Chapter 209

[English text for this chapter is available]

śrīmārkaṇḍeya uvāca |
tasyaivānantaraṃ pārtha puṣkalītīrthamuttamam |
tatra tīrthe naraḥ snātvā hyaśvamedhaphalaṃ labhet || 1 ||
[Analyze grammar]

kṣamānāthaṃ tato gacchettīrthaṃ trailokyaviśrutam |
dānavagandharvairapsarobhiśca sevitam || 2 ||
[Analyze grammar]

tatra tiṣṭhati deveśaḥ sākṣādrudro maheśvaraḥ |
bhāreṇa mahatā jāto bhārabhūtiriti smṛtaḥ || 3 ||
[Analyze grammar]

yudhiṣṭhira uvāca |
bhārabhūtīti vikhyātaṃ tīrthaṃ sarvaguṇānvitam |
śrotumicchāmi viprendra paraṃ kautūhalaṃ hi me || 4 ||
[Analyze grammar]

śrīmārkaṇḍeya uvāca |
bhārabhūtisamutpattiṃ śṛṇu pāṇḍavasattama |
vistareṇa yathā proktā purā devena śambhunā || 5 ||
[Analyze grammar]

āsītkṛtayuge vipro vedavedāṅgapāragaḥ |
viṣṇuśarmeti vikhyātaḥ sarvaśāstrārthapāragaḥ || 6 ||
[Analyze grammar]

kṣamā damo dayā dānaṃ satyaṃ śaucaṃ dhṛtistathā |
vidyā vijñānamāstikyaṃ sarvaṃ tasminpratiṣṭhitam || 7 ||
[Analyze grammar]

īdṛgguṇā hi ye viprā bhavanti nṛpasattama |
patitānnarake ghore tārayanti pitḥṃstu te || 8 ||
[Analyze grammar]

indriyaṃ lolupā viprā ye bhavanti nṛpottama |
patanti narake ghore raurave pāpamohitāḥ || 9 ||
[Analyze grammar]

ye kṣāntadāntāḥ śrutipūrṇakarṇā jitendriyāḥ prāṇivadhānnivṛttāḥ |
pratigrahe saṃkucitāgrahastāste brāhmaṇāstārayituṃ samarthāḥ || 10 ||
[Analyze grammar]

evaṃ guṇagaṇākīrṇo brāhmaṇo narmadātaṭe |
vasate brāhmaṇaiḥ sārdhaṃ śiloñchavṛttijīvanaḥ || 11 ||
[Analyze grammar]

tādṛśaṃ brāhmaṇaṃ jñātvā devadevo maheśvaraḥ |
dvijarūpadharo bhūtvā tasyāśramamagātsvayam || 12 ||
[Analyze grammar]

dṛṣṭvā taṃ brāhmaṇaiḥ sārdhamuccarantaṃ padakramam |
abhivādayate vipraṃ svāgatena ca pūjitaḥ || 13 ||
[Analyze grammar]

provāca taṃ muhūrtena brāhmaṇo vismayānvitaḥ |
kimatha tadbaṭo brūhi kiṃ karomi tavepsitam || 14 ||
[Analyze grammar]

baṭuruvāca |
vidyārthinamanuprāptaṃ viddhi māṃ dvijasattama |
dadāsi yadi me vidyāṃ tataḥ sthāsyāmi te gṛhe || 15 ||
[Analyze grammar]

brāhmaṇa uvāca |
sarveṣāmeva viprāṇāṃ baṭo tvaṃ gotra uttame |
dānānāṃ paramaṃ dānaṃ kathaṃ vidyā ca dīyate || 16 ||
[Analyze grammar]

guruśuśrūṣayā vidyā puṣkalena dhanena vā |
athavā vidyayā vidyā bhavatīha phalapradā || 17 ||
[Analyze grammar]

baṭuruvāca |
yathānye bālakāḥ snātāḥ śuśrūṣanti hyaharniśam |
tathāhaṃ baṭubhiḥ sārdhaṃ śuśrūṣāmi na saṃśayaḥ || 18 ||
[Analyze grammar]

tatheti coktvā viprendraḥ pāṭhayaṃstaṃ dine dine |
vartate saha śiṣyaiḥ sa śiloñchānupahārayan || 19 ||
[Analyze grammar]

tataḥ katipayāhobhiḥ prokto baṭubhirīśvaraḥ |
pacanādyaṃ baṭo karma kuru kramata āgatam || 20 ||
[Analyze grammar]

tatheti cokto deveśo bhāragrāmamupāgataḥ |
dhyātvā vanaspatīḥ sarvā idaṃ vacanamabravīt || 21 ||
[Analyze grammar]

yāvadāgacchate vipro baṭubhiḥ saha mandiram |
adarśanābhiḥ kartavyaṃ tāvadannaṃ susaṃskṛtam || 22 ||
[Analyze grammar]

