Chapter 5

[English text for this chapter is available]

parāśara uvāca |
tato dhyānena viśveśamālokya sa munīśvaraḥ |
sūta provāca tāṃ puṇyāṃ lopāmudrāmidaṃ vacaḥ || 1 ||
[Analyze grammar]

ayi paśya varārohe kimetatsamupasthitam |
kva tatkāryaṃ kva ca vayaṃ munimārgānusāriṇaḥ || 2 ||
[Analyze grammar]

yena gotrabhidā gotrā vipakṣā helayā kṛtāḥ |
bhavetkuṃṭhitasāmarthyaḥ sa kathaṃ girimātrake || 3 ||
[Analyze grammar]

kalpavṛkṣoṃ'gaṇe yasya kuliśaṃ yasya cāyudham |
siddhyaṣṭakaṃ hi yaddvāri sa siddhyai prārthayeddvijam || 4 ||
[Analyze grammar]

kriyaṃte vyākulāḥ śailā aho dāvāgninā priye |
tadvṛddhistaṃbhane śaktiḥ kva gatāsā'śuśukṣaṇeḥ || 5 ||
[Analyze grammar]

niyantā sarvabhūtānāṃ yosau daṇḍadharaḥ prabhuḥ |
sa kiṃ daṃḍayituṃ nālamekaṃ taṃ grāvamātrakam || 6 ||
[Analyze grammar]

ādityā vasavo rudrāstuṣitāḥ sa marudgaṇāḥ |
viśvedevāstathā dasrau ye cānyepi divaukasaḥ || 7 ||
[Analyze grammar]

yeṣāṃ dṛkpātamātreṇa pataṃti bhuvanānyapi |
te kiṃ samarthā no kāṃte nagavṛddhiniṣedhane || 8 ||
[Analyze grammar]

ājñātaṃ kāraṇaṃ tacca smṛtaṃ vākyaṃ subhāṣitam |
kāśīmuddiśya yadgītaṃ munibhistattvadarśibhiḥ || 9 ||
[Analyze grammar]

avimuktaṃ na moktavyaṃ sarvathaiva mumukṣubhiḥ |
kiṃtu vighnā bhaviṣyaṃti kāśyāṃ nivasatāṃ satām || 10 ||
[Analyze grammar]

upasthitoyaṃ kalyāṇi soṃ'tarāyo mahāniha |
na śakyate'nyathākartuṃ viśveśo vimukho yataḥ || 11 ||
[Analyze grammar]

kāśīdvijāśīrbhiraho yadāptā kastāṃ mumukṣuryadivāmumukṣuḥ |
grāsaṃ karasthaṃ sa visṛjya hṛdyaṃ svakūrparaṃ leḍhi vimūḍhacetāḥ || 12 ||
[Analyze grammar]

aho janā bāliśavatkimetāṃ kāśīṃ tyajeyuḥ sukṛtaikarāśim |
śālūkakaṃdaḥ pratimajjanaṃ kiṃ labheta tadvatsulabhā kimeṣā || 13 ||
[Analyze grammar]

bhavāṃtarā varjita puṇyarāśiṃ kṛcchairmahadbhirhyavagam yakāśīm |
prāpyāpi kiṃ mūḍhadhiyonyato vai yiyāsavo durgatimudyiyāsavaḥ || 14 ||
[Analyze grammar]

kva kāśikā viśvapadaprakāśikā kva kāryamanyatparitotiduḥkham |
tatpaṃḍitonyatra kutaḥ prayāti kiṃ yāti kūṣmāṃḍaphalaṃ hyajāsye || 15 ||
[Analyze grammar]

kāśīṃ prakāśīṃ kṛtapuṇyarāśiṃ hā śīghranāśī visṛjennaraḥ kim |
nūnaṃ svanūnaṃ sukṛtaṃ tadīyaṃ madīyamevaṃ vivṛṇoti cetaḥ || 16 ||
[Analyze grammar]

naro na rogī yadihāvihāya sahāyabhūtāṃ sakalasya jaṃtoḥ || |
kāśīmanāśī sukṛtaikarāśimanyatra yātuṃ yatatāṃ na cānyaḥ || 17 ||
[Analyze grammar]

vitrastapāpāṃ tridaśairdurāpāṃ gaṃgāṃ sadāpāṃ bhavapāśaśāpām |
śivāvimuktāmamṛtaikaśuktiṃ bhuktāvimuktānaparityajanti || 18 ||
[Analyze grammar]

