Chapter 45

[English text for this chapter is available]

| nārada uvāca |
tathā bahūdakasthāne kathāmākarṇayādbhutām |
yasmādbahūdakaṃ kāmarūpe yadasti ca || 1 ||
[Analyze grammar]

tadasti cātra saṃkrāṃtaṃ tasmātproktaṃ bahūdakam |
kapilenātra taptvā ca varṣāṇi subahūnyapi || 2 ||
[Analyze grammar]

sthāpitaṃ śobhanaṃ liṃgaṃ kapilaśvarasaṃjñitam |
tacca ligaṃ sadā pārtha nandabhadra iti samṛtaḥ || 3 ||
[Analyze grammar]

vāṇiksaṃpūjayāmāsa trikālaṃ ca kṛtādaraḥ |
sarvadharpraviśevajñaḥ sākṣāddharma ivāparaḥ || 4 ||
[Analyze grammar]

nājñātaṃ tasya kiṃcicca yaddharmeṣu prakīrtyate |
sarveṣāṃ ca suhṛnnityaṃ sarveṣāṃ ca hite rataḥ || 5 ||
[Analyze grammar]

karmaṇā manasā vācā dharmamenamupāśritaḥ |
na bhūto na bhaviṣyaśca na sa dharmo'sti kiṃcana || 6 ||
[Analyze grammar]

vidoṣo yo hi sarvatra niścityaivaṃ vyavasthitaḥ |
asya dharmasamudrasya saṃpravṛddhasya sarvataḥ || 7 ||
[Analyze grammar]

nirmathya nandabhadreṇa āhṛtaṃ tanniśāmaya |
vāṇijyaṃ manyate śreṣṭhaṃ jīvanāya tadā sthitaḥ || 8 ||
[Analyze grammar]

paricchinnaiḥ kāṣṭhatṛṇaiḥ śaraṇaṃ tena kāritam |
madyavarjaṃ bhedavarjaṃ kūṭavarjaṃ samaṃ tathā || 9 ||
[Analyze grammar]

sarvabhūteṣu vāṇijyamalpalābhena so'carat |
amāyayā parebhyo'sau gṛhītvaiva krayāṇakam || 10 ||
[Analyze grammar]

amāyayaiva bhūtebhyo vikrīṇātyasya sadvratam |
kecidyajñaṃ praśaṃsaṃti nandabhadro na manyate || 11 ||
[Analyze grammar]

doṣamenaṃ viniścatya śrṛmu taṃ pāṃḍunandana |
lubdho'nṛtī dāṃbhīkaśca svapraśaṃsāparāyaṇaḥ || 12 ||
[Analyze grammar]

yajanyajñairjagaddhaṃ ti svaṃ cāṃdhatamasaṃ nayet |
agnau prāstāhutiḥ samyagādityamupatiṣṭhate || 13 ||
[Analyze grammar]

ādityājjāyate vṛṣṭirvaṣṭerannaṃ tataḥ prajāḥ |
yadyadā yajamānasya ṛtvijo dravyameva ca || 14 ||
[Analyze grammar]

cauraprāyasya kaluṣājjanma jāyejjanasya hi |
adakṣiṇe vṛthā yajñe kṛte cāpyavidhānataḥ || 15 ||
[Analyze grammar]

paśavo lakuṭairhanyuryajamānaṃ mṛtaṃ hatāḥ |
tasmācchuddhairyavadravyairyajamānaḥ śubhaḥ smṛtaḥ || 16 ||
[Analyze grammar]

yajña evaṃ vicāryāsau yajñasāraṃ samāsthitaḥ |
śraddhayā devapūjā yā namaskāraḥ stutiḥ śubhā || 17 ||
[Analyze grammar]

naivedyaṃ haviṣaścaiva yajño'yaṃ hi vikalmaṣaḥ |
sa eva yajñaḥ prokto vai yena tuṣyanti devatāḥ || 18 ||
[Analyze grammar]

kecicchaṃsanti saṃnyāsaṃ nandabhadro na manyate |
yo hi saṃnyasya viṣayānmanasā gṛhyate punaḥ || 19 ||
[Analyze grammar]

