Chapter 5

[English text for this chapter is available]

lomaśa uvāca |
viṣṇau gate tadā sarve devāśca ṛṣibhiḥ saha |
vinirjitā gaṇaiḥ sarve ye ca yajñopajīvinaḥ || 1 ||
[Analyze grammar]

bhṛguṃ ca pātayāmāsa smaśrūṇāṃ luṃcanaṃ kṛtam |
dvijāṃścotpāṭayāmāsa pūṣṇo vikṛtavikriyān || 2 ||
[Analyze grammar]

viḍaṃbitā svadhā tatra ṛṣayaśca viḍaṃbitāḥ |
vavṛṣuste purīṣeṇa vitānāgnau rupānvitāḥ || 3 ||
[Analyze grammar]

anirvācyaṃ tadā cakrurgaṇāḥ krodhasamanvitāḥ |
aṃtarvedyaṃtaragato dakṣo vai mahato bhayāt || 4 ||
[Analyze grammar]

taṃ nilīnaṃ samājñāya ānināyaruṣānvitaḥ |
kapoleṣu gṛhītvā taṃ khaḍgenopahataṃ śiraḥ || 5 ||
[Analyze grammar]

abhedyaṃ tacchiro matvā vīrabhadraḥ pratāpavān |
skaṃdhaṃ padbhyāṃ samākramya kadhare'pīḍayattadā || 6 ||
[Analyze grammar]

gaṃdharātpāṭyamānācca śiraśchinnaṃ durātmanaḥ |
dakṣasya ca tadā tena vīrabhadreṇa dhīmatā |
tacchiraḥ suhutaṃ kuṃḍe jvali || 7 ||
[Analyze grammar]

ye cānya ṛṣayo devāḥ pitaro yakṣarākṣasāḥ |
gaṇairupadrutāḥ sarve palāyanaparā yayuḥ || 8 ||
[Analyze grammar]

caṃdrādityagaṇāḥ sarve grahanakṣatratārakāḥ |
sarve vicalitā hyāsangaṇaistepi hyupadrutāḥ || 9 ||
[Analyze grammar]

satyalokaṃ gato brahmā putraśokena pīḍitaḥ |
ciṃtayāmāsa cāvyagraḥ kiṃ kāryaṃ kāryamadya vai || 10 ||
[Analyze grammar]

manasā dūyamānena śaṃna lebhe pitāmahaḥ |
jñātvā sarvaṃ prayatnena duṣkṛtaṃ tasya pāpinaḥ || 11 ||
[Analyze grammar]

gamanāya matiṃ cakre kailāsaṃ parvataṃ prati |
haṃsārūḍho mahātejāḥ sarvadevaiḥ samanvitaḥ || 12 ||
[Analyze grammar]

praviṣṭaḥ parvataśreṣṭhaṃ sa dadarśa sadāśivam |
ekāṃtavāsinaṃ rudraṃ śailādena samanvitam || 13 ||
[Analyze grammar]

kaparddinaṃ śriyā yuktaṃ vedāṃgānāṃ ca durgamam |
tathāvidhaṃ samālokya brahma kṣobhaparo'bhavat || 14 ||
[Analyze grammar]

daṃḍavatpatito bhūmaukṣamāpayitumudyataḥ |
saṃspṛśaṃ statpadābjaṃ ca caturmukuṭakoṭibhiḥ |
stutiṃ kartuṃ samārebhe śivasya paramātmanaḥ || 15 ||
[Analyze grammar]

brahmovāca |
namo rudrāya śāṃtāya brahmaṇe paramātmane |
tvaṃ hi viśvasṛjāṃ sraṣṭā dhātā tvaṃ prapitāmahaḥ || 16 ||
[Analyze grammar]

namo rudrāya mahate nīlakaṃṭhāya vedhase |
viśvāya viśvabījāya jagadānaṃdahetave || 17 ||
[Analyze grammar]

oṃkārastvaṃ vaṣaṭkāraḥ sarvāraṃbhapravartakaḥ |
yajñosi yajñakarmāsi yajñānāṃ ca pravartakaḥ || 18 ||
[Analyze grammar]

sarveṣāṃ yajñakartṝṇāṃ tvameva pratipālakaḥ |
śaraṇyosi mahādeva sarveṣāṃ prāṇināṃ prabho |
rakṣa rakṣa mahādeva putraśokena pīḍitam || 19 ||
[Analyze grammar]

mahādeva uvāca |
śrṛṇuṣvāvahito bhūtvā mama vākyaṃ pitāmaha |
dakṣasya yajñabhaṃgoyaṃ na kṛtaśca mayā kvacit || 20 ||
[Analyze grammar]

svīyena karmaṇā dakṣo hato brahmanna saṃśayaḥ || 21 ||
[Analyze grammar]

pareṣāṃ kleśadaṃ karma na kāryaṃ tatkadācana |
parameṣṭhinpareṣāṃ yadātmanastadbhaviṣyati || 22 ||
[Analyze grammar]

evamuktvā tadā rudro brahmaṇā sahitaḥ suraiḥ |
yayau kanakhalaṃ tīrthaṃ yajñavāṭaṃ prajāpateḥ || 23 ||
[Analyze grammar]

rudrastadā dadarśāya vīrabhadreṇa yatkṛtam |
svāhā svadhā tathā pūṣā bhṛgurmatimatāṃ varaḥ || 24 ||
[Analyze grammar]

tadānya ṛṣayaḥ sarve pitaraśca tathāvidhāḥ |
ye'nye ca bahavastatra yakṣagaṃdharvakinnarāḥ || 25 ||
[Analyze grammar]

troṭitā luṃcitāścaiva mṛtāḥ kecidraṇājire || 26 ||
[Analyze grammar]

