Chapter 46

[English text for this chapter is available]

nārada uvāca |
bahūdakasya kuṃḍasya tīrasthaṃ liṃgamuttamam |
kapileśvaramabhyarcya naṃdabhadrastataḥ sudhī || 1 ||
[Analyze grammar]

praṇamya cāgratastasthau prabaddhakarasaṃpuṭaḥ |
saṃsāracaritaiḥ kiṃciddruḥkhī gāthāṃ vyagāyata || 2 ||
[Analyze grammar]

sraṣṭāramasya jagataścetpaśyāmi sadāśivam |
nānāpṛcchābhiratha taṃ kuryāṃ nāthaṃ vilajjitam || 3 ||
[Analyze grammar]

apūryamāṇaṃ tava kiṃ jagatsaṃsṛjanaṃ vinā |
nirīha bahudhā yatte sṛṣṭaṃ bhārgavavajjagat || 4 ||
[Analyze grammar]

sacetanena śuddhena rāgādirahitena ca |
atha kasmādātmasadṛśaṃ na sṛṣṭaṃ nirmitaṃ jaḍam || 5 ||
[Analyze grammar]

nirvaireṇa samenātha sukhaduḥkhabhavābhavaiḥ |
brahmādikīṭaparyantaṃ kimeva kliśyate jagat || 6 ||
[Analyze grammar]

kāṃścitsvargetha narake pātayaṃstvaṃ sadāśiva |
kiṃ phalaṃ samavāpnoṣi kimevaṃ kuruṣe vada || 7 ||
[Analyze grammar]

iṣṭaiḥ putrādibhirnātha viyuktā mānavā hyamī |
kraṃdaṃti karuṇāsāra kiṃ ghṛṇāpi bhavenna te || 8 ||
[Analyze grammar]

atīva nocitaṃ sarvametadīśvara sarvathā |
yatte bhaktāḥ samaṃ pāpairmajjaṃte duḥkhasāgare || 9 ||
[Analyze grammar]

evaṃvidhena saṃsāracāritreṇa vimohitāḥ |
sthānāṃ taraṃ na yāsyāmi bhokṣye pāsyāmi nodakam || 10 ||
[Analyze grammar]

maraṇāṃtameva yāsyāmi sthāsye saṃciṃtayannadaḥ |
sa evaṃ vimṛśanneva naṃdabhadraḥ svayaṃ sthitaḥ || 11 ||
[Analyze grammar]

tataścaturthe divase bahūkataṭe śubhe |
kaścidbālaḥ saptavarṣaḥ pīḍāpīḍita āyayau || 12 ||
[Analyze grammar]

kṛśotīva galatkuṣṭhī pramuhyaṃśca padepeda |
naṃdabhadramuvācedaṃ kṛcchrātsaṃstabhya bālakaḥ || 13 ||
[Analyze grammar]

aho surūpasarvāṃga kasmādduḥkhī bhavānapi |
tatosya kāraṇaṃ sarvaṃ vyācaṣṭa naṃdabhadrakaḥ || 14 ||
[Analyze grammar]

śrutvā tatkāraṇaṃ sarvaṃ bālo dīnamanā bravīt |
aho hā kaṣṭamatyugraṃ budhānāṃ yadabuddhitā || 15 ||
[Analyze grammar]

saṃpūrṇodriyagātrā yanmartumicchaṃti vai vṛthā |
muhūrtāddhyatra khaṭvāṃgo mokṣamārgamupāgataḥ || 16 ||
[Analyze grammar]

tadaho bhārataṃ khaṃḍaṃ satyāyuṣi tyajeddhi kaḥ |
ahameva dṛḍho manye pitṛbhyāṃ yo vivarjitaḥ || 17 ||
[Analyze grammar]

aśaktaścalituṃ vāpi martumicchāmi nāpi ca |
sarve lābhāḥ sātimānā iti satyā bataśrutiḥ || 18 ||
[Analyze grammar]

saṃtoṣo'pyucitastubhyaṃ dehaṃ yasya dṛḍhaṃ tvidam |
śarīraṃ nīrujaṃ cenme bhavedapi kathaṃcana || 19 ||
[Analyze grammar]

kṣaṇekṣaṇe ca tatkuryāṃ bhujyate yadyugeyuge |
iṃdriyāṇi vaśe yasya śarīraṃ ca dṛḍhaṃ bhavet || 20 ||
[Analyze grammar]

so'pyanyadicchate cecca ko'nyastasmādacetanaḥ |
śokasthānasahasrāṇi harṣasthānaśatāni ca || 21 ||
[Analyze grammar]

divase divase mūḍhamāvaśaṃti na paṃḍitam |
na hi jñānaviruddheṣu bahvabapāyeṣu karmasu || 22 ||
[Analyze grammar]

mūlaghātiṣu sajjaṃte buddhimaṃto bhavadvidhāḥ |
aṣṭāṃgāṃ buddhimāhuryāṃ sarvāśreyovighātinīma || 23 ||
[Analyze grammar]

