Chapter 6

[English text for this chapter is available]

||īśvara uvāca |
dakṣiṇe maṃḍalasyātha vaiyāghraṃ carmaśobhanam |
āstīryya śuddhatoyena prokṣayedastramaṃtrataḥ || 1 ||
[Analyze grammar]

praṇavaṃ pūrvamuddhṛtya paścādādhāra muddharet |
tatpaścācchaktikamalaṃ caturthyaṃtaṃ namontakam || 2 ||
[Analyze grammar]

manumevaṃ samuccārya sthitvā tasminnudaṅmukhaḥ |
prāṇānāyamya vidhivatpra ṇavoccārapūrvakam || 3 ||
[Analyze grammar]

agnirityādibhirmaṃtrairbhasma saṃdhārayettataḥ |
śirasi śrīguruṃ natvā maṇḍalaṃ racayetpunaḥ || 4 ||
[Analyze grammar]

trikoṇavṛttaṃ bāhye tu caturasrātmakaṃ kramāt |
abhyarcyomiti sādhāraṃ sthāpya śaṃkhaṃ samarcayet || 5 ||
[Analyze grammar]

āpūrya śuddhatoyena praṇavena sugaṃdhinā |
abhyarcya gaṃdhapuṣpādyaiḥ praṇavena ca saptadhā || 6 ||
[Analyze grammar]

abhimaṃtrya tatastasmindhenumudrāṃ pradarśayeta |
śaṃkhamudrāṃ ca tenaiva prokṣayedastramaṃtrataḥ || 7 ||
[Analyze grammar]

ātmānaṃ gaṃdhapuṣpādipūjopakaraṇāni ca |
prāṇāyāmatrayaṃ kṛtvā ṛṣyādikamathācaret || 8 ||
[Analyze grammar]

asya śrīsauramaṃtrasya devabhāga ṛṣistataḥ |
chando gāyatramityuktaṃ devassūryo maheśvaraḥ || 9 ||
[Analyze grammar]

devatā syātṣaḍaṃgāni hrāmityādīni vinyaset |
tatassaṃprokṣayetpadmamastreṇāgneragocaram || 10 ||
[Analyze grammar]

tasminsamarcayedvidvān prabhūtāṃ vimalāmapi |
sārāṃ cātha samārādhya pūrvādiparataḥ kramāt || 11 ||
[Analyze grammar]

atha kālāgnirudraṃ ca śaktimādhārasaṃjñitām |
anantaṃ pṛthivīṃ caiva ratnadvīpaṃ tathaiva ca || 12 ||
[Analyze grammar]

saṃkalpavṛkṣodyānaṃ ca gṛhaṃ maṇimayaṃ tataḥ |
raktapīṭhaṃ ca saṃpūjya pādeṣu prāgupakramāt || 13 ||
[Analyze grammar]

dharmaṃ jñānaṃ ca vairāgyamaiśvaryaṃ ca catuṣṭayam |
adharmādyagnikoṇādikoṇeṣu ca samarcayet || 14 ||
[Analyze grammar]

māyādhaśchadanaṃ paścādvidyordhvacchadanaṃ tataḥ |
sattvaṃ rajastamaścaiva samabhyarcya yathākramam || 15 ||
[Analyze grammar]

pūrvādidikṣu madhye ca dīptāṃ sūkṣmāṃ jayāmapi |
bhadrāṃ vibhūti vimalāmamoghāṃ vaidyutāmapi || 16 ||
[Analyze grammar]

sarvatomukhasaṃjñāṃ ca kandanālaṃ tathaiva ca |
suṣiraṃ ca tatastaṃ tu kaṃṭakāṃstadanaṃtaram || 17 ||
[Analyze grammar]

mūlacchadanakiṃjalkaprakāśasakalātmanaḥ |
paṃcagraṃthikarṇikāṃ ca dalāni tadanaṃtaram || 18 ||
[Analyze grammar]

keśarānbrahmaviṣṇū ca rudramātmānameva ca |
antarātmānamapi ca jñānātmaparamātmani || 19 ||
[Analyze grammar]

