Chapter 47

dhṛtarāṣṭra uvāca |
pṛcchāmi tvāṃ saṃjaya rājamadhye kimabravīdvākyamadīnasattvaḥ |
dhanaṃjayastāta yudhāṃ praṇetā durātmanāṃ jīvitacchinmahātmā || 1 ||
[Analyze grammar]

saṃjaya uvāca |
duryodhano vācamimāṃ śṛṇotu yadabravīdarjuno yotsyamānaḥ |
yudhiṣṭhirasyānumate mahātmā dhanaṃjayaḥ śṛṇvataḥ keśavasya || 2 ||
[Analyze grammar]

anvatrasto bāhuvīryaṃ vidāna upahvare vāsudevasya dhīraḥ |
avocanmāṃ yotsyamānaḥ kirīṭī madhye brūyā dhārtarāṣṭraṃ kurūṇām || 3 ||
[Analyze grammar]

ye vai rājānaḥ pāṇḍavāyodhanāya samānītāḥ śṛṇvatāṃ cāpi teṣām |
yathā samagraṃ vacanaṃ mayoktaṃ sahāmātyaṃ śrāvayethā nṛpaṃ tam || 4 ||
[Analyze grammar]

yathā nūnaṃ devarājasya devāḥ śuśrūṣante vajrahastasya sarve |
tathāśṛṇvanpāṇḍavāḥ sṛñjayāśca kirīṭinā vācamuktāṃ samarthām || 5 ||
[Analyze grammar]

ityabravīdarjuno yotsyamāno gāṇḍīvadhanvā lohitapadmanetraḥ |
na cedrājyaṃ muñcati dhārtarāṣṭro yudhiṣṭhirasyājamīḍhasya rājñaḥ |
asti nūnaṃ karma kṛtaṃ purastādanirviṣṭaṃ pāpakaṃ dhārtarāṣṭraiḥ || 6 ||
[Analyze grammar]

yeṣāṃ yuddhaṃ bhīmasenārjunābhyāṃ tathāśvibhyāṃ vāsudevena caiva |
śaineyena dhruvamāttāyudhena dhṛṣṭadyumnenātha śikhaṇḍinā ca |
yudhiṣṭhireṇendrakalpena caiva yo'padhyānānnirdahedgāṃ divaṃ ca || 7 ||
[Analyze grammar]

taiścedyuddhaṃ manyate dhārtarāṣṭro nirvṛtto'rthaḥ sakalaḥ pāṇḍavānām |
mā tatkārṣīḥ pāṇḍavārthāya hetorupaihi yuddhaṃ yadi manyase tvam || 8 ||
[Analyze grammar]

yāṃ tāṃ vane duḥkhaśayyāmuvāsa pravrājitaḥ pāṇḍavo dharmacārī |
āśiṣyate duḥkhatarāmanarthāmantyāṃ śayyāṃ dhārtarāṣṭraḥ parāsuḥ || 9 ||
[Analyze grammar]

hriyā jñānena tapasā damena krodhenātho dharmaguptyā dhanena |
anyāyavṛttaḥ kurupāṇḍaveyānadhyātiṣṭhaddhārtarāṣṭro durātmā || 10 ||
[Analyze grammar]

māyopadhaḥ praṇidhānārjavābhyāṃ tapodamābhyāṃ dharmaguptyā balena |
satyaṃ bruvanprītiyuktyānṛtena titikṣamāṇaḥ kliśyamāno'tivelam || 11 ||
[Analyze grammar]

yadā jyeṣṭhaḥ pāṇḍavaḥ saṃśitātmā krodhaṃ yattaṃ varṣapūgānsughoram |
avasraṣṭā kuruṣūdvṛttacetāstadā yuddhaṃ dhārtarāṣṭro'nvatapsyat || 12 ||
[Analyze grammar]

kṛṣṇavartmeva jvalitaḥ samiddho yathā dahetkakṣamagnirnidāghe |
evaṃ dagdhā dhārtarāṣṭrasya senāṃ yudhiṣṭhiraḥ krodhadīpto'nuvīkṣya || 13 ||
[Analyze grammar]

