Chapter 4

[English text for this chapter is available]

sūta uvāca |
munipṛṣṭāstadā devā bhagavaṃste kimabruvan |
sarvalokahitārthāya tadākhyāhi mahāmune || 1 ||
[Analyze grammar]

śrīvyāsa uvāca |
agastivacanaṃ śrutvā bahumānapurassaram |
dhiṣaṇādhipaterāsyaṃ vibudhā vyālulokire || 2 ||
[Analyze grammar]

vākpatiruvāca |
śṛṇvagaste mahābhāga devāgamanakāraṇam |
dhanyosi kṛtakṛtyosi mānyosi mahatā mapi || 3 ||
[Analyze grammar]

pratyāśramaṃ pratinagaṃ pratyaraṇyaṃ tapodhanāḥ |
kiṃ na saṃti muniśreṣṭha kācidanyaiva te sthitiḥ || 4 ||
[Analyze grammar]

tapolakṣmīstvayīhāsti brāhmatejastvayi sthiram |
puṇyalakṣmīstvayi parā tvayyaudāryaṃ manastvayi || 5 ||
[Analyze grammar]

pativrateyaṃ kalyāṇī lopāmudrā sadharmiṇī |
tavāṃgacchāyayā tulyā yatkathāpuṇyakāriṇī || 6 ||
[Analyze grammar]

pativratāsvaruṃdhatyā sāvitryāpyanasūyayā |
śāṃḍilyayā ca satyā ca lakṣmyā ca śatarūpayā || 7 ||
[Analyze grammar]

menayā ca sunītyā ca saṃjñayā svāhayā tathā |
yathaiṣā varṇyate śreṣṭhā na tathānyeti niścitama || 8 ||
[Analyze grammar]

bhuṃkte bhukte tvayi mune tiṣṭhati tvayi tiṣṭhati |
vinidrite ca nidrāti prathamaṃ pratibudhyate || 9 ||
[Analyze grammar]

analaṃkṛtamātmānaṃ tava no darśayetkvacit |
kāryārthaṃ proṣite kvāpi sarvamaṃḍanavarjitā || 10 ||
[Analyze grammar]

na ca te nāma gṛhṇīyāttavāyuṣyavivṛddhaye |
puruṣāṃtaranāmāpi na gṛhṇāti kadācana || 11 ||
[Analyze grammar]

ākruṣṭāpi na cākrośettāḍitāpi prasīdati |
idaṃ kuru kṛtaṃ svāminmanyatāmiti vakti ca || 12 ||
[Analyze grammar]

āhūtā gṛhakāryāṇi tyaktvā gacchati satvaram |
kimarthaṃ vyāhṛtā nātha saprasādo vidhīyatām || 13 ||
[Analyze grammar]

na ciraṃ tiṣṭhati dvāri na dvāramupasevate |
adāpitaṃ tvayā kiṃcitkasmaicinna dadātyapi || 14 ||
[Analyze grammar]

pūjopakaraṇaṃ sarvamanuktā sādhayetsvayam |
niyamodakabarhīṃṣi patrapuppākṣatādikam || 15 ||
[Analyze grammar]

pratīkṣamāṇāvasaraṃ yathākālocitaṃ hi yat |
tadupasthāpayetsarvamanudvignātihṛṣṭavat || 16 ||
[Analyze grammar]

sevate bhartturucchiṣṭamiṣṭamannaṃ phalādikam |
mahāprasāda ityuktvā paridattaṃ pratīcchati || 17 ||
[Analyze grammar]

avibhajya na cāśnīyāddevapitratithiṣvapi |
paricārakavargeṣu goṣu bhikṣukuleṣu ca || 18 ||
[Analyze grammar]

saṃyatopaskarādakṣā hṛṣṭā vyaya parāṅmukhī |
kuryāttvayānanujñātā nopavāsavratādikam || 19 ||
[Analyze grammar]

dūrato varjayedeṣā samājotsavadarśanam |
na gacchettīrthayātrādi vivāhaprekṣaṇādiṣu || 20 ||
[Analyze grammar]

sukhasuptaṃ sukhāsīnaṃ ramamāṇaṃ yadṛcchayā |
āṃtareṣvapi kāryeṣu patiṃ notthāpayetkvacit || 21 ||
[Analyze grammar]

