Chapter 13

tataḥ sthaviraḥ kāśyapaḥ kātyāyanam athābravīt |
kiṃ cittaṃ bodhisatvānāṃ paṃcamāyāṃ vipaścitāṃ || 1 ||
[Analyze grammar]

alpāsvādanibaddho 'yaṃ lokāvarto 'tidāruṇaḥ |
+ + + + + + + + + + + + + + + + + + jāyate || 2 ||
[Analyze grammar]

tataḥ sthaviraḥ kātyāyanaḥ mahākāśyapam athābravīt |
śrūyatāṃ lokanāthānāṃ kṣetraṃ tatvārthaniśritaṃ || 3 ||
[Analyze grammar]

upakṣetraṃ ca vakṣyāmi teṣāṃ paramavādināṃ |
tāni niśamya vākyāni śāsanaṃ ca naravara || 4 ||
[Analyze grammar]

ekaṣaṣṭiṃ trisahasrāṇi buddhakṣetraṃ parīkṣitaṃ |
ato caturguṇaṃ jñeyam upakṣetraṃ tathāvidhaṃ || 5 ||
[Analyze grammar]

kiṃcit eva bhavati apariśūnyaṃ kṣetram apratimarūpadharehi |
kṣetrakoṭinayutāni bahūni śūnyakāni puruṣapravarehi || 6 ||
[Analyze grammar]

durlabho hi varalakṣaṇadhārī dīrghakālasamudāgatabuddhī |
sarvadharmakuśalo atitejaḥ sarvasatvasukhatādharasatvo iti || 7 ||
[Analyze grammar]

yat kāryaṃ naranāgena buddhakarma suduḥkaraṃ |
tat sarvaṃ paripūreti eṣā buddhāna dharmatā || 8 ||
[Analyze grammar]

asamartho yadi siyād buddhadharmeṣu cakṣumāṃ |
tato duve mahātmānau utpadyete tathāgatau || 9 ||
[Analyze grammar]

taṃ cāsamarthasadbhāvaṃ varjayanti maharṣiṇāṃ |
tasmāt duve na jāyante ekakṣetre nararṣabhau || 10 ||
[Analyze grammar]

na jātu sāvaśeṣeṣu buddhadharmeṣu śruyyate |
nirvṛtāḥ puruṣaśreṣṭhā atītādhve jinātmajā || 11 ||
[Analyze grammar]

anāgatā atikrāntā saṃbuddhā ye ca sāṃprataṃ |
kṛtena buddhadharmeṇa nirvāyanti narottamā iti || 12 ||
[Analyze grammar]

purastime diśo bhāge buddhakṣetraṃ sunirmitaṃ |
tatra mṛgapatiskandho nāmena jinapuṅgavaḥ || 13 ||
[Analyze grammar]

purastime diśo bhāge buddhakṣetraṃ kṛtāgadaṃ |
tatra siṃhahanur nāma jino dvātriṃśalakṣaṇaḥ || 14 ||
[Analyze grammar]

purastime diśo bhāge buddhakṣetraṃ vibhūṣitaṃ |
tatra lokagurur nāma sarvadarśī mahāmuniḥ || 15 ||
[Analyze grammar]

purastime diśo bhāge buddhakṣetram akaṇṭhakaṃ |
tatra jñānadhvajo nāma śāstā śāsati prāṇināṃ || 16 ||
[Analyze grammar]

purastime diśo bhāge buddhakṣetram avekṣitaṃ |
tatra kanakabimbābho jino nāmena sundaraḥ || 17 ||
[Analyze grammar]

dakṣiṇasmiṃ diśo bhāge buddhakṣetraṃ drumadhvajaṃ |
tatra anihato nāma saṃbuddho devananditaḥ || 18 ||
[Analyze grammar]

dakṣiṇasmiṃ diśo bhāge buddhakṣetraṃ manoramaṃ |
tatra nāmena saṃbuddho cārunetro mahāmuniḥ || 19 ||
[Analyze grammar]

dakṣiṇasmiṃ diśo bhāge buddhakṣetram akardamaṃ |
tatra nāmena saṃbuddho mālādhārī vināyakaḥ || 20 ||
[Analyze grammar]

paścimasmiṃ diśo bhāge buddhakṣetram avigrahaṃ |
tatra nāmena saṃbuddho ambaro bhavasūdanaḥ || 21 ||
[Analyze grammar]

uttarasmiṃ diśo bhāge buddhakṣetraṃ manoramaṃ |
tatra nāmena saṃbuddho pūrṇacandro vidhiśrutaḥ || 22 ||
[Analyze grammar]

heṣṭimasmiṃ diśo bhāge buddhakṣetraṃ suniṣṭhitaṃ |
tatra nāmena saṃbuddho dṛḍhabāhus tathāgataḥ || 23 ||
[Analyze grammar]