evamuktvā tu tāḥ sarvā viśvarūpo maheśvaraḥ |
krīḍanārthaṃ gatastatra baṭuveṣadharaḥ pṛthak || 23 ||
[Analyze grammar]

dṛṣṭvā samāgataṃ tatra baṭuveṣadharaṃ pṛthak |
dhiktvāṃ ca paruṣaṃ vākyamūcuste girisannidhau || 24 ||
[Analyze grammar]

kṣutkṣāmakaṃṭhāḥ sarve ca gatvā tu kila mandiram |
tvayā siddhena cānnena tṛptiṃ yāsyāmahe vayam || 25 ||
[Analyze grammar]

tadvṛthā cintitaṃ sava tvayāgatya kṛtaṃ dvija |
mithyāpratijñena satā duranuṣṭhitamadya te || 26 ||
[Analyze grammar]

baṭuruvāca |
santāpamanutāpaṃ vā bhojanārthaṃ dvijarṣabhāḥ |
mā kurudhvaṃ yathānyāyaṃ siddhe'gre gṛhameṣyathā || 27 ||
[Analyze grammar]

baṭuruvāca |
dinaśeṣeṇa cāsmākaṃ pañcatāṃ ca dine dine |
niṣpattiṃ yāti vā neti tadasiddhamaśeṣataḥ || 28 ||
[Analyze grammar]

asiddhaṃ siddhamasmākaṃ yattvayā samudāhṛtam |
dṛṣṭvānṛtaṃ gatāstatra tvāṃ baddhāmbhasi nikṣipe || 29 ||
[Analyze grammar]

baṭuruvāca |
bhobhoḥ śṛṇudhva sarve'tra sopādhyāyā dvijottamāḥ |
pratijñāṃ mama durdharṣāṃ yāṃ śrutvā vismayo bhavet || 30 ||
[Analyze grammar]

yadi siddhamidaṃ sarvamannaṃ syādāśrame guroḥ |
yūyaṃ baddhvā mayā sarve kṣeptavyā narmadāmbhasi || 31 ||
[Analyze grammar]

athavānnaṃ na siddhaṃ syādbhavadbhirdṛḍhabandhanaiḥ |
gurostu paśyato baddhvā kṣeptavyo'haṃ narmadāhrade || 32 ||
[Analyze grammar]

tatheti kṛtvā te sarve samayaṃ gurusannidhau |
snātvā jāpyavidhānena bhūtagrāmaṃ tato yayuḥ || 33 ||
[Analyze grammar]

dṛṣṭvā te vismayaṃ jagmurvistṛte bhakṣyabhojane |
ṣaḍrasena nṛpaśreṣṭha bhuktvā hutvā pṛthakpṛthak || 34 ||
[Analyze grammar]

tataḥ provāca vacanaṃ hṛṣṭapuṣṭo dvijottamaḥ |
varado'smi varaṃ vatsa vṛṇu yattava rocate || 35 ||
[Analyze grammar]

sāṅgopāṅgāstu te vedāḥ śāstrāṇi vividhāni ca |
pratibhāsyanti te vipra madīyo'stu varastvayam || 36 ||
[Analyze grammar]

praṇamya baṭubhiḥ sārdhaṃ sa cikrīḍa yathāsukham |
dvitīye tu tataḥ prāpte divase narmadājale || 37 ||
[Analyze grammar]

krīḍanārthaṃ gatāḥ sarve sopādhyāyā yudhiṣṭhira |
tataḥ smṛtvā paṇaṃ sarve bhāṣayitvā vidhānataḥ || 38 ||
[Analyze grammar]

upādhyāyamathovāca natvā devaḥ kṛtāñjaliḥ |
jale prakṣepayāmyadya niṣpratijñān baṭūn prabho || 39 ||
[Analyze grammar]

taddevasya vacaḥ śrutvā naṣṭāste baṭavo nṛpa |
gurostu paśyato rājandhāvamānā diśo daśa || 40 ||
[Analyze grammar]

vāyuvegena devena luñjitāste samantataḥ |
bhāraṃ baddhvā tu sarveṣāṃ baṭūnāṃ ca nareśvara || 41 ||
[Analyze grammar]

śāpānugrahako devo'kṣipattoye yathā gṛhe |
tato viṣādamagamaddṛṣṭvā tānnarmadājale || 42 ||
[Analyze grammar]

guruṇā baṭurukto'tha kimetatsāhasaṃ kṛtam |
eteṣāṃ mātṛpitaro bālakānāṃ gṛhe'ṅganāḥ || 43 ||
[Analyze grammar]

yadi pṛcchanti te bālān kva gatān kathayāmyaham |
evaṃ sthite mahābhāga yadi kaścinmariṣyati || 44 ||
[Analyze grammar]

tadā svakīyajīvena tvaṃ yojayitumarhasi |
mṛteṣu teṣu vipreṣu na jīve niścayo mṛtaḥ || 45 ||
[Analyze grammar]