yadā draṣṭā bhīmasenaṃ raṇasthaṃ gadāhastaṃ krodhaviṣaṃ vamantam |
durmarṣaṇaṃ pāṇḍavaṃ bhīmavegaṃ tadā yuddhaṃ dhārtarāṣṭro'nvatapsyat || 14 ||
[Analyze grammar]

mahāsiṃho gāva iva praviśya gadāpāṇirdhārtarāṣṭrānupetya |
yadā bhīmo bhīmarūpo nihantā tadā yuddhaṃ dhārtarāṣṭro'nvatapsyat || 15 ||
[Analyze grammar]

mahābhaye vītabhayaḥ kṛtāstraḥ samāgame śatrubalāvamardī |
sakṛdrathena pratiyādrathaughānpadātisaṃghāngadayābhinighnan || 16 ||
[Analyze grammar]

sainyānanekāṃstarasā vimṛdnanyadā kṣeptā dhārtarāṣṭrasya sainyam |
chindanvanaṃ paraśuneva śūrastadā yuddhaṃ dhārtarāṣṭro'nvatapsyat || 17 ||
[Analyze grammar]

tṛṇaprāyaṃ jvalaneneva dagdhaṃ grāmaṃ yathā dhārtarāṣṭraḥ samīkṣya |
pakvaṃ sasyaṃ vaidyuteneva dagdhaṃ parāsiktaṃ vipulaṃ svaṃ balaugham || 18 ||
[Analyze grammar]

hatapravīraṃ vimukhaṃ bhayārtaṃ parāṅmukhaṃ prāyaśo'dhṛṣṭayodham |
śastrārciṣā bhīmasenena dagdhaṃ tadā yuddhaṃ dhārtarāṣṭro'nvatapsyat || 19 ||
[Analyze grammar]

upāsaṅgāduddharandakṣiṇena paraḥśatānnakulaścitrayodhī |
yadā rathāgryo rathinaḥ pracetā tadā yuddhaṃ dhārtarāṣṭro'nvatapsyat || 20 ||
[Analyze grammar]

sukhocito duḥkhaśayyāṃ vaneṣu dīrghaṃ kālaṃ nakulo yāmaśeta |
āśīviṣaḥ kruddha iva śvasanbhṛśaṃ tadā yuddhaṃ dhārtarāṣṭro'nvatapsyat || 21 ||
[Analyze grammar]

tyaktātmānaḥ pārthivāyodhanāya samādiṣṭā dharmarājena vīrāḥ |
rathaiḥ śubhraiḥ sainyamabhidravanto dṛṣṭvā paścāttapsyate dhārtarāṣṭraḥ || 22 ||
[Analyze grammar]

śiśūnkṛtāstrānaśiśuprakāśānyadā draṣṭā kauravaḥ pañca śūrān |
tyaktvā prāṇānkekayānādravantastadā yuddhaṃ dhārtarāṣṭro'nvatapsyat || 23 ||
[Analyze grammar]

yadā gatodvāhamakūjanākṣaṃ suvarṇatāraṃ rathamātatāyī |
dāntairyuktaṃ sahadevo'dhirūḍhaḥ śirāṃsi rājñāṃ kṣepsyate mārgaṇaughaiḥ || 24 ||
[Analyze grammar]

mahābhaye saṃpravṛtte rathasthaṃ vivartamānaṃ samare kṛtāstram |
sarvāṃ diśaṃ saṃpatantaṃ samīkṣya tadā yuddhaṃ dhārtarāṣṭro'nvatapsyat || 25 ||
[Analyze grammar]

hrīniṣedho nipuṇaḥ satyavādī mahābalaḥ sarvadharmopapannaḥ |
gāndhārimārcchaṃstumule kṣiprakārī kṣeptā janānsahadevastarasvī || 26 ||
[Analyze grammar]

yadā draṣṭā draupadeyānmaheṣūñśūrānkṛtāstrānrathayuddhakovidān |
āśīviṣānghoraviṣānivāyatastadā yuddhaṃ dhārtarāṣṭro'nvatapsyat || 27 ||
[Analyze grammar]

yadābhimanyuḥ paravīraghātī śaraiḥ parānmegha ivābhivarṣan |
vigāhitā kṛṣṇasamaḥ kṛtāstrastadā yuddhaṃ dhārtarāṣṭro'nvatapsyat || 28 ||
[Analyze grammar]

