Chapter 4

[English text for this chapter is available]

lomaśa uvāca |
viṣṇunoktaṃ vacaḥ śrutvā dakṣo vacanamabravīt |
vedānāmapramāṇaṃ ca kṛtaṃ te madhusūdana || 1 ||
[Analyze grammar]

vaidikaṃ karma cotsṛjya kathaṃ seśvaratāṃ vrajet |
taducyatāṃ mahāviṣṇo yena dharmaḥ pratiṣṭhitaḥ || 2 ||
[Analyze grammar]

dakṣeṇokto mahāviṣṇuruvāca parisāṃtvayan |
traigaṇyaviṣayā vedāḥ saṃbhavaṃti na cānyathā || 3 ||
[Analyze grammar]

vedoditāni karmāṇi īśvareṇa vinā katham |
saphalāni bhaviṣyaṃti viphalānyeva tāni ca || 4 ||
[Analyze grammar]

tasmātsarvaprayatnena īśvaraṃ śaraṇaṃ vraaijā |
evaṃ bruvati govinda āgataḥ sainyasāgaraḥ |
vīrabhadreṇa sadṛśo dadṛśustaṃ tadā surāḥ || 5 ||
[Analyze grammar]

iṃdropi prahasanviṣṇumātmavādarataṃ tadā |
vajrapāṇiḥ suraiḥ sārddhaṃ yoddhukāmo'bhavattadā || 6 ||
[Analyze grammar]

bhṛguṇācāritaḥ śīghramuccāṭanapareṇa hi |
tadā gaṇāḥ suraiḥ sārdhaṃ yuyudhuste gaṇānvitāḥ || 7 ||
[Analyze grammar]

śaratomaranāgacairjaghnuste ca parasparam |
neduḥśaṃkhāśca bahuśastasminraṇamahotsave || 8 ||
[Analyze grammar]

tathā dundubhayo neduḥ paṭahā ḍiṃḍimādayaḥ |
tena śabdena mahatāślāghyamānāstadā surāḥ |
lokapālaiśca sahitā jaghnustāñchivakiṃkarān || 9 ||
[Analyze grammar]

khaḍgaiścāpi hatāḥ kecidgadābhiśca vipothitāḥ |
devaiḥ parājitāḥ sarve gaṇāḥ śatasahasraśaḥ || 10 ||
[Analyze grammar]

iṃdrādyaurlokapālaiśca gaṇāste ca parāṅgamukhāḥ |
kṛtāśca tatkṣaṇādeva bhṛgormaṃtrabalena hi || 11 ||
[Analyze grammar]

uccāṭanaṃ kṛtaṃ teṣāṃ bhṛguṇā yajvinā tadā |
yajanārthaṃ ca devānāṃ tuṣṭyarthaṃ dīkṣitasya ca || 12 ||
[Analyze grammar]

tenaiva devā jayino jātāstatkṣaṇameva hi |
svānāṃ parājayaṃ dṛṣṭvā vīrabhadro rupānvitaḥ || 13 ||
[Analyze grammar]

bhūtānpretānpiśācāṃśca kṛtvā tāneva pṛṣṭhataḥ |
vṛṣabhasthānpuraskṛtya svayaṃ caiva mahābalaḥ |
tīkṣṇaṃ triśūlamādāya pātayāmāsa tānraṇe || 14 ||
[Analyze grammar]

devānyakṣānpiśācāṃśca guhyakānrākṣasāṃ stathā |
śūlaghātaiśca te sarve gaṇā devānprajaghnire || 15 ||
[Analyze grammar]

keciddvidhākṛtāḥ khaṅgairmudgaraiścāpi pothitāḥ |
paraśvadhaiḥ khaṃḍaśaśca kṛtāḥ kecidraṇājire || 16 ||
[Analyze grammar]

