Chapter 89

atha dṛṣṭvā āgataṃ taṃ gaṇavaraparivāritaṃ puruṣasiṃhaṃ |
mīlitavigataḥ abhimano nidhyāyati rāhulo sugataṃ || 1 ||
[Analyze grammar]

vārāṇacakoranayanāṃ aṃjanapūrehi muditanayanehi |
mātaram avalokayanto nidhyāyati rāhulo sugataṃ || 2 ||
[Analyze grammar]

taṃ dṛṣṭvā upaniṣaṇṇaṃ gaṇavaraparivāritaṃ puruṣasiṃhaṃ |
vatso iva kṣīrapako upāgame yena saṃbuddho || 3 ||
[Analyze grammar]

so ca mudito narottamo niṣaṇṇo + + + sugatacchāyāyāṃ |
āmantrayati jananīṃ sukhaṃ śramaṇasyeyaṃ chāyā || 4 ||
[Analyze grammar]

bahukā śākyakumārā dṛṣṭā mayā gatā daśasu diśāsu |
ābharaṇabhārabharitā no mahyaṃ manaṃ prasīdeti || 5 ||
[Analyze grammar]

yathemaṃ kāṣāyadharaṃ dṛṣṭvā tūrṇaṃ prīṇyati me gātraṃ |
bhāṣantaṃ madhuravacanaṃ śrutvāna prīṇitaṃ me gātraṃ || 6 ||
[Analyze grammar]

jālamṛduhastapādo samantaprāsādiko pradarśaniyo |
prekṣanto pi naṃdāmy aham asecanakadarśano khu ayaṃ || 7 ||
[Analyze grammar]

tuṣṭo bhavāmi dṛṣṭvāgacchantaṃ dūrato kanakavarṇaṃ |
pratigacchante tu ahaṃ duḥkhito bhavāmi abhāvena || 8 ||
[Analyze grammar]

paśyanto nāhetukaṃ mahyaṃ yamasaṃstavaṃ kanakavarṇaṃ |
sahadarśanād + + +atiriva manaṃ prasādiyati || 9 ||
[Analyze grammar]

manyām ahaṃ pitā mama bhrātā tataḥ tahiṃ tahiṃ jātīṣu |
āsīd mama śramaṇako tathā hy ayaṃ prīṇayati gātraṃ || 10 ||
[Analyze grammar]

ācikṣe mahyaṃ janani yadi te dṛṣṭaṃ śrutaṃ pi vā pūrvaṃ |
kasyārthāye mama so atiriva cittaṃ prasādeti || 11 ||
[Analyze grammar]

tasya vacanaṃ śruṇitvā svakasya putrasya bhāṣamāṇasya |
uṣṇam iva viśvasanto rāhulamātā ato abravīt || 12 ||
[Analyze grammar]

paridahyate me hṛdayaṃ paripṛcchati vācāya madhurāya so |
na śakyaṃ rāhulaśirisya svakasya putrasya nākhyātuṃ || 13 ||
[Analyze grammar]

kāmaṃ khu mahyaṃ kāyaṃ chindensuḥ suniśitena śastreṇa |
na śakyaṃ rāhulaśirisya svakasya putrasya nākhyātuṃ || 14 ||
[Analyze grammar]

kāmaṃ khu mahyaṃ kāyaṃ śākyā vaddhapaṭṭikāyaṃ pāṭensuḥ |
na śakyaṃ rāhulaśirisya svakasya putrasya nākhyātuṃ || 15 ||
[Analyze grammar]

kāmaṃ khu mahyaṃ kāyaṃ kahāpaṇamāsikaṃ pi cchindensuḥ |
na śakyaṃ rāhulaśirisya svakasya putrasya nākhyātuṃ || 16 ||
[Analyze grammar]

kāmaṃ khu mahyaṃ kāye śākyā api bilaśatāni pāṭensuḥ |
na śakyaṃ rāhulaśirisya svakasya putrasya nākhyātuṃ || 17 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
karṇikāraṃ va saṃkusumitaṃ suvarṇavarṇaṃ prasādaniyaṃ || 18 ||
[Analyze grammar]

yasyaiṣā śaṃkhavalā bhamukāntara ūrṇā dakṣiṇavartā |
eṣo te putra pitā yasyaiṣā prabhā ca niścarati || 19 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
kālānusārisadṛśaṃ pravāyaṃtaṃ śīlagaṃdhena || 20 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
himavāṃ va śailarājā pratiṣṭhitaṃ dhyāna catvāri || 21 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
nāga iva hemavanto abhyudgata āryasaṃghasya || 22 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
siṃha iva dāṭhi balī vilokayantaṃ daśadiśāsu || 23 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
ṛṣabho iva gogaṇasya parivāritam āryasaṃghena || 24 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
candro va pūrṇamāsī prabhāya lokaṃ virocayati || 25 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
sūryo va udayanto andhāna janeti obhāsaṃ || 26 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
śakro va devarājā puraskṛto devatāgaṇehi || 27 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
brahmā va brahmaloke udīrayati adbhutaṃ ghoṣaṃ || 28 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
sālavanaṃ va saṃkusumitaṃ dvātriṃśalakṣaṇarucirāṃgaḥ || 29 ||
[Analyze grammar]