yadā draṣṭā bālamabālavīryaṃ dviṣaccamūṃ mṛtyumivāpatantam |
saubhadramindrapratimaṃ kṛtāstraṃ tadā yuddhaṃ dhārtarāṣṭro'nvatapsyat || 29 ||
[Analyze grammar]

prabhadrakāḥ śīghratarā yuvāno viśāradāḥ siṃhasamānavīryāḥ |
yadā kṣeptāro dhārtarāṣṭrānsasainyāṃstadā yuddhaṃ dhārtarāṣṭro'nvatapsyat || 30 ||
[Analyze grammar]

vṛddhau virāṭadrupadau mahārathau pṛthakcamūbhyāmabhivartamānau |
yadā draṣṭārau dhārtarāṣṭrānsasainyāṃstadā yuddhaṃ dhārtarāṣṭro'nvatapsyat || 31 ||
[Analyze grammar]

yadā kṛtāstro drupadaḥ pracinvañśirāṃsi yūnāṃ samare rathasthaḥ |
kruddhaḥ śaraiśchetsyati cāpamuktaistadā yuddhaṃ dhārtarāṣṭro'nvatapsyat || 32 ||
[Analyze grammar]

yadā virāṭaḥ paravīraghātī marmāntare śatrucamūṃ praveṣṭā |
matsyaiḥ sārdhamanṛśaṃsarūpaistadā yuddhaṃ dhārtarāṣṭro'nvatapsyat || 33 ||
[Analyze grammar]

jyeṣṭhaṃ mātsyānāmanṛśaṃsarūpaṃ virāṭaputraṃ rathinaṃ purastāt |
yadā draṣṭā daṃśitaṃ pāṇḍavārthe tadā yuddhaṃ dhārtarāṣṭro'nvatapsyat || 34 ||
[Analyze grammar]

raṇe hate kauravāṇāṃ pravīre śikhaṇḍinā sattame śaṃtanūje |
na jātu naḥ śatravo dhārayeyurasaṃśayaṃ satyametadbravīmi || 35 ||
[Analyze grammar]

yadā śikhaṇḍī rathinaḥ pracinvanbhīṣmaṃ rathenābhiyātā varūthī |
divyairhayairavamṛdnanrathaughāṃstadā yuddhaṃ dhārtarāṣṭro'nvatapsyat || 36 ||
[Analyze grammar]

yadā draṣṭā sṛñjayānāmanīke dhṛṣṭadyumnaṃ pramukhe rocamānam |
astraṃ yasmai guhyamuvāca dhīmāndroṇastadā tapsyati dhārtarāṣṭraḥ || 37 ||
[Analyze grammar]

yadā sa senāpatiraprameyaḥ parābhavanniṣubhirdhārtarāṣṭrān |
droṇaṃ raṇe śatrusaho'bhiyātā tadā yuddhaṃ dhārtarāṣṭro'nvatapsyat || 38 ||
[Analyze grammar]

hrīmānmanīṣī balavānmanasvī sa lakṣmīvānsomakānāṃ prabarhaḥ |
na jātu taṃ śatravo'nye saheranyeṣāṃ sa syādagraṇīrvṛṣṇisiṃhaḥ || 39 ||
[Analyze grammar]

brūyācca mā pravṛṇīṣveti loke yuddhe'dvitīyaṃ sacivaṃ rathastham |
śinernaptāraṃ pravṛṇīma sātyakiṃ mahābalaṃ vītabhayaṃ kṛtāstram || 40 ||
[Analyze grammar]

yadā śinīnāmadhipo mayoktaḥ śaraiḥ parānmegha iva pravarṣan |
pracchādayiṣyañśarajālena yodhāṃstadā yuddhaṃ dhārtarāṣṭro'nvatapsyat || 41 ||
[Analyze grammar]

yadā dhṛtiṃ kurute yotsyamānaḥ sa dīrghabāhurdṛḍhadhanvā mahātmā |
siṃhasyeva gandhamāghrāya gāvaḥ saṃveṣṭante śatravo'smādyathāgneḥ || 42 ||
[Analyze grammar]

