Chapter 128

[English text for this chapter is available]

vasiṣṭha uvāca |
kathitaṃ māghamāhātmyaṃ dattātreyeṇa bhāṣitam |
adhunā'haṃ pravakṣyāmi māghasnānasya yatphalam || 1 ||
[Analyze grammar]

sarvakratuvariṣṭhaṃ tu sarvadānaphalapradam |
sarvavratatapastulyaṃ māghasnānaṃ paraṃtapa || 2 ||
[Analyze grammar]

snānena māghasya viśuddhamānasā pitṝndivi sthāpya kuladvayasya vai |
svargaṃ prayāṃti svayamujjvalānanā varairvimānai ruciraiśca kāmagaiḥ || 3 ||
[Analyze grammar]

ye mānavāḥ pāpakṛto'pi sarvadā sadā durācāraratā vimārgagāḥ |
snātvā hi māghe harimarcayaṃti ye muṃcaṃti tepīha mahāghasaṃcayam || 4 ||
[Analyze grammar]

satyena hīnāḥ pitṛmātṛduḥkhadā hyanāśramasthāḥ kuladharmavarjitāḥ |
ye dāṃbhikāste'pi narāḥ satāṃ gatiṃ snānaiḥ prayāṃtyatra hi māghasaṃbhavaiḥ || 5 ||
[Analyze grammar]

puṇyeṣu tīrtheṣu ca māghamāse snānaṃ narāṇāmatidurlabhaṃ bhuvi |
tasmādyato brahmavidāṃ padaṃ naraiḥ saṃprāpyate nātra vicāraṇā mama || 6 ||
[Analyze grammar]

māghe tapo dāna japa prasevanaṃ sthānaṃ hareḥ pūjanamakṣayaṃ nṛpa |
tasmādyathāśakti naraiḥ prayatnataḥ snātvā pradeyaṃ vasanānnakāṃcanam || 7 ||
[Analyze grammar]

māghe'nnadātā'mṛtapaḥ surālaye hemnaśca dātā balabhitsamīpagaḥ |
dīpāgnivāsāṃsi dadannaraḥ sadā sūryasyaloke vasati prabhāmayaḥ || 8 ||
[Analyze grammar]

yajñaiḥ sudānaiḥ sutapobhirujjvalaiḥ subrahmacaryārcanayogasevayā |
śuddhā bhavaṃtīha tathā na pāpinaḥ snānairyathā puṇyabhavaistu māghajaiḥ || 9 ||
[Analyze grammar]

duḥkhaughasaṃtaptimasahyayātanāṃ yāmyāṃ na te yāṃtyapi pāpakāriṇaḥ |
ye māghamāse varatīrthamajjanaṃ kurvaṃti cārdhoditasūryamaṃḍale || 10 ||
[Analyze grammar]

snātvā ca māghe harimarcayaṃti ye svargacyutā bhūpatayo bhavaṃti |
bhavyāḥ surūpāḥ subhagāḥ priyaṃvadā dharmānvitā bhūridhanāḥ śatāyuṣaḥ || 11 ||
[Analyze grammar]

dīptānale kāṣṭhacayo yathāhuto bhasmāvaśeṣo bhavatīha tatkṣaṇāt |
snānena māghasya tathā vilīyate kṣudro'pi pāpaugha mahāghasaṃcayaḥ || 12 ||
[Analyze grammar]

kāyena vācā manasāpi pātakaṃ jñātaṃ yadajñātamalaṃkṛtaṃ naraiḥ |
snānaṃ ca māghe varatīrthasaṃbhavaṃ sarvaṃ dahadviṣṇurivāśu hṛdgataḥ || 13 ||
[Analyze grammar]

saṃbhujyamānāghaphalaṃ hi pārthiva pramādatopīha nṛṇāṃ kadācana |
snānaṃ hi māghasya yataḥ prasajyate tadaiva tatsaṃkṣayameti niścitam || 14 ||
[Analyze grammar]

gaṃdharvaṃ kanyāḥ pṛthivī śaśāpajaṃ saṃbhujyamānāghaphalaṃ duratyayam |
snānādvimuktāḥ khalu māghamāsajādvākyātpurā lomaśajātamadbhutam || 15 ||
[Analyze grammar]

sūta uvāca |
śrutvaitatpārthivaḥ prītyā natvā tatpādapaṃkajam |
śraddhayā parayā namrastaṃ papraccha purodhasam || 16 ||
[Analyze grammar]

bhagavanbrūhi kanyābhiḥ śāpo hyabhigataḥ kutaḥ |
kasyāpatyāni tāstāsāṃ nāma kiṃ kīdṛśaṃ vayaḥ || 17 ||
[Analyze grammar]

kathaṃ lomaśavākyena vipākācchāpasaṃbhavāt |
vimuktāḥ kutra tāḥ sasnurmāsaṃ tāḥ katisaṃkhyayā || 18 ||
[Analyze grammar]

vasiṣṭha uvāca |
śrūyatāṃ rājaśārdūla dharmagarbhāṃ kathāṃ parām |
yathā'raṇirvahnigarbhā dharmasūrvahnisūriva || 19 ||
[Analyze grammar]

gaṃdharvaḥ sukhasaṃgītistasya kanyā pramodinī |
suśīlasya suśīlā ca susvarā svaravedinaḥ || 20 ||
[Analyze grammar]

sutārā caṃdrakāṃtasya caṃdrikā suprabhasya ca |
imāni varanāmāni tāsāmapsarasāṃ nṛpa || 21 ||
[Analyze grammar]

kumāryaḥ paṃca sarvāstā vayasā susamāḥ punaḥ |
caṃdrādivaviniṣkrāṃtāścaṃdrikeva samujjvalāḥ || 22 ||
[Analyze grammar]

caṃdrānanāḥ sukeśinyaścaṃdrāmṛtarasādharāḥ |
netreṣvānaṃdakāriṇyaḥ kaumudī kumudeṣviva || 23 ||
[Analyze grammar]

lāvaṇyapiṃḍasaṃbhūtāścārurūpāmanoharāḥ |
udibhannakucakuṃbhinyaḥ padminya iva mādhave || 24 ||
[Analyze grammar]

unmīlya yauvanaṃ kāṃtaṃ vallīva navapallavaiḥ |
hemagaurāśca hemābhā hemālaṃkārabhūṣitāḥ || 25 ||
[Analyze grammar]

hemacaṃpakamālinyo hemacchavisuvāsasaḥ |
svaragrāmāvalīhāsu vividhā mūrcchanāsu ca || 26 ||
[Analyze grammar]

tāladānavinodeṣu veṇuvīṇāpravādane |
mṛdaṃganādasaṃbhinnaṃ lāsyamārgalaveṣu ca || 27 ||
[Analyze grammar]

citrādiṣu vinodeṣu kalāsu ca viśāradāḥ |
evaṃbhūtāstu tāḥ kanyā mumuhuḥ krīḍane vane || 28 ||
[Analyze grammar]

pitṛbhirlālitāḥ satyaśceruśca dhanadālaye |
kautukādekadā paṃca militvā māsi mādhave |
kanyā maṃdārapuṣpāṇi vicinvaṃtyo vanādvanam || 29 ||
[Analyze grammar]

gaurīṃ samārādhayituṃ varāṃganāḥ kadācidacchodasarovaraṃ yayuḥ |
hemāṃbujāni pravarāṇi tāḥ punastasmādupādāya varotpalaiḥ saha || 30 ||
[Analyze grammar]

vaiḍūryaśuddhasphaṭikācchavidrume snātvā taḍāge paridhāya cāṃbaram |
maunena ca sthaṃḍilapiṃḍikāmayī svarṇasya siktābhirumāṃ vinirmamuḥ || 31 ||
[Analyze grammar]

samarcitāṃ caṃdanacaṃdrakuṃkumairabhyarcya gaurīṃ varapaṃkajādibhiḥ |
nānopacāraiśca subhaktibhāvitāstālaprayogairnanṛtuḥ kumārikāḥ || 32 ||
[Analyze grammar]

