Chapter 90

saptāhapūraṃ saṃbuddho bodhiṃ buddhitvā uttamāṃ |
āsanāto na utthesi sarvalokasya cetiyo || 1 ||
[Analyze grammar]

devakoṭīsahasrāṇi gagaṇasmiṃ samāgatā |
puṣpavarṣaṃ pravarṣensuḥ saptarātram anūnakaṃ || 2 ||
[Analyze grammar]

utpalāṃ padumāṃ divyāṃ puṇḍarīkāṃ manoramāṃ |
sahasrapatrāṃ rucirāṃ tatra devā pravarṣati || 3 ||
[Analyze grammar]

māraś ca durmanā āsi kāṇḍena likhate mahīṃ |
jito smi devadevena śākyasiṃhena tāyinā || 4 ||
[Analyze grammar]

trayastriṃśā ca yāmā ca tuṣitā ye ca nirmitā |
paranirmitā devā ca kāmadhātupratiṣṭhitā || 5 ||
[Analyze grammar]

lohitaṃ candanaṃ divyaṃ aguruṃ tatha campakaṃ |
divyā ca puṣpavarṣāṇi antarīkṣāto okire || 6 ||
[Analyze grammar]

divyaṃ ca ratanacūrṇaṃ antarīkṣāto osire |
akṣamātrāhi dhārāhi buddhakṣetraṃ spharī imaṃ || 7 ||
[Analyze grammar]

brahmakoṭīsahasrāṇi gaganasmiṃ samāgatā |
varṣaṃti sūkṣmaṃ cūrṇaṃ hi divyaṃ lohitacaṃdanaṃ || 8 ||
[Analyze grammar]

bhūmyāṃ devāṃ upādāya śuddhāvāsāṃ svayaṃprabhāṃ |
eṣā paraṃparā āsi devatāhi parisphuṭā || 9 ||
[Analyze grammar]

chattradhvajapatākāhi antarīkṣaṃ parisphuṭaṃ |
karonti pūjanāṃ śreṣṭhāṃ saṃbuddhasya śirīmato || 10 ||
[Analyze grammar]

ābhā ca vipulā muktā buddhakṣetraṃ parisphuṭaṃ |
bhavāgralokadhātūyo agniśubhrā va tiṣṭhati || 11 ||
[Analyze grammar]

praśāntā nirayā āsi buddharaśmibhi sarvaśo |
śītībhūtā ca aṃgāni sarve ca sukhitā abhūt || 12 ||
[Analyze grammar]

yeṣāṃ nairayikaṃ duḥkhaṃ parikṣīṇaṃ tad anantaraṃ |
nirayeṣu cyavitvāna deveṣu upapadyiṣu || 13 ||
[Analyze grammar]

saṃjīve kālasūtre ca tapane ca pratāpane |
praśānto raurave agnir lokanāthasya raśmibhiḥ || 14 ||
[Analyze grammar]

avīcyām atha saṃghāte pratyekanirayeṣu ca |
praśānto sarvaśo agnir lokanāthasya raśmibhiḥ || 15 ||
[Analyze grammar]

yāvantā lokadhātūṣu pratyekanirayā abhūt |
praśānto sarvaśo agnir lokanāthasya raśmibhiḥ || 16 ||
[Analyze grammar]

ye ca tiracchānayonīyaṃ mānsarudhirabhojanā |
maitrāya sphuṭa buddhena na hiṃsanti parasparaṃ || 17 ||
[Analyze grammar]

chattradhvajapatākābhiḥ bodhivṛkṣo alaṃkṛto |
kūṭāgārehi saṃchanno devaputrehi nirmito || 18 ||
[Analyze grammar]

khaṇḍakāntārakā pi ca śarkarasikatā pi ca |
samantā bodhimaṇḍāto heṣṭā bhūmau pratiṣṭhitā || 19 ||
[Analyze grammar]