sa dīrghabāhurdṛḍhadhanvā mahātmā bhindyādgirīnsaṃharetsarvalokān |
astre kṛtī nipuṇaḥ kṣiprahasto divi sthitaḥ sūrya ivābhibhāti || 43 ||
[Analyze grammar]

citraḥ sūkṣmaḥ sukṛto yādavasya astre yogo vṛṣṇisiṃhasya bhūyān |
yathāvidhaṃ yogamāhuḥ praśastaṃ sarvairguṇaiḥ sātyakistairupetaḥ || 44 ||
[Analyze grammar]

hiraṇmayaṃ śvetahayaiścaturbhiryadā yuktaṃ syandanaṃ mādhavasya |
draṣṭā yuddhe sātyakervai suyodhanastadā tapsyatyakṛtātmā sa mandaḥ || 45 ||
[Analyze grammar]

yadā rathaṃ hemamaṇiprakāśaṃ śvetāśvayuktaṃ vānaraketumugram |
draṣṭā raṇe saṃyataṃ keśavena tadā tapsyatyakṛtātmā sa mandaḥ || 46 ||
[Analyze grammar]

yadā maurvyāstalaniṣpeṣamugraṃ mahāśabdaṃ vajraniṣpeṣatulyam |
vidhūyamānasya mahāraṇe mayā gāṇḍīvasya śroṣyati mandabuddhiḥ || 47 ||
[Analyze grammar]

tadā mūḍho dhṛtarāṣṭrasya putrastaptā yuddhe durmatirduḥsahāyaḥ |
dṛṣṭvā sainyaṃ bāṇavarṣāndhakāraṃ prabhajyantaṃ gokulavadraṇāgre || 48 ||
[Analyze grammar]

balāhakāduccarantīva vidyutsahasraghnī dviṣatāṃ saṃgameṣu |
asthicchido marmabhido vameccharāṃstadā yuddhaṃ dhārtarāṣṭro'nvatapsyat || 49 ||
[Analyze grammar]

yadā draṣṭā jyāmukhādbāṇasaṃghāngāṇḍīvamuktānpatataḥ śitāgrān |
nāgānhayānvarmiṇaścādadānāṃstadā yuddhaṃ dhārtarāṣṭro'nvatapsyat || 50 ||
[Analyze grammar]

yadā mandaḥ parabāṇānvimuktānmameṣubhirhriyamāṇānpratīpam |
tiryagvidvāṃśchidyamānānkṣurapraistadā yuddhaṃ dhārtarāṣṭro'nvatapsyat || 51 ||
[Analyze grammar]

yadā vipāṭhā madbhujavipramuktā dvijāḥ phalānīva mahīruhāgrāt |
pracchettāra uttamāṅgāni yūnāṃ tadā yuddhaṃ dhārtarāṣṭro'nvatapsyat || 52 ||
[Analyze grammar]

yadā draṣṭā patataḥ syandanebhyo mahāgajebhyo'śvagatāṃśca yodhān |
śarairhatānpātitāṃścaiva raṅge tadā yuddhaṃ dhārtarāṣṭro'nvatapsyat || 53 ||
[Analyze grammar]

padātisaṃghānrathasaṃghānsamantādvyāttānanaḥ kāla ivātateṣuḥ |
praṇotsyāmi jvalitairbāṇavarṣaiḥ śatrūṃstadā tapsyati mandabuddhiḥ || 54 ||
[Analyze grammar]

sarvā diśaḥ saṃpatatā rathena rajodhvastaṃ gāṇḍivenāpakṛttam |
yadā draṣṭā svabalaṃ saṃpramūḍhaṃ tadā paścāttapsyati mandabuddhiḥ || 55 ||
[Analyze grammar]

kāṃdigbhūtaṃ chinnagātraṃ visaṃjñaṃ duryodhano drakṣyati sarvasainyam |
hatāśvavīrāgryanarendranāgaṃ pipāsitaṃ śrāntapatraṃ bhayārtam || 56 ||
[Analyze grammar]