brahmahatyāśca te bahvyo bhaviṣyanti mṛte mayi |
dvijabandhanamātreṇa narako bhavati dhruvam || 46 ||
[Analyze grammar]

maraṇādyāṃ gatiṃ yāsi na tāṃ vedmi dvijādhama |
evamuktaḥ smitaṃ kṛtvā devadevo maheśvaraḥ || 47 ||
[Analyze grammar]

bhārabhūteśvare tīrtha ujjahāra jalāddvijān |
muktvā bhāraṃ tu devena chādayitvā tu tāndvijān || 48 ||
[Analyze grammar]

liṅgaṃ pratiṣṭhitaṃ tatra bhārabhūteti viśrutam |
mṛtāṃstān vai dvijān dṛṣṭvā brahmahatyā nirākṛtā || 49 ||
[Analyze grammar]

gatāni pañca vai dṛṣṭvā brahmahatyāśatāni vai |
tataḥ sa vismayāviṣṭo dṛṣṭvā tānbālakān guruḥ || 50 ||
[Analyze grammar]

nānyasya kasyacicchaktirevaṃ syādīśvaraṃ vinā |
jñātvā taṃ devadeveśaṃ praṇāmamakaroddvijaḥ || 51 ||
[Analyze grammar]

ajñānena mayā sava yaduktaṃ parameśvara |
apriyaṃ yatkṛtaṃ sarvaṃ kṣantavyaṃ tanmama prabho || 52 ||
[Analyze grammar]

deva uvāca |
bhagavangururbhavāndevo bhavānmama pitāmahaḥ |
vedagarbha namaste'stu nāsti kaścidvyatikramaḥ || 53 ||
[Analyze grammar]

janitā copanetā ca yastu vidyāṃ prayacchati |
annadātā bhayatrātā pañcaite pitaraḥ smṛtāḥ || 54 ||
[Analyze grammar]

evamuktvā jagannātho viṣṇuśarmāṇamānataḥ |
tatra tīrthe jagāmāśu kailāsaṃ dharaṇīdharam || 55 ||
[Analyze grammar]

tadāprabhṛti tattīrthaṃ bhārabhūtīti viśrutam |
vikhyātaṃ sarvalokeṣu mahāpātakanāśanam || 56 ||
[Analyze grammar]

tatra tīrthe punarvṛttamitihāsaṃ bravīmi te |
sarvapāpaharaṃ divyamekāgrastvaṃ śṛṇuṣva tat || 57 ||
[Analyze grammar]

purā kṛtayugasyādau vaiśyaḥ kaścinmahāmanāḥ |
sukeśa iti vikhyātastasya putro'tidhārmikaḥ || 58 ||
[Analyze grammar]

somaśarmeti vikhyāto mṛtaḥ pṛthulalocanaḥ |
sa sakhāyaṃ vaṇikputraṃ kaṃciccakre daridriṇam || 59 ||
[Analyze grammar]

sudevamiti khyātaṃ sarvakarmasu kovidam |
ekadā tu samaṃ tena vyavahāramacintayat || 60 ||
[Analyze grammar]

sakhe samudrayānena gacchāvottaraṇaiḥ śubhaiḥ |
bhāṇḍaṃ bahu samādāya madīye dravyasādhane || 61 ||
[Analyze grammar]

paraṃ tīraṃ gamiṣyāva utkarṣastvāvayoḥ samaḥ |
iti tau mantrayitvā tu mantravatsamabhīpsitam || 62 ||
[Analyze grammar]

sarvaṃ prayāṇakaṃ gṛhya hyārūḍhau lavaṇodadhim |
tau gatvā tu paraṃ bhāṇḍaṃ vikrīya puratastadā || 63 ||
[Analyze grammar]

prāptau bahu suvarṇaṃ ca ratnāni vividhāni ca |
nāvaṃ tāṃ saṃgatāṃ kṛtvā paścāttāvārurohatuḥ || 64 ||
[Analyze grammar]

nāvamantarjale dṛṣṭvā niśīthe svarṇasaṃbhṛtām |
dṛṣṭvā tu somaśarmāṇamutsaṅge kṛtamastakam || 65 ||
[Analyze grammar]

śayānamativiśvastaṃ sahadevo vyacintayat |
eṣa nidrāvaśaṃ yāto mayi prāṇānnidhāya vai || 66 ||
[Analyze grammar]

asyādhīnamidaṃ sarvaṃ dravyaratnamaśeṣataḥ |
utkarṣārddhaṃ tu me dadyāttatra gatveti vā na vā || 67 ||
[Analyze grammar]

iti niścitya manasā pāpastaṃ lavaṇodadhau |
cikṣepa somaśarmāṇaṃ pāpadhyātena cetasā || 68 ||
[Analyze grammar]

uttīrya taraṇāttasmādgatvā saṃgṛhya taddhanam |
tataḥ katipayāhobhiḥ saṃyuktaḥ kāladharmaṇā || 69 ||
[Analyze grammar]

