Chapter 42

[English text for this chapter is available]

nārada uvāca |
tato mayā sthāpite ca sthāne kālāṃtareṇa ha |
ciṃtitaṃ hṛdaye bhūyo dvijānugrahakāmyayā || 1 ||
[Analyze grammar]

vāsudevavihīnaṃ hi tīrthametanna rocate |
asūryaṃ hi jagadyadvatsa hi bhūṣaṇa bhūṣaṇam || 2 ||
[Analyze grammar]

yatra naiva hariḥ svāmī tīrthe gehe'tha mānase |
śāstre vā tadasatsarvaṃ hāṃsaṃ tīrthaṃ na vāyasam || 3 ||
[Analyze grammar]

tasmātprasādya varadaṃ tīrthe'sminpuruṣottamam |
āneṣye kalayā sākṣādviśvanugrahakāmyayā || 4 ||
[Analyze grammar]

iti saṃciṃtya kauravya tato'haṃ cātra saṃsthitaḥ |
jñānayogena yogīṃdraṃ śataṃ varṣāṇyatoṣayam || 5 ||
[Analyze grammar]

aṣṭākṣaraṃ japanmaṃtraṃ saṃnigṛhyeṃdriyāṇi ca |
vāsudevamayo bhūtvā sarvabhūtakṛpāparaḥ || 6 ||
[Analyze grammar]

evaṃ mayārādhyamāno garuḍaṃ harirāsthitaḥ |
gaṇakoṭiparivṛtaḥ pratyakṣaḥ samajāyata || 7 ||
[Analyze grammar]

tamahaṃ prāṃjalirbhūtvā dattvārghyaṃ vidhivaddhareḥ |
pratyavocaṃ pramamyātha prabaddhakarasaṃ puṭaḥ || 8 ||
[Analyze grammar]

śvetadvīpe purā dṛṣṭaṃ mayā rūpaṃ tava prabho |
ajaṃ sanātanaṃ viṣṇo naranārāyaṇātmakam || 9 ||
[Analyze grammar]

tadrūpasya kalāmekāṃ sthāpayātra janārdana |
yadi tuṣṭo'si me viṣṇo tadidaṃ kriyatāṃ tvayā || 10 ||
[Analyze grammar]

evaṃ mayā prārthito'tha provāca garuḍadhvajaḥ |
evamastu brahmaputra yattvayābhīpsitaṃ hṛdi || 11 ||
[Analyze grammar]

tattathā bhavitā sarvamapyatrasthaṃ sadaiva hi |
evamuktvā gate viṣṇau niveśya svakalāṃ prabho || 12 ||
[Analyze grammar]

mayā saṃsthāpito viṣṇurlokānugrahakāmyayā |
yasmātsvayaṃ śvetadvīpanivāsyatra hariḥ sthitaḥ || 13 ||
[Analyze grammar]

vṛddho viśvasya viśvākhyo vāsudevastataḥ smṛtaḥ |
kārtike śuklapakṣe yā bhavatye kādaśī śubhā || 14 ||
[Analyze grammar]

snānaṃ kṛtvā vidhānena toyaprasravaṇādiṣu |
yorcayedacyutaṃ bhaktyā paṃcopacārapūjayā || 15 ||
[Analyze grammar]

upoṣya jāgaraṃ kuryādgītavādyaṃ hareḥ puraḥ |
kathāṃ vā vaiṣṇavīṃ kuryāddaṃbhakrodhavivarjitaḥ || 16 ||
[Analyze grammar]

dānaṃ dadyādyathāśaktyā niyato hṛṣṭamānasaḥ |
anekabhavasaṃbhūtātkalmaṣādakhilādapi || 17 ||
[Analyze grammar]

mucyate'sau na saṃdeho yadyapi brahmaghātakaḥ |
gāruḍena vimānena vaikuṃṭhaṃ padamāpnuyāt || 18 ||
[Analyze grammar]

kulānāṃ tārayetpārtha śatamekottaraṃ naraḥ |
śraddhāyuktaṃ mudā yuktaṃ sotsāhaṃ saspṛhaṃ tathā || 19 ||
[Analyze grammar]

ahaṃkāravihīnaṃ ca snānaṃ dhūpānupanam |
puṣpanaivedyasaṃyuktamarghadānasamanvitam || 20 ||
[Analyze grammar]

yāmeyāme mahābhaktyā kṛtārārtikasaṃyutam |
cāmarāhlādasaṃyuktaṃ bherīnādapuraskṛtam || 21 ||
[Analyze grammar]

purāṇaśrutisaṃpannaṃ bhaktinṛtyasamanvitam |
vinidraṃkṣṛttṛṣāsvādaspṛhāhīnaṃ ca bhārata || 22 ||
[Analyze grammar]

tatpādasaurabhaghrāṇasaṃyutaṃ viṣṇuvallabham |
sagītaṃ sārcanakaraṃ tatkṣetragamanānvitam || 23 ||
[Analyze grammar]

pāyurodhena saṃyuktaṃ brahmacaryasamanvitam |
stutipāṭhena saṃyuktaṃ pādodakavibhūṣitam || 24 ||
[Analyze grammar]

satyānvitaṃ satyayogasaṃyutaṃ puṇyavārtayā |
paṃcaviṃśatibhiryuktaṃ guṇairyo jāgaraṃ naraḥ |
ekādaśyāṃ prakurvīta punarna jāyate bhuvi || 25 ||
[Analyze grammar]

atra tīrthavare pūrvamaitareya iti dvijaḥ |
siddhiṃ prāpto mahābhāgo vāsudevaprasādataḥ || 26 ||
[Analyze grammar]

arjuna uvāca |
aitareyaḥ kasya putro nivāsaḥ kvāsya vā mune |
kathaṃ siddhimāgāddhīmānvāsudevaprasādataḥ || 27 ||
[Analyze grammar]

nārada uvāca |
asminneva mama sthāne hārītasyānvaye'bhavat || 28 ||
[Analyze grammar]

māṃḍūkiriti viprāgryo vedavedāṃgapāragaḥ || 29 ||
[Analyze grammar]

tasyāsī ditarā nāma bhāryā sādhvīguṇairyutā |
tasyāmutpadyata sutastvaitareya iti smṛtaḥ || 30 ||
[Analyze grammar]

sa ca bālyātprabhṛtyeva prāgjanmanyanuśikṣitam |
jajāpamaṃtraṃ tvaniśaṃ dvādaśākṣarasaṃjñitam || 31 ||
[Analyze grammar]

na śrṛṇoti na vaktyeva manasāpi ca kiṃcana |
evaṃprabhāvaḥ so'bhūcca bālye viprasutastadā || 32 ||
[Analyze grammar]

