Chapter 17

[English text for this chapter is available]

īśvara uvāca |
atha pūjāvidhānaṃ te kathayāmi yaśasvini |
arkasthalasya devasya yathā pūjyo narottamaiḥ || 1 ||
[Analyze grammar]

sarveṣāmeva devānāmādirāditya ucyate |
ādikarttā tvasau yasmādādityastena cocyate || 2 ||
[Analyze grammar]

nādityena vinā rātrirna divā na ca tarpaṇam |
na dharmo vai na cādharmo na saṃtiṣṭheccarācaram || 3 ||
[Analyze grammar]

ādityaḥ pālayetsarvamādityaḥ sṛjate sadā |
ādityaḥ saṃharetsarvaṃ tasmādeṣa trayīmayaḥ || 4 ||
[Analyze grammar]

ārādhanavidhiṃ tasya bhāskarasya mahātmanaḥ |
kathayāmi mahādevi vedoktairmaṃtravistaraiḥ |
taṃ śṛṇuṣva varārohe sarvapāpapraṇāśanam || 5 ||
[Analyze grammar]

mūrttisthaḥ pūjyate yena vidhānena maheśvari |
dvādaśātmā yathā sūryastatte vakṣyāmyaśeṣataḥ || 6 ||
[Analyze grammar]

mukhaśuddhiṃ ca kṛtvā'dau snānaṃ kṛtvā viśeṣataḥ |
vastraśuddhiṃ deha śuddhiṃ kṛtvā sūryaṃ spṛśettataḥ || 7 ||
[Analyze grammar]

dantakāṣṭhavidhānaṃ tu prathamaṃ kathayāmi te |
madhūke putralābhaḥ syādarke netrasukhaṃ priye || 9 ||
[Analyze grammar]

vaktṛtvaṃ vai badaryā ca bṛhatyā drurjjanāñjayet |
aiśvaryaṃ ca bhavedbilve khadire ca na saṃśayaḥ || 9 ||
[Analyze grammar]

rogakṣayaḥ kadambe tu arthalābho'timuktake |
marutāṃ yāti sarvatra āṭarūṣakasaṃbhavaiḥ || 10 ||
[Analyze grammar]

jātipradhānatāṃ jātāvaśvattho yacchate yaśaḥ |
śriyaṃ prāpnoti nikhilāṃ śirīṣasya niṣevaṇāt || 11 ||
[Analyze grammar]

priyaṃguṃ sevamānasya saubhāgyaṃ paramaṃ bhavet |
abhīpsitārthasiddhiḥ syānnityaṃ plakṣaniṣevaṇāt || 12 ||
[Analyze grammar]

na pāṭitaṃ samaśnīyāddaṃtakāṣṭhaṃ na savraṇam |
na corddhaśuṣkaṃ vakraṃ vā naiva ca tvagvivarjjitam || 13 ||
[Analyze grammar]

vitastimātramaśnīyāddīrghaṃ hrasvaṃ ca varjayet |
udaṅmukho vā prāṅmukhaḥ sukhāsīno'tha vāgyataḥ || 14 ||
[Analyze grammar]

kāmaṃ yatheṣṭaṃ hṛdaye kṛtvā samabhimantrya ca |
maṃtreṇānena matimānaśnīyāddantadhāvanam || 15 ||
[Analyze grammar]

varaṃ dattvā'bhijānāsi kāmaṃ caiva vanaspate |
siddhiṃ prayaccha me nityaṃ dantakāṣṭha namo'stu te || 16 ||
[Analyze grammar]

trīnvārānparijapyaivaṃ bhakṣayeddaṃtadhāvanam |
paścātprakṣālya tatkāṣṭhaṃ śucau deśe vinikṣipet || 17 ||
[Analyze grammar]

daṃtakāṣṭhena deveśi na jihvāṃ parimārjayet |
pṛthakpṛthaktadā kāryaṃ yadīcchedvipulaṃ yaśaḥ || 18 ||
[Analyze grammar]

aṃgulyā daṃtakāṣṭhaṃ ca pratyakṣaṃ lavaṇaṃ ca yat |
mṛttikābhakṣaṇaṃ caiva tulyaṃ gomāṃsabhakṣaṇaiḥ || 19 ||
[Analyze grammar]

mukhe paryuṣite nityaṃ bhavatyaprayato dvijaḥ |
tasmācchuṣkamathārdraṃ vā bhakṣayeddaṃtadhāvanam || 20 ||
[Analyze grammar]

varjite divase caiva gaḍūṣāṃścaiva ṣoḍaśa |
tattatpadmasugandhairvā mukhaśuddhiṃ ca kārayet || 21 ||
[Analyze grammar]

mukhaśuddhimakṛtvā yo bhāskaraṃ spṛśati dvijaḥ |
trīṇi varṣasahasrāṇi sa kuṣṭhī jāyate naraḥ || 22 ||
[Analyze grammar]

evaṃ vastrādi saṃśodhya tataḥ snānaṃ samācaret |
śucau manorame sthāne saṃgṛhyāstreṇa mṛttikām || 23 ||
[Analyze grammar]

sānusvārokārayuto hakāraḥ phaṭsamanvitaḥ |
anenāstreṇa saṃgṛhya snānaṃ tatra samācaret || 24 ||
[Analyze grammar]

