Chapter 47

[English text for this chapter is available]

nārada uvāca |
tato mayāsya tīrthasya rakṣaṇāya punarjaya |
samārādhya yathā devyaḥ sthāpitāstacchṛṇuṣva bhoḥ || 1 ||
[Analyze grammar]

yathātmā sarvabhūteṣu vyāpakaḥ parameśvaraḥ |
tathaiva prakṛtirnityā vyāpakā parameśvarī || 2 ||
[Analyze grammar]

śakti prasādādāpnoti vīryaṃ sarvāśca saṃpadaḥ |
īśvarī sarvabhūteṣu sā caivaṃ pārtha saṃsthitā || 3 ||
[Analyze grammar]

buddhihrīpuṣṭilajjeti tuṣṭiḥ śāṃtiḥ kṣamā spṛhā |
śraddhā ca cetanā śaktirmaṃtrotsāhaprabhūdbhavā || 4 ||
[Analyze grammar]

iyameva ca baṃdhāya mokṣāyeyaṃ ca sarvadā |
enāmārādhya caiśvaryamindrādyāḥ samavāpnuyuḥ || 5 ||
[Analyze grammar]

ye ca śaktiṃ na manyaṃte tiraskurvaṃti cādhamāḥ |
yogīndrā api te vyaktaṃ bhraśyaṃte kāśijā yathā || 6 ||
[Analyze grammar]

vārāṇasyāṃ kila purā siddhayogīśvarāḥ punaḥ |
avamanya ca te śaktiṃ punarbhraṃśamupāgatāḥ || 7 ||
[Analyze grammar]

tasmātsadā dehineyaṃ śaktiḥ pūjyaiva nityadā |
tuṣṭā dadāti sā kāmānruṣṭā saṃharate kṣaṇāt || 8 ||
[Analyze grammar]

paramā prakṛtiḥ sā ca bahubhedairvyavasthitā |
tāsāṃ madhye mahādevyo hyatra saṃsthāpitāḥ śṛṇu || 9 ||
[Analyze grammar]

catasrastu mahāśaktyaścaturdikṣu vyavasthitāḥ |
siddhāṃbikā tu pūrvasyāṃ sthāpitā sā guhena ca || 10 ||
[Analyze grammar]

jagadādau mūlūprakṛterutpannā sā prakīrtyate |
ārādhitā yataḥ siddhaistasmātsiddhāṃbikā ca sā || 11 ||
[Analyze grammar]

dakṣiṇasyāṃ tathā tārā saṃsthitā sthāpitā mayā |
tāraṇārthāya devānāṃ yasmātkūrmaṃ samāśritā || 12 ||
[Analyze grammar]

yayāviṣṭaḥ samujjahre vedānkūrmo jagadguruḥ |
anayāviṣṭadehaśca budho bauddhānhaniṣyati || 13 ||
[Analyze grammar]

koṭiśo vedamārgasya dhvaṃsakānpāpakarmiṇaḥ |
iyaṃ mayā samārādhya samānītā gireḥ sutā || 14 ||
[Analyze grammar]

koṭisaṃkhyābhiratyugradevībhiḥ saṃvṛtā ca sā |
dakṣiṇāṃ diśamāśritya saṃsthitā mama gauravāt || 15 ||
[Analyze grammar]

paścimāyāṃ tathā devī saṃsthitā bhāskarā śubhā |
yayāviṣṭāni bhāsaṃte bhāskarapramukhāni ca || 16 ||
[Analyze grammar]

biṃbāni sarvatārāṇāṃ gacchantyāyāṃti ca drutam |
saiṣā mahābalā śaktirbhāsvarā kurunandana || 17 ||
[Analyze grammar]

mayārādhya samānītā kaṭāhādatra saṃsthitā |
koṭikoṭivṛtā nityaṃ trāyate paścimāṃ diśam || 18 ||
[Analyze grammar]

uttarasyāṃ tathā devī saṃsthitā yoganaṃdinī |
paramaprakṛterdehātpūrvaṃ niḥsṛtayā yayā || 19 ||
[Analyze grammar]

dṛṣṭyā dṛṣṭā nirmalayā yogamāpuścatuḥsanāḥ |
yogīśvarī ca sā devī sanakādyaiḥ sutoṣitā || 20 ||
[Analyze grammar]

