Chapter 34 - svayaṃvyaktādi sthānapañcakam

ata ūrdhvaṃ pravakṣyāmi sthalapañcakakalpanam |
devadevo mahābāhurharirnārāyaṇassvayam || 1 ||
[Analyze grammar]

yena yena prakāreṇa āvirāstedharātale |
arcāvatārarūpeṇa bhaktasaulabhyahetave || 2 ||
[Analyze grammar]

svayaṃvyaktaṃ ca divyaṃ ca saiddhaṃ paurāṇameva ca |
pauruṣaṃ ceti kathitaṃ sthalānāṃ pañcakaṃ budhaiḥ || 3 ||
[Analyze grammar]

svayaṃvyaktaṃ tu tatproktaṃ yatrāsau harivyayaḥ |
svecchayā lokarakṣāye bhūmyāmāvirbhavetsvayam || 4 ||
[Analyze grammar]

na tatra devadevasya pratiṣṭhā vidhisammatā |
na cāpi karṣaṇaṃ nāpi biṃbaśuddhyādikāḥ kriyāḥ || 5 ||
[Analyze grammar]

biṃbena saha deveśassannidhatte yatassvayam |
yānadicchā vasedbhūmau tāvatkālaṃ samarcitaḥ || 6 ||
[Analyze grammar]

svayaṃvyaktasthale pūjā sarvalokaśubhapradā |
svayaṃvyaktasthalānyatra catvāryāsata bhūtale || 7 ||
[Analyze grammar]

yatra vaikhānasaṃ śāstramāśritya paramaṃ śubham |
arcayāmo jagadyonimahamanye ca te trayaḥ || 8 ||
[Analyze grammar]

marīcirmandhare viṣṇumarcayāmāsa keśavam |
sarvadevottamaṃ devaṃ śrīnivāse'trirarcayat || 9 ||
[Analyze grammar]

kāśyapo viṣṇvadhiṣṭhāne śubhakṣetre'pyahaṃ bhṛguḥ |
yādṛśīvartate pūjā yā biṃbānāṃ ca saṃsthitiḥ || 10 ||
[Analyze grammar]

na kiṃ cittāmatikramya pūrvoktāṃ tu samācaret |
svayamāvirabhūddevo yatra bhaktānukaṃpayā || 11 ||
[Analyze grammar]

kartavyamakhilaṃ tatra tannideśena kalpyate |
na vāpyucchāstrakaraṇaṃ pravartayati mādhavam || 12 ||
[Analyze grammar]

tasmātsarvaprayatnena pūrvairācaritaṃ caret |
anyathā cettu kurvāṇo devāyaivāparādhyati || 13 ||
[Analyze grammar]

yanmāyāmohitaṃ sarvaṃ yasyāntaṃ ke'pi no viduḥ |
tasya devasya māhātmyaṃ vaktuṃ śaknoti ko bhuvi || 14 ||
[Analyze grammar]

yadyadā caritaṃ tatra tatsarvaṃ śāstrameva hi |
tatrāpi ca viśeṣo'sti prāyaścittādidarśane || 15 ||
[Analyze grammar]

sarvaṃ prāmādikaṃ kuryāttatra śāstraṃ pravartakam |
śrutismṛtī ubhetasya paramājñāṃ vadanti hī || 16 ||
[Analyze grammar]

svayaṃvyaktasthale pūjā sarvalokaśūbhāvahā |
svayaṃ vyakto jagannāthastādātmyena śilādiṣu || 17 ||
[Analyze grammar]

svayaṃ bhaktajanābhīṣṭānvicāryaiva prayacchati |
na hyatra sādhanāpekṣā svayaṃnyaktastato varaḥ || 18 ||
[Analyze grammar]

devaiḥ pratiṣṭhito yatra harirāvirbabhūva hi |
taddidyasthalamuddiṣṭaṃ devo divya udīryate || 19 ||
[Analyze grammar]

smṛtā devāstrayastriṃśattāvatkoṭīmitā api |
sarve te phalakāmāssyurve prapadyante yathā harim || 20 ||
[Analyze grammar]

tāṃstathā bhajate devo yato'sau karuṇānidhiḥ |
phalārthino yadā devāḥ pratiṣṭhyāpya hariṃ kramāt || 21 ||
[Analyze grammar]

