Chapter 129

[English text for this chapter is available]

vasiṣṭha uvāca |
śrūyatāṃ ye piśācāśca mocitāstena tadvane |
āsīdrājā citranāmā drāviḍe viṣaye purā || 1 ||
[Analyze grammar]

somānvaye mahāvīraḥ śūraḥ śastrāstrapāragaḥ |
gajavājirathaughaiśca saṃpanno vikramī sadā || 2 ||
[Analyze grammar]

svarṇairnānāvidhai ratnaiḥ pūrṇakośo mahādhanaḥ |
madhye nārīsahasrasya sadā krīḍati tatparaḥ || 3 ||
[Analyze grammar]

straiṇaḥ kāmī sadā lubdhaścaṃḍakopaḥ sa pārthivaḥ |
na karoti vaco dharmyaṃ sacivaiḥ samudīritam || 4 ||
[Analyze grammar]

viṣṇuṃ niṃdati so'tyarthaṃ vaiṣṇavāndveṣṭi sarvadā |
ko'sau viṣṇuḥ kva dṛṣṭo'sau kva cāste kena kīrtyate || 5 ||
[Analyze grammar]

itthaṃ na sahate viṣṇuṃ sa rājā daivamohitaḥ |
nārāyaṇaṃ bhajaṃte ye tānpīḍayati kopitaḥ || 6 ||
[Analyze grammar]

na brāhmaṇānna vedāṃśca vaidikaṃ karma na vratam |
na dānaṃ manyate dātuṃ pākhaṃḍasthitisaṃsthitaḥ || 7 ||
[Analyze grammar]

anītyā caṃḍadaṃḍaiśca prajāpīḍāṃ karoti saḥ |
niṣṭhuro nirdayaḥ krūraḥ puṇyakāryaparāṅmukhaḥ || 8 ||
[Analyze grammar]

cyutācāro'cyutadveṣṭā cyutāgniśca cyutakriyaḥ |
so'nuśāsti janaṃ bhūpaḥ kālarūpa ivāparaḥ || 9 ||
[Analyze grammar]

tato bahutithe kāle sa rājā paṃcatāṃ gataḥ |
vaidikena vidhānena lebhe naivordhva daihikam || 10 ||
[Analyze grammar]

atha kiṃkarayūthena pīḍyamāno bhṛśaṃ tadā |
ayaḥkīlamaye mārge taptasiktā prapūrite || 11 ||
[Analyze grammar]

caṃḍārkaraśmisaṃtapte vṛkṣacchāyāvivarjite |
taptāṃgāraprakīrṇe ca vahnijvālāsamākule || 12 ||
[Analyze grammar]

lohatuṃḍaiśca kākolairhanyamānaḥ sudāruṇaiḥ |
vṛkairdaṃṣṭrākarālaiśca śvabhirghoraiśca bhakṣitaḥ || 13 ||
[Analyze grammar]

śṛṇvankraṃditamanyeṣāṃ nṛṇāṃ kilbiṣakāriṇām |
jagāma pārthivo lokamaṃtakasya bhayāvaham || 14 ||
[Analyze grammar]

śṛṇu bhūpagatiṃ tasya tasmiṃlloke suduḥsahām |
nirayānnirayaṃ yātaḥ paryāyeṇa sa bhūpatiḥ || 15 ||
[Analyze grammar]

ādau prayātastāmisre dāruṇe bhūriduḥkhade |
punaścaivāṃdhatāmisre yatra duḥkhaṃ niraṃtaram || 16 ||
[Analyze grammar]

gato'naṃtaramatyugraṃ mahārauravarauravam |
narakaṃ kālasūtraṃ ca mahānarakameva ca || 17 ||
[Analyze grammar]

paścānmagnaḥ sa bhūpālo dustare duḥkhamūrchitaḥ |
saṃjīvane mahāvīcau tāpane saṃpratāpane || 18 ||
[Analyze grammar]

pratāpanarakaṃ rājā duḥkhāgnipluṣṭamānasaḥ |
saṃpātaṃ ca sa kākolaṃ kuḍmalaṃ pūtimṛttikam || 19 ||
[Analyze grammar]

lohaśaṃkuṃ mṛgīyaṃtraṃ paṃthānaṃ śālmalinadīm |
praviṣṭo'tha mahābhīmaṃ durdarśaṃ durgamaṃ punaḥ || 20 ||
[Analyze grammar]

asipatravanaṃ caiva lohacārakameva ca |
evameteṣu sarveṣu patitvā pāpakṛnnṛpaḥ || 21 ||
[Analyze grammar]

aviṃdannarake ghore saṃtāpaṃ yātanāmayam |
viṣṇupradveṣaghoṣeṇa yugānāmekaviṃśatiḥ || 22 ||
[Analyze grammar]

bhuktvā ca yātanāṃ yāmyāṃ nistīrṇanarako nṛpaḥ |
samayādgirirāje tu piśāco'bhūttadā mahān || 23 ||
[Analyze grammar]

sa bhrāmyati diśaḥ sarvā vane tasminbubhukṣitaḥ |
na paśyatyaśanaṃ toyaṃ merāvapi sadā girau || 24 ||
[Analyze grammar]

kadācitparyaṭanso'tha piśācaḥ śokapīḍitaḥ |
plakṣaprasravaṇāraṇyaṃ praviṣṭo bhāvisatphalam || 25 ||
[Analyze grammar]

bibhītakatarucchāyāṃ samāśritya suduḥkhitaḥ |
hā hato'smīti cākraṃdadghoramuccaiḥ punaḥ punaḥ || 26 ||
[Analyze grammar]

kṣruttṛḍbhyāṃ muhyamānasya sarvabhūtadruho mama |
janmanosya duraṃtasya kathamaṃto bhaviṣyati || 27 ||
[Analyze grammar]

ādau pāpasamudre'sminduḥkhakallolamālinī |
karāvalaṃbanaṃ kodya nimagnasya pradāsyati || 28 ||
[Analyze grammar]

itthaṃ tasya piśācasya rodanaṃ dīnacetasaḥ |
devadyutiradhīyānaḥ śuśrāva karuṇāmayam || 29 ||
[Analyze grammar]

samāgamya tatastatra taṃ piśācaṃ dadarśa saḥ |
vikarālamukhaṃ bhīmaṃ piśaṃganayanaṃ kṛśam || 30 ||
[Analyze grammar]

ūrdhvamūrdhajakṛṣṇāṃgaṃ yamadūtamivāparam |
lalajjihvaṃ ca laṃboṣṭhadīrghajaṃghaṃ śirākulam || 31 ||
[Analyze grammar]

dīrghāṃghriṃ śuṣkatuṃḍaṃ ca gartākṣaṃ śuṣkapaṃjaram |
athāmuṃ kautukāviṣṭaḥ papraccha munipuṃgavaḥ || 32 ||
[Analyze grammar]

devadyutiruvāca |
ko'si tvaṃ bhīṣaṇākāraḥ kuto rodiṣi dāruṇam |
avastheyaṃ kuto brūhi kiṃcāhaṃ karavāṇi te || 33 ||
[Analyze grammar]

mamāśramapraviṣṭā hi duḥkhabhājo na jaṃtavaḥ |
modaṃte kevalaṃ sarve vaiṣṇave bhavane yathā || 34 ||
[Analyze grammar]

vada tvaṃ satvaraṃ bhadra duḥkhasyaitasya kāraṇam |
kālakṣepaṃ na kurvaṃti prāpte'the hi manīṣiṇaḥ || 35 ||
[Analyze grammar]

vasiṣṭha uvāca |
śrutvaitadvacanaṃ prītaḥ piśācastyaktarodanaḥ |
uvāca dīnayā vācā praśrayāvanatastadā || 36 ||
[Analyze grammar]

piśāca uvāca |
sarvāṃgavyāpi saṃtāpaṃ jahāra tvadvaco mayi |
grīṣme dāvānalodbhūtaṃ varṣanmegha ivācale || 37 ||
[Analyze grammar]