śrutismṛtyaviruddhā sā buddhistvayyasti nirmalā |
atha kṛcchreṣu durgeṣu vyāpatsu svajanasya ca || 24 ||
[Analyze grammar]

śārīramānasairduḥkhairna sīdaṃti bhavadvidhāḥ |
nāprāpyamabhivāṃchaṃti naṣṭaṃ necchaṃti śocitum || 25 ||
[Analyze grammar]

āpatsu ca na muhyaṃti narāḥ paṃḍitabuddhayaḥ |
manodehasamutthābhyāṃ duḥkhābyāmarpitaṃ jagat || 26 ||
[Analyze grammar]

tayorvyāsasamāsābhyāṃ śamopāyamimaṃ śrṛṇu |
vyādheraniṣṭasaṃsparśācchramādiṣṭavisarjanāt || 27 ||
[Analyze grammar]

caturbhiḥ kāraṇairduḥkhaṃ śīriraṃ mānasaṃ ca yat |
mānasaṃ cāpyapriyasya saṃyogaḥ priyavarjanam || 28 ||
[Analyze grammar]

dviprakāraṃ mahākaṣṭaṃ dvayoretadudāhṛtam |
mānasena hi duḥkhaina śarīramupatapyate || 29 ||
[Analyze grammar]

ayaḥpiṃḍena taptena kuṃbhasaṃsthamivodakam |
tadāśu prati kārācca satataṃ ca vivarjanāt || 30 ||
[Analyze grammar]

vyādherādheśca praśamaḥ kriyāyogadvayena tu |
mānasaṃ śamayettasmājjñānenāgnimivāṃbunā || 31 ||
[Analyze grammar]

praśāṃte mānase hyasya śārīramupaśāmti |
manaso duḥkhamūlaṃ tu sneha ityupalabhyate || 32 ||
[Analyze grammar]

snehācca sajjano nityaṃ janturduḥkhamupaiti ca |
snehamūlāni duḥkhāni snehajāni bhāyāni ca || 33 ||
[Analyze grammar]

śokaharṣau tathāyāsaḥ sarvaṃ snehātpravartate || 34 ||
[Analyze grammar]

snehātkaraṇarāgaśca prajajñe vaiṣayastathā |
aśreyaskāvubhāvatau pūrvastatra guruḥ smṛtaḥ || 35 ||
[Analyze grammar]

tyāgī tasmānna duḥkhī syānnarvairo niravagrahaḥ |
atyāgī janmamaraṇe prāpnotīha punaḥpunaḥ || 36 ||
[Analyze grammar]

tasmātsnehaṃ na lipsena mitrebhyo dhanasaṃcayāt |
svaśarīrasamutthaṃ ca jñānena vinirvatayet || 37 ||
[Analyze grammar]

jñānānviteṣu siddheṣu śāstrūjñeṣu kṛtātmasu |
na teṣu sajjate snehaḥ padmapatreṣvivodakam || 38 ||
[Analyze grammar]

rāgābhibhūtaḥ puruṣaḥ kāmena parikṛṣyate |
icchā saṃjāyate cāsya tatastṛṣṇā pravardhate || 39 ||
[Analyze grammar]

tṛṣṇā hi sarvapāpiṣṭhā nityodvegakarī matā |
adharmabahulā caiva ghorarūpānubaṃdhinī || 40 ||
[Analyze grammar]

yā dustyajā durmatibhiryā na jīryataḥ |
yāsau prāṇāṃtiko rogastāṃ tṛṣṇāṃ tyajataḥ sukham || 41 ||
[Analyze grammar]

anādyaṃtā tu sā tṛṣṇā hyaṃtardehagatā nṛṇām |
vināśayati saṃbhūtā lohaṃ lohamalo yathā || 42 ||
[Analyze grammar]

yathaivaidhaḥ samutthena vahninā nāśamṛcchati |
tathā'kṛtātmā lobena svotpannena vinaśyati || 43 ||
[Analyze grammar]