ārtasvaraṃ hanyamānaṃ hataṃ ca vikīrṇakeśāsthikapālasaṃgham |
prajāpateḥ karma yathārdhaniṣṭhitaṃ tadā dṛṣṭvā tapsyate mandabuddhiḥ || 57 ||
[Analyze grammar]

yadā rathe gāṇḍivaṃ vāsudevaṃ divyaṃ śaṅkhaṃ pāñcajanyaṃ hayāṃśca |
tūṇāvakṣayyau devadattaṃ ca māṃ ca draṣṭā yuddhe dhārtarāṣṭraḥ sametān || 58 ||
[Analyze grammar]

udvartayandasyusaṃghānsametānpravartayanyugamanyadyugānte |
yadā dhakṣyāmyagnivatkauraveyāṃstadā taptā dhṛtarāṣṭraḥ saputraḥ || 59 ||
[Analyze grammar]

sahabhrātā sahaputraḥ sasainyo bhraṣṭaiśvaryaḥ krodhavaśo'lpacetāḥ |
darpasyānte vihite vepamānaḥ paścānmandastapsyati dhārtarāṣṭraḥ || 60 ||
[Analyze grammar]

pūrvāhṇe māṃ kṛtajapyaṃ kadācidvipraḥ provācodakānte manojñam |
kartavyaṃ te duṣkaraṃ karma pārtha yoddhavyaṃ te śatrubhiḥ savyasācin || 61 ||
[Analyze grammar]

indro vā te harivānvajrahastaḥ purastādyātu samare'rīnvinighnan |
sugrīvayuktena rathena vā te paścātkṛṣṇo rakṣatu vāsudevaḥ || 62 ||
[Analyze grammar]

vavre cāhaṃ vajrahastānmahendrādasminyuddhe vāsudevaṃ sahāyam |
sa me labdho dasyuvadhāya kṛṣṇo manye caitadvihitaṃ daivatairme || 63 ||
[Analyze grammar]

ayudhyamāno manasāpi yasya jayaṃ kṛṣṇaḥ puruṣasyābhinandet |
dhruvaṃ sarvānso'bhyatīyādamitrānsendrāndevānmānuṣe nāsti cintā || 64 ||
[Analyze grammar]

sa bāhubhyāṃ sāgaramuttitīrṣenmahodadhiṃ salilasyāprameyam |
tejasvinaṃ kṛṣṇamatyantaśūraṃ yuddhena yo vāsudevaṃ jigīṣet || 65 ||
[Analyze grammar]

giriṃ ya iccheta talena bhettuṃ śiloccayaṃ śvetamatipramāṇam |
tasyaiva pāṇiḥ sanakho viśīryenna cāpi kiṃcitsa girestu kuryāt || 66 ||
[Analyze grammar]

agniṃ samiddhaṃ śamayedbhujābhyāṃ candraṃ ca sūryaṃ ca nivārayeta |
hareddevānāmamṛtaṃ prasahya yuddhena yo vāsudevaṃ jigīṣet || 67 ||
[Analyze grammar]

yo rukmiṇīmekarathena bhojyāmutsādya rājñāṃ viṣayaṃ prasahya |
uvāha bhāryāṃ yaśasā jvalantīṃ yasyāṃ jajñe raukmiṇeyo mahātmā || 68 ||
[Analyze grammar]

ayaṃ gāndhārāṃstarasā saṃpramathya jitvā putrānnagnajitaḥ samagrān |
baddhaṃ mumoca vinadantaṃ prasahya sudarśanīyaṃ devatānāṃ lalāmam || 69 ||
[Analyze grammar]

ayaṃ kavāṭe nijaghāna pāṇḍyaṃ tathā kaliṅgāndantakūre mamarda |
anena dagdhā varṣapūgānvināthā vārāṇasī nagarī saṃbabhūva || 70 ||
[Analyze grammar]

yaṃ sma yuddhe manyate'nyairajeyamekalavyaṃ nāma niṣādarājam |
vegeneva śailamabhihatya jambhaḥ śete sa kṛṣṇena hataḥ parāsuḥ || 71 ||
[Analyze grammar]

tathograsenasya sutaṃ praduṣṭaṃ vṛṣṇyandhakānāṃ madhyagāṃ tapantam |
apātayadbaladevadvitīyo hatvā dadau cograsenāya rājyam || 72 ||
[Analyze grammar]

ayaṃ saubhaṃ yodhayāmāsa khasthaṃ vibhīṣaṇaṃ māyayā śālvarājam |
saubhadvāri pratyagṛhṇācchataghnīṃ dorbhyāṃ ka enaṃ viṣaheta martyaḥ || 73 ||
[Analyze grammar]

