Chapter 7

[English text for this chapter is available]

īśvara uvāca |
svavāme caturasraṃ tu maṇḍalaṃ parikalpayet |
omityabhyarcya tasmiṃstu śaṃkhamastropaśobhitam || 1 ||
[Analyze grammar]

sthāpya sādhārakaṃ taṃ tu praṇavenārcayettataḥ |
āpūryya śuddhatoyena candanādisugaṃdhinā || 2 ||
[Analyze grammar]

abhyarcya gandhapuṣpādyaiḥ praṇavena ca saptadhā |
abhimaṃtrya tatastasmindhenumudrāṃ pradarśayet || 3 ||
[Analyze grammar]

śaṃkhamudrāṃ ca purataścaturasraṃ prakalpayet |
tadantarerddhacandraṃ ca trikoṇaṃ ca tadantare || 4 ||
[Analyze grammar]

ṣaṭkoṇaṃ vṛttamevedaṃ maṇḍalaṃ parikalpayet |
abhyarcya gaṃdhapuṣpādyaiḥ praṇavenātha madhyataḥ || 5 ||
[Analyze grammar]

sādhāramarghyapātraṃ ca sthāpya gaṃdhādinārcayet |
āpūryya śuddhatoyena tasminpātre viniḥkṣipet || 6 ||
[Analyze grammar]

kuśāgrāṇyakṣatāścaiva yavavrīhitilānapi |
ājyasiddhārtha puṣpāṇi bhasitaṃ ca varānane || 7 ||
[Analyze grammar]

sadyojātādibhirmaṃtraiḥ ṣaḍaṃgaiḥ praṇavena ca |
abhyarcya gaṃdhapuṣpādyairabhimaṃtrya ca varmaṇā || 8 ||
[Analyze grammar]

avaguṃṇṭhyāstramaṃtreṇa saṃrakṣārthaṃ pradarśayet |
dhenumudrāṃ ca tenaiva prokṣayedastramaṃtrataḥ || 9 ||
[Analyze grammar]

svātmānaṃ gaṃdhapuṣpādipūjopakaraṇānyapi |
padmasyeśānadikpadmaṃ praṇavoccārapūrvakam || 10 ||
[Analyze grammar]

gurvāsanāya nama ityāsanaṃ parikalpayet |
gurormūrtiṃ ca tatraiva kalpa yedupadeśataḥ || 11 ||
[Analyze grammar]

praṇavaṃ guṃ gurubhyonte namaḥ procyāpi deśikam |
samāvāhya tato dhyāyeddakṣiṇābhimukhaṃ sthitam || 12 ||
[Analyze grammar]

suprasannamukhaṃ saumyaṃ śuddhasphaṭikanirmalam |
varadābhayahastaṃ ca dvinetraṃ śivavigraham || 13 ||
[Analyze grammar]

evaṃ dhyātvā yajedgandhapuṣpādibhiranukramāt |
padmasya nairṛte padme gaṇapatyāsanopari || 14 ||
[Analyze grammar]

mūrtimprakalpya tatraiva gaṇānāṃ tveti maṃtrataḥ |
samāvāhya tato devaṃ dhyāyedekā gramānasaḥ || 15 ||
[Analyze grammar]

raktavarṇaṃ mahākāyaṃ sarvābharaṇabhūṣitam |
pāśāṃkuśeṣṭadaśanāndadhānaṅkarapaṅkajaiḥ || 16 ||
[Analyze grammar]

gajānanamprabhuṃ sarvavighnaughaghnamupāsituḥ |
evandhyātvā yajedgandhapuṣpādyairupacārakaiḥ || 17 ||
[Analyze grammar]

kadalīnārikelāmraphalalaḍḍukapūrvakam |
naivedyaṃ ca samarpyātha namaskuryādgajānanam || 18 ||
[Analyze grammar]

padmasya vāyudikpadme saṃkalpya skāndamāsanam |
skandamūrtimprakalpyātha skandamāvāhayedbudhaḥ || 19 ||
[Analyze grammar]

uccāryya skandagāyatrīṃ dhyāyedatha kumārakam |
udyadādityasaṃkāśaṃ mayūravaravāhanam || 20 ||
[Analyze grammar]

