Chapter 32 - Virūpa-avadāna

athāśoko maharājaḥ kṛtāṃjalipuṭo mudā |
upaguptaṃ yatiṃ natvā prārthayeccaivamādarāt || 1 || {1}
[Analyze grammar]

bhadanta śrotumichāmi punaranyatsubhāṣitaṃ |
tad yathā guruṇādiṣṭaṃ tathādeṣṭuṃ ca me 'rhati || 2 || {2}
[Analyze grammar]

iti saṃprārthite rājñā śrutvā so 'rhan sudhīryatiḥ |
tamaśokaṃ mahārājaṃ samālokyaivamādiśat || 3 || {3}
[Analyze grammar]

sādhu śṛṇu mahārāja yathā me guruṇoditaṃ |
tathāhaṃ te pravakṣyāmi tava dharmapravṛddhaye || 4 || {4}
[Analyze grammar]

tad yathaivaṃ puraikasmin samaye sa munīśvaraḥ |
bhagavāṃ trijagacchāstā dharmarājastathāgataḥ || 5 || {5}
[Analyze grammar]

sarvajñaḥ sākyasiṃho 'rhaṃ chrāvstyā bahirāśrame |
jetodyāne vihāre 'smin vijahāra sasāṃghikaḥ || 6 || {6}
[Analyze grammar]

tadā tatra sabhāmadhye siṃhāsane sumaṃḍite |
sarvasatvahitārthena dharmamādeṣṭumāśrayat || 7 || {7}
[Analyze grammar]

tatra te bhikṣavaḥ sarve bhikṣuṇyo 'pi samāgatāḥ |
yatinaścailakāścaivamupāsakā upāsikāḥ || 8 || {8}
[Analyze grammar]

vratino bodhisatvāśca saṃbodhiguṇalālasāḥ |
nirgranthāstīrthikāścāpi tāpasāśca maharṣayaḥ || 9 || {9}
[Analyze grammar]

brahmaśakrādayo devā lokapālā maharddhikāḥ |
daityā yakṣāśca gaṃdharvāḥ kinnarāścāpi rākṣasāḥ || 10 || {10}
[Analyze grammar]

siddhā vidyādharāścāpi nāgāśca garuḍā api |
sādhyā grahāḥ satārāśca vasavaścāpsarogaṇāḥ || 11 || {11}
[Analyze grammar]

brāhmaṇāḥ kṣatriyāścāpi nṛpā rājakumārakāḥ |
vaiśyāśca maṃtriṇo 'mātyāḥ śreṣṭhinaśca mahājanāḥ || 12 || {12}
[Analyze grammar]

gṛhasthā vaṇijaḥ sārthavāhāśca dhanino 'pi ca |
śilpinaḥ paurikāścāpi jānapadāśca nairgamāḥ || 13 || {13}
[Analyze grammar]

grāmyāḥ kārpaṭikāścāpi saddharmaśravaṇārthinaḥ |
sarve te samupāgatya vihāre samupāviśan || 14 || {14}
[Analyze grammar]

tatra taṃ śrīghanaṃ dṛṣṭvā sarve te saṃprasāditāḥ |
natvā pradakṣiṇīkṛtya purataḥ samupācaran || 15 || {15}
[Analyze grammar]

tatra sarve 'pi te lokāḥ samabhyarcya yathākramaṃ |
taṃ munīndraṃ praṇatvaiva dharmaṃ śrotumupāśrayan || 16 || {16}
[Analyze grammar]

tataḥ sa bhagavāndṛṣṭvā tān sarvān samupāśritān |
bodhicaryāṃ samārabhya saddharmaṃ samupādiśat || 17 || {17}
[Analyze grammar]

tatsaddharmāmṛtaṃ pītvā sarve te tridaśādayaḥ |
lokāḥ satyamiti jñātvā prābhyanandanprabodhitāḥ || 18 || {18}
[Analyze grammar]

tasminnavasare tatra śrāvastyāḥ pauriko gṛhī |
āsīnmahādhanaḥ śrīmāñchṛdopamo mahājanaḥ || 19 || {19}
[Analyze grammar]

sa svakulasamārāmāṃ svakuladharmacāriṇīṃ |
kāṃtāṃ bhāryāṃ samānīya samyakvyūhe yathāvidhiḥ || 20 || {20}
[Analyze grammar]

tataḥ sa kāmasaṃraktaḥ sukāminyā tayā saha |
yathechayā sukhaṃ bhuktvā reme nityaṃ pracoditaḥ || 21 || {21}
[Analyze grammar]

tatastasya gṛhasthasya yathākāmaṃ prabhuṃjataḥ |
samaye sā satī bhārya garbhitābhūtkṛśāṃgikā || 22 || {22}
[Analyze grammar]

tataḥ sā samaye 'sūta dārakaṃ durbhagākṛtiṃ |
durvarṇaṃ duritākāraṃ virūpaṃ vikṛtāśrayaṃ || 23 || {23}
[Analyze grammar]

dṛṣṭvā taṃ dārakaṃ mātā bhinnāśayā viṣeditāḥ |
kiṃ īdṛgātmajenāpi dhigmāmiti vyaciṃtayat || 24 || {24}
[Analyze grammar]

