Chapter 14

ātmadamathe pravartayate cittaṃ paramamahājanahitāna |
yat saptamāṃ bhūmi saṃkramanti tathā bhūmiṣu tatsandhicittam iti || 1 ||
[Analyze grammar]

dehi apratimāṃ devīṃ mama bhāryā bhaviṣyatīti |
atha na dāsi yuddhaṃ te sajjaṃ sajjaya vāhanaṃ || 2 ||
[Analyze grammar]

yat te vyavasitaṃ rāja tad anupreṣayasva me |
atha nānupreṣayasi me sarājyo vasam eṣyasi || 3 ||
[Analyze grammar]

evaṃ śrutvā kuśo rājā bhāriyām idam abravīt |
śṛṇohi devi jaṭharasya vacanaṃ brūhi niścayaṃ || 4 ||
[Analyze grammar]

bhadra vata ahaṃ chedye ahaṃ bhedye narādhipa |
tvayā anatiriccāpi śastrehi pāramiṃ gatā || 5 ||
[Analyze grammar]

jaṭharasya śiraṃ rāja paśya samakūṭaṃ mayā |
chinnaṃ rudhirasaṃklinnaṃ tava pādeṣu veṣṭatu || 6 ||
[Analyze grammar]

mayā tu jantunā tyaktaḥ sonāhārīkṛtaṃ śaraḥ |
jaṭharasya bhittvā svadehaṃ bhūyo bhetsyati medinīṃ || 7 ||
[Analyze grammar]

aśvapṛṣṭhe rathe skandhe vāraṇasya kṛtaṃ mayā |
yodhanaravarāgre ca jaṭharasyāntaṃ kṛtaṃ mahaṃ || 8 ||
[Analyze grammar]

ahaṃ mantre ahaṃ sandhyā ahaṃ vacanakartṛme |
aghātyam api ghātaye hetubhiḥ kāraṇaiḥ tathā || 9 ||
[Analyze grammar]

dvābhyāṃś ca parimokṣeyaṃ aham eva niropama |
mama māyā hy asaṃkhyeyā lokaḥ tṛṇamayo mama || 10 ||
[Analyze grammar]

gandhamālyadharo rājā prāsādatalagocaraḥ |
strīsahasrāṃkam āsṛtya yathā ca nirutsuko siyā iti || 11 ||
[Analyze grammar]

yāṃ puṣpitāṃ vanalatāṃ bhramarāḥ pibanti puṣpāgame kusumareṇuvicitrapakṣā |
naiva tvayā kupuruṣa śrutapūrvarūpaṃ nātrāpare madhukarāḥ praṇayaṃ karonti || 12 ||
[Analyze grammar]

yāṃ padminīṃ vanagajo aruhe kadācit paṃke jalapralulitāṃ madanāturāṅgaḥ |
naiva tvayā kupuruṣa śrutapūrvarūpaṃ nātrāpare vanagajāḥ praṇayaṃ karonti || 13 ||
[Analyze grammar]

yā bhūmipālamahitasya ure vitīrṇā muktākalāpa iva saṃramate niśāyāṃ |
kamalāṃ tuvaṃ vyavasito anavadyagātrīṃ prāptuṃ mahītalagato iva pūrṇacandram iti || 14 ||
[Analyze grammar]

abhayaṃ dadāhi devī kāpuruṣasya śaraṇaṃ upagatasya |
tasya kṛtāṃjalipuṭasya yāvaṃ eṣu hi satāṃ dharma iti || 15 ||
[Analyze grammar]

yo pi tuvaṃ mama prāpyo bhasmīkartuṃ svatejasā |
bhraṣṭamantrasya te demi abhayaṃ jīva me ciram iti || 16 ||
[Analyze grammar]

viṣaliptena viddho 'haṃ śareṇa marmaghātinā |
adyaivaṃ na bhavet tasya bhītasya nāsti te bhayam iti || 17 ||
[Analyze grammar]

anuvātaṃ mayā muktaḥ dhūmo deśaṃ vināśayet |
deśikaṃ saha caurebhyaḥ anujānāmi jīvitam iti || 18 ||
[Analyze grammar]

hantāsyā āmapātreṇa śastraṃ kāyena pātayet |
abhayan te ahaṃ demi tac ca sthānaṃ yathāpuram iti || 19 ||
[Analyze grammar]

na śakyaṃ gaganasya antaṃ gantuṃ sarvavihaṃgamaiḥ |
na śakyaṃ sarvasatvehi guṇā jñātuṃ svayambhuvām iti || 20 ||
[Analyze grammar]

lokasya arthaviduṣaḥ puruṣapradhānāḥ saṃsāram apratisamāḥ parivartamānāḥ |
śreyaś caranti marumānuṣaguhyakānāṃ paramo hi samudāgama īśvarāṇām iti || 21 ||
[Analyze grammar]