gato yamapuraṃ ghoraṃ gṛhīto yamakiṃkaraiḥ |
sa nītastena mārgeṇa yatra saṃtapate raviḥ || 70 ||
[Analyze grammar]

kṛtvā dvādaśadhātmānaṃ samprāpte pralaye yathā |
sutīkṣṇāḥ kaṇṭakā yatra yatra śvānaḥ sudāruṇāḥ || 71 ||
[Analyze grammar]

tīkṣṇadaṃṣṭrā mahāvyālā vyāghrā yatra mahāvṛkāḥ |
sutaptā vālukā yatra kṣudhā tṛṣṇā tamo mahat || 72 ||
[Analyze grammar]

pānīyasya kathā nāsti na chāyā nāśramaḥ kvacit |
annaṃ pānīyasahitaṃ yāvattaddīyate viṣam || 73 ||
[Analyze grammar]

chāyāṃ saṃprārthamānānāṃ bhṛśaṃ jvalati pāvakaḥ |
tairdahyamānā bahuśo vilapanti muhurmuhuḥ || 74 ||
[Analyze grammar]

hā bhrātarmātaḥ putreti patanti pathi mūrchitāḥ |
itthaṃbhūtena mārgeṇa sa gīto yamakiṃkaraiḥ || 75 ||
[Analyze grammar]

yatra tiṣṭhati deveśaḥ prajāsaṃyamano yamaḥ |
te dvāradeśe taṃ muktvācakṣuryamakiṃkarāḥ || 76 ||
[Analyze grammar]

baddhvā taṃ galapāśena hyāsīnaṃ mitraghātinam |
avadhāraya deveśa budhyasva yadanantaram || 77 ||
[Analyze grammar]

yama uvāca |
na tu pūrvaṃ mukhaṃ dṛṣṭaṃ mayā viśvāsaghātinām |
ye mitradrohiṇaḥ pāpāsteṣāṃ kiṃ śāsanaṃ bhavet || 78 ||
[Analyze grammar]

ṛṣayo'tra vicārārthaṃ niyuktā nipuṇāḥ sthitāḥ |
te yatra bruvate tatra kṣipadhvaṃ mā vicāryatām || 79 ||
[Analyze grammar]

ityuktāste tamādāya kiṃkarāḥ śīghragāminaḥ |
munīśāṃstatra tānūcustaṃ nivedya yamājñayā || 80 ||
[Analyze grammar]

dvijā anena mitraṃ svaṃ prasuptaṃ niśi ghātitam |
viśvastaṃ dhanalobhena ko daṇḍo'sya bhaviṣyati || 81 ||
[Analyze grammar]

munaya ūcuḥ |
adṛṣṭapūrvamasmābhirvadanaṃ mitraghātinām |
kṛtvā paṭāntare hyenaṃ śṛṇvantu gatimasya tām || 82 ||
[Analyze grammar]

te śāstrāṇi vicāryātha ṛṣayaśca parasparam |
āhūya yamadūtāṃstānūcurbrāhmaṇapuṃgavāḥ || 83 ||
[Analyze grammar]

ālokitāni śāstrāṇi vedāḥ sāṅgāḥ smṛtīrapi |
purāṇāni ca mīmāṃsā dṛṣṭamasmābhiratra ca || 84 ||
[Analyze grammar]

brahmaghne ca surāpe ca steye gurvaṅganāgame |
niṣkṛtirvihitā śāstre kṛtaghne nāsti niṣkṛtiḥ || 85 ||
[Analyze grammar]

ye strīghnāśca gurughnāśca ye bālabrahmaghātinaḥ |
vihitā niṣkṛtiḥ śāstre kṛtaghne nāsti niṣkṛtiḥ || 86 ||
[Analyze grammar]

vāpīkūpataḍāgānāṃ bhettāro ye ca pāpinaḥ |
udyānavāṭikānāṃ ca chettāro ye ca durjanāḥ || 87 ||
[Analyze grammar]

dāvāgnidāhakā ye ca satataṃ ye'suhiṃsakāḥ |
nyāsāpahāriṇo ye ca garadāḥ svāmivañcakāḥ || 88 ||
[Analyze grammar]

mātāpitṛgurūṇāṃ ca tyāgino doṣadāyinaḥ |
svabhartṛvañcanaparā yā strī garbhapraghātinī || 89 ||
[Analyze grammar]

vivekarahitā yā strī yāsnātā bhojane ratā |
dvikālabhojanaratāstathā vaiṣṇavavāsare || 90 ||
[Analyze grammar]

tāsāṃ strīṇāṃ gatirdṛṣṭā na tu viśvāsaghātinām |
viśvāsaghātināṃ puṃsāṃ mitradrohakṛtāṃ tathā || 91 ||
[Analyze grammar]