haṃho kimaṃho nicitāḥ pralabdhā baṃhīyasāyāsa bhareṇa kāśīm |
prabhūtapuṇyadraviṇaikapaṇyāṃ prāpyāpi hitvā kva ca gaṃtumudyatāḥ || 19 ||
[Analyze grammar]

aho janānāṃ jaḍatā vihāya kāśīṃ yadanyatra na yaṃti cetaḥ |
parisphuradgāṃgajalābhirāmāṃ kāmāriśūlāgradhṛtāṃ layepi || 20 ||
[Analyze grammar]

rere bhave śokajalaikapūrṇe pāpesmalokāḥ patitābdhimadhye |
vidrāṇanidrāṇavirodhipāpāṃ kāśīṃ parityajyatariṃ kimartham || 21 ||
[Analyze grammar]

na satpathenāpi na yogayuktyā dānairnavā naiva tapobhirugraiḥ |
kāśī dvijāśīrbhiraho sulabhyā kiṃvā prasādena ca viśvabhartuḥ || 22 ||
[Analyze grammar]

dharmastu saṃpattibharaiḥ kilohyatepyartho hi kāmairbahudānabhogakaiḥ |
anyatrasarvaṃ sa ca mokṣa ekaḥ kāśyāṃ na cānyatra tathāyathātra || 23 ||
[Analyze grammar]

kṣetraṃ pavitraṃ hi yathā'vimuktaṃ nānyattathāyacchrutibhiḥ prayuktam |
na dharmaśāstrairna ca taiḥpurāṇaistasmāccharaṇyaṃ hi sadā'vimuktam || 24 ||
[Analyze grammar]

sahovāceti jābālirāruṇesiriḍāmatā |
varaṇāpiṃgalā nāḍī tadaṃtastvavimuktakam || 25 ||
[Analyze grammar]

sā suṣumṇā parānāḍī trayaṃ vārāṇasītvasau |
tadatrotkramaṇe sarvajaṃtūnāṃ hi śrutau haraḥ || 26 ||
[Analyze grammar]

tārakaṃ brahmavyācaṣṭe tena brahma bhavaṃti hi |
evaṃ śloko bhavatyeṣa āhurvai vedavādinaḥ || 27 ||
[Analyze grammar]

bhagavānaṃtakāle'tra tārakasyopadeśataḥ |
avimuktesthitāñjantūnmocayennātra saṃśayaḥ || 28 ||
[Analyze grammar]

nāvimuktasamaṃkṣetraṃ nāvimuktasamā gatiḥ |
nāvimuktasamaṃ liṃgaṃ satyaṃ satyaṃ punaḥpunaḥ || 29 ||
[Analyze grammar]

avimuktaṃ parityajya yonyatra kurute ratim |
muktiṃ karatalānmuktvā sonyāṃ siddhiṃ gaveṣayet || 30 ||
[Analyze grammar]

itthaṃ suniścitya munirmahātmā kṣetraprabhāvaṃ śrutitaḥ purāṇāt |
śrīviśvanāthena samaṃ na liṃgaṃ purī na kāśī sadṛśī trikoṭyām || 31 ||
[Analyze grammar]

śrīkālarājaṃ ca tataḥ praṇamya vijñāpayāmāsa munīśavaryaḥ |
āpṛcchanāyāhamihāgatosmi śrīkāśipuryāstu yataḥ prabhustvam || 32 ||
[Analyze grammar]

hā kālarājaprati bhūtamatra pratyaṣṭamipratyavanīsutārkam |
nārādhaye mūlaphalaprasūnaiḥ kiṃ mayyanāgasyaparādhadṛksyāḥ || 33 ||
[Analyze grammar]

hā kālabhairava bhavānabhito bhayārtānmābhaiṣṭa ce tibhaṇanaiḥ svakaraṃ prasārya |
mūrtiṃ vidhāya vikaṭāṃ kaṭupāpabhoktrīṃ vārāṇasīsthitajanānparipāti kiṃ na || 34 ||
[Analyze grammar]

he yakṣarāja rajanīkara cārumūrte śrīpūrṇabhadrasutanāyaka daṃḍapāṇe |
tvaṃ vai tapojanitaduḥkhamavaipi sarvaṃ kiṃ māṃ bahirnayasi kāśinivāsirakṣin || 35 ||
[Analyze grammar]

tvamannadastvaṃ kila jīvadātā tvaṃ jñānadastvaṃ kila mokṣadopi |
tvamaṃtyabhūṣāṃ kuruṣe janānāṃ jaṭākalāpairurageṃdrahāraiḥ || 36 ||
[Analyze grammar]

gaṇau tvadīyau kila saṃbhramodbhramāvatrasthavṛttāṃta vicārakovidau |
saṃbhrāṃtimutpādyaparāmasādhūnkṣetrātkṣaṇaṃ dūrayatastvamuṣmāt || 37 ||
[Analyze grammar]