śūlairbhinnāśca śataśaḥ kecicca śakalīkṛtāḥ |
evaṃ parājitāḥ sarve palāyanaparāyaṇāḥ || 17 ||
[Analyze grammar]

parasparaṃ pariṣvajya gatāstepi triviṣṭapam |
kevalaṃ lokapālāśca iṃdrādyāstasthurutsukāḥ |
bṛhaspatiṃ pṛcchamānāḥ kutosmākaṃ jayo bhavet || 18 ||
[Analyze grammar]

bṛhaspatiruvācedaṃ sureṃdraṃ tvaritastadā |
bṛhaspatiruvāca |
yaduktaṃ viṣṇunā pūrvaṃ tatsatyaṃ jātamadya vai || 19 ||
[Analyze grammar]

asti cedīśvaraḥ kaścitphalarūpyasya karmmaṇaḥ |
kartāraṃ bhajate sopi na hyakartuḥ prabhurhisaḥ || 20 ||
[Analyze grammar]

na maṃtrauṣadhayaḥ sarve nābhicārā na laukikāḥ |
na karmāṇi na vedāśca na mīmāṃsādvayaṃ tathā || 21 ||
[Analyze grammar]

jñātumīśāḥ saṃbhavaṃti bhaktyājñeyastvananyayā |
śāṃtyā ca parayā tṛṣṭyā jñātavyo hi sadāśivaḥ || 22 ||
[Analyze grammar]

tena sarvaṃ saṃbhavaṃti sukhaduḥjhakhātmakaṃ jagat |
paraṃtu saṃvadiṣyāmi kāryākāryavivakṣayā || 23 ||
[Analyze grammar]

tvamiṃdra bāliśo bhūtvā lokapālaiḥ sahādya vai |
āgato bāliśo bhūtvā idānīṃ kiṃ kariṣyasi || 24 ||
[Analyze grammar]

ete rudrasahāyāśca gaṇāḥ paramaśobhanāḥ |
kupitāśca mahābhāgā na tu śeṣaṃ prakurvate || 25 ||
[Analyze grammar]

evaṃ bṛhaspatervākyaṃ śrutvā te'pi divaukasaḥ |
ciṃtāmāpedire sarve lokapālā maheśvarāḥ || 26 ||
[Analyze grammar]

tato'bravīdvīrabhadro gaṇaiḥ parivṛto bhṛśam |
sarve yūyaṃ bāliśatvādavadānārthamāgatāḥ || 27 ||
[Analyze grammar]

avadānāni dāsyāmi tṛptyarthaṃ bhavatāṃ tvaran |
evamuktvā śitairbāṇairjaghānātha ruṣānvitaḥ || 28 ||
[Analyze grammar]

tairbāṇairnihatāḥ sarve jagmuste ca diśo daśa || 29 ||
[Analyze grammar]

gateṣu lokapāleṣu vidruteṣu sureṣu ca |
yajñavāṭe samāyāto vīrabhadro gaṇānvataḥ || 30 ||
[Analyze grammar]

tadā ta ṛṣayaḥ sarve sarvameveśvareśvaram |
vijñaptukāmāḥ sahasā ūcurevaṃ janārdanam || 31 ||
[Analyze grammar]

rakṣa yajñaṃ hi dakṣasya yajñosi tvaṃ na saṃśayaḥ |
etacchrutvā tu vacanamṛṣīṇāṃ vai janārdanaḥ || 32 ||
[Analyze grammar]

yoddhukāmaḥ sthito yuddhe viṣṇuradhyātmadīpakaḥ |
vīrabhadro mahābāhuḥ keśavaṃ vākyamabravīt || 33 ||
[Analyze grammar]

atra tvayāgataṃ kasmādviṣṇo vettrā mahābalam |
dakṣasya pakṣamāśritya kathaṃ jeṣyasi tadvada || 34 ||
[Analyze grammar]

dākṣāyaṇyā kṛtaṃ yacca na dṛṣṭaṃ kiṃ tvayānagha |
tvaṃ cāpi yajñe dakṣasya avadānārthamāgataḥ |
avadānaṃ prayacchāmi tava cāpi mahābhūja || 35 ||
[Analyze grammar]

evamuktvā praṇamyādau viṣṇuṃ sadṛśarūpiṇam |
vīrabhadro'grato bhūtvā viṣṇuṃ vākyamathābravīt || 36 ||
[Analyze grammar]

yathā śaṃbhustathā tvaṃ hi mama nāstyatra saṃśayaḥ |
tathāpi tvaṃ mahābāho yoddhukāmo'grataḥ stitaḥ |
neṣyāmyapunarāvṛttiṃ yadi tiṣṭhestvamātmanā || 37 ||
[Analyze grammar]