bhāgatrayaṃ tu saṃśuddhaṃ tṛṇapāṣāṇavarjitam |
ekamastreṇa cālabhya tathānyaṃ bhāskareṇa tu || 25 ||
[Analyze grammar]

aṃgaiścaiva tṛtīyaṃ tu abhimaṃtrya sakṛtsakṛt |
japtvāstreṇa kṣipeddikṣu nirvighnaṃ tu jalaṃ bhavet || 26 ||
[Analyze grammar]

sūryatīrtha dvitīyena tṛtīyena sakṛtsakṛt |
guṃṭhayitvā tataḥ snāyādravitīrthena mānavaḥ || 27 ||
[Analyze grammar]

tūryaśaṃkha ninādena dhyātvā devaṃ divākaram |
snātvā rājopacāreṇa punarācamya yatnataḥ || 28 ||
[Analyze grammar]

snānaṃ kṛtvā tato devi maṃtrarājena saṃyutam |
harephau biṃdu lakṣmīśca tathā'nyo dīrghayā saha || 29 ||
[Analyze grammar]

mātrayā rephasaṃyukto hakāro biṃdunā saha |
sakāraḥ savisargastu maṃtrarājo'yamucyate || 30 ||
[Analyze grammar]

tatastu tarppayenmaṃtrānsarvāṃstāṃstu karāgrajaiḥ |
tulanādūrdhvato devānsavyena ca munīṃstathā |
pitṝṃścaivāpasavyena hṛdbījena pratarpayet || 31 ||
[Analyze grammar]

yadgītaṃ pravaraṃ loke akṣarāṇāṃ manīṣibhiḥ |
ekonaviṃśaṃ mātrāyā akṣaraṃ tatprakīrttitam || 32 ||
[Analyze grammar]

evaṃ snātvā vidhānena saṃdhyāṃ vaṃdedvidhānataḥ |
tato vidvānkṣipetpaścādbhāskarāyodakāṃjalim || 33 ||
[Analyze grammar]

japecca tryakṣaraṃ maṃtra ṣaṇmukhaṃ ca yadṛcchayā |
maṃtrarājeti yaḥ pūrvaṃ tavākhyāto mayā priye || 34 ||
[Analyze grammar]

paścāttīrthena maṃtrāstu saṃhṛtya hṛdaye nyaset |
maṃtrairātmānamekatra kṛtvā cārghaṃ pradāpayet || 35 ||
[Analyze grammar]

raktacaṃdanagaṃdhaistu śuciḥsnāto mahītale |
kṛtvā maṃḍalakaṃ vṛttamekacitto vyavasthitaḥ || 36 ||
[Analyze grammar]

gṛhītvā karavīrāṇi tāmre saṃsthāpya bhājane |
tilataṃdulasaṃyuktaṃ kuśagandhodakena tu || 37 ||
[Analyze grammar]

raktacaṃdana dhūpena yuktamarghyopasādhitam |
kṛtvā śirasi tatpātraṃ jānubhyāmavaniṃ gataḥ || 38 ||
[Analyze grammar]

mūlamaṃtreṇa saṃyuktamarghyaṃ dadyācca bhānave |
mucyate sarvapāpaistu yo hyevaṃ vinivedayet || 39 ||
[Analyze grammar]

yadyugādisahasreṇa vyatīpātaśatena ca |
ayanānāṃ sahasreṇa yatphalaṃ jyeṣṭhapuṣkare |
tatphalaṃ samavāpnoti sūryāyārghya nivedane || 40 ||
[Analyze grammar]

dīkṣāmaṃtravihīno'pi bhaktyā saṃvatsareṇa tu |
phalamargheṇa vai devi labhate nātra saṃśayaḥ || 41 ||
[Analyze grammar]

yaḥ punardīkṣito vidvānvidhinārghyaṃ nivedayet |
nāsau saṃbhavate bhūmau pralayaṃ yāti bhāskare || 42 ||
[Analyze grammar]

iha janmani saubhāgyamāyurārogyasaṃpadam |
acirāllabhate devi sabhāryaḥ sukhabhājanam || 43 ||
[Analyze grammar]

evaṃ snānavidhiḥ proktaḥ sauraḥ saṃkṣepatastava |
hitāya mānavendrāṇāṃ sarvapāpapraṇāśanaḥ || 44 ||
[Analyze grammar]

athavā vedamārgeṇa kuryātsnānaṃ dvijottamaḥ |
yadyevaṃ mantravistāre hyaśakto dīkṣayā vinā || 45 ||
[Analyze grammar]

īśvara uvāca |
atha pūjāvidhānaṃ te kathayāmi yaśasvini |
vedamārgeṇa divyena brāhmaṇānāṃ hitāya vai || 46 ||
[Analyze grammar]

evaṃ saṃbhṛtasaṃbhāraḥ puṣpādipraguṇīkṛtaḥ |
tata āvāhayedbhānuṃ sthāpayetkarṇikopari || 47 ||
[Analyze grammar]

upasthānaṃ tu vai kṛtvā maṃtreṇānena suvrate |
udutyaṃ jātavedasamiti maṃtraḥ saṃparikīrtitaḥ || 48 ||
[Analyze grammar]

agniṃ dūteti maṃtreṇa anenāvāhya bhāmini |
ākṛṣṇena rajasā maṃtreṇānena vā'rcayet || 49 ||
[Analyze grammar]