tato mūko'yamityeva nānopāyaiḥ prabodhitaḥ |
pitrā yadā na kurute vyavahārāya mānasam || 33 ||
[Analyze grammar]

tato niścitya manasā jaḍoyamiti bhārata |
anyāṃ vivāhayāmāsa dārānputrāṃstathādadhe || 34 ||
[Analyze grammar]

piṃgānāma ca sā bhāryā tasyāḥ putrāśca jajñire |
catvāraḥ karmakuśalā vedavedāṃgavādinaḥ || 35 ||
[Analyze grammar]

yajñeṣu śāṃtihomeṣu dvijaiḥ sarvatra pūjitāḥ |
aitareyopi nityaṃ ca trikālaṃ harikaṃdire || 36 ||
[Analyze grammar]

jajāpa paramaṃ jāpyaṃ nānyatra kurute śramam |
tato mātā nirīkṣyaiva sapatnītanayāṃstathā || 37 ||
[Analyze grammar]

dāryamāṇena manasā tanayaṃ vākyamabravīt |
kleśāyaiva ca jāto'si dhigme janma ca jīvitam || 38 ||
[Analyze grammar]

nāryāstasyā nṛloke'tra varaivājananiḥ sphuṭam |
vimānitā yā bhartrāsyānna putraḥ syādguṇairyutaḥ || 39 ||
[Analyze grammar]

piṃgeyaṃ kṛtapuṇyā vai yasyāḥ putrā mahāguṇāḥ |
vedavedāṃgatattvajñāḥ sarvatrābhyarcitā guṇaiḥ || 40 ||
[Analyze grammar]

tadahaṃ putra durbhāgyā mahīsāgarasaṃgame |
nimajjīṣye varaṃ mṛtyurjīvite kiṃ phalaṃ mama |
tvamapyevaṃ mahāmaunī nanda bhakto hareściram || 41 ||
[Analyze grammar]

nārada uvāca |
iti māturvacaḥ śrutvā prahasannaitareyakaḥ || 42 ||
[Analyze grammar]

dhyātvā muhurtaṃ dharmajño mātaraṃ praṇato'bravīt |
mātarmithyābhibhūtāsi ajñāne jñānavatyasi || 43 ||
[Analyze grammar]

aśocye śocasi śubhe śocye naivā'pi śocasi |
dehasyāsya kṛte mithyāsaṃsāre kiṃ vimuhyasi || 44 ||
[Analyze grammar]

mūrkhācaritametaddhi manmāturucitaṃ na hi |
anyatsaṃsārasāraṃ ca sāramanyacca mohitāḥ || 45 ||
[Analyze grammar]

prapaśyaṃti yathā rātrau khadyotaṃ dīpavatsthitam |
yadidaṃ manyase sāraṃ śrṛṇu tasyāpyasāratām || 46 ||
[Analyze grammar]

evaṃvidhaṃ hi mānu'yamā garbhāditi kaṣṭadam |
asthipaṭṭatulāstambhe snāyubandhena yaṃtrite || 47 ||
[Analyze grammar]

raktamāṃsamadālipte viṇmūtradravyabhājane |
keśaromatṛṇacchanne suvarṇatvaksudhūtake || 48 ||
[Analyze grammar]

vadanaikamahādvāre ṣaḍgavākṣavitabhūṣite |
oṣṭhadvayakāṭe ca tathā daṃtārgalānvite || 49 ||
[Analyze grammar]

nāḍīsvedapravāhe ca kālavaktrānalasthite |
evaṃvidhe gṛhe gehī jīvo nāmāsti śobhane || 50 ||
[Analyze grammar]

guṇatrayamayī bhāryā prakṛtistasya tatra ca |
bodhāhaṃkārakāmāśca krodhalobhādayo'pi ca || 51 ||
[Analyze grammar]

apatyānyasya hā kaṣṭamevaṃ mūḍhaḥ pravartate |
tasya yoyo yathā mohastathā taṃ śrṛṇu tattvataḥ || 52 ||
[Analyze grammar]

srotāṃsi yasya satataṃ prasravaṃti gireriva |
kaphamūtrādikānyasya kṛte dehasya muhyati || 53 ||
[Analyze grammar]

sarvāśucinidhānasya śarīrasya na vidyate |
śucirekapradeśo'pi viṇmūtrasya dṛteriva || 54 ||
[Analyze grammar]

spṛṣṭvā svadehasrotāṃsi mṛttoyaiḥ śodhyate karaḥ |
tathāpyaśucibhāṃḍasya na virajyati kiṃ naraḥ || 55 ||
[Analyze grammar]

kāyaḥ sugandhatoyādyairyatnenāpi susaṃskṛtaḥ |
na jahāti svakaṃ bhāvaṃ śvapucchamiva nāmitam || 56 ||
[Analyze grammar]

svadehāśucigaṃdhena na virajyati yo naraḥ |
virāge kāraṇaṃ tasya kimanyadu padiśyate || 57 ||
[Analyze grammar]

gandhalepāpanodārthaṃ śaucaṃ dehasya kīrtitam |
dvayasyāpagamātpaścādbhāvaśuddhyā viśudhyati || 58 ||
[Analyze grammar]

gaṃgātoyena sarveṇa mṛdbhāraiḥ parvatopamaiḥ |
ā mṛtyorācarañchaucaṃ bhāvaduṣṭo na śudhyati || 59 ||
[Analyze grammar]

tīrthasnānaistapobhirvā duṣṭātmā naiva śudhyati |
sveditaḥ kṣālitastīrthe kiṃ śuddhimadhigacchati || 60 ||
[Analyze grammar]

aṃtarbhāvapraduṣṭasya viśato'pi hutāśanam |
na svargo nāpapargaśca dehanirdahanaṃ param || 61 ||
[Analyze grammar]

bhāvaśuddhiḥ paraṃ śaucaṃ pramāṇaṃ sarvakarmasu |
anyathāliṃgyate kāṃtā bhāvena duhitā'nyathā || 62 ||
[Analyze grammar]

anyathaiva stanaṃ putraściṃtayatyanyathā patiḥ |
cittaṃ viśodhayettasmātkimanyairbāhyaśodhanaiḥ || 63 ||
[Analyze grammar]

bhāvataḥ saṃviśuddhātmā svargaṃ mokṣaṃ ca viṃdati |
jñānāmalāṃbhasā puṃsaḥ sadvairāgyamṛdā punaḥ || 64 ||
[Analyze grammar]

avidyārāgaviṇmūtralepagaṃdhaviśodhanam |
evametaccharīraṃ hi nisargādaśuci viduḥ || 65 ||
[Analyze grammar]