saiva cāṃḍakaṭāhānme samārādhyātra prāpitā |
yoginībhiḥ parivṛtā saṃsthitā cottarāṃ diśam || 21 ||
[Analyze grammar]

evametā mahāśaktyaścatasraḥ saṃsthitāḥ sadā |
pūjitāḥ kāmadā nityaṃ ruṣṭāḥ saṃharaṇakṣamāḥ || 22 ||
[Analyze grammar]

tataśca nava me durgāḥ samānītāḥ śṛṇudhva tāḥ || 23 ||
[Analyze grammar]

tripurānāma paramā devī sthāṇuryayā purā |
āviṣṭastripuraṃ ninye bhasmatvaṃ jagadīśvaraḥ || 24 ||
[Analyze grammar]

tripureti tatastāṃ tu proktavānbhagavānharaḥ |
tuṣṭāva ca svayaṃ tasmātpūjyā sā jagatāmapi || 25 ||
[Analyze grammar]

sā cārādhya samānītā mayāmareśvaraparvatāt |
bhaktānāṃ kāmadā sāsti bhaṭṭādityasamīpataḥ || 26 ||
[Analyze grammar]

aparā cāpi kolaṃbā mahāśaktiḥ sanātanī |
kolarūpī yayāviṣṭaḥ keśavaścojjahāra gām || 27 ||
[Analyze grammar]

tasmātsā viṣṇunā coktā kolaṃbeti stutārcitā |
sā ca devī mayā pārtha bhaktiyogena toṣitā || 28 ||
[Analyze grammar]

vārāhagirisaṃsthā māṃ samānītā ca sābravīt |
yatrāhaṃ nārada sadā tiṣṭhāmi kṛpayārthinām || 29 ||
[Analyze grammar]

tatra kūpena saṃstheyaṃ rudrāṇīsaṃsthitena vai |
taṃ hi kūpaṃ vinā mahyaṃ na ratirjāyate kvacit || 30 ||
[Analyze grammar]

tasmādbhavānkūpavaraṃ svayamatra khana dvija |
evamukte pārtha devyā darbhamūlena me tadā || 31 ||
[Analyze grammar]

kūpo'khani yatra sākṣādrudrāṇī kūpa ābabhau |
tato mayā tatra devāḥ snātvā japtvā ca tarpitāḥ || 32 ||
[Analyze grammar]

pūjitā ca tato daivī kolaṃbā jagadīśvarī |
parituṣṭā tadā devī praṇataṃ mā tato'bravīt || 33 ||
[Analyze grammar]

sadātra cāhaṃ sthāsyāmi prasādaṃ prāpitā tvayā |
ye ca kūpetra saṃsnātvā māghāṣṭamyāṃ viśeṣataḥ || 34 ||
[Analyze grammar]

pūjayiṣyaṃti māṃ martyāsteṣāṃ chetsyāmi duṣkṛtam |
sarvatīrthamayī yaśca sarvartukavanesthitaḥ || 35 ||
[Analyze grammar]

meroḥ samīpe rudrāṇyāḥ kūpa eṣa sa eva ca || 36 ||
[Analyze grammar]

prayāgādapi gaṃgāyā gayāyāśca viśeṣataḥ |
kūpesminnadhikaṃ snānaṃ mayā nārada kīrtitam || 37 ||
[Analyze grammar]

tadahaṃ tava vākyena saṃsthitātra tapodhana |
guhenātha saraḥ puṇyaṃ pālayiṣyāmyataṃdritā || 38 ||
[Analyze grammar]

kumāreśaṃ pūjayitvā pūjayiṣyaṃti ye ca mām |
devībhiḥ ṣaṣṭikoṭībhiryutā teṣāmabhīṣṭadā || 39 ||
[Analyze grammar]

nārada uvāca |
ityukto'haṃ pārtha devyā tadānīṃ prīyamāṇayā |
pratyabravaṃ pramuditaḥ kolaṃbāṃ viśvamātaram || 40 ||
[Analyze grammar]

atrāsya mātā tvaṃ devi guptakṣetrasyakāraṇam |
tīrthayātrā vṛthā teṣāṃ nārccayaṃtīha tvāṃ ca ye || 41 ||
[Analyze grammar]

idaṃ ca yatsaraḥ puṇyaṃ tvannāmnā khyātimeṣyati |
īśvarī saraso'sya tvaṃ tīrthasyāsya tatheśvarī || 42 ||
[Analyze grammar]