śṛṇu prabho ḍhuṃḍhivināyaka tvaṃ vācaṃ madīyāṃ turaṭāmyanāthavat |
tvatsthāḥ samastāḥ kila vighnapūgāḥ kimatra durvṛttavadāsthitoham || 38 ||
[Analyze grammar]

śṛṇvaṃtvamī paṃca vināyakāśca ciṃtāmaṇiścāpi kapardināmā |
āśāgajākhyau ca vināyakau tau śṛṇotvasau siddhivināyakaśca || 39 ||
[Analyze grammar]

parāpavādo na mayā kiloktaḥ parāpakāropi mayā kṛto na |
parasvabuddhiḥ paradārabuddhiḥ kṛtā mayā nātra ka eṣa pākaḥ || 40 ||
[Analyze grammar]

gaṃgā trikālaṃ parisevitā mayā śrīviśvanāthopi sadā vilokitaḥ |
yātrāḥ kṛtāstāḥ pratiparvasarvataḥ koyaṃvipāko mama vighnahetuḥ || 41 ||
[Analyze grammar]

mātarviśālākṣi bhavānimaṃgale jyeṣṭheśisaubhāgyavidhānasuṃdari |
viśvevidhe viśvabhuje namostu te śrīcitraghaṃṭe vikaṭe ca durgike || 42 ||
[Analyze grammar]

sākṣiṇya etā kilakāśidevatāḥ śṛṇvaṃtu na svārthamahaṃ vrajāmyataḥ |
abhyarthito devagaṇaiḥ karo mi kiṃ paropakārāya na kiṃ vidhīyate || 43 ||
[Analyze grammar]

dadhīcirasthīni na kiṃ purā dadau jagattrayaṃ kiṃ na dade'rthine baliḥ |
dattaḥ sma kiṃ no madhukaiṭabhau śiro babhūva tārkṣyopi ca viṣṇuvāhanam || 44 ||
[Analyze grammar]

āpṛcchya sarvānsamunīnmunīśvaraḥ sabālavṛddhānapi tatravāsinaḥ |
tṛṇāni vṛkṣāṃścalatāḥ samastāḥ purīṃ parikramya ca niryayau ca || 45 ||
[Analyze grammar]

proṣitasya paritopi lakṣaṇairnīcavartmaparivartinopi vā |
caṃdramaulimavalokya yāsyataḥ kasya siddhiriha no parisphuret || 46 ||
[Analyze grammar]

varaṃ hi kāśyāṃ tṛṇavṛkṣagulmakāścaraṃti pāpaṃ na caraṃti nānyataḥ |
vayaṃ carāṇāṃ prathamā dhigastu no vārāṇasīṃhādya vihāya gacchataḥ || 47 ||
[Analyze grammar]

asiṃ hyupaspṛśya punaḥpunarmuniḥ prāsādamālāḥ parito vilokayan |
uvāca netre sarale prapaśyataṃ kāśīṃ yuvāṃ kvakva purī tviyaṃ bata || 48 ||
[Analyze grammar]

svairaṃ hasaṃtvadya vidhāya tālikāṃ mithaḥkareṇāpi karaṃ pragṛhya |
sīmācarā bhūtagaṇā vrajāmyahaṃ vihāya kāśīṃ sukṛtaikarāśim || 49 ||
[Analyze grammar]

itthaṃ vilapya bahuśaḥ sa munistvagastyastatkrauṃcayugmavadaho abalāsahāyaḥ |
mūrcchāmavāpa mahatīṃ virahī vajalpanhākāśikāśi punarehi ca dehi dṛṣṭim || 50 ||
[Analyze grammar]

sthitvā kṣaṇaṃ śivaśiveti śiveti coktvā yāvaḥpriyeti kaṭhināhi divaukasaste |
kiṃ na smarestrijagatī sukhadānadakṣaṃ tryakṣaṃ prahityamadanaṃ yadakāritaistu || 51 ||
[Analyze grammar]