tvaṅmātrasāraniḥsāraṃ kadalīsārasaṃnibham |
jñātvaivaṃ doṣavaddehaṃ yaḥ prājñaḥ śithilībhavet || 66 ||
[Analyze grammar]

sa niṣkrāmati saṃsāre dṛḍhagrāhī sa tiṣṭhati |
evametanmahākaṣṭaṃ janma duḥkhaṃ prakīrtitam || 67 ||
[Analyze grammar]

puṃsāmajñātadoṣeṇa nānākarmavaśena ca |
yathā girivarākrāṃtaḥ kaścidduḥkhena tiṣṭhati || 68 ||
[Analyze grammar]

yathā jarāyuṇā dehī duḥkhaṃ tiṣṭhati veṣṭitaḥ |
patitaḥ sāgare yadvaddṛḥkhamāste samākulaḥ || 69 ||
[Analyze grammar]

garbhodakena siktāṃgastathā'ste vyākulaḥ pumān |
lohakumbhe yathānyasta pacyate kaścidagninā || 70 ||
[Analyze grammar]

garbhakumbhe tathā kṣiptaḥ pacyate jaṭharāgninā |
sūcībhiragnivarṇābhirvibhinnasya nirantaram || 71 ||
[Analyze grammar]

yadduḥkhaṃ jāyate tasya tadgarbhe'ṣṭaguṇaṃ bhavet |
ityetadgarbhaduḥkhaṃ hi prāṇināṃ parikīrtitam || 72 ||
[Analyze grammar]

carasthirāṇāṃ sarveṣāmātmagarbhānurūpataḥ |
tatrasthasya ca sarveṣāṃ janmanāṃ smaraṇaṃ bhavet || 73 ||
[Analyze grammar]

mṛtaścāhaṃ punarjāto jātaścāhaṃ punarmṛtaḥ |
nānāyonisahasrāṇi mayā dṛṣṭānvanekadhā || 74 ||
[Analyze grammar]

adhunā jātamātro'haṃ prāptasaṃskāra eva ca |
tataḥ śreyaḥ kariṣyāmi yena garbho na saṃbhavet || 75 ||
[Analyze grammar]

adhyeṣyāmi harerjñānaṃ saṃsāravinivartanam |
evaṃ saṃciṃtayannāste mokṣopāyaṃ vicintayan || 76 ||
[Analyze grammar]

gabhātkoṭiguṇaṃ duḥkhaṃ jāyamānasya jāyate |
garbhavāse smṛtiryāsītsā jātasya praṇaśyati || 77 ||
[Analyze grammar]

spṛṣṭamātrasya bāhyena vāyunā mūḍhatā bhavet |
saṃmūḍhasya smṛtibhraṃśaḥ śīghraṃ saṃjāyate punaḥ || 78 ||
[Analyze grammar]

smṛtibhraṃśāttatastasya pūrvakarmavaśena ca |
ratiḥ saṃjāyate tūrṇaṃ jaṃtostatraiva janmani || 79 ||
[Analyze grammar]

rakto mūḍhaśca lokoyamakārye saṃpravartate |
tatrātmānaṃ na jānāti na paraṃ na ca daivatam || 80 ||
[Analyze grammar]

na śrṛṇoti paraṃ śreyaḥ sati cakṣuṣi nekṣate |
same pathi samairgacchanskhalatīva padepade || 81 ||
[Analyze grammar]

satyāṃ buddhau na jānāti bodhyamāno budhairapi |
saṃsāre kliśyate tena rāgamohavaśānugaḥ || 82 ||
[Analyze grammar]

garbhasmṛterabhāvena śāstramuktaṃ maharṣibhiḥ |
taddṛḥkhakathanārthāya svargamokṣaprasādhakam || 83 ||
[Analyze grammar]

ye śāstrajñāne satyasminsarvakarmārthasādhake |
na kurvaṃtyātmanaḥ śreyastadatra paramadbhutam || 84 ||
[Analyze grammar]

avyaktendriyavṛttitvādbālye duḥkhaṃ mahatpunaḥ |
icchannapi na śaknoti vaktuṃ kartuṃ ca kiñcana || 85 ||
[Analyze grammar]

daṃtotthāne mahadduḥkhaṃ maulena vyādhinā tathā |
bālarogaiśca vividhaiḥ pīḍā bālagrahairapi || 86 ||
[Analyze grammar]

tṛḍbubhukṣāparītāṃgaḥ kvacittiṣṭhati rāraṭan |
viṇmūtrabhakṣaṇādyaṃ ca mohādbālaḥ samācaret || 87 ||
[Analyze grammar]

kaumāre karṇavedhena mātāpitrorvitāḍanaiḥ |
akṣarādhyayanādyaiśca duḥkhaṃ syādguruśāsanāt || 88 ||
[Analyze grammar]

pramatteṃdriyavṛttaiśca kāmarāgaprapīḍanāt |
rāgodvṛttasya satataṃ kutaḥ saukhyaṃ hi yauvane || 89 ||
[Analyze grammar]

īrṣyayā sumahadduḥkhaṃ mohādraktasya jāyate |
mattasya kupitasyaiva rāgo doṣāya kevalam || 90 ||
[Analyze grammar]

na rātrau viṃdate nidrā kāmāgniparikheditaḥ |
divāpi hi kutaḥ saukhyamarthopārjanaciṃtayā || 91 ||
[Analyze grammar]

nārīṣu tvanubhūtāsu sarvadoṣāśrayāsu ca |
viṇmutrotsargasadṛśaṃ saukhyaṃ maithunajaṃ smṛtam || 92 ||
[Analyze grammar]

sanmānamapamānena viyogeneṣṭasaṃgamaḥ |
yauvanaṃ jarayā grastaṃ kva saukhyamanupadravam || 93 ||
[Analyze grammar]

valīpalitakāyena śithilīkṛtavigrahaḥ |
sarvakriyāsvaśaktaśca jarayājarjjarīkṛtaḥ || 94 ||
[Analyze grammar]

strīpuṃsoryauvanaṃ rūpaṃ yadanyonyāśrayaṃ purā |
tadevaṃ jarayā grastamubhayorapi na priyam || 95 ||
[Analyze grammar]

jarābhibhūtaḥpuruṣaḥ patnīputrādibāṃdhavaiḥ |
aśaktatvāddurācārairbhṛtyaiśca paribhūyate || 96 ||
[Analyze grammar]

dharmamarthaṃ ca kāmaṃ ca mokṣaṃ ca nāturo yataḥ |
śaktaḥ sādhayituṃ tasmādyuvā dharmaṃ samācaret || 97 ||
[Analyze grammar]