teṣāṃ gatirna vedeṣu purāṇeṣu ca kā kathā |
iti sthiteṣu pāpeṣu gatireṣāṃ na vidyate || 92 ||
[Analyze grammar]

nānyā gatirmitrahanane viśvastaghne ca naḥ śrutam |
ito nītvā yamadūtā enaṃ viśvastaghātinam || 93 ||
[Analyze grammar]

kalpakoṭiśataṃ sāgraṃ paryāyeṇa pṛthakpṛthak |
narakeṣu ca sarveṣu triṃśatkoṭiṣu saṃkhyayā || 94 ||
[Analyze grammar]

kṣipyatāmeṣa mitraghno vicāro mā vidhīyatām |
iti te vacanaṃ śrutvā kiṃkarāstaṃ nigṛhya ca || 95 ||
[Analyze grammar]

yatra te narakā ghorāstatra kṣeptuṃ gatāstataḥ |
te tamādāya hi narake ghore rauravasaṃjñite || 96 ||
[Analyze grammar]

cikṣipustatra pāpiṣṭhaṃ kṣipte rāvo'bhavanmahān |
narakasthitabhūteṣu moktavyo naiṣa pāpakṛt || 97 ||
[Analyze grammar]

asya saṃsparśanādeva pīḍā śataguṇā bhavet |
yathā vyathāsikāṣṭhaiśca samiddhairdahanātmakaiḥ || 98 ||
[Analyze grammar]

bhavati sparśanāttasya kimetena kṛtāmalam |
yathā durjanasaṃsargātsujano yāti lāghavam || 99 ||
[Analyze grammar]

sannidhānāttathāsyāśu kṣate kṣārāvasecanam |
prasādaḥ kriyatāmāśu nīyatāṃ narake'nyataḥ || 100 ||
[Analyze grammar]

evamuktāstatastaistu gatāste tvaśuciṃ prati |
tatra te nārakāḥ santi pūrvavatte'pi cukruśuḥ || 101 ||
[Analyze grammar]

evaṃ te kiṃkarāḥ sarve paryaṭannarakamaṇḍale |
narake'pi sthitistasya nāsti pāpasya durmateḥ || 102 ||
[Analyze grammar]

yadā tadā tu te sarve taṃ gṛhya yamasannidhau |
gatvā nivedya tatsarvaṃ yaduktaṃ nārakairnaraiḥ |
narake na sthitiryasya tasya kiṃ kriyatāṃ vada || 103 ||
[Analyze grammar]

yama uvāca |
pāpiṣṭha eṣa vai yātu yoniṃ tiryaṅniṣevitām |
kālaṃ munibhiruddiṣṭaḥ tiryagyoniṃ praveśyatām || 104 ||
[Analyze grammar]

evamukte tu vacane prajāsaṃyamanena ca |
sa gataḥ kṛmitāṃ pāpo viṣṭhāsu ca pṛthakpṛthak || 105 ||
[Analyze grammar]

tato'sau daṃśamaśakān pipīlikasamudbhavān |
yūkāmatkuṇakāḍhyāṃśca gatvā pakṣitvamāgataḥ || 106 ||
[Analyze grammar]

sthāvaratvaṃ gataḥ paścātpāṣāṇatvaṃ tataḥ param |
sarīsṛpānajagaravarāhamṛgahastinaḥ || 107 ||
[Analyze grammar]

vṛkaśvānakharoṣṭrāṃśca sūkarīṃ grāmajātikām |
yonimāśvatarīṃ prāpya tathā mahiṣasambhavām || 108 ||
[Analyze grammar]

etāścānyāśca bahvīrvai prāpa yonīḥ krameṇa vai |
sa tā yonīranuprāpya dhuryo'bhūdbhāravāhakaḥ || 109 ||
[Analyze grammar]

sa gṛhe pārthiveśasya dhārmikasya yaśasvinaḥ |
sa dṛṣṭvā kārttikīṃ prāptāmekadā nṛpasattamaḥ || 110 ||
[Analyze grammar]

purohitaṃ samāhūya brāhmaṇāṃśca tathā bahūn |
na gṛhe kārttikīṃ kuryādetanme bahuśaḥ śrutam || 111 ||
[Analyze grammar]

sametāḥ kutra yāsyāma iti brūta dvijottamāḥ |
yo gṛhe kārttikīṃ kuryātsnānadānādivarjitaḥ || 112 ||
[Analyze grammar]

saṃvatsarakṛtātpuṇyātsa bahirbhavati śrutiḥ |
tasmātsarvaprayatnena tīrthaṃ sarvaguṇānvitam || 113 ||
[Analyze grammar]

sahitāstatra gacchāmaḥ snātuṃ dātuṃ ca śaktitaḥ |
evamukte tu vacane pārthivena dvijottamāḥ || 114 ||
[Analyze grammar]