strīdharmiṇī trirātraṃ tu svamukhaṃ naiva darśa yet |
svavākyaṃ śrāvayennāpi yāvatsnātā na śuddhitaḥ || 22 ||
[Analyze grammar]

susnātā bhartṛvadanamīhatenyasya na kvacit |
athavā manasi dhyātvā patiṃ bhānuṃ vilokayet || 23 ||
[Analyze grammar]

haridrāṃ kuṃkumaṃ caiva siṃdūra kajjalaṃ tathā |
kūrpāsakaṃ ca tāṃbūlaṃ māṃgalyābharaṇaṃ śubham || 24 ||
[Analyze grammar]

keśasaṃskārakabarī karakarṇādibhūṣaṇam |
bhartturāyuṣyamicchaṃtī dūraye nna pativratā || 25 ||
[Analyze grammar]

na rajakyā na haitukyā tathā śramaṇayā na ca |
na ca durbhagayā kvāpi sakhitvaṃ kurute satī || 26 ||
[Analyze grammar]

bhartṛvidveṣiṇīṃ nārīṃ naiṣā saṃbhāṣate kvacit |
naikākinī kvacidbhūyānna nagnā snāti ca kvacit || 27 ||
[Analyze grammar]

nolūkhale na musale na varddhanyāṃ dṛṣadyapi |
na yaṃtrakena dehalyāṃ satī copaviśetkvacit || 28 ||
[Analyze grammar]

vinā vyavāyasamayaṃ prāgalbhyaṃ na kvaciccaret |
yatrayatrarucirbharttustatra premavatī sadā || 29 ||
[Analyze grammar]

idameva vrataṃ strīṇāmayamevaparo vṛṣaḥ |
iyameko devapūjā bhartturvākyaṃ na laṃghayeta || 30 ||
[Analyze grammar]

klībaṃ vā duravasthaṃvā vyādhitaṃ vṛddhameva vā |
susthitaṃ duḥsthitaṃ vāpi patimekaṃ na laṃghayeta || 31 ||
[Analyze grammar]

hṛṣṭāhṛṣṭeviṣaṇṇāsyā viṣaṇṇāsye priye sadā |
ekarūpā bhavetpuṇyā saṃpatsu ca vipatsu ca || 32 ||
[Analyze grammar]

sarpirlavaṇatailādi kṣayepi ca pativratā |
patiṃ nāstīti na brūyādāyāseṣu na yojayet || 33 ||
[Analyze grammar]

tīrthasnānārthinī nārī patipādodakaṃ pibet |
śaṃkarādapi viṣṇorvā patirekodhikaḥ striyāḥ || 34 ||
[Analyze grammar]

vratopavāsaniyamaṃ patimullaṃghya yā caret |
āyuṣyaṃ harate bhartturmṛtā nirayamṛcchati || 35 ||
[Analyze grammar]

uktā pratyuttaraṃ dadyādyā nārī krodhatatparā |
saramā jāyate grāme sṛgālī nirjane vane || 36 ||
[Analyze grammar]

strīṇāṃ hi paramaścaiko niyamaḥ samudāhṛtaḥ ||' |
abhyarcya caraṇau bhartturbhoktavyaṃ kṛtaniścayam || 37 ||
[Analyze grammar]

uccāsanaṃ na seveta na vrajetparaveśmasu |
na trapākara vākyāni vaktavyāni kadācana || 38 ||
[Analyze grammar]

apavādo na vaktavyaḥ kalahaṃ dūratastyajet |
gurūṇāṃ sannidhau kvāpi noccairbrūyānna vā haset || 39 ||
[Analyze grammar]

yā bhartāraṃ parityajya rahaścarati durmatiḥ |
ulūkī jāyate krūrā vṛkṣakoṭaraśāyinī || 40 ||
[Analyze grammar]

tāḍitā tāḍituṃ cecchetsā vyāghrī vṛṣadaṃśikā |
kaṭākṣayatiyā'nyaṃ vai kekarākṣī tu sā bhaveta || 41 ||
[Analyze grammar]

yā bhartāraṃ parityajya miṣṭama'śnāti kevalam |
grāme vāsakarī bhūyādvalgurvāpi śvaviṭbhujā || 42 ||
[Analyze grammar]