ubhayabhraṣṭa evāsau bhinnā bhūmirvinaśyati |
saṃnyāsasya tu yatsāraṃ tattenāvṛtamuttamam || 20 ||
[Analyze grammar]

kasyacinnaiva karmāṇi śapate vā praśaṃsati |
nānāmārgasthitāṃllokāṃścandravallīyate kṣitau || 21 ||
[Analyze grammar]

na dveṣṭi no kāmayate na viruddho'nurudhyate |
samāśmakāṃcano dhīrastulyaniṃdātmasaṃstutiḥ || 22 ||
[Analyze grammar]

abhayaḥ sarvabhūtebhyo yathāṃdhabadhirākṛtiḥ |
na karmaṇāṃ phalākāṃkṣā śivasyārādhanaṃ hi tat || 23 ||
[Analyze grammar]

kāraṇāddharmamanvicchanna lobhaṃ ca tataścaran || 24 ||
[Analyze grammar]

vivicya naṃdabhadrastatsāraṃ mokṣeṣu jagṛhe |
kṛṣiṃ kecitpraśaṃsaṃti naṃdabhadro na manyate || 25 ||
[Analyze grammar]

yasyāṃ chiṃdaṃti vṛṣāṇāṃ caiva nāsikām |
karṣayaṃti mahābhārānbadhnaṃti damayaṃti ca || 26 ||
[Analyze grammar]

bahudaṃśamayāndeśānnayaṃti bahukardamān |
vāhasaṃpīḍitā dhuryāḥ sīdaṃtyavidhinā pare || 27 ||
[Analyze grammar]

manyaṃte bhrūṇahatyāpi viśiṣṭā nāsya karmaṇaḥ |
aghnyā iti gavāṃ nāma śrutau tāḥ pīḍayetkatham || 28 ||
[Analyze grammar]

bhūmiṃ bhūmiśayāṃścaiva haṃti kāṣṭhamayomukham |
paṃceṃdriyeṣu jīveṣu sarvaṃ vasati daivatam || 29 ||
[Analyze grammar]

ādityaścaṃdramā vāyuḥ prabhūtyaiva ca tāṃstu yaḥ |
vikrīṇāti sumūḍhasya tasya kā nu vicāraṇā || 30 ||
[Analyze grammar]

ajo'gnirvaruṇo meṣaḥ sūryaśca pṛthivī virāṭ |
dhenurvatsaśca somo vai vikrīyaitānna sidhyati || 31 ||
[Analyze grammar]

evaṃvidhasahasraiśca yutā doṣaiḥ kṛṣiḥ sadā |
aṣṭagavaṃ syāddhi halaṃ triṃśadbhāgaṃ tyajetkṛṣeḥ || 32 ||
[Analyze grammar]

dharme dadyātpaśūnvṛddhānpuṣyādeṣā kṛṣiḥ kutaḥ |
sārametatkṛṣestena naṃdabhadreṇa cādṛtam || 33 ||
[Analyze grammar]

visādhitavyānyannāni svaśaktyā devapitṛṣu |
manuṣya dvijabhūteṣu niyujyāśnīta sarvadā || 34 ||
[Analyze grammar]

kecicchaṃsaṃti caiśvaryaṃ naṃdabhadro na manyate |
mānuṣā mānuṣāneva dāsabhāvena bhuṃjate || 35 ||
[Analyze grammar]

vadhabaṃdhanirodhena pīḍayaṃti divāniśam |
dehaṃ kimetaddhātuḥ svaṃ māturvā janakasya vā || 36 ||
[Analyze grammar]

mātuḥ piturvā balinaḥ kreturagneḥ śuno'pi vā |
iti saṃciṃtya vyaharannamarā iva īśvarāḥ || 37 ||
[Analyze grammar]

aiśvaryamadapāpiṣṭhā mahāmadyamadādayaḥ |
aiśvaryamadamatto hi nā patitvā hi mādyati || 38 ||
[Analyze grammar]

ātmavatsarvabhṛtyeṣu śriyā naiva ca mādyati || 39 ||
[Analyze grammar]