evaṃ dīrghaṃ tapastatvā sthāpitā mayakā śubhā |
mahādurgā naraistasmātpūjyeyaṃ satataṃ budhaiḥ || 43 ||
[Analyze grammar]

tṛtīyā ca diśi tasyāṃ sthitā saṃsthāpitā mayā |
guhena ca kapāleśyāḥ prabhāvosyāḥ pureritaḥ || 44 ||
[Analyze grammar]

dhanyāste ye prapaśyaṃti nityamenāṃ narottamāḥ |
kapāleśvaramabhyarcya viśvaśaktiriyaṃ yataḥ || 45 ||
[Analyze grammar]

evametāstisro durgāḥ pūrvasyāṃ diśi saṃsthitāḥ |
paścimāyāṃ pravakṣyāmi tisro durgā mahottamā || 46 ||
[Analyze grammar]

suvarṇākṣī tu yā devī brahmāṃḍaparipālinī |
sā mayātra samārādhya tīrthe devī niveśitā || 47 ||
[Analyze grammar]

ye caināṃ praṇamiṣyaṃti pūjayiṣyaṃti bhaktitaḥ |
trayastriṃśadbhiḥ koṭībhirdevībhiḥ pūjitā ca taiḥ || 48 ||
[Analyze grammar]

aparā ca mahādurgā carcitā ceti saṃsthitā |
rasātalatalāttatra mayānītā subhaktitaḥ || 49 ||
[Analyze grammar]

iyamarcyā ca ciṃtyā ca vīratvaṃ samabhīpsubhiḥ |
bahubhirdevadaiteyairdadau tebhyaśca vīratām || 50 ||
[Analyze grammar]

iyameva mahādurgā śūdrakaṃ vīrasattamam |
caurairbaddhaṃ kalau cāgre mokṣayiṣyati vikramāt || 51 ||
[Analyze grammar]

tatastvetāṃ sa cārādhya vīreṃdratvamavāpsyati |
nihaniṣyati cākramya kālasenamukhānripūn || 52 ||
[Analyze grammar]

tasmādiyaṃ samārādhyā vīryakāmairnaraiḥ sadā |
carcitā yā mahādurgā paścimāyāṃ diśi sthitā || 53 ||
[Analyze grammar]

tathā trailokyavijayā tṛtīyasyāṃ diśi sthitā |
yāmārādhya jayaṃ prāptastrilokyāṃ rohiṇīpatiḥ |
somalokānmayānītā pūjitā jayadā sadā || 54 ||
[Analyze grammar]

evametāḥ paścimāyāmuttarasyāmataḥ śṛṇu |
tisro devyaścottarasyāmekavīrāmukhāḥ sthitāḥ || 55 ||
[Analyze grammar]

ekavīreti yā devī sākṣātsā śivapūjitā |
yayāviṣṭo jagatsarvaṃ saṃharatyeṣa bhūtarāṭ || 56 ||
[Analyze grammar]

vīryeṇādyekavīrāyāḥ kṛtvā lokāṃśca bhasmasāt |
yugaikādaśapūrṇatve vilakṣo'bhūtsa bhasmani || 57 ||
[Analyze grammar]

evaṃvidhā tvekavīrā śaktireṣā sanātanī |
pūjitārādhitā caiva sarvābhīpsitadā nṛṇām || 58 ||
[Analyze grammar]

brahmalokātsamānītā mayārādhyātra bhārata |
nāmakīrtanamapyasyā duṣṭānāṃ ghātanaṃ viduḥ || 59 ||
[Analyze grammar]

dvitīyā harasiddhyākhyā devī durgā mahābalā |
śīkottarātsamārādhya mayānītātra pāṃḍava || 60 ||
[Analyze grammar]

yadā śīkottarasthena pārvatyā prārthitena ca |
rudreṇa ḍākinīmaṃtraḥ prokto devyāḥ kṛpālunā || 61 ||
[Analyze grammar]

tadā maṃtraprabhāveṇa mohitā girijā satī |
tamevākramya māṃsaṃ ca śoṇitaṃ ca bhavaṃ papau || 62 ||
[Analyze grammar]

tato rudraśarīrāttu viniṣkrāṃtārtināśinī |
harasiddhirmahādurgā mahāmaṃtraviśāradā || 63 ||
[Analyze grammar]