tasmāllobho na kartavyaḥ śarīre cātmabaṃdhuṣu |
prāpteṣu va na hṛṣyeta nāśo vāpi na śocayet || 44 ||
[Analyze grammar]

naṃdabhadra uvāca |
aho bāla na bālastvaṃ mato me tvāṃ namāmyaham |
tvadvākyairatitṛpto'haṃ tvāṃ tu prakṣyāmi kiṃcana || 45 ||
[Analyze grammar]

kāmakrodhāvahaṃkāramiṃdriyāṇi ca mānavāḥ |
niṃdaṃti tatra me nityaṃ vivakṣeyaṃ prajāyate || 46 ||
[Analyze grammar]

ahameṣa mamedaṃ ca kāryamīdṛśakastvaham |
ityādi cātmavijñānamahaṃkāra iti smṛtaḥ || 47 ||
[Analyze grammar]

parihāryaḥ ya cettaṃ ca vinonmattaḥ prakīryate |
kāmo'bhilāṣa ityuktaḥ saṃ cetpuṃsā vivarjyate || 48 ||
[Analyze grammar]

kathaṃ svargo mumukṣā vā sādhyate dṛṣadā yathā |
krodho vā yadi saṃtyājyastataḥ śatrukṣayaḥ katham || 49 ||
[Analyze grammar]

bāhyānāmāṃtarāṇāṃ vā vinā taṃ tṛṇavadviduḥ |
iṃdriyāṇi nigṛhyaiva duṣṭānīti nipīḍayet || 50 ||
[Analyze grammar]

kathaṃ syāddharmaśravaṇaṃ kathaṃ vā jīvanaṃ bhavet |
etasminme mano viddhaṃkhidyate'jñānasaṃkaṭe || 51 ||
[Analyze grammar]

tathā kasmādidaṃ sṛṣṭaṃ jaḍaṃ viśvaṃ cidātmanā |
evaṃ yadbahudhā kleśaḥ pīḍyate hā kutastvidam || 52 ||
[Analyze grammar]

bāla uvāca |
samyagetadyathā pṛṣṭaṃ yatra muhyaṃti jaṃtavaḥ |
śrṛṇvekāgramanā bhūtvā jñātaṃ dvaipāyanānmayā || 53 ||
[Analyze grammar]

prakṛtiḥ puruṣaścaiva anādī śrṛṇumaḥ purā |
sādharmyeṇāvatiṣṭhete sṛṣṭeḥ prāgajarāmarau || 54 ||
[Analyze grammar]

tataḥ kālasvabāvābhyāṃ preritā prakṛtiḥ purā |
puṃsaḥ saṃyogamaicchatsā tadabhāvātprakupyata || 55 ||
[Analyze grammar]

tatastamomayī sā ca līlayā devavīkṣitā |
rājasī samabhūddūṣṭā sāttvikī samajāyata || 56 ||
[Analyze grammar]

evaṃ triguṇatāṃ yātā prakṛtirdevadarśanāt |
tāṃ samāsthāya paramastrimūrtiḥ samajāyata || 57 ||
[Analyze grammar]

tasyāḥ proccāraṇārthaṃ ca pravṛttaḥ svāṃśatastataḥ |
asūyata mahattattvaṃ triguṇaṃ tadvidurbudhāḥ || 58 ||
[Analyze grammar]

ahaṃkāra stato jātaḥ sattvarājasatāmasaḥ |
tamo rajastvamāpadya rajaḥ sattvaguṇaṃ nayet || 59 ||
[Analyze grammar]

śuddhasattve tato mokṣaṃ pravadaṃti manīṣiṇaḥ |
tamaso rajasasta smātsaṃśuddhyarthaṃ ca sarvaśaḥ || 60 ||
[Analyze grammar]

jīvātmasaṃjñānsvīyāṃśānvyabhajatparameśvaraḥ |
tāvaṃtaste ca kṣetrjñā dehā yāvaṃta eva hi || 61 ||
[Analyze grammar]

niḥsaraṃti yathā lohāttaptalliṃgātsphuliṃgakāḥ |
tanmātrabhūtasargoyamahaṃkārāttu tāmasāt || 62 ||
[Analyze grammar]

iṃdriyāṇāṃ sāttvikācca triguṇāni ca tānyapi |
etaiḥ saṃsiddhayaṃtreṇa saccidānandavīkṣaṇāt || 63 ||
[Analyze grammar]

