Chapter 41

[English text for this chapter is available]

karadhama uvāca |
kecicchivaṃ samāśritya viṣṇumāśritya vedhasam |
varṇayaṃti pare mokṣaṃ tvaṃ tu kasmāttu manyase || 1 ||
[Analyze grammar]

mahākāla uvāca |
apāravaibhavā devāstrayo'pyete nararṣabha |
yogīṃdrāṇāmapi tvatra ceto muhyati kiṃ mama || 2 ||
[Analyze grammar]

purā kilaivaṃ munayo naimiṣāraṇyavāsinaḥ |
saṃdihyāṃtaḥ śreṣṭhatāyāṃ brahmalokamupāgaman || 3 ||
[Analyze grammar]

tasminkṣaṇe viriṃco'pi ślokaṃ prahvo'bravītkila |
anaṃtāya namastasmai yasyāṃto nopalabhyate || 4 ||
[Analyze grammar]

maheśāya ca bhakte dvau kṛpāyetāṃ sadā mayi |
tataḥ śreṣṭhaṃ ca taṃ matvā kṣīrodaṃ munayo yayuḥ || 5 ||
[Analyze grammar]

tatra yogeśvaraḥ ślokaṃ prabudhyannamumabravīt |
brahmāṇaṃ sarvabhūteṣu paramaṃ brahmarūpiṇam || 6 ||
[Analyze grammar]

sadāśivaṃ ca vaṃde tau bhavetāṃ maṃgalāya me |
tataste vismitā viprā apasṛtya yayuḥ punaḥ || 7 ||
[Analyze grammar]

kailāse dadṛśuḥ sthāṇuṃ vadaṃtaṃ girijāṃ prati |
ekādaśyāṃ pranṛtyāni jāgare viṣṇusadmani || 8 ||
[Analyze grammar]

sadā tapasyāṃ carāmi prītyarthaṃ harivedhasoḥ |
śrutveti cāpasṛtyaiva khinnāste munayo'bruvan || 9 ||
[Analyze grammar]

yadvā devā na saṃyāṃti pāraṃ ye ca parasparam |
tatsṛṣṭasṛṣṭasṛṣṭeṣu gaṇanā kā'smadādiṣu || 10 ||
[Analyze grammar]

uttamādhamamadhyatvamamīṣāṃ varṇayaṃti ye |
asatyavādinaḥ pāpāste yāṃti nirayaṃ dhruvam || 11 ||
[Analyze grammar]

evaṃ te niściyāmāsurnaimiṣeyā stapasvinaḥ |
satyametacca rājeṃdra mamāpīdaṃ mataṃ sphuṭam || 12 ||
[Analyze grammar]

jāpakānāṃ sahasrāṇi vaiṣmavānāṃ tathaiva ca |
śaivānāṃ ca vidhiṃ viṣṇuṃ sthāṇuṃ cāpyanvamūmucan || 13 ||
[Analyze grammar]

tasmādyasya manorāgo yasmindeve bhavetsphuṭam |
sa taṃ bhajedvipāpaḥ syānmamedaṃ matamuttamam || 14 ||
[Analyze grammar]

karaṃdhama uvāca |
kāni pāpāni vipreṃdra yaistu saṃmūḍhacetasaḥ |
na vedeṣu na dharmeṣu ratimāpadyate manaḥ || 15 ||
[Analyze grammar]

mahākāla uvāca |
adharmabhedā vijñeyāścittavṛttiprabhedataḥ |
sthūlāḥ sūkṣmā asūkṣmāśca koṭibhedairanekaśaḥ || 16 ||
[Analyze grammar]

tatra ye pāpanicayāḥ sthūlā narakahetavaḥ |
te samāsena kathyaṃte manovākkāyasādhanāḥ || 17 || || tu mahābhārata anuśāsana || 2 ||
[Analyze grammar]

parastrīdravyasaṃkalpaścetasāniṣṭaciṃtanam |
akāryābhiniveśaśca caturddhā karma mānasam || 18 ||
[Analyze grammar]

anibaddhapralāpitvamasatyaṃ cāpriyaṃ ca yat |
parāpavādapaiśunyaṃ caturdhā karma vācikam || 19 ||
[Analyze grammar]

abhakṣyabhakṣaṇaṃ hiṃsā mithyā kāmasya sevanam |
parasvānāmupādānaṃ caturdhā karma kāyikam || 20 ||
[Analyze grammar]

ityetaddvādaśavidhaṃ karma proktaṃ trisaṃbhavam |
asya bhedānpunarvakṣye yeṣāṃ phalamanaṃtakam || 21 ||
[Analyze grammar]

ye dviṣaṃti mahādevaṃ saṃsārārṇavatārakam |
sumahātpātakopetāste yāṃti narakāgniṣu || 22 ||
[Analyze grammar]

mahāṃti pātakānyāhurniraṃtaraphalāni ṣaṭ |
nābhinaṃdaṃti ye dṛṣṭvā śaṃkaraṃ na stuvaṃti ye || 23 ||
[Analyze grammar]

yatheṣṭaceṣṭā niḥśaṃkāḥ saṃtiṣṭhaṃti ramaṃti ca |
upacāravinirmuktāḥ śivasya gurusaṃnidhau || 24 ||
[Analyze grammar]