yāvadvrajettricaturāṇi padāni khedātsvedodabiṃdukaṇikāṃcitabhāladeśaḥ |
pratyudgamā'karaṇataḥ kila me vināśastāvaddharābhayavarādiva saṃcukoca || 52 ||
[Analyze grammar]

tapoyānamivāruhya nimeṣārdhena vai muniḥ |
agre dadarśa taṃ viṃdhyaṃ ruddhāṃbaramathonnatam || 53 ||
[Analyze grammar]

cakaṃpe cācalastūrṇaṃ dṛṣṭvaivāgrasthitama munim |
tamagastyaṃ sapatnīkaṃ vātāpīlvala vairiṇam || 54 ||
[Analyze grammar]

tapaḥkrodhasamutthābhyāṃ kāśīvirahajanmanā |
pralayānalavattīvraṃ jvalaṃtaṃ tribhiragnibhiḥ || 55 ||
[Analyze grammar]

giriḥ kharvataro bhūtvā vivikṣuravanīmiva |
ājñāprasādaḥ kriyatāṃ kiṃkarosmīti cābravīta || 56 ||
[Analyze grammar]

agastya uvāca |
viṃdhya sādhurasi prājña māṃ ca jānāsi tattvataḥ |
punarāgamanaṃ cenme tāvatkharvataro bhava || 57 ||
[Analyze grammar]

ityuktvā dakṣiṇāmāśāṃ sanāthāmakaronmuniḥ |
nijaiścaraṇavinyāsaistayā sādhvyā taponidhiḥ || 58 ||
[Analyze grammar]

gate tasminmunivare vepamānastadā giriḥ |
paśyatyutkaṃṭhamiva ca gataścetsādhvabhūttataḥ || 59 ||
[Analyze grammar]

adyājātaḥ punarahaṃ na śapto yadagastinā |
na mayā sadṛśo dhanya iti mene sa vai giriḥ || 60 ||
[Analyze grammar]

aruṇopi ca tatkāle kālajño 'śvānakālayat |
jagatsvāsthyamavāpoccaiḥ pūrvavadbhānusaṃcaraiḥ || 61 ||
[Analyze grammar]

adya śvo vā paraśvo vāpyāgamipyati vai muniḥ |
iti ciṃtāmahābhārairgirirākrāṃtavatsthitaḥ || 62 ||
[Analyze grammar]

nādyāpi munirāyāti nādyāpigiriredhate |
yathā khalajanānāṃ hi manorathamahīruhaḥ || 63 ||
[Analyze grammar]

vivardhiṣati yo nīcaḥ parāsūyāṃ samudvahan |
dūre tadvṛddhivārtā'stāṃ prāgvṛddherapi saṃśayaḥ || 64 ||
[Analyze grammar]

manorathā na siddhyeyuḥ siddhā naśyaṃtyapi dhruvam |
khalānāṃ tena kuśali viśvaṃ viśveśarakṣitam || 65 ||
[Analyze grammar]

vidhavānāṃ stanā yadvaddhṛdyeva vilayaṃti ca |
unnamyonnamya tatroccaistadvatkhalamanorathāḥ || 66 ||
[Analyze grammar]

bhavetkūlaṃkapā yadvadalpavarṣeṇakannadī |
khalardhiralpavarṣeṇa tadvatsyātsvakulaṃkapā || 67 ||
[Analyze grammar]

avijñāyānya sāmarthyaṃ svasāmarthyaṃ pradarśayeta |
upahāsamavāpnoti tathaivāyamihācalaḥ || 68 ||
[Analyze grammar]

vyāsa uvāca |
godāvarītaṭaṃ ramyaṃ vicarannapi vai muniḥ |
na tatyāja ca taṃ tāpaṃ kāśīvirahajaṃ param || 69 ||
[Analyze grammar]

udīcī dikspṛśamapi sa munirmātariśvanam |
prasārya bāhū saṃśliṣya kāśyāḥ pṛcchedanāmayam || 70 ||
[Analyze grammar]

lopāmudre na sā mudrā kāpīha jagatītale |
vārāṇasyāḥ pradṛśyeta tatkartā na yato vidhiḥ || 71 ||
[Analyze grammar]

kvacittiṣṭhankvacijjalpankvaciddhāvankvacitskhalan |
kvaccicopaviśaṃśceti babhrāmetastato muniḥ || 72 ||
[Analyze grammar]