rajastamaśca śodhyaṃte sattvenaiva mumukṣubhiḥ |
tasmātkāmaṃ ca krodhaṃ ca iṃdriyāṇāṃ pravartanam || 64 ||
[Analyze grammar]

ahaṃkāraṃ ca saṃsevya sāttvikīṃ siddhimaśnute |
rājasāstāmasāścaiva tyājyāḥ kāmādayastvamī || 65 ||
[Analyze grammar]

sāttvikāḥ sarvadā sevyāḥ saṃsāravijigīṣubhiḥ |
guṇatrayasya vakṣyāmi saṃkṣepāllakṣaṇaṃ tava || 66 ||
[Analyze grammar]

sāstrābhyāsastato jñānaṃ śaucamiṃdriyanigrahaḥ |
dharmakriyātmaciṃtā ca sāttvikaṃ guṇa lakṣaṇam || 67 ||
[Analyze grammar]

anyāyena dhanādānaṃ taṃdrī nāstikyameva ca |
krauryaṃ ca yācakādyaṃ ca tāmasaṃ guṇalakṣaṇam || 68 ||
[Analyze grammar]

tasmādbuddhimukaistvataiḥ sāttvikairdevatāṃ bhajet |
rājasairmānavatvaṃ ca tāmasaiḥ sthāṇuyonitā || 69 ||
[Analyze grammar]

buddhyādyaireva muktiḥ syādetaireva ca yātanā || 70 ||
[Analyze grammar]

amīṣāṃ cāpya bhāve vai na kiṃcidupapadyate |
kalādo hi kalādīnāṃ suvarṇaṃ śodhayedyathā || 71 ||
[Analyze grammar]

tathā rajastamaścaiva saṃśodhye sāttvikairguṇaiḥ |
asmādeva guṇānāṃ ca samavāyādanādijāt || 72 ||
[Analyze grammar]

sukhino duḥkhinaścaiva prāṇinaḥ śāstradarśinaḥ |
aṣṭāviṃśatilakṣaiśca guṇamekaikamīśvaraḥ || 73 ||
[Analyze grammar]

vyabhajaccaturā śītilakṣāstā jīvayonayaḥ |
sakāśānmanasastadvadātmanaḥ prabhavaṃti hi || 74 ||
[Analyze grammar]

īśvarāṃśāśca te sarve mohitāḥ prākṛtairguṇaiḥ |
kleśānāsādayaṃtyeva yathaivādhikṛtā vibhoḥ || 75 ||
[Analyze grammar]

annānāṃ payasāṃ cāpi jīvānāṃ cātha śreyase |
mānuṣyamāhustattvajñāḥ śivabhāvena bhāvitam || 76 ||
[Analyze grammar]

naṃdabhadra uvāca |
evametatkiṃ tu bhūyaḥ prakṣyāmyetanmahāmate |
īśvarāḥ sarvadātāraḥ pūjyaṃte yaiśca devatāḥ || 77 ||
[Analyze grammar]

svabhaktāṃstānna duḥkhebhyaḥ kasmādrakṣaṃti mānavān |
viśeṣātkepi dṛśyaṃte duḥkhamagnāḥ surānratāḥ || 78 ||
[Analyze grammar]

iti me muhyate buddhistvaṃ vā kiṃ bāla manyase || 79 ||
[Analyze grammar]

bāla uvāca |
aśuciśca śuciścāpi devabhakto dvidhā smṛtaḥ |
karmaṇā manasā vācā tadrato bhakta ucyate || 80 ||
[Analyze grammar]

aśucirdevatāścaiva yadā pujayate naraḥ |
tadā bhūtānyā viśaṃti sa ca muhyati tatkṣaṇāt || 81 ||
[Analyze grammar]

vimūḍhaścāpṭayakāryāṇi tāni tāni niṣevate |
tato vinaśyati kṣipraṃ nāśuciḥ pūjayettataḥ |
śucirvābhyarcayedyaśca tasya cedaśubhaṃ bhavet || 82 ||
[Analyze grammar]

tasya pūrvakṛtaṃ vyaktaṃ karmaṇāṃ koṭi mucyate |
maheśvaro brahmahatyābhayādyatra tatastataḥ || 83 ||
[Analyze grammar]

sasnau tīrtheṣu kasmācca itaro mucyate katham |
ambarīṣasutāṃ hṛtvā parvatānnāradāttathā || 84 ||
[Analyze grammar]