tataḥ sa janakaḥ śrutvā taṃ jātaṃ vikṛtāśrayaṃ |
virūpaṃ durbhagākāramityevaṃ samaciṃtayat || 25 || {25}
[Analyze grammar]

aho kiṃ prakṛtaṃ pāpaṃ janmāṃtare purā mayā |
yenāyaṃ durbhagākāro virūpo jāyate sutaḥ || 26 || {26}
[Analyze grammar]

tadatra kiṃ mayopāyaṃ karttavyaṃ nāpi manyate |
dhigmāṃ yena sute jāte lajjayā me sukhaṃ hṛtaṃ || 27 || {27}
[Analyze grammar]

tathāpi kiṃ kariṣyāmi daivātme jāyate hyayaṃ |
tadvirūpo 'pi putro 'yaṃ pālanīyo mayātmajaḥ || 28 || {28}
[Analyze grammar]

iti bhartroditaṃ śrutvā sā bhāryāpyevamabravīt |
yadābhyāṃ prakṛtaṃ pāpaṃ tatphalaṃ bhujyate khalu || 29 || {29}
[Analyze grammar]

yadabhāvi na tadbhogyaṃ bhāvi cenna tadanyathā |
sarvatra bhāvino bhogyaṃ bhuṃjate sarvajaṃtavaḥ || 30 || {30}
[Analyze grammar]

tadatrāhamimaṃ bālaṃ pālayeyaṃ prayatnataḥ |
ityuktvā sā vibhinnāsyā nārī tasthau pralajjitā || 31 || {31}
[Analyze grammar]

taṃ virūpaṃ sutaṃ jātaṃ vīkṣya sa janako 'pi ca |
lajjāvidīrṇacitto 'bhūnnirutsāhaviṣāditaḥ || 32 || {32}
[Analyze grammar]

hā mayā kiṃ kṛtaṃ pāpaṃ manyate na bhavāṃtare |
yato 'yaṃ dārako jāto virūpo durbhagākṛtiḥ || 33 || {33}
[Analyze grammar]

tathāpi kiṃ kariṣyāmi daivānno jāyate hyayaṃ |
daivabhogyaṃ prabhoktavyaṃ sarvairapi hi jaṃtubhiḥ || 34 || {34}
[Analyze grammar]

avaśyaṃ bhāvino bhavanti sarvadehināṃ |
tadayaṃ svātmajo bālaḥ pālanīyotmayā mayā || 35 || {35}
[Analyze grammar]

iti dhyātvā pitā so 'thadṛṣṭvā tasya śiśormukhaṃ |
lajjayā pratibhinnāsyastasthau daivānucintayan || 36 || {36}
[Analyze grammar]

tato jñātīn samāhūya kṛtvā jātimahaṃ sa ca |
pitāsya nāma vikhyāte kuruteti samabravīt || 37 || {37}
[Analyze grammar]

tataste jñātayaḥ sarve saṃkṛtvā samataṃ tathā |
tadgṛhasthaṃ samāmaṃtrya pura evamupādiśan || 38 || {38}
[Analyze grammar]

gṛhapate virūpo 'yaṃ putro yattava jāyate |
tasmādbhavatunāmnāyaṃ prasiddho bālako bhuvi || 39 || {39}
[Analyze grammar]

tataḥ snehādvirūpo 'sau mātrā yatnena pālitaḥ |
krāmātpuṣṭo vivṛddhābhūd hradasthamiva paṃkajaṃ || 40 || {40}
[Analyze grammar]

tadā yadā kumāratvaṃ prāptaḥ sa vikṛtāśrayaṃ |
svarūpaṃ darppaṇe dṛṣṭvā virūpo lajjito 'bhavat || 41 || {41}
[Analyze grammar]

tato jehrīyamāno 'sau virūpaḥ parimohitaḥ |
pāpaciṃtāparitātmā manasaivaṃ vyaciṃtayat || 42 || {42}
[Analyze grammar]

hā mayā kiṃ kṛtaṃ pāpaṃ yenāhaṃ duritākṛtiḥ |
kiṃ mamānena kāyena mṛtyuṃ me 'tra varaṃ dhruvaṃ || 43 || {43}
[Analyze grammar]

kiṃ kariṣye virūpo 'haṃ kva yāsyāmi durākṛtiḥ |
kiṃ mamānena jīvena kevalaṃ duḥkhabhoginā || 44 || {44}
[Analyze grammar]

tadatrāhaṃ gṛhaṃ tyaktvā vanodyāne samāśrayan |
saṃbuddhaṃ sugataṃ dhyātvā mṛtyuṃ gaccheya muktaye || 45 || {45}
[Analyze grammar]

avaśyameva sarveṣāṃ jaṃtūnaṃ maraṇaṃ bhave |
tanmamedṛgvirūpo 'smin śarīre jīvite spṛhā || 46 || {46}
[Analyze grammar]

yadyatrāhaṃ ciraṃ jīvī nindito duḥkhamāpnuyāṃ |
tadbuddhaṃ sugataṃ dhyātvā tiṣṭheyaṃ prāṇamuktaye || 47 || {47}
[Analyze grammar]