sampūjya paścātsaurākhyaṃ yogapīṭhaṃ samarcayet |
pīṭhopari samākalpya mūrttiṃ mūlena mūlavit || 20 ||
[Analyze grammar]

niruddhaprāṇa āsīno mūlenaiva svamūlataḥ |
śaktimutthāpya tattejaḥ prabhāvātpiṃgalādhvanā || 21 ||
[Analyze grammar]

puṣpāṃjalau nirgamayya maṇḍalasthasya bhāsvataḥ |
sindūrāruṇadehasya vāmārddhadayitasya ca || 22 ||
[Analyze grammar]

akṣasrakpāśakhaṭvāṃgakapālāṃkuśapaṃkajam |
śaṃkhaṃ cakraṃ dadhānasya caturvaktrasya locanaiḥ || 23 ||
[Analyze grammar]

rājitasya dvādaśabhistasya hṛtpaṃkajodare |
praṇavaṃ pūrvamuddhṛtya hrāṃhrīṃsastadanantaram || 24 ||
[Analyze grammar]

prakāśaśaktisahitaṃ mārtaṇḍaṃ ca tataḥ param |
āvāhayāmi nama ityāvāhyā vāhanākhyayā || 25 ||
[Analyze grammar]

mudrayā sthāpanādyāśca mudrāssaṃdarśayettataḥ |
vinyasyāṃgāni hrāṃ hrīṃ hrūmaṃtena manunā tataḥ || 26 ||
[Analyze grammar]

paṃcopacārānsaṃkalpya mūlenābhyarcayettridhā |
keśareṣu ca padmasya ṣaḍaṃgāni maheśvari || 27 ||
[Analyze grammar]

vahnīśarakṣovāyūnāṃ paritaḥ kramataḥ sudhīḥ |
dvitīyāvaraṇe pūjyāścatasro mūrtayaḥ kramāt || 28 ||
[Analyze grammar]

pūrvādyuttaraparyaṃtaṃ dalamūleṣu pārvati |
ādityo bhāskaro bhānū raviścetyanupūrvaśaḥ || 29 ||
[Analyze grammar]

arko brahmā tathā rudro viṣṇuśceti punaḥ priye |
īśānādiṣu saṃpūjyāstṛtīyāvaraṇe punaḥ || 30 ||
[Analyze grammar]

somaṃ kujaṃ budhaṃ jīvaṃ kaviṃ maṃdaṃ tama stamaḥ |
samaṃtato yajedetānpūrvādidalamadhyataḥ || 31 ||
[Analyze grammar]

athavā dvādaśādityāndvitīyāvaraṇe yajeta |
tṛtīyāvaraṇe caiva rāśīrdvādaśa pūjayet || 32 ||
[Analyze grammar]

saptasāgaragaṃgāśca bahirasya samaṃtataḥ |
ṛṣīndevāṃśca gaṃdharvānpannagānapsarogaṇān || 33 ||
[Analyze grammar]

grāmaṇyaśca tathā yakṣānyātudhānāṃstathā hayān |
saptacchandomayāṃścaiva vālakhilyāṃśca pūjayet || 34 ||
[Analyze grammar]

evaṃ tryāvaraṇaṃ devaṃ samabhyarcya divākaram |
viracya maṃḍalaṃ paścāccaturasraṃ samāhitaḥ || 35 ||
[Analyze grammar]

sthāpya sādhārakaṃ tāmrapātraṃ prasthodavistṛtam |
pūrayitvā jalaiḥ śuddhairvāsitaiḥ kusumādibhiḥ || 36 ||
[Analyze grammar]

abhyarcya gaṃdhapuṣpādyairjānubhyāmavanīṃ gataḥ |
arghyapātraṃ samādāya bhūmadhyāntaṃ samuddharet || 37 ||
[Analyze grammar]

tato brūyādimaṃ maṃtraṃ sāvitraṃ sarvasiddhidam |
śṛṇu tacca mahādevi bhaktimuktipradaṃ sadā || 38 ||
[Analyze grammar]

sindūravarṇāya sumaṇḍalāya namo'stu vajrābharaṇāya tubhyam |
padmābhanetrāya supaṃkajāya brahmendranārāyaṇakāraṇāya || 39 ||
[Analyze grammar]