sītāpahāramāpede rāmo'nyo mucyate katham |
brahmāpi śirasaśchedaṃ kāmayitvā sutāmagāt || 85 ||
[Analyze grammar]

iṃdracaṃdraraviviṣṇupramukhāḥ prāpnuyuḥ kṛtam |
tasmādavaśyaṃ ca kṛtaṃ bhojyameva naraiḥ sadā || 86 ||
[Analyze grammar]

mucyate ko'pi svakṛtānnaiveti śrutinirṇayaḥ |
kiṃ tu devaprasādena labhyamekaṃ suravrataiḥ || 87 ||
[Analyze grammar]

bahubhirjanmabhirbhojyaṃ bhujyetaikena janmanā |
tacca bhuktvāta tastvartho bhavediti viniścayaḥ || 88 ||
[Analyze grammar]

ye tapyaṃte gataiḥ pāpaiḥ śucayo devatāvratāḥ |
iha te putrapautraiśca modaṃte'mutra ceha ca || 89 ||
[Analyze grammar]

tasmāddevāḥ sadā pūjyāḥ śucibhiḥ śraddhayānvitaiḥ |
prakṛtiḥ śodhanīyā ca svavarṇoditakarmabhiḥ || 90 ||
[Analyze grammar]

svanuṣṭhito'pi dharmaḥ syātkleśāyaiva vināśivam |
durācārasya devopi prāheti bhagavānharaḥ || 91 ||
[Analyze grammar]

bhoktavyaṃ svakṛtaṃ tasmātpūjanīyaḥ sadāśivaḥ |
svācāreṇa parityājyau rāgadveṣāvidaṃ param || 92 ||
[Analyze grammar]

nandabhadra uvāca |
śuddhaprajña kimetacca pāpino'pi narā yadā |
modamānāḥ pradṛśyante dārairapi dhanairapi || 93 ||
[Analyze grammar]

bāla uvāca |
vyaktaṃ taistamasā dattaṃ dānaṃ pūrveṣu janmasu |
rajasā pūjitaḥ śaṃbhustatprāptaṃ svakṛtaṃ ca taiḥ || 94 ||
[Analyze grammar]

kiṃ tu yattamasā karma kṛtaṃ tasya prabhāvataḥ |
dharmāya na ratirbhūyāttatasteṣāṃ vidāṃvara || 95 ||
[Analyze grammar]

bhuktvā puṇyaphalaṃ yāti narakaṃ saṃśayaḥ |
asmiṃśca saṃśaye proktaṃ mārkaṃḍeyena śrūyate || 96 ||
[Analyze grammar]

ihaivaikasya nāmutra amutraikasya no iha |
iha cāmutra caikasya nāmutraikasya no iha || 97 ||
[Analyze grammar]

pūrvopāttaṃ bhavetpuṇyaṃ bhuktirnaivārjayantyapi |
iha bhogaḥ sa vai prokto durbhagasyālpamedhasaḥ || 98 ||
[Analyze grammar]

pūrvopāttaṃ yasya nāsti tapobhiścārjayatyapi |
paraloke tasya bhogo dhīmataḥ sa kriyātsphuṭam || 99 ||
[Analyze grammar]

pūrvopāttaṃ yasya nāsti puṇyaṃ cehāpi nārjayet |
tataścohāmutra vāpi bho dhiktaṃ ca narādhamam || 100 ||
[Analyze grammar]

iti jñātvā mahābhāgatyaktvā śalyāni kṛtsnaśaḥ |
bhaja rudraṃ varṇadharmaṃ pālayāsmātparaṃ na hi || 101 ||
[Analyze grammar]

yohi naṣṭeṣvabhīṣṭeṣu prāpteṣvapi ca śocati |
tṛpyeta vā bhavedbandho niścitaṃ so'nyajanmanaḥ || 102 ||
[Analyze grammar]

nandabhadra uvāca |
namastubhyamabālāya bālarūpāya dhīmate |
ko bhavāṃstattvato vettumicchāmi tvāṃ śucismitam || 103 ||
[Analyze grammar]

bahavo'pi mayā vṛddhā dṛṣṭāścopāsitāḥ sadā |
teṣāmīdṛśakā buddhirna dṛṣṭā na śrutāmayā || 104 ||
[Analyze grammar]

yena me janmasaṃdehā nāśitā līlayaiva ca |
tasmātsāmānyarūpastvaṃ niścitaṃ na mataṃ mama || 105 ||
[Analyze grammar]

