}
[Analyze grammar]

dhīmatyā ye 'vadānaṃ śubhaphaladamidaṃ suprasannāḥ śṛṇvanti |
śrāvayanti pramuditamanasā bodhicaryānurāgāḥ |
sarve te bodhisatvāḥ sakalaguṇadharāḥ sarvasaṃpatsamṛddhāḥ |
śrīmanto lokaśreṣṭhā jinanilayagatāḥ saṃvasaṃti sukhāḍhyāḥ || 485 || {35}
[Analyze grammar]