yanme'sti sukṛtaṃ kiṃcittena dṛṣṭo'si me dvija |
na hyasaṃcitapuṇyānāṃ sadbhirekatrasaṃgamaḥ || 38 ||
[Analyze grammar]

ityuktvā kathayāmāsa pūrvavṛttāṃtamātmanaḥ |
viṣṇudveṣapradoṣeṇa daśāmetāmahaṃ gataḥ || 39 ||
[Analyze grammar]

yannāmaprāṇānmukto hi smṛtvā viṣṇupadaṃ vrajet |
pāpiṣṭho hi harau tasminmamadveṣo'bhavaddvija || 40 ||
[Analyze grammar]

yaḥ pālayati bhūtāni dharmaṃ yāti jagattraye |
yoṃ'tarātmā ca bhūtānāṃ tasmindveṣo mamābhavat || 41 ||
[Analyze grammar]

karmaṇāṃ phalado yo'tra sarvavedeṣu gīyate |
tapobhirijyate vipraiḥ samadveṣavaśaṃgataḥ || 42 ||
[Analyze grammar]

tyaktakriyaiḥ priyāraṇyairniḥsaṃgaikacaraiśca yaḥ |
vedāṃte yatibhiściṃtyaḥ sa me dveṣī harirdvija || 43 ||
[Analyze grammar]

brahmādayaḥ surāḥ sarve yoginaḥ sanakādayaḥ |
muktyarthamarcayaṃtīha sa viṣṇurdveṣito mayā || 44 ||
[Analyze grammar]

ādau madhye'vasāne yo viśvadhātā sanātanaḥ |
yasya naivādimadhyāṃtāḥ same dveṣapadaṃ yayau || 45 ||
[Analyze grammar]

yanmayā sukṛtaṃ karma kṛtaṃ prāktanajanmani |
viṣṇudveṣāgninā dagdhaṃ tatsarvaṃ bhasmasādabhūt || 46 ||
[Analyze grammar]

kathaṃcidasya pāpasya sīmāṃ drakṣyāmi cedaham |
muktvā nārāyaṇaṃ nānyamarcayiṣyāmi devatām || 47 ||
[Analyze grammar]

viṣṇudveṣācciraṃ bhuktvā mayā narakayātanām |
nirayānnisṛtaḥ so'haṃ paiśācīṃ yonimāgataḥ || 48 ||
[Analyze grammar]

adhunā karmamaṃtraiḥ kairathānītastvadāśramam |
yatra tvaddarśanārkānme naṣṭaṃ duḥkhamayaṃ tamaḥ || 49 ||
[Analyze grammar]

prāpyate maraṇaṃ yatra baṃdhanaṃ śrīḥ sukhaṃ vadhūḥ |
sa tatra nīyate svena karmaṇā galahastinā || 50 ||
[Analyze grammar]

idānīmucitaṃ karma brūhi paiśācyanāśanam |
paropakārakārye hi na dhanyā maṃdagāminaḥ || 51 ||
[Analyze grammar]

devadyutiruvāca |
aho muṣṇāti māyeyaṃ devāsuranṛṇāṃ smṛtim |
yayā deveṣvapi dveṣo jāyate dharmanāśanaḥ || 52 ||
[Analyze grammar]

sraṣṭā pālayitā haṃtā jagatāṃ yo maheśvaraḥ |
ātmā ca sarvabhūtānāṃ taṃ mūḍho dveṣṭi kaḥ katham || 53 ||
[Analyze grammar]

bhavaṃti sarvakarmāṇi saphalāni yadarpaṇāt |
tadbhaktivimukho martyaḥ ko na yātīha durgatim || 54 ||
[Analyze grammar]

śrutismṛtisadācāravihitaṃ karma kevalam |
sevitavyaṃ caturvarṇairbhajannārāyaṇaṃ sadā || 55 ||
[Analyze grammar]

anyathā nirayaṃ yāṃti vinā hyāgamasevanāt |
ato vedaviruddhārthaṃ śāstroktaṃ karma saṃtyajet || 56 ||
[Analyze grammar]

svabuddhiracitaiḥ śāstraiḥ pratāryeha tu bāliśān |
vighnaṃti śreyaso mārgaṃ lokanāśāya kevalam || 57 ||
[Analyze grammar]

viṣṇuṃ niṃdaṃti vedāṃśca tapo niṃdaṃti saddvijān |
tena te narakaṃ yāṃti hyasacchāstraniṣevaṇāt || 58 ||
[Analyze grammar]

ayameva yathā rājā draviḍo nirayaṃ gataḥ |
dviṣannārāyaṇaṃ devaṃ devadevaṃ jagatprabhum || 59 ||
[Analyze grammar]

tasmāddveṣaṃ hi deveṣu brāhmaṇeṣu viśeṣataḥ |
saṃtyajetpuṇyakāmo'tra vedabāhyāṃ kriyāṃ tyajet || 60 ||
[Analyze grammar]

ityuktvā kathayāmāsa piśācāya hi taṃ muniḥ |
prayāgaṃ gaccha bho bhadra māghamāsaṃ vicāraya || 61 ||
[Analyze grammar]

yatra te niścitā muktiḥ paiśācyānnātra saṃśayaḥ |
tatrāplutā divaṃ yāṃti śrutireṣā sanātanī || 62 ||
[Analyze grammar]

vijahāti narastatra prāktanaṃ karma duṣkṛtam |
prayāgasnānato nāsti kvāpyanyadadhikaṃ param || 63 ||
[Analyze grammar]

prāyaścittaṃ taporūpaṃ dānarūpaṃ kriyātmakam |
yāgayogādhikaṃ viddhi prayāgaṃ pāpināmapi || 64 ||
[Analyze grammar]

svargāpavargayordvāraṃ tatpṛthivyāmapāvṛtam |
sitāsitoda veṇī yā tāṃ hitvā bhuvi nāparā || 65 ||
[Analyze grammar]

pāpanaigaḍabaddhasya chedanaikakuṭhārikā |
kva viṣṇuḥ sūryatejo'gnirgaṃgāyāmunasaṃgamaḥ || 66 ||
[Analyze grammar]

kva varākī nṛṇāṃ tucchā pāparāśi tṛṇāhutiḥ |
malīmasaghanadhvaṃse yathā śaradi caṃdramāḥ || 67 ||
[Analyze grammar]

bhāti pāpakṣayādūrdhvaṃ naro veṇījalāplutaḥ |
sitāsitasya māhātmyamahaṃ vaktuṃ na te kṣamaḥ || 68 ||
[Analyze grammar]

yattoyakaṇasaṃspṛṣṭo muktaḥ keralako dvijaḥ |
iti vākyamṛṣeḥ śrutvā piśācastuṣṭamānasaḥ || 69 ||
[Analyze grammar]

muktaduḥkhaiva prītaḥ papraccha praṇayānmunim |
kathaṃ keraladeśīyo dvijo mukto mahāmune || 70 ||
[Analyze grammar]

etaṃ kathaya vṛttāṃtaṃ saṃśritya karuṇāṃ mayi || 71 ||
[Analyze grammar]

devadyutiruvāca |
piśāca śṛṇu puṇyāṃ me kathāṃ kathayataḥ śubhām |
kerale vasunāmātra brāhmaṇo vedapāragaḥ || 72 ||
[Analyze grammar]

dāyādairhṛtavittastu nirdhano baṃdhuvarjitaḥ |
janmabhūmiṃ parityajya mahāduḥkhena duḥkhitaḥ || 73 ||
[Analyze grammar]

deśāddeśaṃ paribhrāmya kālena mahatā punaḥ |
praviśya sa mahāraṇyamīṣadvyādhiprapīḍitaḥ || 74 ||
[Analyze grammar]

gacchaṃstīrthāṃtaraṃ śrāṃtaḥ kṣutkṣāmo viṃdhyaparvate |
durbhikṣeṇa mṛtiṃ lebhe na dāhaṃ caurdhvadehikam || 75 ||
[Analyze grammar]

tena karmavipākena tatraiva girigahvare |
pretībhūtaściraṃ kālamuvāsa nirjane vane || 76 ||
[Analyze grammar]