tatsaṃbuddhaṃ jinaṃ dhyātvā mṛto 'haṃ yadi sāṃprataṃ |
tatpuṇyaḥ paritātmā sugatiṃ gacheya sarvathā || 48 || {48}
[Analyze grammar]

ye buddhaṃ sugataṃ smṛtvā gachanti mṛtyumātmanā |
durgatiṃ te na gachanti samyāntyeva sukhāvatīṃ || 49 || {49}
[Analyze grammar]

tasmātte sudhiyaḥ santaḥ tyaktvā yāyātkulaṃ gṛhaṃ |
saṃbuddhasmaraṇaṃ dhyātvā tiṣṭhanti nirjane vane || 50 || {50}
[Analyze grammar]

tathāhaṃ tatsamālokya saṃbuddhaṃ śaraṇaṃ gataḥ |
samādhāya sadā smṛtvā vaseyaṃ vijane vane || 51 || {51}
[Analyze grammar]

ityevaṃ manasā dhyātvā virūpaḥ sa prasannadhīḥ |
sa saṃpadaṃ gṛhaṃ tyaktvā jīrṇodyānaṃ samāśrayat || 52 || {52}
[Analyze grammar]

tatrodyāne vivikte sa parṇakuṭṭiṃ samāśrayan |
bhagavantamanusmṛtvā tasthau dhyānasamāhitaḥ || 53 || {53}
[Analyze grammar]

tadā sa bhagavāñchāstā taṃ tathā sthitaṃ |
viśuddhāśayamālokya samuddhartuṃ samudyataḥ || 54 || {54}
[Analyze grammar]

tataḥ sa bhagavānnātho bhikṣusaṃghasamanvitaḥ |
tatrodyāne virūpaṃ taṃ paśyanbhāsvānupācarat || 55 || {55}
[Analyze grammar]

tatprabhāparispṛṣṭo 'sau virūpaḥ satsukhānvitaḥ |
vismitastaṃ samāyātaṃ sasāṃghikamapaśyata || 56 || {56}
[Analyze grammar]

taṃ munīṃdraṃ samālokya virūpaḥ sa vimohitaḥ |
jehrīyamāna utthāya parāyituṃ tato 'carat || 57 || {57}
[Analyze grammar]

tatra sa bhagavāndṛṣṭvā virūpaṃ taṃ parāyitaṃ |
sahasarddhyā diśo mārge nirudhyābhyatiṣṭhata || 58 || {58}
[Analyze grammar]

tathā nirudhyamānaḥ sa virūpastena śāsinā |
parāyituṃ prayatnena na śaśāka kathaṃ cana || 59 || {59}
[Analyze grammar]

sa parikhinnātmā virūpo lajjitāśayaḥ |
parṇakuṭṭisamāsīnaṃstasthau bhīto divāndhavat || 60 || {60}
[Analyze grammar]

tatra sa bhagavāndṛṣṭvā nilīnaṃ lajjayāsane |
saṃnirodhasamāpattiṃ samādhiṃ vidadhe tadā || 61 || {61}
[Analyze grammar]

tataḥ sa bhagavañchāstā tatsamādheḥ samutthitaḥ |
svayaṃ virūpamātmānaṃ nirmāya vikṛtāśrayaṃ || 62 || {62}
[Analyze grammar]

bhojanapūrṇamādāya śarāvaṃ mṛnmayaṃ tataḥ |
śanaistasya virūpasya parṇakuṭṭyantike 'carat || 63 || {63}
[Analyze grammar]

tatra taṃ samupāyātaṃ virūpaṃ vikṛtāśrayaṃ |
sa virūpaḥ samālokya harṣita evamabravīt || 64 || {64}
[Analyze grammar]

svāgataṃ bho sahāye hi kutra gantumihāgataḥ |
tiṣṭhātrāvāṃ sadāvāse vatsyāvahe sukhānvitā || 65 || {65}
[Analyze grammar]

iti tenoditaṃ śrutvā bhagavān sa virūpadhṛk |
tvāṃ draṣṭumihāyāmi proktveti samupāśrayet || 66 || {66}
[Analyze grammar]

tatra sthitaḥ kathāṃ kṛtvā bhagavān sa virūpadhṛk |
dadau tasmai virūpāya surasāmṛtabhojanaṃ || 67 || {67}
[Analyze grammar]

tatpradattaṃ prabhuktvānnaṃ sa virūpaḥ sa moditaḥ |
tatkṣaṇātparipuṣṭāṅgo babhūva prīṇitendriyaḥ || 68 || {68}
[Analyze grammar]

tataḥ sa bhagavāñchāstā dṛṣṭvā taṃ saṃpramoditaṃ |
svarūpeṇa sthitastatra vyarājatsaṃprabhāsayan || 69 || {69}
[Analyze grammar]

taṃ saumyabhadrarūpāṅgaṃ śrīghanaṃ śubhiteṃdriyaṃ |
sa virūpaḥ samālokya vismitaścaivamabravīt || 70 || {70}
[Analyze grammar]

aho kathaṃ bhavatyevamabhirūpataro bhavān |
kasya puṇyavipākāntadvaktumarhati me puraḥ || 71 || {71}
[Analyze grammar]

iti saṃprārthite tena bhagavān sa munīśvaraḥ |
bodhayituṃ virūpaṃ taṃ samālokyaivamādiśat || 72 || {72}
[Analyze grammar]

