Chapter 91

puṇyaṃ samudānetvāna jambudvīpāto vāṇijā |
mahāsamudraṃ prasthihensuḥ yaṃ dhanaratanākaraṃ || 1 ||
[Analyze grammar]

tena cābhiruhitvāna ogāhetvāna sāgaraṃ |
dvīpeṣu ratanaṃ gṛhya svastinā punar āgatā || 2 ||
[Analyze grammar]

teṣām āsi sārthavāho paṇḍito arthacintako |
dharmalabdho ti nāmena so teṣāṃ anuśāsati || 3 ||
[Analyze grammar]

imasmiṃ vāṇijā mārge rākṣasīyo bhayānikā |
ṛddhīye vaśitāṃ prāptā māyācāre ca śikṣitā || 4 ||
[Analyze grammar]

yas tāsu kāhiti cchandaṃ bālo duṣprajñajātiko |
na so punar jambudvīpaṃ gamiṣyati ātmano gharaṃ || 5 ||
[Analyze grammar]

yo ca khu tāsu anapekṣo bhaviṣyati iha vāṇijo |
svastinā so jaṃbudvīpaṃ gamiṣyati ātmano gharaṃ || 6 ||
[Analyze grammar]

te mārgaṃ pratipadyensuḥ yatra rākṣasiyo abhū |
tā ca tān upalabhensuḥ yathādhimuktavāṇijāṃ || 7 ||
[Analyze grammar]

rūpehi atha śabdehi sparśagandharasehi ca |
suvicitreṣu kāmeṣu upalabhensu vāṇijāṃ || 8 ||
[Analyze grammar]

tato ca vāṇijā āhuḥ sārthavāhaṃ nirantaraṃ |
yasyārthāya vayaṃ ghaṭṭāma rātriṃdivam atandritāḥ |
kathaṃ rūpān adhigacchema te no dyādhigatā iha || 9 ||
[Analyze grammar]

ārogyaṃ vārya vadesi jambudvīpasmi jñātayo |
iha evaṃ ramiṣyāma nāsti āgamanaṃ tahiṃ || 10 ||
[Analyze grammar]

na khalu smṛtir vo asti viparyastāho māriṣa |
rākṣasīnāṃ tatha bhakṣā nacireṇa bhaviṣyatha || 11 ||
[Analyze grammar]

tvacaṃ vasāṃ ca māṃsaṃ ca pītvāna rudhiraṃ ca vo |
tuṣṭā rākṣasī bhaviṣyanti āhāreṇa samarpitā || 12 ||
[Analyze grammar]

yo me na kāhiti vacanaṃ paścāttāpī bhaviṣyati |
apare vāṇijā āhuḥ sārthavāhaṃ tad anantaraṃ || 13 ||
[Analyze grammar]

yasyārthāya vayaṃ ghaṭṭāma rātriṃdivam ataṃdritāḥ |
kathaṃ śabdān adhigacchema te no py adhigatā iha || 14 ||
[Analyze grammar]

ārogyaṃ vārya vadesi jambudvīpasmi jñātayo |
ihaiva vayaṃ ramiṣyāmo nāsti āgamanaṃ tahiṃ || 15 ||
[Analyze grammar]

apare khu vāṇijā āhuḥ sārthavāhaṃ tad anantaraṃ |
yasyārthāya vayaṃ ghaṭṭāma rātriṃdivam ataṃdritāḥ |
kathaṃ gandhān adhigacchema te maṃ adhigatā iha || 16 ||
[Analyze grammar]

ārogyaṃ vārya vadesi jaṃbudvīpasmi jñātayo |
ihaiva vayaṃ ramiṣyāma nāsti āgamanaṃ tahiṃ || 17 ||
[Analyze grammar]

apare khalu vāṇijāhuḥ sārthavāhaṃ tad anantaraṃ |
yasyārthāya vayaṃ ghaṭṭāma rātriṃdivam ataṃdritāḥ |
kathaṃ rasān adhigacchema te no py adhigatā iha || 18 ||
[Analyze grammar]

ārogyaṃ vāryaṃ vadesi jaṃbudvīpasmi jñātayo |
iha eva ramiṣyāmo nāsti āgamanaṃ tahiṃ || 19 ||
[Analyze grammar]

taṃ khalu vo na smaratha viparyastāho māriṣa |
rākṣasīnāṃ tatha bhakṣā nacireṇa bhaviṣyatha || 20 ||
[Analyze grammar]

tvacaṃ ca vasāṃ ca māṃsaṃ ca pītvāna rudhiraṃ ca vo |
tuṣṭā rākṣasī bhaviṣyanti āhāreṇa samarpitāḥ || 21 ||
[Analyze grammar]

yaṃ me na kurvatha vacanaṃ paścāttāpī bhaviṣyatha |
apare khu vāṇijā āhuḥ sārthavāhaṃ tad anantaraṃ || 22 ||
[Analyze grammar]

yasyārthāya vayaṃ ghaṭṭāma rātriṃdivam atandritāḥ |
kathaṃ sparśān adhigacchema te maṃ adhigatā iha || 23 ||
[Analyze grammar]

