Chapter 94

anekākārasaṃpannaṃ tarpaṇanti pravuccati |
varṇena caiva saṃpannaṃ gandhena ca rasena ca || 1 ||
[Analyze grammar]

pratyagraṃ ca praṇītaṃ ca eṣaṇīyaṃ ca kalpiyaṃ |
tarpaṇaṃ prathamaṃ śāstu adensuḥ trapusabhalliyā || 2 ||
[Analyze grammar]

madhusarpisaṃyuktaṃ taṃ pibe ca puruṣottamaḥ |
tehi saṃtarpito vīro pratisaṃlāna-utthito |
tarpaye dharmavṛṣṭīye devagandharvamānuṣāṃ || 3 ||
[Analyze grammar]

diśe sovatthikaṃ divyaṃ maṃgalyaṃ cārthasādhakaṃ |
yaṃ śrutvā sumanā sarve sarvārthāṃ sādhayiṣyati || 4 ||
[Analyze grammar]

svasti vo dvipade bhotu svasti vo stu catuṣpade |
svasty astu vrajatāṃ mārge svasti pratyāgateṣu ca || 5 ||
[Analyze grammar]

svasti rātrau divā svasti svasti madhyaṃdine sthite |
sarvatra svasti vo bhotu mā ca pāpaṃ samāgamat || 6 ||
[Analyze grammar]

śirī vo dakṣiṇe skandhe śirī vāme pratiṣṭhitā |
śirī vo aṃgamaṃgeṣu māleva supratiṣṭhitā || 7 ||
[Analyze grammar]

bhadraṃ vo bhadraśirī vo vāṇijā bhadram astu vo |
yena kenacit kāryeṇa gacchatha purimāṃ diśāṃ || 8 ||
[Analyze grammar]

nakṣatrāṇi vo pālentu ye tāṃ diśam adhiṣṭhitā |
kṛttikā rohiṇī caiva mṛgārdrā ca punarvasu |
puṣyaṃ ca varanakṣatraṃ aśleṣā bhoti saptamā || 9 ||
[Analyze grammar]

ity ete sapta nakṣatrā lokapālā yaśasvinaḥ |
ādiṣṭā purime bhāge eteṣāṃ purimā diśā || 10 ||
[Analyze grammar]

ete vo adhipālentu bhūmīye bhavanena ca |
kṣemā ca vo diśā bhontu mā ca vo pāpam āgame |
labdhārthā ca nivartetha tehi nakṣatrehi rakṣitā || 11 ||
[Analyze grammar]

purastime diśobhāge aṣṭa devakumārikā |
nandottarā nandisenā nandinī nandirakṣitā || 12 ||
[Analyze grammar]

jayantī vijayantī ca siddhārthā aparājitā |
teṣām adhipatī rājā dhṛtarāṣṭro ti nāmataḥ || 13 ||
[Analyze grammar]

gaṃdharvādhipatī rājā devehi sa ca rakṣitaḥ |
so pi vo abhipāletu bhūmīye bhavanena ca || 14 ||
[Analyze grammar]

kṣemā ca vo diśo bhontu mā ca vo pāpam āgamī |
labdhārthā ca nivartetha sarvadevehi rakṣitā || 15 ||
[Analyze grammar]

purimasmiṃ diśobhāge cāpalaṃ va nāma cetiyaṃ |
nityaṃ jvalati tejena nityaṃ satyopayācanaṃ |
so pi vo abhipāletu bhūmīye bhavanena ca || 16 ||
[Analyze grammar]

kṣemā ca vo diśo bhontu mā ca vo pāpam āgamī |
labdhārthā ca nivartetha sarvacetiyasurakṣitā || 17 ||
[Analyze grammar]

yena kenacid arthena gacchatha dakṣiṇāṃ diśaṃ |
nakṣatrāṇy abhipālentu ye tāṃ diśām adhiṣṭhitā || 18 ||
[Analyze grammar]

maghā cobhe ca phālguṇyau hastā citrā ca paṃcamā |
svātī caiva viśākhā ca eteṣāṃ dakṣiṇā diśā || 19 ||
[Analyze grammar]

ity ete sapta nakṣatrā lokapālā yaśasvinaḥ |
ādiṣṭā dakṣiṇe bhāge eteṣāṃ dakṣiṇā diśā || 20 ||
[Analyze grammar]

te pi vo abhipālentu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthā ca nivartetha tehi nakṣatrehi rakṣitā || 21 ||
[Analyze grammar]

dakṣiṇasmiṃ diśobhāge aṣṭa devakumāriyo |
lakṣmīmatī śirīmatī yaśomatī yaśodharā || 22 ||
[Analyze grammar]