mahāvidyāsti me sādho saṃbodhisādhanottamā |
cittaprasādasaṃjātajananyākhyā mahebalaḥ || 73 || {73}
[Analyze grammar]

tasyā eva prabhāvena bhavāmyahaṃ śubheṃdriyaḥ |
samaṃtabhadrarūpāṅgaḥ sarvasatvamanoharaḥ || 74 || {74}
[Analyze grammar]

ityādiśya munīndraḥ sa bhagavāṃstatra śubhāsane |
saddharmaṃ samupādestuṃ samāśrayatprabhāsayan || 75 || {75}
[Analyze grammar]

tataste sāṃghikāḥ sarve saumyarūpāḥ śubheṃdriyāḥ |
parivṛtya munīndraṃ taṃ puraskṛtyopatasthire || 76 || {76}
[Analyze grammar]

tān sarvān samupāsīnān saumyarūpāñchubhendriyān |
dṛṣṭvā taṃ sugataṃ matvā babhūva vismayānvitaḥ || 77 || {77}
[Analyze grammar]

aho bhāgya mayā labdhaṃ mahatpuṇyamihādhunā |
yanmamārthe munīndro 'yaṃ sasāṃghika upāgataḥ || 78 || {78}
[Analyze grammar]

nūnamatra munīndro 'yaṃ matkarmaparicoditaḥ |
saddharmaṃ samupādeṣṭuṃ sasaṃghaḥ kṛpayāgataḥ || 79 || {79}
[Analyze grammar]

tadahamasya munīndrasya śraddhayā śaraṇaṃ gataḥ |
satkṛtya saugataṃ dharmaṃ śrotumarhe samāhitaḥ || 80 || {80}
[Analyze grammar]

ityevaṃ manasā dhyātvā virūpaḥ sa pramoditaḥ |
upetya sāṃjalirnatvā taṃ munīndramupāśrayat || 81 || {81}
[Analyze grammar]

tadā tasya virūpasya buddhapuṇyānubhāvataḥ |
lakṣmī prādurabhūttatra divyabhogapradāyinī || 82 || {82}
[Analyze grammar]

tadā so 'bhūdvirūpo 'pi divyābhirūpasundaraḥ |
pariśuddhatrikāyo 'pi sadguṇārtho śubhāṃśikaḥ || 83 || {83}
[Analyze grammar]

tataḥ so 'tiprasannātmā dṛṣṭvaitatmahadadbhutaṃ |
mudā tasya muneḥ pādau vavande sa kṛtāṃjaliḥ || 84 || {84}
[Analyze grammar]

tataḥ utthāya taṃ nāthaṃ bhagavaṃtaṃ sasāṃghikaṃ |
samālokya prasannātmā prārthayatsa samādarāt || 85 || {85}
[Analyze grammar]

bhagavanbhavatā śāstaḥ kṛpādṛṣṭiprasādataḥ |
prādurbhūtātra me lakṣmī bhavāmi yātisuṃdaraḥ || 86 || {86}
[Analyze grammar]

tadetanmahadāścaryaṃ dṛṣṭvā me rocate manaḥ |
bhavatāṃ śaraṇe sthitvā carituṃ saṃvaraṃ sadā || 87 || {87}
[Analyze grammar]

tadatra bhagavannātha kṛpayā buddhaśāsane |
anvāhṛtya śubhe dharme niyoktuṃ māṃ samarhati || 88 || {88}
[Analyze grammar]

śraddhayāhaṃ jagannātha bhavatāṃ śaraṇaṃ gataḥ |
pravrajya saṃvaraṃ dhṛtvā cariṣye 'tra samāhitaḥ || 89 || {89}
[Analyze grammar]

iti tatsaṃprārthitaṃ śrutvā bhagavān sa munīśvaraḥ |
tasya śuddhāśayamālokya samāmaṃtryaivamādiśat || 90 || {90}
[Analyze grammar]

yadi vāṃchāsti te vatsa carituṃ saugataṃ vrataṃ |
piturājñāṃ samāsādya prāgacha dāsyate tadā || 91 || {91}
[Analyze grammar]

ityādiṣṭaṃ munīndreṇa śrutvā sa pratiharṣitaḥ |
mudā tasya muneḥ pādau praṇatvaiva tato 'carat || 92 || {92}
[Analyze grammar]

tatra sa svagṛhe gatvā pādau pituḥ kṛtāṃjaliḥ |
praṇatvā purataḥ sthitvā prāvadadevamādarāt || 93 || {93}
[Analyze grammar]

tatodyāne virūpo 'hamiti lajjāviṣāditaḥ |
parṇakuṭyāṃ samāsīno dhyatvā vasāmi yogavit || 94 || {94}
[Analyze grammar]

tatra sa bhagavānbuddhaḥ sasaṃghaḥ svayamāgataḥ |
bodhayitvāmṛtaṃ bhogyaṃ dadāti samupāyavit || 95 || {95}
[Analyze grammar]

taddattamamṛtaṃ bhuktvā bhavāmi suṃdarākṛtiḥ |
lakṣmīścāpi samudbhūtā mamaivaṃ jāyate śubhaṃ || 96 || {96}
[Analyze grammar]