ratnāmayīye bhūmīye bodhimaṇḍaṃ parisphuṭo |
yā nābhi buddhakṣetrasya devaputrehi nirmitā || 20 ||
[Analyze grammar]

devaputrasahasrāṇi dharaṇīye pratiṣṭhitā |
dhūpanetrāṃ grahetvāna pūjayanti lokanāyakaṃ || 21 ||
[Analyze grammar]

heṣṭā ca dharaṇī sarvā padmehi ca parisphuṭā |
jāmbunadasuvarṇasya buddhatejena udgatā || 22 ||
[Analyze grammar]

ye cāpi vyādhiduḥkhārttā alenā aparāyaṇā |
arogā sukhitā bhūtā buddharaśmiparisphuṭā || 23 ||
[Analyze grammar]

jātyandhā rūpā paśyensu labdhvā cakṣuṃ viśāradaṃ |
parasparaṃ cālapensuḥ bodhiprāptasya tāyino || 24 ||
[Analyze grammar]

rāgaś cāpy api ca doṣo mohaś ca antakīkṛtaḥ |
yaṃ kālaṃ śākyasiṃhena prāptā bodhi maharṣiṇā || 25 ||
[Analyze grammar]

prāsādā ca vimānā ca kūṭāgārā manoramā |
sarve tatomukhā āsi bodhisatvasya tāyino || 26 ||
[Analyze grammar]

yāvanto buddhakṣetrasmiṃ naranārī ca kinnarā |
sarve tatomukhā āsi yena bodhi maharṣiṇaḥ || 27 ||
[Analyze grammar]

devatā devaputrāś ca devakanyā ca śobhanā |
sarve tatomukhā āsi yena so puruṣottamaḥ || 28 ||
[Analyze grammar]

nāgāś cāpy atha gandharvā yakṣā kumbhāṇḍarākṣasā |
sarve tatomukhā āsi yena bodhi maharṣiṇo || 29 ||
[Analyze grammar]

dārakā dārikā caiva śayyāyaṃ avaropitā |
tatomukhā saṃsthihaṃsu yena bodhi maharṣiṇo || 30 ||
[Analyze grammar]

ye cāpy ābharaṇā divyā viśiṣṭā ratanāmayā |
ābaddhā āsi devānāṃ sarve tatomukhā abhū || 31 ||
[Analyze grammar]

nāgānāṃ atha yakṣāṇāṃ piśācarākṣasāna ca |
abhū ābharaṇā sarve yena bodhi niriṃgitā || 32 ||
[Analyze grammar]

devānām atha nāgānāṃ yakṣāṇāṃ rākṣasāna ca |
tatomukhā vimānābhū yena bodhi maharṣiṇo || 33 ||
[Analyze grammar]

nūpurā valayā caiva atha vā pārihārakā |
bodhiprāptasya buddhasya yena bodhi niriṃgitā || 34 ||
[Analyze grammar]

valaṃjitā ca niṣkāni kaṇṭhe hārā ca śobhanā |
ābaddhakā manuṣyāṇāṃ yena bodhi niriṃgitā || 35 ||
[Analyze grammar]

muktāhārā ca ābaddhā citrā ca maṇikuṇḍalā |
oguṇṭhikā mudrikā ca yena bodhi niriṃgitā || 36 ||
[Analyze grammar]

yāvanti buddhakṣetrasmiṃ satvadhātū acintiyā |
jānantā ca ajānantā yena bodhi niriṃgitā || 37 ||
[Analyze grammar]

vātā ca śītalā vāye maṃjugandhā manoramā |
samantā bodhikṣetrasmiṃ bodhiprāptasya tāyino || 38 ||
[Analyze grammar]

ekaputrasmiṃ yaṃ premnaṃ śuśrūṣā ca pratiṣṭhitā |
mātāpitṝṇāṃ iṣṭasmiṃ evaṃ āsīt tad anantaraṃ || 39 ||
[Analyze grammar]