gāṃdhāramāśritya varaṃ svaraṃ tato geyaṃ sutāradhvanibhiḥ sumūrcchitam |
eṇīdṛśastāḥ prajaguḥ kalākṣaraṃ cāruprabaṃdhaṃ gatibhistu susvaram || 33 ||
[Analyze grammar]

tasminsunāde rasavarṣaharṣade kanyāsvalaṃ nirbharanṛtyavṛttiṣu |
acchodatīrthapravare tadā gataḥ snātuṃ munervedanidheḥ sutāgnipaḥ || 34 ||
[Analyze grammar]

rūpeṇa niḥsīmataro varānanaḥ sarojapatrāyatalocano yuvā |
viśālavakṣāḥ subhujo'tisuṃdaraḥ śyāmacchaviḥ kāmaivāparo hi saḥ || 35 ||
[Analyze grammar]

sa brahmacārī saśikho virājate daṃḍenayukto dhanuṣaiva manmathaḥ |
eṇājinaprāvaraṇaḥ susūtradhṛgghemābhamauṃjī kaṭisūtramekhalaḥ || 36 ||
[Analyze grammar]

taṃ dṛṣṭvā brāhmaṇaṃ bālāstāstatra sarasastaṭe |
jaharṣuḥ kautukāviṣṭāḥ ko'yaṃ no nayanātithiḥ || 37 ||
[Analyze grammar]

saṃtyaktanṛtyagītāstāstasyālokanatatparāḥ |
hariṇyo lubdhakeneva viddhāḥ kāmena sāyakaiḥ || 38 ||
[Analyze grammar]

paśyapaśyeti jalpaṃtyo mugdhāḥ paṃcasu saṃbhramam |
tasminvipravare yūni kāmadevabhramaṃ yayuḥ || 39 ||
[Analyze grammar]

punaḥ punastamabhyarcya nayanaiḥ paṃkajairiva |
paścādvicāramāyāsustāśca kanyāḥ parasparam || 40 ||
[Analyze grammar]

yadyayaṃ kāmadevo hi ratihīnaḥ kathaṃ vrajet |
athāyamaśvinau devau tau nūnaṃ yugmacāriṇau || 41 ||
[Analyze grammar]

gaṃdharvaḥ kinnaro vātha siddho vā kāmarūpadhṛk |
ṛṣiputrothavā kaścitkaścidvā mānuṣottamaḥ || 42 ||
[Analyze grammar]

astu vā kaścidevāyaṃ dhātrāsṛṣṭo hi naḥ kṛte |
yathābhāgyavatāmarthe nidhānaṃ pūrvakarmabhiḥ || 43 ||
[Analyze grammar]

tathāsmākaṃ kumārīṇāṃ gauryā nīto varottamaḥ |
karuṇājalakallola plavārdrīkṛtacittayā || 44 ||
[Analyze grammar]

mayā vṛtastvayā cāyaṃ tvayā vṛtastathā mayā |
evaṃ paṃcasu kanyāsu vadaṃtīṣu nṛpottama || 45 ||
[Analyze grammar]

śrutvā tadvacanaṃ tatra kṛtvā mādhyāhnikīḥ kriyāḥ |
ālocya hṛdaye so'pi vighnametadupasthitam || 46 ||
[Analyze grammar]

brahmaviṣṇugiriśādayaḥ surā ye ca siddhamunayaḥ purātanāḥ |
te'pi yogabalino vimohitā līlayā tadabalābhiradbhutam || 47 ||
[Analyze grammar]

yoṣitāṃ nayanatīkṣṇasāyakairbhrūlatāsudṛḍhacāpanirgataiḥ |
dhanvināmakaraketunā hataḥ kasya no patati hā manomṛgaḥ || 48 ||
[Analyze grammar]

tāvadeva nayadhīrvirājate tāvadeva janatā bhayaṃ bhajet |
tāvadeva dṛḍhacittatā bhṛśaṃ tāvadeva gaṇanā kulasya ca || 49 ||
[Analyze grammar]

tāvadeva tapasaḥ pragalbhatā tāvadeva yamadhāraṇaṃ nṛṇām |
yāvadeva vanitekṣaṇabāṇairmohayaṃtyurumadairna mānuṣāḥ || 50 ||
[Analyze grammar]

mohayaṃtu madayaṃtu rāgiṇāṃ yoṣitaḥ sulalitairmanoharaiḥ |
mohayaṃti madayaṃti māmimaṃ dharmarakṣaṇaparaṃ hi kairguṇaiḥ || 51 ||
[Analyze grammar]

māṃsaśukramalamūtranirmite yoṣitāṃ vapuṣi nirghṛṇe'śucau |
kāminaśca parikalpya cārutāṃ mā ramaṃtu suvimūḍhacetasaḥ || 52 ||
[Analyze grammar]

dāruṇo hi parikīrtitoṃganā sannidhirvimalabuddhibhirbudhaiḥ |
yāvadatra na samīpagā imāstāvadeva hi gṛhaṃ vrajāmyaham || 53 ||
[Analyze grammar]

samīpaṃ tasya yāvaddhi nāgacchaṃti varāṃganāḥ |
vaiṣṇavena prabhāveṇa tāvadaṃtardadhe dvijaḥ || 54 ||
[Analyze grammar]

tasya yogabalādbhūpa gatasyādarśanaṃ tadā |
dṛṣṭvā tadadbhutaṃ karma ṛṣiputrasya dhīmataḥ || 55 ||
[Analyze grammar]

vitrastanayanā bālāḥ kuraṃgya iva kātarāḥ |
saṃbhrāṃta nayanāḥ śūnyā dadṛśustā diśo daśa || 56 ||
[Analyze grammar]

iṃdrajālaṃ sphuṭaṃ vetti māyāṃ jānāti vā punaḥ |
dṛṣṭo'pyadṛṣṭarūpo'bhūdityūcuśca parasparam || 57 ||
[Analyze grammar]

vyāptaṃ tu hṛdayaṃ tāsāṃ sadaiva virahāgninā |
jvaladdāvānaleneva susnigdhaṃ sāṃdra kānanam || 58 ||
[Analyze grammar]

tyaktvaiṃdrajālikīṃ vidyāṃ kāṃta darśaya satvaram |
svātmānaṃ no manoyuktaṃ prāggrāse makṣikopamam || 59 ||
[Analyze grammar]

hā kaṣṭaṃ darśitaḥ kasmāddhātrā tvaṃ ghaṭitaḥ punaḥ |
jñātaṃ mahānusaṃtāpahetornastvaṃ vinirmitaḥ || 60 ||
[Analyze grammar]

kaccitte nirdayaṃ cetaḥ kaccidasmāsu no manaḥ |
kacciddhūrto'si he kāṃta kaccinmuṣṇāsi no manaḥ || 61 ||
[Analyze grammar]

kaccinna pratyayosmāsu kaccida'smānparīkṣase |
kaccinnarmakalāśīlaḥ kaccinmāyāviśāradaḥ || 62 ||
[Analyze grammar]

kacciccitte praveṣṭuṃ ca vetsi vijñānalāghavam |
kaccinniṣkramaṇopāyaṃ na jānāsi kutaḥ punaḥ || 63 ||
[Analyze grammar]

kaccidvināparādhaṃ tu tvamasmāsu prakupyase |
kaccidduḥkhaṃ vijānāsi pareṣāṃ vipralaṃbhajam || 64 ||
[Analyze grammar]

tvaddarśanaṃ vinā nūnaṃ hṛdayeśvara sāṃpratam |
na jīvāmo'tha jīvāmaḥ punastvaddarśanāśayā || 65 ||
[Analyze grammar]

asmāṃśca nīyatāṃ tatra yatra śīghraṃ gato bhavān |
tvaddarśanaharo dhātā vyadadhādaṃkuracchidam || 66 ||
[Analyze grammar]

sarvathā darśanaṃ dehi kāruṇyaṃ bhaja sarvathā |
paryaṃtaṃ na prapaśyaṃti sarvathā sajjanā janāḥ || 67 ||
[Analyze grammar]

itthaṃ vilapya tāḥ kanyāḥ pratīkṣya ca bahukṣaṇam |
pitṛrbhiyā gṛhaṃ gaṃtuṃ śīghramārebhire gatim || 68 ||
[Analyze grammar]

tatpremanigaḍairbaddhā bhṛśaṃ viraha viklavāḥ |
kathaṃciddhairyamālaṃbya tāḥ svaṃ svaṃ gṛhamāgatāḥ || 69 ||
[Analyze grammar]