etatsarvaṃ munīndrasya kṛpādṛṣṭiprasādataḥ |
nānyathā hīti vijñāya prasīda sugate sadā || 97 || {97}
[Analyze grammar]

evametatmahaccitraṃ dṛṣṭvā me saṃprasāditaṃ |
mano 'dya śāsane bauddhe carituṃ rocate vrataṃ || 98 || {98}
[Analyze grammar]

etatsaṃprārthanāṃ kartumihāhaṃ prāgato mudā |
tadatra kṛpayā tāta tadanujñāṃ pradehi me || 99 || {99}
[Analyze grammar]

etatpuṇyavibhāgena tvaṃ cāpi sugatīṃ vrajeḥ |
tatra ca sarvadā saukhyaṃ bhuktvā yāyājjinālayaṃ || 100 || {100}
[Analyze grammar]

iti matvā prasīdātra mā kuruṣva mano 'nyathā |
śraddhayānugrahaṃ kṛtvā tadanujñāṃ pradehi me || 101 || {1}
[Analyze grammar]

iti saṃprārthitaṃ śrutvā sa gṛhasthaḥ savismayaḥ |
pitā taṃ svātmajaṃ dṛṣṭvā sucirādevamabravīt || 102 || {2}
[Analyze grammar]

aho hi bhāgyavānputra puṇyavāñchābhi sāṃprataṃ |
yato 'sau kṛpayopetya buddhattvāmabhirakṣati || 103 || {3}
[Analyze grammar]

tatte 'sti yadi vāñchati carituṃ saugataṃ vrataṃ |
taṃ buddhaśaraṇaṃ gatvā vrataṃ cara samāhitaḥ || 104 || {4}
[Analyze grammar]

iti pitroditaṃ śrutvā sa virūpaḥ prasāditaḥ |
pādau pitroḥ praṇatvaiva sahasā prācaradgṛhāt || 105 || {5}
[Analyze grammar]

tato jetāśrame gatvā sa virūpaḥ pramoditaḥ |
pādau tasya munernatvā prārthayedevamādarāt || 106 || {6}
[Analyze grammar]

bhagavannātha sarvajña labdhānujñaḥ sāmāgatāḥ |
tadbhavān kṛpayā mahyaṃ saṃvaraṃ dātumarhati || 107 || {7}
[Analyze grammar]

iti saṃprārthite tena bhagavāṃstasya mastake |
savyahastena saṃspṛṣṭvā śāsane taṃ samagrahīt || 108 || {8}
[Analyze grammar]

tatra sa vrājitaḥ sāstrā virūpo muṇḍito 'pi saḥ |
khikkhiripātrabhṛccīvaraprāvṛto vabhau || 109 || {9}
[Analyze grammar]

tataḥ sa bhikṣurātmajñaḥ saṃyamī vijiteṃdriyaḥ |
matvā saṃsārasaṃskāragatīḥ kṣaṇavighātinīḥ || 110 || {10!}
[Analyze grammar]

bhitvāvidyāgaṇānbodhipakṣe dharmeṣu prodyataḥ || 111 || {10!}
[Analyze grammar]

tataḥ sa dhāraṇīvidyāsamādhinirato yatiḥ |
sarvakleśagaṇāñjitvā sākṣādarhatvamāptavān || 112 || {11}
[Analyze grammar]

saṃsāralābhasatkāraniḥspṛho nirmalāśayaḥ |
pariśuddhatrikāyaśca nirvikalpo niraṃjanaḥ || 113 || {12}
[Analyze grammar]

sa devāsuralokānāmapi traidhātucāriṇāṃ |
mānyaḥ pūjyo 'bhivandyo 'bhūdbrahmacarī sa yogavit || 114 || {13}
[Analyze grammar]

tadā te bhikṣavaḥ sarve dṛṣṭvā taṃ yatimuttamaṃ |
vismitāstaṃ muniṃ natvā paprachustatpurākṛtaṃ || 115 || {14}
[Analyze grammar]

bhagavannarhatānena kiṃ karma prakṛtaṃ purā |
yenāyaṃ duritākāro virūpo jāyate 'dhunā || 116 || {15}
[Analyze grammar]

yaccāyaṃ bhagavācchāsta bhavatā saṃprasāditaḥ |
lakṣmīvānabhirūpaśca bhavati sadguṇārataḥ || 117 || {16}
[Analyze grammar]

yaccāyaṃ śāsane bauddhe śraddhayā śaraṇaṃ gataḥ |
sahasā kleśasaṃghārīñjitvārhattvaṃ samāptavān || 118 || {17}
[Analyze grammar]

tadasya sarvavṛttāṃtaṃ yadanena purākṛtaṃ |
suvistaraṃ samākhyāya sarvānnaḥ paribodhaya || 119 || {18}
[Analyze grammar]

iti tairbhikṣubhiḥ sarvaiḥ prārthite sa munīśvaraḥ |
sarvāṃstān sāṃghikānbhikṣūn samālokyaivamādiśat || 120 || {19}
[Analyze grammar]