eṣo te putra pitā yo nagaravaraṃ tvāṃ cāpi mamaṃ ca |
avahāya niṣkrānto anapekṣī jñātisaṃghasya || 30 ||
[Analyze grammar]

eṣo te putra pitā yaṃ paśyasi dūrato kanakavarṇaṃ |
śayane sukhaprasuptāṃ kaṇṭhakam abhiruhya niryāto || 31 ||
[Analyze grammar]

etasya devatā hi dvāraṃ vivarensu lokanāyakasya |
śabdaṃ cāntarahāye mā koci jano śruṇe śabdaṃ || 32 ||
[Analyze grammar]

so tatra mallaviṣaye āmantresi cchandakam āsīno |
cūḍā sā parigṛhītā āhara śuddhodanasakāśaṃ || 33 ||
[Analyze grammar]

ābharaṇā kaṇṭhakaṃ ca + + + upanāmaya pṛthivīpāle |
abhivādanaṃ ca brūhi mātuś ca mamaṃ narapatiṃ ca || 34 ||
[Analyze grammar]

anivartitaṃ gamiṣyaṃ kṛtasvakārthaś ca āgamiṣyāmi |
ohitabhāraviśalyo puṇyakṣetro bhave loke || 35 ||
[Analyze grammar]

ohitabhāraviśalyo kṛtasvakārtho jitakleśo jñāti |
gaṇaṃ anukampamāno iha āgato va kapilavastuṃ || 36 ||
[Analyze grammar]

manasā devānāṃ vacasā pārthivānāṃ |
acireṇāḍhyānāṃ karmaṇā daridrāṇām iti || 37 ||
[Analyze grammar]

kiṃkāraṇā vividhamālyabhūṣaṇā prathamayauvanadharīyo |
śṛṃgāṭake sthitāni bahūni pramadāsahasrāṇi || 38 ||
[Analyze grammar]

prāsādagarbhanilayā kumārikā + + + tadā āsi |
mṛgikā va tvaritatvaritā olokanakā nidhāvanti || 39 ||
[Analyze grammar]

śuddhodanaātmajasya putro buddhasya rāhulo nāma |
vijahiya + + + bhagavāṃ rājyaṃ cavahāya pravrajati || 40 ||
[Analyze grammar]

paṭahāni ca vīṇāyo vādenti varasvarā pramuṃcaṃti |
āhanyanti mṛdaṃgā na ciraṃ niryāsyati kumāro || 41 ||
[Analyze grammar]

vallakiparivādinīyo madhuraṃ gumugumunti koṇaparighaṭitā |
+ + + + + + + + + na ciraṃ niryāsyati kumāro || 42 ||
[Analyze grammar]

dvīpi-ajinehi vicitro sanandighoṣo ratho paricchannaḥ |
abhiruhya rathaṃ + + + abhimano kumāro bhiniṣkramati || 43 ||
[Analyze grammar]

kāmasvastyayanāni pāṇighaṭasahasrā amitayaśasya |
ninaṃdiṃsuḥ agrato rāhulasya abhiniṣkramantasya || 44 ||
[Analyze grammar]

ete aṃśukaśikharījātā śāṭakakambalakanivastā |
hastiskaṃdhavaragatā kumāra niryāntam anuyānti || 45 ||
[Analyze grammar]

ete aṃśukaśikharījātā śāṭakakambalakanivastā |
vicitrasumadhurabhaṇitā kumāra niryāntam anuyānti || 46 ||
[Analyze grammar]

rathayugyayānayojanaṃ samācitaṃ śiriye viya paśyanti |
punaḥ aśrupūrṇanayanā rājño antaḥpurikā duḥkhitā || 47 ||
[Analyze grammar]

vāraṇacakoranayano saṃprati nagaradvāram anuprāptaḥ |
indro va maruhi parivṛto antaḥpurikāhi lalitāhi || 48 ||
[Analyze grammar]

nyagrodhārāmaṃ gataṃ naruttamaṃ nāyakaṃ puruṣasiṃhaṃ |
upagamya kanakavarṇaṃ naruttamaṃ rāhulo pitaraṃ || 49 ||
[Analyze grammar]

vandati ca uttamayaśaṃ yaśaprāpto mṛdutalehi jālehi |
śīrṣaṃ parimārjate ca nararṣabho kuṃjaraputrasya || 50 ||
[Analyze grammar]

kiṃ rāhulabhadra phalitā niyamaprekṣā tvaṃ sakaruṇarūpaṃ |
vijahiya bhavāntako bhava sparṣehi nirvāṇaṃ || 51 ||
[Analyze grammar]