bāla uvāca |
mahadetatsamākhyeyamekāgraḥ śrṛṇu tattvataḥ |
itaḥ saptādhike cāpi saptame janmani tvaham || 106 ||
[Analyze grammar]

vaidiśe nagare vipro nāmnā'saṃ dharmajālikaḥ |
vedavedāṃgatattvatraḥ smṛtiśāstrārthavidvaraḥ || 107 ||
[Analyze grammar]

vyākhyātā dharmaśāstrāṇāṃ yathā sākṣādbṛhaspatiḥ |
kiṃ tvahaṃ vividhāndharmālloṃkānāṃ varṇaye bhṛśam || 108 ||
[Analyze grammar]

svayaṃ cātidurācāraḥ pāpināmapi pāparāṭ |
maṃsāśī madyasevī ca paradārarataḥ sadā || 109 ||
[Analyze grammar]

asatyabhāṣī dambhīca sadā dharmadhvajī khalaḥ |
lobhī durātmā kathako na kartā karhicitkvacit || 110 ||
[Analyze grammar]

yasmājjālikavajjālaṃ lokebhyo'haṃ kṣipāmi ca |
tattvajñā māṃ tataḥ prāhurdharmajālika ityuta || 111 ||
[Analyze grammar]

so'haṃ tairbahubhiścīrṇaiḥ pātakairaṃta āgate |
mṛto gato yamasthānaṃ pātitaḥ kūṭaśālmalīm || 112 ||
[Analyze grammar]

yamadutaistataḥ kṛṣṭaḥ smāryamāmaḥ svaceṣṭitam |
khaḍgaiśca kṛtyamāno'haṃ jīvāmi pramiyāmi ca || 113 ||
[Analyze grammar]

ātmānaṃ bahudhā niṃdañchāśvatīrnyavasaṃ samāḥ |
narake yā matirbhūyāddharmaṃ prati prapīḍataḥ || 114 ||
[Analyze grammar]

sā cenmuhūrtamātraṃ syādapi dhanyastataḥ pumān |
namonamaḥ karmabhūmyai sukṛtaṃ duṣkṛtaṃ ca vā || 115 ||
[Analyze grammar]

yasyāṃ muhūrtamātreṇa yugairapi na naśyati |
tato vipaścijjanako mokṣayāmāsa nārakāt || 116 ||
[Analyze grammar]

taiḥ sahāhaṃ pramuktaśca kathaṃcidavapīḍitaḥ |
sthāṇutvamanubhūyātha kleśānāsādya bhūriśaḥ || 117 ||
[Analyze grammar]

kīṭohamabhavaṃ paścāttīre sārasvate śubhe |
tatra mārge sukhamiva saṃsuptohaṃ yadṛcchayā || 118 ||
[Analyze grammar]

āgacchato rathasyāsya śabdamaśrauṣamunnatam |
taṃ meghaninadaṃ śrutvā bhītohaṃ sahasā javāt || 119 ||
[Analyze grammar]

mārgamutsṛjya dūreṇa prapalāyanamācaram |
etasminnaṃtare vyāsastatra prāpto yadṛcchayā || 120 ||
[Analyze grammar]

sa māmapaśyattrastaṃ ca kṛpayā saṃyuto muniḥ |
yanmayā sarvalokānāṃ nānādharmāḥ prakīrtitāḥ || 121 ||
[Analyze grammar]

viprajanmani tasyaiva prabhāvādvyāsasaṃgamaḥ |
tataḥ sarvarutajño māṃ prāhārcyaḥ kīṭabhāṣayā || 122 ||
[Analyze grammar]

kimevaṃ naśyase kīṭa kasmānmṛtyorbibheṣi ca |
aho samucitā bhītirmanuṣyasya kutastava || 123 ||
[Analyze grammar]

ityukto matimānpūrvapuṇyādvyāsaṃ tadocivān |
na me bhayaṃ jagadvaṃdya mṛtyorasmātkathaṃcana || 124 ||
[Analyze grammar]

etadeva bhayaṃ mānya gaccheyamadhamāṃ gatim |
asyā api kuyoneśca saṃtyanyāḥ koṭiśo'dhamāḥ || 125 ||
[Analyze grammar]

tāsu garbhādikakleśabhītastrasto'smi nānyathā || 126 ||
[Analyze grammar]

vyāsa uvāca |
mā bhayaṃ kuru sarvābhyo yonibhyaśca cirādiva |
mokṣayiṣyāmi brāhmaṇyaṃ prāpayiṣyāmi niścitam || 127 ||
[Analyze grammar]