āgatya patitāḥ sarvā jalayaṃtrasamīpataḥ |
kimetanmātṛbhiḥ pṛṣṭāḥ kutaḥ kālātyayo'bhavat || 70 ||
[Analyze grammar]

kanyā ūcuḥ |
krīḍaṃtyaḥ kinnarībhistu sārdhaṃ saṃgītakaṃ mudā |
saṃsthitāstena na jñātaṃ divasādi sarovare || 71 ||
[Analyze grammar]

pathiśrāṃtā vayaṃ mātaḥ saṃtāpastena nastanau |
mohena mahatā vaktuṃ na kenāpyutsahāmahe || 72 ||
[Analyze grammar]

ityuktvā luluṭhustatra maṇibhūmau kumārikāḥ |
ākāraṃ gopayaṃtyastā mugdhā jalpaṃti mātṛbhiḥ || 73 ||
[Analyze grammar]

kācinnartayati krīḍāmayūraṃ na mudā tadā |
na pāṭhayati taṃ kīraṃ paṃjare'nyā kutūhalāt || 74 ||
[Analyze grammar]

lālayennakulaṃ nānyā nollāsayati sārikām |
aparātīva saṃmugdhā naiva krīḍati sārasaiḥ || 75 ||
[Analyze grammar]

bhejire na vinodāṃstā remire naiva maṃdire |
ūcire bāṃdhavairnālaṃ vīṇāvādyaṃ na cakrire || 76 ||
[Analyze grammar]

kalpadrumaprasūnaṃ yadrasavattu sudhopamam |
maṃdārakusumāmodi na papurmadhuraṃ madhu || 77 ||
[Analyze grammar]

yoginya iva tāḥ kanyā nāsāgranyastalocanāḥ |
alakṣyadhyānasaṃtānāḥ puruṣottamamānasāḥ || 78 ||
[Analyze grammar]

caṃdrakāṃtamaṇicchanne sravadvārikaṇadrave |
kṣaṇaṃ vātāyane sthitvā jalayaṃtrekṣaṇaṃ kṣaṇāt || 79 ||
[Analyze grammar]

racayaṃti kṣaṇaṃ śayyāṃ dīrghikāṃ bhojinīdalaiḥ |
vījyamānā sakhībhistāḥ śītalaiḥ kadalīdalaiḥ || 80 ||
[Analyze grammar]

itthaṃ yugasamāṃ rātriṃ manvānāstā varastriyaḥ |
kathaṃciddhīratāṃ kṛtvā vihvalāḥ sajvarā iva || 81 ||
[Analyze grammar]

prātarvyomamaṇiṃ dṛṣṭvā manyamānāḥ svajīvitam |
vijñāpya mātaraṃ svāṃ svāṃ gaurīṃ pūjayituṃ gatāḥ || 82 ||
[Analyze grammar]

snātvā tena vidhānena puṣpairdhūpairyathā tathā |
vidhāya pūjanaṃ devyā gāyaṃtyastatra tāḥ sthitāḥ || 83 ||
[Analyze grammar]

etasminnaṃtare vipraḥ snātuṃ so'pi samāgataḥ |
pitrāśramapadāttasmādacchode ca sarovare || 84 ||
[Analyze grammar]

mitraṃ dṛṣṭvaiva rātryaṃte nalinya iva kanyakāḥ |
utphullanayanā jātāstaṃ dṛṣṭvā brahmacāriṇam || 85 ||
[Analyze grammar]

gatvā tadaiva tāḥ kanyāḥ samīpaṃ brahmacāriṇaḥ |
savyāpasavyabaṃdhena bhujapāśaṃ ca cakrire || 86 ||
[Analyze grammar]

gato'si dhūrta pūrvedyurgaṃtumadya na śakyase |
vṛtastvaṃ nūnamasmābhirnātra te'stu vicāraṇā || 87 ||
[Analyze grammar]

ityukto brāhmaṇaḥ prāha prasanbāhupāśagaḥ |
yuṣmābhirucyate bhadramanukūlaṃ priyaṃ vacaḥ || 88 ||
[Analyze grammar]

prathamāśramaniṣṭhasya kiṃtu nādyāpi me vratam |
vedābhyasanaśīlasya pāraṃ yāti guroḥ kule || 89 ||
[Analyze grammar]

āśrame yatra yo dharmo rakṣaṇīyaḥ sa paṃḍitaiḥ |
vivāho'yamato manye na dharma iti kanyakāḥ || 90 ||
[Analyze grammar]

ākarṇya tasya vākyāni tamūcustā vacastataḥ |
sakaladhvanisotkaṃṭhāḥ kokilā iva mādhave || 91 ||
[Analyze grammar]

dharmādarthorthataḥ kāmaḥ kāmāddharmaphalodayaḥ |
ityeva niścitaṃ śāstraṃ varṇayaṃti vipaścitaḥ || 92 ||
[Analyze grammar]

sakāmo dharmabāhulyātpuraste samupāgataḥ |
sevyatāṃ vividhairbhogaiḥ svargabhūmiriyaṃ tataḥ || 93 ||
[Analyze grammar]

śrutvā tadvacanaṃ tāsāṃ prāha gaṃbhīrayā girā |
tathyaṃ vo vacanaṃ kiṃtu samāpyeha svakaṃ vratam || 94 ||
[Analyze grammar]

prāpyanujñāṃ guroḥ sarvaṃ vaivāhaṃ karma nānyathā |
ityuktvā punarūcustāḥ sphuṭaṃ mūḍho'si sundaraḥ || 95 ||
[Analyze grammar]

divyauṣadhaṃ brahmarasāyanaṃ ca siddhirnidheḥ sādhukalā varāṃganāḥ |
maṃtrastathā siddhirasaśca dharmato nemā niṣedhyāḥ sudhiyā samāgatāḥ || 96 ||
[Analyze grammar]

kāryaṃ hi daivādyadi siddhamāgataṃ tasminnupekṣāṃ na ca yāti nītigaḥ |
yasmādupekṣā na punaḥ phalapradā tasmānna dīrghīkaraṇaṃ praśasyate || 97 ||
[Analyze grammar]

sāṃdrānurāgāḥ kulajanmanirmalāḥ snehārdracittāḥ sugiraḥ svayaṃvarāḥ |
kanyāḥ surūpāḥ khalu cāruyauvanā dhanyā labhaṃte'tra narāstu netare || 98 ||
[Analyze grammar]

kva vayaṃ varasundaryaḥ kva cā'yaṃ tāpaso baṭuḥ |
durghaṭasya vidhāne hi manye dhātātipaṃḍitaḥ || 99 ||
[Analyze grammar]

tasmādasmānidānīṃ tu svīkuryānmaṃgalaṃ bhavān |
gāṃdharveṇa vivāhena hyanyathā no na jīvitam || 100 ||
[Analyze grammar]

