Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 208

< Previous

Next >

[English text for this chapter is available]

adhyāyaḥ || 208 ||
[Analyze grammar]

śrīmārkaṇḍeya uvāca |
bhūmipāla tato gacchettīrthaṃ paramaśobhanam |
vikhyātaṃ triṣu lokeṣu pitḥṇāmṛṇamocanam || 1 ||
[Analyze grammar]

tatra snātvā vidhānena saṃtarpya pitṛdevatāḥ |
manuṣyaśca nṛpaśreṣṭha dānaṃ dattvānṛṇo bhavet || 2 ||
[Analyze grammar]

icchanti pitaraḥ sarve svārthahetoḥ sutaṃ yataḥ |
punnāmno narakātputro'smānayaṃ mocayiṣyati || 3 ||
[Analyze grammar]

piṇḍadānaṃ jalaṃ tāta ṛṇamuttamamucyate |
pitḥṇāṃ taddhi vai proktamṛṇaṃ daivamataḥ param || 4 ||
[Analyze grammar]

agnihotraṃ tathā yajñāḥ paśubandhāstatheṣṭayaḥ |
iti devarṇaṃ proktaṃ śṛṇu mānuṣyakaṃ tataḥ || 5 ||
[Analyze grammar]

brāhmaṇeṣu ca tīrtheṣu devāyatanakarmasu |
pratiśrutya dadettattadvyavahāraḥ kṛto yathā || 6 ||
[Analyze grammar]

ṛṇatrayamidaṃ proktaṃ putrāṇāṃ dharmanandana |
satputrāste tu rājendra snātā ya ṛṇamocane || 7 ||
[Analyze grammar]

ṛṇatrayādvimucyante hyaputrāḥ putriṇastathā |
tasmāttīrthavaraṃ prāpya putreṇa niyatātmanā |
pitṛbhyastarpaṇaṃ kāryaṃ piṇḍadānaṃ viśeṣataḥ || 8 ||
[Analyze grammar]

tatra tīrthe hutaṃ dattaṃ guravastoṣitā yadi |
mṛtānāṃ sapta janmāni phalamakṣayamaśnute || 9 ||
[Analyze grammar]