śaṃbhuṃ samāgataṃ dṛṣṭvā vīrabhadro gaṇaiḥ saha |
daṃḍapraṇāmasaṃyuktastasthāvagre sadāśivam || 27 ||
[Analyze grammar]

dṛṣṭvā puraḥ sthitaṃ rudro vīrabhadraṃ mahābalam |
upāca prahasanvākyaṃ kiṃ kṛtaṃ vīra nanvidam || 28 ||
[Analyze grammar]

dakṣamānaya śīghraṃ bho yenedaṃ kṛtamīdṛśam |
yajñe vilakṣaṇaṃ tāta yasyedaṃ phalamīdṛśam || 29 ||
[Analyze grammar]

evamuktaḥ śaṃkareṇa vīrabhadrastvarānvitaḥ |
kabaṃdhamānayitvātha śaṃbhoragre tadākṣipat || 30 ||
[Analyze grammar]

tadoktaḥ śaṃkareṇaiva vīrabhadro mahāmanāḥ |
śiraḥ kenā panītaṃ ca dakṣasyāsya durātmanaḥ || 31 ||
[Analyze grammar]

dāsyāmi jīvanaṃ vīra kuṭilasyāpi cādhunā |
evamuktaḥ śaṃkareṇa vīrabhadro'bravītpunaḥ || 32 ||
[Analyze grammar]

mayā śiro hutaṃ cāgnau tadānīmeva śaṃkara |
avaśiṣṭaṃ śiraḥśaṃbho paśośca vikṛtānanam || 33 ||
[Analyze grammar]

iti jñātvā tato rudraḥ kabaṃdhopari cākṣipat |
śiraḥ paśośca vikṛtaṃ kūrcayuktaṃ bhayāvaham || 34 ||
[Analyze grammar]

sa dakṣo jīvitaṃ lebhe prasādācchaṃkarasya ca |
sa dṛṣṭvāgre tadā rudraṃ dakṣo lajjāsamanvitaḥ |
tuṣṭāva praṇato bhūtvā śaṃkaraṃ lokaśaṃkaram || 35 ||
[Analyze grammar]

dakṣa uvāca |
namāmi devaṃ varadaṃ vareṇyaṃ namāmi deveśvaraṃ sanātanam |
namāmi devādhipamīśvaraṃ haraṃ namāmi śaṃbhuṃ jagadekabaṃdhum || 36 ||
[Analyze grammar]

namāmi viśveśvaraviśvarūpaṃ sanātanaṃ brahma nijātmarūpam |
namāmi sarvaṃ nijabhāvabhāvaṃ varaṃ vareṇyaṃ nato'smi || 37 ||
[Analyze grammar]

lomaśa uvāca |
dakṣeṇa saṃstuto rudro babhāṣe prahasanrahaḥ || 38 ||
[Analyze grammar]

hara uvāca |
caturvidhā bhajaṃte māṃ janāḥ sukṛtinaḥ sadā |
ārto jijñāsurarthārthī jñānī ca dvijasattama || 39 ||
[Analyze grammar]

tasmānme jñāninaḥ sarve priyāḥ syurnātra saṃśayaḥ |
vinā jñānena māṃ prāptuṃ yataṃte te hi bāliśaḥ || 40 ||
[Analyze grammar]

kevalaṃ karmaṇā tvaṃ hi saṃsārāttartumicchasi || 41 ||
[Analyze grammar]

na vedaiśca na dānaiśca na yajñaistapasā kvacit |
na śaknuvaṃti māṃ prāptuṃ mūḍhāḥ karmmavaśānarāḥ || 42 ||
[Analyze grammar]

tasmājjñānaparo bhūtvā kuru karmma samāhitaḥ |
sukhaduḥkhasamo bhūtvā sukhī bhava niraṃtaram || 43 ||
[Analyze grammar]

lomaśa uvāca |
upadiṣṭastadā tena śaṃbhunā parameṣṭhinā |
dakṣaṃ tatraiva saṃsthāpāya yayo rudraḥ svaparvatam || 44 ||
[Analyze grammar]

brahmaṇāpi tathā sarve bhṛgvādyāśca maharṣayaḥ |
āśvāsitā bodhitāśca jñāninaścābhavankṣaṇāt || 45 ||
[Analyze grammar]

gataḥ pitāmaho brahmā tataśca sadanaṃ svakam || 46 ||
[Analyze grammar]

dakṣopi ca svayaṃ vākyātparaṃ bodhamupāgataḥ |
śivadhyānaparo bhūtvā tapastepe mahāmanāḥ || 47 ||
[Analyze grammar]

tasmātsarvaprayatnena saṃkṣevyo bhagavāñchivaḥ || 48 ||
[Analyze grammar]