tato vrajandadarśāgre puṇyarāśistapodhanaḥ |
caṃcaccaṃdragatābhāsāṃ bhāgyavāniva suśriyam || 73 ||
[Analyze grammar]

vijityabhānu nābhānuṃ divāpi samuditvarām |
nirvāpayaṃtīmiva tāṃ svacetastāpasaṃtatim || 74 ||
[Analyze grammar]

tatrāgastyo mahālakṣmīṃ dadṛśe suciraṃ sthitām || 75 ||
[Analyze grammar]

rātrāvabjeṣu saṃkoco darśeṣvabjaḥ kvacidvrajet |
kṣīrode maṃdaratrāsāttadatrādhyuṣitāmiva || 76 ||
[Analyze grammar]

yadārabhya dadhāraināṃ mādhavo mānataḥ kila |
tadārabhya sthitāṃ nūnaṃ sapatnīrṣyāvaśādiva || 77 ||
[Analyze grammar]

trailokyaṃ kolarūpeṇa trāsayaṃtaṃ mahāsuram |
vinihatya sthitāṃ tatra ramye kolāpure pure || 78 ||
[Analyze grammar]

saṃprāpyātha mahālakṣmīṃ munivaryaḥ praṇamya ca |
tuṣṭāva vāgbhiriṣṭābhiriṣṭadāṃ hṛṣṭamānasaḥ || 79 ||
[Analyze grammar]

agastiruvāca |
mātarnamāmi kamale kamalāyatākṣi śrīviṣṇuhṛtkamalavāsini viśvamātaḥ |
kṣīrodaje kamalakomalagarbha gauri lakṣmi prasīda satataṃ namatāṃ śaraṇye || 80 ||
[Analyze grammar]

tvaṃ śrīrupeṃdrasadane madanaikamātarjyotsnāsi caṃdramasi caṃdramanoharāsye |
sūrye prabhāsi ca jagattritaye prabhāsi lakṣmi prasīda satataṃ namatāṃ śaraṇye || 81 ||
[Analyze grammar]

tvaṃ jātavedasi sadā dahnātmaśaktirvedhāstvayā jagadidaṃ vividhaṃ vidadhyāt |
viśvaṃbharopi bibhṛyādakhilaṃ bhavatyā lakṣmi prasīda satataṃ namatāṃ śaraṇye || 82 ||
[Analyze grammar]

tvattyaktametadamale harate haropi tvaṃ pāsi haṃsi vidadhāsi parāvarāsi |
īḍyo babhūva harirapyamale tvadāptyā lakṣmi prasīda satataṃ namatāṃ śaraṇye || 83 ||
[Analyze grammar]

śūraḥ sa eva sa guṇī budhaḥ dhanyo mānyaḥ sa eva kulaśīla kalākalāpaiḥ |
ekaḥ śuciḥ sa hi pumānsakalepi loke yatrāpatettava śubhe karuṇākaṭākṣaḥ || 84 ||
[Analyze grammar]

yasminvaseḥ kṣaṇamahopuruṣe gaje'śve straiṇe tṛṇe sarasi devakule gṛhe'nne |
ratne patattriṇi paśau śayane dharāyāṃ saśrīkameva sakale tadihāstinānyat || 85 ||
[Analyze grammar]

tvatspṛṣṭameva sakalaṃ śucitāṃ labheta tvattyaktameva sakalaṃ tvaśucīha lakṣmi |
tvannāma yatra ca sumaṃgalameva tatra śrīviṣṇupatni kamale kamalālaye'pi || 86 ||
[Analyze grammar]

lakṣmīṃ śriyaṃ ca kamalāṃ kamalālayāṃ ca padmāṃ ramāṃ nalinayugmakarāṃ ca māṃ ca |
kṣīrodajāmamṛtakuṃbhakarāmirāṃ ca viṣṇupriyāmiti sadājapatāṃ kva duḥkham || 87 ||
[Analyze grammar]

iti stutvā bhagavatīṃ mahālakṣmīṃ haripriyām |
praṇanāma sapatnīkaḥ sāṣṭāṃgaṃ daṃḍavanmuniḥ || 88 ||
[Analyze grammar]