sā sahasrabhujā devī samākramyābhipīḍya ca |
mokṣayāmāsa giriśamaśāpayata tāṃ tathā || 64 ||
[Analyze grammar]

tataḥ prabhṛti sā loke harasiddhiḥ prakīrtyate |
devīnāṃ ṣaṣṭikoṭībhirāvṛtā pūjyate suraiḥ || 65 ||
[Analyze grammar]

etāmārādhya sugrīvapramukhā doṣanāśinīm || |
abhūvantsumahāvīryā ḍākinīsaṃghanāśanāḥ || 66 ||
[Analyze grammar]

tasmādetāṃ pūjayettu manovākkāyakarmabhiḥ |
ḍākinyādyā na sarpaṃti harasiddheranaṃtaram || 67 ||
[Analyze grammar]

tṛtīyeśānakoṇasthā caṃḍikā navamī sthitā |
vāgīśo'pi labhetpāraṃ naiva yasyāḥ pravarṇane || 68 ||
[Analyze grammar]

yā purā pārvatīdehādviniḥsṛtya mahāsurau |
caṃḍamuṃḍau nihatyaiva bhakṣayāmāsa krodhataḥ || 69 ||
[Analyze grammar]

akṣauhiṇīśataṃ tvekaṃ caṃḍamuṃḍau ca tāvubhau |
nāpūryataikagrāso'syāḥ kiṃlakṣyā yātviyaṃ hi sā || 70 ||
[Analyze grammar]

iyamevāṃdhakānāṃ ca tṛṣitā śoṇitaṃ punaḥ |
papau tato nijagrāha cāṃdhakaṃ bhagavānbhavaḥ || 71 ||
[Analyze grammar]

iyaṃ ca raktabījānāṃ kṛtvā pānaṃ ca raktajam |
arpayāmāsa taṃ devyāścāmuṇḍāpītaśoṇitam || 72 ||
[Analyze grammar]

eṣā tṛpyati bhaktānāṃ praṇāmenāpi bhārata |
arbudānāṃ ca koṭībhirdaityānāṃ pāpakarmiṇām || 73 ||
[Analyze grammar]

kuṇḍaṃ cāsyā mayā devyāḥ puṇyaṃ niṣpāditaṃ śubham |
yatra vai sparśamātreṇa sarvatīrthaphalaṃ labhet || 74 ||
[Analyze grammar]

harasiddhirdevasiddhirdharmasiddhiśca bhārata |
vividhā prāpyate siddhistīrthe'smiṃścaṃḍikārataiḥ || 75 ||
[Analyze grammar]

yaśca pūjayate devīṃ svalpena bahunāpi vā |
kātyāyanī koṭiśatairvṛtā tasya vibhūtidā || 76 ||
[Analyze grammar]

evametā mahādurgā navatīrthe'tra saṃsthitāḥ |
catasraścāpi digdevyo nityamarcyāḥ śubhepsubhiḥ || 77 ||
[Analyze grammar]

āśvinasya ca māsasya navarātre viśeṣataḥ |
upoṣya caikabhaktairvā devīstvetāḥ prapūjayet || 78 ||
[Analyze grammar]

balipūpakanaivedyaistarpaṇairdhūpagaṃdhibhiḥ |
tasya rakṣāṃ caraṃtyetā rathyāsu trikacatvare || 79 ||
[Analyze grammar]

bhūtapretapiśācādyā nopakuryuḥ prapīḍanam |
āpado vidravaṃtyāśu yoginyo naṃdayaṃti tam || 80 ||
[Analyze grammar]

putrārthī labhate putrāndhanārthī dhanamāpnuyāt |
rogārto mucyate rogādbaddho mucyeta bandhanāt || 81 ||
[Analyze grammar]