śivācāraṃ na manyaṃte śivabhaktāndviṣaṃti ṣaṭ |
gurumārttamaśaktaṃ vā videśaprasthitaṃ tathā || 25 ||
[Analyze grammar]

aribhiḥ paribhūtaṃ vā yastyajati sa pāpakṛt |
tadbhāryāputramitreṣu yaścāvajñāṃ karoti vā || 26 ||
[Analyze grammar]

ityetatpātakaṃ jñeyaṃ guruniṃdāsamaṃ mahat |
brahmaghnaśca surāpaśca steyī ca gurutalpagaḥ || 27 ||
[Analyze grammar]

mahāpātakinastvete tatsaṃsargī ca paṃcamaḥ |
krodhāddveṣādbhayāllobhādbrāhmaṇasya vadaṃti ye || 28 ||
[Analyze grammar]

marmāṃtikaṃ mahādoṣaṃ brahmaghnaḥ sa prakīrtitaḥ |
brāhmaṇaṃ yaḥ samāhūya yācamānamakiṃcanam || 29 ||
[Analyze grammar]

paścānnāstīti yo brūyātsa ca vai brahmahā smṛtaḥ |
yaśca vidyābhimānena nistejayati saddvijam || 30 ||
[Analyze grammar]

udāsīnaḥ sabhāmadhye brahmahā sa prakīrtitaḥ |
mithyāguṇaiḥ svamātmānaṃ nayatyutkarṣatāṃ balāt || 31 ||
[Analyze grammar]

viruddhaṃ gurubhiḥ sārdhaṃ brahmaghnaḥ sa prakīrtitaḥ |
kṣuttṛṣṇātaptadehānāṃ dvijānāṃ bhoktumicchatām || 32 ||
[Analyze grammar]

yaḥ samācarate vighnaṃ tamāhurbrahmagātakam |
piśunaḥ sarvalokānāṃ chidrānveṣaṇatatparaḥ || 33 ||
[Analyze grammar]

udvegajananaḥ krūraḥ sa ca vai brahmahā smṛtaḥ |
gavāṃ tṛṣābhibhūtānāṃ jalārthamupasarpatām || 34 ||
[Analyze grammar]

yaḥ samācarate vighnaṃ tamāhurbrahmaghātakam |
paradoṣaṃ parijñāya nṛpakarṇe japeta yaḥ || 35 ||
[Analyze grammar]

pāpīyānpiśunaḥ krūrastamāhurbrahmaghātakam |
nyāyenopārjitaṃ vipraistaddravyaharaṇaṃ ca yat || 36 ||
[Analyze grammar]

chadmanā vā balādvāpi brahmahatyāsamaṃ matam |
adhītya yaśca śāstrāṇi parityajati mūḍhadhīḥ || 37 ||
[Analyze grammar]

surāpānasamaṃ jñeyaṃ jīvanāyaiva vā paṭhet |
agnihotraparityāgaḥ paṃcayajñopakarmaṇām || 38 ||
[Analyze grammar]

mātṛpitṛparityāgaḥ kūṭasākṣī suhṛdvadhaḥ |
abhakṣyabhakṣaṇaṃ vanyajaṃtūnāṃ kāmyayā vadhaḥ || 39 ||
[Analyze grammar]

grāmaṃ vanaṃ gavāvāsaṃ yaśca krodhena dīpayet |
iti ghorāṇi pāpāni surāpānasamāni ca || 40 ||
[Analyze grammar]

dīnasarvasvaharaṇaṃ narastrīgajavājinām |
gobhūratnasuvarṇānāmauṣadhīnāṃ rasasya ca || 41 ||
[Analyze grammar]

caṃdanāgarukarpūrakastūrīpaṭṭavāsasām |
hastanyāsāpaharaṇaṃ skamasteyasamaṃ smṛtam || 42 ||
[Analyze grammar]

kanyānāṃ varayogyānāmadānaṃ sadṛśe vare |
putramitrakalatreṣu gamanaṃ bhaginīṣu ca || 43 ||
[Analyze grammar]

kumārīsāhasaṃ ghoramaṃtyajastrīniṣevaṇam |
savarṇāyāśca gamanaṃ gurutalpasamaṃ smṛtam || 44 ||
[Analyze grammar]

dvijāyārthaṃ pratiśrutya na prayacchati yaḥ punaḥ |
na ca casmārayate vipraṃ tulyaṃ tadupapapātakam || 45 ||
[Analyze grammar]

abhimānotikopaśca dāṃbhikatvaṃ kṛtaghnatā |
atyaṃtaviṣayāsaktiḥ kārpaṇyaṃ śāṭhyamatsaram || 46 ||
[Analyze grammar]

bhṛtyānāṃ ca parityāgaḥ sādhubaṃdhutapasvinām |
gavāṃ kṣatriyavaiśyānāṃ strīśūdrāṇāṃ ca tāḍanam || 47 ||
[Analyze grammar]