ātmapratyayavāndehī kveśvaraścedṛśo'sti hi |
aiśvaryasyāpi sāraṃ sa jagrāhaitanniśāmaya || 40 ||
[Analyze grammar]

svaśaktyā sarva bhūteṣu yadasau na parāṅmukhaḥ |
tīrthāyeke praśaṃsaṃti naṃdabhadro na manyate || 41 ||
[Analyze grammar]

śrameṇa saṃkarāttāpaśītavātakṣudhā tṛṣā |
krodhena dharmagehasya nāpi nāśamavāpnuyāt || 42 ||
[Analyze grammar]

saukhyena vā dhanasyāpi śraddhayā svalpagorthavān |
samartho hi mahatpuṇyaṃ śakta āptuṃ kva vāsti saḥ || 43 ||
[Analyze grammar]

sadā śucirdevayājī tīrthasāraṃ gṛhegṛha |
nāpaḥ punaṃti pāpāni na śailā na mahāśramāḥ || 44 ||
[Analyze grammar]

ātmā punāti pāpāni yadi pāpānnivartate |
evameva samācāraṃ prādurbhūtaṃ tatastataḥ || 45 ||
[Analyze grammar]

ekīkṛtya sadā dhīmānnaṃdabhadraḥ samāsthitaḥ |
tasyaivaṃ vartataḥ sādhoḥ spṛhayaṃtyapi devatāḥ || 46 ||
[Analyze grammar]

vāsavapramukhāḥ sarve vismayaṃ ca paraṃ yayuḥ |
atraiva sthānake cāpi śūdro'bhūtprativeśmakaḥ || 47 ||
[Analyze grammar]

sa naṃdabhadraṃ dharmiṣṭhaṃ punaḥ punarasūyata |
nāstikaḥ sa durācāraḥ satyavrata iti śrutaḥ || 48 ||
[Analyze grammar]

sa sadā naṃdabhadrasya vilokayati cāṃtaram |
chidraṃ cedasya paśyāmi tato dharmānnivartaye || 49 ||
[Analyze grammar]

svabhāva eva krūrāṇāṃ nāstikānāṃ durātmanām |
ātmānaṃ pātayaṃtyeva pātayaṃtyaparaṃ ca yat || 50 ||
[Analyze grammar]

tatastvevaṃ vartato'sya naṃdabhadrasya dhīmataḥ |
eko'bhūttayaḥ kaṣṭādvārdhike so'pyanaśyata || 51 ||
[Analyze grammar]

tacca daivakṛtaṃ matvā na śuśoca mahāmatiḥ |
devo vā mānavo vāpi ko hi davādvimucyate || 52 ||
[Analyze grammar]

tato'sya supriyā bhāryā sarvaiḥ sādhvīguṇairyutā |
gṛhadharmasya mūrtiryā sākṣādiva aruṃdhatī || 53 ||
[Analyze grammar]

vināśamāgatā pārtha kanakānāma nāmataḥ |
tato yateṃdriyo'pyeṣa gṛhadharmavināśataḥ || 54 ||
[Analyze grammar]

śuśoca hā kaṣṭamiti pāpohamiti cāsakṛt |
tattasya cāṃtaraṃ dṛṣṭvā'hṛṣyatyavrataścirāt || 55 ||
[Analyze grammar]

upāvrajya ca hā kaṣṭaṃ bruvaṃstaṃ naṃdabhadrakam |
dadhikarṇa ivāsādya naṃdabhadramuvāca saḥ || 56 ||
[Analyze grammar]

hā naṃdabhadra yadyevaṃ tavāpyevaṃvidhaṃ phalam |
etena manye manasi dharmopyeṣa vṛthaiva yat || 57 ||
[Analyze grammar]

ityādi bahudhā procya tattadvākyaṃ tatastataḥ |
satyavratastataḥ prāha naṃdabhadraṃ kṛpānvitaḥ || 58 ||
[Analyze grammar]

naṃdabhadra sadā tubhyaṃ vaktukāmosmi kiṃcana |
prastāvasyāpyabhāvācca noditaṃ ca mayā kvacit || 59 ||
[Analyze grammar]