tasya tadvacanaṃ śrutvā vīrabhadrasya dhīmataḥ |
uvāca prahasandevo viṣṇuḥ sarveśvareśvaraḥ || 38 ||
[Analyze grammar]

viṣṇuruvāca |
rudratejaḥprasūtosi pavitro'si mahāmate |
anena prārthitaḥ pūrvaṃ yajñārthaṃ ca punaḥ punaḥ || 39 ||
[Analyze grammar]

ahaṃ bhaktaparādhīnastathā so'pi maheśvaraḥ |
tenaiva kāraṇenātra dakṣasya yajanaṃ prati || 40 ||
[Analyze grammar]

āgato'haṃ vīrabhadra rudrakopasamudbhava |
ahaṃ nivārayāmi tvāṃ tvaṃ vā māṃ vinivāraya || 41 ||
[Analyze grammar]

ityuktavati goviṃde prahasya sa mahābhujaḥ |
praśrayāvanato bhūtvā idamāha janārdanam || 42 ||
[Analyze grammar]

yathā śivastathā tvaṃ hi yathā tvaṃ ca tathā śivaḥ |
sevakāśca vayaṃ sarve tava vā śaṃkarasya ca || 43 ||
[Analyze grammar]

tacchrutvā vacanaṃ tasya so'cyutaḥ saṃprahasya ca |
idaṃ viṣṇurmahāvākyaṃ jagāda parameśvaraḥ || 44 ||
[Analyze grammar]

yodhayasva mahābāho mayā sārdhamaśaṃkitaḥ |
tavāstraiḥ pūryamāṇo'haṃ gacchāmi bhavanaṃ svakam || 45 ||
[Analyze grammar]

tathetyuktvā tu vīro'sau vīrabhadro mahābalaḥ |
gṛhītvā paramāstrāṇi siṃhanādairjagarja ha || 46 ||
[Analyze grammar]

viṣṇuścāpi mahāghoṣaṃ śaṃkhanādaṃ cakāra saḥ |
tacchrutvā ye gatā devā raṇaṃ hitvā'yayuḥ punaḥ || 47 ||
[Analyze grammar]

vyūhaṃ cakrustadā sarve lokapālāḥ savāsavāḥ |
tadendreṇa hato naṃdīvajreṇa śataparvaṇā || 48 ||
[Analyze grammar]

naṃdīnā ca hataḥ śakrastriśūlena stanāṃtare |
vāyunā ca hato bhṛṃgī bhṛṃgiṇā vāyurāhataḥ || 49 ||
[Analyze grammar]

śūlena sitadhāreṇa saṃnaddho daṇḍadhāriṇā |
yamena saha saṃgrāmaṃ mahākālo balānvitaḥ || 50 ||
[Analyze grammar]

kubereṇa ca saṃgamya kūṣmāṃḍānāṃ patiḥ svayam |
varuṇena samaṃ yuddhaṃ muṃḍaścaiva mahābalaḥ || 51 ||
[Analyze grammar]

yuyudhe parayāśaktyā trailokyaṃ vismayanniva |
nairṛtena samāgamya caṃḍaścabalavattaraḥ || 52 ||
[Analyze grammar]

yuyudhe paramāstreṇa nairṛtyaṃ ca viḍaṃbayan |
yoginīcakrasaṃyukto bhairavo nāyako mahān || 53 ||
[Analyze grammar]

vidārya devānakhilānpapau śoṇitamadbutam |
kṣetrapālāstathā cānye bhūtapramathaguhyakāḥ || 54 ||
[Analyze grammar]

sākinī ḍākinī raudrā navadurgāstathaiva ca |
yoginyo yātudānyaśca tathā kūṣmāṃḍakādayaḥ |
neduḥ papuḥ śoṇitaṃ ca bubhujuḥ piśitaṃ bahu || 55 ||
[Analyze grammar]

bhakṣyamāṇaṃ tadā sainyaṃ vilokya surarāṭsvayam |
vihāya naṃdinaṃ paścādvīrabhadraṃ samākṣipat || 56 ||
[Analyze grammar]