saṃmārjanaṃ ca kurvaṃti narā ye ca śivāṃgaṇe |
te vai śivapuraṃ prāpya jagadvaṃdyā bhagsi ca || 49 ||
[Analyze grammar]

ye śivasya prayacchati darppaṇaṃ sumahāprabham |
bhaviṣyaṃti śivasyāgre pārṣadatvena te narāḥ || 50 ||
[Analyze grammar]

cāmarāṇi prayacchaṃti devadevasya śūlinaḥ |
cāmarairvījyapānāste bhaviṣyaṃti jagattraya || 51 ||
[Analyze grammar]

dīpadānaṃ prayacchaṃti mahādevālaye narāḥ |
tejasvino bhaviṣyaṃti te trailokyapradīpakā || 52 ||
[Analyze grammar]

dhūpaṃ ye vai prayacchanti śivāya paramātmane |
yaśasvino bhaviṣyaṃti uddharanti kuladvayam || 53 ||
[Analyze grammar]

naivedyaṃ ye prayacchaṃti bhakayā hariharāgrataḥ |
sikthesikthe kratuphalaṃ prāpnuvaṃti hi te narāḥ || 54 ||
[Analyze grammar]

bhagnaṃ śivālayaṃ ye ca prakurvaṃti narottamāḥ |
prāpnuvati phala te vai dviguṇaṃ nātra saṃśayaḥ || 55 ||
[Analyze grammar]

nūtanaṃ ye prakṛrvaṃti iṣṭakairaśmanāpi vā |
svarge hi te pramodaṃte yāvattiṣṭhati nirmalam |
yaśo bhūmau dvijaśreṣṭhā kāryā vicāraṇā || 56 ||
[Analyze grammar]

kārayaṃti ca ye viprāḥ prāsādaṃ bahubhūmikam |
śivasyātha mahāprājñāḥ prāpnuvaṃti parāṃ gatim || 57 ||
[Analyze grammar]

śuddhaṃ dhavalitaṃ ye ca kurvanti haramaṃdiram |
svīyaṃ parakṛtaṃ cāpi te'pi yāṃti parāṃ gatim || 58 ||
[Analyze grammar]

vitānaṃ ye prayacchati narāḥ sukṛtinopi hi |
tārayati kulaṃ kṛtsnaṃ śivalokaṃ gatāḥ punaḥ || 59 ||
[Analyze grammar]

ye ca nādamayīṃ ghaṃṭāṃ nibadhnaṃti śivālaye |
tejasvinaḥ kīrtimaṃto bhaviṣyaṃti jagattraye || 60 ||
[Analyze grammar]

ekakālaṃ dvikālaṃ vā trikālaṃ cānupaśyati |
āḍhyo vāpi daridro vā sukhaṃ duḥkhātpracucyate || 61 ||
[Analyze grammar]

śraddhāvānbhajate yo vā śivāya paramātmane |
kulakoṭiṃ samuddhṛtya śivena saha modate || 62 ||
[Analyze grammar]

atraivodāharaṃtīma mitihāsaṃ purātanam |
aiṃdradyumneśca saṃvādaṃ yamasya ca mahātmanaḥ || 63 ||
[Analyze grammar]

purā kṛtayuge hyasīdindraseno narādhipaḥ |
pratiṣṭhānādhipo vīro mṛgayārasikaḥ sadā || 64 ||
[Analyze grammar]

abrahmaṇyaḥ sadā krūraḥ kevalāsutṛpaḥ sadā |
paraprāṇaurnijaprāṇānpuṣṇāti sa khalaḥ sadā || 65 ||
[Analyze grammar]

parastrīlaṃ paṭo'tyaṃtaṃ paradravyeṣu lolupaḥ |
brāhmaṇā ghātitāstena surāpaśca niraṃtaram || 66 ||
[Analyze grammar]

gurulatpagatotyarthaṃ sadā sauvarṇataskaraḥ |
tathābhūtānugāḥ sarve rājñastasya durātmanaḥ || 67 ||
[Analyze grammar]

evaṃ bahuvidhaṃ rājyaṃ cakāra sa durātmavān |
tataḥ kālena mahatā paṃcatvaṃ prāpa durmatiḥ || 68 ||
[Analyze grammar]

tadā yāmyaiśca nīto'sāviṃdraseno durātmavān |
yamāntikamanuprāptastadā rājā sakalmaṣaḥ || 69 ||
[Analyze grammar]

yamena dṛṣṭastatrāsāviṃdrasenogrataḥ sthitaḥ |
abhyutthānaparo bhūtvā nanāma śirasā śivam || 70 ||
[Analyze grammar]

dūtānsaṃbhartsayāmāsa yamo dharmabhṛtāṃ varaḥ |
pāśairbaddhaṃ caṃdrasenaṃ muktvā provāca dharmarāṭ || 71 ||
[Analyze grammar]

gaccha puṇyatamāṃllokānbhuṃkṣva rājanyasattama |
yāvadiṃdraśca nāke'sti yāvatsūryo nabhastale || 72 ||
[Analyze grammar]

paṃcabhūtāni yāvacca tāvattvaṃ ca sukhī bhava |
sukṛtī tvaṃ mahārāja śivabhakto'si nityadā || 73 ||
[Analyze grammar]