śivāśramatarūṇāṃ ca puṣpārāmavināśanam |
ayājyānāṃ yājanaṃ cāpyayācyānāṃ ca yācanam || 48 ||
[Analyze grammar]

yajñārāmataḍāgādidārāpatyasya vikrayaḥ |
tīrthayātropavāsānāṃ vratāyatanakarmaṇām || 49 ||
[Analyze grammar]

strīdhanānyupajīvaṃti strībhiratyaṃtanirjitāḥ |
arakṣaṇaṃ ca nārīṇāṃ madyapastrīniṣevaṇam || 50 ||
[Analyze grammar]

ṛṇānāmapradānaṃ ca mithyāghṛddhyupajīvanam |
niṃditānāṃ dhanādānaṃ sādvīkanyoktidūṣaṇam || 51 ||
[Analyze grammar]

viṣamāraṇayaṃtrāṇāṃ proyago mūlakarmaṇām |
uccāṭanābhicārāśca rāgavidveṣaṇakriyā || 52 ||
[Analyze grammar]

jihvākāmopabho gārthaṃ yasyāraṃbhaḥ svakarmasu |
mūlyenādhyāpayedyastu mūlyenādhīyate ca ye || 53 ||
[Analyze grammar]

vrātyatā vratasaṃtyāgaḥ sarvāhāraniṣevaṇam |
asacchāstrābhigamanaṃ śuṣkatarkāva laṃbanam || 54 ||
[Analyze grammar]

devāgnigurusādhūnāṃ niṃdā gobrāhmaṇasya ca |
pratyakṣaṃ vā parokṣaṃ vā rājñāṃ maṃḍalināmapi || 55 ||
[Analyze grammar]

utsannapatṛdevejyāḥ svakarmatyāginaśca ye |
duḥśīlā nāstikāḥ pāpā na sadā satyavādinaḥ || 56 ||
[Analyze grammar]

parvakāle divā cāpsu viyonau paśuyoniṣu |
rajasvalāsvayonau ca maithunaṃ yaḥ samācaret || 57 ||
[Analyze grammar]

strīputramitrasuhṛdāmāśācchedakarāśca ye |
janasyāpriyavaktāraḥ krūrāḥ samayabhedinaḥ || 58 ||
[Analyze grammar]

bhettā taḍāgakūpānāṃ saṃkramāṇāṃrasasya ca |
ekapaṃktisthitānāṃ ca pākabhedaṃ karoti yaḥ || 59 ||
[Analyze grammar]

ityetaiśca narāḥ pāpairupapātakinaḥ smṛtāḥ |
yuktāstadunakaiḥ pāpaiḥ pāpinastānnibodha me || 60 ||
[Analyze grammar]

ye gobrāhmaṇakanyānāṃ svāmimitratapasvinām |
antaraṃ yāṃti kāryeṣu te smṛtāḥ pāpino narāḥ || 61 ||
[Analyze grammar]

paraśriyābhitapyaṃte hīnāṃ savaṃti ye striyām |
paṃktyarthaṃ ye na kurvaṃti dānayajñādikāḥ kriyāḥ || 62 ||
[Analyze grammar]

goṣṭhāgnijalarathyāsu tarucchāyānageṣu ca |
tyajaṃti ye purīṣādyamārāmāyataneṣu ca || 63 ||
[Analyze grammar]

gītavādyaratā nityā mattāḥ kilakilāparāḥ |
kūṭaveṣakriyācārāḥ kūṭasaṃvyavahāriṇaḥ || 64 ||
[Analyze grammar]

kūṭaśāsanakartāraḥ kūṭayuddhakarāśca ye |
nirdayo'tīva bhṛtyeṣu paśūnāṃ damanaśca yaḥ || 65 ||
[Analyze grammar]

mithyāprasādito vākyamākarṇayati yaḥ śanaiḥ |
capalaścāpimāyāvī śaṭho mithyāvinītakaḥ || 66 ||
[Analyze grammar]

yo bhāryāputramitrāṇi bālavṛddhakṛśāturān |
bhṛtyānatithibaṃdhūṃśca tyaktvāśrāti bubhukṣitān || 67 ||
[Analyze grammar]

yaḥ svayaṃ mṛṣṭamaśrāti viprāyānyatprayacchati |
vṛthāpākaḥ sa vijñeyo brahmavādivigarhitaḥ || 68 ||
[Analyze grammar]

niyamānsvayamādāya ye tyajaṃtyajiteṃdriyāḥ |
ye tāḍayaṃti gāṃ nityaṃ vāhayaṃti muhurmuhuḥ || 69 ||
[Analyze grammar]

durbalānnaiva puṣṇaṃti praṇaṣṭārthā dviṣaṃti ca |
pīḍayantyabhicāreṇa sakṣatānvāhayaṃti ca || 70 ||
[Analyze grammar]

teṣā madattvā cāśraṃti cikitsaṃti na rogiṇaḥ |
ajāviko māhiṣikaḥ samudrī vṛṣalīpatiḥ || 71 ||
[Analyze grammar]

hīnavarṇātmavṛttiśca vaidyo dharmadhvajī ca yaḥ |
yaśca śāstramatikramya svecchayaivāharetkaram || 72 ||
[Analyze grammar]

sadā daṇḍaruciryaśca yo vā daṇḍarucirna hi |
utkocakairadhikṛtaistaskaraisca prapīḍyate || 73 ||
[Analyze grammar]

yasya rājñaḥ prajā rāṣṭre pacyate narakeṣu saḥ |
acauraṃ cauravatpaśyeccauraṃ vā'caurarūpiṇam || 74 ||
[Analyze grammar]