prāgjyotiṣaṃ nāma babhūva durgaṃ puraṃ ghoramasurāṇāmasahyam |
mahābalo narakastatra bhaumo jahārādityā maṇikuṇḍale śubhe || 74 ||
[Analyze grammar]

na taṃ devāḥ saha śakreṇa sehire samāgatā āharaṇāya bhītāḥ |
dṛṣṭvā ca te vikramaṃ keśavasya balaṃ tathaivāstramavāraṇīyam || 75 ||
[Analyze grammar]

jānanto'sya prakṛtiṃ keśavasya nyayojayandasyuvadhāya kṛṣṇam |
sa tatkarma pratiśuśrāva duṣkaramaiśvaryavānsiddhiṣu vāsudevaḥ || 76 ||
[Analyze grammar]

nirmocane ṣaṭsahasrāṇi hatvā saṃchidya pāśānsahasā kṣurāntān |
muraṃ hatvā vinihatyaugharākṣasaṃ nirmocanaṃ cāpi jagāma vīraḥ || 77 ||
[Analyze grammar]

tatraiva tenāsya babhūva yuddhaṃ mahābalenātibalasya viṣṇoḥ |
śete sa kṛṣṇena hataḥ parāsurvāteneva mathitaḥ karṇikāraḥ || 78 ||
[Analyze grammar]

āhṛtya kṛṣṇo maṇikuṇḍale te hatvā ca bhaumaṃ narakaṃ muraṃ ca |
śriyā vṛto yaśasā caiva dhīmānpratyājagāmāpratimaprabhāvaḥ || 79 ||
[Analyze grammar]

tasmai varānadadaṃstatra devā dṛṣṭvā bhīmaṃ karma raṇe kṛtaṃ tat |
śramaśca te yudhyamānasya na syādākāśe vā apsu caiva kramaḥ syāt || 80 ||
[Analyze grammar]

śastrāṇi gātre ca na te kramerannityeva kṛṣṇaśca tataḥ kṛtārthaḥ |
evaṃrūpe vāsudeve'prameye mahābale guṇasaṃpatsadaiva || 81 ||
[Analyze grammar]

tamasahyaṃ viṣṇumanantavīryamāśaṃsate dhārtarāṣṭro balena |
yadā hyenaṃ tarkayate durātmā taccāpyayaṃ sahate'smānsamīkṣya || 82 ||
[Analyze grammar]

paryāgataṃ mama kṛṣṇasya caiva yo manyate kalahaṃ saṃprayujya |
śakyaṃ hartuṃ pāṇḍavānāṃ mamatvaṃ tadveditā saṃyugaṃ tatra gatvā || 83 ||
[Analyze grammar]

namaskṛtvā śāṃtanavāya rājñe droṇāyātho sahaputrāya caiva |
śāradvatāyāpratidvandvine ca yotsyāmyahaṃ rājyamabhīpsamānaḥ || 84 ||
[Analyze grammar]

dharmeṇāstraṃ niyataṃ tasya manye yo yotsyate pāṇḍavairdharmacārī |
mithyāglahe nirjitā vai nṛśaṃsaiḥ saṃvatsarāndvādaśa pāṇḍuputrāḥ || 85 ||
[Analyze grammar]

avāpya kṛcchraṃ vihitaṃ hyaraṇye dīrghaṃ kālaṃ caikamajñātacaryām |
te hyakasmājjīvitaṃ pāṇḍavānāṃ na mṛṣyante dhārtarāṣṭrāḥ padasthāḥ || 86 ||
[Analyze grammar]

te cedasmānyudhyamānāñjayeyurdevairapīndrapramukhaiḥ sahāyaiḥ |
dharmādadharmaścarito garīyāniti dhruvaṃ nāsti kṛtaṃ na sādhu || 87 ||
[Analyze grammar]

na cedimaṃ puruṣaṃ karmabaddhaṃ na cedasmānmanyate'sau viśiṣṭān |
āśaṃse'haṃ vāsudevadvitīyo duryodhanaṃ sānubandhaṃ nihantum || 88 ||
[Analyze grammar]

