Chapter 6

[English text for this chapter is available]

ṛṣaya ūcuḥ |
liṃge pratiṣṭhā ca kathaṃ śivaṃ hitvā pravartitā |
tatkathyatāṃ mahābhāga paraṃ śuśruṣatāṃ hi naḥ || 1 ||
[Analyze grammar]

lomaśa uvāca |
yadā dāruvane śaṃbhurbhikṣārthaṃ prācaratprabhuḥ || 2 ||
[Analyze grammar]

digaṃbaro muktajaṭākalāpo vedāṃtavedyo bhuvanaikabhartā |
sa īśvaro brahmakalāpadhāro yogīśvarāṇāṃ paramaḥ paraśca || 3 ||
[Analyze grammar]

aṇoraṇīyānmahato mahī yānmahānubhāvo bhuvanādhipo mahān |
sa īśvaro bhikṣurūpī mahātmā bhikṣāṭanaṃ dāruvane cakāra || 4 ||
[Analyze grammar]

madhyāhna ṛṣayo viprāstīrthaṃ jagmuḥ svakāśramāt |
tadānīmeva sarvāstā ṛṣībhāryāḥ samāgatāḥ || 5 ||
[Analyze grammar]

vilokayaṃtyaḥ śaṃbhuṃ tamācakhyuśca parasparam |
ko'sau bhikṣukarūpoyamāgato'pūrvadarśanaḥ || 6 ||
[Analyze grammar]

asmai bhikṣāṃ prayacchāmo vayaṃ ca sakhibhiḥ saha |
tatheti gatvā sarvāstā gṛhebhya ānayanmudā || 7 ||
[Analyze grammar]

bhikṣānnaṃ vividhaṃ ślakṣṇaṃ sopacāraṃ ca śaktitaḥ |
pradattaṃ bhikṣitaṃ tena devadevena śūlinā || 8 ||
[Analyze grammar]

kācitpriyatamaṃ śaṃbhuṃ babhāṣe vismayānvitā |
kosi tvaṃ bhikṣuko bhūtvā āgatotra mahāmate || 9 ||
[Analyze grammar]

ṛṣīṇāmāśramaṃ śuddhaṃ kimarthaṃ no niṣīdasi |
tayokto'pi tadā śaṃbhurbabhāṣe prahasanniva || 10 ||
[Analyze grammar]

īśvarohaṃ sukeśāṃte pāvanaṃ prāptavānimam |
īśvarasya vacaḥ śrutvā ṛṣibhāryā uvāca tam || 11 ||
[Analyze grammar]

īśvaro'si mahābhāga kailāsapatireva ca |
ekākinaḥ kathaṃ deva bhikṣārthamaṭanaṃ tava || 12 ||
[Analyze grammar]

evamuktastayā śaṃbhuḥ punastāmabravīdvacaḥ |
dākṣāyaṇyā virahito vicarāmi digaṃbaraḥ || 13 ||
[Analyze grammar]

bhikṣāṭanārthaṃ suśroṇi saṃkalparahitaḥ sadā |
tayā satyā vinā kiṃcitstrīmātraṃ mama bhāmini |
na rocate viśālākṣi satyaṃ prativadāmi te || 14 ||
[Analyze grammar]

tasyoktaṃ vacanaṃ śrutvā uvāca kamalekṣaṇā |
striyo hi sukhasaṃsparśāḥ puruṣasya na saṃśayaḥ || 15 ||
[Analyze grammar]

tāsstriyo varjitāḥ śaṃbho tvādṛśena vipaścitā || 16 ||
[Analyze grammar]

iti ca pramadāḥ sarvā militā yatra śaṃkaraḥ |
bhikṣāpātraṃ ca tacchaṃbhoḥ pūritaṃ ca mahāguṇaiḥ || 17 ||
[Analyze grammar]

annaiścaturvidhaiḥ ṣaḍbhī rasaiśca paripūritam |
yadā saṃbhurgaṃtukāmaḥ kailāsaṃ parvataṃ prati |
tadā sarvā viprapatnyo hyangacchanmudānvitāḥ || 18 ||
[Analyze grammar]

gṛhakāryaṃ parityajya cerustadgatamānasāḥ |
gatāsu tāsu sarvāsu patnīṣu ṛṣisattamāḥ || 19 ||
[Analyze grammar]

yāvadāśramamabhyetya tāvacchūnyaṃ vyalokayan |
parasparamathocuste patnyaḥ sarvāḥ kuto gatāḥ || 20 ||
[Analyze grammar]

na vidāmo'tha vai sarvāḥ kena naṣṭena cāhṛtāḥ |
evaṃ vimṛśyamānāste vicinvaṃtastatastataḥ || 21 ||
[Analyze grammar]

samapaśyaṃstataḥ sarve śivasyānugatāśca tāḥ |
śivaṃ dṛṣṭvā tu saṃprāptā ṛṣayaste ruṣānvitāḥ || 22 ||
[Analyze grammar]