haṃsaḥ śuciṣaditi maṃtreṇānena pūjayet |
apatyeteti mantreṇa sūryaṃ devi prapūjayet || 50 ||
[Analyze grammar]

adṛśramasya caitena sūryaṃ devi samarccayet |
taraṇirviśvadarśeti anena satataṃ japam || 51 ||
[Analyze grammar]

citraṃ devānāmudeti bhadrāṃ devo sadārcayet |
vibhūtimarccayennityaṃ yenā pāvaka cakṣasā || 52 ||
[Analyze grammar]

vidyāmepirajaspṛthvityanena vimalāṃ sadā |
amoghāṃ pūjayennityaṃ maṃtreṇānena suvrate || 53 ||
[Analyze grammar]

sapta tvā harito'nena siddhidāṃ sarvakarmasu |
vidyutāmarcayeddevaṃ sapta tvā haritena ca || 54 ||
[Analyze grammar]

navamīṃ pūjayeddevīṃ satataṃ sarvatomukhīm |
mantreṇānena vai devi udvayantamitīha vai || 55 ||
[Analyze grammar]

udyannadya mitramahaḥ prathamamakṣaraṃ japet |
dvitīyaṃ pūjayeddevi śukeṣu me harimeti vai || 56 ||
[Analyze grammar]

udagādayamādityo hyanenāpi tṛtīyakam |
tatsaviturvareṇyeti caturthaṃ parikīrtitam || 57 ||
[Analyze grammar]

mahāhivo mahāyeti pañcamaṃ parikīrtitam |
hiraṇyagarbhaḥ samavartata ṣaṣṭhaṃ bījaṃ prakīrtitam || 58 ||
[Analyze grammar]

savitā paścātātsavitā saptamaṃ varavarṇini |
evaṃ bījāni vinyasya ādityaṃ sthāpayecchubhe || 59 ||
[Analyze grammar]

ādityaṃ sthāpayitvā tu paścādaṅgāni vinyaset || 60 ||
[Analyze grammar]

āgneyyāṃ hṛdayaṃ nyasya aiśānyāṃ tu śiro nyaset |
nairṛtyāṃ tu śikhāṃ caiva kavacaṃ vāyugocare || 61 ||
[Analyze grammar]

astraṃ diśāsu vinyasya svabījena tu karṇikām |
amosi prāṇiteneti anena hṛdayaṃ yajet || 62 ||
[Analyze grammar]

śirastu pūjayeddevi āyuṣyaṃ varcaseti vai |
gāyatryā tu śikhāṃ pūjya nairṛtyāṃ tu vyavasthitām || 63 ||
[Analyze grammar]

jīmūtasyeva bhavati pratyekaṃ kavacaṃ yajet |
dhanvannāgā dhanvaneti anenāstraṃ sadā'rcayet || 64 ||
[Analyze grammar]

netraṃ tu pūjayeddevi aśvinā tejaseti ca |
hyataḥ pūrvataḥ somaṃ dakṣiṇena budhaṃ tathā || 65 ||
[Analyze grammar]

paścimena guruṃ nyasya uttareṇa ca bhārgavam |
āgneyyāṃ maṅgalaṃ nyasya nairṛtyāṃ tu śanaiścaram || 66 ||
[Analyze grammar]

vāyavyāṃ tu nyasedrāhuṃ ketumīśānagocare |
āpyāyasveti mantreṇa devi somaṃ sadārcayet || 67 ||
[Analyze grammar]

udbudhyadhvaṃ mahādevi budhaṃ tatra sadārcayet |
bṛhaspateti mantreṇa pūjayetsatataṃ gurum || 68 ||
[Analyze grammar]

śukraḥ śuśukvāniti ca bhārgavaṃ devi pūjayet |
agnirmūrddheti mantreṇa sadā maṃgalamarcayet || 69 ||
[Analyze grammar]

śamagniritimantreṇa pūjayedbhāskarātmajam |
kayānaścitretimantreṇa devi rāhuṃ sadā'rcayet || 70 ||
[Analyze grammar]

ketuṃ kṛṇveti ketuṃ vai satataṃ pūjayedbudhaḥ |
bāhyataḥ pūrvataḥ śukraṃ dakṣiṇena yamaṃ tathā || 71 ||
[Analyze grammar]

aiśānyāmīśvaraṃ viṃdyādāgneyyāmagnirucyate |
naiṛteti virūpākṣaṃ pavanaṃ vāyugocare || 72 ||
[Analyze grammar]

tamuṣṭavāma iti vai hyanenendramathārcayet |
udīratāmavareti sadā vaivasvataṃ yajet || 73 ||
[Analyze grammar]

tattvāyāmīti mantreṇa varuṇaṃ devi pūjayet |
indrāsomāvata iti mantreṇa dhanadaṃ yajet || 74 ||
[Analyze grammar]

pāvakaṃ pūjayeddevi agnimīḷe purohitam |
rakṣohaṇaṃ vājineti virūpākṣaṃ sadārcayet || 75 ||
[Analyze grammar]

vāyavāyāhi mantreṇa vāyuṃ devi sadārcayet |
yathākramamimāndevi sarvānvai pūjayedbudhaḥ || 76 ||
[Analyze grammar]