śṛṇuta bhikṣavaḥ sarve yadanena purākṛtaṃ |
tatsarvaiḥ karma vakṣyāmi sarvalokaprabodhane || 121 || {20}
[Analyze grammar]

yathābhūtpurā buddhaḥ puṣyābhidhastathāgataḥ |
sarvajño 'rhañjagacchāstā dharmarājo munīśvaraḥ || 122 || {21}
[Analyze grammar]

sa bhagavāñjagannāthaḥ kṛtvā bhadraṃ samaṃtataḥ |
sarvatra saugataṃ dharmamupadeṣṭumupācarat || 123 || {22}
[Analyze grammar]

evaṃ sarvatra lokeṣu sasāṃghikaḥ sa mārajit |
pūrvottaradiśo bhāge rājadhānīmupāśrayat || 124 || {23}
[Analyze grammar]

tatra sa bhagavāñchāstā sarvasatvahitārthabhṛt |
ādimadhyāntakalyāṇamāryadharmamupādiśat || 125 || {24}
[Analyze grammar]

tatsaddharmāmṛtaṃ pītvā sarve lokaḥ prabodhitaḥ |
triratnabhajanaṃ kṛtvā pracerire śubhe sadā || 126 || {25}
[Analyze grammar]

tatra sa bhagavānpuṣyo buddhadṛṣṭya samaṃtataḥ |
loke paśyan hitaṃ kartuṃ dadarśa dvau jinātmajau || 127 || {26}
[Analyze grammar]

ekaḥ śākyamunirnāma maitreyaścāparaḥ sudhīḥ |
tasmin kāle ubhavetau bodhisatvau jinātmajau || 128 || {27}
[Analyze grammar]

maitreyasya subuddheḥ svasaṃtatiḥ paripākitā |
tasya śāstuśca vaineyāḥ satvā na paripācitāḥ || 129 || {28}
[Analyze grammar]

śākyamunestu vaineyāḥ paripakvā na saṃtatiḥ |
evaṃ sa sugataḥ puṣyo dṛṣṭvaivaṃ samaciṃtayat || 130 || {29}
[Analyze grammar]

aho śākyamunerna svasantatiḥ paripācitā |
tatsvasantatipākārthaṃ careyāhaṃ tadantike || 131 || {30}
[Analyze grammar]

iti vicintya puṣyaḥ sa tathāgataḥ sasāṃghikaḥ |
himavaṃtaṃ giriṃ gatvā pracakrāma prabhāsayan || 132 || {31}
[Analyze grammar]

tatra ratnaguhāyāṃ sa praviśya sa munīśvaraḥ |
tejodhātusamāpanno dhyātvā tasthau śubhāsane || 133 || {32}
[Analyze grammar]

tasmiṃśca samaye tatra śākyamuniḥ sa sanmatiḥ |
phalamūlasamāhartuṃ tadantikamupācarat || 134 || {33}
[Analyze grammar]

tatra ratnaguhāyāṃ taṃ puṣyaṃ tathāgataṃ muniṃ |
suparyaṅkasamāsīnaṃ dhyānalīnaṃ prabhāsitaṃ || 135 || {34}
[Analyze grammar]

dvātriṃśallakṣaṇāśītivyaṃjanaiḥ paribhūṣitaṃ |
ratnāvalimivojvālaṃ śatasūryādhikaprabhaṃ || 136 || {35}
[Analyze grammar]

saumyaṃ divyātiriktābhaṃ samaṃtabhadrarūpiṇaṃ |
suprasannamukhāmbhojaṃ dharmarājaṃ samaikṣata || 137 || {36}
[Analyze grammar]

tatra taṃ sugataṃ dṛṣṭvā śākyamuniḥ sa moditaḥ |
sahasā sāṃjalirnatvā pūjāṃgainārcayanmudā || 138 || {37}
[Analyze grammar]

tataḥ sa ekapādena sthitvā saptaniśāṃ mudā |
sāṃjaliḥ praṇatiṃ kṛtvā tuṣṭāva gāthayānayā || 139 || {38}
[Analyze grammar]

na divi bhuvi vā nāsmil loke na vaiśravaṇālaye |
na marubhavane divye sthāne na dikṣu vidikṣu vā || 140 || {39}
[Analyze grammar]

caratu vasudhāṃ sphītāṃ kṛtsnāṃ saparvatakānanāṃ |
puruṣavṛṣabhasya tulyānyo mahāśramaṇaḥ kutaḥ || 141 || {40}
[Analyze grammar]

etayo gāthayā stutvā taṃ puṣyaṃ sugataṃ muniṃ |
sa śākyamunirutsāhātsaptarātriṃ mudā bhajan || 142 || {41}
[Analyze grammar]

tataḥ saptadinānte sa puṣyathāgato mudā |
paristutastamālokya śākyamunimabhāṣata || 143 || {42}
[Analyze grammar]

sādhu sādhu mahāsatva tvamevaṃ yatsamudyataḥ |
anena balavīryeṇa saṃpannena dvijottama || 144 || {43}
[Analyze grammar]

navakalpāḥ parāvṛttāḥ saṃstutyādya tathāgataṃ |
kramātpāramitāḥ pūrya saṃbodhiṃ samavāpnuyāḥ || 145 || {44}
[Analyze grammar]

ityādiśya munīndro 'sau puṣyo dharmādhipo jinaḥ |
parivṛtto maheśākhyaistatra dhyānārato 'bhasat || 146 || {45}
[Analyze grammar]