śivasyāthāgrato bhūtvā ūcuḥ sarve tvarānvitāḥ |
kiṃ kṛtaṃ hi tvayā śaṃbho viraktena mahātmanā |
paradārāpaharttāsi tvamṛṣīṇāṃ na saṃśayaḥ || 23 ||
[Analyze grammar]

evaṃ kṣiptaḥ śivo maunī gacchamāno'pi parvatam |
tadā sa ṛṣibhiḥ prāpto mahādevo'vyayastathā |
yasmātkalatrahartā tvaṃ tasmātṣaṃḍho bhava tvaram || 24 ||
[Analyze grammar]

evaṃ śaptaḥ sa munibhirliṃgaṃ tasyāpatadbhuvi |
bhūmiprāptaṃ ca talliṃgaṃ vavṛdhe tarasā mahat || 25 ||
[Analyze grammar]

āvṛtya sapta pātālānkṣaṇālliṃgamadordhvataḥ |
vyāpya pṛthvīṃ samagrāṃ ca aṃtarikṣaṃ samāvṛṇot || 26 ||
[Analyze grammar]

svargāḥ samāvṛtāḥ sarve svargātītamathābhavat |
na mahī na ca dikcakraṃ na toyaṃ na ca pāvakaḥ || 27 ||
[Analyze grammar]

na ca vāyurna vākāśaṃ nāhaṃkāro na vā mahat |
na cāvyaktaṃ na kālaśca na mahāprakṛtistathā || 28 ||
[Analyze grammar]

nāsīddvavaitavibhāgaṃ ca sarvaṃ līnaṃ ca tatkṣaṇāt |
yasmāllīnaṃ jagatsarvaṃ tasmiṃllige mahātmanaḥ || 29 ||
[Analyze grammar]

layanālliṃgamityevaṃ pravadaṃti manīṣiṇaḥ |
tathābhūtaṃ varddhamānaṃ dṛṣṭvā te'pi surarṣayaḥ || 30 ||
[Analyze grammar]

brahmeṃdraviṣṇuvāyyagnilokapālāḥ sapannagāḥ |
vismayāviṣṭamanasaḥ parasparamathābruvan || 31 ||
[Analyze grammar]

kimāyāmaṃ ca vistāraṃ kva cāṃtaḥ kva ca pīṭhikā |
iti ciṃtānvitā viṣṇumūcuḥ sarve surāstadā || 32 ||
[Analyze grammar]

devā ūcuḥ |
asya mūlaṃ tvayā viṣṇo padmodbhava ca mastakam |
yuvābhyāṃ ca vilokyaṃ syātsthāne syātparipālakau || 33 ||
[Analyze grammar]

śrutvā tu tau mahābhāgau vaikuṃṭhakamalodbhavau |
viṣṇurgato hi pātālaṃ brahmā sarvargaṃ jagāma ha || 34 ||
[Analyze grammar]

svargaṃ gatastadā brahmā avalokanatatparaḥ |
nāpasyattatra liṃgasya mastakaṃ ca vicakṣamaḥ || 35 ||
[Analyze grammar]

tathā gatena mārgeṇa pratyāvṛttyābjasaṃbhavaḥ |
merupṛṣṭhamanuprāptaḥ surabhyā lakṣitastataḥ || 36 ||
[Analyze grammar]

sthitā yā ketakīcchāyāmuvāca madhuraṃ vacaḥ |
tasyā vacanamākarṇya sarvalokapitāmahaḥ |
uvāca prahasanvākyaṃ chaloktyā surabhiṃ prati || 37 ||
[Analyze grammar]

liṃgaṃ mahādbhutaṃ dṛṣṭaṃ yenavyāptaṃ jagattrayam |
darśanārthaṃ ca tasyāṃtaṃ devaiḥ saṃpreṣitosmayaham || 38 ||
[Analyze grammar]

na dṛṣṭaṃ mastakaṃ tasya vyāpakasya mahātmanaḥ |
kiṃ vakṣye'haṃ ca devāgre ciṃtā me cāti vartate || 39 ||
[Analyze grammar]

liṃgasya mastakaṃ dṛṣṭaṃ devānāṃ ca mṛṣā vadeḥ |
te sarve yadi vakṣyaṃti iṃdrādyā devatāgaṇāḥ || 40 ||
[Analyze grammar]

te saṃti sākṣimo devā asminnarthe vadatvaram |
arthe'sminbhava sākṣī tvaṃ ketakyā saha suvrate || 41 ||
[Analyze grammar]

tadvacaḥ śirasā gṛhya brahmaṇaḥ parameṣṭhinaḥ |
ketakīsahitā tatra surabhī tadamānayat || 42 ||
[Analyze grammar]

evaṃ samāgato brahma devāgre samuvāca ha || 43 ||
[Analyze grammar]

brahmovāca |
liṃgasya mastakaṃ devā dṛṣṭavānahamadbhutam |
samīcīnaṃ cārtitaṃ ca ketakīdala saṃyutam || 44 ||
[Analyze grammar]