aprastāvaṃ bruvanvākyaṃ bṛhaspatirapidhruvam |
labhate buddhyavajñānamavamānaṃ ca hīnavat || 60 ||
[Analyze grammar]

nandabhadra uvāca |
brūhibrūhi na me kiṃcitsādhu gopyaṃ priyaṃ param |
vacobhiḥ śuddhasattvānāṃ na mokṣo'pyupamīyate || 61 ||
[Analyze grammar]

satyavrata uvāca |
navabhirnavabhiścaiva vimuktaṃ vāgvidūṣaṇaiḥ |
navabhirbuddhidoṣaiśca vākyaṃ vakṣyāmyadoṣavat || 62 ||
[Analyze grammar]

saukṣmyaṃ saṃkhyākramaścāpi nirṇayaḥ saprayojanaḥ |
paṃcaitānyarthajātāni yatra tadvākyamucyate || 63 ||
[Analyze grammar]

dharmamarthaṃ ca kāmaṃ ca mokṣaṃ coddiśya cocyate |
prayojanamiti proktaṃ prathamaṃ vākyalakṣaṇam || 64 ||
[Analyze grammar]

dharmārthakāmamokṣeṣu pratijñāya viśeṣataḥ |
idaṃ taditi vākyāṃte procyate sa vinirṇayaḥ || 65 ||
[Analyze grammar]

idaṃ pūrvamidaṃ paścādvaktavyaṃ yatkrameṇa hi |
kramayogaṃ tamapyāhurvākyatattavido budhāḥ || 66 ||
[Analyze grammar]

doṣāṇāṃ ca guṇānāṃ ca pramāṇaṃ pravibhāgataḥ |
ubhayārthamapi prekṣya sā saṃkhyetyupadhāryatām || 67 ||
[Analyze grammar]

vākyajñeyeṣu bhinneṣu yatrābhedaḥ pradṛśyate |
tatrātiśayahetutvaṃ tatsaukṣmyamiti nirdiśet || 68 ||
[Analyze grammar]

iti vākyaguṇānāṃ ca vāgdoṣāndvinava śrṛṇu |
apetārthamabhinnārthamapavṛttaṃ tathādhikam || 69 ||
[Analyze grammar]

aślakṣṇaṃ cāpi saṃdigdhaṃ padāṃte guru cākṣaram |
parāṅmukhamukhaṃ yacca anṛtaṃ cāpyasaṃskṛtam || 70 ||
[Analyze grammar]

viruddhaṃ yattrivargeṇa nyūnaṃ kaṣṭātiśabdakam |
vyutkramābhihṛtaṃ yac saśeṣaṃ cāpyahetukam || 71 ||
[Analyze grammar]

niṣkāraṇaṃ ca vāgdoṣānbuddhijāñchṛṇu tvaṃ ca yān |
kāmātkrodhādbhayāccaiva lobhāddainyādanāryakāt || 72 ||
[Analyze grammar]

hīnānukrośato mānānna ca vakṣyāmi kiṃcana |
vaktā śrotā ca vākyaṃ ca yadā tvavikalaṃ bhavet || 73 ||
[Analyze grammar]

samameti vivakṣāyāṃ tadā so'rthaḥ prakāśate |
vaktavye tu yadā vaktā śrotāramavamanyate || 74 ||
[Analyze grammar]

śrotā cāpyatha vaktāraṃ tadā vākyaṃ na rohati |
atha yaḥ svapriyaṃ brūyācchroturvotsṛjyayadṛtam || 75 ||
[Analyze grammar]

viśaṃkā jāyate tasminvākyaṃ tadapi doṣavat |
tasmādyaḥ svapriyaṃ tyaktvā śrotuścāpyatha yatpriyam || 76 ||
[Analyze grammar]

satyameva prabhāṣeta sa vaktā netaro bhuvi |
mithyāvādāñchāstrajālasaṃbhavānyadvihāya ca || 77 ||
[Analyze grammar]

satyameva vrataṃ yasmāttasmātsatyavratastvaham |
satyaṃ te saṃpravakṣyāmi maṃtumarhasi tattathā || 78 ||
[Analyze grammar]