yā tvaṃ kṛtyā'priyaṃ brūte mūkā sā jāyate khalu |
yā sapatnīṃ saderṣyeta durbhagā sā punaḥpunḥ || 43 ||
[Analyze grammar]

dṛṣṭiṃ vilupya bharturyā kaṃcidanyaṃ samīkṣate |
kāṇā ca vimukhī cāpi kurūpā cāpi jāyate || 44 ||
[Analyze grammar]

bāhyādāyāṃtamālokya tvaritā ca jalāśanaiḥ |
tāṃbūlairvyajanaiścaiva pādasaṃvāhanādibhiḥ || 45 ||
[Analyze grammar]

tathaiva cāṭuvacanaiḥ khedasaṃnodanaiḥ paraiḥ |
yā priyaṃ prīṇayetprītā trilokī prīṇitā tayā || 46 ||
[Analyze grammar]

mitaṃ dadāti hi pitā mitaṃ bhrātā mitaṃ sutaḥ |
amitasya hi dātāraṃ bharttāraṃ pūjaye tsadā || 47 ||
[Analyze grammar]

bhartā devo gururbhartā dharma tīrtha vratāni ca |
tasmātsarvaṃ parityajya patimekaṃ samarcayeta || 48 ||
[Analyze grammar]

jīvahīno yathā dehaḥ kṣaṇādaśucitāṃ vrajet |
bhartṛhīnā tathā yoṣitsusnātāpyaśuciḥ sadā || 49 ||
[Analyze grammar]

amaṃgalebhyaḥ sarvebhyo vidhavā tyaktamaṃgalā |
vidhavā darśanātsiddhiḥ kvāpi jātu na jāyate || 50 ||
[Analyze grammar]

vihāya mātaraṃ caikāṃ sarvamaṃgalavarjitāma |
tadāśiṣamapi prājñastyajedāśīviṣopamāma || 51 ||
[Analyze grammar]

kanyāvivāhasamaye vācayeyuriti dvijāḥ |
bhartuḥ sahacarī bhūyājjīvato'jīvatopivā || 52 ||
[Analyze grammar]

bhartā sadānuyātavyo dehavacchāyayā striyā |
caṃdramā jyotsnayā yadvadvidyutvānvidyutā yathā || 53 ||
[Analyze grammar]

anuvrajati bhartāraṃ gṛhātpitṛvanaṃ mudā |
padepade'śvamedhasya phalaṃ prāpnotyasaṃśayama || 54 ||
[Analyze grammar]

vyālagrāhī yathā vyālaṃ balāduddharate bilāta |
evamutkramya dūtebhyaḥ patiṃ svargaṃ nayetsatī || 55 ||
[Analyze grammar]

yamadūtāḥ palāyaṃte satīmālokya dūrataḥ |
api duṣkṛtakarmāṇaṃ samutsṛjya ca tatpatim || 56 ||
[Analyze grammar]

na tathā bibhīmo vahnernatathā vidyuto yathā |
āpataṃtīṃ samālokya vayaṃ dūtāḥ pativratām || 57 ||
[Analyze grammar]

tapanastapyatetyaṃtaṃ dahanopi ca dahyate |
kaṃpaṃte sarva tejāṃsi dṛṣṭvā pātivrataṃ mahaḥ || 58 ||
[Analyze grammar]

yāvatsvalomasaṃkhyāsti tāvatkoṭyayutāni ca |
bhartrā svargasukhaṃ bhuṃkte ramamāṇā pativratā || 59 ||
[Analyze grammar]

dhanyā sā jananī loke dhanyosau janakaḥ punaḥ |
dhanyaḥ sa ca patiḥ śrīmānyeṣāṃ gehe pativratā || 60 ||
[Analyze grammar]

pitṛvaṃśyāmātṛvaṃśyāḥpativaṃśyāstrayastrayaḥ |
pativratāyāḥ puṇyena svargasaukhyāni bhuṃjate || 61 ||
[Analyze grammar]