śītātapaparikliṣṭo nirāhāro nirūdakaḥ |
digaṃbaro vyupānatko girā hāheti niḥśvasan || 77 ||
[Analyze grammar]

itastataḥ paribhrāmya vāyubhūtaḥ sa keralaḥ |
dvijo na śaraṇaṃ lebhe na sukhaṃ kutracittadā || 78 ||
[Analyze grammar]

saṃśocati sma duḥkhārte naiva paśyati sadgatim |
sarvadā dattadānaṃ sa bhuṃkte svaṃ karmaṇaḥ phalam || 79 ||
[Analyze grammar]

havirjuhvati nāgnau ye goviṃdaṃ nārcayaṃti ye |
bhajaṃte nātmavidyāṃ ye sutīrthavimukhāśca ye || 80 ||
[Analyze grammar]

suvarṇavastratāṃbūlaṃ maṇimannaṃ phalaṃ jalam |
ārtebhyo na prayacchaṃti sarve te kṛtahīnakāḥ || 81 ||
[Analyze grammar]

brahmasvaṃ ca parasvaṃ ca strīdhanāni haraṃti ye |
balena chadmanā vāpi dhūrtāśca paravaṃcakāḥ || 82 ||
[Analyze grammar]

dāṃbhikaḥ kuhakāścaurā ye ca pāvakavṛttayaḥ |
bālavṛddhāturastrīṣu nirdayāḥ satyavarjitāḥ || 83 ||
[Analyze grammar]

agnidā garadā ye ca ye cānye kūṭasākṣiṇaḥ |
agamyāgāminaḥ sarve ye cānye grāmayājinaḥ || 84 ||
[Analyze grammar]

pitṛmātṛsnuṣāpatyasvadāratyāginaśca ye |
ye kadaryāśca lubdhāśca nāstikā dharmadūṣakāḥ || 85 ||
[Analyze grammar]

tyajaṃti svāminaṃ yuddhe tyajaṃti śaraṇāgatam |
gavāṃbhūmeśca haṃtāro ye cānye ratnadūṣakāḥ || 86 ||
[Analyze grammar]

parāpavādinaḥ pāpā devatāguruniṃdakāḥ |
mahākṣetreṣu sarveṣu pratigraharatāśca ye || 87 ||
[Analyze grammar]

paradroharatā ye ca yathā ca prāṇihiṃsakāḥ |
kupratigrāhiṇaḥ sarve te bhavaṃti punaḥ punaḥ || 88 ||
[Analyze grammar]

pretarākṣasapaiśāca tiryagvṛkṣakuyoniṣu |
na teṣāṃ sukhaleśo'sti iha loke paratra ca || 89 ||
[Analyze grammar]

tasmāttyaktvā niṣiddhārthaṃ vihitaṃ karma cācaret |
yajñaṃ dānaṃ tapastīrthaṃ maṃtraṃ devaṃ guruṃ bhajet || 90 ||
[Analyze grammar]

vipākaṃ karmaṇāṃ dṛṣṭvā yonikoṭiṣu dustaram |
caturbhirapi varṇaiśca sevyo dharmo niraṃtaram || 91 ||
[Analyze grammar]

iti pretagatiṃ dṛṣṭvā pāpabījotthitāṃ hi saḥ |
kṛtvā dharmopadeśaṃ ca punastasmai dvijo'bravīt || 92 ||
[Analyze grammar]

itthaṃ sa keralaḥ preto vartamāno girau tadā |
ativāhya ciraṃ kālamapaśyatpathikaṃ pathi || 93 ||
[Analyze grammar]

vahaṃtaṃ dvau karaṃḍau ca veṇī jalayutau tathā |
gāyaṃtaṃ pramukhā devaṃ puṇyaślokaṃ janārdanam || 94 ||
[Analyze grammar]

taṃ dṛṣṭvā sahasā preto mārgarodhaṃ cakāra saḥ |
darśayāmāsa cātmānaṃ mā bhaiṣīrityuvāca saḥ || 95 ||
[Analyze grammar]

pānīyaṃ pātumicchāmi tvattaḥ kārpāṭikottama |
na pāsyasi jalaṃ cenmāṃ prāṇā yāsyaṃti me dṛḍham || 96 ||
[Analyze grammar]

iti pretavacaḥ śrutvā pāṃthaḥ pratyāha kautukāt |
kārpaṭīka uvāca |
kastvaṃ duḥkhābhibhūtastu kṛśo mlāno digaṃbaraḥ || 97 ||
[Analyze grammar]

jīvaśeṣo mumūrṣuśca vikṛto bhayavardhanaḥ |
navadhūmamayākāraścaṃḍaścaṃcalalocanaḥ || 98 ||
[Analyze grammar]

padbhyāmaspṛṣṭabhūmistvaṃ nirmāṃsodarabāhukaḥ |
iti tadvacanaṃ śrutvā preto vākyamathābravīt || 99 ||
[Analyze grammar]

preta uvāca |
śṛṇu dharmiṣṭha te vacmi yenāhamīdṛśo'bhavam |
brāhmaṇo'dattadāno'haṃ lobhī ca malinakriyaḥ || 100 ||
[Analyze grammar]

parānnaṃ ca sadā bhuktamekākī miṣṭabhojanaḥ |
mayā dattā na bhikṣāpi haṃtakāro na puṣkalaḥ || 101 ||
[Analyze grammar]

na kṛto vaiśvadevastu prakṣipto na bahirbali |
bhūtānāṃ tu tṛṣārtānāṃ na hatā payasā ca tṛṭ || 102 ||
[Analyze grammar]

kadācitpitaro naiva tarpitā aṭatā mahīm |
na ca śrāddhaṃ kṛtaṃ kvāpi pūjitā naiva devatāḥ || 103 ||
[Analyze grammar]

varṣātapaparitrāṇaṃ na dattaṃ pādarakṣaṇam |
jalapātraṃ na dattaṃ ca tāṃbūlaṃ nauṣadhaṃ mayā || 104 ||
[Analyze grammar]

na gṛhe vasatirdattā nātithyaṃ kasyacitkṛtam |
aṃdhavṛddhādhanānātha dīnāḥ pānānnatoṣitāḥ || 105 ||
[Analyze grammar]

gavāṃ grāso na datto vai na rogī parimocitaḥ |
na dattā na hutā vipra pavitrāśca tilā mayā || 106 ||
[Analyze grammar]

pṛthivyāṃ tiladātāro na bhavaṃti tu madvidhāḥ |
vyatīpāte na dattaṃ hi kiṃcitsvarṇaṃ mahāphalam || 107 ||
[Analyze grammar]

saṃkrāṃtāvuparāge ca na dattaṃ sūryacandrayoḥ |
parvāṇyanyāni sarvāṇi jagmuḥ śūnyāni me dvija || 108 ||
[Analyze grammar]

tithayaḥ kārtike mukhyā jātā vaṃdhyāḥ sadā mama |
pitṛbhyo naiva dattaṃ vā aṣṭakāsu maghāsu ca || 109 ||
[Analyze grammar]

dvijānāṃ na kṛtā prītirmanvādiṣu yugādiṣu |
na dattastilatailena pradīpaḥ kārtike mayā || 110 ||
[Analyze grammar]

na snāto māghamāse'haṃ rūpasaubhāgyakāmade |
dvijāya vedaviduṣe gautamyāṃ siṃhage gurau || 111 ||
[Analyze grammar]

mayā saṃkalpitaṃ dravyaṃ na dattaṃ pūrvajanmani |
na snāto'haṃ kṛṣṇaveṇyāṃ tathā kanyāgate gurau || 112 ||
[Analyze grammar]