śrutavākyastataḥ prāha brāhmaṇo dharmavittamaḥ |
bho mṛgākṣyaḥ kathaṃ tyājyo dharmo dharmadhanairnaraiḥ || 101 ||
[Analyze grammar]

dharmaścārthaśca kāmaśca mokṣaścaitaccatuṣṭayam |
yathoktaṃ saphalaṃ jñeyaṃ viparītaṃ tu niṣphalam || 102 ||
[Analyze grammar]

nākālehaṃ vratī kuryāmato dāraparigraham |
na kriyāphalamāpnoti kriyākālaṃ na vetti yaḥ || 103 ||
[Analyze grammar]

yato dharmavicāre'sminprasaktaṃ mama mānasam |
tasmācchṛṇuta he kanyā na samīhe svayaṃvaram || 104 ||
[Analyze grammar]

evaṃ jñātvāśayaṃ tasya samīkṣyaitāḥ parasparam |
karātkaraṃ vimucyātha jagrāhāṃghrī pramodinī || 105 ||
[Analyze grammar]

bhujau jagrahatustasya suśīlā sasvarā tathā |
āliliṃga sutārā ca cucuṃbe caṃdrikāmukham || 106 ||
[Analyze grammar]

tathāpi nirvikāro'sau pralayānalasannibhaḥ |
śaśāpa brahmacārī tāḥ krodhenātyaṃtamūrcchitaḥ || 107 ||
[Analyze grammar]

piśācya iva māṃ lagnāstatpiśācyo bhaviṣyatha |
evaṃ tenāśu śaptāstāstaṃ saṃtyajya purāsthitāḥ || 108 ||
[Analyze grammar]

kimetacceṣṭitaṃ pāpa hyanāgasi jane tvayā |
priye kṛtye'priyaṃ kṛtvā dhiktā dharmajñatāṃ tava || 109 ||
[Analyze grammar]

anurakteṣu bhakteṣu mitreṣu drohakāriṇaḥ |
puṃso lokadvaye saukhyaṃ nāśaṃ yātīti naḥ śrutam || 110 ||
[Analyze grammar]

tasmāttvamapi naḥ śāpātpiśāco bhava satvaram |
ityuktvoparatā bālā niḥśvasaṃtyaḥ kṣudhākulāḥ || 111 ||
[Analyze grammar]

tadā cānyonyasaṃraṃbhāttasminsarasi pārthiva |
tāḥ kanyā brahmacārī saḥ sarve paiśācamāgatāḥ || 112 ||
[Analyze grammar]

piśācyāḥ sa piśācaśca kraṃdamānāḥ sudāruṇama |
kṣapayaṃti vipākaṃ taṃ pūrvopāttasya karmaṇaḥ || 113 ||
[Analyze grammar]

svakāle tu phalatyeva pūrvopāttaṃ śubhāśubham |
svacchāyā iva durvāraṃ devānāmapi pārthiva || 114 ||
[Analyze grammar]

kraṃdaṃti pitarastāsāṃ mātarastatra tasya ca |
apramādaśca bālānāṃ daivaṃ hi duratikramam || 115 ||
[Analyze grammar]

tata ūrdhvaṃ piśācāste āhārārthe suduḥkhitāḥ |
itastataśca dhāvaṃto vasaṃti sarasastaṭe || 116 ||
[Analyze grammar]

evaṃ bahutithe kāle lomaśo munisattamaḥ |
pauṣe māsi caturdaśyāmacchode snātumāgataḥ || 117 ||
[Analyze grammar]

dṛṣṭvā taṃ brāhmaṇaṃ sarve piśācāḥ kṣutsamākulāḥ |
dhāvaṃto haṃtukāmāste militvā yūthavartinaḥ || 118 ||
[Analyze grammar]

dahyamānāsu tīvreṇa tejasā lomaśasya ca |
asamarthāḥ puraḥsthātuṃ sarve te dūrataḥ sthitāḥ || 119 ||
[Analyze grammar]

tatra vedanidhirviprastadaiva hi samāgataḥ |
samīkṣya lomaśaṃ rājansāṣṭāṃgaṃ praṇipatya saḥ || 120 ||
[Analyze grammar]

uvāca sūnṛtāṃ vācaṃ baddhvā śirasi cāṃjalim |
mahābhāgyodaye vipra sādhūnāṃ saṃgatirbhavet || 121 ||
[Analyze grammar]

gaṃgādisarvatīrtheṣu yo naraḥ snāti sarvadā |
yaḥ karoti satāṃ saṃgaṃ tayoḥ satsaṃgatirvarā || 122 ||
[Analyze grammar]

gurūṇāṃ saṃgamo vipra dṛṣṭādṛṣṭaphalo bhuvi |
svargado rogahārī ca kiṃtu sopadravo mataḥ || 123 ||
[Analyze grammar]

ityuktvā kathayāmāsa pūrvavṛttāṃtamadbhutam |
imā gaṃdharvakanyāstā baṭuḥ so'yaṃ mamātmajaḥ || 124 ||
[Analyze grammar]

sarve piśācarūpeṇa mithaḥ śāpavimohitāḥ |
dīnānanāstu tiṣṭhaṃti tavāgre munisattama || 125 ||
[Analyze grammar]

tvaddarśanena bālānāṃ nistāro'dya bhaviṣyati |
sūryodaye tamaḥ stomaḥ kiṃ na līyeta gahvare || 126 ||
[Analyze grammar]

śrutvā tallomaśo rājankṛpārdrīkṛtamānasaḥ |
pratyuvāca mahātejāstaṃ muniṃ putraduḥkhitam || 127 ||
[Analyze grammar]

matprasādācca bālānāṃ smṛtiḥ sapadi jāyatām |
dharmaṃ ca vacmi taṃ yena mithaḥ śāpo layaṃ vrajet || 128 ||
[Analyze grammar]

vedanidhiruvāca |
maharṣe kathyatāṃ dharmo mucyaṃte yena bālakāḥ |
nāyaṃ kālo vilaṃbasya śāpāgnirdāruṇo yataḥ || 129 ||
[Analyze grammar]

lomaśa uvāca |
mayā sārdhaṃ prakurvaṃtu māghasnānaṃ vidhānataḥ |
śāpānmucyaṃti māghāṃte nānyathā niṣkṛtirbhavet || 130 ||
[Analyze grammar]

śāpaḥ pāpaphalaṃ vipra pāpanāśo bhavennṛṇām |
māghasnānena tīrthe ca iti me niścitā matiḥ || 131 ||
[Analyze grammar]

saptajanmakṛtaṃ pāpaṃ vartamānaṃ ca pātakam |
māghasnānaṃ dahetsarvaṃ puṇyatīrthe viśeṣataḥ || 132 ||
[Analyze grammar]

prāyaścittaṃ na paśyaṃti yasminpāpe munīśvarāḥ |
pātakaṃ puṇyatīrtheṣu naśyettadapi māghataḥ || 133 ||
[Analyze grammar]

jñānakṛnmānase māghastasmānmokṣaphalapradaḥ |
himavatpṛṣṭhatīrtheṣu sarvapāpapraṇāśanaḥ || 134 ||
[Analyze grammar]

iṃdralokapradocchode nirdiṣṭo vedavādibhiḥ |
sarvapāpaharo māgho mokṣado badarīvane || 135 ||
[Analyze grammar]

pāpahā duḥkhahārī ca sarvakāmaphalapradaḥ |
rudralokaprado māgho nārmade pāpanāśanaḥ || 136 ||
[Analyze grammar]

yāmunaḥ sūryalokāya bhavetkalmaṣanāśanaḥ |
sārasvato'ghavidhvaṃsī brahmalokaphalapradaḥ || 137 ||
[Analyze grammar]

viśālaphalado māgho viśālāyāṃ dvijottama |
pātakeṃdhanadāvāgnirgarbhahetu kriyāpahaḥ || 138 ||
[Analyze grammar]

viṣṇulokāya mokṣāya jāhnavaḥ parikīrtitaḥ |
śarayū gaṃḍakī siṃdhuścaṃdrabhāgā ca kauśikī || 139 ||
[Analyze grammar]

tāpī godāvarī bhīmā payoṣṇī kṛṣṇaveṇikā |
kāverī tuṃgabhadrā ca anyā yāśca samudragāḥ || 140 ||
[Analyze grammar]

āśu māghī naro yāti svargalokaṃ vikalmaṣaḥ |
naimiṣe viṣṇusāyujyaṃ puṣkare brahmaṇoṃtikam || 141 ||
[Analyze grammar]