ālasyopahato rājā vyasanī narakaṃ vrajet |
evamādīni cānyāni pāpānyāhuḥ purāvidaḥ || 75 ||
[Analyze grammar]

yadvātadvā paradravyamapi sarṣapamātrakam |
apahṛtya naraḥ pāpo nārakī nātra saṃśayaḥ || 76 ||
[Analyze grammar]

evamādyairnaraḥ pāpairutkrāntaiḥ samanaṃtaram |
śarīraṃ yātanārthāya pūrvākāramavāpnuyāt || 77 ||
[Analyze grammar]

tasmāttrividhamapyetannārakīyaṃ vivarjayet |
sadāśivaṃ ca śaraṇaṃ vrajetsacchraddhayā yutaḥ || 78 ||
[Analyze grammar]

namaskāraḥ stutiḥ pūjā nāmasaṃkīrtanaṃ tathā |
saṃparkātkautukāllobhānna tasya viphalaṃ bhavet || 79 ||
[Analyze grammar]

karaṃdhama uvāca |
saṃkṣepācchivapūjāyā vidhānaṃ vaktumarhasi |
kṛtena yena manujaḥ śivapūjāphalaṃ labhet || 80 ||
[Analyze grammar]

mahākāla uvāca |
prātarmadhyāhnasāyāhne śaṃkaraṃ sarvadā bhajet |
darśanātsparśanānmartyaḥ kṛtatṛtyo bhavetsphuṭam || 81 ||
[Analyze grammar]

ādau snānaṃ prakurvita bhasmasnānamathāpi vā |
āpadgataḥ kaṇṭhasnānaṃ mantrasnānamathāpi vā || 82 ||
[Analyze grammar]

āvikaṃ paridadhyācca tato vāsaḥ sitaṃ ca vā |
dhāturaktamatho navyaṃ malinaṃ saṃdhitaṃ na ca || 83 ||
[Analyze grammar]

uttarīyaṃ ca saṃdadhyādvinā tanniṣphalārcanam |
bhasmatripuṇḍradhārī ca lalāṭe hṛti cāṃsayoḥ || 84 ||
[Analyze grammar]

pūjayedyo mahādevaṃ prītaḥ paśyati taṃ muhuḥ |
sarvadoṣānbahiḥ kṣipya śivāyatanamāviśet || 85 ||
[Analyze grammar]

praviśya ca praṇamyeśaṃ tato garbhagṛhaṃ viśet |
pāṇī prakṣālya taccitto nirmālyamavaropayet || 86 ||
[Analyze grammar]

yena rudrāyate bhaktyā kurute mārjanakriyām |
tasmānmārjayate tvevaṃ sthāṇunaitatparasparam || 87 ||
[Analyze grammar]

rudrabhaktyā ca saṃtiṣṭhenamālinyaṃ mārjayettataḥ |
bhaktirdevasya tiṣṭhenna mālinyaṃ mārjataḥ sadā || 88 ||
[Analyze grammar]

gaḍukānpūrayetpaścānnirmalena jalena vai |
gaḍukāstu samāḥ sarve sarve ca śubhadarśanāḥ || 89 ||
[Analyze grammar]

nirvraṇāḥ saumyarūpāśca sarve codakapūritāḥ |
vastrapūtajalaiḥ pūrṇāgandhadhūpaiśca vāsitāḥ || 90 ||
[Analyze grammar]

kṣālitāḥ pūritā nītāḥ ṣaḍakṣarajapena ca |
gaḍukāṣcaśataṃ kuryādathavāpyaṣṭaviṃśatiḥ || 91 ||
[Analyze grammar]

aṣṭādaśāpi caturastatonyūnaṃ na kārayet |
payo dadhi ghṛtaṃ caiva kṣaudramikṣurasaṃ tathā || 92 ||
[Analyze grammar]

evaṃ sarvaṃ ca taddravyaṃ vāmataḥ saṃnyasedbhavāt |
tato bahirviniṣkramya pūjayetpratihārakān || 93 ||
[Analyze grammar]

sarveṣāṃ vācakā mantrāḥ kathyaṃte'taḥ paraṃ kramāt || 94 ||
[Analyze grammar]

oṃgaṃ gaṇapataye namaḥ || oṃkṣāṃ kṣetrapālāya namaḥ|| oṃgaṃ gurubhyo namaḥ|| iti ākāśe|| oṃkauṃ kuladevyai namaḥ|| oṃ naṃdine namaḥ|| oṃmahākālāya namaḥ|| oṃdhātre vidhātrai namaḥ |
tataḥ pravisya liṃgācca kiñciddakṣiṇataḥ śuciḥ |
udaṅmukhaḥ kṣaṇaṃ dhyāyetsamakāyāsanasthitaḥ || 95 ||
[Analyze grammar]

darbhādibhiḥ parivṛtaṃ madhyapadmārkamaṃḍalam |
somamaṇḍalamadhyasthaṃ dhyāyedvai vahnimaṃḍalam || 96 ||
[Analyze grammar]