samabhyarcya ca saṃprāpya vāṃbhitaṃ tadanantaram |
lokānugrahahetorvai tādṛśaṃ devamandiram || 22 ||
[Analyze grammar]

cirasthāyi ca saṃkalpya yathārhaṃ samapūjayan |
divyasthalasthadevo hi devānāṃ sannidhāpanāt || 23 ||
[Analyze grammar]

atyantaṃ puṣṭivaḥ proktassarvaśāntikarassṛtaḥ |
divyasthalasthapūjā tu śatayojanavistṛtam || 24 ||
[Analyze grammar]

punāti parito deśaṃ nātra saṃdeha iṣyate |
divyasthalāni kathitānyasaṃkhyeyāni bhūtale || 25 ||
[Analyze grammar]

na hi devāssvayaṃ bhūmāvavatīrya kalau kvacit |
pratiṣṭhāṃ devadevasya kurvanti kuhiciddhruvam || 26 ||
[Analyze grammar]

divyasthalāni bhūbhāge kalau tu viralāni vai |
bhaviṣyanti bahūnyatra luptabūjāni sattamāḥ || 27 ||
[Analyze grammar]

divyasthalakṛtā pūjā śāstrasiddhā na saṃśayaḥ |
nocchāstraṃ tu pratiṣṭhādi kurvantidivi devatāḥ || 28 ||
[Analyze grammar]

devāśca devaloke'pi kṛtvā vaiṣṇavamandiram |
ārādhya ca jagannāthaṃ prāpnuvanti phalaṃ bahu || 29 ||
[Analyze grammar]

yā tu bhūmitale pūjā tādṛśī divijā na vai |
karmabhūmistu saṃproktā bhūmirdyairna hi tatsamā || 30 ||
[Analyze grammar]

saṃcintya puṇyaṃ pāpaṃ vā bhūmau lokāntarenarāḥ |
gamiṣyantitato jyāyānbhūbhāgassarvakarmasu || 31 ||
[Analyze grammar]

tato devāḥ pratiṣṭhāpya cārcayitvā ramāpatim |
arcāvatārarūpeṇa svayaṃ tīrṇāḥ punaḥ punaḥ || 32 ||
[Analyze grammar]

bhūmisthānakhilān jantūntāryayiṣyantyanugrahāt |
ato viprāssadā yajñairdānaiśca tapasā muhuḥ || 33 ||
[Analyze grammar]

toṣayiṣyanti devānvai teṣāmānṛṇyahetave |
devā nisargaripavo manuṣyeṣu bhavantyapi || 34 ||
[Analyze grammar]

ārādhanena devasya copakurvanti mānavān |
idameva hareḥ pūjābalaṃ saṃpāditaṃ phalam || 35 ||
[Analyze grammar]

sarve'pi sāttvikā yānti tuṣyanti svārjitaiḥ phalaiḥ |
na dviṣyanti ripūnvāpi tatro dāharaṇaṃ surāḥ || 36 ||
[Analyze grammar]

yathā cyavanadharmā syātsvargassvargāśrito'tha vā |
tathādinyasthalāniha na syuśśāśvatikāni tu || 37 ||
[Analyze grammar]

divyasthaleṣu sarvatra divyenaivāgamena tu |
vaikhānasena pūjāsītsāhi śrautī ca sammatā || 38 ||
[Analyze grammar]

prāyaścittocitānyatra nimittāni yadātadā |
śāstroktaṃ kārayedeva nānyathā kārayedvidhiḥ || 39 ||
[Analyze grammar]

ye tu pūrvārjitaireva tapobhiḥ paramātmani |
raktātmānastapassiddhāssaṃkalpya svatapaḥphalam || 40 ||
[Analyze grammar]

devadevaṃ jagannāthaṃ nārāyaṇamanāyam |
pratiṣṭhāpya kvacidbiṃbe samabhyarcya viśeṣataḥ || 41 ||
[Analyze grammar]

ujjīvanāya lākānāṃ pradāsyantīha pūjanam |
sa deśassaiddha ityuktassaiddhā tatrārcanocyate || 42 ||
[Analyze grammar]