yadāprabhṛti bhadra tvaṃ pāṣāṇasyārcane rataḥ |
tadāprabhṛti kiṃcicca na hi paśyāmi śobhanam || 79 ||
[Analyze grammar]

ekaḥ so'pi suto naṣṭo bhāryā cāryā'pyanaśyata |
kūṭānāṃ karmaṇāṃ sādho phalamevaṃvidhaṃ bhavet || 80 ||
[Analyze grammar]

kva devāḥ saṃti mithyaitaddṛśyaṃte cedbhavaṃtyapi |
sarvā ca kūṭaviprāṇāṃ dravyāyaiṣā vikalpanā || 81 ||
[Analyze grammar]

pitṝnuddiśya yacchaṃti mama hāsaḥ prajāyate |
annasyopadravaṃ yacca mṛto hi kimaśiṣyata || 82 ||
[Analyze grammar]

yattvidaṃ bahudhā mūḍhā varṇayaṃti dvijādhamāḥ |
viśvanirmāṇamakhilaṃ tathāpi śrṛṇu satyataḥ || 83 ||
[Analyze grammar]

utpattiścāpi bhaṃgaśca viśvasyaitaddvayaṃ mṛṣā |
evameva hi sarvaṃ ca sadidaṃ vartate jagat || 84 ||
[Analyze grammar]

svabhāvato viśvamidaṃ hi vartate svabhāvataḥ sūryamukhā bhramaṃtyamī |
svabhāvato vāyavo vāṃti nityaṃ svabhāvato varṣati cāṃbudo'yam || 85 ||
[Analyze grammar]

svabhāvato rohati dhānyajātaṃ svabhāvato varṣaśītātapatvam |
svabhāvataḥ saṃsthitā medinī ca svabhāvataḥ saritaḥ saṃsravaṃti || 86 ||
[Analyze grammar]

svabhāvataḥ parvatā bhāṃti nityaṃ svabhāvato vāridhireṣa saṃsthitaḥ |
svabhāvato garbhiṇī saṃprasūte svabhāvato'mī bahavaśca jīvāḥ || 87 ||
[Analyze grammar]

yathā svabhāvena bhavaṃti vakrā ṛtusvabāvādbadarīṣu kaṇṭakāḥ |
tathā svabhāvena hi sarvametatprakāśate ko'pi kartā na dṛśyaḥ || 88 ||
[Analyze grammar]

tadevaṃ saṃsthite loke mūḍho muhyati mattavat |
mānuṣyamapi yaddhūrtā vadaṃtyagryaṃ śrṛṇuṣvatat || 89 ||
[Analyze grammar]

mānuṣyānna paraṃ kaṣṭaṃ vairiṇāṃ no bhaveddhi tat |
śokasthānasahasrāṇi manuṣyasya kṣaṇekṣaṇe || 90 ||
[Analyze grammar]

mānuṣyaṃ hi smṛtākāraṃ sabhāgyo'smādvimucyate |
paśavaḥ pakṣiṇaḥ kīṭāḥ kṛmayaśca yathāsukham || 91 ||
[Analyze grammar]

abaddhā viharaṃtyete yonireṣāṃ sudurlabhā |
niściṃtāḥ sthāvarā hyete saukhyameṣāṃ mahadbhuvi || 92 ||
[Analyze grammar]

bahunā kiṃ manuṣyebhyaḥ sarvo dhanyo'nyayonijaḥ |
svabhāvameva jānīhi puṇyāpuṇyādikalpanā || 93 ||
[Analyze grammar]

yadeke sthāvarāḥ kīṭāḥ pataṃgā mānuṣādikāḥ |
tasmānmityā parityajya naṃdabhadra yathāsukham |
piba krīḍanakaiḥ sārdhaṃ bhogānsatyamidaṃ bhuvi || 94 ||
[Analyze grammar]

nārada uvāca |
ityetairamukhairvākyairayuktairasamaṃjasaiḥ || 95 ||
[Analyze grammar]

satyavratasya nākampannaṃdabhadro mahāmanāḥ |
prahasanniva taṃ prāha svakṣobhyaḥ sāgaro yathā || 96 ||
[Analyze grammar]