na cedidaṃ karma nareṣu baddhaṃ na vidyate puruṣasya svakarma |
idaṃ ca taccāpi samīkṣya nūnaṃ parājayo dhārtarāṣṭrasya sādhuḥ || 89 ||
[Analyze grammar]

pratyakṣaṃ vaḥ kuravo yadbravīmi yudhyamānā dhārtarāṣṭrā na santi |
anyatra yuddhātkuravaḥ parīpsanna yudhyatāṃ śeṣa ihāsti kaścit || 90 ||
[Analyze grammar]

hatvā tvahaṃ dhārtarāṣṭrānsakarṇānrājyaṃ kurūṇāmavajetā samagram |
yadvaḥ kāryaṃ tatkurudhvaṃ yathāsvamiṣṭāndārānātmajāṃścopabhuṅkta || 91 ||
[Analyze grammar]

apyevaṃ no brāhmaṇāḥ santi vṛddhā bahuśrutāḥ śīlavantaḥ kulīnāḥ |
sāṃvatsarā jyotiṣi cāpi yuktā nakṣatrayogeṣu ca niścayajñāḥ || 92 ||
[Analyze grammar]

uccāvacaṃ daivayuktaṃ rahasyaṃ divyāḥ praśnā mṛgacakrā muhūrtāḥ |
kṣayaṃ mahāntaṃ kurusṛñjayānāṃ nivedayante pāṇḍavānāṃ jayaṃ ca || 93 ||
[Analyze grammar]

tathā hi no manyate'jātaśatruḥ saṃsiddhārtho dviṣatāṃ nigrahāya |
janārdanaścāpyaparokṣavidyo na saṃśayaṃ paśyati vṛṣṇisiṃhaḥ || 94 ||
[Analyze grammar]

ahaṃ ca jānāmi bhaviṣyarūpaṃ paśyāmi buddhyā svayamapramattaḥ |
dṛṣṭiśca me na vyathate purāṇī yudhyamānā dhārtarāṣṭrā na santi || 95 ||
[Analyze grammar]

anālabdhaṃ jṛmbhati gāṇḍivaṃ dhanuranālabdhā kampati me dhanurjyā |
bāṇāśca me tūṇamukhādvisṛjya muhurmuhurgantumuśanti caiva || 96 ||
[Analyze grammar]

saikyaḥ kośānniḥsarati prasanno hitveva jīrṇāmuragastvacaṃ svām |
dhvaje vāco raudrarūpā vadanti kadā ratho yokṣyate te kirīṭin || 97 ||
[Analyze grammar]

gomāyusaṃghāśca vadanti rātrau rakṣāṃsyatho niṣpatantyantarikṣāt |
mṛgāḥ śṛgālāḥ śitikaṇṭhāśca kākā gṛdhrā baḍāścaiva tarakṣavaśca || 98 ||
[Analyze grammar]

suparṇapātāśca patanti paścāddṛṣṭvā rathaṃ śvetahayaprayuktam |
ahaṃ hyekaḥ pārthivānsarvayodhāñśarānvarṣanmṛtyulokaṃ nayeyam || 99 ||
[Analyze grammar]

samādadānaḥ pṛthagastramārgānyathāgniriddho gahanaṃ nidāghe |
sthūṇākarṇaṃ pāśupataṃ ca ghoraṃ tathā brahmāstraṃ yacca śakro viveda || 100 ||
[Analyze grammar]

vadhe dhṛto vegavataḥ pramuñcannāhaṃ prajāḥ kiṃcidivāvaśiṣye |
śāntiṃ lapsye paramo hyeṣa bhāvaḥ sthiro mama brūhi gāvalgaṇe tān || 101 ||
[Analyze grammar]

nityaṃ punaḥ sacivairyairavocaddevānapīndrapramukhānsahāyān |
tairmanyate kalahaṃ saṃprayujya sa dhārtarāṣṭraḥ paśyata mohamasya || 102 ||
[Analyze grammar]

vṛddho bhīṣmaḥ śāṃtanavaḥ kṛpaśca droṇaḥ saputro viduraśca dhīmān |
ete sarve yadvadante tadastu āyuṣmantaḥ kuravaḥ santu sarve || 103 ||
[Analyze grammar]