yamasya vacanaṃ śrutvā iṃdrasenobhyabhāṣata |
ahaṃ śivaṃ na jānāmi mṛgayārasiko hyaham || 74 ||
[Analyze grammar]

tacchrutvā vacanaṃ tasya yamo bhāṣyamabhāṣata |
āhara praharasveti uktaṃ cedaṃ sadā tvayā || 75 ||
[Analyze grammar]

tena karmavipākena sadā pūtosi mānada |
tasmāttvaṃ gaccha kailāsaṃ parvataṃ śaṃkaraṃ prati || 76 ||
[Analyze grammar]

evaṃ saṃbhāṣamāṇasya yamasya ca mahātmanaḥ |
āgatāḥ śivadvatāste vṛṣārūḍhā mahāprabhāḥ || 77 ||
[Analyze grammar]

nīlakaṃṭhā daśabhujāḥ paṃcavaktrāstrilocanāḥ |
kaparddinaḥ kuṃḍalinaḥ śaśaṃkāṃkitamaulayaḥ || 78 ||
[Analyze grammar]

tāndṛṣṭvā sahasotthāya yamo dharmabhṛtāṃ varaḥ |
pūjayāmāsa tānsarvānmaheṃdrapratimāṃstadā || 79 ||
[Analyze grammar]

tvarīrenaiva te sarve ūcurvaivasvataṃ yamam |
atrāgato mahābhāga iṃdraseno'mitadyutiḥ |
nāmnāḥ pravarttako nityaṃ rudrasya ca mahātmanaḥ || 80 ||
[Analyze grammar]

śrutvā ca vacanaṃ teṣāṃ yamena ca puraskṛtaḥ |
iṃdraseno vimānasthaḥ preṣito hi śivālayam || 81 ||
[Analyze grammar]

ānītoyaṃ tadā taiśca pārṣadapravarottamaiḥ |
śaṃbhunā hi tadā dṛṣṭa iṃdraseno'mitadyutiḥ || 82 ||
[Analyze grammar]

abhyutthāyāgato rudraḥ pariṣvajya tadā nṛpam |
arddhāsanagataṃ kṛtvā iṃdrasenaṃ tato'bravīt || 83 ||
[Analyze grammar]

kiṃ dātavyaṃ nṛpaśreṣṭha prayacchāmi tavepsitam |
iti śrutvā vacastasya maheśasya tadā nṛpaḥ |
ānaṃdāśrukaṇānmuṃcanpremṇā novāca kiṃcana || 84 ||
[Analyze grammar]

tadā kṛto maheśena pārṣado hi mahātmanā |
caṃḍo nāmnāca vikhyātomuṇḍasya ca sakhā priyaḥ || 85 ||
[Analyze grammar]

nāmoccāraṇamātreṇa rudrasya paramātmanaḥ |
siddhiṃ prāpto hi pāpiṣṭha idraseno narādhipaḥ || 86 ||
[Analyze grammar]

rahehareti vai nāmnā śaṃbhoścakradharasya ca |
rakṣitā bahavo martyāḥ śivena paramātmanā || 87 ||
[Analyze grammar]

maheśānnāparo devo dṛśyatebhuvanatraye |
tasmātsarvaprayatnena pūjanīyaḥ sadāśivaḥ || 88 ||
[Analyze grammar]

patraiḥpuṣpaiḥ phalairvāpi jalairvā vimalaiḥ sadā |
karavīraiḥ pūjyamānaḥ śaṃkaro varado bhavet || 89 ||
[Analyze grammar]

karavīrāddaśaguṇamarkapuṣpaṃ viśiṣyate |
vibhūtyādikṛtaṃ sarvaṃ jagadetaccarācaram || 90 ||
[Analyze grammar]

śivasyāṃgaṇalagnā yā tasmāttāṃ dhārayetsadā |
tatastripuṃḍre yatpumyaṃ tacchṛṇudhvaṃ dvijottamāḥ || 91 ||
[Analyze grammar]

sarvapāpaharaṃ puṇyaṃ tacchṛṇudhvaṃ dvijottamāḥ |
stenaḥ ko'pi mahāpāpo ghātito rājadūtakaiḥ || 92 ||
[Analyze grammar]

taṃ khādituṃ samāyātaḥ śvāśirasyuparisthitaḥ |
nakhāṃtarālasaṃlagnā rakṣā tasyaiva pāpinaḥ || 93 ||
[Analyze grammar]

lalāṭe patitā tasya tripuṃḍrāṃkiṃtamudrayā |
caitanyena vinā tasya dehamātraikalagnayā || 94 ||
[Analyze grammar]

kailāsaṃ taskaro nīto rudradūtaistatastadā |
vibhūtermahimānaṃ tu ko viśeṣiturmahati || 95 ||
[Analyze grammar]

vibhūtvā maṃḍitāṃgānāṃ narāṇāṃ puṇyakarmaṇām |
mukhe paṃcākṣaro yeṣāṃ rudrāste nātra śaṃśayaḥ || 96 ||
[Analyze grammar]

jaṭākalāpino ye ca ye rudrākṣavibhūṣaṇāḥ |
te vai manuṣyarūpeṇa rudrā nāstyatra saṃśayaḥ || 97 ||
[Analyze grammar]

tasmātsadāśivaḥ puṃbhiḥ pūjanīyo hi nityaśaḥ |
prātarmadhyāhnakāle ca sāyaṃ saṃdhyā viśiṣyate || 98 ||
[Analyze grammar]

prātastu darśanācchaṃbhornaiśameno vyapohati |
madhyāhne darśanācchaṃbhoḥ saptajanmārjitaṃ nṛṇām |
pāpaṃ praṇāśamāyāti niśāyāṃ naiva gaṇyate || 99 ||
[Analyze grammar]