ityuktohaṃ kāliyena taṃ praṇamya jagadgurum |
mārgamāgatya cakreṇa pīḍito mṛtyumāgamam || 128 ||
[Analyze grammar]

tataḥ kākaśrṛgālādiyoniṣvasmi yadā'bhavam |
tadātadā samāgamya vyāso māṃ smārayacca tat || 129 ||
[Analyze grammar]

tato bahuvidhā yonīḥ parikramyāsmi karṣitaḥ |
brāhmaṇasya ca gehesyāṃ yonau jāto'tiduḥkhitaḥ || 130 ||
[Analyze grammar]

tato janmaprabhṛtyasmi pitṛbhyāṃ parivarjitaḥ |
galatkuṣṭhī mahāpīḍāmetāṃ yo'nubhavāmi ca || 131 ||
[Analyze grammar]

tato māṃ paṃcame varṣe vyāsa āgatya japtavān |
karṇe sārasvataṃ maṃtraṃ tenāhaṃ saṃsmarāmi ca || 132 ||
[Analyze grammar]

anadhītāni śāstrāṇi vedāndharmāṃśca kṛtsnaśaḥ |
uktaṃ vyāsena cedaṃ me gaccha kṣetraṃ guhasya ca |
tatra tvaṃ naṃdabhadraṃ ca āśvāsayamahāmatim || 133 ||
[Analyze grammar]

tyatkvā bahūdake prāṇānasthikṣepaṃ mahījale |
kārāyya tvaṃ tato bhāvī maitreya iti sanmuniḥ || 134 ||
[Analyze grammar]

gamiṣyasi tato mokṣamiti māṃ vyāsa uktavān |
āgataśca tataścātra vāhīkebhyo'yo'tikleśataḥ || 135 ||
[Analyze grammar]

iti te kathitaṃ sarvamātmanaścaritaṃ mayā |
pāpamevaṃvidhaṃ kaṣṭaṃ naṃdabhadra sadā tyaja || 136 ||
[Analyze grammar]

naṃdabhadra uvāca |
aho mahādbhutaṃ tubhyaṃ caritaṃ yena me hṛdi |
bhūyaḥ śataguṇaṃ jātaṃ dharmāyadṛḍhamānasam || 137 ||
[Analyze grammar]

kiṃ tu tvayoktadharmasya kartukāmosmi niṣkṛtim |
dharmaṃ smara bhavāṃstasmātkiṃcidādiśa niścitam || 138 ||
[Analyze grammar]

bāla uvāca |
atra tīrthe ca saptāhaṃ nirāhārastvahaṃ sthitaḥ |
sūryamaṃtrāñjamiṣyāmi tyakṣyāmi ca tatastvasūn || 139 ||
[Analyze grammar]

tato barkarikātīrthe dagdhavyohaṃ tvayā taṭe |
asthīni sāgare cāpi mama kṣepyāṇi cātra hi || 140 ||
[Analyze grammar]

yadi sāpahnavaṃ cittaṃ mayyatīva tavāsti cet |
tatastvāṃ gurukāryārthamādekṣyāmi śrṛṇuṣva tat || 141 ||
[Analyze grammar]

asminbahūdake tīrthe yatra prāṇāṃstyajāmyaham |
tatra mannāmacihnaste saṃsthāpyo bhāskaro vibhuḥ || 142 ||
[Analyze grammar]

ārogyaṃ dhanadhānyaṃ ca putradārādisaṃpadaḥ |
bhāskaro bhagavāṃstuṣṭo dadyādetacchrutervacaḥ || 143 ||
[Analyze grammar]

savitā paramo devaḥ sarvasvaṃ vā dvijanmanām |
vedavedāṃgagītaśca tvamapyenaṃ sadā bhaja || 144 ||
[Analyze grammar]

bahūdakamidaṃ kuṃḍaṃ saṃsevyaṃ ca sadā tvayā |
māhātmyamasya vakṣyāmi saṃkṣepādvyāsa sūcitam || 145 ||
[Analyze grammar]

bahūdake kuṃḍavare snāti yo vidhivannaraḥ |
ārogyaṃ dhanadhānyādyaṃ tasya syātsarvajanmasu || 146 ||
[Analyze grammar]

bahūdake ca yaḥ snātvā saptamyāṃ māghamāsake |
dadyātpiṃḍaṃ pitṝṇāṃ ca te'kṣyāṃ tṛptimāpnuyuḥ || 147 ||
[Analyze grammar]