caturbhujamudārāṅgaṃ mukuṭādivibhūṣitam |
varadābhayahastaṃ ca śaktikukkuṭadhāriṇam || 21 ||
[Analyze grammar]

evandhyātvā'tha gaṃdhādyairupacārairanukramāt |
saṃpūjya pūrvadvārasya dakṣaśākhāmupāśritam || 22 ||
[Analyze grammar]

antaḥpurādhipaṃ sākṣānnandinaṃ samyagarcayet |
cāmīkarācalaprakhyaṃ sarvābharaṇabhūṣitam || 23 ||
[Analyze grammar]

bālendumukuṭaṃ saumyaṃ trinetraṃ ca caturbhujam |
dīptaśūlamṛgīṭaṃkahemavetradharaṃ vibhum || 24 ||
[Analyze grammar]

candrabimbābhavadanaṃ harivaktramathāpi vā |
uttarasyāntathā tasya bhāryāṃ ca marutāṃ sutām || 25 ||
[Analyze grammar]

suyaśāṃ suvratāmambāpādamaṇḍanatatparām |
saṃpūjya vidhivadgandhapuṣpādyairupacārakaiḥ || 26 ||
[Analyze grammar]

tatassaṃprokṣayetpadmaṃ sāstraśaṃ khodabindubhiḥ |
kalpayedāsanaṃ paścādādhārādi yathākramāt || 27 ||
[Analyze grammar]

ādhāraśaktiṃ kalyāṇīṃ śyāmāṃ dhyāyedadho bhuvi |
tasyāḥ purastādutkaṃṭhamanantaṃ kuṃḍalākṛtim || 28 ||
[Analyze grammar]

dhavalaṃ paṃcaphaṇinaṃ lelihānamivāmbaram |
tasyoparyāsanaṃ bhadraṃ kaṃṭhīravacatuṣpadam || 29 ||
[Analyze grammar]

dharmo jñānaṃ ca vairāgyamaiśvaryaṃ ca padāni vai |
āgneyādiśvetapītaraktaśyāmāni varṇataḥ || 30 ||
[Analyze grammar]

adharmādīni pūrvādīnyuttarāṃ tānyanukramāt |
rājāvartamaṇiprakhyānyasya gātrāṇi bhāvayet || 31 ||
[Analyze grammar]

adhorddhvacchadanaṃ paścātkaṃdaṃ nālaṃ ca kaṇṭakān |
dalādikaṃ karṇikāñca vibhāvya kramaśo'rcayet || 32 ||
[Analyze grammar]

daleṣu siddhayaścāṣṭau kesareṣu ca śaktikāḥ |
rudrā vāmādayastvaṣṭau pūrvādiparitaḥ kramāt || 33 ||
[Analyze grammar]

karṇikāyāṃ ca vairāgyaṃ bījeṣu nava śaktayaḥ |
vāmādyā eva pūrvādi tadantaśca manonmanī || 34 ||
[Analyze grammar]

kande śivātmako dharmo nāle jñānaṃ śivāśrayam |
karṇikopari vāhneyaṃ maṃḍalaṃ sauramaindavam || 35 ||
[Analyze grammar]

ātmavidyā śivākhyaṃ ca tattvatrayamataḥ param |
sarvāsanopari sukhaṃ vicitrakusumojjvalam || 36 ||
[Analyze grammar]

paravyomāvakāśākhyaṃ vidyayātīva bhāsvaram |
parikalpyāsanaṃ mūrtteḥ puṣpavinyāsa pūrvakam || 37 ||
[Analyze grammar]