śrīruvāca |
uttiṣṭhottiṣṭha bhadraṃ te mitrāvaruṇasaṃbhava |
pativrate tvamuttiṣṭha lopāmudre śubhavrate || 89 ||
[Analyze grammar]

stutyānayā prasannohaṃ vriyatāṃ yaddhṛdīpsitam |
rājaputri mahābhāge tvamihopaviśāmale || 90 ||
[Analyze grammar]

tvadaṃgalakṣaṇairebhiḥ supavitraiśca te vrataiḥ |
nirvāpayitumicchāmi daityāstraistāpitāṃ tanum || 91 ||
[Analyze grammar]

ityuktvā munipatnīṃ tāṃ samāliṃgya haripriyā |
alaṃcakāra ca prītyā bahusaubhāgyamaṃḍanaiḥ || 92 ||
[Analyze grammar]

punarāha mune jāne tava hṛttāpakāraṇam |
sacetanaṃ dunotyeva kāśīviśleṣajo'nalaḥ || 93 ||
[Analyze grammar]

yadā sa devo viśveśo maṃdaraṃ gatavānpurā |
tadā kāśīviyogena jātā tasyedṛśī daśā || 94 ||
[Analyze grammar]

tatpravṛttiṃ punarjñātuṃ brahmāṇaṃ keśavaṃ gaṇān |
gaṇeśvaraṃ ca devāṃśca preṣayāmāsa śūladhṛk || 95 ||
[Analyze grammar]

te ca kāśīguṇānsarve vicārya ca punaḥpunaḥ |
vrajaṃtyadyāpi na kvāpi tādṛgasti kva vā purī || 96 ||
[Analyze grammar]

iti śrutvātha sa muniḥ pratyuvāca śriyaṃ tataḥ |
praṇipatya mahābhāgo bhaktigarbhamidaṃ vacaḥ || 97 ||
[Analyze grammar]

yadi deyo varo mahyaṃ varayogyosmyahaṃ yadi |
tadā vārāṇasī prāptiḥ punarastveṣa me varaḥ || 98 ||
[Analyze grammar]

ye paṭhiṣyaṃti ca stotraṃ tvadbhaktyā matkṛtaṃ sadā |
teṣāṃ kadācitsaṃtāpo māstu māstu daridratā || 99 ||
[Analyze grammar]

māstu ceṣṭaviyogaśca māstu saṃpatti saṃkṣayaḥ |
sarvatra vijayaścāstu vicchedo māstu saṃtateḥ || 100 ||
[Analyze grammar]

śrīruvāca |
evamastu mune sarvaṃ yattvayā paribhāṣitam |
etatstotrasya paṭhanaṃ mama sānnidhya kāraṇam || 1 ||
[Analyze grammar]

alakṣmīḥ kālakarṇī ca tadgehe na viśetkvacit |
gajāśvapaśuśāṃtyarthametatstotraṃ sadā japet || 2 ||
[Analyze grammar]

bālagrahābhibhūtānāṃ vālānāṃśāṃtikṛtparam |
bhūrjapatre likhitvā tu badhnīyātkaṃṭhadeśataḥ || 3 ||
[Analyze grammar]

idaṃ bījarahasyaṃ me rakṣaṇīyaṃ prayatnataḥ |
śraddhāhīne na dātavyaṃ na deyaṃ cāśucau kvacit || 4 ||
[Analyze grammar]

anyacca śṛṇu vipreṃdra bhaviṣye dvāpare bhavān |
ekonatriṃśake brahmansatyavyāso bhaviṣyati || 5 ||
[Analyze grammar]

tadā vārāṇasīṃ prāpya siddhiṃ prāpsyasyabhīpsitām |
vyasya vedānpurāṇāni dharmā nsamupadiśya ca || 6 ||
[Analyze grammar]

hitaṃ ca te vadāmyekaṃ sāṃprataṃ tatsamācara |
paśya kiṃcidito gatvā skaṃdamagre sthitaṃ prabhum || 7 ||
[Analyze grammar]

vārāṇasyā rahasyaṃ ca yathāva cchivabhāṣitam |
tava tuṣṭikaraṃ brahmankathayiṣyati ṣaṇmukhaḥ || 8 ||
[Analyze grammar]

iti labdhvā varaṃ sotha mahālakṣmīṃ praṇamya ca |
yayāvagastiryatrāsti kumāraśikhivāhanaḥ || 109 ||
[Analyze grammar]

iti śrīskānde mahāpurāṇa ekāśītisāharuyāṃ saṃhitāyāṃ caturthe kāśīkhaṃḍe pūrvārddhe agastyaprasthānaṃ nāma paṃcamo 'dhyāyaḥ || 5 ||
[Analyze grammar]