yāvanti buddhakṣetrasmiṃ devā nāgā ca mānuṣā |
asurā ca kinnarā yakṣā sarve paśyanti nāyakaṃ || 40 ||
[Analyze grammar]

dhūpanetrāṃ grahetvāna sarve tena sukhasthitā |
pūjenti lokapradyotaṃ bodhimaṇḍe pratiṣṭhitaṃ || 41 ||
[Analyze grammar]

aṃjalīhi namasyanti gāthāhi ca stavanti te |
pūjāṃ karonti buddhasya bodhimaṇḍe pratiṣṭhitā || 42 ||
[Analyze grammar]

sarve āsannaṃ paśyanti lokanāthaṃ prabhaṃkaraṃ |
na kaścid dūre saṃjāne vyāmamātre yathā sthitaṃ || 43 ||
[Analyze grammar]

na kaścit pṛṣṭhato buddhaṃ lokadhātūya paśyati |
sarvadiśā hi buddhasya samantā paśyati mukhaṃ || 44 ||
[Analyze grammar]

vāmadakṣiṇapārśvena na kaścil lokanāyakaṃ |
saṃjānati mahāvīraṃ sarve paśyanti saṃmukhaṃ || 45 ||
[Analyze grammar]

dhūpanaṃ buddhakṣetrasmiṃ dhūpitaṃ ca tad anantaraṃ |
samantā buddhakṣetrāṇāṃ gandhena koṭiyo sphuṭā || 46 ||
[Analyze grammar]

na śakyaṃ gaṇanāṃ kartuṃ ettiyā satvakoṭiyo |
paśyitvā śiriṃ buddhasya ye bodhim abhiprasthitāḥ || 47 ||
[Analyze grammar]

tṛṇā ca ye kecid asti auṣadhīyo vanaspati |
sarve tatomukhā āsi yena bodhi maharṣiṇo || 48 ||
[Analyze grammar]

ko imāṃ edṛśāṃ dharmaṃ lokanāthena deśitāṃ |
śruṇitvā na siyā tuṣṭo anyatra mārapakṣikāt || 49 ||
[Analyze grammar]

na śakyā sarvam ākhyātuṃ vācāya ṛddhibhāṣataḥ |
yā śirī āsi buddhasya bodhiprāptasya tāyino || 50 ||
[Analyze grammar]

yehi ca dṛṣṭo saṃbuddho bodhimaṇḍe pratiṣṭhitaḥ |
pūjitaś ca mahāvīro te śrutvā tuṣṭa paṇḍitā || 51 ||
[Analyze grammar]

śīlaskandhena acchidrā ye ca bhikṣū pratiṣṭhitā |
teṣāṃ śrutvā idaṃ sūtraṃ mahāharṣaṃ janeṣyati || 52 ||
[Analyze grammar]

bhadrakakṣāntisaurabhyasaṃpannā adīnamānasā |
arthikā buddhajñānena teṣāṃ tuṣṭir bhaviṣyati || 53 ||
[Analyze grammar]

ye hi āśvāsitā satvā moceṣyāmi upadrutā |
buddhitvam uttamāṃ bodhiṃ teṣān tuṣṭir bhaviṣyati || 54 ||
[Analyze grammar]

yehi te purimā buddhā satkṛtā dvipadottamā |
te idaṃ sūtraṃ śrutvāna teṣān tuṣṭir bhaviṣyati || 55 ||
[Analyze grammar]

harṣitā yehi te satvā annapānena tarpitā |
te pīdaṃ sūtraṃ śrutvāna buddhe kāhinti gauravaṃ || 56 ||
[Analyze grammar]

yehi te adhanā satvā dhanena abhicchāditā |
te idaṃ śrutvāna sūtraṃ buddhe kāhinti gauravaṃ || 57 ||
[Analyze grammar]

