Chapter 12

śākyamuni nāma jinavaro abhūṣi vaśibhūtakoṭiparivāro |
vyāmaprabho girighano kanakagirinibho nihataśatruḥ || 1 ||
[Analyze grammar]

ṣaḍvarṣasahasrāṇi āyuḥ puruṣottamasya tatkālaṃ |
nāmaṃ tasya yaśavrato abhūṣi atisundaro buddho || 2 ||
[Analyze grammar]

gotreṇa gautamo 'sau ayaṃ ca bhagavān tadāsi śreṣṭhisuto |
yvāgūdānaṃ datvā buddhapramukhe kṛtā praṇidhiḥ || 3 ||
[Analyze grammar]

yaṃ maye kuśalam upacitaṃ saṃśliṣya saṃghe arhante dattvā |
tena paramārthadarśī bhaveyam akhilaṃ mamaṃ puṇyaṃ || 4 ||
[Analyze grammar]

antim' avataraṇagāmī sundaro sudarśano nāma narasiṃhaḥ |
bhāradvājasagotro prabhā ca daśayojanā tasya || 5 ||
[Analyze grammar]

vaśibhūtānāṃ koṭī parivāro tasya satvasārasya |
daśavarṣasahasrāṇi āyuḥ tada māradamakasya || 6 ||
[Analyze grammar]

rājā ca cakravartī abhūṣi dharaṇīṃdharo ti nāmena |
so taṃ jinaṃ sudarśanaṃ saśiṣyasaṃghaṃ idam uvāca || 7 ||
[Analyze grammar]

sarvaṃ hitopadhānaṃ ahaṃ ti demi iti paṇḍito avacī |
evaṃ ca bhaveyam ahaṃ praṇidhesi paraṃ praṇidhi rājā || 8 ||
[Analyze grammar]

jarāmaraṇasya sāgaragatāṃ alīno janatāṃ tāreyyaṃ |
anupahatakuśalamūlo abhūṣi bhagavāṃ nareśvaro nāma |
gotreṇa ca vāsiṣṭho ābhā daśayojanā tasya || 9 ||
[Analyze grammar]

vaśibhūtānāṃ koṭī parivāro tasya dvādaśa āsi |
nava ca varṣasaharāṇi manujāna tadā abhūṣy āyuḥ || 10 ||
[Analyze grammar]

rājā ca cakravartī abhūṣi aparājito ti nāmena |
so daśabalaṃ narendraṃ prasannacitto idam uvāca || 11 ||
[Analyze grammar]

saptaratanāṅgacitrā imāṃ anekaratanasampattīyo |
śīti catur uttarā tava vibhū vihārān ahaṃ demi || 12 ||
[Analyze grammar]

so taṃ dānaṃ dattvā tasmiṃ nareśvarake anupraṇidhiṃ |
praṇidhesi evaṃ bhaveyam adhigaccheyaṃ jinabalāni || 13 ||
[Analyze grammar]

vijayo nāma amātyo abhūṣi pūrvaṃ jinaḥ suprabho nāma |
gotreṇa kāśyapo 'sau prabhā ca daśayojanā tasya || 14 ||
[Analyze grammar]

tasya ca śiṣyasaṃgho aṣṭādaśa koṭī dhutarajānāṃ |
viṃśan narāṇa āyuḥ varṣasahasrāṇi tatkālaṃ || 15 ||
[Analyze grammar]

so vandya jinavaraṃ taṃ vijayo nimantrayī bhavanirghātiṃ |
adhivāsayati daśabalo atha vijayo harṣito āsi || 16 ||
[Analyze grammar]

agreṇa praṇītena ca adhigatasvādena bhakṣyabhojyena |
saṃntarpayitvānugataṃ praṇidhesi tadā anupraṇidhiṃ || 17 ||
[Analyze grammar]

so 'ham api bhaveyam evaṃ naravaramahito naramaruṇa hitakaro|
tenāpi nāyakavaro daśabalo bhave vādiśārdūlo || 18 ||
[Analyze grammar]