śiveti dvyakṣaraṃ nāma mahā pāpapraṇāśanam |
yeṣāṃ mukhodgataṃ nṝṇāṃ tairidaṃ dhāryate jagat || 100 ||
[Analyze grammar]

śivāṃgaṇe tu yā bherī sthāpitā puṇyakarmabhiḥ |
tasyā nādena pūtā vai ye ca pāparatā janāḥ |
pāṣaṃḍino'pyasadvādāste'pi yāṃti parāṃ gatim || 101 ||
[Analyze grammar]

paśoryasya ca saṃbaddhā carmaṇā ca śivālaye |
nṛbhiryā sthāpitā bherī mṛdaṃgamurajādi ca |
sa paśuḥ śivasānnidhyamāpnotyatra na saṃśayaḥ || 102 ||
[Analyze grammar]

tasmāttataṃ ca vitataṃ ghanaṃ suṣirameva ca |
cāmarāṇi mahārhāṇi maṃcakāḥ śayanāni ca || 103 ||
[Analyze grammar]

gāthāśca itihāsāśca gāyanaṃ ca yathāvidhi |
bahurūpādikaṃ śaṃbhoḥ priyānyetāni kalpayet || 104 ||
[Analyze grammar]

kalpayitvā ca gacchaṃti śivalokaṃ hi pāpinaḥ |
sudharmāṇo mahātmānaḥ śivapūjāviśāradāḥ || 105 ||
[Analyze grammar]

gurormukhācca saṃprāptaśivapūjāratāśca ye |
śivarūpeṇa ye viśvaṃ paśyaṃti kṛtaniścayāḥ || 106 ||
[Analyze grammar]

samyagbuddhyā samācārā varṇāśramayutā narāḥ |
brāhmaṇāḥ kṣatriyā vaiśvayāḥ śūdrāścānye tathā narāḥ || 107 ||
[Analyze grammar]

śvapaco'pi variṣṭhaḥ sa śaṃbhoḥ priyataro bhavet |
śaṃbhunādhiṣṭhitaṃ sarvaṃ jagadetaccarācaram || 108 ||
[Analyze grammar]

tasmātsarvaṃ śivamayaṃ jñātavyaṃ suviśeṣataḥ |
vedaiḥ purāṇaiḥ śāstraiśca tathaupanipadairapi || 109 ||
[Analyze grammar]

āgamairvividhaiḥ śaṃbhurjñātavyo nātra saṃśayaḥ |
niṣkāmaiśca sakāmaiśca pūjanīyaḥ sadā śivaḥ || 110 ||
[Analyze grammar]

lomaśa uvāca |
kathayāmi purāvṛttamitihāsaṃ purātanam |
naṃdī nāma purā vaiśyo hyavaṃtīpuramāvasat || 111 ||
[Analyze grammar]

śivadhyānaparo bhūtvā śivapūjāṃ cakāra saḥ |
nityaṃ tapovanasthaṃ hi liṃgamekaṃ samarcayat || 112 ||
[Analyze grammar]

uṣasyuṣasi cotthāya pratyahaṃ śivavallabhaḥ |
naṃdīliṃgārccanarato babhūvātiśayena hi || 113 ||
[Analyze grammar]

liṃgaṃ paṃcāmṛtenaiva yathoktenābhyaṣecayat |
vipraiḥ samāvṛto nityaṃ vedavedāṃgapāragaiḥ || 114 ||
[Analyze grammar]

yathāśāstreṇa vidhinā liṃgārcanaparo'bhavat |
snāpayitvā tataḥ puṣpairnānaścaryasamanvitaiḥ || 115 ||
[Analyze grammar]

muktāphalairiṃdranīlairgomedaiśca niraṃtaram |
vaiḍūryaiścaiva nīlaiśca māṇikyaiśca tathārcayat || 116 ||
[Analyze grammar]

evaṃ naṃdī mahābhāgo bahūnyabdāni cārccayat |
vijanasthaṃ tadā liṃgaṃ nānābhogasamanvitam || 117 ||
[Analyze grammar]

ekadā mṛgayāsaktaḥ kirāto bhūtahiṃsakaḥ |
avivekaparo bhūtvā mṛgayārasikaḥ sadā || 118 ||
[Analyze grammar]

pāpī pāpasamācāro vicarangirikaṃdare |
anekaśvāpadākīrṇe hanyamāna itastataḥ || 119 ||
[Analyze grammar]

evaṃ vicaramāṇo'sau kirāto bhūtahiṃsakaḥ |
yadṛcchayāgatastatra yatra liṃgaṃ supūjitam || 120 ||
[Analyze grammar]

udakaṃ vīkṣmāṇo'sau tṛṣayā pīḍito bhṛśam |
tato vane saraḥ śīghraṃ dṛṣṭvā toye samāviśat || 121 ||
[Analyze grammar]

tīre saṃsthāpya duṣṭātmā tatsarvaṃ mṛgayādikam |
gaṃḍūṣotsarjanaṃ kṛtvā pītvā toyaṃ ca nirgataḥ || 122 ||
[Analyze grammar]