bāhyataḥ pūrvato devi indrādīnāṃ samantataḥ |
raktavarṇaṃ mahātejaṃ sitapadmopari sthitam || 77 ||
[Analyze grammar]

sarvalakṣaṇasaṃyuktaṃ sarvābharaṇabhūṣitam |
dvibhujaṃ caikavaktraṃ ca saumyapañcakadhṛkkaram || 78 ||
[Analyze grammar]

varttulaṃ tejabiṃbaṃ tu madhyasthaṃ raktavāsasam |
ādityasya tvidaṃ rūpaṃ sarvalokeṣu pūjitam |
dhyātvā saṃpūjayennityaṃ sthaṃḍilaṃ maṇḍalāśrayam || 79 ||
[Analyze grammar]

devyuvāca |
maṇḍalasthaḥ suraśreṣṭha vidhinā yena bhāskaraḥ |
pūjyate mānavairbhaktyā sa vidhiḥ kathitastvayā || 80 ||
[Analyze grammar]

pūjayedvidhinā yena bhāskaraṃ padmasaṃbhavam |
mūrttisthaṃ sarvagaṃ devaṃ tanme kathaya śaṃkara || 81 ||
[Analyze grammar]

īśvara uvāca |
sādhusādhu mahādevi sādhu pṛṣṭo'smi suvate |
śṛṇuṣvaikamanā devi mūrtithaṃ yena pūjayet || 82 ||
[Analyze grammar]

iṣetveti ca mantreṇa uttamāṃgaṃ sadārcayet |
agnimīḷeti mantreṇa pūjayeddakṣiṇaṃ karam || 83 ||
[Analyze grammar]

agna āyāhi mantreṇa pādau devasya pūjayet |
ājighreti ca mantreṇa pūjayetpuṣpamālayā || 84 ||
[Analyze grammar]

yogeyogeti mantreṇa muktapuṣpāṃjaliṃ kṣipet |
samudrāgaccha yatproktamanena snāpayedravim || 85 ||
[Analyze grammar]

imaṃ me gaṃgeti yatproktamanenāpi ca bhāmini |
samudrajyeti mantreṇa kṣālayedvidhivadravim || 86 ||
[Analyze grammar]

sinīvālīti mantreṇa snāpayecchaṃkhavāriṇā |
yajñaṃ yajñeti mantreṇa kaṣāyaiḥ parirakṣayet || 87 ||
[Analyze grammar]

snāpayetpayasā devi āpyāyasveti maṃtrataḥ |
dadhikrāvṇeti vai dadhnā snāpayedvidhivadravim || 88 ||
[Analyze grammar]

imaṃ me gaṃgeti yatproktamanenāpi ca bhāmini |
samudrajyeti maṃtreṇa snānamauṣadhibhiḥ smṛtam || 89 ||
[Analyze grammar]

udvartayettato bhānuṃ dvipadābhirvarānane |
mānastoketi maṃtreṇa yugapatsnānamācaret || 90 ||
[Analyze grammar]

viṣṇorarāṭamantreṇa snāpayedgaṃdhavāriṇā |
sauvarṇena tu maṃtreṇa arghyaṃ pādyaṃ nivedayet || 91 ||
[Analyze grammar]

idaṃ viṣṇurvicakrame maṃtreṇārghyaṃ pradāpayet |
vedosīti ca maṃtreṇa upavītaṃ pradāpayet || 92 ||
[Analyze grammar]

bṛhaspateti maṃtreṇa dadyādvastrāṇi bhānave |
yena śriyaṃ prakurvāṇaḥ puṣpamālāṃ prapūjayet || 93 ||
[Analyze grammar]

dhūrasīti ca maṃtreṇa dhūpaṃ dadyātsaguggalam |
samiddhoṃjanamaṃtreṇa aṃjanaṃ tu pradāpayet || 94 ||
[Analyze grammar]

yuṃjāna iti maṃtreṇa bhānuṃ rocanamālabhet |
ārārttikaṃ ca vai kuryāddīrghāyutvāya vai punaḥ || 95 ||
[Analyze grammar]

sahasraśīrṣā puruṣaḥ sūryaṃ śirasi pūjayet |
śaṃbhavāyeti maṃtreṇa ravernetre parāmṛśet || 96 ||
[Analyze grammar]

viśvataścakṣurityevaṃ bhānordehaṃ samālabhet |
śrīśca te lakṣmīśceti sarvāṃge pūjayedravim || 97 ||
[Analyze grammar]

īśvara uvāca ||
atha merormahādevi aṣṭaśṛṃgasya suvrate |
pūjāvidhānamaṃtrāṃste kathayāmi samāsataḥ || 98 ||
[Analyze grammar]

aṣṭaśṛṃgaṃ mahādevi anena vidhinā'rcayet |
prathamaṃ pūjayenmadhye maṃtreṇānena suvrate || 99 ||
[Analyze grammar]

mahāhivomahāyeti nānāpuṣpakadaṃbakaiḥ |
trātāramiṃdramaṃtreṇa pūrvaśṛṃgaṃ sadārcayet || 100 ||
[Analyze grammar]

tamuṣṭavāmeti maṃtreṇa pūjayetsurasundari |
agnimīḷe purohitamāgneyaṃ śṛṃgamarcayet || 101 ||
[Analyze grammar]