śīlabhaṃgena durvṛttāḥ pātayaṃti kulatrayam |
piturmātustathāpatyurihāmutra ca duḥkhitāḥ || 62 ||
[Analyze grammar]

pativratāyāścaraṇo yatra yatra spṛśedbhuvam |
tatreti bhūmirmanyeta nātra bhārostipāvanī || 63 ||
[Analyze grammar]

bibhyatpativratāsparśaṃ kurute bhānumānapi |
somo gaṃdhavahaścāpi svapāvitryāya nānyathā || 64 ||
[Analyze grammar]

āpaḥ pativratā sparśamabhilaṣyaṃti sarvadā |
adya jāḍyavināśo no jātāstvadyā'nyapāvanāḥ || 65 ||
[Analyze grammar]

gṛhegṛhe na kiṃ nāryo rūpalāvaṇyagarvitāḥ |
paraṃ viśveśabhaktyaiva labhyate strī pativratā || 66 ||
[Analyze grammar]

bhāryā mūlaṃ gṛhasthasya bhāryā mūlaṃ sukhasya ca |
bhāryā dharmaphalā bhāryā saṃ tānavṛddhaye || 67 ||
[Analyze grammar]

paralokastvayaṃ loko jīyate bhāryayā dvayam |
devapitratithījyādi nābhāryaḥ karma cārhati || 68 ||
[Analyze grammar]

gṛhasthaḥ sa hi vijñeyo yasya gehe pativratā |
grasate'nyā pratipadaṃ rākṣasyā jarayāthavā || 69 ||
[Analyze grammar]

yathā gaṃgā'vagāhena śarīraṃ pāvanaṃ bhavet |
tathā pativratā dṛṣṭyā śubhayā pāvanaṃ bhavet || 70 ||
[Analyze grammar]

anuyāti na bhartāraṃ yadi daivātkathaṃcana |
tatrāpi śīlaṃ saṃrakṣyaṃ śīlabhaṃgātpatatyadhaḥ || 71 ||
[Analyze grammar]

tadvaiguṇyādapisvargātpatiḥ patati nānyathā |
tasyāḥ pitā ca mātā ca bhrātṛvargastathaiva ca || 72 ||
[Analyze grammar]

patyau mṛte ca yāyoṣidvaidhavyaṃ pālayetkvacit |
sā punaḥ prāpya bhartāraṃ svargabhogānsamaśnute || 73 ||
[Analyze grammar]

vidhavā kabarībaṃdho bhartṛbaṃdhāya jāyate |
śiraso vapanaṃ tasmātkāryaṃ vidhavayā sadā || 74 ||
[Analyze grammar]

ekāhāraḥ sadā kāryo na dvitīyaṃ kadācana |
trirātraṃ paṃcarātraṃ vā pakṣavratamathāpi vā || 75 ||
[Analyze grammar]

māsopavāsaṃ vā kuryāccāṃdrāyaṇamathāpi vā |
kṛcchraṃ varākaṃ vā kuryāttaptakṛcchramathāpi vā || 76 ||
[Analyze grammar]

yavānnairvā phalāhāraiḥ śākāhāraiḥ payovrataiḥ |
prāṇayātrāṃ prakurvīta yāvatprāṇaḥ svayaṃ vrajet || 77 ||
[Analyze grammar]

paryaṃkaśāyinī nārī vi dhavā pātayetpatim |
tasmādbhūśayanaṃ kāryaṃ patisaukhyasamīhayā || 78 ||
[Analyze grammar]

na cāṃgodvartanaṃ kāryaṃ striyā vidhavayā kvacit |
gaṃdhadravyasya saṃyogo naiva kāryastayā punaḥ || 79 ||
[Analyze grammar]

tarpaṇaṃ pratyahaṃ kāryaṃ bhartuḥ kuśatilodakaiḥ |
tatpitustatpituścāpi nāmagotrādipūrvakama || 80 ||
[Analyze grammar]

viṣṇostu pūjanaṃ kāryaṃ pati buddhyā na cānyathā |
patimeva sadā dhyāyedviṣṇurūpadharaṃ harim || 81 ||
[Analyze grammar]

yadyadiṣṭatamaṃ loke yacca patyuḥ samīhitam |
tattadguṇavate deyaṃ patiprīṇanakāmyayā || 82 ||
[Analyze grammar]

vaiśākhe kārtike māghe viśeṣaniyamāṃścaret |
snānaṃ dānaṃ tīrthayātrāṃ viṣṇornāmagrahaṃ muhuḥ || 83 ||
[Analyze grammar]