agniṃ prajvālya kāṣṭhaughaiḥ snātānāṃ pauṣamāghayoḥ |
śītārtānāṃ ca viprāṇāṃ na kṛto jāḍyanigrahaḥ || 113 ||
[Analyze grammar]

mādhavādiṣu māseṣu na dattaṃ śītalaṃ jalam |
mayā nāro'pito'śvattho nyagrodho naiva vardhitaḥ || 114 ||
[Analyze grammar]

baṃdīgṛhānmayā muktirna kṛtā prāṇināṃ kvacit |
na prāṇibhayasaṃtrasto rakṣitaḥ śaraṇāgataḥ || 115 ||
[Analyze grammar]

nopoṣyātra trirātrāṇi toṣito madhusūdanaḥ |
kṛcchrātikṛcchrapārākaṃ tathā cāṃdrāyaṇaṃ dvija || 116 ||
[Analyze grammar]

athānyattaptakṛcchraṃ ca tathā sāṃtapanāni ca |
vratānyetāni puṇyāni juṣṭānīṃdrādibhiḥ suraiḥ || 117 ||
[Analyze grammar]

caritvā na mayā tāni dehaḥ saṃśoṣitaḥ purā |
itthaṃ pūrvabhavo vaṃdhyo mama jāto dvijottama || 118 ||
[Analyze grammar]

paśya dvija mahākrūrāmadbhutāmatra janmani |
gatiṃ dūraprabodhāṃ tu mama pūrvasya karmaṇaḥ || 119 ||
[Analyze grammar]

saṃti māṃsāni mārgeṣu vṛkavyāghrahatāni vai |
phalānyanyāni śailesminśukaistyaktāni sarvataḥ || 120 ||
[Analyze grammar]

puṇyāni ca sugaṃdhīni phalāni rasavaṃti ca |
mūlāni tu subhakṣyāṇi mṛdūni madhurāṇi ca || 121 ||
[Analyze grammar]

nānāvidhāni tiṣṭhaṃti madhūni subahūnyapi |
srotasāṃ nirjharāṇāṃ ca saṃti vārīṇi sarvaśaḥ || 122 ||
[Analyze grammar]

sulabheṣu padārtheṣu sarveṣveteṣu parvate |
nekṣehamaśanaṃ kvāpi daivenāpi hataṃ sadā || 123 ||
[Analyze grammar]

vātāhāreṇa jīvāmi yathā jīvaṃti pannagāḥ |
punarjīvāmi bho vipra devayoniprabhāvataḥ || 124 ||
[Analyze grammar]

balena prajñayā nityaṃ maṃtrapauruṣavikramaiḥ |
sahāyaiścaiva mitraiśca nālabhyaṃ labhate naraḥ || 125 ||
[Analyze grammar]

lābhālābhe sukhe duḥkhe vivāhe mṛtyujīvane |
bhoge roge viyoge ca daivameva hi kāraṇam || 126 ||
[Analyze grammar]

kurūpāḥ kukulā mūrkhāḥ kutsitācāraniṃditāḥ |
śauryavikramahīnāśca daivādrājyāni bhuṃjate || 127 ||
[Analyze grammar]

kāṇāḥ khaṃjā abhavyāśca nītihīnāśca durguṇāḥ |
napuṃsakāśca dṛśyaṃte daivādrājye pratiṣṭhitāḥ || 128 ||
[Analyze grammar]

yairdattāśca tilā gāvo hiraṇyaṃ vasanāni ca |
gaurī kanyā ca yairdattā yairdattā ca vasuṃdharā || 129 ||
[Analyze grammar]

śayyāsanāni tāṃbūlaṃ maṃdirāṇi dhanāni ca |
bhakṣyabhojyāni dattāni caṃdanānyagarūṇi ca || 130 ||
[Analyze grammar]

aṭavyāṃ parvatāgre ca grāme vā nagare'pi vā |
puraḥ puraḥśca tiṣṭhaṃti teṣāṃ bhogāḥ prayatnataḥ || 131 ||
[Analyze grammar]

saṃtyatra parvate'nye'pi rākṣasā balavattarāḥ |
rākṣasāśca piśācāśca piśācyaścātidāruṇāḥ || 132 ||
[Analyze grammar]

kadācicca kathaṃcicca kvāpi yatra svakarmaṇā |
labhaṃte cānnapānāni paryaṭaṃto vanevane || 133 ||
[Analyze grammar]

iti śrutvā'tra tebhyaśca mā bhayaṃ bhavatāṃ bhavet |
śuciṃ goviṃdabhaktaṃ tvāṃ na te draṣṭumapi kṣamāḥ || 134 ||
[Analyze grammar]

viṣṇubhaktitanutrāṇaṃ nārāyaṇaparāyaṇam |
na spṛśaṃti na paśyaṃti rākṣasāḥ pretapūtanāḥ || 135 ||
[Analyze grammar]

bhūtavetālagaṃdharvāḥ śākinyaścāryakā grahāḥ |
revatyo vṛddharevatyo mukhamaṃḍyastathā grahāḥ || 136 ||
[Analyze grammar]

yakṣā bālagrahāḥ krūrā duṣṭā vṛddhagrahāśca ye |
tathā mātṛgrahā bhīmā grahāścānye vināyakāḥ || 137 ||
[Analyze grammar]

kṛtyāḥ sarpāśca kūṣmāṃḍā ye cānye duṣṭajaṃtavaḥ |
na paśyaṃti paraṃ vipra vaiṣṇavaṃ brāhmaṇaṃ śucim || 138 ||
[Analyze grammar]

śuciṃ rakṣaṃti bhūtāni dharmiṣṭhaṃ pīḍayaṃti na |
rakṣaṃti ca śuciṃ nityaṃ grahanakṣatradevatāḥ || 139 ||
[Analyze grammar]

goviṃdanāma jihvāgre hṛdi vedastu saṃsthitaḥ |
śuciśca dānaśīlaśca tvaṃ sarvatrākutobhayaḥ || 140 ||
[Analyze grammar]

evaṃ brāhmaṇa tiṣṭhāmi bhuṃjānaḥ karmaṇaḥ phalam |
na śocāmīti matvā'haṃ vimṛśya ca punaḥ punaḥ || 141 ||
[Analyze grammar]

na dunomi tathā tāvadyāvajjaṃbālinī taṭe |
sārasodīritaṃ vākye śrutaṃ paryaṭatā mayā || 142 ||
[Analyze grammar]

brāhmaṇa uvāca |
sārasodīritaṃ vākyaṃ kīdṛśaṃ hi śrutaṃ tvayā |
tadahaṃ śrotumicchāmi brūhi tvaṃ preta satvaram || 143 ||
[Analyze grammar]

preta uvāca |
bravīmi sārasaṃ vākyaṃ śṛṇu kārpāṭikottama |
dhūsarā nāma kakṣe'sminnadīgirisamudbhavā || 144 ||
[Analyze grammar]

sadā jalaśayottālā mattadaṃtikulākulā |
mahākakubhaśobhāḍhyā snigdhajaṃbūmanoharā || 145 ||
[Analyze grammar]

tasyāstīramahaṃ prāpto gāhamāno vanaṃ ghanam |
mayi tiṣṭhati vai tatra phalabhojanakāmyayā || 146 ||
[Analyze grammar]

vanāṃtarātsamuḍḍīya sāraso lakṣmaṇā yutaḥ |
āgatya pulinaṃ nadyāḥ sevituṃ bahupakṣibhiḥ || 147 ||
[Analyze grammar]

pītvā tatraiva pānīyaṃ ramitvā bhāryayā saha |
suptaḥ pakṣapuṭe vāme praveśya ca śiromukham || 148 ||
[Analyze grammar]

etasminnaṃtare dṛṣṭaḥ pādapādavatīrya ca |
raktānanaḥ suraktākṣo daṃḍī dṛḍhanakhāvali || 149 ||
[Analyze grammar]