śivālayaṃ dadarśāgre anekāścaryamaṃḍitam |
dṛṣṭaṃ supūjitaṃ liṃgaṃ nānāratnaiḥ pṛthakpṛthak || 123 ||
[Analyze grammar]

tathā liṃgaṃ samālakṣya yadā pūjāṃ samāharat |
ratnāni sarvabhūtāni vidhūtāni itastataḥ || 124 ||
[Analyze grammar]

snapanaṃ tasya liṃgasya kṛtaṃ gaṃḍūṣavārīṇā |
kareṇaikena pūjārthaṃ bilvapatrāṇi so'rpayat || 125 ||
[Analyze grammar]

dvitīyena kareṃṇaiva mṛgamāṃsaṃ samarpayat |
daṇḍapraṇāmasaṃyuktaḥ saṃkalpaṃ manasā'karot || 126 ||
[Analyze grammar]

adyaprabhṛti pūjāṃ vai kariṣyāmi prayatnataḥ |
tvaṃ me svāmī ca bhaktohamadyaprabhṛti śaṃkara || 127 ||
[Analyze grammar]

evaṃ naiyamiko bhūtvā kirāto gṛhamāgataḥ |
nandī dadarśa tatsarvaṃ kirātena itastataḥ || 128 ||
[Analyze grammar]

ciṃtāyukto'bhavannaṃdī jātaṃ kiṃ chidramadya me |
kathitāni ca vighnāni śivapūjāratasya ca |
upasthitāni tānyeva mama bhāgyaviparyayāt || 129 ||
[Analyze grammar]

evaṃ vimṛśya suciraṃ prakṣālya śivamaṃdiram |
yathāgatena mārgeṇa naṃdī svagṛhamāgataḥ || 130 ||
[Analyze grammar]

tato naṃdinamāgatya purodhā gatamānasam |
abravodvacanaṃ taṃ tu kasmāttvaṃ gatamānasaḥ || 131 ||
[Analyze grammar]

purohitaṃ prati tadā nandī vacanamabravīt || 132 ||
[Analyze grammar]

adya dṛṣṭaṃ mayā vipra amedhyaṃ śivasaṃnidhau |
kenedaṃ kāritaṃ tatra na jānāmi kathaṃcana || 133 ||
[Analyze grammar]

tataḥ purodhā vacanaṃ nandinaṃ cābravīttadā |
yena viskhalitaṃ tatra ratnādīnāṃ prapūjanam |
so'pi mūḍho na saṃdehaḥ kāryākāryeṣu maṃdadhīḥ || 134 ||
[Analyze grammar]

tasmācciṃtā na kartavyā tvayā amurapi prabho |
prabhāte ca mayā sārddhaṃ gamyatāṃ tacchivālayam || 135 ||
[Analyze grammar]

nirīkṣaṇārthaṃ duṣṭasya tatkāryaṃ vidadhāmyaham |
etacchrutvā tu vacanaṃ nandī tasya purodhasaḥ || 136 ||
[Analyze grammar]

āsthitaḥ svagṛhe naktaṃ dūyamānena cetasā |
tasyāṃ rātryāṃ vyatītāyāmāhūya ca purodhasam || 137 ||
[Analyze grammar]

gataḥ śivālayaṃ nandī samaṃ tena mahātmanā |
tato dṛṣṭaṃ pūrvadine kṛtaṃtena durātmanā || 138 ||
[Analyze grammar]

samyakprapūjanaṃ kṛtvā nānāratnaparicchadam |
pañcopacārasaṃyuktaṃ caikādasyanvitaṃ tathā || 139 ||
[Analyze grammar]

anekastutibhiḥ stutvā girīśaṃ brāhmaṇaiḥ saha |
tadā yāmadvayaṃ jātaṃ stūyamānasya naṃdinaḥ || 140 ||
[Analyze grammar]

āyāto hi mahākālasthārūpo mahābalaḥ |
kālarūpo mahāraudro dhanuṣpāṇiḥ pratāpavān || 141 ||
[Analyze grammar]

taṃ dṛṣṭvā bhayavitrasto nandī sa vilalāpa ha |
purodhāścaiva sahasā bhayabhītastadābhavat || 142 ||
[Analyze grammar]

kirātena kṛtaṃ tatra yathāpūrvamaviskhalam |
tāṃ pūjāṃ prapadāhatya bilvapatraṃ samarpayat || 143 ||
[Analyze grammar]

snapanaṃ tasya kṛtvā ca tato gaṃḍūṣavāriṇā |
naivedyaṃ tatpalaṃ caiva kirātaḥ śivamarpayat || 144 ||
[Analyze grammar]

daṇḍavatpatito bhūmāvutthāya svagṛhaṃ gataḥ |
taddṛṣṭvā mahadāścaryaṃ ciṃtayāmāsa vai ciram || 145 ||
[Analyze grammar]