āgneyyā caiva gāyatryā athavānena pūjayet |
yamāya tvā makhāya tvā dakṣiṇaṃ śṛṃgamarca yet || 102 ||
[Analyze grammar]

udīratāmavarepyathavānena pūjayet |
āyaṃ gauriti maṃtreṇa nairṛtyaṃ śṛṅgamarcayet || 103 ||
[Analyze grammar]

rakṣohaṇaṃ vājinaṃ vā pūjayedasurāṃtikam |
iṃdrāsomā ca yo maṃtro hyathavā tena pūjayet || 104 ||
[Analyze grammar]

abhi tvā sūra nonviti caiśānaṃ śṛṃgamarcayet |
yenedaṃ bhūtamiti vā athavānena pūjayet || 105 ||
[Analyze grammar]

namostu sarpebhya iti merupīṭhaṃ sadā'rcayet |
hiraṇyagarbhaḥ samavarttateti punarmadhye sadārcayet || 106 ||
[Analyze grammar]

savitā paścātāditi vai pūjayetpuṣpa mālayā |
trikālamarcayeddevi pradadyādarghyamādarāt || 107 ||
[Analyze grammar]

mātā rudrāṇāṃ duhitā vasūnāṃ pūrvāhne caiva pūjayet |
madhyāhne pūjayeddevi tadviṣṇoḥ paramaṃ padam || 108 ||
[Analyze grammar]

haṃsaḥ śuciṣaditi vā aparāhṇe sadārcayet |
evaṃ bhānuṃ grahaiḥ sārddha pūjayedvaravarṇini || 109 ||
[Analyze grammar]

devyuvāca |
yāni puṣpāṇi ceṣṭāni sadā bhāskarapūjane |
kāni coktāni deveśa kathayasva prasādataḥ || 110 ||
[Analyze grammar]

īśvara uvāca |
śṛṇu devi pravakṣyāmi puṣpā dhyāyamanuttamam |
yena cārkasthale devi śīghraṃ tuṣyati pūjitaḥ || 111 ||
[Analyze grammar]

mālatīkusumaiḥ pūjā bhavetsāṃnidhyakārikā |
mallikāyāśca kusumairbhogavāñjāyate naraḥ || 112 ||
[Analyze grammar]

saubhāgyaṃ puṃḍarīkaistu bhavatyarthaśca śāśvataḥ |
kadaṃbapuṣpairdeveśi paramaiśvaryamaśnute || 113 ||
[Analyze grammar]

bhavatyakṣayamannaṃ ca bakulai rarcane raveḥ |
madārapuṣpakaiḥ pūjā sarvakuṣṭhavināśinī || 114 ||
[Analyze grammar]

bilvasya patrakusumaimahatīṃ śriyamaśnute |
arkasrajā bhavatyarthaḥ sarvakāmaphalapradaḥ || 115 ||
[Analyze grammar]

pradadyādrūpiṇīṃ kanyāṃ pūjito bakulasrajā |
kiṃśukairarcito devi na pīḍayati bhāskaraḥ || 116 ||
[Analyze grammar]

agastikusumaistadvadānukūlyaṃ prayaccha ti |
karavīraistu deveśi sūryasyānucaro bhavet || 117 ||
[Analyze grammar]

śatapatrasrajā devi sūryasālokyatāṃ vrajet |
bakapuṣpairmahādevi dāridyaṃ naiva jāyate || 119 ||
[Analyze grammar]

ṛtukusumena gandhena samabhyarcya divākaram |
catuḥsamudramaryādāṃ sa bhuṃkte pṛthivīmimām || 119 ||
[Analyze grammar]

yaḥ sūryāyatanaṃ bhaktyā gairikeṇopalepayet |
prāpnuyānmahatīṃ lakṣmīṃ rogaiścāpi pramucyate || 120 ||
[Analyze grammar]

aṣṭādaśeha kuṣṭhāni ye cānye vyādhayo nṛṇām |
pralayaṃ yāṃti te sarve mṛdā yadyupalepayet || 121 ||
[Analyze grammar]

vilepanānāṃ sarveṣāṃ kuṃkumaṃ raktacaṃdanam |
puṣpāṇāṃ karavīrāṇi praśastāni varānane || 122 ||
[Analyze grammar]

nātaḥ parataraṃ kiṃcidbhāsvatastuṣṭikārakam |
yādṛśaṃ kuṅkumaṃ jātī śatapatraṃ tathā'guruḥ || 123 ||
[Analyze grammar]

kiṃ tasya na bhavelloke yaścaibhiścārcayedravim |
upalipyālayaṃ yastu kuryānmaṃḍalakaṃ śubham || 124 ||
[Analyze grammar]

ekenāsya bhavedartho dvābhyāmārogyamaśnute |
tribhistu sarvavidyāvāṃścaturbhirbhogavānbhavet || 125 ||
[Analyze grammar]

paṃcabhirvipulaṃ dhānyaṃ ṣaḍbhirāyurbalaṃ yaśaḥ |
saptamaṇḍalatārī syānmaṃḍalādhipatirnaraḥ || 126 ||
[Analyze grammar]

ghṛtadīpapradānena cakṣuṣmāñjāyate naraḥ |
kaṭutailasya dīpena svaṃ śatruṃ jayate naraḥ || 127 ||
[Analyze grammar]

tailadīpapradānena sūryaloke mahīyate |
madhūkatailadīpena saubhāgyaṃ paramaṃ labhet || 128 ||
[Analyze grammar]