śubheṣṭhitā suprabhātā suviśuddhā suvyākṛtā |
tā pi vo abhipālentu bhūmīye bhavanena ca || 23 ||
[Analyze grammar]

kṣemā ca vo diśā bhontu mā ca vo pāpam āgamī |
labdhārthā ca nivartetha devakanyāhi rakṣitā || 24 ||
[Analyze grammar]

tāsām adhipatī rājā virūḍhako ti nāmataḥ |
kumbhāṇḍādhipatī rājā yamena saha rakṣatu || 25 ||
[Analyze grammar]

kṣemā ca vo diśo bhontu mā ca vo pāpam āgamī |
labdhārthā ca nivartetha kumbhāṇḍehi surakṣitā || 26 ||
[Analyze grammar]

dakṣiṇasmiṃ diśobhāge abhipaśyaṃ nāma cetiyaṃ |
nityaṃ jvalati tejena nityaṃ satyopayācanaṃ || 27 ||
[Analyze grammar]

so pi vo abhipāletu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthā ca nivartetha cetiyena surakṣitā || 28 ||
[Analyze grammar]

yena kenacid arthena gacchatha paścimāṃ diśaṃ |
nakṣatrā vo bhipālentu ye tāṃ diśam adhiṣṭhitā || 29 ||
[Analyze grammar]

anurādhā ca jyeṣṭhā ca mūlaś ca dṛḍhavīryavān |
ubhe āṣāḍhe bhijic ca śravaṇā bhavati saptamī || 30 ||
[Analyze grammar]

te pi vo abhipālentu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthā ca nivartetha tehi nakṣatrehi rakṣitā || 31 ||
[Analyze grammar]

paścimasmiṃ diśobhāge aṣṭau devakumāriyo |
alaṃbuṣā miśrakeśī ariṣṭā suprabhāyakā || 32 ||
[Analyze grammar]

+ + + + + + kṛṣṇā śukrā ca draupadī |
tā pi vo abhipālentu ārogyena śivena ca || 33 ||
[Analyze grammar]

kṣemā ca vo diśā bhontu mā ca vo pāpam āgamī |
labdhārthā ca nivartetha devakanyāhi rakṣitā || 34 ||
[Analyze grammar]

tāsām adhipatī rājā virūpākṣo ti nāmataḥ |
sa vo nāgādhipo rājā varuṇena saha rakṣatu || 35 ||
[Analyze grammar]

so pi vo abhipāletu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthā ca nivartetha sarvanāgehi rakṣitā || 36 ||
[Analyze grammar]

paścimasmiṃ diśobhāge asto nāmena parvato |
āvarto candrasūryāṇāṃ asto arthaṃ dadātu vo |
so pi vo abhipāletu bhūmīye bhavanena ca || 37 ||
[Analyze grammar]

kṣemā ca vo diśā bhontu mā ca vo pāpam āgamī |
labdhārthā ca nivartetha sarve astena rakṣitā || 38 ||
[Analyze grammar]

yena kenacid arthena gacchatha uttarāṃ diśāṃ |
nakṣatrā vo bhipālentu ye tāṃ diśam adhiṣṭhitā || 39 ||
[Analyze grammar]

dhaniṣṭhā śatabhiṣā caiva ubhau proṣṭhapadā pi ca |
revaty athāśvinī caiva bharaṇī bhavati saptamī || 40 ||
[Analyze grammar]

tā pi vo anupālentu bhūmīye bhavanena ca |
kṣemā ca vo diśo bhontu mā ca vo pāpam āgamī |
labdhārthāś ca nivartetha tehi nakṣatrehi rakṣitā || 41 ||
[Analyze grammar]

uttarasmiṃ diśobhāge aṣṭau devakumāriyo |
ilā devī surā devī pṛthivī padumāvatī || 42 ||
[Analyze grammar]

āśā śraddhā hirī ca śrī + + + samāgatā |
tā pi vo abhipālentu bhūmīye bhavanena ca || 43 ||
[Analyze grammar]

kṣemā ca vo diśā bhontu mā ca vo pāpam āgamī |
labdhārthaś ca nivartetha devakaṃnyāhi rakṣitā || 44 ||
[Analyze grammar]

tāsām adhipatī rājā kuvera iti nāmataḥ |
sarvayakṣādhipo rājā rākṣasīhi saha rakṣatu || 45 ||
[Analyze grammar]

so pi vo abhipāletu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthāś ca nivartetha yakṣarākṣasarakṣitā || 46 ||
[Analyze grammar]

uttarasmiṃ diśobhāge kailāso nāma parvataḥ |
āvāso yakṣasaṃghānāṃ rākṣasānāṃ niveśanaṃ || 47 ||
[Analyze grammar]

so pi vo abhipāletu bhūmīye bhavanena ca |
kṣemā ca vo diśā bhontu mā ca vo pāpam āgamī |
labdhārthāś ca nivartetha yakṣarākṣasarakṣitāḥ || 48 ||
[Analyze grammar]

aṣṭāviṃśati nakṣatrā saptasapta caturdiśaṃ |
saha candramasūryehi triṃśad bhonti anūnakaṃ || 49 ||
[Analyze grammar]

dvātriṃśad devakanyāvo aṣṭa aṣṭa caturdiśaṃ |
catvāraś ca mahārājā lokapālā yaśasvinaḥ |
prajvalamānavarṇena rakṣanti caturdiśaṃ || 50 ||
[Analyze grammar]

aṣṭa śramaṇā brāhmaṇā aṣṭa janapadeṣu kṣatriyā |
aṣṭa sa-indrakā devā sadā rakṣāṃ karontu vaḥ || 51 ||
[Analyze grammar]