ūcuḥ śreṣṭhaṃ nṛpatheṣṭha revāyā uttare taṭe |
bhāreśvareti vikhyātaṃ muktitīrthaṃ nṛpottama || 115 ||
[Analyze grammar]

tatra yāmo vayaṃ sarve sarvapāpakṣayāvaham |
evamuktaḥ sa nṛpatirgṛhītvā pracuraṃ vasu || 116 ||
[Analyze grammar]

śakaṭaṃ saṃbhṛtaṃ kṛtvā tatra yuktaḥ sa dhūrvahaḥ |
yaḥ kṛtvā mitrahananaṃ goyoniṃ samupāgataḥ || 117 ||
[Analyze grammar]

itthaṃ sa narmadātīre samprāptastīrthamuttamam |
gatvā caturdaśīdine hyupavāsakṛtakṣaṇaḥ || 118 ||
[Analyze grammar]

gatvā sa narmadātīre nāma rudretyanusmaran |
śucipradeśācca mṛdaṃ mantreṇānena gṛhyatām || 119 ||
[Analyze grammar]

uddhṛtāsi varāheṇa rudreṇa śatabāhunā |
ahamapyuddhariṣyāmi prajayā bandhanena ca || 120 ||
[Analyze grammar]

sa evaṃ tāṃ mṛdaṃ nītvā muktvā tīre tathottare |
dadarśa bhāskaraṃ paścānmantreṇānena cālabhet || 121 ||
[Analyze grammar]

aśvakrānte rathakrānte viṣṇukrānte vasuṃdhare |
mṛttike hara me pāpaṃ janmakoṭiśatārjitam || 122 ||
[Analyze grammar]

tata evaṃ vigāhyāpo mantrametamudīrayet |
tvaṃ narmade puṇyajale tavāmbhaḥ śaṅkarodbhavam || 123 ||
[Analyze grammar]

snānaṃ prakurvato me'dya pāpaṃ haratu cārjitam |
sa snātvānena vidhinā saṃtarpya pitṛdevatāḥ || 124 ||
[Analyze grammar]

yayau devālayaṃ paścādupahāraiḥ samanvitaḥ |
bhaktyā saṃcintya sānnidhye śaṅkaraṃ lokaśaṅkaram || 125 ||
[Analyze grammar]

purāṇoktavidhānena pūjāṃ samupacakrame |
pūjācatuṣṭayaṃ devi śivarātryāṃ nigadyate || 126 ||
[Analyze grammar]

saṃsnāpya prathame yāme pañcagavyena śaṅkaram |
ghṛtena pūraṇaṃ paścātkṛtaṃ nṛpavareṇa tu || 127 ||
[Analyze grammar]

dhūpadīpanaivedyādyaṃ saṃkalpya ca yathāvidhi |
argheṇānena deveśaṃ mantreṇānena śaṅkaram || 128 ||
[Analyze grammar]

namaste devadeveśa śambho paramakāraṇa |
gṛhāṇārghamimaṃ deva saṃsārāghamapākuru || 129 ||
[Analyze grammar]

vittānurūpato dattaṃ suvarṇaṃ mantrakalpitam |
agnirhi devāḥ sarve suvarṇaṃ ca hutāśanāt || 130 ||
[Analyze grammar]

ataḥ suvarṇadānena prītāḥ syuḥ sarvadevatāḥ |
tadarghaṃ sarvadā dātuḥ prīto bhavatu śaṅkaraḥ || 131 ||
[Analyze grammar]

anena vidhinā tena pūjitaḥ prathame śivaḥ |
yāme dvitīye tu punaḥ pūrvoktavidhinā caret || 132 ||
[Analyze grammar]

snāpayāmāsa dugdhena gavyena tripurāntakam |
taṃdulaiḥ pūraṇaṃ paścātkṛtaṃ liṅgasya śūlinaḥ || 133 ||
[Analyze grammar]

kṛtvā vidhānaṃ pūrvoktaṃ dattaṃ vastrayugaṃ sitam |
śvetavastrayugaṃ yasmācchaṅkarasyātivallabham || 134 ||
[Analyze grammar]

prīto bhavati vai śambhurdattena śvetavāsasā |
yāmaṃ tṛtīyaṃ samprāptaṃ dṛṣṭvā nṛpatisattamaḥ || 135 ||
[Analyze grammar]

devaṃ saṃsnāpya madhunā pūraṇaṃ cakrivāṃstilaiḥ |
tiladroṇapradānaṃ ca kuryānmantramudīrayan || 136 ||
[Analyze grammar]

tilāḥ śvetāstilāḥ kṛṣṇāḥ sarvapāpaharāstilāḥ |
tiladroṇapradānenu saṃsāraśchidyatāṃ mama || 137 ||
[Analyze grammar]

anena vidhinā rājā yāminīyāmapūjanam |
ativāhya vinodena brahmaghoṣeṇa jāgaram || 138 ||
[Analyze grammar]

cakāra pūjanaṃ śambhorbahupuṇyaprasādhakam |
ye jāgare trinetrasya śivarātryāṃ śivasthitāḥ || 139 ||
[Analyze grammar]

te yāṃ gatiṃ gatāḥ pārtha na tāṃ gacchanti yajvinaḥ |
pāpāni yāni kāni syuḥ koṭijanmārjitānyapi || 140 ||
[Analyze grammar]

harakeśavayoḥ snānti jāgare yānti saṃkṣayam |
yāvanto nimiṣā nṛṇāṃ bhavanti niśi jāgratām || 141 ||
[Analyze grammar]

nimiṣe nimiṣe rājannaśvamedhaphalaṃ dhruvam |
upavāsaparāṇāṃ ca devāyatanavāsinām || 142 ||
[Analyze grammar]