so 'pi śākyamunirbodhisatvo dvijottamaḥ sudhīḥ |
tasya puṣyasya sadbhaktya śaraṇasthaḥ sadābhajat || 147 || {46}
[Analyze grammar]

tatra tasmin sthite buddhe devī guhānivāsinī |
tadguhāyāṃ praveṣṭum 'sau na śaśāka kathaṃ cana || 148 || {47}
[Analyze grammar]

tataḥ sātivirūpākṣā vikṛtāṃśā durākṛtiḥ |
bhūtvā taṃ sugataṃ puṣyaṃ dhyānālīnamabhīṣapat || 149 || {48}
[Analyze grammar]

tathā sā sucireṇāpi bhīṣapītvāpi durmatiḥ |
kiñcittasya muneścittaṃ cārayituṃ śaśāka na || 150 || {49}
[Analyze grammar]

tadā sā śaṃkitākhinnā vismayāhatamānasā |
svarūpeṇaiva taṃ draṣṭuṃ praṇatā samupācarat || 151 || {50}
[Analyze grammar]

tatra taṃ sugataṃ puṣyaṃ tathāgatam munīśvaraṃ |
dvātriṃśallakṣaṇāśītivyaṃjanaiḥ parimaṇḍitaṃ || 152 || {51}
[Analyze grammar]

sarvātikrāṃtasaumyābhaṃ śatasūryādhikaprabhaṃ |
śāntarūpaṃ subhadrāṃgaṃ dhyānālīnamapaśyata || 153 || {52}
[Analyze grammar]

dṛṣṭvaiva sā prasādantī puṇyātmāyaṃ susiddhimān |
iti dhyātvā surūpeṇa tadantikamupācarat || 154 || {53}
[Analyze grammar]

tatra sā sāṃjalirnatvā pādau tasya muneḥ puraḥ |
sthitvā kṣamārthanāṃ karttuṃ prārthayadevamānatā || 155 || {54}
[Analyze grammar]

bhagavannātha sarvajña yanmayā prakṛtaṃ tvayi |
tatkṣamasva jagannātha kṣāntidharmādhipo 'si hi || 156 || {55}
[Analyze grammar]

tadatrāhaṃ jagacchāstarbhavatāṃ śaraṇaṃ gatā |
sarvadā samupāśritya bhajeyaṃ śraddhayā mudā || 157 || {56}
[Analyze grammar]

yadatra te sasaṃghasya yathāvidhi samarcituṃ |
ichāmyahaṃ jagannātha tadadhyuṣitumarhati || 158 || {57}
[Analyze grammar]

iti tenārthite puṣyo bhagavān sa munīśvaraḥ |
tāṃ viśuddhāśayāṃ dṛṣṭvā tūṣṇībhūtvādhyuvāsa tat || 159 || {58}
[Analyze grammar]

tathādhivāsitaṃ śāstrā matvā sābhyanumoditā |
āśu tadbhojyasāmagrīṃ sahasā samasādhayat || 160 || {59}
[Analyze grammar]

tataḥ sā muditopetya pūjāṃgaistaṃ munīśvaraṃ |
abhyarcya bhojanairdivyaiḥ sasaṃghaṃ samatoṣayat || 161 || {60}
[Analyze grammar]

tataḥ sā bhojanānte 'pi praṇatvā sāñjalirmudā |
bhūtvā kṣamāpayitvā ca prārthayadevamānatā || 162 || {61}
[Analyze grammar]

bhagavannātha sarvajña bhavatāṃ śaraṇe sthitā |
sadopasthānamādhāya bhajiṣyāmi samāhitā || 163 || {62}
[Analyze grammar]

tatkṣamasva jagannātha yanmayāpakṛtaṃ vṛthā |
prasīdatu bhavāñchāstā saṃbuddho hi kṣamākaraḥ || 164 || {63}
[Analyze grammar]

iti tayārthitaṃ śrutvā puṣyaḥ sa bhagavānmuniḥ |
devatāṃ tāṃ samālokya saddharmaṃ samupādiśat || 165 || {64}
[Analyze grammar]

śṛṇuṣva devate dharmamihāmutra śubhāptaye |
dharmeṇa rakṣitā loke sarvatrāpi sukhī bhavet || 166 || {65}
[Analyze grammar]

tadādau śraddhayā dharmaṃ śrotavyaṃ saugataṃ varaṃ |
tatastriratnamabhyarcya dātavyaṃ dānamarthine || 167 || {66}
[Analyze grammar]

tataḥ śuddhatrikāyaḥ syācchuddhaśīlaḥ śubhāśayaḥ |
tataḥ satyasamādhānaḥ sarvasatvakṣamākaraḥ || 168 || {67}
[Analyze grammar]

saṃbodhisādhanodyogātsarvakleśān vinirjayet |
tato dhyānasamādhisthaḥ prajñāratnamavāpnuyāt || 169 || {68}
[Analyze grammar]

tatsuratnānubhāvena sarvamārān vinirjayan |
sarvasatvahitārthena saṃbuddhapadamāpnuyāt || 170 || {69}
[Analyze grammar]