āsīt pūrvaṃ buddhas tathāgato ratanaparvato nāma |
gotreṇa gautamo 'sau prabhā ca daśayojanā tasya || 19 ||
[Analyze grammar]

triṃśat manuṣyakoṭyo parivāro āsi dāntacittānāṃ |
varṣasahasrāṇi viṃśaṃ āyuḥ tadāsi manuṣyāṇāṃ || 20 ||
[Analyze grammar]

rājā ca cakravartī abhūṣi tatkālam acyuto nāma |
jinakramāṇi nipīḍiya idam avaci varaṃ naramarūṇāṃ || 21 ||
[Analyze grammar]

prāsādasahasrāṇi mahyaṃ naranāgā caturaśītiṃ |
tāni samalaṃkṛtāni saśiṣyasaṃghasya ahaṃ demi || 22 ||
[Analyze grammar]

adhivāsanāṃ viditvā rājā + + + + + + prītamano |
anupraṇidhiṃ praṇidhesi purato varalakṣaṇadharasya || 23 ||
[Analyze grammar]

kuśalena anena ahaṃ kuśalopacitavarāṇāṃ caritānāṃ |
durantakavīryakarmo bhaveya nātho anāthānāṃ || 24 ||
[Analyze grammar]

gaganatalavimalacitto saṃbuddho kanakaparvato nāma |
abhūṣi naratāmahito kauṇḍinyo nāma gotreṇa || 25 ||
[Analyze grammar]

tasya śubhakarmajātā śarīraprabhā abhū yojanāni ṣaṭ |
paṃca vaśībhūtānāṃ koṭīyo ca parivāro 'sya || 26 ||
[Analyze grammar]

daśa ṣaḍvarṣā āyuṃ tadā abhūṣi manujānāṃ ca caturdaśa sahasrāṇi |
varṣāṇāṃ saptatriṃśa varṣasahasrāṇi ityeva || 27 ||
[Analyze grammar]

āsi tada cakravartī rājā priyadarśano ti nāmena |
saptaratanadyutīmān caturdvīpaḥ pṛthivipālo || 28 ||
[Analyze grammar]

so kanakavarṇaparvataṃ saṃbuddhaṃ kramavareṣu nipatitvā |
yācati sāmātyagaṇo muktāhārāntapuro prāha || 29 ||
[Analyze grammar]

mama nagaranigamabharitaṃ rājyaṃ caturo mahādhanadvīpāḥ |
tān tava dadāmi vīrā saśiṣyasaṃghasya nirapekṣaḥ || 30 ||
[Analyze grammar]

yad bhojanaṃ ṛṣīṇāṃ yad vastraṃ yā ca oṣadhividhīyo |
yāni śayanāsanāni ca prāsādavare tathā yeva || 31 ||
[Analyze grammar]

niḥsṛṣṭam eva sarvaṃ paribhojyaṃ yasya dvādaśākāraṃ |
mama pravararūpadhāri anukampārthaṃ kuruhi karuṇāṃ || 32 ||
[Analyze grammar]

etad dattvā dānaṃ so pārthivalambako anupraṇidhiṃ |
praṇidhesi prītimānaso purato saṃpūrṇakuśalasya || 33 ||
[Analyze grammar]

paramārthaṃ śūkṣmadarśi vaiśāradyavarapāramiprāptaḥ |
tenāhaṃ nāyakavaro bhaveya sarvopadhikṣayakaro || 34 ||
[Analyze grammar]

dvātriṃśalakṣaṇadharo bhagavān nāmena puṣpadanto ti |
abhūt paramārthadarśi vatso gotreṇa saṃbuddho || 35 ||
[Analyze grammar]

tasyāpi yojanāni nava śarīraprabhā jinapravarasya |
vaśibhūtakoṭiyo catustriṃśad daśabale samanubaddhāḥ || 36 ||
[Analyze grammar]

paṃcāśaṃ ca abhūṣi varṣasahasrāṇi āyuḥparimāṇaṃ |
manujāna evaṃ na vimati kāryā tatropadeśasmiṃ || 37 ||
[Analyze grammar]