yehi ca pūrvabuddhānāṃ cetiyā māpitā śubhā |
udviddhā varaprāsādā te khu bhaviṣyanti prīṇitā || 58 ||
[Analyze grammar]

yehi pralujyanto saddharmo lokanāthāna dhārito |
tyajitvā lābhasatkāraṃ te khu bheṣyanti prīṇitāḥ || 59 ||
[Analyze grammar]

ye te asaṃskṛtāyuś ca daṇḍakarmehi varjitā |
urasā lokanāthasya te khu bheṣyanti harṣitā || 60 ||
[Analyze grammar]

ye te maitreyaṃ saṃbuddhaṃ paśyitvā dvipadottamaṃ |
kāhinti vipulāṃ pūjāṃ teṣāṃ harṣā bhaviṣyati || 61 ||
[Analyze grammar]

ye te siṃhaṃ mahānāgaṃ paśyitvā lokacetiyaṃ |
kāhinti vipulāṃ pūjāṃ teṣāṃ harṣo bhaviṣyati || 62 ||
[Analyze grammar]

ketusya lokanāthasya ye kariṣyanti pūjanāṃ |
arthikā buddhajñānena teṣāṃ harṣo bhaviṣyati || 63 ||
[Analyze grammar]

pradyotasya ca buddhasya ye kariṣyanti pūjanāṃ |
arthikā buddhajñānena teṣāṃ harṣo bhaviṣyati || 64 ||
[Analyze grammar]

jyotīvaraṃ ca ye buddhaṃ paśyitvā aparājitaṃ |
mahatīṃ pūjāṃ kāhinti teṣāṃ harṣo bhaviṣyati || 65 ||
[Analyze grammar]

sunetraṃ lokapradyotaṃ dṛṣṭvā ye satkariṣyati |
arcamānāya pūjāya teṣāṃ harṣo bhaviṣyati || 66 ||
[Analyze grammar]

dvau buddhau kusumanāmau lokanāthau tathāgatau |
ye dṛṣṭvā satkariṣyanti teṣāṃ harṣo bhaviṣyati || 67 ||
[Analyze grammar]

meruṃ ca dvipadaśreṣṭhaṃ saṃbuddhaṃ vadatāṃ varaṃ |
ye dṛṣṭvā satkariṣyanti teṣāṃ harṣo bhaviṣyati || 68 ||
[Analyze grammar]

puṣpaṃ ye cāgrasaṃbuddhaṃ paśyitvā dvipadottamaṃ |
kāhinti paramāṃ pūjāṃ teṣāṃ harṣo bhaviṣyati || 69 ||
[Analyze grammar]

caturṇāṃ ca narendrāṇāṃ ye saṃghaṃ satkariṣyati |
imasmiṃ bhadrakalpasmiṃ te udagrā bhaviṣyati || 70 ||
[Analyze grammar]

ye gṛddhā lābhasatkāre jihmavijñānaniśritā |
bahvicchā taṃ śruṇitvāna teṣāṃ trāso bhaviṣyati || 71 ||
[Analyze grammar]

ye ca saṃgaṇikārāmā gaṇavāse pratiṣṭhitā |
vivekaṃ śrutvā buddhena teṣāṃ ca saumanasyatā || 72 ||
[Analyze grammar]

ye ca duḥśīla śrutvāna evaṃ buddhena bhāṣitaṃ |
natā lokapradīpasmiṃ tīvraṃ kāhinti gauravaṃ || 73 ||
[Analyze grammar]

ye te vyākṛtā buddhena bodhisatvā anāgatā |
sūratā sukhasaṃvāsā teṣāṃ tuṣṭir bhaviṣyati || 74 ||
[Analyze grammar]

yeṣāṃ vivartanā nāsti buddhajñānāto sarvaśaḥ |
te idaṃ sūtraṃ śrutvāna bhaviṣyanti sukhitā narāḥ || 75 ||
[Analyze grammar]