ārogyaṃ vārya vadesi jaṃbudvīpasmi jñātayo |
iham eva ramiṣyāmo nāsti no gamanaṃ tahiṃ || 24 ||
[Analyze grammar]

taṃ khu na smṛtir vo asti viparyastāho māriṣa |
rākṣasīnāṃ tatha bhakṣā nacireṇa bhaviṣyatha || 25 ||
[Analyze grammar]

tvacaṃ ca vasāṃ ca mānsaṃ ca pītvāna rudhivaṃ ca vo |
tuṣṭā rākṣasī bheṣyanti āhāreṇa samarpitāḥ |
yaṃ me na kurvatha vacanaṃ paścāttāpī bhaviṣyatha || 26 ||
[Analyze grammar]

tato ca vāṇijakā sarvāṃ rākṣasīyo bhayānikā |
āyase nagare ghore pratitiṣṭhe tad anantaraṃ || 27 ||
[Analyze grammar]

tā rākṣasīyo samāgatvā matiṃ kurvansu tāvatā |
ayaṃ vāṇijako eko āgatvāna punarpunaḥ |
svastinā tarata pāraṃ na taṃ śakyati khādituṃ || 28 ||
[Analyze grammar]

tato ca rākṣasī ekā paṇḍitā arthacintikā |
bahavo vāṇijā tāya upalobhetvāna khāditā || 29 ||
[Analyze grammar]

sā ca tāṃ avaca sarvāṃ māṃsabhakṣā sudāruṇāṃ |
ahaṃ taṃ lobhayiṣyāmi mama bhakṣo bhaviṣyati || 30 ||
[Analyze grammar]

vāṇijako sāgaraṃ tīrṇo sāpi uttīrṇa rākṣasī |
pṛṣṭhato anubandheti anubaddhā padaṃpadaṃ || 31 ||
[Analyze grammar]

ayaṃ te daharo putro tava śokena mariṣyati |
gṛhṇa tvaṃ kisya ujjhyati oraso ātmano tava || 32 ||
[Analyze grammar]

appehi yasya se bhāryā aputre putraṃ bhāṣasi |
mānuṣā na tuvaṃ rakṣī na māṃ śakṣyasi khādituṃ || 33 ||
[Analyze grammar]

sā ca grāmeṣu nigameṣu rāṣṭre janapadeṣu ca |
janajanasya ākhyāti ayaṃ ujjhati me pati || 34 ||
[Analyze grammar]

mahājano samāgamya striyaś ca puruṣā pi ca |
puruṣaṃ paribhāṣanti kasmād ujjhesi bhāryarāṃ || 35 ||
[Analyze grammar]

kṣatriyā brāhmaṇā vaiśyā śūdrā cātra samāgatā |
paruṣaṃ paribhāṣanti kasya ujjhesi bhāryarāṃ || 36 ||
[Analyze grammar]

na me eṣā māriṣa bhāryā rākṣasy eṣā bhayānikā |
manuṣyakhādikā raudrā evaṃ jānethanattave || 37 ||
[Analyze grammar]

rakto hy arthaṃ na jānāti rakto dharmaṃ na paśyati |
andhatamas tadā bhavati yaṃ rāgo sahate naraḥ || 38 ||
[Analyze grammar]

aśroṣīt khalu yadā rājā mahāmātrāṇam antike |
mahāsamudrapārāṃ strīṃ dharmalabdho na icchati || 39 ||
[Analyze grammar]

āṇapesi tadā rājā mahāmātyāṃ tad anantaraṃ |
sace eṣa necchati strīṃ praveśethāntaḥpuraṃ mama || 40 ||
[Analyze grammar]

antarāyaṃ vijānitvā na sānaṃ khāyi rākṣasī |
sā tatra putraṃ preṣeti rākṣasīṇāṃ nivedakaṃ |
bhakṣito khu mayā rājā kṣipraṃ āgacchathattave || 41 ||
[Analyze grammar]

rākṣasīnāṃ gatā paṃca raudrā rudhirabhojanā |
sarve rājakulaṃ gatvā parākramensu yathāgataṃ || 42 ||
[Analyze grammar]

pūrve nivāsaṃ bhagavān pūrvejātim anusmaraṃ |
jātakam idam ākhyāsi śāstā bhikṣūṇam antike || 43 ||
[Analyze grammar]

te skandhā te ca dhātavaḥ tāni āyatanāni ca |
ātmānam adhikṛtya bhagavāṃ etam arthaṃ viyākaret || 44 ||
[Analyze grammar]

anavarāgrasmiṃ saṃsāre yatra me uṣitaṃ purā |
dharmalabdho ahaṃ āsi vāṇijako arthacintako |
māradhītaro rākṣasī evaṃ dhāretha jātakaṃ || 45 ||
[Analyze grammar]

evam aparimitaṃ bahuduḥkhaṃ uccanīcaṃ caritaṃ purāṇaṃ |
vigatajvaro vigataśoko bhagavāṃ bhāṣati bhikṣusaṃghamadhye || 46 ||
[Analyze grammar]