bahūdakasya tīre yaḥ śuciryajati vai kratum |
śatakratuphalaṃ tasya nāsti kācidvicāraṇā || 148 ||
[Analyze grammar]

atra yastyajati prāṇānbahūdakataṭe naraḥ |
modate sūryaloke'sau dharmiṇāṃ ca suto bhavet || 149 ||
[Analyze grammar]

bahūdakasya tīre ca yaḥ kuryyājjapasādhanam |
sarvaṃ lakṣaguṇaṃ proktaṃ japo homaśca pūjanam || 150 ||
[Analyze grammar]

bahūdakasya tīre ca dvijamekaṃ ca bhojayet |
yo miṣṭānnena tasya syādviprakoṭiśca bhojitā || 151 ||
[Analyze grammar]

bahūdakasya tīre yā nārī gauriṇikāḥ śubhāḥ |
saṃbhojayati tasyāśca kuryātsusvāgataṃ hyumā || 152 ||
[Analyze grammar]

bahūdakasya tīre ca yaḥ kuryādyogasādhanam |
ṣaṇmāsābhyantare siddhirbhavettasya na saṃśayaḥ || 153 ||
[Analyze grammar]

bahūdakasya tīre ca pretānuddiśya dīyate |
yatkiṃcidakṣayaṃ teṣāmupatiṣṭhenna cānyathā || 154 ||
[Analyze grammar]

snānaṃ dānaṃ japo homaḥ svādhyāyaḥ pitṛtarpaṇam |
kṛtaṃ bahūdakataṭe sarvaṃ syātsumahātphalam || 155 ||
[Analyze grammar]

tvayaitaddhṛdi saṃdhārya phalaṃ vyāsena sūcitam |
bahūdakasya kuṃḍasya naṃdabhadra mahāmate || 156 ||
[Analyze grammar]

ityuktvā so'bhavanmaunī snātvā kuṃḍe tataḥ śuciḥ |
tīre prastaramāśritya svayaṃ maṃtrāñjāpa ha || 157 ||
[Analyze grammar]

śrīnārada uvāca |
tataḥ sa saptarātrāṃte jahau bālo nijānasūn |
saṃskārito yathoktaṃ ca naṃdabhadreṇa brāhmaṇaiḥ || 158 ||
[Analyze grammar]

yatra bālaḥ sa ca prāṇāñjahau japaparāyaṇaḥ |
bālādityamiti khyātaṃ tatrāsthāpayata prabhum || 159 ||
[Analyze grammar]

bahūdake ca yaḥ snātvā bālādityaṃ prapūjayet |
tasya syādbhāskarastuṣṭo mokṣopāyaṃ ca viṃdati || 160 ||
[Analyze grammar]

naṃdabhadro 'pyathānyasyāṃ bhāryāyāmaparānsutān |
utpādyātmasamandhīmāñchivasūryaparāyaṇaḥ || 161 ||
[Analyze grammar]

rudradehaṃ yayau pārtha punarāvṛttidurlabham |
evametanmahākuṃḍaṃ bahūdakamiti smṛtam || 162 ||
[Analyze grammar]

asya tīre svamaṃśaṃ ca vallīnāthaḥ pramekṣyati |
dattātreyasya yo yogī hyavatāro bhaviṣyati || 163 ||
[Analyze grammar]

arcayitvā ca taṃ devaṃ yogasiddhi mavāpnuyāt |
paśūnāmṛddhimāpnoti gośaraṇyo hyasau prabhuḥ || 164 ||
[Analyze grammar]

paścimāyāṃ budhasutastathā kṣetraṃ sa bhārata |
purūravādityamiti sthāpayāmāsa pārthivaḥ || 165 ||
[Analyze grammar]

sarvakāmapradaścāsau bhaṭṭadityasamo rivaḥ |
bahūdakakṣetrasamaṃ tasya kṣetraṃ ca bhārata || 166 ||
[Analyze grammar]

asya tīrthasya māhātmyaṃ japtavyaṃ karṇamūlake |
putrasya vāpi śiṣyasya na kathaṃcana nāstikaḥ || 167 ||
[Analyze grammar]

śrṛṇotīdaṃ śraddhayā yastasya tuṣyeśca bhāskaraḥ |
dhārayanhṛdaye mokṣaṃmucyate bhavasāgarāt || 168 ||
[Analyze grammar]