śṛṇvatāṃ dharmamākhyānaṃ dhyāyatāṃ harakeśavau |
na tāṃ bahusuvarṇena kratunā gatimāpnuyuḥ || 143 ||
[Analyze grammar]

śivarātristithiḥ puṇyā kārttikī ca viśeṣataḥ |
revāyā uttaraṃ kūlaṃ tīraṃ bhāreśvareti ca || 144 ||
[Analyze grammar]

jāgṛtaścātiduḥkhena kathaṃ pāpaṃ na hāsyati |
itthaṃsa jāgaraṃ kṛtvā śivarātryāṃ nareśvaraḥ || 145 ||
[Analyze grammar]

prabhāte vimale gatvā narmadātīramuttamam |
snāpitāstena te sarve vāhanāni gajādayaḥ || 146 ||
[Analyze grammar]

yaistu vāhairgatastīrthaṃ snāto'haṃ snāpayāmi tān |
tatra madhyasthitaḥ snātastiryaktvānnirgato vaṇik || 147 ||
[Analyze grammar]

dānaṃ dadau tānuddiśya kiṃcicchaktyanurūpataḥ |
tena vāhakṛtāddoṣānmukto bhavati mānavaḥ || 148 ||
[Analyze grammar]

anyathāsau kṛto lābhaḥ kṛto vrajati tān prati |
saṃsnāpya taṃ tato rājā svayaṃ snātvā vidhānataḥ || 149 ||
[Analyze grammar]

saṃtarpya pitṛdevāṃśca kṛtvā śrāddhaṃ yathāvidhi |
kṛtvā piṇḍānpitṛbhyaśca vṛṣamutsṛjya lakṣaṇam || 150 ||
[Analyze grammar]

gatvā devālayaṃ paścāddevaṃ tīrthodakena ca |
saṃsnāpya pañcagavyena tataḥ pañcāmṛtena ca || 151 ||
[Analyze grammar]

sarvauṣadhijalenaiva tataḥ śuddhodakena ca |
candanena sugandhena samālabhya ca śaṅkaram || 152 ||
[Analyze grammar]

kuṅkumaiśca sakarpūrairgandhaiśca vividhaistathā |
puṣpaughaiśca sugandhāḍhyaiścaturthaṃ liṅgapūraṇam || 153 ||
[Analyze grammar]

kṛtaṃ nṛpavareṇātra kurvatā pūrvakaṃ vidhim |
godānaṃ ca kṛtaṃ paścādvidhidṛṣṭena karmaṇā || 154 ||
[Analyze grammar]

dhenuke rudrarūpāsi rudreṇa parinirmitā |
asminnagādhe saṃsāre patantaṃ māṃ samuddhara || 155 ||
[Analyze grammar]

dhenuṃ svalaṃkṛtāṃ dadyādanena vidhinā tataḥ |
kṣamāpya devadeveśaṃ brāhmaṇān bhojayedbahūn || 156 ||
[Analyze grammar]

ṣaḍvidhairbhojanairbhakṣyairvāsobhistān samarcayet |
dakṣiṇābhirvicitrābhiḥ pūjayitvā kṣamāpayet || 157 ||
[Analyze grammar]

sa svayaṃ bubhuje paścātparivārasamanvitaḥ |
tāmeva rajanīṃ tatra nyavasajjagatīpatiḥ || 158 ||
[Analyze grammar]

tasya tatroṣitasyaivaṃ niśīthe'tha nareśvara |
ākāśe so'ti śuśrāva divyavāṇīsamīritam || 159 ||
[Analyze grammar]

vāguvāca |
rājansamaṃ tato loke phalaṃ bhavati sāmpratam |
saṃsārasāgare hyatra patitānāṃ durātmanām || 160 ||
[Analyze grammar]

yadi saṃnidhimātreṇa phalaṃ tatrocyate katham |
yadi śaṃtanuvaṃśasya tatronmādakaraṃ bhavet || 161 ||
[Analyze grammar]

ya eṣa tvadgṛhe voḍhā hyatibhāradhuraṃdharaḥ |
anena mitrahananaṃ pāpaṃ viśvāsaghātanam || 162 ||
[Analyze grammar]