purodhasā saha tadā naṃdīvyākulacetasā |
tena cākāritā viprā bahavo vedavādinaḥ || 146 ||
[Analyze grammar]

nivedya teṣu tatsarvaṃ kirātena ca yatkṛtam |
kiṃ kāryamatha bho viprāḥ kathyatāṃ ca yathātatham || 147 ||
[Analyze grammar]

saṃpradhārya tataḥ sarve militvā dharmaśāstrataḥ |
ūcuḥ sarve tadā viprā naṃdinaṃ cātiśaṃkinam || 148 ||
[Analyze grammar]

idaṃ vighnaṃ samutpannaṃ durnivāryaṃ surairapi |
tasmādānaya liṃgaṃ tvaṃ svagṛhaṃ vaiśyasatt || 149 ||
[Analyze grammar]

tatheti matvāsau naṃdī śivasyotpāṭanaṃ tadā |
kṛtvā svagṛha mānīya pratiṣṭhāpya yatāvidhi || 150 ||
[Analyze grammar]

suvarṇapīṭhikāṃ kṛtvā navaratnasuśobhitām |
upacārairanekaiśca pūjayāmāsa vai tadā || 151 ||
[Analyze grammar]

athāpare dyurāyātaḥ kitarātaḥ śivamaṃdiram |
yāvadvilokyāmāsa liṃgamaiśaṃ na dṛṣṭavān || 152 ||
[Analyze grammar]

maunaṃ vihāya sahasā hyākrośannidamabravīt |
he śaṃbho kva gatosi tvaṃ darśayātmānamadya vai || 153 ||
[Analyze grammar]

na dṛṣṭosi mayā tvaṃ hi tyajāmyadya kalevaram |
he śaṃbho he jagannātha tripurāṃtakara prabho || 154 ||
[Analyze grammar]

he rudra he mahādevadarśayātmānamātmanā || 155 ||
[Analyze grammar]

evaṃ sākṣepamadhurairvākyaiḥ kṣiptaḥ sadāśivaḥ |
kirātena tato raṃgairvīrosau jaṭharaṃ svakam || 156 ||
[Analyze grammar]

vibhedāśu tato bāhūnāsphoṭyaiva ruṣābravīt |
he śaṃbho darśayātmānaṃ kuto māṃ tyajya yāsyasi || 157 ||
[Analyze grammar]

iti kṣitvā tatoṃtrāṇi māṃsamukṛttya sarvataḥ |
tasmingarte kareṇaiva kirātaḥ sahasākṣipat || 158 ||
[Analyze grammar]

svasthaṃ ca hṛdayaṃ kṛtvā sasnau tatsarasi dhruvam |
tathaiva jalamānīya bilvapattraṃ tvarānvitaḥ || 159 ||
[Analyze grammar]

pūjayitvā yathānyāyaṃ daṃḍavatpatito bhuvi || 160 ||
[Analyze grammar]

dhyānasthitastatastatra kirātaḥ śivasaṃnidhau |
prādurbhūtastadā rudraḥ pramathaiḥ parivāritaḥ || 161 ||
[Analyze grammar]

karpūragaurodyutimānkapardī caṃdraśekharaḥ |
taṃ gṛhītvā kare rudra uvāca parisāṃtvayan || 162 ||
[Analyze grammar]

bhobho vīra mahāprājña madbhaktosi mahāmate |
varaṃ vṛṇīṣvātmahitaṃ yatte'bhilaṣitaṃ mahat || 163 ||
[Analyze grammar]

evamuktaḥ sa rudreṇa mahākālo mudānvitaḥ |
papāta daṃḍavadbhūmau bhaktyā paramayā yutaḥ || 164 ||
[Analyze grammar]

tato rudraṃ babhāpe sa varaṃ samprārthayāmyaham |
ahaṃ dāsosmi te rudra tvaṃ me svāmī na saṃśayaḥ || 165 ||
[Analyze grammar]

etadbuddhātmano bhaktiṃ dehi janmanijanmani |
tvaṃ mātā ca pitā tvaṃ ca tvaṃ baṃdhuśca sakhā hi me || 166 ||
[Analyze grammar]

tvaṃ guhustvaṃ mahāmaṃtro maṃtravedyo'si sarvadā |
tasmāttvadaparaṃ nānyattriṣu lokeṣu kiṃcana || 167 ||
[Analyze grammar]

niṣkāmaṃ vākyamākarṇya kirātasya tadā bhavaḥ |
dadau pārṣadamukhyatvaṃ dvārapālatvameva ca || 168 ||
[Analyze grammar]

tadā ḍamarunādena nāditaṃ bhuvanatrayam |
bherībhāṃkāraśabdena śaṃkhānāṃ ninadena ca || 169 ||
[Analyze grammar]

tadā duṃdubayo neduḥ paṭahāścasahasraśaḥ |
naṃdī taṃ nādamākarṇya vismayāttavarīto yayau || 170 ||
[Analyze grammar]

tapovanaṃ yatra śivaḥ sthitaḥ pramathasaṃvṛtaḥ |
kirāto hi tathā dṛṣṭo naṃdinā ca tadā bhṛśam || 171 ||
[Analyze grammar]