lomaśo dīrghalāṃgūlaścalaceṣṭo hi vānaraḥ |
yatrāsau sārasaḥ suptastatra vegena cāgataḥ || 150 ||
[Analyze grammar]

samāgatya ca jagrāha sārasaṃ caraṇe dṛḍham |
karābhyāṃ krūrayā buddhyā paśyatāṃ bahupakṣiṇām || 151 ||
[Analyze grammar]

uḍḍīyoḍḍīya te sarve gatāścānyatra khecarāḥ |
sārasī bhītabhītā ca virāvānkurvatī sthitā || 152 ||
[Analyze grammar]

sāraso bhagnanidrastu trāsāccalitalocanaḥ |
avalokitavāñchīghraṃ tadottāmya śirodharām || 153 ||
[Analyze grammar]

vilokya vānaraṃ duṣṭaṃ haṃtukāmaṃ sudāruṇam |
tadā saṃbhāṣayāmāsa girā madhurayā khagaḥ || 154 ||
[Analyze grammar]

aparādhaṃ vinā māṃ tvaṃ kiṃ śākhāmṛga bādhase |
sāparādhā janā loke vadhyaṃte bhūmipairapi || 155 ||
[Analyze grammar]

na pīḍayitumarhaṃti tvādṛśā uttamā janāḥ |
asmānahiṃsakānsādhūnparavṛttiparāṅmukhān || 156 ||
[Analyze grammar]

jalaśaivālabhakṣāṃśca khecarānvanavāsinaḥ |
svadāraratiśīlāṃśca paradārābhivarjitān || 157 ||
[Analyze grammar]

na pīḍayitumarhaṃti tvadvidhā vānarottama |
parāpavādapaiśunyāndvijānparamasevakān || 158 ||
[Analyze grammar]

śākhāmṛga vimuṃcāśu sarvathā māmanāgasam |
jānāmi tava janmāhaṃ na tvaṃ vetsi tu māmakam || 159 ||
[Analyze grammar]

ityākarṇya vacastasya mumoca sārasaṃ tadā |
capalo vānaraḥ śīghramāha dūre vyavasthitaḥ || 160 ||
[Analyze grammar]

vānara uvāca |
brūhi re tvaṃ kathaṃ vetsi mama janma purātanam |
tvaṃ pakṣī jñānahīnaśca tiryakcāhaṃ vanecaraḥ || 161 ||
[Analyze grammar]

sārasa uvāca |
jāne'haṃ tāvakaṃ janma jātismaramiti sphuṭam |
tvaṃ hi viṃdhyādhipo rājā prāgbhave parvateśvaraḥ || 162 ||
[Analyze grammar]

ahaṃ pūjyatamo viprastava vaṃśe purohitaḥ |
tena pratyabhijānāmi tvāṃ samyagvānarottama || 163 ||
[Analyze grammar]

imāṃ pālayatā bhūmiṃ prajāḥ sarvāḥ prapīḍitāḥ |
tvayā vivekahīnena bhṛśaṃ saṃcayatā dhanam || 164 ||
[Analyze grammar]

prajāpīḍānatāpottha vahnijvālaistu vānara |
prāktvaṃ dagdhaḥ punaḥ kṣiptaḥ kuṃbhīpāke'ti dāruṇe || 165 ||
[Analyze grammar]

punaḥ punaḥśca dagdhena jātena ca punaḥ punaḥ |
nārakeṇa śarīreṇa samāstriṃśadgataṃ tvayā || 166 ||
[Analyze grammar]

kurvatā dāruṇāñchabdānrudatā ca punaḥ punaḥ |
kuṃbhīpākānale tīvrā hyanubhūtāśca yātanāḥ || 167 ||
[Analyze grammar]

nistīrṇanarako bhūyaḥ pāpaśeṣeṇa sāṃpratam |
prāpto'si vānaraṃ janma yena māṃ haṃtumicchasi || 168 ||
[Analyze grammar]

viprasyopavanātpūrvaṃ pakvaraṃbhāphalāni vai |
ananujñāpya bhuktāni tvayāpahṛtya pauruṣāt || 169 ||
[Analyze grammar]

vipākaḥ karmaṇastasya phalate paśya dāruṇaḥ |
vānarastvaṃ vane vāso hyadhunā tena vartase || 170 ||
[Analyze grammar]

aśubhasya śubhasyāpi purāvihitakarmaṇaḥ |
bhogaḥ krīḍati bhūteṣu nollaṃghyastridaśairapi || 171 ||
[Analyze grammar]

itthaṃ tvajjanma jānāmi yathāvattu sahetukam |
prāptaḥ sārasadeho'pi jñānenāparimohitaḥ || 172 ||
[Analyze grammar]

preta uvāca |
iti śrutvā kathāṃ vipra vānaropyāha sārasam |
samyagvetti bhavānnūnaṃ kathaṃ tvaṃ pakṣitāṃ gataḥ || 173 ||
[Analyze grammar]

sārasa uvāca |
kathayiṣyāmi tatkarma yenāhaṃ durgatiṃ gataḥ |
pakṣiyoniṃ gato yena tatsarvaṃ śrotumarhasi || 174 ||
[Analyze grammar]

dhānyaṃ khāriśataṃ sāgramutsṛṣṭaṃ hi tvayā purā |
bahubhyo brāhmaṇebhyaśca carmadāyāṃ ravigrahe || 175 ||
[Analyze grammar]

paurohityamadāllobhādvaṃcayitvā dvijāṃstathā |
kiṃciddattvā tu tebhyaśca gṛhītamakhilaṃ mayā || 176 ||
[Analyze grammar]

viprasādhāraṇadravyagrahaṇotpannapātakāt |
patitaḥ kālasūtre'haṃ narake raktakardame || 177 ||
[Analyze grammar]

calatkrimisusaṃpūrṇe durgaṃdhe pūyaphenile |
ānābhestatra magnosmi lihanpūyamadhomukhaḥ || 178 ||
[Analyze grammar]

tathopari mahāgṛdhrairbhakṣyamāṇastu vāyasaiḥ |
krimibhistudyamānastu mama deho niraṃtaram || 179 ||
[Analyze grammar]

tasmiñchoṇitapaṃke'haṃ nirucchvāso'bhavaṃ tadā |
muhūrto'pi mahākalpasamo jāto mamātra vai || 180 ||
[Analyze grammar]

yātanāścānubhūtāśca samāstrirayutaṃ mayā |
vaktuṃ ca tanna śaknomi duḥkhaṃ vānara nārakam || 181 ||
[Analyze grammar]

paurohityaṃ mahāghoraṃ pāpadaṃ ca svabhāvataḥ |
devopajīvanaṃ yatra brāhmaṇasyopajīvanam || 182 ||
[Analyze grammar]

rājñaḥ pratigraho ghorastena dagdhā dvijātayaḥ |
teṣāmapi hareddravyaṃ purodhāstena nārakī || 183 ||
[Analyze grammar]

rājā yatkurute pāpaṃ purā dehena dhīyate |
tasya tena purodhāśca gīyate tatvadarśibhiḥ || 184 ||
[Analyze grammar]

daivātkathamapi prāpta uttāro narakāṃbudheḥ |
mayādau daivayogena śakunitvamupasthitam || 185 ||
[Analyze grammar]

apahṛtya purā kāṃsyabhājanaṃ bhaginīgṛhāt |
ākṣikāya mayā dattaṃ tena me sārasī gatiḥ || 186 ||
[Analyze grammar]

iyaṃ ca brāhmaṇī pūrvaṃ kāṃsyacorī sudāruṇā |
teneyaṃ sārasī jātā mama bhāryā sadharmiṇī || 187 ||
[Analyze grammar]

itthaṃ vānara te sarvaṃ kathitaṃ karmaṇaḥ phalam |
vṛttaṃ ca vartamānaṃ ca bhaviṣyaṃ śṛṇu sāṃpratam || 188 ||
[Analyze grammar]