tanmadhye viśvarūpaṃ ca vāmādyaṣṭādiśaktikam |
paṃcavaktraṃ daśabhujaṃ trinetraṃ caṃdrabhūṣitam || 97 ||
[Analyze grammar]

vāmāṃkagirijaṃ devaṃ dhyāyetsiddhaiḥ stutaṃ muhuḥ |
tataḥ pūrvaṃ pradadyācca pādyārghaṃ śaṃbhave nṛpa || 98 ||
[Analyze grammar]

pānīyamakṣatā darbhā gaṃdhapūṣpaṃ sasarpiṣam |
kṣīraṃ dadhi madhu punarnavāṃgo'rghaḥ prakīrtitaḥ || 99 ||
[Analyze grammar]

tataḥ śraddhārdracittasya snānaṃ liṃgasya cācaret |
gṛhītvā gaḍukaṃ pūrvaṃ malasnānaṃ samācaret || 100 ||
[Analyze grammar]

arddhena snāpayetpūrvaṃ kuryācca malagharṣaṇam |
sarveṇa snāpayetpaścātpūjayetsnāpayettataḥ || 101 ||
[Analyze grammar]

praṇamya ca tato bhaktyā snāpayenmūlamaṃtrataḥ |
oṃhūṃ viśvamūrtaye śivāya nama |
iti dvādaśākṣaro mūlamaṃtraḥ || 102 ||
[Analyze grammar]

vārikṣaradadhikṣaudraghṛtenekṣurasena ca |
snāpayenmūlamantreṇa jaladhūpārcanātpṛthak || 103 ||
[Analyze grammar]

gaḍukaiḥ snāpayetsarvaiḥ snātaṃ gandhairvirūkṣayet || 104 ||
[Analyze grammar]

virūkṣitaṃ tataḥ snāpya śrīkhaṇḍena vilepayet |
pūjayedvividhaiḥ puṣpairvidhinā yena tacchṛṇu || 105 ||
[Analyze grammar]

āgneyapāde || oṃdharmāya namaḥ|| nairṛtake|| oṃjñānāya namaḥ|| vāyavye|| oṃvairāgyāya namaḥ|| īśānapāde|| oṃaiśvaryāya namaḥ|| pūrvapāde|| oṃadharmāya namaḥ|| dakṣiṇe|| oṃajñānāya namaḥ|| paścime|| oṃavairāgyāya namaḥ|| uttare oṃanaiśvaryāya namaḥ|| oṃanantāya namaḥ|| oṃpadmāya namaḥ oṃarkamaṇḍalā namaḥ|| oṃsomamaṇḍalāya namaḥ|| oṃvahnimaṇḍalā namaḥ|| oṃvāmājyeṣṭhādipaṃcamantraśaktibhyo namaḥ|| oṃparamaprakṛtyai devyai namaḥ|| oṃīśānatatpuruṣāghoravāmadevasadyojātapañcavaktrāya rudrasādhyavasvādityaviśvedevādidevaviśvarūpāya aṇḍajasvedajodbhijjajarāyujarūpasthāvarajaṅgamamūrtaye parameśvarāya oṃhūṃ viśvamūrtaye śivāya namastriśūladhanuḥkhaḍgakapāladaṇḍakuṭhārebhyaḥ || 106 ||
[Analyze grammar]

tato jalādhāramukhe caṇḍīśvarāya namaḥ |
evaṃ saṃpūjya vidhivattato'rghaṃ saṃniveśayet || 107 ||
[Analyze grammar]

pānīyamakṣatāḥ puṣpametairyuktaṃ phalottamaiḥ |
gṛhāṇārghyaṃ mahādeva pūjāsaṃpūrtihetave || 108 ||
[Analyze grammar]

arghādanaṃtaraṃ śaktaḥ pūjayedvasupūjayā |
dhūpaṃ dīpaṃ ca naivedyaṃ kramātpaścānnivedayet || 109 ||
[Analyze grammar]

ghaṇṭāṃ ca vādayettatra tato nīrājanaṃ caret |
bhrāmayeddevadevasya śaṃkhavāditraniḥsvanaiḥ || 110 ||
[Analyze grammar]

nīrājanaṃ ca yaḥ paśye ddevadevasya śūlinaḥ |
sa mucyetpātakaiḥ sarvaiḥ kiṃ punaryaḥ kariṣyati || 111 ||
[Analyze grammar]

nṛtyaṃ gītaṃ ca vādyaṃ ca alīkamapi yaścaret |
tasya tuṣyedanaṃtaṃhi gītavādyaphalaṃ yataḥ || 112 ||
[Analyze grammar]

stotraistataśca saṃstūya daṇḍavatpraṇamedbhuvi |
kṣamāpayecca deveśaṃ sukṛtaṃ kukṛtaṃ kṣama || 113 ||
[Analyze grammar]

ya evaṃ yajate rudramasmiṃlliṃge viśeṣataḥ |
pitaraṃ pitāmahaṃ caiva tathaiva prapitāmaham || 114 ||
[Analyze grammar]

sarvātpāpātsamuttārya rudraloke vasecciram |
evaṃ māheśvaro bhūtvā sadācāravratasthitaḥ || 115 ||
[Analyze grammar]

paśupāśavimokṣārthaṃ pūjayettanmanā yadi |
ya evaṃ yajate rudraṃ tenaitattarpitaṃ jagat || 116 ||
[Analyze grammar]

kiṃ tvetatsaphalaṃ rājannācārayo na laṃghayet |
ācārātphalate dharmo hyācārātsvargamaśnute || 117 ||
[Analyze grammar]