ādhāraśaktimārabhya śuddhavidyāsanāvadhi |
oṃkārādicaturthyaṃtaṃ nāmamantraṃ namontakam || 38 ||
[Analyze grammar]

uccārya pūjayedvidvānsarvatraivaṃ vidhikramaḥ |
aṅgavaktrakalābhedātpaṃcabrahmāṇi pūrvavat || 39 ||
[Analyze grammar]

vinyasetkramaśo mūrttau tattanmudrāvicakṣaṇaḥ |
āvāhayettato devaṃ puṣpāñjalipuṭasthitaḥ || 40 ||
[Analyze grammar]

sadyojātamprapadyāmītyārabhyomantamuccaran |
ādhārotthitanādaṃ tu dvādaśagrandhibhedataḥ || 41 ||
[Analyze grammar]

brahmarandhāṃtamuccārya dhyāyedoṃkāragocaram |
śuddhasphaṭikasaṃkāśaṃ devaṃ niṣkalamakṣaram || 42 ||
[Analyze grammar]

kāraṇaṃ sarvalokānāṃ sarvalokamayaṃ param |
antarbahiḥ sthitaṃ vyāpya hyaṇoralpaṃ mahattamam || 43 ||
[Analyze grammar]

bhaktānāmaprayatnena dṛśyamīśvaramavyayam |
brahmendraviṣṇurudrādyairapi devairagocaram || 44 ||
[Analyze grammar]

vedasārañca vidvadbhiragocaramiti śrutam |
āvirmadhyāntarahitaṃ bheṣajaṃ bhavarogiṇām || 45 ||
[Analyze grammar]

samāhitena manasā dhyātvaivaṃ parameśvaram |
āvāhanaṃ sthāpanaṃ ca sannirodhaṃ nirīkṣaṇam || 46 ||
[Analyze grammar]

namaskāraṃ ca kurvīta badhvā mudrāḥ pṛthakpṛthak |
dhyāyetsadāśivaṃ sākṣāddevaṃ sakalaniṣkalam || 47 ||
[Analyze grammar]

śuddhasphaṭikasaṃkāśaṃ prasannaṃ śītaladyutim |
vidyudvalayasaṃkāśaṃ jaṭāmukuṭabhūṣitam || 48 ||
[Analyze grammar]

śārdūlacarmavasanaṃ kiṃcitsmitamukhāmbujam |
raktapadmadalaprakhyapāṇipādatalādharam || 49 ||
[Analyze grammar]

sarvalakṣaṇasampannaṃ sarvābharaṇabhūṣitam |
divyā yudhakarairyuktaṃ divyagandhānulepanam || 50 ||
[Analyze grammar]

pañcavaktrandaśabhujañcandrakhaṇḍaśikhāmaṇim |
asya pūrvamukhaṃ saumyaṃ bālārkasadṛśaprabham || 51 ||
[Analyze grammar]

trilocanāravindāḍhyaṃ bālendukṛtaśekharam |
dakṣiṇaṃ nīlajīmūtasamānaruciraprabham || 52 ||
[Analyze grammar]

bhrukuṭīkuṭilaṃ ghoraṃ raktavṛttatrilocanam |
daṃṣṭrā karālaṃ duṣprekṣyaṃ sphuritādharapallavam || 53 ||
[Analyze grammar]

uttaraṃ vidrumaprakhyaṃ nīlālakavibhūṣitam |
sadvilāsantrinayanaṃ candrārddhakṛtaśekharam || 54 ||
[Analyze grammar]

paścimampūrṇacandrābhaṃ locanatritayojjvalam |
candralekhādharaṃ saumyaṃ mandasmitamanoharam || 55 ||
[Analyze grammar]

pañcamaṃ sphaṭikaprakhyamindurekhāsamujjvalam |
atīvasaumyamutphullalocanatritayojjvalam || 56 ||
[Analyze grammar]

dakṣiṇe śūlaparaśuvajrakhaḍgānalojjvalam || 57 ||
[Analyze grammar]

pūrvve pinākanārācaghaṇṭā pāśāṃkuśojjvalam |
nivṛttyājānuparyyaṃtamānābhi ca pratiṣṭhayā || 58 ||
[Analyze grammar]