puṣpāṇāṃ pravarā jātī dhūpānāṃ vijayaḥ paraḥ |
gandhānāṃ kuṃkumaṃ śreṣṭhaṃ lepānāṃ raktacaṃdanam || 129 ||
[Analyze grammar]

dīpadāne ghṛtaṃ śreṣṭhaṃ naivedye modakaḥ param |
etaistuṣyati deveśaḥ sāṃnidhyaṃ cādhigacchati || 130 ||
[Analyze grammar]

evaṃ saṃpūjya vidhi vatkṛtvā pitṛpradakṣiṇām |
praṇamya śirasā devaṃ tatra cārkasthalaṃ priye || 131 ||
[Analyze grammar]

sukhāsīnastataḥ paśyedraverabhimukhe sthitaḥ |
ekaṃ siddhārthakaṃ kṛtvā haste pānīyasaṃyutam || 132 ||
[Analyze grammar]

kāmaṃ yatheṣṭaṃ hṛdaye kṛtvārkasthalasannidhau |
pibetsatoyaṃ taddevi hyaspṛṣṭaṃ daśanaiḥ sakṛt || 133 ||
[Analyze grammar]

evaṃ kṛtvā naro devi koṭiyātrāphalaṃ labhet |
brahmā viṣṇurmahādevo jvalano dhanadastathā || 134 ||
[Analyze grammar]

bhānumāśritya sarve te modante divi suvrate |
tasmādbhānusamaṃ devaṃ nāhaṃ paśyāmi kañcana || 135 ||
[Analyze grammar]

iti kṛtvā mahādevi punarbhānau pradakṣiṇam |
kuryānmantreṇa deveśi saptakṛtvo varānane || 136 ||
[Analyze grammar]

tamuṣṭavāma iti ṛkprathamā parikīrtitā |
etonvindraṃ stavāmeti dvitīyā parikīrtitā || 137 ||
[Analyze grammar]

iṃdra śuddho na āgahi tṛtīyā parikīrtitā |
indraṃ śuddho hi no rayiṃ caturthī parikīrtitā || 138 ||
[Analyze grammar]

asya vāmasyeti śubhe pañcamī parikīrtitā |
tribhiṣṭvaṃ deva iti vai ṣaṣṭhī ca parikīrtitā || 139 ||
[Analyze grammar]

daśa sāmāni vai yāni pravarāṇi manīṣibhiḥ |
gītāni sāmagairnityaṃ saptamīṃ taistu kārayet || 14 ||
[Analyze grammar]

tāni te kathayāmyadya daśa sāmāni sundari |
huṃkāraḥ praṇavodgīthaḥ prastāvaśca catuṣṭayam || 141 ||
[Analyze grammar]

pañcamaṃ praharo yatra ṣaṣṭhamāraṇyakaṃ tathā |
nidhanaṃ saptamaṃ sāmnāṃ saptasiddhimiti smṛtam || 142 ||
[Analyze grammar]

pañcavidhyamiti proktaṃ hrīṃkārapraṇavena tu |
aṣṭamaṃ ca tathā sādhyaṃ navamaṃ vāmadevakam || 143 ||
[Analyze grammar]

jyeṣṭhaṃ tu daśamaṃ sāma vedhase priyamuttamam |
eteṣāṃ devi sāmnāṃ vai jāpyaṃ kāryaṃ vidhānataḥ || 144 ||
[Analyze grammar]

jyeṣṭhasāmaparaṃ caiva dvitīyaṃ gadataḥ śṛṇu |
na ca śrāvyaṃ dvitīyaṃ tu japtavyaṃ muktimicchatā || 145 ||
[Analyze grammar]

tajjāpyaṃ paramaṃ proktaṃ svayaṃ devena bhānunā |
jāpyasya viniyogo'sya lakṣaṇaṃ ca nibodha me |
stobhasāraṃ śvāsalīnamoṃkārādi smṛtaṃ budhaiḥ || 146 ||
[Analyze grammar]

ūrbhānuśca tathā dharmaṃ dharmaḥ satyaṃ hyṛta tathā |
dharmaṃ ye dharmavaddharme dharme vai nidhanaṃ gatāḥ || 147 ||
[Analyze grammar]

yadebhiśca yajecchabdairucitaṃ sāmagairdvijaiḥ |
jāpyaṃ caitatparaṃ proktaṃ svayaṃ devena bhānunā || 148 ||
[Analyze grammar]

etadvai japyamānastu punarāvartate na tu |
sarvarogavinirmukto mucyate brahmahatyayā || 149 ||
[Analyze grammar]