ācārāllabhate hyāyurācāro haṃtyalakṣaṇam |
yajñadānatapāṃsīha puruṣasya na bhūtaye || 118 ||
[Analyze grammar]

bhavanti yaḥ sadācāraṃ samullaṃghya pravartate |
tasya kiñcitsamuddeśaṃ vakṣye taṃ śrṛṇu pārthiva || 119 ||
[Analyze grammar]

trivargasādhane yatnaḥ kartavyo gṛhamedhinā |
tatsaṃsiddhau gṛhasthasya siddhiratra paratra ca || 120 ||
[Analyze grammar]

brāhme muhūrte budhyena dharmārthau cāpi cintayet |
samutthāya tathācamya daṃtadhāvanapūrvakam || 121 ||
[Analyze grammar]

sandhyāmupāsīta budhaḥ saṃśāṃtaḥ prayataḥ śuciḥ |
pūrvāṃ sandhyāṃ sanakṣatrāṃ paścimāṃ sadivākarām || 122 ||
[Analyze grammar]

upāsīta yathānyāyaṃ naināṃ jahyādanāpadi |
varjayedanṛtaṃ cāsatpralāpaṃ paruṣaṃ tathā || 123 ||
[Analyze grammar]

asatsevāṃ hyasadvādaṃ hyasacchāstraṃ ca pārthiva |
ādarśadarśanaṃ daṃtadhāvanaṃ keśasādhanam || 124 ||
[Analyze grammar]

devārcanaṃ ca pūrvāhṇe kāryāṇyāhurmaharṣayaḥ |
pālāśamāsanaṃ caiva pāduke daṃtadhāvanam |
varjayedāsanaṃ caiva padā nākarṣayedbudhaḥ || 125 ||
[Analyze grammar]

jalamagniṃ ca ninayedyagapanna vicakṣaṇaḥ || 126 ||
[Analyze grammar]

pādau prasārayennaiva gurudevāgnisaṃmukhau |
catuṣpathaṃ caityataruṃ devāgāraṃ tathā yatim || 127 ||
[Analyze grammar]

vidyādhikaṃ guruṃ vṛddhaṃ kuryādetānpradakṣiṇān || 128 ||
[Analyze grammar]

āhāranīhāravihārayogāḥ susaṃvṛtā dharmavidānukāryāḥ |
vāgbuddhivīryāṇi tapastathaiva vārtāyuṣī guptatame ca kārye || 129 ||
[Analyze grammar]

ubhe mūtrapurīṣe tu divā kuryādudaṅmukhaḥ |
dakṣiṇābhimukho rātrau hyevamāyurna riṣyate || 130 ||
[Analyze grammar]

pratyagniṃ prati sūryaṃ ca prati gāṃ vratinaṃ prati |
prati somodakaṃ sandhyāṃ prajñā naśyati mehataḥ || 131 ||
[Analyze grammar]

bhojane śayane sthāne utsarge malamūtrayoḥ |
rathyācaṃkramaṇe cārdrapañcakaścācametsadā || 132 ||
[Analyze grammar]

na nadyāṃ mehanaṃ kuryānna śmaśāne nabhasmani |
na gomaye na kṛṣṭe ca naivālūne na śāḍvale || 133 ||
[Analyze grammar]

uddhṛttābhistathādbhistu śaucaṃ kuryādvicakṣaṇaḥ |
aṃtarjalāddevakulādvalmīkānmūṣakasthalāt || 134 ||
[Analyze grammar]

apaviddhāpaśaucāśca varjayetpaṃca mṛttikāḥ |
gandhalepāpaharaṇaṃ śaucaṃ kuryāttathā budhaḥ || 135 ||
[Analyze grammar]

nātmānaṃ tāḍayennaiva dadyādduḥ khebhya eva ca |
ubhābhyāmapi pāṇibhyāṃ kaṇḍūyennātmanaḥ śiraḥ || 136 ||
[Analyze grammar]

rakṣeddārāṃstyajedīṣyāṃ tāsu niṣkāraṇaṃ budhaḥ |
sūryāstaṃ na vinākāścitkriyā naivācarettathā || 137 ||
[Analyze grammar]

adroheṇaiva bhūtānāmalpadroheṇa vā punaḥ |
śivacittorjayodvittaṃ na cātikṛpaṇo bhavet || 138 ||
[Analyze grammar]

nerṣyuḥ syānna kṛtaghnaḥ syānna paradrohakarmadhīḥ |
na pāṇipādacapalo na netracapalo'nṛjuḥ || 139 ||
[Analyze grammar]

na ca vāgaṅgacapalo na cāśiṣṭasya gocaraḥ |
na śuṣkavādaṃ kurvīta śuṣkravairaṃ tathaiva ca || 140 ||
[Analyze grammar]

upāyaiḥ sādhayedarthāndaṇḍastvagatikā gatiḥ |
bhinnāśanaṃ bhinnaśayyāṃ varjayedbhinnabhājanam || 141 ||
[Analyze grammar]