vaiśākhe jalakuṃbhāṃśca kārtike ghṛtadīpakāḥ |
māghe dhānya tilotsargaḥ svargaloke viśiṣyate || 84 ||
[Analyze grammar]

prapā kāryā ca vaiśākhe deve deyā galaṃtikā |
upānadvyajanaṃ chatraṃ sūkṣmavāsāṃsi candanam || 85 ||
[Analyze grammar]

sakarpūraṃ ca tāṃbūlaṃ puṣpadānaṃ tathaiva ca |
jalapātrāṇyanekāni tathā puṣpa gṛhāṇi ca || 86 ||
[Analyze grammar]

pānāni ca vicitrāṇi drākṣā raṃbhā phalāni ca |
deyāni dvijamukhyebhyaḥ patirme prīyatāmiti || 87 ||
[Analyze grammar]

ūrje yavānnamaśnīyādekānnamathavā punaḥ |
vṛṃtākaṃ sūraṇaṃ caiva śūkaśiṃbiṃ ca varjayet || 88 ||
[Analyze grammar]

kārtike varjayettailaṃ kārtike varjaye nmadhu |
kārtike varjayetkāṃsyaṃ kārtike cāpisaṃdhitam || 89 ||
[Analyze grammar]

kārtike maunaniyame ghaṃṭāṃ cāru pradāpayeta |
patrabhojī kāṃsyapātraṃ ghṛtapūrṇaṃ prayacchati || 90 ||
[Analyze grammar]

bhūmiśayyāvrate deyā śayyā ślakṣṇā satūlikā |
phalatyāge phalaṃ deyaṃ rasatyāge ca tadrasam || 91 ||
[Analyze grammar]

dhānyatyāge ca taddhānyamathavā śālayaḥ smṛtāḥ |
dhenūrdadyātprayatnena sālaṃkārāḥ sakāṃcanāḥ || 92 ||
[Analyze grammar]

ekataḥ sarvadānāni dīpadānaṃ tathaikataḥ |
kārtike dīpadānasya kalāṃ nārhaṃti ṣoḍaśīm || 93 ||
[Analyze grammar]

kiṃcidabhyudite sūrye māghasnānaṃ samācaret |
yathāśaktyā ca niyamānmāghasnāyī samācaret || 94 ||
[Analyze grammar]

pakvānnairbho jayedviprānyatinopi tapasvinaḥ |
laḍḍukaiḥ pheṇikābhiśca vaṭakeṃḍarikādibhiḥ || 95 ||
[Analyze grammar]

ghṛtapakvaiḥ samīracaiḥ śucikarpūravāsitaiḥ |
garbhe śarkarayā pūrṇairnetrānaṃ daiḥ sugaṃdhibhiḥ || 96 ||
[Analyze grammar]

śuṣkeṃdhanānāṃ bhārāṃśca dadyācchītāpanuttaye |
kaṃcukaṃ tūlagarbhaṃ ca tūlikāṃ sūpavītikām || 97 ||
[Analyze grammar]

maṃjiṣṭhā raktavāsāṃsi tathā tūlavatīṃ paṭīm |
jātīphala lavaṃgaiśca tāṃbūlāni bahūnyapi || 98 ||
[Analyze grammar]

kaṃbalāni vicitrāṇi nirvātāni gṛhāṇi ca |
mṛdulāḥ pādarakṣāśca sugaṃdhyudvarttanāni ca || 99 ||
[Analyze grammar]

ghṛtakaṃbalapūjābhirmahāsnānapuraḥsaram |
kṛṣṇāguruprabhṛtibhirgarbhāgāre pradhūpanaiḥ || 100 ||
[Analyze grammar]

sthūlavartipradīpaiśca naivedyairvividhaistathā |
bhartṛsvarūpo bhagavānprīyatāmiti coccaret || 1 ||
[Analyze grammar]

evaṃvidhaiśca vidhavā vividhairniyamairvrataiḥ |
vaiśākhānkārtikānmāghānevamevātivāhayet || 2 ||
[Analyze grammar]

nādhirohedanaḍvāhaṃ prāṇaiḥ kaṃṭhagatairapi |
kaṃcukaṃ na parīdadhyādvāso na vikṛtaṃ nyaset || 3 ||
[Analyze grammar]