ākhaṃḍalasya loko hi kurukṣetre tu māghataḥ |
māgho devahrade vipra yogasiddhiphalapradaḥ || 142 ||
[Analyze grammar]

prabhāse makarāditye snānādrudragaṇo bhavet |
devakyāṃ devatādeho naro bhavati māghataḥ || 143 ||
[Analyze grammar]

māghasnānena bho vipra gomatyāṃ na punarbhavaḥ |
hemakūṭe mahākāle oṃkāre amareśvare || 144 ||
[Analyze grammar]

nīlakaṃṭherbude māghādrudraloke mahīyate |
sarvāsāṃ saritāṃ vipra saṃgame makare ravau || 145 ||
[Analyze grammar]

snānena sarvakāmānāmavāptirjāyate nṛṇām |
māghastu prāpyate dhanyaiḥ prayāge dvijasattama |
apunarbhavadaṃ tatra sitāsitajalaṃ yataḥ || 146 ||
[Analyze grammar]

gāyaṃti devāḥ satataṃ divisthā māghaḥ prayāge kila no bhaviṣyati |
snānānnarā yatra na garbhavedanāṃ paśyaṃti tiṣṭhaṃti ca viṣṇusannidhau || 147 ||
[Analyze grammar]

majjaṃti ye'pitryahamatra mānavāstīrthe prayāge bahupāpakaṃcukāḥ |
vrajaṃti te no nirayeṣu dharmiṇaḥ svarge śubhe cāru caraṃti devavat || 148 ||
[Analyze grammar]

tīrthairvratairdānatapobhiradhvaraiḥ sārdhaṃ vidhātrā tulayā dhṛtaṃ puraḥ |
māghe prayāgasya tayordvayorabhūnmāgho garīyānata eva so'dhikaḥ || 149 ||
[Analyze grammar]

vātāṃbuparṇāśanadehaśoṣaṇaistapobhirugraiścirakālasaṃcitaiḥ |
yogaiśca saṃyāṃti narā natāṃ gatiṃ snānena māghasya hi yāṃti yāṃ gatim || 150 ||
[Analyze grammar]

snātāśca ye makarabhāskarodaye tīrthe prayāge surasiṃdhusaṃgame |
teṣāṃ gṛhadvāramalaṃkaroti kiṃ bhṛṃgāvali kuṃjarakarṇatāḍitā || 151 ||
[Analyze grammar]

yo rājasūyāddhayamedhayajñataḥ snānātphalaṃ saṃpradadāti cādhikam |
pāpāni sarvāṇi vilopya līlayā nūnaṃ prayāgaḥ sa kathaṃ na sevyate || 152 ||
[Analyze grammar]

avaṃtiviṣaye rājā vīraseno'bhavatpurā |
narmadātīramāgatya rājasūyaṃ cakāra saḥ || 153 ||
[Analyze grammar]

ṣoḍaśairaśvamedhaiśca svarṇavāṭavirājitaiḥ |
svarṇabhūṣaṇayūpāḍhyairīje so'pi yathāvidhi || 154 ||
[Analyze grammar]

pradadau dhānyarāśīṃśca dvijebhyaḥ parvatopamān |
vadānyo devatābhakto gopradaḥ sa suvarṇadaḥ || 155 ||
[Analyze grammar]

brāhmaṇo bhadrako nāma mūrkho hīnakulastathā |
kṛṣīvalo durācāraḥ sarvadharmabahiṣkṛtaḥ || 156 ||
[Analyze grammar]

kṛṣikarmasamudvigno baṃdhubhiścāpyasaṃskṛtaḥ |
itastataḥ paribhramya nirgataḥ kṣutprapīḍitaḥ || 157 ||
[Analyze grammar]

daivataḥ sārthamāviśya prayāgaṃ sa samāgataḥ |
mahāmāghīṃ puraskṛtya sasnau tatra dinatrayam || 158 ||
[Analyze grammar]

anaghaḥ snānamātreṇa bhūtveha sa dvijottamaḥ |
prayāgāccalitastatra punaryasmātsamāgataḥ || 159 ||
[Analyze grammar]

sa rājā so'pi vipraśca vipannāvekadā tadā |
tayorgatiḥ samādṛṣṭā mayā śakrasya sannidhau || 160 ||
[Analyze grammar]

tejo rūpaṃ balaṃ straiṇaṃ devayānaṃ vibhūṣaṇam |
pārijātamayīmālā nṛtyaṃ gītaṃ tayoḥ samam || 161 ||
[Analyze grammar]

iti dṛṣṭaṃ hi māhātmyaṃ kṣetrasya kathamucyate |
māghaḥ sitāsite vipra rājasūyaiḥ samo mataḥ || 162 ||
[Analyze grammar]

dhanustriśatavistīrṇe sitanīlāṃbusaṃgame |
apunarāvṛttirmāghī rājasūyī punarbhavet || 163 ||
[Analyze grammar]

māghamāsīya vāto'pi sitāsitajalaṃ spṛśet |
adharmyaṃ na spṛśennūnaṃ mahāpātakahā hi saḥ || 164 ||
[Analyze grammar]

kimatra bahunoktena śrūyatāṃ dvija niścitam |
samudbhūtaphalaṃ pāpaṃ tīrthe māghaḥ praṇāśayet || 165 ||
[Analyze grammar]

atra te kathayiṣyāmi sāvadhānamatiḥ śṛṇu |
piśācamocanaṃ nāma itihāsaṃ purātanam |
śṛṇvaṃtyapsaraso bālāḥ śṛṇotu tvatsutastathā |
matprasādātsmṛtirlabdhvā paiśācyānmuktikāminaḥ || 1 ||
[Analyze grammar]

purā devadyutirvipro vaiṣṇavo vedapāragaḥ || 166 ||
[Analyze grammar]

piśācānmocayāmāsa karuṇāplutamānasaḥ || 167 ||
[Analyze grammar]

dilīpa uvāca |
kutra sthitaḥ kasya putro niyamaḥ ko'sya vā japaḥ |
kena vā vaiṣṇavo vṛttaḥ ke piśācāśca mocitāḥ || 168 ||
[Analyze grammar]

etadvistarataḥ sarvaṃ kīrtayasva mahāmune |
kautūhalaṃ mahāpuṇyaṃ śṛṇumastvatprasādataḥ || 169 ||
[Analyze grammar]

vasiṣṭha uvāca |
plakṣaprasravaṇe puṇye sarasvatyāstaṭe śubhe |
tatrāśramapadaṃ tasya śailamāśritya śobhanam || 170 ||
[Analyze grammar]

śālaistālaistamālaiśca bilvairbakulapāṭalaiḥ |
tiṃtiḍīciribilvaiśca cūtacaṃpakakāṃcanaiḥ || 171 ||
[Analyze grammar]

karaṃjaiḥ kovidāraiśca kesaraiḥ kuṃjarāśanaiḥ |
tilakaiḥ karṇikāraiśca kuṃbhaiḥ khādiratiṃdukaiḥ || 172 ||
[Analyze grammar]

vānīraiḥ sālvajaṃbīraiḥ pīlūduṃbaravetasaiḥ |
śākoṭairaṭarūṣaiśca karahāṭairvaṭadrumaiḥ || 173 ||
[Analyze grammar]

ghoṃṭākuṭajapālāśairaśokaiḥ śokahāribhiḥ |
jaṃbūniṃbakadaṃbaiśca kṣīrikākaramardakaiḥ || 174 ||
[Analyze grammar]

bījapūraiḥ sanāriṃgai raṃbhārājivirājitaiḥ |
panasai rasavadbhiśca nārikelaiḥ sadāphalaiḥ || 175 ||
[Analyze grammar]

saptacchadaistripatraiśca śirīṣāmalakaiḥ śubhaiḥ |
karkaṃdhū lakucairakṣaiḥ pāribhadrairvacādibhiḥ || 176 ||
[Analyze grammar]

ketakaiḥ siṃduvāraiśca tagaraiḥ kundamallikaiḥ |
padmendīvarakahlāra mālatī yūthikādibhiḥ || 177 ||
[Analyze grammar]

mālatī mogaraiścaiva jātīphalavirājitaiḥ |
punnāgaiḥ kiṃśukaiścaiva barbarītulasīdrumaiḥ || 178 ||
[Analyze grammar]