vātapittakaphādīnāṃ vaiṣamyaṃ vyādhirucyate |
vātādīnāṃ samūhaśca deho'yaṃ parikīrtitaḥ || 98 ||
[Analyze grammar]

tasmādvyādhimayaṃ jñeyaṃ śarīramidamātmanaḥ |
rogairnānāvidhairyāṃti dehe duḥkhānyanekaśaḥ || 99 ||
[Analyze grammar]

tāni na svātmavedyāni kimanyatkathayāmyaham |
ekottaraṃ mṛtyuśatamasmindehe pratiṣṭhitam || 100 ||
[Analyze grammar]

tatraikaḥ kālasaṃyuktaḥ śeṣāstvāgaṃtavaḥ smṛtāḥ |
ye tvihāgaṃtavaḥ proktāste praśāmyanti bheṣajaiḥ || 101 ||
[Analyze grammar]

japahomapradānaiśca kālamṛtyurna śāmyati |
vividhā vyādhayaḥ śastāḥ sarpādyāḥ prāṇinastathā || 102 ||
[Analyze grammar]

viṣāṇi cābhicārāśca mṛtyordvārāṇi dehinām |
pīḍitaṃ sarparogādyairapi dhanvaṃtariḥ svayam || 103 ||
[Analyze grammar]

svasthīkartuṃ na śaknoti kālaprāptaṃ hi dehinam |
naiṣadhaṃ na tapo maṃtrā na mitrāṇi na bāṃdhavāḥ || 104 ||
[Analyze grammar]

śaknuvaṃti paritrātuṃ naraṃ kālena pīḍitam |
rasāyanatapojapyairyogasiddhairmahātmabhiḥ || 105 ||
[Analyze grammar]

kālamṛtyurapi prājñairnīyate nāpi saṃyutaiḥ |
nāsti mṛtyusamaṃ duḥkhaṃ nāsti mṛtyusamaṃ bhayam || 106 ||
[Analyze grammar]

nāsti mṛtyusamasrāsaḥ sarveṣāmapi dehinām |
sadbhāryāputramitrāṇi rājyaiśvaryasukhāni ca || 107 ||
[Analyze grammar]

ābaddhāni snehapāśairmṛtyuḥ sarvāṇi kṛṃtati |
kiṃ na paśyasi mātastvaṃ sahasrasyāpi madhyataḥ || 108 ||
[Analyze grammar]

janāḥ śatāyuṣaḥ paṃcabhavaṃti na bhavanti vā |
aśītikā vipadyante kecitsaptatikā narāḥ || 109 ||
[Analyze grammar]

paramāyuḥ sthitā ṣaṣṭistadapyasti na niṣṭhitam |
tasya yāvadbhavedāyurdehinaḥ pūrvakarma bhiḥ || 110 ||
[Analyze grammar]

tasyārdhamāyuṣo rātrirharate mṛtyurūpiṇī |
bālabhāvena mohena vārdhake jarayā tathā || 111 ||
[Analyze grammar]

varṣāṇāṃ viṃśatiryāti dharmakāmārthavarjitaḥ |
āgantukairbhavaiḥ puṃsāṃ vyādhiśokairanekadhā || 112 ||
[Analyze grammar]

hriyaterddhaṃ hi tatrāpi yaccheṣaṃ taddhi jīvitam |
jīvitāṃteca maraṇaṃ mahāghoramavāpnuyāt || 113 ||
[Analyze grammar]

jāyate yonikoṭīṣu mṛtaḥ karmavaśātpunaḥ |
dehabhedena yaḥ puṃsāṃ viyogaḥ karmasaṃkhyayā || 114 ||
[Analyze grammar]

maraṇaṃ tadvinirddiṣṭaṃ na nāśaḥ paramārthataḥ |
mahātamaḥpraviṣṭasya cchidyamāneṣu marmasu || 115 ||
[Analyze grammar]

yadduḥkhaṃ maraṇaṃ jaṃtorna tasyehopamā kvacit |
hā tāta mātarhā kāṃte kraṃdatyevaṃ suduḥkhitaḥ || 116 ||
[Analyze grammar]

maṇḍūka iva sarpeṇa gīryate mṛtyunā janaḥ |
bāṃdhavaiḥ saṃparityaktaḥ priyaiśca parivāritaḥ || 117 ||
[Analyze grammar]

niḥśvasandīrghamuṣṇaṃ ca mukena pariśuṣyatā |
caturaṃteṣu khaṭvāyāḥ parivartanmuhurmuhuḥ || 118 ||
[Analyze grammar]

saṃmūḍhaḥ kṣipatetyarthaṃ hastapādāvitastataḥ |
khaṭvāto vāṃchate bhūmiṃ bhūmeḥ khaṭvāṃ punarmahīm || 119 ||
[Analyze grammar]

vivastro muktalajjaśca viṣṭhānulepitaḥ |
yācamānaśca salilaṃ śuṣkakaṇṭhoṣṭhatālukaḥ || 120 ||
[Analyze grammar]

ciṃtayānaḥ svavittāni kasyaitāni mṛte mayi |
paṃcāvaṭānkhanamānaḥ kālapāśena karṣitaḥ || 121 ||
[Analyze grammar]

mriyate paśyatāmeva gale ghurghurarāvakṛt |
jīvastṛṇajalūkeva dehāddehaṃ viśetkramāt || 122 ||
[Analyze grammar]

saṃprāpyottaramaṃśena dehaṃ tyajati pūrvakam |
maraṇātprārthanā duḥkhamadhikaṃ hi vivekinaḥ || 123 ||
[Analyze grammar]

kṣaṇikaṃ maraṇe duḥkhamanaṃtaṃ prārthanākṛtam |
jñātaṃ mayaitadadhunā mṛto bhavati yadguruḥ || 124 ||
[Analyze grammar]

na paraḥ prārthayedbhūyastṛṣṇā lāghavakāraṇam |
ādau duḥkhaṃ tathā madhye hyantye duḥkhaṃ ca dāruṇam || 125 ||
[Analyze grammar]

nisargātsarvabhūtānāmiti duḥkhaparaṃparā |
kṣudhā ca sarvarogāṇāṃ vyādhiḥ śreṣṭhatamaḥ smṛtaḥ || 126 ||
[Analyze grammar]

sa cānnauṣadhilepena kṣaṇamātraṃ praśāmyati |
kṣuddhyādhervedanā tīvrā niḥśeṣabalakṛntanī || 127 ||
[Analyze grammar]

tayābhibhūto mriyate yathānyairvyādhibhirnnaraḥ |
rājño'bhimānamātraṃ hi mamaiva vidyate gṛhe || 128 ||
[Analyze grammar]

sarvamābharaṇaṃ bhāraṃ sarvamālepanaṃ mama |
sarvaṃ pralāpitaṃ gītaṃ nityamunmattaceṣṭitam || 129 ||
[Analyze grammar]