na hi siddhāstapassiddhiṃ kurvanti vibhalāṃ kvacit |
yasyānugrahamicchantastapasyantīha sādhavaḥ || 43 ||
[Analyze grammar]

yaṃ prasādayituṃ viprā yajñadānādi kurvate |
tasyaivārādhanaṃ hitvā kiṃ siddhāssaṃprakurvate || 44 ||
[Analyze grammar]

te siddhāste mahātmānaste santa nte tapasvinaḥ |
ye svakarmaphalaṃ devaṃ viditvā śrīpatiṃ harim || 45 ||
[Analyze grammar]

pratiṣṭhāpya tu tadrūpamarcayanti nirantaram |
na hyanyaḥ prāpaṇe heturarcanānmuktihetave || 46 ||
[Analyze grammar]

saiddhasthale tu yā pūjā sarvaśāntikarī smṛtā |
pañcāśadyojanaṃ tasya paritaḥ pāvayenmahīm || 47 ||
[Analyze grammar]

siddhapratiṣṭhitā deśā bahavo viditāḥ purā |
utpadyante bhaviṣyanti santisiddhā dharātale || 48 ||
[Analyze grammar]

saiddhasthalāni bhūyāṃsi bhaviṣyanti ca santi ca |
siddhā vaikhānasaṃ śāstramāśrityaiva svanirmitam || 49 ||
[Analyze grammar]

devaṃ saṃpūjayantīha tatprāyaḥ pracalatyapi |
na hi siddhāḥ prakurvantikiñciducchāstramāpadi || 50 ||
[Analyze grammar]

tasmātsarvaprayatnena sarvaṃ siddhāśritasthale |
kuryādvaikhānasaṃ śāstramāśritya sakalāḥ kriyāḥ || 51 ||
[Analyze grammar]

siddhā jānanti śāstrārthān siddhā jānanti cāgamān |
siddhāssamarcayantyeva vaikhānasavidhānataḥ || 52 ||
[Analyze grammar]

yadi siddhāśrito deśaḥpūjyate'nyaiḥ pramādataḥ |
rājā taṃ tu vicāryaiva punarvaikhānasaiḥkramāt || 53 ||
[Analyze grammar]

satvaraṃ yājayetkṛtvā prāyaścittaṃ yathāvidhi |
saiddhameke sthalaṃ prāhurārṣametacca sammatam || 54 ||
[Analyze grammar]

atha paurāṇiko deśaḥ kathyate yatra yatra vai |
gādhā paurāṇikī bhūyāttatpurāṇasthalaṃ matam || 55 ||
[Analyze grammar]

ajñātakartṛkāṇyatra smaryante prāyaśo bahu |
sthalānīmānitattāni purāṇāni pracakṣate || 56 ||
[Analyze grammar]

purāṇāni tvanantāni sthalāni pṛthivītale |
bhavantyatha kalau prāpte lupyante tānyanekaśaḥ || 57 ||
[Analyze grammar]

daśayojanaparyantāṃ bhūmiṃ tu paritassakṛt |
punāti deśaḥ paurāṇastatra kiṃ cinna hīyate || 58 ||
[Analyze grammar]

svayaṃvyaktādayassarve paurāṇāḥ kīrtitā api |
svayaṃvyaktādibhedena vyavahārasya darśanāt || 59 ||
[Analyze grammar]

purāṇatvaṃ ca teṣāṃ syādanyatpaurāṇamucyate |
purāṇasthaladevasya pratiṣṭhā vidhisammatā || 60 ||
[Analyze grammar]

pratiṣṭhite tvavidhinā sthare naiva rameddhariḥ |
na hi vṛddhāssamarcanti biṃbamucchāstranirmitam || 61 ||
[Analyze grammar]

na hi paurāṇike deśe yajamānasya gauravam |
arthasya gauravaṃ cāpi darśanīyaṃ mahātmabhiḥ || 62 ||
[Analyze grammar]

yadi paśyedvisūḍhātmā rauravaṃ narakaṃvrajet |
eṣa eva viśeṣassyādanyatsaiddhavadācaret || 63 ||
[Analyze grammar]