vīrabhadro vihāyaiva viṣṇuṃ devendramāsthitaḥ |
tayoryuddhamabhūddhoraṃ budhāṃgārakayoriva || 57 ||
[Analyze grammar]

vīrabhadraṃ yadā śakro haṃtukāmastvarānvitaḥ |
tāvacchaṃkraṃ gajasthaṃ hi purayāmāsa mārgaṇaiḥ || 58 ||
[Analyze grammar]

vīrabhadro ruṣāviṣṭo durnivāryo mahābalaḥ |
tadedreṃṇāhataḥ śīghraṃ vajreṇa śataparvaṇā || 59 ||
[Analyze grammar]

sagajaṃ ca savajraṃ ca vāsavaṃ grastumudyutaḥ |
hāhākāro mahā nāsīdbhūtānāṃ tatra paśyatām || 60 ||
[Analyze grammar]

vīrabhadraṃ tatābhūtaṃ tathābhūtaṃ haṃtukāmaṃ puraṃdaram |
tavramāṇastadā viṣṇurvīrabhadrāgrataḥ sthitaḥ || 61 ||
[Analyze grammar]

śakraṃ ca pṛṣṭhataḥ kṛtvā yodhayāmāsa vai tadā |
vīrabhadrasya viṣṇośca yuddhaṃ paramabhūttadā || 62 ||
[Analyze grammar]

śastrāstrairvividhākārairyodhayāmāsatustadā |
punarnaṃdinamālokya śakro yuddha viśāradaḥ || 63 ||
[Analyze grammar]

dvaṃdvayuddhaṃ sutumulaṃ devānāṃ pramathaiḥ saha |
pramathā mathitā devaiḥ sarve te prādravanraṇāt || 64 ||
[Analyze grammar]

gaṇānparāṅmukhāndṛṣṭvā sarve te vyādhayo bhṛśam |
rudrakopātsamudbhūtā devāścāpi pradudruvuḥ || 65 ||
[Analyze grammar]

jvaraistu pīḍitāndevāndṛṣṭvā viṣṇurhasanniva |
jīvagrāheṇa jagrāha devāṃstāṃśca pṛthakpṛthak || 66 ||
[Analyze grammar]

devāścinau tadāhūya vyādhīnhaṃtuṃ tadā bhṛtim |
dadau tābhyāṃ prayatnena gaṇayitvā subuddhimān || 67 ||
[Analyze grammar]

jvarāṃśca sannipātāṃśca anye bhūtadruhastadā |
tānsarvānnigṛhītvātha aśvinau tau mudānvitau |
vijvarānatha devāṃśca kṛtvā mumudatuściram || 68 ||
[Analyze grammar]

tairjitaṃ yoginīcakraṃ bhairavaṃ vyākulīkṛtam |
tīkṣṇāgraiḥ pātayāmāsuḥ śarairbhūtagaṇānapi || 69 ||
[Analyze grammar]

surairvidrāvitaṃ sainyaṃ vilokya patitaṃ bhuvi |
vīrabhadro rupāviṣṭo viṣṇuṃ vacanamabravīt || 70 ||
[Analyze grammar]

tvaṃ śūrosi mahābāho devānāṃ pālako hyasi |
yudhyasva māṃ prayatnena yadi te matirīdṛśī || 71 ||
[Analyze grammar]

ityuktvā taṃ samāsādya viṣṇuṃ sarveśvareśvaram |
vavarṣa niśitairbāṇairvīrabhadro mahābalaḥ || 72 ||
[Analyze grammar]

tadā cakreṇa bhagavānvīrabhadraṃ jaghāna saḥ |
āyāṃtaṃ cakramālokya grasitaṃ tatkṣaṇācca tat || 73 ||
[Analyze grammar]

grasitaṃ cakramālokya viṣṇuḥ parapuraṃjayaḥ |
mukhaṃ tasya parāmṛjya viṣṇunodgilitaṃ punaḥ || 74 ||
[Analyze grammar]

svacakramādāya mahānubhāvo divaṃ gato'tho bhuvanaikabhartā |
jñātvā ca tatsarvamidaṃ ca viṣṇuḥ kṛtī kṛtaṃ duṣprasahaṃ pareṣām || 75 ||
[Analyze grammar]