ityevaṃ rājyasaṃbhogaiḥ kutaḥ saukhyaṃ vicārataḥ |
nṛpāṇāṃ vyagracittānāmanyonyavijigīṣayā || 130 ||
[Analyze grammar]

prāyeṇa śrīmadālepānnahuṣādyā mahānṛpāḥ |
svargaṃ prāpyāpi patitāḥ kaḥ śriyo viṃdate sukham || 131 ||
[Analyze grammar]

uparyupari devānāmanyonyātiśaye sthitam |
naraiḥ puṇyaphalaṃ svarge mūlacchedena bhujyate || 132 ||
[Analyze grammar]

na cānyatkriyate karma so'tra doṣaḥ sudāruṇaḥ |
chinnamūlataruryadvadavaśaḥ patate kṣitau || 133 ||
[Analyze grammar]

puṇyamūlakṣaye tadvatpātayaṃti divaukasaḥ |
iti svargepi devānāṃ nāsti saukhyaṃ vicārataḥ || 134 ||
[Analyze grammar]

tathā nārakiṇāṃ duḥkhaṃ prasiddhaṃ kiṃ ca varṇyate |
sthāvareṣvapiduḥkhāni dāvāgnihimaśoṣaṇam || 135 ||
[Analyze grammar]

kuṭhāraiśṭhedanaṃ tīvraṃ valkalānāṃ ca takṣaṇam |
parṇaśakhāphalānāṃ ca pātanaṃ caṃḍavāyunā || 136 ||
[Analyze grammar]

apamardaśca satataṃ gajairvanyaiśca dehibhiḥ |
tṛḍbubhukṣā ca sarpāṇāṃ krodho duḥkhaṃ ca dāruṇam || 137 ||
[Analyze grammar]

duṣṭānāṃ ghātanaṃ loke pāśena ca nibandhanam |
evaṃ sarīsṛpāṇāṃ ca duḥkhaṃ mātarmuhurmuhuḥ || 138 ||
[Analyze grammar]

akasmājjanmamaraṇaṃ kīṭādīnāṃ tathāvidham |
varṣāśītātapairduḥkhaṃ sukaṣṭaṃ mṛgapakṣiṇām || 139 ||
[Analyze grammar]

kṣuttṛṭkleśena mahatā saṃtrastāśca sadā mṛgāḥ |
paśunāganikāyānāṃ śrṛṇu duḥkhāni yāni ca || 140 ||
[Analyze grammar]

kṣuttṛṭchītādidamanaṃ vadhabandhanatāḍanam |
nāsāpravedhanaṃ trāsaḥ pratodāṃkuśatāḍanam || 141 ||
[Analyze grammar]

veṇukuntādinigaḍamudgarāṃ'kuśatāḍanam |
bhārodvahanasaṃkleśaṃ śikṣāyuddhādipīḍanam || 142 ||
[Analyze grammar]

ātmayūthaviyogaśca vane ca nayanādikam |
durbhikṣaṃ durbhagatvaṃ ca mūrkhatvaṃ ca daridratā || 143 ||
[Analyze grammar]

adharottarabhāvaśca maraṇaṃ rāṣṭravibhramaḥ |
anyonyābhibhavādduḥkhamanyonyātiśayātpunaḥ || 144 ||
[Analyze grammar]

anityatā prabhāvāṇāmucchrayāṇāṃ ca pātanam |
ityevamādibhirduḥkhairyasmādvyāptaṃ carācaram || 145 ||
[Analyze grammar]

nirayādimanuṣyāṃtaṃ tasmātsarvaṃ tyajedbudhaḥ |
skandhātsakandhaṃ nayedbhāraṃ viśrāmaṃ manyatenyathā || 146 ||
[Analyze grammar]

tadvatsarvamidaṃ loke duḥkhaṃ duḥkhena śāmyati |
evametajjagatsarvamanyonyātiśayocchritam || 147 ||
[Analyze grammar]

duḥkhairākulitaṃ jñātvā nirvedaṃ paramāpnuyāt |
nirvedācca virāgaḥ syādvirāgājjñānasaṃbhavaḥ || 148 ||
[Analyze grammar]

jñānena taṃ paraṃ jñātvā viṣṇuṃ muktimavāpnuyāt |
nāhametādṛśe loke rameyaṃ janani kvacit || 149 ||
[Analyze grammar]

rājahaṃso yathā śuddhaḥ kākāmedhyapradarśakaḥ |
śrṛṇu mātaryatra saṃstho rameyaṃ nirupadravaḥ || 150 ||
[Analyze grammar]

avidyāyanamatyugraṃ nānākarmātiśākhinam |
saṃkalpadaṃśamakaraṃ śokaharṣahimātapam || 151 ||
[Analyze grammar]

mohāṃdhakāratimiraṃ lobhavyālasarīsṛpam |
viṣayānanyathādhvānaṃ kāmakrodhavimokṣakam || 152 ||
[Analyze grammar]

tadatītya mahādurgaṃ praviṣṭo'smi mahadvanam |
na tatpraviśya śocaṃti na praduṣyaṃti tadvidaḥ || 153 ||
[Analyze grammar]

na ca bibhyati keṣāṃcinnāsya bibhyati kecana || 154 ||
[Analyze grammar]

tasminvane saptamahādrumāstu saptaiva nadyaśca phalāni sapta |
saptāśramāḥ sapta samādhayaśca dīkṣāśca saptaitadaraṇyarūpam || 155 ||
[Analyze grammar]

paṃcavarṇāni divyāni caturvarṇāni kānicit |
tridvivarṇaikavarṇāni puṣpāṇi ca phalāni ca || 156 ||
[Analyze grammar]

sṛjaṃtaḥ pādapāstatra vyāpya tiṣṭhanti tadvanam || 157 ||
[Analyze grammar]

sapta striyastatra vasaṃti satyastvavāṅmukhyo bhānumato bhavaṃti |
ūrdhvaṃ rasānādadate prajābhyaḥ sarvāśca tāstattvataḥ kopi vade || 158 ||
[Analyze grammar]

saptaiva girayaścātra dhṛtaṃ yairbhuvanatrayam |
nadyaśca saritaḥ sapta brahmavārivahāḥ sadā || 159 ||
[Analyze grammar]

tejaścābhayadānatvamadrohaḥ kauśalaṃ tathā |
acāpalyama thākrodhaḥ priyavādaśca saptamaḥ || 160 ||
[Analyze grammar]

ityete girayo jñeyāstasminvidyāvane sthitāḥ |
dṛḍhaniścayastathā bhāsā samatā nigraho guṇaḥ || 161 ||
[Analyze grammar]

nirmamatvaṃ tapaścātra santoṣaḥ saptamo hradaḥ |
bhagavadguṇavijñānādbhaktiḥ syātprathamā nadī || 162 ||
[Analyze grammar]

puṣpādipūjā dvitīyā tṛtīyā ca pradakṣiṇā |
caturthī stutivāgrūpā pañcamī īśvarārpaṇā || 163 ||
[Analyze grammar]