aṃtareṇa na gacchena dvayorjvalanaliṃgayoḥ |
nāgnyorna viprayoścaiva na daṃpatyornṛpottama || 142 ||
[Analyze grammar]

na sūryavyomayornaiva harasya vṛṣabhasya ca |
eteṣāmaṃtaraṃ kurvanyataḥ pāpamavāpnuyāt || 143 ||
[Analyze grammar]

naikavastraśca bhuṃjīta nāgnau homamathācaret |
na cārcayeddvijānnaiva kuryāddevārcanaṃ budhaḥ || 144 ||
[Analyze grammar]

khaṃḍanaṃ peṣaṇaṃ mārṣṭiṃ jalasaṃśodhanaṃ tathā |
raṃdhanaṃ bhojanaṃ svāpa utthānaṃ gamanaṃ kṣutam || 145 ||
[Analyze grammar]

kāryāraṃbhaṃ samāptiṃ ca vacaḥ procya tathā priyam |
pibañjighranspṛśañchṛṇvanvivakṣurmaithunaṃ tathā || 146 ||
[Analyze grammar]

śucitvaṃ ca japaṃ sthāṇuṃ yaḥ kuryādviṃśatiṃ tathā |
māheśvaraḥ sa vijñeyaḥ śeṣonyo nāmadhārakaḥ || 147 ||
[Analyze grammar]

sa vai rudramayo bhūtvā tataścāṃte śivaṃ vrajet |
parastriyaṃ nābhibhāṣettathā saṃbhāṣayedyadi || 148 ||
[Analyze grammar]

mātaḥ svasaratho putri āryeti ca vadedbudhaḥ |
ucachiṣṭo nālabhetkiṃcinna ca sūryaṃ vilokayet || 149 ||
[Analyze grammar]

nenduṃ na tārakāścaiva nādayennātmanaḥ śiraḥ |
svasrā dihitrā mātrā vā naikāṃtāsana mācaret || 150 ||
[Analyze grammar]

durjayo hīṃdriyagrāmo muhyate paṃḍito'pi san |
gurumabhyāgataṃ gehe svayamutthāya yatnataḥ || 151 ||
[Analyze grammar]

āsanaṃ kalpayettasya kuryātpādābhivaṃdanam |
nodakchirāḥ svapejjātu na ca pratyakchirā budhaḥ || 152 ||
[Analyze grammar]

śirasyagastyamādhāya tathaiva ca puraṃdaram |
udakyādarśanaṃ sparśaṃ varjyaṃ saṃbhāṣaṇaṃ tathā || 153 ||
[Analyze grammar]

nāpsu mūtraṃ purīṣaṃ vā maithunaṃ vā samācaret |
kṛtvā vibhavato devamanuṣyarṣisamarcanām || 154 ||
[Analyze grammar]

pitṝṇāṃ ca tataḥ śeṣaṃ bhoktuṃ māheśvaro'rhati |
vāgyataḥ śucirācāṃtaḥ prāṅmukhodaṅmukho'pi vā || 155 ||
[Analyze grammar]

antarjānuśca taccitto bhuñjītānnamakutsayan |
nopaghātaṃ vinā doṣānna tasyodāharedbudhaḥ || 156 ||
[Analyze grammar]

nagnasnānaṃ na kurvīta na śayīta vrajeta vā |
duṣkṛtaṃ na gurorbrūyātkruddhaṃ cainaṃ prasādayet || 157 ||
[Analyze grammar]

parivādaṃ na śrṛmuyādanyeṣāmapi jalpatām |
sadā cā karṇayeddhamāstyaktvā kṛtyaśatānyapi || 158 ||
[Analyze grammar]

nityaṃ nityaṃ hi saṃmārṣṭi gehadarpaṇayoriva |
śuklāyāṃ ca caturdaśyāṃ naktabhojī sadā bhavet || 159 ||
[Analyze grammar]

tisro rātrīrna śaktaścedevaṃ māheśvaro bhavet |
saṃyāvakṛśarāmāṃsaṃ nātmānamupasādhayet || 160 ||
[Analyze grammar]

sāyaṃprātaśca bhoktavyaṃ kṛtvā hyatithi bhojanam |
svapnādhyayanabhojyāni saṃdhyayośca vivarjayet || 161 ||
[Analyze grammar]

bhuṃjānaḥ saṃdhyayormohādasurāvasatho bhavet |
snāto na dhūnayetkeśānkṣute niṣṭhīvite'dhvani || 162 ||
[Analyze grammar]

ālabheddakṣiṇaṃ karṇaṃ sarvabhūtāni kṣāmayet |
na cāpi nīlīvāsāḥ syānna viparyastavastradhṛk || 163 ||
[Analyze grammar]

varjyaṃ ca malinaṃ vastraṃ daśābhiśca vivarjitam |
prakṣālya mukhahastau ca pādau cāpyupaviśya ca || 164 ||
[Analyze grammar]

aṃtajānustrirācāmeddirmukhaṃ parimārjayet |
toyena sparśayetkhāni svamūrdhānaṃ tathaiva ca || 165 ||
[Analyze grammar]