kṛtaṃ janmasahasrāṇāmatīte parijanmani |
gatena pāpmanātmānaṃ narakeṣu ca saṃsthitiḥ || 163 ||
[Analyze grammar]

tato yonisahasreṣu gatistiryakṣu caiva hi |
goyoniṃ samanuprāptastvadgṛhe sa sudurmatiḥ || 164 ||
[Analyze grammar]

snāpitaśca tvayā tīrthe hyasmin parvasamāgame |
dṛṣṭvā pūjāṃ tvayā kḷptāṃ kṛtā jāgaraṇakriyā || 165 ||
[Analyze grammar]

tena niṣkalmaṣo jāto muktvā dehaṃ tavāgrataḥ |
svargaṃ prati vimānasthaḥ so'dya rājangamiṣyati || 166 ||
[Analyze grammar]

śrīmārkaṇḍeya uvāca |
evamukte nipatito dhuryaḥ prāṇairvyayujyata |
vimānavaramārūḍhastatkṣaṇātsamadṛśyata || 167 ||
[Analyze grammar]

sa taṃ praṇamya rājendramuvāca prahasanniva || 168 ||
[Analyze grammar]

vṛṣa uvāca |
bhobho nṛpavaraśreṣṭha tīrthamāhātmyamuttamam |
yatra cāsmadvidhastīrthe mucyate pātakairnaraḥ |
mayā jñātamaśeṣeṇa matsamo nāsti pātakī || 169 ||
[Analyze grammar]

ataḥ paraṃ kiṃ tu kuryāṃ paraṃ tīrthānukīrtanam |
bhavānmātā bhavanbhrātā bhavāṃścaiva pitāmahaḥ || 170 ||
[Analyze grammar]

kṣantavyaṃ praṇato'smyadya yasmiṃstīrthe hi mādṛśāḥ |
gatimīdṛgvidhāṃ yānti na jāne tava kā gatiḥ || 171 ||
[Analyze grammar]

samārādhya maheśānaṃ sampūjya ca yathāvidhi |
kā gatistava saṃbhāṣyā dehyanujñāṃ mama prabho || 172 ||
[Analyze grammar]

tvarayanti ca māṃ hyete divisthāḥ praṇayādgaṇāḥ |
svastyastu te gamiṣyāmītyuktvā so'ntardadhe kṣaṇāt || 173 ||
[Analyze grammar]

śrīmārkaṇḍeya uvāca |
gate cādarśanaṃ tatra sa rājā vismayānvitaḥ |
tīrthamāhātmyamatulaṃ varṇayansvapuraṃ gataḥ || 174 ||
[Analyze grammar]

itthaṃbhūtaṃ hi tattīrthaṃ narmadāyāṃ vyavasthitam |
sarvapāpakṣayakaraṃ sarvaduḥkhaghnamuttamam || 175 ||
[Analyze grammar]

upapāpāni naśyanti snānamātreṇa bhārata |
kārttikasya caturdaśyāmupavāsaparāyaṇaḥ || 176 ||
[Analyze grammar]

caturdhā pūrayelliṅgaṃ tasya puṇyaphalaṃ śṛṇu |
brahmahatyā surāpānaṃ steyaṃ gurvaṅganāgamaḥ || 177 ||
[Analyze grammar]

mahāpāpāni catvāri caturbhiryānti saṃkṣayam |
so'śvamedhasya yajñasya labhate phalamuttamam || 178 ||
[Analyze grammar]

kārttike śuklapakṣasya caturdaśyāmupoṣitaḥ |
svarṇadānācca tattīrthe yajñasya labhate phalam || 179 ||
[Analyze grammar]

aṣṭamyāṃ vā caturdaśyāṃ vaiśākhe māsi pūrvavat |
dīpaṃ piṣṭamayaṃ kṛtvā pitṝn sarvān vimokṣayet || 180 ||
[Analyze grammar]

tatra yaddīyate dānamapi vālāgramātrakam |
tadakṣayaphalaṃ sarvamevamāha maheśvaraḥ || 181 ||
[Analyze grammar]

bhārabhūtyāṃ mṛtānāṃ tu narāṇāṃ bhāvitātmanām |
anivartikā gatī rājañchivalokānnirantaram || 182 ||
[Analyze grammar]

athavā lokavṛttyarthaṃ martyalokaṃ jigīṣati |
sāṅgavedajñaviprāṇāṃ jāyate vimale kule || 183 ||
[Analyze grammar]

dhanadhānyasamāyukto vedavidyāsamanvitaḥ |
sarvavyādhivinirmukto jīvecca śaradāṃ śatam || 184 ||
[Analyze grammar]

punastattīrthamāsādya hyakṣayaṃ padamāpnuyāt || 185 ||
[Analyze grammar]

etatpuṇyaṃ pāpaharaṃ kathitaṃ te nṛpottama |
bhāratedaṃ mahākhyānaṃ śṛṇu caiva tataḥ param || 186 ||
[Analyze grammar]