ṣaṣṭhī brahmaikatā proktā saptamī siddhireva ca |
sapta nadyo'tra kathitā brahmaṇā parameṣṭhinā || 164 ||
[Analyze grammar]

brahmā dharmo yamaścāgniriṃdro varuṇa eva ca || 165 ||
[Analyze grammar]

dhanadaśca dhruvādīnāṃ saptakānarcayaṃtyamī |
nadīnāṃ saṃgamastatra vaikuṃṭhasamupahvare || 166 ||
[Analyze grammar]

ātmatṛptā yato yāṃti śāṃtā dāṃtāḥ parātparam |
keciddrumāḥ striyaḥ kecitkecittattvavido'pare || 167 ||
[Analyze grammar]

saritaḥ kecidāhuḥ sma saptaiva jñānavittamāḥ |
anapetavratakāmo'tra brahmacaryaṃ carāmi ca || 168 ||
[Analyze grammar]

brahmaiva samidhastatra brahmāgnirbrahma saṃstaraḥ |
āpo brahma gurubrahma brahmacaryamidaṃ mama || 169 ||
[Analyze grammar]

etadevedṛśaṃ sūkṣmaṃ brahmacaryaṃ vidurbudhāḥ |
guruṃ ca śrṛṇu me mātaryo me vidyāprado'bhavat || 170 ||
[Analyze grammar]

ekaḥ śāstā na dvitīyo'sti śāstā hṛdyeva tiṣṭhanpuruṣaṃ praśāsti |
tenābhiyuktaḥ praṇavādivodakaṃ yatā niyuktosmi tathācarāmi || 171 ||
[Analyze grammar]

eko gururnāsti tathā dvitīyo hṛdi sthitastamahaṃ nṛ bravīmi |
yaṃ cāvamānyaiva guruṃ mukundaṃ parābhūtā dānavāḥ sarva eva || 172 ||
[Analyze grammar]

eko baṃdhurnāsti tato dvitīyo hṛdī sthitaṃ tamahamanubravīmi |
tenānuśiṣṭā bāṃdhavā baṃdhumaṃtaḥ saptarṣayaḥ sapta divi prabhāṃti || 173 ||
[Analyze grammar]

brahmacaryaṃ ca saṃsevyaṃ gārhasthya śrṛṇu yādṛśam |
patnī prakṛtirūpā me taccitto nāsmi karhicit || 174 ||
[Analyze grammar]

maccittā sā sadā mātarmama sarvārthasādhanī |
ghrāṇaṃ jihvā ca cakṣuśca tvakca śrotraṃ ca paṃcamam || 175 ||
[Analyze grammar]

mano buddhiśca saptaite dīpyaṃte pāvakā mama |
gaṃdho rasaśca rūpaṃ ca śabdaḥ sparśaśca paṃcamam || 176 ||
[Analyze grammar]

maṃtavyamatha boddhavyaṃ saptaitāḥ samidho mama |
hutaṃ nārāyaṇadhyānādbhuṃkte nārāyaṇaḥ svayam || 177 ||
[Analyze grammar]

evaṃvidhena yajñena yajāmyasmi tamīśvaram |
akāmayānasya ca sarvakāmo bhavedadviṣāṇasya ca sarvadoṣaḥ || 178 ||
[Analyze grammar]

na me svabhāveṣu bhavaṃti lepāstoyasya biṃdoriva puṣkareṣu |
nityasya me naiva bhavaṃtyanityā nirīkṣamāṇasya bahusyabhāvāt || 179 ||
[Analyze grammar]

na sajjate karmasu bhogajālaṃ divīva sūryasya mayūkhajālam || 180 ||
[Analyze grammar]

evaṃvidhena putreṇa mā mātarduḥkhinī bhava |
tatpadaṃ tvā ca neṣyāmi na yatkratuśatairapi || 181 ||
[Analyze grammar]

iti putravacaḥ śrutvā vismitā itarābhavat |
ciṃtayāmāsa yadyevaṃ vidvānmama suto dṛḍham || 182 ||
[Analyze grammar]

lokeṣu khyātimāyāti tato me syādyaśaḥ param |
ityādi ciṃtayaṃtyāṃ ca rajanyāṃ bhagavānhariḥ || 183 ||
[Analyze grammar]

prahṛṣṭastasya tairvākyairvismitaḥ prādurāsa ca |
mūrteḥ svayaṃ viniṣkramya śaṃkhacakragadādharāḥ || 184 ||
[Analyze grammar]

jagadudbhāsayanbhāsā sūryakoṭisamaprabhaḥ |
tato niṣpatya dharaṇīṃ hṛṣṭaromāśrudgadaḥ || 185 ||
[Analyze grammar]

mūrdhni baddhāṃjaliṃ dhīmānaitareyo'tha tuṣṭuve || 186 ||
[Analyze grammar]

namastubhyaṃ bhagavate vāsudevāya dhīmahi |
pradyumnāyāniruddhāya namaḥ saṃkarṣaṇāya ca || 187 ||
[Analyze grammar]

namo vijñānamātrāya paramānaṃdamūrtaye |
ātmārāmāya śāṃtāya nivṛttadvaitadṛṣṭaye || 188 ||
[Analyze grammar]

ātmānaṃdānuruddhāya samyaktayaktormaye namaḥ |
hṛṣīkeśāya mahate namaste'naṃtaśaktaye || 189 ||
[Analyze grammar]

vacasyuparate prāpyo ya eko manasā saha |
anāmarūpacinmātraḥ so'vyānnaḥ sadasatparaḥ || 190 ||
[Analyze grammar]

yasminnidaṃ yataścedaṃ tiṣṭhatyapaiti jāyate |
mṛnmayeṣviva mṛjjātistasmai te brahmaṇe namaḥ || 191 ||
[Analyze grammar]

yaṃ na spṛśaṃti na vidurmanobuddhīṃdriyāsavaḥ |
aṃtarbahiśca vitataṃ vyomavatpraṇato'smyaham || 192 ||
[Analyze grammar]

deheṃdriyaprāṇamanodhiyo'mī yadaṃśabddhāḥ pracaraṃti karmasu |
naivānyadālohamiva prataptaṃ sthāneṣu taddṛṣṭapadena ete || 193 ||
[Analyze grammar]