yadbhavānāha dharmiṣṭhāḥ sadā duḥkhasya bhāginaḥ |
tanmithyā duḥkhajālāni paśyāmaḥ pāpināmapi || 97 ||
[Analyze grammar]

vadhabaṃdhaparikleśāḥ putradārādi paṃcatā |
pāpināmapi dṛśyaṃte tasmāddharmo gururmataḥ || 98 ||
[Analyze grammar]

ayaṃ sādhuraho kaṣṭaṃ kaṣṭamasya mahājanāḥ |
sādhorvadaṃtyetadapi pāpināṃ durlabhaṃ tvidam || 99 ||
[Analyze grammar]

dārādidravyalobhāryaṃ viśataḥ pāpino gṛhe |
bhavānapi bibhetyasmāddveṣṭi kupyati tadvṛthā || 100 ||
[Analyze grammar]

yathāsya jagato brūṣe nāsti heturmaheśvaraḥ |
tadbālabhāṣitaṃ tubhyaṃ kiṃ rājānaṃ vinā prajāḥ || 101 ||
[Analyze grammar]

yacca bravīṣi pāṣāṇaṃ mithyā liṃgaṃ samarcasi |
tadbhavāṃlliṃgamāhātmyaṃ vetti nāṃdho yathā ravim || 102 ||
[Analyze grammar]

brahmādāyaḥ surā sarve rājānaśca maharddhikāḥ |
mānavā munayaścaiva sarve liṃgaṃ yajaṃti ca || 103 ||
[Analyze grammar]

svanāmakāni cihnāni teṣāṃ liṃgāni saṃti ca |
ete kiṃ tvabhavatmūrkhāstvaṃ tu satyavrataḥ sudhīḥ || 104 ||
[Analyze grammar]

pratiṣṭhāpya purā brahmā puṣkare nīlalohitam |
prāptavānparamāṃ siddhiṃ sasarjemāḥ prajāḥ prabhuḥ || 105 ||
[Analyze grammar]

viṣṇunāpi nihatyājau rāvaṇaṃ payasāṃnidheḥ |
tīre rāmeśvaraṃ liṃgaṃ sthāpitaṃ cāsti kiṃ mudhā || 106 ||
[Analyze grammar]

vṛtraṃ hatvā purā śakro maheṃdre sthāpya śaṃkaram |
liṃgaṃ vimuktapāpo'tha tridivedyāpi modate || 107 ||
[Analyze grammar]

sthāpayitvā śivaṃ sūryo gaṃgāsāgarasaṃgame |
nirāmayo'bhūtsomaśca prabhāse paścimodadhau || 108 ||
[Analyze grammar]

kāśyāṃ yamaśca dhanadaḥ sahye garuḍakaśyapau |
naimiṣe vāyuvaruṇau sthāpya liṃgaṃ pramoditāḥ || 109 ||
[Analyze grammar]

asminneva staṃbhatīrthe kumāreṇaṃ guho vibhuḥ |
liṃgaṃ saṃsthāpayāmāsa sarvapāpaharaṃ na kim || 110 ||
[Analyze grammar]

evamanyaiḥ surairyāni pārthivairmunibhistathā |
saṃstāpitāni liṃgāni tanna saṃkhyātumutsahe || 111 ||
[Analyze grammar]

pṛthivīvāsinaḥ sarve ye ca svarganivāsinaḥ |
pātālavāsinastṛptā jāyaṃte liṃgapūjayā || 112 ||
[Analyze grammar]

yacca bravīṣi gīrvāṇā na saṃti santi cetkutaḥ |
kutrāpi naiva dṛśyaṃte tena me vismayo mahān || 113 ||
[Analyze grammar]

raṃkavatkiṃ sma te devā yācaṃtāṃ tvāṃ kulatthavat |
yamicchisi mahāprājña sādhako hi gurustava || 114 ||
[Analyze grammar]

svabāvānnaiva sarvārthāḥ saṃsiddhā yadi te mate |
bhojanādi kathaṃ sidhyedvada kartāramaṃtarā || 115 ||
[Analyze grammar]