purāṇasthalapūjā tu śāstradṛṣṭena vartmanā |
pramādetu samīkāryāna tena syādvyatikramaḥ || 64 ||
[Analyze grammar]

mānuṣaṃ pañcamaṃ proktaṃ sthalaṃ yatra viśeṣataḥ |
grāme vā nagare vāpi śāstrokte sumanorame || 65 ||
[Analyze grammar]

pratiṣṭāpyārcake viṣṇussarvadeveśvareśvaraḥ |
brāhmaṇaiḥ kṣatriyairvaiśyaiśśūdrairvānyairnarottamaiḥ || 66 ||
[Analyze grammar]

vaikhānasena śāstreṇa pañcarātreṇa vā punaḥ |
mānuṣasthalapūjā tu yojanaṃ paritasthsalam || 67 ||
[Analyze grammar]

pāpayettasya tu proktāśaktiranyātu tāvatī |
manuṣyāḥ puṇyakarmāṇastatra tatra dine dine || 68 ||
[Analyze grammar]

preritā bhagavadbhaktyādhanino nirdhanā api |
nirmāya bhagavadgehaṃ pratiṣṭhāpya śriyaḥpatim || 69 ||
[Analyze grammar]

arcayanti viśeṣeṇa vaikhānasavidhānataḥ |
viśālaḥ pṛthivībhāgaḥ kālo'nādirantakaḥ || 70 ||
[Analyze grammar]

śāstraṃ cāpyatigaṃbhīraṃ bhaktāśca bahavo harau |
tasmātsarvaprayatnena sarvasyāpyanuśāsanam || 71 ||
[Analyze grammar]

proktaṃ vikhanasā pūrvaṃ bhagavacchāstramuttamam |
anenaiva prakāreṇa sarvatrārādhayeddharim || 72 ||
[Analyze grammar]

bhaktāśca bahudhā śāstraṃ praśaṃsantīdameva hī |
taduktenaiva vidhinā kalpayedālayādikam || 73 ||
[Analyze grammar]

yathā mānādhikaraṇe mayā proktassa vistaraḥ |
yatra vā dṛśyate bhedo bhagavacchāstraśilpayoḥ || 74 ||
[Analyze grammar]

śilpaśāstraṃ parityajya bhagavacchāstrataścaret |
pradhānametacchāstraṃ syādbhagavadgehakalpane || 75 ||
[Analyze grammar]

na tacchāstramanādṛtya kāryaṃ kiṃ citsamācaret |
lobhānmohādathājñānācchāstre'sminna dhṛtaṃ caret || 76 ||
[Analyze grammar]

atikramyāpi śāstraṃ tatpūjā niṣbhalā bhavet |
yajamāno vipadyeta tasmādatroktamācaret || 77 ||
[Analyze grammar]

tenaiva tu vidhānena pratiṣṭhādikamācaret |
aihikāmuṣmikaṃ yasmātphaladvayamavāpyate || 78 ||
[Analyze grammar]

grāme viṣṇvarcanāhīne viṣṇvarcāhīnaveśmani |
tīrthapānaṃ surāpānamannaṃ gomāṃsabhakṣaṇam || 79 ||
[Analyze grammar]

devadhāmavihīnaṃ tu śmaśānaṃ grāma ucyate |
gṛhaṃ ca cititulyaṃ syādyatra nārādhyate hariḥ || 80 ||
[Analyze grammar]

yo mohādatha vālasyādakṛtvā devatārcanam |
bhuṅkte sa yāti narakān sūkareṣvasi jāyate || 81 ||
[Analyze grammar]

keśavārcāgṛhe yasya na tiṣṭhati śūbhapradā |
tasyānnaṃ naiva bhoktavyamabhakṣyeṇa samaṃ hi tat || 82 ||
[Analyze grammar]

biṃbaśuddhyādikaṃ kṛtvā śāstroktavidhinā punaḥ |
kalānyāsādikaṃ sarvaṃ vidhāya parameśvaraḥ || 83 ||
[Analyze grammar]

pratiṣṭhāpyārcyate yatra parito yojanāvadhi |
pūyate'nugrahādviṣṇoḥ sa deśo'prākṛtassmṛtaḥ || 84 ||
[Analyze grammar]