saraktacūrṇaṃ sasuvarṇatoyaṃ srakkuṃkumāḍhyaṃ sakuśaṃ sapuṣpam |
pradattamādāya sahemapātraṃ praśastamarghyaṃ bhagavanprasīda || 40 ||
[Analyze grammar]

evamuktvā tato dattvā tadarthaṃ sūryamūrttaye |
namaskuryādimaṃ maṃtraṃ paṭhitvā susamāhitaḥ || 41 ||
[Analyze grammar]

namaśśivāya sāmbāya sagaṇāyādihetave |
rudrāya viṣṇave tubhyaṃ brahmaṇe ca trimūrtaye || 42 ||
[Analyze grammar]

evamuktvā namaskṛtya svāsane samavasthitaḥ |
ṛṣyādikaṃ punaḥ kṛtvā karaṃ saṃśodhya vāriṇā || 43 ||
[Analyze grammar]

punaśca bhasma saṃdhārya pūrvoktenaiva vartmanā |
nyāsajātamprakurvīta śivabhāvavivṛddhdhaye || 44 ||
[Analyze grammar]

paṃcopacāraissaṃpūjya śirasā śrīgurumbudhaḥ |
praṇavaṃ śrīcaturthyaṃtaṃ namoṃtaṃ praṇamettataḥ || 45 ||
[Analyze grammar]

paṃcātmakaṃ binduyutaṃ paṃcamasvarasaṃyutam |
tadeva bindusahitaṃ paṃcamasvaravarjitam || 46 ||
[Analyze grammar]

paṃcamasvarasaṃyuktaṃ maṃtrīśaṃ ca sabindukam |
uddhṛtya bindusahitaṃ saṃvartakamathoddharet || 47 ||
[Analyze grammar]

etaireva kramādbījairuddhṛtaiḥ praṇamedbudhaḥ |
bhujayorūruyugme ca guruṃ gaṇapatintathā || 48 ||
[Analyze grammar]

durgāṃ ca kṣetrapālaṃ ca baddhāṃjalipuṭaḥ sthitaḥ |
omastrāya phaḍityuktvā karau saṃśodhya ṣaṭ kramāt || 49 ||
[Analyze grammar]

apasarppantviti procya praṇavaṃ tadanaṃtaram |
astrāya phaḍiti procya pārṣṇighātatrayeṇa tu || 50 ||
[Analyze grammar]

uddhṛtya vighnānbhūyiṣṭhānkara tālatrayeṇa tu |
antarikṣagatā ndṛṣṭvā vilokya divi saṃsthitān || 51 ||
[Analyze grammar]

niruddhaprāṇa āsīno haṃsamaṃtramanusmaran |
hṛdisthaṃ jīvacaitanyaṃ brahmanāḍyā samāna yet || 52 ||
[Analyze grammar]

dvādaśāṃtassthaviśade sahasrāramahāmbuje |
ciccandramaṇḍalāntasthaṃ cidrūpaṃ parameśvaram || 53 ||
[Analyze grammar]

śoṣadāhaplavānkuryādrecakādi krameṇa tu |
saṣoḍaśacatuṣṣaṣṭidvātriṃśadgaṇanāyutaiḥ || 54 ||
[Analyze grammar]

vāyvagnisalilādyaistaisstavedādyairanukramāt |
prāṇānāyamya mūlasthāṃ kuṇḍalīṃ brahmaraṃdhragām || 55 ||
[Analyze grammar]

ānīya dvādaśāṃtasthasahasrārāmbujodare |
ciccandramaṇḍalodbhūtaparamāmṛtadhārayā || 56 ||
[Analyze grammar]

saṃsiktāyāṃ tanau bhūyaśśuddhadehassubhāvanaḥ |
sohamityavatīryātha svātmānaṃ hṛdayāmbuje || 57 ||
[Analyze grammar]