ahaṃ haṃso bhaviṣyāmi tvaṃ ca haṃso bhaviṣyasi |
haṃsīyamapi madbhāryā sārasī ca bhaviṣyati || 189 ||
[Analyze grammar]

deśe ca kāmarūpe vai sthāsyāmo vai yathāsukham |
yoginīṃ bhāvikalyāṇīṃ yāsyāmastadanaṃtaram || 190 ||
[Analyze grammar]

tataśca mānuṣaṃ janma prāpyāmo durlabhaṃ punaḥ |
śreyastadviparītaṃ ca prāṇibhiryatra sādhyate || 191 ||
[Analyze grammar]

evaṃ sarvāñchivo jaṃtūnmohayitvā svamāyayā |
sukhairbhunakti duḥkhaiśca nāsmāneva tu kevalam || 192 ||
[Analyze grammar]

ayaṃ loke pravṛttaśca mārgo vividhanirmitaḥ |
dharmādharmamayo'tyarthe sukhaduḥkhaphalātmakaḥ || 193 ||
[Analyze grammar]

sevitaḥ prāṇibhiḥ sarvaiḥ sarvadā vā punaḥ punaḥ |
devāsuranaravyāghra krimikīṭajalecaraiḥ || 194 ||
[Analyze grammar]

nātikrāṃto hi kenāpi paṃthā'yaṃ duḥkhakaṃṭakaḥ |
viraktānyoginodhyāyaṃ vināvedāṃtapāragān || 195 ||
[Analyze grammar]

aṇorvāpi gurorvāpi puṇyāpuṇyasya karmaṇaḥ |
dadātīha phalaṃ jñātvā deśaṃ kālaṃ maheśvaraḥ || 196 ||
[Analyze grammar]

itthaṃ vidhividhānajñāṃ māyāṃ jñātveśvarasya ca |
na śocaṃti na tapyaṃti na vyathaṃti mahādhiyaḥ || 197 ||
[Analyze grammar]

nānyathā śakyate kartuṃ vipākaḥ pūrvakarmaṇām |
upāyaiḥ prajñayā vāpi śākhāmṛgasurairapi || 198 ||
[Analyze grammar]

purā tvaṃ bhūpatirjātaḥ paścājjāto'si nārakī |
adhunā vānaro bhūyo janma prāpsyasi tādṛśam || 199 ||
[Analyze grammar]

iti matvā viśokastvaṃ śākhāmṛga yathāsukham |
pratīkṣāṃ kuru kālasya ramamāṇo'tra kānane || 200 ||
[Analyze grammar]

ahamapyevamīśāna māyābaddho vane vane |
kṣapayiṣyāmi vai janma dhairyamāsthāya sārasam || 201 ||
[Analyze grammar]

vānara uvāca |
mayā tvaṃ pūjitaḥ pūrvaṃ naumi tvāmadhunāpyaham |
jātismaro'si jānāmi sarvaṃ matpūrvadaihikam || 202 ||
[Analyze grammar]

tiṣṭha sārasa sārasyā śivamastu sadā tava |
tvadvākyādgatamoho'haṃ vicariṣyāmi sarvadā || 203 ||
[Analyze grammar]

preta uvāca |
imaṃ ramyaṃ vicitraṃ ca pāvanaṃ paramaṃ dvija |
pakṣivānarasaṃvādaṃ śrutaṃ yāvannadītaṭe || 204 ||
[Analyze grammar]

tāvanmamāpi bodho'bhūttena śokaḥ kṣayaṃ gataḥ |
idānīṃ jāhnavītoyamāhātmyaṃ paramādbhutam || 205 ||
[Analyze grammar]

dṛṣṭvātra brāhmaṇaśreṣṭha tvāṃ yāce jāhnavījalam |
pretatvāttartukāmo'haṃ tīvrā tṛṣṇā prapīḍitaḥ || 206 ||
[Analyze grammar]

asminnevācale dṛṣṭaṃ mayāścaryaṃ ca vai dvija |
gaṃgātoyasya tāvaddhi pātumicchāmi tajjalam || 207 ||
[Analyze grammar]

pāriyātrodbhavaḥ ko'pi brāhmaṇo grāmayājakaḥ |
ayājyayājanādviṃdhye saṃbhūto brahmarākṣasaḥ || 208 ||
[Analyze grammar]

asmatsaṃgasya lobhe sthito'sau hāyanāṣṭakam |
tasyāsthīni suputreṇa saṃcitāni dvijottama || 209 ||
[Analyze grammar]

kṣiptānyānīya gaṃgāyāṃ tīrthe kanakhale'male |
tatkṣaṇādeva mukto'sau rākṣasatvātsudāruṇāt || 210 ||
[Analyze grammar]

iti gaṃgājalasnāna mahimā mahadadbhutam |
sākṣāddṛṣṭo mayā tena gāṃgeyaṃ prārthitaṃ jalam || 211 ||
[Analyze grammar]

purastādyatkṛtastīrthe mayā bhūriparigrahaḥ |
na kṛtastu pratīkārastasya jāpyādilakṣaṇaḥ || 212 ||
[Analyze grammar]

tena me pretarūpasya durlabhodakabhojanam |
sahasraṃ yatra varṣāṇāmatītaṃ viṃdhyaparvate || 213 ||
[Analyze grammar]

iti te kathitaṃ sarvaṃ hitvā lajjāṃ garīyasīm |
idānīṃ dhārmikaśreṣṭha jaladānena satvaram || 214 ||
[Analyze grammar]

saṃtarpaya mama prāṇānkaṃṭhamātrāvalaṃbitān |
durlabhaṃ pretabhāve'pi jīvitaṃ prāṇināmiha || 215 ||
[Analyze grammar]

śarīraṃ rakṣaṇīyaṃ hi sarvathā sarvadā naraiḥ |
nahīcchaṃti tanutyāgamapi kuṣṭhādi rogiṇaḥ || 216 ||
[Analyze grammar]

devadyutiruvāca |
iti tadvacanaṃ śrutvā vismayaṃ paramaṃ gataḥ |
pathikaściṃtayāmāsa kṛpāṃ prete samudvahan || 217 ||
[Analyze grammar]

pāpapuṇyaphalaṃ loke pratyakṣaṃ dṛśyate khalu |
devadānavamānuṣyaṃ tiryaktvaṃ krimikīṭakam || 218 ||
[Analyze grammar]

nānāyoniṣu janmāni nānāvyādhiprapīḍanam |
maraṇaṃ bālavṛddhānāmaṃdhatvaṃ kubjatā tathā || 219 ||
[Analyze grammar]

aiśvaryaṃ ca daridratvaṃ pāṃḍityaṃ mūrkhatā tathā |
etāśca racanā loke bhavaṃti kathamanyathā || 220 ||
[Analyze grammar]

te dhanyāḥ karmabhūmau ye nyāyamārgārjitaṃ dhanam |
satpātrebhyaḥ prayacchaṃti kurvaṃti cātmano hitam || 221 ||
[Analyze grammar]

bhūmiratnahiraṇyāni gāvo dhānyaṃ gṛhaṃ gajāḥ |
rathāśvavasanagrāmāḥ siddhamannaṃ phalaṃ jalam || 222 ||
[Analyze grammar]

kanyā divyauṣadhamannaṃ chatropānadvarāsanam |
śayyā tāṃbūla mālyāni tālavṛṃtaṃ varāsanam || 223 ||
[Analyze grammar]

sarvametatpradātavyaṃ lokatrayajigīṣubhiḥ |
dattaṃ hi prāpyate svarge dattameva hi bhujyate || 224 ||
[Analyze grammar]

chatracāmarayānāni varāśvavaravāraṇāḥ |
harmyāṇi varaśayyāśca gomahiṣyo varastriyaḥ || 225 ||
[Analyze grammar]