ājyadohādyadoheti jyeṣṭhasāmno'pi lakṣaṇam || 150 ||
[Analyze grammar]

iti saṃpūjya deveśaṃ tataḥ kuryātparāṃ stutim |
ṛgbhirve paṃcabhiścaiva śṛṇuṣvaikamanāstu tāḥ || 151 ||
[Analyze grammar]

ukṣāṇaṃ pṛśnimiti vai prathamā parikīrtitā |
catvāri vākparīti vai dvitīyā parikīrtitā || 152 ||
[Analyze grammar]

iṃdraṃ mitraṃ tṛtīyā tu ṛkcaiva parikīrtitā |
kṛṣṇaṃ niyānaṃ hi tathā caturthī parikīrtitā || 153 ||
[Analyze grammar]

dvādaśaprathama iti paṃcamī parikīrtitā |
yo ratnavāhītyanayā kirīṭaṃ yojayedraveḥ || 154 ||
[Analyze grammar]

gatehanāmityanayā avyaṃgaṃ bhāskaraṃ nyaset |
anena vidhinā devi pūjayedvidhivadravim || 155 ||
[Analyze grammar]

ityeṣa te mayā khyātaḥ pratimāpūjane vidhiḥ || 156 ||
[Analyze grammar]

anenavidhinā yastu satataṃ pūjayedravim |
sa prāpnotyadhikānkāmāniha loke paratra ca || 157 ||
[Analyze grammar]

putrārthī labhate putraṃ dhanārthī labhate dhanam |
kanyārthī labhate kanyāṃ vidyārthī vedavidbhavet || 158 ||
[Analyze grammar]

niṣkāmaḥ pūjayedyastu sa mokṣaṃ yāti vai dhruvam |
asya kṣetrasya māhātmyādarkasūryaprabhāvataḥ || 159 ||
[Analyze grammar]

anyatra brāhmaṇānāṃ ca koṭinā yatphalaṃ labhet |
arkasthale tathaikena bhojitena tu tatphalam || 160 ||
[Analyze grammar]

snānaṃ dānaṃ japo homaḥ sūryaparvaṇi yatkṛtam |
tatsarvaṃ koṭiguṇitaṃ sūryakoṭiprabhāvataḥ || 161 ||
[Analyze grammar]

māghamāse naro yastu saptamyāṃ ravivāsare |
kṛṣṇapakṣe mahādevi jāgaraṃ śraddhayā'caret |
arkasthalasamīpe tu sa yāti paramāṃ gatim || 162 ||
[Analyze grammar]

gośatasya pradattasya kurukṣetre ca yatphalam |
tatphalaṃ samavāpnoti tatrārkasthaladarśanāt || 163 ||
[Analyze grammar]

arkasthalaḥ pūjanīyastatra sthāne nivāsibhiḥ |
japāpuṣpairarkapuṣpai rogibhistu viśeṣataḥ || 164 ||
[Analyze grammar]

na ca patrorṇakusumairna caivonmattasaṃbhavaiḥ |
na cāmrātakajaiḥ puṣpairarcanīyo divākaraḥ || 165 ||
[Analyze grammar]

āmrātakasya kusumaṃ nirmālyamiva dṛśyate |
apratyagraṃ bahiryasmāttasmāttatparivarjayet || 166 ||
[Analyze grammar]

nāvijñātaṃ pradātavyaṃ na mlānaṃ na ca dūṣitam |
na ca paryyuṣitaṃ mālyaṃ dātavyaṃ bhūtimicchatā || 167 ||
[Analyze grammar]

devamullocayedyastu tatkṣaṇātpuṣpalobhataḥ |
puṣpāṇi ca sugandhāni bhojakenetarāṇi ca || 168 ||
[Analyze grammar]

brahmahatyāmavāpnoti bhojako lobhamohitaḥ |
mahārauravamāsādya pacyate śāśvatīḥ samāḥ || 169 ||
[Analyze grammar]

hanta te kīrttayiṣyāmi dhūpadānavidhiṃ param |
pradānāddevadevasya yena dhūpena yatphalam || 170 ||
[Analyze grammar]

sadārcane ca dhūpena sāmīpyaṃ kurute raviḥ |
pradadyātsakalaṃ kāmaṃ yadyadicchati mānavaḥ || 171 ||
[Analyze grammar]

tathaivāgurudhūpena nidhiṃ dadyādabhīpsitam |
ārogyārthī dhanārthī ca nityadā guggalaṃ dahet || 172 ||
[Analyze grammar]

piṃḍātadhūpadānena sadā tuṣyati bhānumān |
ārogyaṃ ca svayaṃ dadyātsaukhyaṃ ca paramaṃ bhavet || 173 ||
[Analyze grammar]

śrīvāsakasya dhūpena vāṇijyaṃ sakalaṃ labhet |
rasaṃ sarjarasaṃ caiva dahato'rthāgamo bhavet || 174 ||
[Analyze grammar]

devadāruṃ ca dahato bhavatyannamathākṣayam |
vilepanaṃ kuṃkumena sarvakāmaphalapradam || 175 ||
[Analyze grammar]

iha loke sukhī bhūtvā akṣayaṃ svargamāpnuyāt |
caṃdanasya pralepena śriyamāyuśca viṃdati || 176 ||
[Analyze grammar]

raktacandanalepena sarvaṃ dadyāddivākaraḥ |
api rogaśatairgrastaḥ kṣemamārogyamāpnuyāt || 177 ||
[Analyze grammar]

gatigaṃdhaṃ ca saubhāgyaṃ paramaṃ viṃdate naraḥ |
kastūrikāmardanakairaiśvaryamatulaṃ labhet || 178 ||
[Analyze grammar]

karpūrasaṃyutairgaṃdhaiḥ kṣmādhipādhipatibhavet |
catuḥsamena gaṃdhena sarvā nkāmānavāpnuyāt || 179 ||
[Analyze grammar]

etatte kathitaṃ devi sūryamāhātmyamuttamam |
savistaraṃ mayā khyātaṃ kimanyatparipṛcchasi || 180 ||
[Analyze grammar]

devyuvāca |
yadyevaṃ bhagavānsūryaḥ sarvatejasvināṃ varaḥ |
sa kathaṃ grasyate deva saiṃhikeyena rāhuṇā || 181 ||
[Analyze grammar]