ātmanyāveśya cātmānamamṛtaṃ sṛtidhārayā |
prāṇapratiṣṭhāṃ vidhivatkuryādatra samāhitaḥ || 58 ||
[Analyze grammar]

ekāgramānaso yogī vimṛśyāttāṃ ca mātṛkām |
puṭitāṃ praṇavenātha nyasedbāhye ca mātṛkām || 59 ||
[Analyze grammar]

punaśca saṃyataprāṇaḥ kuryāddṛṣṭyādikaṃ budhaḥ |
śaṃkaraṃ saṃsmaraṃścitte saṃnyasecca vimatsaraḥ || 60 ||
[Analyze grammar]

praṇavasya ṛṣirbrahmā devi gāyatramīritam |
chandotra devatāhaṃ vai paramātmā sadāśivaḥ || 61 ||
[Analyze grammar]

akāro bījamākhyātamukāraḥ śaktirucyate |
makāraḥ kīlakaṃ proktaṃ mokṣārthe viniyujyate || 62 ||
[Analyze grammar]

aṃguṣṭhadvayamārabhya talāṃtaṃ parimārjayet |
omityuktvātha deveśi karanyāsaṃ samārabhet || 63 ||
[Analyze grammar]

dakṣahastasthitāṃguṣṭhaṃ samārabhya yathākramam |
vāmahastakaniṣṭhāṃtaṃ vinyasetpūrvavatkramāt || 64 ||
[Analyze grammar]

akāramapyukāraṃ ca makāraṃ bindusaṃyutam |
namontaṃ procya sarvatra hṛdayādau nyasedatha || 65 ||
[Analyze grammar]

akāraṃ pūrvamuddhṛtya brahmātmānamathācaret |
ṅeṃtaṃ namoṃtaṃ hṛdaye viniyujyāttathā punaḥ || 66 ||
[Analyze grammar]

ukāraṃ viṣṇusahitaṃ śirodeśe pravinyaset |
makāraṃ rudrasahitaṃ śikhāyāntu pravinyaset || 67 ||
[Analyze grammar]

evamuktvā munirmaṃtrī kavacaṃ netramastake |
vinyaseddevadeveśi sāvadhānena cetasā || 68 ||
[Analyze grammar]

aṃgavaktrakalābhedātpaṃca brahmāṇi vinyaset |
śirovadanahṛdaguhyapādeṣvetāni vinyaset || 69 ||
[Analyze grammar]

īśānyasya kalāḥ paṃca paṃcasveteṣu ca kramāt |
tataścaturṣu vaktreṣu puruṣasya kalā api || 70 ||
[Analyze grammar]

catasraḥ praṇidhātavyāḥ pūrvādikramayogataḥ |
hṛtkaṃṭhāṃseṣu nābhau ca kukṣau pṛṣṭhe ca vakṣasi || 71 ||
[Analyze grammar]

aghorasya kalāścāṣṭau pūjanīyā yathākramam |
paścāttrayodaśakalāḥ pāyumeḍhrorujānuṣu || 72 ||
[Analyze grammar]

jaṃghāsphikkaṭipārśveṣu vāmadevasya bhāvayet |
sadyasyāpi kalā cāṣṭau netreṣu ca yathākramam || 73 ||
[Analyze grammar]

kīrtitāstāḥ kalāścaiva pādayorapi hastayoḥ |
prāṇe śirasi bāhvośca kalpayetkalpavittamaḥ || 74 ||
[Analyze grammar]

aṣṭatriṃśatkalānyāsamevaṃ kṛtvā tu sarvaśaḥ |
paścātpraṇavaviddhīmānpraṇavanyāsamācaret |
bāhudvaye kūrparayostathā ca maṇibandhayoḥ |
pārśvatodarajaṃgheṣu pādayoḥ pṛṣṭhatastathā || 76 ||
[Analyze grammar]

itthaṃ praṇavavinyāsaṃ kṛtvā nyāsavicakṣaṇaḥ |
haṃsanyāsaṃ prakurvīta paramātmavibodhini || 77 ||
[Analyze grammar]

iti śrīśivamahāpurāṇe ṣaṣṭhyāṃ kailāsasaṃhitāyāṃ saṃnyāsapaddhatau nyāsavarṇanaṃ nāma ṣaṣṭho'dhyāyaḥ || 6 ||
[Analyze grammar]