evaṃ matvātra saṃsāre sarvadā śubhavāñchibhiḥ |
dharmaṃ śrutvā sadā dānaṃ prakarttavyaṃ yathepsitaṃ || 171 || {70}
[Analyze grammar]

tvaṃ cāpyevaṃ sadā saukhyaṃ yadīchasi śubhānvitaṃ |
triratnaṃ bhajanaṃ kṛtvā kuru dānaṃ yathepsitaṃ || 172 || {71}
[Analyze grammar]

etatpuṇyaṃ tu saṃbodhiprāptaye pariṇāmaya |
etatpuṇyavipākena nūnaṃ bodhiṃ samāpnuyāḥ || 173 || {72}
[Analyze grammar]

ityādiṣṭaṃ munīndreṇa śrutvā sā devatā mudā |
tathā hītipratijñāya prābhyanandatprabodhitā || 174 || {73}
[Analyze grammar]

tataḥ sa sugataḥ puṣyastathāgataḥ sasāṃghikaḥ |
prabhāsayan samutthāya svāśrame samupāśrayat || 175 || {74}
[Analyze grammar]

eṣa hyayaṃ virūpo 'sau devatā yā guhāśritā |
yuṣmābhiḥ satyameveti manyatāṃ nānyathā khalu || 176 || {75}
[Analyze grammar]

evaṃ matvātra saṃsāre sarvadā sukhavāñchibhiḥ |
triratnabhajanaṃ kṛtvā caritavyaṃ śubhe sadā || 177 || {76}
[Analyze grammar]

śubhasya karmaṇaḥ pāke śubhataivaṃ sadā bhave |
kṛṣṇasya duḥkhataivaṃ hi miśritasyāpi miśritaṃ || 178 || {77}
[Analyze grammar]

abhuktaṃ kṣīyate naiva karma kvāpi kadā cana |
yenaiva yatkṛtaṃ karma tenaiva bhujyate phalaṃ || 179 || {78}
[Analyze grammar]

nāgnibhirdahyate karma klidyate nāpi codakaiḥ |
śuṣyate vāyubhirnaiva kṣīyate ca na bhūmiṣu || 180 || {79}
[Analyze grammar]

nānyathāpi bhave naiva karma kvāpi kathaṃ cana |
yad yathā prakṛtaṃ karmaṃ tattathaiva kuleddhruvaṃ || 181 || {80}
[Analyze grammar]

yadasau devatā tatra guhāśritā durāśayā |
vikṛtāṅgā virūpākṣā bhūtvā puṣyaṃ vyabhīṣapat || 182 || {81}
[Analyze grammar]

etatpāpavipākena paṃcajanmaśatānyapi |
vikṛtāṅgo virūpākṣo babhūvāyaṃ bhave sadā || 183 || {82}
[Analyze grammar]

etatpāpāvimukto 'yaṃ virūpo vikṛtākṛtiḥ |
vibhransyo durbhagākāro bhavatyatrāpi sāṃprataṃ || 184 || {83}
[Analyze grammar]

yaccāsau devatā paścāttāpasaṃtapitāśayā |
tasya puṣyasya buddhasya prasannā śaraṇaṃ gatā || 185 || {84}
[Analyze grammar]

śraddhayā bhojanairdivyaiḥ satkṛtya prābhajanmudā |
etatpuṇyavipākena lebhe 'nantaṃ sukhaṃ bhave || 186 || {85}
[Analyze grammar]

atrāpi śāsane bauddhe śraddhayā samupāgataḥ |
pravrajyāsaṃvaraprāptaḥ sākṣādarhatvamāptavān || 187 || {86}
[Analyze grammar]

iti yūyaṃ parijñāya caradhvaṃ sarvadā śubhe |
tato bodhiṃ samāsādya saṃbuddhapadamāpnuyuḥ || 188 || {87}
[Analyze grammar]

ityādiṣṭaṃ munīndreṇa sarve te sāṃghikā api |
śrutvānumoditāḥ satyamityuktvā parimenire || 189 || {88}
[Analyze grammar]

iti me guruṇādiṣṭaṃ mayātra kathyate |
tvayāpyevaṃ mahārāja caritavyaṃ śubhe sadā || 190 || {89}
[Analyze grammar]

prajāścāpi tathā rājanbodhayitvā prayatnataḥ |
bodhimārge pratiṣṭhāpya pālanīyaḥ sadādarāt || 191 || {90}
[Analyze grammar]

tena te sarvadā nityaṃ sarvatrāpi śubhaṃ bhavet |
kramādbodhiṃ samāsādya saṃbuddhapadamāpnuyāḥ || 192 || {91}
[Analyze grammar]

iti tenārhatādiṣṭaṃ śrutvāśokaḥ sa bhūpatiḥ |
tathā hīti pratijñāya prābhyanandatprabodhitaḥ || 193 || {92}
[Analyze grammar]

śāstrādiṣṭaṃ prasannā idamapi manuja ye virūpāvadānaṃ śṛṇvanti śrāvayanti pramuditamanaso ye ca puṇyābhirāgāḥ |
sarve te śrīsametāḥ sakalaguṇadharāḥ satsukhāni prabhuktvā saṃbuddhabhaktiraktāḥ sugatavaragṛhe saṃprayānti pramodaṃ || 194 || {93}
[Analyze grammar]