annabhūṣaṇamuktāśca putrā dāsyo mahākulam |
āyurārogyamaiśvaryaṃ kalā vidyāsu kauśalam || 226 ||
[Analyze grammar]

dānasyaiva phalaṃ sarvaṃ prāpyate bhuvi mānavaiḥ |
tasmāddeyaṃ prayatnena nādattamupatiṣṭhati || 227 ||
[Analyze grammar]

dharmiṣṭhena tu pāṃthena gātheyaṃ samagāyata |
iti śrutvā punaḥ pretaḥ provāca hyārtamānasaḥ || 228 ||
[Analyze grammar]

manye dharmajñakalpo'si pāṃtha tvaṃ nātra saṃśayaḥ |
dehi me jīvanaṃ vāri cātakāya ghano yathā || 229 ||
[Analyze grammar]

etasminprāṇadāne hi mā vilaṃbaṃ kṛthā bahu |
tataḥ pratyāha pāṃthastu vacanaṃ nyāyagarbhitam || 230 ||
[Analyze grammar]

bhṛgukṣetre śṛṇu preta pitarau mama tiṣṭhataḥ |
tadarthaṃ tīrtharājasya mayā vāri samāhṛtam || 231 ||
[Analyze grammar]

tatsitāsitapānīyaṃ madhye ca prārthitaṃ tvayā |
na jāne dharmasaṃdehaḥ kimatra mama yujyate || 232 ||
[Analyze grammar]

balābalaṃ vicārārthaṃ kariṣye prabalaṃ vidhim |
vedebhyo dharmaśāstrebhyo nāhaṃ mānena kevalam || 233 ||
[Analyze grammar]

hayamedhādi yajñebhyaḥ sarvebhyopyadhikaṃ matam |
ṛṣibhirdevatābhiśca prāṇināṃ prāṇarakṣaṇam || 234 ||
[Analyze grammar]

iti dattvā varaṃ vāri kṛttvā pretasya rakṣaṇam |
pitrarthaṃ punarādāya jalaṃ neṣyāmi pāvanam || 235 ||
[Analyze grammar]

eṣa me prabalo bhāti śuddhadharmaprado vidhiḥ |
paropakaraṇādanyatsarvamalpaṃ smṛtaṃ budhaiḥ || 236 ||
[Analyze grammar]

paropakāribhirdattā api prāṇā nṛbhirmudā |
adbhiḥ paropakāraḥ syātkiṃ na labdhaṃ mayā punaḥ || 237 ||
[Analyze grammar]

dadhīcinā purā gītaḥ śloko'yaṃ śrūyate bhuvi |
sarvadharmamayaḥ sāraḥ sarvadharmajñasaṃmataḥ || 238 ||
[Analyze grammar]

paropakāraḥ kartavyaḥ prāṇairapi dhanairapi |
paropakārajaṃ puṇyaṃ tulyaṃ kratuśatairapi || 239 ||
[Analyze grammar]

ityuktvā pradadau toyaṃ gaṃgāyāmunasaṃbhavam |
pretāya prāṇarakṣārthaṃ sa dharmiṣṭho varo dvijaḥ || 240 ||
[Analyze grammar]

pretaḥ prīto jalaṃ pītvā hyabhiṣicya śirastathā |
prajahau pretadehaṃ taṃ divyadeho'bhavatkṣaṇāt || 241 ||
[Analyze grammar]

tadāścaryaṃ mahaddṛṣṭvā nijagāda sa keralaḥ |
aho vimuktaḥ pretatvādveṇīpānīyabiṃdubhiḥ || 242 ||
[Analyze grammar]

brahmāpi naiva śaknoti manye vaktumapāṃ guṇam |
gaṅgātoyaṃ mahādevo dhatte ke kathamanyathā || 243 ||
[Analyze grammar]

aciṃtyaśaktigaṃgāṃbhastilamātraṃ tu yaḥ pibet |
devo bhavetsa siddho vā garbhe naiva ca saṃviśet || 244 ||
[Analyze grammar]

na gaṃgā sadṛśī siddhirna gaṃgā sadṛśī matiḥ |
na gaṃgāsadṛśī muktirgaṃgā sarvādhikā yataḥ || 245 ||
[Analyze grammar]

tasmātsarvaprayatnena mahābhaktyā ca dhārmika |
karasthaṃ tasya kaivalyaṃ yogaṃ gāṃ sevate sadā || 246 ||
[Analyze grammar]

āyuṣmānbhava pāṃthatvaṃ mā dharmavirato bhava |
tvayā'haṃ tāritaḥ sadyo gaṃgāṃbukaṇadānataḥ || 247 ||
[Analyze grammar]

ityuktvā prasthito nākaṃ piśācastu sa keralaḥ |
āśīrbhirabhinaṃdyātha pāṃthaṃ baṃdhuvaraṃ naram || 248 ||
[Analyze grammar]

pretaṃ vimokṣya pāṃtho'pi punarādāya tajjalam |
gatastenaiva mārgeṇa smaraṃstīrthodakautukam || 249 ||
[Analyze grammar]

vasiṣṭha uvāca |
itthaṃ prayāgamāhātmyaṃ śrutvā natvā ca taṃ munim |
prayāgaṃ sahasā māghe piśācaḥ satvaraṃ gataḥ || 250 ||
[Analyze grammar]

snātvā sitāsite so'pi māghamāse dvijottama |
piśācaḥ kṣīṇapāpastu paiśācīṃ vijahau tanum || 251 ||
[Analyze grammar]

divyadehastato bhūtvā drāviḍo bhūpatistadā |
stuvannārāyaṇaṃ devaṃ bhaktyā doṣavivarjitaḥ || 252 ||
[Analyze grammar]

gaṃdharvaiḥ stūyamānastu nākanārīsupūjitaḥ |
uttamena vimānena puraṃdarapuraṃ yayau || 253 ||
[Analyze grammar]

iti te kathitaṃ vipra pūrvavṛttaṃ sakautukam |
itihāsaṃ dvijaśreṣṭha sadyaḥ pātakanāśanam || 254 ||
[Analyze grammar]

jñānadaṃ mokṣadaṃ vipra śrutaṃ durgatināśanam |
iti te kathitaṃ sarvaṃ purāvṛttaṃ sakautukam || 255 ||
[Analyze grammar]

itihāsaṃ dvijaśreṣṭha śrutaṃ durgatināśanam |
adhunā tu mayā sārdhamimāḥ kanyāḥ sutaśca te || 256 ||
[Analyze grammar]

tvaṃ cāyātu prayāgaṃ vai sarve sadgatimīpsavaḥ |
māghasnānaṃ prakurmo'tra devānāmapi durlabham || 257 ||
[Analyze grammar]

tatra mokṣyaṃti paiśācyaṃ sadyaḥ pāpasamudbhavam || 258 ||
[Analyze grammar]

maheśa uvāca |
evaṃ vasiṣṭhavaktrābjakathāmadhurasaṃmudā |
pītvā pramuditāḥ sarve nistīrṇā narakārṇavāt || 259 ||
[Analyze grammar]

prasthitāstena sārdhaṃ te satvaraṃ vyomni harṣitāḥ |
dilīpa śṛṇu tatsarvaṃ tattīrthaṃ tu sitāsitam || 260 ||
[Analyze grammar]

satvaraṃ vyomamārgeṇa kāmamāsādya duḥsahāḥ |
samāgamya tadā tatra saṃhṛṣṭahṛdayāśca te || 261 ||
[Analyze grammar]

athoce lomaśastatra sadayaṃ gaganāṃgaṇe |
paśyaṃtu śraddhayā sarve tīrtharājamimaṃ bhuvi || 262 ||
[Analyze grammar]

vinā jñānaṃ prayāge'sminmucyaṃte sarvajaṃtavaḥ |
iṣṭvātraiva mahāyajñaṃ sraṣṭukāmaḥ prajāpatiḥ || 263 ||
[Analyze grammar]

avāpa sṛṣṭisāmarthyaṃ tataḥ sṛṣṭiṃ cakāra saḥ |
atra nārāyaṇaḥ sasnau patnīkāmaḥ sitāsite || 264 ||
[Analyze grammar]

ataḥ sa labdhavānlakṣmīṃ bhāryāmamṛtamaṃthane |
uṣitvā cātra ṣaṇmāsaṃ snātvā veṇyāṃ yathecchayā || 265 ||
[Analyze grammar]

tripuraṃ ghātayāmāsa tribāṇena triśūlabhṛt |
imāni trīṇi kuṃḍāni dīptānyajasravahnibhiḥ || 266 ||
[Analyze grammar]

eṣa tṛptiṃ gato vahniryaḥ kenāpi ca puṣyati |
atra devāstrayastriṃśattṛptā mumudire bhṛśam || 267 ||
[Analyze grammar]