ye hi purimabuddha satvasārā gurukṛtā satkṛtā pūjitā narendrā |
praṇatamanā śiṣṭa buddhajñāne naravaravarṇa śruṇitva tuṣṭa bhonti || 76 ||
[Analyze grammar]

yeṣām avikalā samanta śraddhā varaguṇakoṭiśatehi ye upetā |
ye ca dhārayi dharma lujjamānaṃ muditamanā sugatasya śāsanasmiṃ || 77 ||
[Analyze grammar]

ye ca acapalā anuddhatā ca amukharā abhū akīrṇavācā |
susakhilavācā na mānupetā jinavaravarṇa śruṇitva tuṣṭa bhonti || 78 ||
[Analyze grammar]

yeṣām aparityaktaṃ buddhajñānaṃ evaṃ virajā anantatulyabodhi |
ye ca vrataṃ caranti apramatta jinavarajñāna śruṇitvā tuṣṭa bhonti || 79 ||
[Analyze grammar]

kāmaṃ tvaṃ durmano tāta puruṣaṃ ānayāmy ahaṃ |
rāgapāśehi baṃdhitvā araṇyādiva kuṃjaraṃ |
prabandhitvāna ānemi vaśiko te bhaviṣyati || 80 ||
[Analyze grammar]

arahāṃ sugato loke na rāgeṇa suvānayo |
viṣayo me atikrānto tasmāc chocāmy ahaṃ bhṛśaṃ || 81 ||
[Analyze grammar]

kathaṃvihārī bahulīha bhikṣu paṃcoghatīrṇo taratīha ṣaṣṭaṃ |
kathaṃdhyāyī bahulī kāmasaṃjñā paribāhito bhavati alabdhagāḍhā || 82 ||
[Analyze grammar]

aññāya dharmaṃ avitarkadhyāyī no rajyate no saratīha thīnaṃ |
evaṃvihārī bahulīha bhikṣu paṃcoghatīrṇo taratīha ṣaṣṭaṃ || 83 ||
[Analyze grammar]

praśrabdhakāyo suvimuktacitto smṛtimānakopyo apanītamāno |
avaṃdhyāyī bahulī kāmasaṃjñā paribāhito bhavati alabdhagāḍhā || 84 ||
[Analyze grammar]

sokābhitunno va vanasmiṃ dhyāyasi citāya jīvaṃ abhiprārthayanto |
āsādya grāmyā na karoṣi sākhyaṃ kasmāj jane na karoṣi sākhyaṃ || 85 ||
[Analyze grammar]

śokasya mūlaṃ parikhanya sarvaṃ sarvaṃ prahāya bhavalobham āpsye |
arthasya prāptiṃ hṛdayasya śāntiṃ dhyānānuyukto sukhasārabuddhiḥ |
tasmāj jane na karomi sākhyaṃ sākhyaṃ na saṃvidyate tena asme || 86 ||
[Analyze grammar]

ācchetva tṛṣṇāṃ guṇasaṃpracārī bahv atra raktā kariṣyanti cchandaṃ |
bahuṃ vatāyaṃ janatāṃ suvedha ācchetva + + + + + + mṛtyurājño |
nayiṣyati acyutapadam aśokaṃ || 87 ||
[Analyze grammar]

giriṃ nakhehi khanatha ayo dantehi khādatha |
parvataṃ śirasā hanatha agāḍhe gāḍham eṣatha |
kimu anvetha pāpīyo api buddhāsūyā sadā || 88 ||
[Analyze grammar]

adya me vadhaṃ pi tāta na rāgeṇa sa āniye |
viṣayaṃ me atikrāntaḥ tasmāc chocāmy ahaṃ bhṛśaṃ || 89 ||
[Analyze grammar]

ihāgatā harṣayantī tantrī ca aratī ratī |
tā praṇude mahāvīro tūlaṃ bhrāntaṃ va mārutaṃ || 90 ||
[Analyze grammar]