caturbhiśca tribhirdvābhyāmekadhā praṇamāmi tam |
pūrvāparāparayuge śāstāraṃ paramīśvaram || 194 ||
[Analyze grammar]

hitvā gatīrmokṣakāmā yaṃ bhajaṃti daśātmakam |
taṃ paraṃ satyamamalaṃ tvāṃ vayaṃ paryupāsmahe || 195 ||
[Analyze grammar]

oṃnamo bhagavate mahāpuruṣāya mahānubhāvāya vibhūtipataye sakalasātvataparivṛḍhanikarakarakamalotpalakuḍmalopalālitacaraṇāraviṃdayugala paramaparameṣṭhinnamaste || 196 ||
[Analyze grammar]

tavāgnirāsyaṃ vasudhāṃghriyugmaṃ nabhaḥ śiraścaṃdraravī ca netre |
samastalokā jaṭharaṃ bhujāśca diśaścatasro bhagavannamaste || 197 ||
[Analyze grammar]

janmāni tāvaṃti na saṃti deva niṣpīḍya sarvāṇi ca sarvakālam |
bhūtāni yāvaṃti mayātra bhīme pītāni saṃsāramahāsamudre || 198 ||
[Analyze grammar]

saṃpacchilānāṃ himavanmaheṃdrakailāsamervādiṣu naiva tādṛk |
dehānanekānanugṛhṇato me prāptāsti saṃpanmahatī tatheśa || 199 ||
[Analyze grammar]

na saṃtite deva bhuvi pradeśā na yeṣu jāto'smi tathā vinaṣṭaḥ |
bhūtvā mayā yeṣu na jaṃtavaśca saṃbhakṣito vā na ca bhūtasaṃghaiḥ || 200 ||
[Analyze grammar]

śokābhibhūtasya mamāśru deva yāvatpramāṇaṃ patitaṃ bhaveṣu |
tāvatpramāṇaṃ na jalaṃ payodā muṃcaṃti divyairapi varṣalakṣaiḥ || 201 ||
[Analyze grammar]

manye dharitrīparamāṇusaṃkhyāmupaiti pitrorgaṇanā na mahyam |
mitrāvyamitrāṇyanujīvyabaṃdhūnsaṃkhyātumīśo'smina devadeva || 202 ||
[Analyze grammar]

tvayyarpitaṃ nātha punaḥ punarme manaḥ samākṣipya sudurddharāri |
kāmo vaśaṃ kradhamukhaiḥ sahāyaiḥ karoti kiṃ tadbhagavankaromi || 203 ||
[Analyze grammar]

so'haṃ bhṛśārtaḥ karuṇākarastvaṃ saṃsāragarte patitasya viṣṇo |
mahātmanāṃ saṃśrayamabhyupeto naivāvasīdatyapi durgato'pi || 204 ||
[Analyze grammar]

parāyaṇaṃ rogavato hi vaidyo mahābdhimagnasya ca naurnarasya |
bālasya mātāpitarau sughorasaṃsārakhinnasya hare tvameva || 205 ||
[Analyze grammar]

prasīda sarveśvara sarvabhūta sarvasya heto paramārthasāra |
māmuddharāsmāduruduḥkhasaṃghātsaṃsāragartātsvaparigraheṇa || 206 ||
[Analyze grammar]

kṣṛttṛṭtridhātubhirimaṃ muhurardyamānaṃ śītoṣṇa vātasalilairitaretarācca |
kāmāgninācyuta ruṣā ca sudurbhareṇa saṃpaśyato mama urukrama sīdato hi || 207 ||
[Analyze grammar]

bhavaṃtu bhadrāṇi samastadoṣāḥ prayāṃtu nāśaṃ jagato'khilasya |
mayādya bhaktyā parameśvare prabhau stute jagaddhātari vāsudeve || 208 ||
[Analyze grammar]

ye bhūtale ye divi cāṃtarikṣe rasātale prāṇigaṇāśca kecit |
bhavaṃtu te siddhiyujo mayādya stute jagaddhātari vāsudeve || 209 ||
[Analyze grammar]

ajñānino jñānavido bhavaṃtu praśāntibhājaḥ satatogracittāḥ |
mayā ca viśvaṃbharaṇe hyanaṃte stute jagaddhātari vāsudeve || 210 ||
[Analyze grammar]

śrṛṇvaṃti ye me stuvatastathānye paśyaṃti ye māmidamīrayaṃtam |
devāsurādyā manujāstiraśco bhavaṃtu te'pyacyutayogabhājaḥ || 211 ||
[Analyze grammar]

ye cāpi mūkā vikaleṃdriyatvātpaṭhaṃti no naiva vilokayaṃti |
paśvādayaḥ kīṭapipīlikādyā bhavaṃtu te'pyacyutayogabhājaḥ || 212 ||
[Analyze grammar]

naśyaṃtu duḥkhāni jagatyapetu lobhādiko doṣagaṇaḥ prajābhyaḥ |
yathātmani bhrātari cātmaje vā tathā narasyāstu janepi bhāvaḥ || 213 ||
[Analyze grammar]

saṃsāravaidyai'khiladoṣahānivicakṣaṇe nirvṛtihetubhūte |
saṃsārabaṃdhāḥ śithilībhavaṃtu hṛdi sthite sarvajanasya viṣṇau || 214 ||
[Analyze grammar]

pāpaṃ praṇāśaṃ mama ca prayātu yanmānasaṃ yacca karomi vācā |
śarīramapyācaritaṃ ca yanme smṛte jagaddhātari vāsudeve || 215 ||
[Analyze grammar]

yathā hi vā vāsudeveti prokte saṃkīrttane viṣṇubhaktasya vāpi |
smṛte harau vāpi prayāti pāpaṃ satyena me naśyatāṃ tena pāpam || 216 ||
[Analyze grammar]

mūḍho'yamalpamatiralpaviceṣṭito'yaṃ kliṣṭaṃ mano'pi viṣayairmayi na prasaṃgi |
itthaṃ kṛpāṃ kuru mayi praṇate'khileśa tvāṃ stotumaṃbujabhavo'pi hi deva neśaḥ || 217 ||
[Analyze grammar]

sa tvaṃ prasīda bhagavankuru mayyanāthe viṣṇo kṛpāṃ paramakāruṇikaḥ kila tvam |
saṃsārasāgaranimagnamanaṃta dīnamuddhartumarhasi hare puruṣottamosi || 218 ||
[Analyze grammar]

itthaṃ stutaḥ sa bhagavānaitareyeṇa bhārata |
vāsudevo viśālātmā sānaṃdamidamāha tam || 219 ||
[Analyze grammar]

vatsaitareya tuṣṭosmi bhaktyānena stavena te |
varaṃ vṛṇuṣva mattastvaṃ durlabhaṃ yadabhīpsitam || 220 ||
[Analyze grammar]

aitareya uvāca |
eṣa eva varo nāthamama nityamabhīpsitaḥ |
majjato ghorasaṃsāre karṇadhāro hare bhava || 221 ||
[Analyze grammar]