pārthivo caiva narapatī taṃ kālaṃ āsi durjayo nāma |
apagamya puṣpadantaṃ vandati pādāṃ saparivāraḥ || 38 ||
[Analyze grammar]

kṛtakarapuṭo prasannaḥ naraprabho puṣpadantam idam āha |
adhivāsayatu me daśabalo saptāhaṃ bhojanavidhānaṃ || 39 ||
[Analyze grammar]

adhivāsanaṃ viditvā rājāsya durjayarddhi bala eva |
chādayati medinitalaṃ suvarṇapaṭṭehi rucirehi || 40 ||
[Analyze grammar]

tatra ratanāmayāni vinikṣipati āsanāni citrāṇi |
bhojanavidhiṃ ca citrāṃ sthāpayati sugandhipratyagrāṃ || 41 ||
[Analyze grammar]

saptaratanāmayāni chatrāṇi naramarūṇāṃ aṣṭaśataṃ |
dhārenti bhūṣaṇadharā citrābharaṇadhāriṇo puruṣā || 42 ||
[Analyze grammar]

evaṃ ekaikasya vaśibhūtasya dhārenti hṛdimano |
chatraratanaṃ vicitraṃ śaśiśaṃkhatalopamaṃ vimalaṃ || 43 ||
[Analyze grammar]

santarpayitva rājā saparivāraṃ puṣpasāhvayaṃ sugataṃ |
atha manasā praṇidheti tadā va so taṃ anupraṇidhiṃ || 44 ||
[Analyze grammar]

tvam iva-m-ahaṃ saṃbuddho dharmaṃ prakāśayeya naramarūṇāṃ |
dvātriṃśallakṣaṇadharo nāmena lalitavikramo saṃbuddho |
āsi bhagavāṃ bhavanudo vāsiṣṭhagotro dhutakileśo || 45 ||
[Analyze grammar]

tasya ca svaśarīrajātā prabhā abhū yojanāni triṃśa duve |
vaśibhūtakoṭiyo ca triṃśa naravarasya parivāro || 46 ||
[Analyze grammar]

āyuṃ tadā narāṇāṃ varṣasahasrāṇi āsi caturaśītiṃ |
rājā ca tadā āsī caturaṃgabalo priyo manāpo || 47 ||
[Analyze grammar]

prāsādakoṭiyo ca catvāriṃśaṃ anekaratanānāṃ |
kārayati bhūmipālo pravaraṃ ekaṃ ca prāsādaṃ || 48 ||
[Analyze grammar]

śayyāsanaṃ ca vipulaṃ kārayate pārthivo nirupavadyaṃ |
bhojanagilānapraccayam ṛṣiyogyaṃ sanniveśeti || 49 ||
[Analyze grammar]

bhagavato niryātitvā saśiṣyasaṃghasya so anupraṇidhiṃ |
praṇidheti hṛṣṭacitto rājā purato daśabalasya || 50 ||
[Analyze grammar]

durlabhasadṛśo asamaḥ daśabalo ca jarāmaraṇavimatimathano |
bhaveyaṃ śreṣṭho naramaruṇāṃ kugaṇīgaṇavacanamathano || 51 ||
[Analyze grammar]

dvātriṃśalakṣaṇadharo bhagavāṃ āsī mahāyaśo nāma |
gotreṇa kāśyapo so vistīrṇayaśo amitakīrtiḥ || 52 ||
[Analyze grammar]