āśramo ramaṇīyaḥ sa drumairnānāvidhairnṛpa |
vanamadhye nadī yāti puṇyatoyā sarasvatī || 179 ||
[Analyze grammar]

kūjaṃti sārasāstatra madasnigdhakalaṃ sadā |
nadaṃti kokilāḥ śabdaṃ guṃjaṃti ca madhuvratāḥ || 180 ||
[Analyze grammar]

bahukolāhalaṃ bhūpa tadvanaṃ śukasāribhiḥ |
caraṃti śvāpadāstatra vividhāḥ kānanottame || 181 ||
[Analyze grammar]

sadāphalaṃ sadāpuṣpaṃ parāgakaṇadhūsaram |
ācchannaṃ kānanaṃ sarvaṃ madhuvṛkṣaiḥ samaṃtataḥ || 182 ||
[Analyze grammar]

navapallavasaṃjātamaṃjarībharavallibhiḥ |
āśliṣṭamabhitoramyaṃ priyābhiriva vallabhaḥ || 183 ||
[Analyze grammar]

tasya śāpabhayāttrasto vāto vāti samaṃtataḥ |
na varṣaṃtyaśmabhirmeghā na śoṣayati bhāskaraḥ || 184 ||
[Analyze grammar]

vanaṃ nopadravaṃ taddhi sadā siddhaniṣevitam |
āhlādajanakaṃ nityaṃ vanaṃ caitrarathaṃ yathā || 185 ||
[Analyze grammar]

tasminvasati dharmātmā devadyutirdvijottamaḥ |
putraḥ sumitro viprasya labdho lakṣmīpatervarāt || 186 ||
[Analyze grammar]

niyamaḥ śrūyatāṃ tasya sarvadā niyatātmanaḥ |
grīṣme paṃcatapā nityaṃ sūryanyastavilocanaḥ || 187 ||
[Analyze grammar]

varṣatkādaṃbinī yāvadvarṣāsvabhrāvakāśagaḥ |
vāte pravāte niṣkaṃpo duḥsaho himavāniva || 188 ||
[Analyze grammar]

vasatyapsu sa hemaṃte hrade sārasvate dvija |
upaspṛśati kāle sa trivāraṃ vārinirmalam || 189 ||
[Analyze grammar]

pitṝndevānṛṣīnnityaṃ saṃtarpayati śraddhayā |
brahmayajñaparo nityaṃ satyavādī jiteṃdriyaḥ || 190 ||
[Analyze grammar]

bhūmau viśrāmya viśrāṃtaḥ pradadhyau prārthayanharim |
vanyairjuhotyagnihotraṃ śraddhayātithipūjakaḥ || 191 ||
[Analyze grammar]

cāṃdrāyaṇavidhānena kālaṃ nayati sarvadā |
svayaṃ vigalitaiḥ patraiḥ phalairvṛttiṃ samīhate || 192 ||
[Analyze grammar]

anudvignastaponiṣṭho vedavedāṃgapāragaḥ |
dhamanī vikarālosāvasthimātrakalevaraḥ || 193 ||
[Analyze grammar]

itthaṃ jagāma varṣāṇāṃ sahasraṃ tasya kānane |
tadā jajvāla śailo'sau tapasastasya tejasā || 194 ||
[Analyze grammar]

soḍhuṃ na śakyate bhūtaistejastasya mahātmanaḥ |
vaiśvānara ivābhāti prajvalaṃstapasā dvija || 195 ||
[Analyze grammar]

gatavairāṇi bhūtāni samajāyaṃta tadvane |
mṛgavyāghrākhumārjārā mithaḥ krīḍaṃti nirbhayāḥ || 196 ||
[Analyze grammar]

anyo'pi niyamastasya śrūyatāmatidurlabhaḥ |
nārāyaṇaṃ trikālaṃ sa saṃpūjayati nityaśaḥ || 197 ||
[Analyze grammar]

puṣpāṇāṃ tu sahasreṇa vikacena sugaṃdhinā |
vedasūktavidhānena viṣṇudhyānaparāyaṇaḥ || 198 ||
[Analyze grammar]

viṣṇoḥ saṃprītaye vipraḥ kurute karma cākhilam |
dadhīcervaradānātsa saṃjāto varavaiṣṇavaḥ || 199 ||
[Analyze grammar]

ekadā māsi vaiśākhe ekādaśyāṃ mahāmuniḥ |
pūjāṃ kṛtvā hare ramyāṃ vicitrāmakarotstutim || 200 ||
[Analyze grammar]

tadaiva khagamāruhya devo devo hariḥ svayam |
ājagāma purastasya tayā stutyātiharṣitaḥ || 201 ||
[Analyze grammar]

taṃ dṛṣṭvā garuḍārūḍhaṃ pratyakṣaṃ jaladacchavim |
caturbāhuṃ viśālākṣaṃ sarvālaṃkārabhūṣitam || 202 ||
[Analyze grammar]

udbhūtapulako vipraḥ sānaṃda jalalocanaḥ |
jagāma śirasā bhūmau kṛtakṛtyamanāstadā || 203 ||
[Analyze grammar]

na mamau tena harṣeṇa sa brahmāṃḍodare'pi hi |
na sasmāra nijaṃ dehaṃ brahmabhūta ivābhavat || 204 ||
[Analyze grammar]

tataḥ saṃbhāṣitaḥ prītyā hariṇā vaiṣṇavo muniḥ |
devadyute vijānāmi madbhaktastvaṃ madāśrayaḥ || 205 ||
[Analyze grammar]

saṃnyastākhilakarmāsi madbhāvo manmanāḥ sadā |
varaṃ brūhi prasanno'smi stotreṇānena cānagha || 206 ||
[Analyze grammar]

iti śrutvā harervākyaṃ pratyuvāca sa tāpasaḥ |
devadevāraviṃdākṣa svamāyādhṛtavigraha || 207 ||
[Analyze grammar]

tvaddarśanātsadā deva durlabho nāparo varaḥ |
brahmādayaḥ surāḥ sarve yoginaḥ sanakādayaḥ || 208 ||
[Analyze grammar]

tvāṃ sākṣātkartumicchaṃti siddhāśca kapilādayaḥ |
ahaṃ mameti pāśā ye moha lobhāḥ śubhāśubhāḥ || 209 ||
[Analyze grammar]

sahetukāśca dahyaṃte dṛṣṭe tvayi parāvare |
janmanaḥ karmaṇo buddherāvirbhūtaṃ phalaṃ mama || 210 ||
[Analyze grammar]

yaddṛṣṭo'si jagannātha prārthaye kimataḥ param |
na varārthaṃ hi deveśa tvatpādapaṃkajaṃ hṛdi || 211 ||
[Analyze grammar]

ciṃtayāmi sadā bhaktyā tvadgatenāṃtarātmanā |
imameva varaṃ yāce tvadbhaktiracalā mama || 212 ||
[Analyze grammar]

astu vai kamalānātha prārthaye nāparaṃ varam |
iti śrutvā vacastasya prasannavadano hariḥ || 213 ||
[Analyze grammar]

pratyuvāca prasannātmā evamastu dvijottama |
anyaste tapasaḥ kaścitpratyūho na bhaviṣyati || 214 ||
[Analyze grammar]

etacca tvatkṛtaṃ stotraṃ ye paṭhiṣyaṃti mānavāḥ |
teṣāṃ madviṣayā bhaktirniścalā ca bhaviṣyati || 215 ||
[Analyze grammar]

dharmakāryaṃ ca yatkiṃcitsāṃgaṃ sarvaṃ bhaviṣyati |
jñāne ca paramā niṣṭhā teṣāṃ sthāsyati niścalā || 216 ||
[Analyze grammar]

ityuktvāṃtarhitastatra devadevo janārdanaḥ |
devadyutistadārabhya nārāyaṇaparo'bhavat || 217 ||
[Analyze grammar]

dilīpa uvāca |
maharṣe'nugṛhīto'smi kathayā pāvanīkṛtaḥ |
anayā viṣṇusaṃgatyā gaṃgayevāhamadya vai || 218 ||
[Analyze grammar]

kiṃ tatstotraṃ samākhyāhi prasanno yena mādhavaḥ |
tasyānaghasya viprasya mahatkautūhalaṃ mama || 219 ||
[Analyze grammar]

tvatprasādādahaṃ vipra manye prāptaṃ manoratham |
mahatāṃ saṃgatiḥ kasya mahattvāya na kalpate || 220 ||
[Analyze grammar]

kathayasva prasādena viṣṇoḥ stotramanuttamam |
yena tuṣṭaḥ sa bhagavāndadau tasya ca darśanam || 221 ||
[Analyze grammar]

vasiṣṭha uvāca |
kathayāmi rahasyaṃ te yajjaptaṃ stotramuttamam |
prāggṛhītaṃ suparṇena garuḍānmayi cāgatam || 222 ||
[Analyze grammar]