badarīmaṃtareṇāpi dṛśyaṃte kaṇṭakā na hi |
tasmātkasyāsti nirmāṇaṃ yasya yāvattathaiva tat || 116 ||
[Analyze grammar]

yacca bravīṣi paśvādyāḥ sukhino dhanyakāstvamī |
tvadṛte nedamuktaṃ ca kenāpi śrutameva vā || 117 ||
[Analyze grammar]

tāmasā vikalā ye ca kaṣṭaṃ teṣāṃ ca ślāghyatām |
sarveṃdriyayutāḥ śreṣṭhāḥ kuto dhanyā na mānuṣāḥ || 118 ||
[Analyze grammar]

satyaṃ tava vrataṃ manye narakāya tvayā'dṛtam |
atyanarthe na bhīḥ kāryā kāmoyaṃ bhavitācirāt || 119 ||
[Analyze grammar]

ādāvāḍaṃbareṇaiva dhruvato'jñānameva me |
itthaṃ niḥsāratā vyaktamādāvāḍaṃbārāttu yat || 120 ||
[Analyze grammar]

māyāvināṃ hi bruvatāṃ vākyaṃ cāṃḍabarāvṛtam |
kunāṇakamivoddīptaṃ parīkṣeyaṃ sadā satām || 121 ||
[Analyze grammar]

ādau madhye tathā cāṃte yeṣāṃ vākyamadoṣavat |
kaṣadāhaiḥ svarṇamiva cchede'pi syācchubhaṃ śubham || 122 ||
[Analyze grammar]

tvayānyathā pratijñātamuktaṃ caivānyathā punaḥ |
tvaddoṣo nāyamasmākaṃ tadvacaḥ śrṛṇumo hi ye || 123 ||
[Analyze grammar]

nāstikānāṃ ca sarpāṇāṃ viṣasya ca guṇastvayam |
mohayaṃti paraṃ yacca doṣo naiṣaparasya tu || 45124 ||
[Analyze grammar]

āpo vastraṃ tilāstailaṃ gaṃdho vā sa yathā tathā |
puṣpāṇāmadhivāsena tathā saṃsargajā guṇāḥ || 125 ||
[Analyze grammar]

mohajālasya yo yonirmūḍhairiha samāgamaḥ |
ahanyahani dharmasya yoniḥ sādhusamāgamaḥ || 126 ||
[Analyze grammar]

tasmātprājñaiśca vṛddhaiśca śuddhabhāvaistapasvibhiḥ |
sadbhiśca saha saṃsargaḥ kāryaḥ śamaparāyaṇaiḥ || 127 ||
[Analyze grammar]

na nīcairnāpyavidvadbhirnānātmajñairviśeṣataḥ |
yeṣāṃ trīṇyavadātāni yonirvidyā ca karma ca || 128 ||
[Analyze grammar]

tāṃśca sevedviśeṣeṇa śāstraṃ yeṣāṃ hi vidyate |
asatāṃ darśanasparśasaṃjalpāsanabhojanaiḥ || 129 ||
[Analyze grammar]

dharmācārātprahīyaṃte na ca sidhyaṃti mānavāḥ |
buddhiśca hīyate puṃsāṃ nīcaiḥ saha samāgamāt || 130 ||
[Analyze grammar]

madhyaiśca madhyatāṃ yāti śreṣṭhatāṃ yāti cottamaiḥ |
iti dharmaṃ smarannāhaṃ saṃgamārthī punastava |
yannindasi dvijāneva yairapeyo'rṇavaḥ kṛtaḥ || 131 ||
[Analyze grammar]

vedāḥ pramāṇaṃ smṛtayaḥ pramāṇaṃ dharmārthayuktaṃ vacanaṃ pramāṇam |
naitattrayaṃ yasya bhavetpramāṇaṃ kastasya kuryādvacanaṃ pramāṇam || 132 ||
[Analyze grammar]

itirayitvā vacanaṃ mahātmā sa naṃdabhadraḥ sahasā tadaiva |
gṛhādviniḥsṛtya jagāma puṇyaṃ bahūdakaṃ bhaṭṭaravestu kuṃḍam || 133 ||
[Analyze grammar]