upariṣṭā diśo bhāge buddhakṣetram anuddhṛtaṃ |
tatra buddho mahābhāgo nāmena arisūdanaḥ || 24 ||
[Analyze grammar]

buddhakṣetrasahasrāṇi anekāni ataḥ paraṃ |
buddhakṣetrasahasrāṇāṃ koṭī na prajñāyate 'parā || 25 ||
[Analyze grammar]

buddhakṣetrāṇāṃ śūnyānāṃ koṭī na prajñāyate 'ntarā |
lokadhātūsahasrāṇāṃ koṭī na prajñāyate 'ntarā || 26 ||
[Analyze grammar]

yathā saṃsāracakrasya pūrvā koṭī na prajñāyate |
tathāiva lokadhātūnāṃ pūrvā koṭī na prajñāyate || 27 ||
[Analyze grammar]

atikrāntānāṃ buddhānāṃ pūrvā koṭī na prajñāyate |
praṇidhentāna bodhāya pūrvā koṭī na prajñāyate || 28 ||
[Analyze grammar]

avaivartikadharmāṇāṃ pūrvā koṭī na prajñāyate |
abhiṣekabhūmiprāptānāṃ pūrvā koṭī na prajñāyate || 29 ||
[Analyze grammar]

tuṣiteṣu vasantānāṃ pūrvā koṭī na prajñāyate |
tuṣitebhyaś cyavantānāṃ pūrvā koṭī na prajñāyate || 30 ||
[Analyze grammar]

mātu kukṣau śayantānāṃ pūrvā koṭī na prajñāyate |
sthitānāṃ mātuḥ kukṣau tu pūrvā koṭī na prajñāyate || 31 ||
[Analyze grammar]

jāyamānānāṃ vīrāṇāṃ pūrvā koṭī na prajñāyate |
jātānāṃ lokanāthānāṃ pūrvā koṭī na prajñāyate || 32 ||
[Analyze grammar]

aṅkeṣu gṛhyamāṇānāṃ pūrvā koṭī na prajñāyate |
pādāni vikramantānāṃ pūrvā koṭī na prajñāyate || 33 ||
[Analyze grammar]

mahāhāsaṃ hasantānāṃ pūrvā koṭī na prajñāyate |
diśāṃ vilokayantānāṃ pūrvā koṭī na prajñāyate || 34 ||
[Analyze grammar]

aṅkena dhāriyantānāṃ pūrvā koṭī na prajñāyate |
upanīyamānānāṃ gandharvaiḥ pūrvā koṭī na prajñāyate || 35 ||
[Analyze grammar]

pūrebhyo niṣkramantānāṃ pūrvā koṭī na prajñāyate |
bodhimūlam upentānāṃ pūrvā koṭī na prajñāyate || 36 ||
[Analyze grammar]

prāpnuvantānāṃ tathāgatajñānaṃ pūrvā koṭī na prajñāyate |
dharmacakraṃ pravartentānāṃ pūrvā koṭī na prajñāyate || 37 ||
[Analyze grammar]

satvakoṭī vinentānāṃ pūrvā koṭī na prajñāyate |
siṃhanādaṃ nadantānāṃ pūrvā koṭī na prajñāyate || 38 ||
[Analyze grammar]

āyuḥsaṃskāraṃ utsṛjantānāṃ pūrvā koṭī na prajñāyate |
nirvāyantānāṃ vīrāṇāṃ pūrvā koṭī na prajñāyate || 39 ||
[Analyze grammar]

nirvṛtānāṃ śayantānāṃ pūrvā koṭī na prajñāyate |
dhyāpiyantānāṃ vīrāṇāṃ pūrvā koṭī na prajñāyate || 40 ||
[Analyze grammar]

evam etaṃ yathābhūtaṃ śāstupūgaṃ vijānatha |
kvacit kvacit ca saṃbuddho buddhakṣetreṣu dṛśyate || 41 ||
[Analyze grammar]

samanantarasaṃpūraṃ śūnyaṃ bhavatu sarvadā |
apratiṣṭham anālambanaṃ niviṣṭaṃ bhavatu sarvadā || 42 ||
[Analyze grammar]

yattikā pṛthivīdhātu satvā bahutarakā ato |
pṛthagjanā khu nirdiṣṭā tena paramadarśinā || 43 ||
[Analyze grammar]

śṛṇvatāṃ puruṣavarasya śāsanaṃ bahunāṃ kutaḥ |
paryanto bheṣyati satvānām iti uktaṃ maharṣiṇeti || 44 ||
[Analyze grammar]

evaṃ eṣā ṣaṣṭhī bhūmir bhavati teṣāṃ guṇavarāṇāṃ |
hariṇapatīnāṃ hitāna maharṣiṇāṃ bodhisatvānām iti || 45 ||
[Analyze grammar]