apṛṣṭvā tu sutānkiṃcinna kuryādbhartṛtatparā |
evaṃ caryāparā nityaṃ vidhavāpi śubhā matā || 4 ||
[Analyze grammar]

evaṃ dharmasamāyuktā vidhavāpi pativratā |
patilokānavāpnoti nabhavetkvāpi duḥkhabhāk || 5 ||
[Analyze grammar]

na gaṃgayā tayā bhedo yā nārī patidevatā |
umāśivasamā sākṣātta smāttāṃ pūjayedbudhaḥ || 6 ||
[Analyze grammar]

bṛhaspatiruvāca |
gaṃgāsnānaphalaṃ tvetadyajjātaṃ tava darśanam |
lopāmudre mahāmātarbhartṛpādāṃbujekṣaṇe || 7 ||
[Analyze grammar]

iti stutvā mahābhāgāṃ rājaputrīṃ pativratām |
praṇamya ca guruḥ prāha muniṃ sarvārthakovidaḥ || 8 ||
[Analyze grammar]

praṇavastvaṃ śrutiriyaṃ kṣamaiṣā tvaṃ svayaṃ tapaḥ |
satkriyeyaṃ phalaṃ tvaṃ hi dhanyosīti mahāmune || 9 ||
[Analyze grammar]

idaṃ pātivrataṃ tejo brahmatejo bhavānparam |
tatrāpyetattapastejaḥ kimasādhyatamaṃ tava || 110 ||
[Analyze grammar]

tava nāviditaṃ kiṃcittathāpi ca vadāmyaham |
yadarthamāgatā devāstanmunetra niśāmaya || 11 ||
[Analyze grammar]

ayaṃ śatamakhaḥ śrīmānvṛtrahā kuliśāyudhaḥ |
siddhyaṣṭakaṃ hi yaddvāri dṛkprasādaṃ samīkṣate || 12 ||
[Analyze grammar]

yasyapuryāḥ parisare kāmadhenu vrajaścaret |
yatpaurāḥ kalpavṛkṣāṇāṃ nityaṃ chāyāsu śerate || 13 ||
[Analyze grammar]

yadrathyāsu ca tiṣṭhaṃti te ciṃtāmaṇikarkarāḥ |
ayamagnirjagadyonirdharmarājastvayaṃ punaḥ || 14 ||
[Analyze grammar]

nirṛtirvaruṇovāyuḥśrīdarudrādayastvamī |
ārādhyaṃte ca cāritraiḥ sarvakāmārtha mīśvarāḥ || 15 ||
[Analyze grammar]

mamabhyarthayitāromī tvaṃ yācyastu jagatkṛte |
vāṅmātrodyamasādhyaṃ tattavaviśvopakārakam || 16 ||
[Analyze grammar]

kaścicchailo viṃdhyanāmā bhānumārgāvarodhakaḥ |
vardhitaḥ spardhayā merostadvṛddhiṃ tvaṃ nivāraya || 17 ||
[Analyze grammar]

ye ca svabhāvakaṭhinā ye ca mārgāvarodhakāḥ |
ye sparddhayā vṛddhimaṃtastadvṛddhirvardhitā'śubhā || 18 ||
[Analyze grammar]

iti śrutvā gurorvākyamavicārya mahāmuniḥ |
kṣaṇaṃ muniḥsamādhāya tatheti pratyuvāca ha || 19 ||
[Analyze grammar]

sādhayiṣyāmi vaḥ kāryaṃ visarjyeti divaukasaḥ |
punaściṃtāparo bhūtvā'gastirdhyānaparobhavat || 120 ||
[Analyze grammar]

vedavyāsa uvāca |
imaṃ pativratādhyāyaṃ śrutvā strīpuruṣopivā |
pāpakaṃcukamutsṛjya śakralokaṃ prayāsyati || 121 ||
[Analyze grammar]

iti śrīskāṃde mahāpurāṇe ekāśītisāhasryāṃ saṃhitāyāṃ caturthai kāśīkhaṃḍe pūrvārddhe pativratākhyānaṃnāma caturtho'dhyāyaḥ || 4 ||
[Analyze grammar]