adhyātmagarbhasāraṃ tanmahodayakaraṃ śubham |
sarvapāpaharaṃ bhūpa svātmajñānakaraṃ param || 223 ||
[Analyze grammar]

oṃ namo vāsudevāya namo viśvāya cakriṇe |
bhaktapriyāya kṛṣṇāya jagannāthāya śārṅgiṇe || 224 ||
[Analyze grammar]

stotā stutyaḥ stutiḥ sarvaṃ jagadviṣṇumayaṃ yadā |
tadā saṃstūyate kena bhaktirmodakarī nṛṇām || 225 ||
[Analyze grammar]

yasya devasya niḥśvāso vedāḥ sāṃgāḥ sasūtrakāḥ |
kā stutiḥ pramude tasya bhaktyā'haṃ mukharo'bhavam || 226 ||
[Analyze grammar]

cakravadbhramate sarvaṃ trailokyaṃ sacarācaram |
atastvaṃ gīyate deva cakrapāṇi varāyudha || 227 ||
[Analyze grammar]

vedo na vakti yaṃ sākṣānna ca vāgvetti no manaḥ |
madvidhastaṃ kathaṃ stauti bhaktimānvā kathaṃ bhavet || 228 ||
[Analyze grammar]

brahmādibrahmaviṣṇustvaṃ tvameva sakalāśrayaḥ |
sraṣṭā brahmanidānaṃ ca śuddhaṃ brahmatvameva ca || 229 ||
[Analyze grammar]

devabhāvena jāgarti na nidrāti nijātmani |
sukhasaṃdohabuddhiryā sā tvaṃ viṣṇo na saṃśayaḥ || 230 ||
[Analyze grammar]

mahadādayo mahābhāvāstathā vaikārikā guṇāḥ |
tvameva nātha tatsarvaṃ nānātvaṃ mūḍhakalpanā || 231 ||
[Analyze grammar]

keśakeśavarūpābhiḥ kalpanā tisṛbhistathā |
tvameva kalpase brahma pumāniva sutādibhiḥ || 232 ||
[Analyze grammar]

vidoṣaṃ viguṇaṃ caikaṃ cinmūrtirakhilaṃ jagat |
kavīnāṃ bhāti yattattvaṃ taṃ viṣṇuṃ naumi nirmalam || 233 ||
[Analyze grammar]

yasya jñānena kurvaṃti karmāpi śrutibhāṣitam |
nirīṣaṇā jaganmitrāḥ śuddhaṃ brahma namāmi tat || 234 ||
[Analyze grammar]

dhvastetaracca sanmātraṃ yatprabodhādupāsate |
yoginaḥ sarvabhūteṣu sadrūpaṃ naumi taṃ harim || 235 ||
[Analyze grammar]

brahmāhamiti gāyaṃti yaṃ jñātvaikaṃ varā dvijāḥ |
paśyaṃto hi tvayā tulyaṃ deva taṃ naumi mādhavam || 236 ||
[Analyze grammar]

māyayā mohavaicitryaṃ tathāhaṃ mamatāṃ nṛṇām |
yo nāśayati pāpaughānnamastasmai cidātmane || 237 ||
[Analyze grammar]

prayāṇe vā prayāṇe ca yannāmasmaratāṃ nṛṇām |
sadyo naśyaṃti pāpaughā namastasmai cidātmane || 238 ||
[Analyze grammar]

mohānalalasajjvālā jvalallokeṣu sarvadā |
yatpādāṃbhoruhacchāyāṃ praviṣṭaśca na dahyate || 239 ||
[Analyze grammar]

yasya smaraṇamātreṇa na moho naiva durgatiḥ |
na rogā naiva duḥkhāni tamanaṃtaṃ namāmyaham || 240 ||
[Analyze grammar]

kāmayaṃte prajā naiva dhiṣaṇābhyaḥ samutthitāḥ |
lokamātmaiva paśyaṃti yaṃ buddhvaikacarā janāḥ || 241 ||
[Analyze grammar]

śabdārthaḥ saṃvidarthaśca viṣṇornāmaparo yadi |
satyena tena saṃsāro mā saṃspṛśatu mādhava || 242 ||
[Analyze grammar]

nārāyaṇo jagadvyāpī yadi vedādisaṃmataḥ |
satyena tena nirvighnā viṣṇubhaktirmamāstu vai || 243 ||
[Analyze grammar]

yo na bījaṃ vinā bījaṃ bīje yo bījabhāvitaḥ |
sa viṣṇurbhava bījaṃ me sitavidyāsi nādya tu || 244 ||
[Analyze grammar]

tritanurnaṭavadyastu sṛṣṭi sthiti layeṣu ca |
guṇairbhavati kāryeṣu sa prasīdatu me hariḥ || 245 ||
[Analyze grammar]

daśadhehā'vatīrṇo yo dharmatrāṇāya kevalam |
abhyarthitaḥ suraiḥ sarvaiḥ sa prasīdatu me hariḥ || 246 ||
[Analyze grammar]

brahmādistaṃbaparyaṃtaṃ prāṇihṛnmaṃdire'malaḥ |
eko vasati yo devaḥ sa prasīdatu me hariḥ || 247 ||
[Analyze grammar]

icchāṃ cakre sa devāgre ekaścaiva bahustathā |
praviṣṭo devatāḥ sraṣṭā sa prasīdatu me hariḥ || 248 ||
[Analyze grammar]

hṛtkhagaḥ khasamaḥ khādiḥ khātītaḥ khakriyaḥ khagaḥ |
khaṃ brahmā khādibhukcāṃte khamūrtistvaṃ makhāśanaḥ || 249 ||
[Analyze grammar]

yadbhāsāyanmudā yasya māyayā sajyate jagat |
jāḍyaṃ duḥkhamasatyaṃ ca sa bhavāneva tanmayaḥ || 250 ||
[Analyze grammar]

tvatsṛṣṭaṃ modate viśvaṃ tvattyaktamaśucirbhavet |
tatsaṃgato'pyasaṃgastvaṃ vikārastena tena hi || 251 ||
[Analyze grammar]

bhūtayogajacaitanyaṃ cārvākāyamupāsate |
saugatā bravate tarkaistvāṃ buddhiṃ kṣaṇabhaṃgurām || 252 ||
[Analyze grammar]

śarīraparimāṇaṃ tvāṃ manyaṃte jinadevatāḥ |
dhyāyaṃti puruṣaṃ sāṃkhyāstvāmeva prakṛteḥ param || 253 ||
[Analyze grammar]

janmādirahitaḥ pūrvaṃ yaḥ syādānaṃdalakṣaṇam |
tvāmevopaniṣadbrahma ciṃtayaṃti parasparam || 254 ||
[Analyze grammar]

khādibhūtāni dehaśca mano buddhīṃdriyāṇi ca |
vidyāvidye tvamevātra nānyattvatto'sti kiṃcana || 255 ||
[Analyze grammar]

tvaṃ dhātā sarvabhūtānāṃ tvameva śaraṇaṃ mama |
tvamagnistvaṃ haviḥ śakro hotā maṃtraḥ kriyāphalam || 256 ||
[Analyze grammar]

tvamasti nāsti vaikuṃṭha tvāmahaṃ śaraṇaṃ gataḥ |
tvaṃ karmaphaladātā ca dīkṣitānāṃ kriyāphalam || 257 ||
[Analyze grammar]

tvaṃ hetuḥ sarvabhūtānāṃ tvameva śaraṇaṃ mama |
yuvatīnāṃ yathā yūni yūnāṃ ca yuvatau yathā || 258 ||
[Analyze grammar]

mano'bhiramate tadvatprītirme ramatāṃ tvayi |
api pāpaṃ durācāraṃ naraṃ tvatpraṇataṃ hare || 259 ||
[Analyze grammar]

nekṣaṃte kiṃkarā yāmyā ulūkāstapanaṃ yathā |
tāpatrayamaghaughaśca tāvatpīḍayate janam || 260 ||
[Analyze grammar]

yāvatsmarati no nātha bhaktyā tvatpādapaṃkajam || 261 ||
[Analyze grammar]