viśālaṃ vimalaṃ ślakṣṇaṃ prasannataramadbhutam |
ramyaṃ ca ramaṇīyaṃ ca darśanīyaṃ mahāprabham || 45 ||
[Analyze grammar]

etādṛśaṃ mayā dṛṣṭaṃ na dṛṣṭaṃ tadvinākvacit |
brahmaṇo hi vacaḥ śrutvā surā vismayamāyayuḥ || 46 ||
[Analyze grammar]

evaṃ vismayapūrṇāste iṃdrādyā devatāgaṇāḥ |
tiṣṭhaṃti tāvatsarveśo viṣṇuradhyātmadīpakaḥ || 47 ||
[Analyze grammar]

pātālādāgataḥ sadyaḥ sarveṣāmavadattvaram |
tasyāpyaṃto na dṛṣṭo me hyavalokanatatparaḥ || 48 ||
[Analyze grammar]

vismayo me mahāñjātaḥ pātālātparataścaran |
atalaṃ sutalaṃ cāpi nitalaṃ ca rasātalam || 49 ||
[Analyze grammar]

tathā gatastalaṃ caiva pātālaṃ ca tathātalam |
talātalāni tānyenaṃ śūnyavadyadvibhāvyate || 50 ||
[Analyze grammar]

śūnyādapi ca śūnyaṃ ca tatsarvaṃ sunirīkṣitam |
na mūlaṃ ca na madhyaṃ ca na cāṃto hyasya vidyate || 51 ||
[Analyze grammar]

liṃgarūpī mahādevo yenedaṃ dhāryate jagat |
yasya prasādādutpannā yūyaṃ ca ṛṣayastathā || 52 ||
[Analyze grammar]

śrutvā surāśca ṛṣayastasya vākyamapūjayan |
tadā viṣṇuruvācedaṃ brahmāṇaṃ prahasanniva || 53 ||
[Analyze grammar]

dṛṣṭaṃ hi cettvayā brahmanmastakaṃ paramārthataḥ |
sākṣiṇaḥ ke tvayā tatra asminnarthe prakalpitāḥ || 54 ||
[Analyze grammar]

ākarṇya vacanaṃ viṣṇorbrahmā lokapitāmahaḥ |
uvāca tvaritenaiva ketakī surabhīti ca || 55 ||
[Analyze grammar]

te devā mama sākṣitve jānīhi paramārthataḥ |
brahmaṇo hi vacaḥ śrutvā sarve devāstvarānvitāḥ || 56 ||
[Analyze grammar]

āhvānaṃ cakrire tasyāḥ surabhyāśca tayā saha |
āgate tatkṣamādeva kāryārthaṃ brahmaṇastadā || 57 ||
[Analyze grammar]

iṃdrādyaiśca tadā devairuktā ca surabhī tataḥ |
uvāca ketakīsārddhaṃ dṛṣṭo vai brahmaṇā surāḥ || 58 ||
[Analyze grammar]

liṃgasya mastako devāḥ ketakīdalapūjitaḥ |
tadā nabhogatā vāṇī sarveṣāṃ śrṛṇvatāmabhūt || 59 ||
[Analyze grammar]

surabhyā caiva yatproktaṃ ketakyā ca tathā surāḥ |
tanmṛṣoktaṃ ca jānīdhvaṃ na dṛṣṭo hyasya mastakaḥ || 60 ||
[Analyze grammar]

tadā sarve'tha vibudhāḥ seṃdrā vai viṣṇunā saha |
śepuśca surabhīṃ roṣānmṛṣāvādanatatparām || 61 ||
[Analyze grammar]

mukhenoktaṃ tvayādyaivamanṛtaṃ ca tathā śubhe |
apavitraṃ mukhaṃ te'stu sarvadharmabahiṣkṛtam || 62 ||
[Analyze grammar]

sugaṃdhaketakī cāpi ayogyā tvaṃ śivārcane |
bhaviṣyasi na saṃdeho anṛtā caiva bhāmini || 63 ||
[Analyze grammar]

tadā nabho gatā vāṇī brahmaṇaṃ ca śaśāpa vai |
mṛṣoktaṃ ca tvayā maṃda kimarthaṃ bāliśena hi || 64 ||
[Analyze grammar]

bhṛguṇā ṛṣibhiḥ sākaṃ tathaiva ca purodhasā |
tasmādyuyaṃ na pūjyāśca bhaveyuḥ kleśabhāginaḥ || 65 ||
[Analyze grammar]

ṛṣayo'pi ca dharmiṣṭhāstattvavākyabahiṣkṛtāḥ |
vivādaniratā mūḍhā atattvajñāḥ samatsarāḥ || 66 ||
[Analyze grammar]

yācakāścāvadānyāśca nityaṃ svajñānaghātakāḥ |
ātmasaṃbhāvitāḥ stabdhāḥ parasparaviniṃdakāḥ || 67 ||
[Analyze grammar]

evaṃ śaptāśca munayo brahmādyā devatāstathā |
śivena śaptāste sarve liṃgaṃ śaraṇamāyayuḥ || 68 ||
[Analyze grammar]