śarīrabhāsā tasya paṃcāśaṃ yojanāni puṇyavato |
vaśibhūtakoṭiyo ca tasyāsī paṃcapaṃcāśaṃ || 53 ||
[Analyze grammar]

varṣasahasrāṇi tadā caturaśītiṃ āyuḥparimāṇaṃ |
āsi tadā manujānāṃ caturguṇa eṣa caturaśīti || 54 ||
[Analyze grammar]

rājā tadā abhūṣī nāmena so mṛgapatisvaro nāma |
cāturdvīpādhipatir vipulabalavaro ajitacakro || 55 ||
[Analyze grammar]

so ratnaskandhaśākhāṃ vanakhaṇḍāṃ yojanāni ṣaṇṇavati |
kārāpayi bhūmipati pravarāṃ varavastrasaṃchannāṃ || 56 ||
[Analyze grammar]

vaiḍūryamaṇitalāṃ ca kṛtvāna vasudhāṃ vibhūṣaṇavicitrāṃ |
aguruvaradhūpagandhāṃ sugandhapuṣpāvakīrṇatalāṃ || 57 ||
[Analyze grammar]

taṃ tatra vādisiṃhaṃ ṛṣabhaṃ so bhojanena saptāhaṃ |
tarpayati bhūmipālo prasannacitto praṇītena || 58 ||
[Analyze grammar]

taṃ suravaravana-upamaṃ tato vanaṃ tasya satvasārasya |
niryātayati prasanno divāvihāraṃ daśabalasya || 59 ||
[Analyze grammar]

dattvā sa rājā + + + mahāyaśasya saśiṣyasaṃghasya |
rājā udagracitto praṇidheti tadā anupraṇidhiṃ || 60 ||
[Analyze grammar]

bahujanamahito svayaṃbhu ananyaneyo bhaveya sarvajño |
kuśalena hi me tena tathāgatabalo vibhū bhomi || 61 ||
[Analyze grammar]

vipulabalapuṇyakośo nayānayajño jino ratanacūḍo |
āsi abhinīlanetro nirupamaguṇasaṃcayo dhīro || 62 ||
[Analyze grammar]

tasya ca prabhā śarīre yojanaśatavistarā samantena |
bhāradvājasagotro sa sarvadarśī tadā āsi || 63 ||
[Analyze grammar]

tasya saṃgho āsī navanavati koṭiyī dhūtarajānāṃ |
varṣāṇāṃ ca sahasrāṇi caturāśītiṃ tadā āyuṃ || 64 ||
[Analyze grammar]

rājā tada cakravarti abhūṣi cāturdvīpo mahisthāmo |
nāmena maṇiviṣāṇo śāsati dharmeṇa yo janatāṃ || 65 ||
[Analyze grammar]

dvānavati koṭinayutāṃ prāsādānām anekarūpāṇāṃ |
kārayati bhūmipālo taṃ ratanajinaṃ samuddiśya || 66 ||
[Analyze grammar]

so pravarakāñcananibhaṃ naramarugaṇasatkṛtaṃ ratanacūḍaṃ |
bhojayati saparivāraṃ varṣāṇi daśa aviśrāmaṃ || 67 ||
[Analyze grammar]

prathamadivasaṃ ca sugataṃ bhojetvā sārdhaṃ śiṣyasaṃghena |
niryāteti naravaro prāsādavarāṃ guṇadharasya || 68 ||
[Analyze grammar]

so taṃ dānaṃ datvā tasya mahāpudgalasya rājavaro |
anupraṇidheti praṇidhiṃ prasannacitto jinasakāśaṃ || 69 ||
[Analyze grammar]

ucchinnamohajālo prasannacitto asaṃgapratibhāno |
tāreyya sarvajanatāṃ saṃsāramahārṇave patitāṃ || 70 ||
[Analyze grammar]

evam eva aprameyā paṃcamyāṃ bhūmiyāṃ puruṣasiṃhāḥ |
pratyekajinā tathāpi śaikṣāśaikṣā ca jinaputrāḥ || 71 ||
[Analyze grammar]

saṃpūjitā bhagavatā ime tathānye tathāgatāḥ sarve |
samupacita kuśalamūlaṃ arthe jagatasya sarvasya || 72 ||
[Analyze grammar]

ity eṣā paṃcamī bhūmī vyākṛtā saṃnidarśitā |
teṣāṃ bahuvidhapuṇyānāṃ bodhisatvāna māriṣa iti || 73 ||
[Analyze grammar]