yaṃ naspṛśaṃti guṇajātiśarīradharmā yaṃ na spṛśaṃti gatayastvakhileṃdriyāṇām |
yaṃ ca spṛśaṃti munayo gatasaṃgamohāstasmai namo bhagavate haraye karomi || 262 ||
[Analyze grammar]

sthūlaṃ vilāpyakaraṇe karaṇaṃ nidāne tatkāraṇaṃ karaṇakāraṇavarjite ca |
itthaṃ vilāpya munayaḥ praviśaṃti tatra tasmai namostu haraye munisevitāya || 263 ||
[Analyze grammar]

yaddhyānasaṃvahanaghūrṇavaśīkṛtāṃtāmaiśvaryacāruguṇinīṃ sukhamokṣalakṣmīm |
āliṃgya śerata ihātmasukhaikabhājastasmainamo'stu haraye munisevitāya || 264 ||
[Analyze grammar]

janmādibhāvavikṛtervirahasvabhāve yasminnayaṃ paridhunoti ṣaḍūrmivargaḥ |
yaṃ tāpayaṃti na sadā madanādidoṣāstaṃ vāsudevamamalaṃ praṇato'smi hārdam || 265 ||
[Analyze grammar]

yaddhyānasaṃgatamalaṃ vijahātyavidyāṃ yaddhyānavahnipatitaṃ jagadeti nāśam |
yajjñānamullasadasidyati saṃśayāriṃ taṃ tvāṃ hariṃ viśadibodhaghanaṃ namāmi || 266 ||
[Analyze grammar]

carācarāṇi bhūtāni sarvāṇi ca harervaśe |
yathātra tena satyena purastiṣṭhatu me hariḥ || 267 ||
[Analyze grammar]

yathā nārāyaṇaḥ sarvaṃ jagatsthāvarajaṃgamam |
tena satyena me rūpaṃ pradarśayatu keśavaḥ || 268 ||
[Analyze grammar]

bhaktiryathā harau me'sti tadvariṣṭhā gurau yadi |
mamāsti tena satyena svaṃ darśayatu keśavaḥ || 269 ||
[Analyze grammar]

tasyaivaṃ śapathaiḥ satyairbhaktiṃ tasyānuciṃtayan |
darśayāmāsa cātmānaṃ sa prītaḥ puruṣottamaḥ || 270 ||
[Analyze grammar]

tato dattvā varaṃ tasya pūrayitvā manoratham |
jagāma kamalākāṃtaḥ stutyā vipreṇa toṣitaḥ || 271 ||
[Analyze grammar]

kṛtakṛtyo dvijaḥ so'pi vāsudevaparāyaṇaḥ |
śiṣyaiḥ sārdhaṃ japanstotraṃ tasminnāste tapovane || 272 ||
[Analyze grammar]

kīrtayedyanaidaṃnastotraṃnaśṛṇuyādyo'pinamānavaḥ |
aśvamedhasyanayajñasyanaprāpnotinavipulaṃnaphalam || 273 ||
[Analyze grammar]

ātmavidyāprabodhaṃ ca labhate brāhmaṇaḥ sadā |
na pāpe jāyate buddhirnaiva paśyatyamaṃgalam || 274 ||
[Analyze grammar]

buddhisvāsthyaṃ manaḥsvāsthyaṃ svāsthyamaiṃdriyakaṃ tathā |
nṛṇāṃ bhavati sarveṣāmasya stotrasya kīrtanāt || 275 ||
[Analyze grammar]

vicāryārthaṃ japedyastu śraddhayā tatparo naraḥ |
sa vidhūyeha pāpāni labhate vaiṣṇavaṃ padam || 276 ||
[Analyze grammar]

labhate vāṃcchitānkāmānputrapautrānpaśūṃstathā |
dīrghamāyurbalaṃ vīryaṃ labhate sa sadā paṭhan || 277 ||
[Analyze grammar]

tilapātrasahasreṇa gosahasreṇa yatphalam |
tatphalaṃ samavāpnoti ya imāṃ kīrtayetstutim || 278 ||
[Analyze grammar]

dharmārthakāmamokṣāṇāṃ yaṃ yaṃ kāmayate sadā |
acirāttamavāpnoti stotreṇānena mānavaḥ || 279 ||
[Analyze grammar]

ācāre vinaye dharme jñāne tapasi sannaye |
nṛṇāṃ bhavati nityaṃ dhīrimāṃ saṃśṛṇvatāṃ stutim || 280 ||
[Analyze grammar]

mahāpātakayukto vā yukto vā hyupapātakaiḥ |
sadyo bhavati śuddhātmā stotrasya paṭhanātsakṛt || 281 ||
[Analyze grammar]

prajñā lakṣmīryaśaḥ kīrtijñānadharmavivardhanam |
duṣṭagrahopaśamanaṃ sarvāśubhavināśanam || 282 ||
[Analyze grammar]

sarvavyādhiharaṃ pathyaṃ sarvāriṣṭaniṣūdanam |
durgatestaraṇaṃ stotraṃ paṭhitavyaṃ dvijātibhiḥ || 283 ||
[Analyze grammar]

nakṣatragrahāpīḍāsu rājacorabhayeṣu ca |
agnicoranipāteṣu sadyaḥ saṃkīrtayedidam || 284 ||
[Analyze grammar]

siṃhavyāghrabhayaṃ nāsti nābhicārabhayaṃ tathā |
bhūtapretapiśācebhyo rākṣasebhyastathaiva ca || 285 ||
[Analyze grammar]

pūtanā jṛṃbhakebhyaśca vighnebhyaścaiva sarvadā |
nṛṇāṃ kvacidbhayaṃ nāsti stave hyasminprakīrtite || 286 ||
[Analyze grammar]

vāsudevasya pūjāṃ yaḥ kṛtvā stotramudīrayet |
lipyate pātakairnāsau padmapatramivāṃbhasā || 287 ||
[Analyze grammar]

gaṃgādipuṇyatīrtheṣu yā snānairnāpyate gatiḥ |
tāṃ gatiṃ samavāpnoti paṭhanpuṇyāmimāṃ stutim || 288 ||
[Analyze grammar]

ekakālaṃ dvikālaṃ vā trikālaṃ vāpi yaḥ paṭhet |
sarvadā sarvakāleṣu so'kṣayaṃ sukhamaśnute || 289 ||
[Analyze grammar]

caturṇāmapi vedānāṃ trirāvṛttyā ca yatphalam |
tatphalaṃ labhate stotramadhīyānaḥ sakṛnnaraḥ || 290 ||
[Analyze grammar]

akṣayyaṃ dhanamāpnoti strīṇāṃ bhavati vallabhaḥ |
pūjāṃ viṃdati loke'smicchraddhayā saṃsmaranharim || 291 ||
[Analyze grammar]

sarvadā saṃpadāyukto vipadaṃ naiva gacchati |
gobhirna hriyate stotraṃ nityaṃ yaḥ kīrtayeddhi yat || 292 ||
[Analyze grammar]

alakṣmī kālakarṇī ca duḥsvapnaṃ durviciṃtitam |
sadyo naśyaṃti bhaktānāmetaṃ saṃśṛṇvatāṃ stavam || 293 ||
[Analyze grammar]

prātarutthāya yo'dhīte śucirviṣṇuparāyaṇaḥ |
akṣayyaṃ labhate saukhyamiha loke paratra ca || 294 ||
[Analyze grammar]

devadyutipraṇītaṃ vai viṣṇuprītikaraṃ śubham |
viṣṇuprasādajananaṃ viṣṇudarśanakārakam || 295 ||
[Analyze grammar]

yogasāramidaṃ nāma stotraṃ paramapāvanam |
yaḥ paṭhetsatataṃ bhaktyā viṣṇulokaṃ sa gacchati || 296 ||
[Analyze grammar]

iti te kathitaṃ stotraṃ guhyaṃ pāpapraṇāśanam |
ata ūrdhvaṃ pravakṣyāmi piśācasya vimocanam || 297 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe māghamāhātmye vasiṣṭhadilīpasaṃvāde |
yogasārastotrakathanaṃnāma aṣṭāviṃśatyadhikaśatatamo'dhyāyaḥ || 128 ||
[Analyze grammar]