uvāca praśrito vākyaṃ sa naṃdī vismayānvitaḥ |
kirātaṃ stotukāma'sau parameṇa samādhinā || 172 ||
[Analyze grammar]

ihānītastvayā śaṃbhustvaṃ bhaktosi paraṃtapa |
tvaṃ bhakto'hamiha prāpto māṃ nivedaya śaṃkare || 173 ||
[Analyze grammar]

tacchrutvā vacanaṃ tasya kirātastvarayānvitaḥ |
naṃdinaṃ ca kare gṛhya śaṃkaraṃ samupāgataḥ || 174 ||
[Analyze grammar]

prahasya bhagavānrudraḥ kirātaṃ vākyamabravīt |
ko'yaṃ tvayā samānīto gaṇānāmiha sannidhau || 175 ||
[Analyze grammar]

kirāta uvāca |
vijñapto'sau kirātena śaṃkaro lokaśaṃkaraḥ |
tava bhaktaḥ sadā deva tava pūjārato hyasau || 176 ||
[Analyze grammar]

pratyahaṃ ratnamāṇikyaiḥ puṣpaiścoccāvacairapi |
jīvitena dhanenāpi pūjito'si na saṃśayaḥ || 177 ||
[Analyze grammar]

tasmājjānīhi manmitraṃ naṃdinaṃ bhaktavatsala || 178 ||
[Analyze grammar]

mahādeva uvāca |
na jānāmi mahābhāga naṃdinaṃ vaiśyacarcitam |
tvaṃ me bhaktaḥ sakhā ceti mahākāla mahāmate || 179 ||
[Analyze grammar]

upādhirahitā ca ye'pi caiva manasvinaḥ |
te'tīva me priyā bhaktāste viśiṣṭā narottamāḥ || 180 ||
[Analyze grammar]

tava bhakto hyahaṃ tāta sa ca me priyakṛttaraḥ |
tāvubhau svīkṛtau tena pārṣadatvena śaṃbhunā || 181 ||
[Analyze grammar]

tato vimānāni bahūni tatra samāgatānyeva mahāprabhāṇi |
kirātavaryeṇa sa vaiśyavarya uddhāritastena mahāprabheṇa || 182 ||
[Analyze grammar]

kailāsaṃ parvataṃ prāptau vimānairvegavattaraiḥ |
sārūpyameva saṃprāptāvīśvareṇa mahātmanā || 183 ||
[Analyze grammar]

nīrājitau girijayā śivena sahitau tadā |
uvācedaṃ tato devī prahasya gajagāminī || 184 ||
[Analyze grammar]

yathā tvaṃ hi mahādeva tathā caitau na saṃśayaḥ |
svarūpeṇa ca gatyā ca hāsyabhāvaiḥ supūjitau || 185 ||
[Analyze grammar]

mayā tvameka evāsīḥ sevito vai na saṃśayaḥ |
devyāstadvacanaṃ śrutvā kirāto vaiśya eva ca || 186 ||
[Analyze grammar]

sadyaḥ parāṅmukhau bhūtvā śaṃkarasya ca paśyataḥ |
bhavāvastvanukaṃpyau ca bhavatā hi trilocana || 187 ||
[Analyze grammar]

tava dvāri sthitau nityaṃ bhāvavaste namonamaḥ || 188 ||
[Analyze grammar]

tayorbhāvaṃ sa bhagavānviditvā prahasanbhavaḥ |
uvāca parayā bhaktyā bhavatorastu vāṃchitam || 189 ||
[Analyze grammar]

tadā prabhṛti tāvetau dvārapālau babhūvatuḥ |
śivadvāri sthitau viprā madhyāhne śivadarśinau || 190 ||
[Analyze grammar]

eko naṃdī mahākālo dvāvetau śivavallabhau |
ūcatustau mudāyuktāveka eva sadāśivaḥ || 191 ||
[Analyze grammar]

ekāṃguliṃ samuddhṛtya mahādevobhyabhāṣata |
tathā naṃdī uvācedamuddhṛtya svāṃgulidvayam || 192 ||
[Analyze grammar]

evaṃ saṃjñānvitau dvāri tiṣṭhatastau mahātmanaḥ |
śaṃkarasya mahābhāgāḥ śrṛṇvaṃtu ṛṣayo hyamī || 193 ||
[Analyze grammar]

śailādena purā proktaṃ śivadharmamanaṃtakam |
prāṇināṃ kṛpayā viprāḥ sarveṣāṃ duṣkṛtātmanām || 194 ||
[Analyze grammar]

ye pāpino'pyadharmiṣṭhā aṃdhā mūkāśca paṃgavaḥ |
kulahīnā durātmānaḥ śvapacā api mānavāḥ || 195 ||
[Analyze grammar]

yādṛśāstādṛśāścānye śivabhaktipuraskṛtāḥ |
te'pi gacchaṃti sāṃnidhyaṃ devadevasya śūlinaḥ || 196 ||
[Analyze grammar]

liṃgaṃ sikatāmayaṃ ye pūjayaṃti vipaścitaḥ |
te rudralokaṃ gacchaṃti nātra kāryā vicāraṇā || 197 ||
[Analyze grammar]