āsāṃ yaḥ kurute bhaktiṃ naro nārī ca śraddhayā |
sarvānkāmānavāpnoti yāṃściṃtayati cetasi || 82 ||
[Analyze grammar]

kāmagavya imā devyaścintāmaṇinibhāstathā |
kalpavallyo'tha bhaktānāṃ praticchando'tra nava hi || 83 ||
[Analyze grammar]

tathātra bhūtamātāsti harasiddhestu dakṣiṇe |
tasyā māhātmyamatulaṃ saṃkṣepātprabravīmi te || 84 ||
[Analyze grammar]

pūrvaṃ kila guho vidvānpuṇye sārasvate taṭe |
bhūtapretapiśācānāmādhirājye'bhyaṣicyata || 85 ||
[Analyze grammar]

sa ca sarvāṇi bhūtāni maryādāyāmadhārayat |
etadannaṃ pradāyaiva kṛpayā bhagavānguhaḥ || 86 ||
[Analyze grammar]

yadamaṃtrahutaṃ kiṃcidvedabāhyaṃ ca yatkṛtam |
aśraddhayā ca krodhena tadvastṛptyai bhaviṣyati || 80 ||
[Analyze grammar]

tatastvanena bhogena tāni naṃdaṃti kṛtsnaśaḥ |
tataḥ kenāpi kālena śraddhayā'śraddhayā kṛtam || 88 ||
[Analyze grammar]

puṇyaṃ tānyeva bhūtāni grasaṃtyākramya devatāḥ |
tato devāḥ kṣudhārttāste guhāyaitannyavedayan || 89 ||
[Analyze grammar]

sa vai tadākarṇya kruddho guhaḥ kāla ivābhavat |
tasya kruddhasya bhrūpadmamadhyātkācidvinirgatā || 90 ||
[Analyze grammar]

jvālāmālā sudurdarśā nārī dvādaśalocanā |
sā ca praṇamya taṃ prāha tava śaktirahaṃ prabho |
śīghramādiśa māṃ kṛtye kiṃ karomi tavepsitam || 91 ||
[Analyze grammar]

skanda uvāca |
etairbhūtagaṇaiḥ pāpairullaṃghya mama śāsanam || 92 ||
[Analyze grammar]

manuṣyadattaṃ sakalaṃ bhujyate svecchayādhamaiḥ |
śīghrametāni tvaṃ tasmānmaryādāyāmupānaya || 93 ||
[Analyze grammar]

etāstvānuvrajiṣyaṃti devyaḥ koṭiśataṃ śubhe |
tatastatheti sā coktā devībhiḥ saṃvṛtā tadā || 94 ||
[Analyze grammar]

mayūraṃ samupāsthāya guhaśaktiḥ samāgatā |
sarojavanamāsādya bhūtasaṃghānapaśyata || 95 ||
[Analyze grammar]

jaghāna ca samāsādya devī nānāvidhāyudhaiḥ |
tataḥ pretapiśācādyā hanyamānā mahāraṇe || 96 ||
[Analyze grammar]

prasādayaṃti tāṃ devīṃ nānāveṣaiḥ sudīnavat |
kecidbrāhmaṇaveṣaiśca tāpasānāṃ tatho ktibhiḥ || 97 ||
[Analyze grammar]

nṛtyaṃti devi padmākṣi prasīdeti punaḥpunaḥ |
tataḥ prasannā sā devī vriyatāṃ svecchayā'ha tān || 98 ||
[Analyze grammar]

tāṃ te procustrāhi nastvaṃ bhūtamātā bhaveśvari |
maryādāṃ naiva tyakṣyāmo vayaṃ skandavinirmitām || 99 ||
[Analyze grammar]

ye caivaṃ tvāṃ toṣayanti teṣāṃ dehi varānsadā || 100 ||
[Analyze grammar]

śrīdevyuvāca |
vaiśākhe darśadivase ye caivaṃ toṣayaṃti mām |
ariṣṭābharaṇaiḥ puṣpairdadhibhaktaiśca pūjanaiḥ |
teṣāṃ sarvopasargā vai yāsyaṃti vilayaṃ sphuṭam || 101 ||
[Analyze grammar]

evaṃ dattvā varaṃ devī mumude bhūtasaṃvṛtā |
evaṃprabhāvā sā devī mayānītātra bhārata || 102 ||
[Analyze grammar]

ya enāṃ praṇamenmartyaḥ sarvāriṣṭairvimucyate || 103 ||
[Analyze grammar]

evaṃ prabhāvāḥ parikīrtitā mayā samāsatastīrthavare'tra devyaḥ |
caturdaśaivārjuna pūjitā yāścaturdaśasthānavarairnṛmukhyaiḥ || 104 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe śrīdevyākhyānavarṇanaṃnāma saptacatvāriṃśattamo'dhyāyaḥ || 47 ||
[Analyze grammar]