tatra pārṣadasaṃyuktaśśriyā lakṣmyā samanvitaḥ |
yathā ca parame vyomni sannidhatte tathā hariḥ || 85 ||
[Analyze grammar]

tatra devāstrayastriṃśatpitaraḥ pannagāśca ye |
sādhyā vidyādharā yakṣāssarvā vai devayonayaḥ || 86 ||
[Analyze grammar]

sarvasaṃvatsamṛddhissyātparjanyo varṣuko bhavet |
vāyurvāti sukhaṃ tatra sūryastapati tejasā || 87 ||
[Analyze grammar]

candramāśśītalairdeśaṃ sevate kiraṇaistathā |
bhūmissasyavatī ca syātprasannaṃ ca nabho bhavet || 88 ||
[Analyze grammar]

nakṣatragrahatārāśca prasādābhimukhāssame |
rājanvatī prajā ca syātpaśuputrasamanvitā || 89 ||
[Analyze grammar]

na vyādhijaṃ bhayaṃ kiṃ cinnāpi jvarakṛtaṃ tathā |
na vyālajaṃ bhayaṃ vāpi bhavedatrana saṃśayaḥ || 90 ||
[Analyze grammar]

nopaplavo nṛpāṇāṃ vā mṛgāṇāṃ vāpyapāṃ bhavet |
brāhmaṇāḥ kṣatriyā vaiśyāśśūdrāstatra nivāsinaḥ || 91 ||
[Analyze grammar]

sve sve karmaṇyabhiratā bhaveyussukhajīvinaḥ |
āgnihotrāśca hūyante tapyante'tra tapāṃsi ca || 92 ||
[Analyze grammar]

dīyante bhūridānāni yatra devo harispvayam |
aprākṛtamimaṃ deśaṃ sannidhānācchriyaḥ pateḥ || 93 ||
[Analyze grammar]

prākṛtaṃ yo vadenmūḍhassa yāti narakaṃ dhruvam |
aprākṛtamimaṃ devaṃ naro yaścāpanihnute || 94 ||
[Analyze grammar]

caṇḍālassa tu vijñeyo niṣkṛtirnāsya dṛśyate |
mahāpātakīnāṃ tadvaddṛṣṭaṃ pātakināmapi || 95 ||
[Analyze grammar]

upapātakināṃ cāpi prāyaścittaṃ viśeṣataḥ |
śāstrāpalāpināṃ naiva prāyaścittaṃ pradṛśyate || 96 ||
[Analyze grammar]

yastu sāmānyabhāvena manyate sthalamīdṛśam |
brahmahatyāmavāpnoti bhrūṇahatyāṃ tathaiva ca || 97 ||
[Analyze grammar]

svarṇasteye ca yatpāpaṃ surāpāne ca yadbhavet |
gurutalpasya gamane yaccapāpamudīritam || 98 ||
[Analyze grammar]

vṛṣalīgamane yacca pāpaṃ sarvaṃ tadaśnute |
nāsti śāstrātparaṃ jñānaṃ nasyāttasmātpravartakam || 99 ||
[Analyze grammar]

tasmāttasyāvamānena sadyaḥ patati dūṣakaḥ |
tasmindeśe viśeṣeṇa sarvebhāgavatā harau || 100 ||
[Analyze grammar]

devapādodakādīni pītvā yāsyantisadgatim |
na hi sarvo'pi sarvatra svayaṃvyaktasthalādikam || 101 ||
[Analyze grammar]

gatvaivārādhayedviṣṇuṃ sadā taccāpyasaṃbhavi |
ata eva kṛpāsiṃdhurbhagavānbhūtabhāvanaḥ || 102 ||
[Analyze grammar]

arcāvatārarūpeṇa grāme grāme gṛhe gṛhe |
avatīrya mahābāhurbhaktasaulabhyahetave || 103 ||
[Analyze grammar]

arcyate śāstravidhinā tatra kāryona saṃśayaḥ |
tasmādaprākṛtaṃ deśaṃ na brūyātprākṛtaṃ naraḥ || 104 ||
[Analyze grammar]

na ca sāmānyabhāvena taṃ paśyedyadi paśyati |
naśyatyeva na saṃdeha iti śāstraviniścayaḥ || 105 ||
[Analyze grammar]