ācamya punarācamya kriyāḥ kurvīta sarvaśaḥ |
kṣute niṣṭhīvite caiva daṃtalagne tathaiva ca || 166 ||
[Analyze grammar]

patitānāṃ ca saṃbhāṣe kuryādācamanikriyām |
adhyetavyā trayī nityaṃ bhavitavyaṃ vipaścitā || 167 ||
[Analyze grammar]

dharmato dhanamāhārya yaṣṭavyaṃ cāpi yatnataḥ |
hīnebhyopi na yuṃjīta tvaṃkāraṃ karhicidbadhaḥ |
tvaṃkāro vā vadho vāpi gurūṇāmubhayaṃ samam || 168 ||
[Analyze grammar]

satyaṃ vācyaṃ nityamaitreṇa bhāvyaṃ kāryaṃ tyājyaṃ nityamāyāsakāri |
loke'muṣminyaddinaṃ syāttathāsminnātmā yoge yejanīyo gabhīraiḥ || 169 ||
[Analyze grammar]

tīrthasnānaiḥ sopavāsairvrataiśca pātre dānairhomajapyaiścayajñaiḥ |
bhavārcanairdevapūjāviśeṣairātmā nityaṃ śodhanīyo malāktaḥ || 170 ||
[Analyze grammar]

yatrāpi kurvato nātmā jugupsāmeti pārthiva |
tatkartavyasamasaṃgena yannagopyaṃ mahājane || 171 ||
[Analyze grammar]

iti te vai samuddeśaḥ kīrtitaḥ kiṃcideva ca |
śeṣaḥ smṛtipurāṇebhyastvayā śrotavya eva ca || 172 ||
[Analyze grammar]

evamācarato dharmaṃ maheśasya gṛhe sataḥ |
dharmārthakāmasaṃprāptau paratreha ca śobhanam || 173 ||
[Analyze grammar]

evaṃ nānāvidhāndharmānmahākālasya phālguna |
vadato dhvanirākāśe sumahānabhyajāyata || 174 ||
[Analyze grammar]

yāvatpaśyaṃti ye tatra samājagmuḥ śrṛṇuṣva tān |
brahmā viṣṇuḥ svayaṃ rudro de vī rudragaṇāstathā || 175 ||
[Analyze grammar]

iṃdrādayastathā devā vasiṣṭhādyā munīśvarāḥ |
tuṃbarupravarāścāpi gaṃdharvāpsarasāṃ gaṇāḥ || 176 ||
[Analyze grammar]

tānmaheśamukhānsarvānmahākālo mahāmatiḥ |
arcayāmāsa bahudhā bhaktyudrekātipūritaḥ || 177 ||
[Analyze grammar]

tato brahmādibhirdevairvare ratnamayāsane |
upaviṣṭo'bhiṣiktaśca mahīsāgarasaṃgame || 178 ||
[Analyze grammar]

tato devyā samāliṃgya nītvotsaṃgaṃ svakaṃ mudā |
putratve kalpitaḥ pārtha mahākālo mahāmatiḥ || 179 ||
[Analyze grammar]

uktañca yāvadbrahmāṇḍamidamāste śivavrata |
tāvattiṣṭha śivasthāne śivavacchivabhaktitaḥ || 180 ||
[Analyze grammar]

devena ca varo dattastvalliṃgaṃ yo'rcayiṣyati |
jitendriyaḥ śucirbhūtvā ūrdhvaṃ mallokameṣyati || 181 ||
[Analyze grammar]

darśanaṃ stavanaṃ pūjā praṇāmaśca tato japaḥ |
dānaṃ cātra kṛtaṃ liṃge mamātitṛptikāraṇam || 182 ||
[Analyze grammar]

ityukte vismitā devāḥ sādhu sādhviti te jaguḥ |
brahmaviṣṇumukhāścaiva mahākālaṃ pratuṣṭuvuḥ || 183 ||
[Analyze grammar]

tataḥ suraiḥstūyamāno vaṃdyamānaśca cāraṇaiḥ |
nṛtyadbhirapsarobhiśca kītairgaṃdharvajaiḥ śubhaiḥ || 184 ||
[Analyze grammar]

koṭikoṭigaṇaiścaiva stuvadbhiḥ sarvato vṛtaḥ || 185 ||
[Analyze grammar]

mahākālo rudrabhavanaṃ gato bhavapurassaraḥ |
evametanmahāliṃgamutpannaṃ kurunaṃdana || 186 ||
[Analyze grammar]

kūpaścāpi saraḥ puṇyaṃ mahākālasya siddhidam |
atra ye manujāḥ pārtha liṃgasyārādhane ratāḥ || 187 ||
[Analyze grammar]

mahākālaḥ samāliṃgya tāñchivāya nivedayet |
etadatyadbhutaṃ liṃgaṃ triṣu lokeṣu viśrutam || 188 ||
[Analyze grammar]

dṛṣṭaṃ spṛṣṭaṃ pūjitaṃ ca gatāste bhavasadma tat evametāni liṃgāni sapta jātāni phālguna || 189 ||
[Analyze grammar]

ye śrṛṇvaṃti gṛṇaṃtyetattepi dhanyā narottamāḥ || 190 ||
[Analyze grammar]