divi bhuvi ca viśrutayaśaṃ vinītagaṇaśrāvakaṃ vipulaprajñaṃ |
śrāvakayugaṃ daśabalo āmantraye karakandikaro || 52 ||
[Analyze grammar]

tīkṣṇā hi indriyāṇi ājñāsyati rāhulo imaṃ dharmaṃ |
pravrajatu kumāro so kṛtānukārī bhavatu mahyaṃ || 53 ||
[Analyze grammar]

kālajño śārisuto + + + lokanāyakaṃ avaci |
pravrājemi katham ahaṃ rāhulaśiri mānsajaṃ jinasya || 54 ||
[Analyze grammar]

lokam anukampamāno brahmasvaro nāyako samākhyāti |
yatha āryadharmavinaye pravrajyā kumārabhūtasya || 55 ||
[Analyze grammar]

vāmena grahetvā maudgalyāyano dakṣiṇena upatiṣyo |
pravrājetvā etaṃ tṛṇasaṃstarakaṃ upaviśensuḥ || 56 ||
[Analyze grammar]

so valayakāni suvarṇasūtraṃ ca yasya kāye oharati |
na bhūyo care duḥkhārtto ārttā smaranti daśabalasya || 57 ||
[Analyze grammar]

vāraṇacakoranayanaṃ mātā putraṃ viśālatāmrākṣaṃ |
utsaṃge sthāpayitvā imāhi gāthāhi adhyabhāṣi || 58 ||
[Analyze grammar]

uttamaprāvāradharo anulepanarāgavāsitaśarīraḥ |
duḥcarakaṃ srāmaṇyaṃ atyantasukhocitena tvayā || 59 ||
[Analyze grammar]

tāyīnāṃ pramuditavyaṃ colakakhaṇḍā varce khanitvāna |
ucchiṣṭaṃ bhoktavyaṃ api rāhula kumbhadāsīye || 60 ||
[Analyze grammar]

tuvaṃ suvarṇanūpuro + + + + + + + + + |
uttaptakāṃcanasabalo jñātī tuhyaṃ abhiramenti || 61 ||
[Analyze grammar]

kin tava putra araṇyena śrutvā tāsāṃ ghoṣaṃ vīṇānāṃ |
madhuramaṃjūghoṣāṇāṃ + + + + + + nakulakānāṃ || 62 ||
[Analyze grammar]

na dhāresi imasmiṃ prāvacane + + + + + + ehi putra |
pratigaccha parāṅmukhyo na hi sulabhaṃ acyutaṃ sthānaṃ || 63 ||
[Analyze grammar]

yadi mātaḥ kecid udghaṭitajñā mamāpi tatra gaṇayāhi |
aham api hi kleśamathano anugaṃsaṃ paitṛkaṃ mārgaṃ || 64 ||
[Analyze grammar]

niśiśāti nāpito khuraṃ rāhulo ca maṇicūḍaṃ muṃceti |
tadā abhimano + + + anusmaranto dvipadaśreṣṭhaṃ || 65 ||
[Analyze grammar]

dṛṣṭvā ca naṃ abhimanaṃ udyuktaṃ śāsane daśabalasya |
taṃ prāpuṇāhi kṣipraṃ sphṛśa nirvāṇaṃ sukhaṃ śāntaṃ || 66 ||
[Analyze grammar]

ye te putraka dharmā jātiṃ ca jarāṃ ca vītivartenti |
tāṃ prāpuṇāhi kṣipraṃ iti rāhulaṃ api so avaca || 67 ||
[Analyze grammar]

tāṃ śirasijasallekhāṃ āvallitanīlakaṇṭhasahavarṇāṃ |
utsaṃgena grahetvāna mātāsya praticchupati keśāṃ || 68 ||
[Analyze grammar]

sā aśrupūrṇanayanā yaśodharā dharmavegasaṃjātaṃ |
putraṃ svaṃ rāhulaśiriṃ apagatakeśaśiraṃ dṛṣṭvāna || 69 ||
[Analyze grammar]

taṃ apagatagṛhiliṃgaṃ drumaraktaṃ kāṣāyaprāvṛtakaṃ |
maudgalyānupatiṣyā pravrājayi rāhulakumāraṃ || 70 ||
[Analyze grammar]

sa pravrajito tato vai putro dvātriṃśallakṣadharasya |
viharati śikṣākāmo upatiṣyaṃ niśrāya sthaviraṃ || 71 ||
[Analyze grammar]

evaṃ tvayi pratirūpaṃ yo tvaṃ śraddhāya pravrajitvāna |
kāmaguṇeṣv anapekṣo carase aliptamano + + + || 72 ||
[Analyze grammar]

śālīnamodanaṃ śuci anekasūparasavyaṃjanopetaṃ |
bhuṃjitva śākiyakule piṇḍāye rāhulo carati || 73 ||
[Analyze grammar]

tamatimirapaṭalamathanaṃ putraṃ buddhasya rāhulaṃ nāma |
sarvāśravaprahīnaṃ vandatha śirasā ca manasā ca || 74 ||
[Analyze grammar]