ākaṇṭhaṃ vidyayā tadvadālalāṭaṃ tu śāntayā |
tadūrdhvaṃ śāntyatītākhyakalayā parayā tathā || 59 ||
[Analyze grammar]

pañcādhvavyāpinaṃ tasmātkalāpañcakavigraham |
īśānamukuṭaṃ devampuruṣākhyampurātanam || 60 ||
[Analyze grammar]

aghorahṛdayaṃ tadvadvāmaguhyaṃ maheśvaram |
sadyojātaṃ ca tanmūrtimaṣṭatriṃśatkalāmayam || 61 ||
[Analyze grammar]

mātṛkāmayamīśānampañcabrahmamayantathā |
oṃkārākhyamayaṃ caiva haṃsanyāsamayantathā || 62 ||
[Analyze grammar]

pañcākṣaramayandevaṃ ṣaḍakṣaramayantathā |
aṅgaṣaṭkamayañcaiva jātiṣaṭkasamanvitam || 63 ||
[Analyze grammar]

evandhyātvātha madvāmabhāge tvāṃ ca manonmanīm |
gaurī mimāya mantreṇa praṇavādyena bhaktitaḥ || 64 ||
[Analyze grammar]

āvāhya pūrvavatkuryānnamaskārāṃtamī śvari |
dhyāyettatastvāṃ deveśi samāhitamanā muniḥ || 65 ||
[Analyze grammar]

praphullotpalapatrābhāṃ vistīrṇāyatalocanām |
pūrṇacandrābhavadanānnīla kuṃcitamūrddhajām || 66 ||
[Analyze grammar]

nīlotpaladalaprakhyāñcandrārdhakṛtaśekharām |
ativṛttaghanottuṃgasnigdhapīnapayodharām || 67 ||
[Analyze grammar]

tanumadhyāmpṛthuśroṇīmpītasūkṣmatarāmbarām |
sarvābharaṇasampannāṃ lalāṭatilakojjvalām || 68 ||
[Analyze grammar]

vicitrapuṣpasaṃkīrṇakeśapāśopaśobhitām |
sarvato'nuguṇākārāṃ kiṃcillajjānatānanām || 69 ||
[Analyze grammar]

hemāravindaṃ vilasaddadhānāṃ dakṣiṇe kare |
caṇḍavaccāmaraṃ hastaṃ nyasyāsīnāṃ sukhāsane || 70 ||
[Analyze grammar]

evammāntvāṃ ca deveśi dhyātvā niyatamānasaḥ |
snāpayecchaṃkhatoyena praṇavaprokṣaṇakramāt || 71 ||
[Analyze grammar]

bhave bhave nātibhava iti pādyamprakalpayet |
vāmāya nama ityuktvā dadyādācamanīyakam || 72 ||
[Analyze grammar]

jyeṣṭhāya nama ityuktvā śubhravastramprakalpayet |
śreṣṭhāya nama ityuktvā dadyādyajñopavītakam || 73 ||
[Analyze grammar]

rudrāya nama ityuktvā punarācamanīyakam |
kālāya nama ityuktvā gandhandadyātsusaṃskṛtam || 74 ||
[Analyze grammar]

kalāvikaraṇāya namo'kṣataṃ ca parikalpayet |
balavikaraṇāya nama iti puṣpāṇi dāpayet || 75 ||
[Analyze grammar]

balāya nama ityuktvā dhūpandadyātpra yatnataḥ |
balapramathanāyeti sudīpaṃ caiva dāpayet || 76 ||
[Analyze grammar]

brahmabhiśca ṣaḍaṃgaiśca tato mātṛkayā saha |
praṇavena śivenaiva śaktiyuktena ca kramāt || 77 ||
[Analyze grammar]

mudrāḥ pradarśayenmahyantubhyañca varavarṇini |
mayi prakalpayetpūrvamupacārāṃstatastvayi || 78 ||
[Analyze grammar]

yadā tvayi prakurvīta strīliṃgaṃ yojayettadā |
iyāneva hi bhedo'sti nānyaḥ pārvati kaścana || 79 ||
[Analyze grammar]

evandhyānampūjanaṃ ca kṛtvā samyagvidhānataḥ |
mamāvaraṇapūjāṃ ca prārabheta vicakṣaṇaḥ || 80 ||
[Analyze grammar]

iti śrīśivamahāpurāṇe ṣaṣṭhyāṃ kailāśasaṃhitāyāṃ śivadhyānapūjanavarṇanaṃ nāma saptamo'dhyāyaḥ || 7 ||
[Analyze grammar]