śrībhagavānuvāca |
mukta evāsi saṃsārādyasya te bhaktirīdṛśī |
grahairmahāgrahairbaddho naiva te dvitrayodaśī || 222 ||
[Analyze grammar]

yaśca stotreṇa satataṃ guptakṣetrasamīhitam |
stoṣyate vāsudevaṃ māṃ sa pāpakṣayamāpsyati || 223 ||
[Analyze grammar]

yasmādetena stotreṇa pāpaṃ nāśamavāpsyati |
aghanāśanamityeva tasmātkhyātimavāpsyati || 224 ||
[Analyze grammar]

ekādaśyāmupoṣyaiva mamāgre yaḥ paṭhiṣyati |
stavamenaṃ sa pūtātmā mama lokamavāpsyati || 225 ||
[Analyze grammar]

sarveṣāmeva kṣetrāṇāṃ guptakṣetraṃ priyaṃ yathā |
tathā sarvastavānāṃ ca stavoyaṃ supriyomama || 226 ||
[Analyze grammar]

yāni coddiśya bhūtāni japyate'sau mahātmabhiḥ |
tāni śāṃtiṃ bhagaṃ prajñāṃ prāpsyaṃti kṛpayā mama || 227 ||
[Analyze grammar]

tvaṃ ca vatsa śrautadharmānsamyagācara śraddhayā |
na tairbaṃdhaṃ mayi nyastairāpsyasyanabhisaṃdhitaiḥ || 228 ||
[Analyze grammar]

yaja yajñairavāpyaiva dārānnandaya mātaram |
mayi dhyānena tīvreṇa māmavāpsyasyasaṃśayam || 229 ||
[Analyze grammar]

buddhirmanotha bhūtāni buddhikarmendriyāṇi ca |
trayodaśagrahairye syustrayodaśa mahāgrahāḥ || 230 ||
[Analyze grammar]

boddhavyamatha maṃtavyamahaṃtā śabda eva ca |
sparśo raso rūpagandhau vacanādānameva ca || 231 ||
[Analyze grammar]

vihṛtyutsarga ānaṃdastrayodaśa mahāgrahāḥ |
etānmahāgrahanputra śuddhāñchuddhaiḥ svakairgrahaiḥ || 232 ||
[Analyze grammar]

gṛhāṇa dhyānayogena mamaivaṃ mokṣamāpsyasi |
evaṃ tvaṃ karmabhirvīra naiṣkarmyaṃ samavāpsyasi || 233 ||
[Analyze grammar]

śulbaṃrasena saṃviddhaṃ dakṣo hema yathāśnute |
varṇāśramācāravatā mayi saṃnyastakarmaṇā || 234 ||
[Analyze grammar]

madanudhyānayuktena mokṣo nāstīha durlabhaḥ |
tasmādevaṃ vartamāno nanda vrataparāyaṇaḥ || 235 ||
[Analyze grammar]

uddhṛtya saptapuruṣāllaṃyaṃ mayi gamiṣyasi |
sāṃprataṃ pratibhāsyaṃti vedaścāpaṭhitā api || 236 ||
[Analyze grammar]

tatastvaṃ koṭitīrthe ca yajñe vai harimedhasaḥ |
yāhi tatra bhaviṣyaṃ te sarvaṃ māturabhīpsitam || 237 ||
[Analyze grammar]

ityuktvā bhagavānviṣṇurmūrtimadhye viveśa ha |
vilokya māno nimiṣaṃ mātrā caiva sutena ca || 238 ||
[Analyze grammar]

tato mūrti namaskṛtya vāsudevasya vismitaḥ |
aitareyaḥ svajananīṃ mudito vākyamabravīt || 239 ||
[Analyze grammar]

purāhamabhavaṃ śūdro bhītaḥ saṃsāradoṣataḥ |
pariniṣṭhāgataṃ dharmaṃ brāhmaṇaṃ śaraṇaṃ gataḥ || 240 ||
[Analyze grammar]

sa kṛpālurmama prāha mantraṃ vai dvādaśākṣaram |
sademaṃ japacetyuktvā tamahaṃ japtavānsadā || 241 ||
[Analyze grammar]

tena jāpyaprabhāvena mamotpattistavodarāt |
jātasmṛtirviṣṇubhaktiḥ sthitiratra ca sarvadā || 242 ||
[Analyze grammar]

idānīṃ ca prayāmyeṣa yajñaṃ taṃ harimedhasaḥ |
tvadrūpaṃ viṣṇuprītyarthaṃ praṇamya tvāṃ prasādaye || 243 ||
[Analyze grammar]

tato mahīnagarakākhye koṭitīrthatalasthitam |
yajantaṃ saṃvṛtaṃ vipraiḥ koṭiśastamupāgamat || 244 ||
[Analyze grammar]

gehāya mātaraṃ procya sa yajñe proktavāndvijaḥ |
namastasmai bhagavate viṣṇave'kuṇṭhamedhase || 245 ||
[Analyze grammar]

yanmāyāmohitadhiyo bhramāmaḥ karmasāgare |
iti ślokaṃ mahārthaṃ te harimedhamukhā dvijāḥ || 246 ||
[Analyze grammar]

ākarṇyāsanapūjādyaiḥ pūjayāmāsuraṃga tam |
tato vedārthanaipuṇyaistena te toṣitā dvijāḥ || 247 ||
[Analyze grammar]

pradadurdakṣiṇāṃ sarvāṃ harimedhāḥ sutāmapi |
dravyaṃ kanyāṃ ca saṃgṛhya svagṛhaṃ samupāgamat || 248 ||
[Analyze grammar]

vandayitvā svajananīṃ putrānutpādya cāmalān |
iṣṭvā yajñairaitareyo dvādaśīvratatatparaḥ || 249 ||
[Analyze grammar]

vāsudevānudhyānena mokṣaṃ paścādupāgataḥ |
evaṃvidho vāsudevaḥ svayamatrāsti bhārata || 250 ||
[Analyze grammar]

yoryayetpūjayetstauti sarvaṃ tasyākṣayaṃ viduḥ |
śivadharmeṣu yatproktaṃ phalaṃ pūrvaṃ mayā tava || 251 ||
[Analyze grammar]

tādṛśaṃ labhate martyo vāsudevaprasādataḥ || 252 ||
[Analyze grammar]