īśvara uvāca |
śṛṇu daivi pravakṣyāmi sarva pāpapraṇāśanam |
kāraṇaṃ grahaṇasyāpi bhrāṃtervicchedakārakam || 182 ||
[Analyze grammar]

rāhurādityabiṃbasyādhastāttiṣṭhati bhāmini |
amṛtārthī vimānastho yāvatsaṃsravate'mṛtam || 183 ||
[Analyze grammar]

biṃbenāṃtarito devi ādityagrahaṇaṃ hi tat |
na kaścidgrasituṃ śakta ādityo dahati dhruvam || 184 ||
[Analyze grammar]

brahmādayastamarcaṃti sa ādiḥ sarvanākinām || 1 ||
[Analyze grammar]

ādityadehajāḥ sarve tathānye devadānavāḥ || 185 ||
[Analyze grammar]

ādikarttā svayaṃ yasmādādityastena cocyate |
prabhāse saṃsthito devaḥ sarvapātakanāśanaḥ || 186 ||
[Analyze grammar]

bhuktimuktiprado devo vyādhiduṣkṛtanāśakṛt |
tatra siddhāḥ purā devi lokapālā maharṣayaḥ || 187 ||
[Analyze grammar]

siddhā vidyā dharā yakṣā gaṃdharvā munayastathā |
dhanado'pi tathā bhīṣmo yayātirgālavastathā || 188 ||
[Analyze grammar]

sāṃbaścaiva tathā devi parāṃ siddhimito gatāḥ |
idaṃ rahasyaṃ deveśi sūryamāhātmyamuttamam || 189 ||
[Analyze grammar]

na deyaṃ duṣṭabuddhīnāṃ pāpināṃ ca viśeṣataḥ |
na nāstike'śraddadhāne na krūraṃ vā kathaṃcana || 190 ||
[Analyze grammar]

imāṃ kathāmanubrūyāttathā nā'sūyake śive |
idaṃ putrāya śiṣyāya dharmiṇe nyāyavartine || 191 ||
[Analyze grammar]

kathanīyaṃ mahābrahma sūryabhaktāya suvrate |
arkasthalasya devasya māhātmyamidamuttamam || 192 ||
[Analyze grammar]

yaḥ śrāddhe śrāvayeddevi brāhmaṇānsaṃśitavratān |
tasyānaṃtaṃ bhaveddevi yaddānaṃ puruṣasya vai || 193 ||
[Analyze grammar]

yatredaṃ kīrttyate puṇyaṃ saṃpadastatra vai sadā || 1 ||
[Analyze grammar]

yātudhānā na hiṃsaṃti tacchrāddhaṃ bhayavihvalāḥ || 194 ||
[Analyze grammar]

paṃktipāvanatāṃ yāṃti ye'pi vai paṃktidūṣakāḥ |
sutavāñjanmavāṃśca syātsarvakāmamanoramaḥ || 195 ||
[Analyze grammar]

pravāsibhirbaṃdhuvargaiḥ saṃyujyeta sadā naraḥ |
naṣṭaiḥ saṃyujyate cārthairaparaiścāpi ciṃtitaiḥ || 196 ||
[Analyze grammar]

rakṣyate yāginībhiśca priyaiśca na viyujyate |
upaspṛśya śucirbhūtvā śṛṇuyādbrāhmaṇaḥ sadā |
sarvānkāmāṃśca labhate nātra kāryā vicāraṇā || 197 ||
[Analyze grammar]

vaiśyaḥ samṛddhimatulāṃ kṣatriyaḥ pṛthivīpatiḥ |
vaṇijaścāpi vāṇijyamakhaṃḍaṃ śatasaṃkhyayā |
labheyuḥ kīrtanādasyāḥ sūryotpattervarānane || 198 ||
[Analyze grammar]

śūdrāścaivābhilaṣitānkāmānprāpsyaṃti bhāmini |
apamṛtyubhayaṃ ghoraṃ mṛtyuto'pi mahābhayam || 199 ||
[Analyze grammar]

naśyate nātra saṃdeho rājadvārakṛtaṃ ca yat |
sarvakāmasamṛddhātmā sūryaloke mahīyate || 200 ||
[Analyze grammar]

ityetatkathitaṃ devi māhātmyaṃ sūryadaivatam |
arkasthalaprasaṃgena kimanyacchrotumicchasi || 201 ||
[Analyze grammar]

sthānaṃ śāśvatamojasāṃ gatirapāṃ dīpo diśāmakṣayaḥ siddherdvāramapāvabhedi jagatāṃ sādhāraṇaṃ locanam |
haimaṃ puṣkaramaṃtarikṣasaraso dīptaṃ divaḥ kuṇḍalaṃ kālonmānavibhāvanākṣatalayaṃ biṃbaṃ raveḥ pātu vaḥ || 202 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'rkkasthalamāhātmyārkasthalapūjāvidhānādivarṇanaṃnāma saptadaśo'dhyāyaḥ || 17 ||
[Analyze grammar]