āvirbhūto maheśo'tra nīlakaṃṭhaḥ kapālabhṛt |
aniśaṃsa suraiḥ sevya āyātoṃjalaye baṭuḥ || 268 ||
[Analyze grammar]

mṛkaṃḍasūnunā kalpe praviśya yanmukhe sthitam |
loke jvālākule so'yaṃ yogarūpī janārdanaḥ || 269 ||
[Analyze grammar]

seyaṃ bhāgīrathī śaṃbhoḥ sarvaduḥkhāpahāriṇī |
siddhyarthaṃ sevyate siddhairbhuktimuktiphalapradā || 270 ||
[Analyze grammar]

aniśaṃ bhūtidā yā ca svargamārge hyanuttamā |
svargahetuśca yā devī seyaṃ bhāgīrathī nadī || 271 ||
[Analyze grammar]

yadaṃbhaḥ snānamātreṇa vikartana salokatām |
labhaṃte prāṇinaḥ sarve nadī sā yamunā svayam || 272 ||
[Analyze grammar]

anayoḥ puṇyanadyośca saṃgamaḥ sukhado mune |
atra snātā na pacyaṃte narake jñānabhāvitāḥ || 273 ||
[Analyze grammar]

vinā jñānaṃ prayāge'sminmucyaṃte sarvajaṃtavaḥ |
anyacca śrūyatāṃ vipra itihāsaṃ purātanam || 274 ||
[Analyze grammar]

śṛṇvatāṃ sarvapāpaghnaṃ sarvarogavināśanam |
ṛcīkena purā śapto gaṃdharvo vāyaso'bhavat || 275 ||
[Analyze grammar]

śāpaṃ mumoca so'traiva snātaḥ sadyaḥ sitāsite |
vāsavasya tu śāpena svargādbhraṣṭāpsarorvaśī || 276 ||
[Analyze grammar]

svargakāmā ca sā sasnau lebhe svargaṃ tatocirāt |
putraṃ ca śaṃkaraṃ lebhe yayātirnāhuṣo mune || 277 ||
[Analyze grammar]

putrakāmaḥ prayāge hi snātvā puṇye sitāsite |
dhanakāmaḥ purā śakraḥ susnāto'tra dvijottama || 278 ||
[Analyze grammar]

dhanadasya nidhīnsarvāñjahāra sa ca māyayā |
kaśyapo'tra tapastepe śivārādhanatatparaḥ || 279 ||
[Analyze grammar]

asmiṃstīrthe bharadvājo yogasiddhimavāptavān |
asmiṃstīrthe purā vipra yogeśāḥ śāṃtamānasāḥ || 280 ||
[Analyze grammar]

yogasya phalabhūmiṃ tu lebhire sanakādayaḥ |
asminmāghe tu ye snātā gaṃgāyāmunasaṃgame || 281 ||
[Analyze grammar]

tārārūpāśca te sarve tairvyāptaṃ sakalaṃ jagat |
viṃdaṃti kāminaḥ kāmānmuktiṃ yāṃti mumukṣavaḥ || 282 ||
[Analyze grammar]

viṃdaṃti sādhakāḥ siddhiṃ prayāge hi dvijottama |
sāṃprataṃ muktikāmāstu kanyāścāpi sutaśca te || 283 ||
[Analyze grammar]

madvākyādatra majjaṃtu sarve tvaṃ ca sitāsite |
prākkālīnāghavidhvaṃsi veṇījalabalena tu || 284 ||
[Analyze grammar]

labhaṃtāmakhilaṃ lakṣmīṃ prāptaśāpamahāphalām |
evamārṣavacaḥ satyamatīṃdriyamalaṃghanam || 285 ||
[Analyze grammar]

śrutvā cotkaṃṭhacittāstesarve snānāya codyatāḥ |
prayāgaṃ prāpya duṣprāpyaṃ paiśācyaṃ vijahuḥ kṣaṇāt || 286 ||
[Analyze grammar]

vimuktāḥ śāpaduḥkhena tanuṃ svāṃ svāṃ ca lebhire |
dṛṣṭvā vedanidhiḥ putraṃ tāḥ kanyā divyarūpiṇīḥ || 287 ||
[Analyze grammar]

tuṣṭāva lomaśaṃ prītyā prasannenāṃtarātmanā |
tvadanugrahamātreṇottīrṇaḥ pāpamahārṇavaḥ || 288 ||
[Analyze grammar]

idānīmucitaṃ brūhi bālānāmṛṣisattama |
lomaśa uvāca |
kumārodhītavedo'yaṃ samāptaniyamo yuvā || 289 ||
[Analyze grammar]

āsāṃ tu sānurāgāṇāṃ gṛhṇātu karapaṃkajam |
tato lomaśavākyena svapiturvacanāttadā || 290 ||
[Analyze grammar]

vivāhavidhinā cāśu brahmacārī sa dhārmikaḥ |
śubhadravyaiśca maṃtraiśca ṛṣibhiḥ kṛtamaṃgalaḥ || 291 ||
[Analyze grammar]

paṃcānāmapi kanyānāṃ pāṇiṃ jagrāha dharmataḥ |
ānaṃdinyastadā sarvāḥ kanyāḥ pūrṇamanorathāḥ || 292 ||
[Analyze grammar]

babhūvuḥ sa kumāraśca saṃtuṣṭaśca babhūva ha |
dattvānujñāṃ muniḥ so'tha lomaśastairnamaskṛtaḥ || 293 ||
[Analyze grammar]

jagāma svāśramaṃ meruṃ parvataṃ surasevitam |
tato vedanidhī rājansnuṣāḥ paṃcasutaṃ tathā |
puraskṛtya mudāyukto dhanadasya puraṃ yayau || 294 ||
[Analyze grammar]

iti nṛpavaramāghe snānasaṃjātapuṇyānmunivaravacasā drāktīrtharājaprayāge |
sakalakaluṣamuktāḥ paṃca gaṃdharvakanyā alamabhigatalābhātprāpya tarṣaṃ ca jagmuḥ || 295 ||
[Analyze grammar]

paramimamitihāsaṃ pāvanaṃ tīrthabhūtaṃ vṛjinavilayahetuṃ yaḥ śṛṇotīha nityam |
sa bhavati khalu pūrṇaḥ sarvakāmairabhīṣṭairvrajati ca suraloke durlabho dharmayuktaḥ || 296 ||
[Analyze grammar]

itihāsamimaṃ śrutvā pūjayedyastu pāṭhakam |
gobhirhiraṇyavastraiśca brahmatulyo yato hi saḥ || 297 ||
[Analyze grammar]

vācake pūjite yasmādviṣṇurbhavati pūjitaḥ |
tasmātprapūjayennityaṃ yadīcchetsaphalaṃ bhavam || 298 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe māghamāhātmye vasiṣṭhadilīpasaṃvāde gaṃdharvakanyāpariṇayonāmaikonatriṃśādhikaśatatamo'dhyāyaḥ |
1 || 29 ||
[Analyze grammar]