Chapter 14

[English text for this chapter is available]

bhīṣma uvāca |
kathaṃ tripuruṣājjāto hyarjunaḥ paravīrahā |
kathaṃ karṇastu kānīnaḥ sūtajaḥ parikīrtyate || 1 ||
[Analyze grammar]

varaṃ tayoḥ kathaṃ bhūtaṃ nisargādeva tadvada |
bṛhatkautūhalaṃ mahyaṃ tadbhavānvaktumarhati || 2 ||
[Analyze grammar]

pulastya uvāca |
chinne vaktre purā brahmā krodhena mahatā vṛtaḥ |
lalāṭe svedamutpannaṃ gṛhītvā tāḍayadbhuvi || 3 ||
[Analyze grammar]

svedataḥ kuṃḍalī jajñe sadhanuṣko maheṣudhiḥ |
sahasrakavacī vīraḥ kiṃkaromītyuvāca ha || 4 ||
[Analyze grammar]

tamuvāca viriṃcastu darśayanrudramojasā |
hanyatāmeṣa durbuddhirjāyate na yathā punaḥ || 5 ||
[Analyze grammar]

brahmaṇo vacanaṃ śrutvā dhanurudyamya pṛṣṭhataḥ |
saṃpratasthe maheśasya bāṇahastotiraudradṛk || 6 ||
[Analyze grammar]

dṛṣṭvā puruṣamatyugraṃ bhītastasya trilocanaḥ |
apakrāṃtastato vegādviṣṇorāśramamabhyagāt || 7 ||
[Analyze grammar]

trāhitrāhīti māṃ viṣṇo narādasmācca śatruhan |
brahmaṇā nirmitaḥ pāpo mleccharūpo bhayaṃkaraḥ || 8 ||
[Analyze grammar]

yathā hanyānna māṃ kruddhastathā kuru jagatpate |
huṃkāradhvaninā viṣṇurmohayitvā tu taṃ naram || 9 ||
[Analyze grammar]

adṛśyaḥ sarvabhūtānāṃ yogātmā viśvadṛkprabhuḥ |
tatra prāptaṃ virūpākṣaṃ sāṃtvayāmāsa keśavaḥ || 10 ||
[Analyze grammar]

tatassa praṇato bhūmau dṛṣṭo devena viṣṇunā |
viṣṇuruvāca |
pautro hi me bhavānrudra kaṃ te kāmaṃ karomyaham || 11 ||
[Analyze grammar]

dṛṣṭvā nārāyaṇaṃ devaṃ bhikṣāṃ dehītyuvāca ha |
kapālaṃ darśayitvāgre prajvalaṃstejasotkaṭam || 12 ||
[Analyze grammar]

kapālapāṇiṃ saṃprekṣya rudraṃ viṣṇuracintayat |
konyo yogyo bhavedbhikṣurbhikṣādānasya sāṃpratam || 13 ||
[Analyze grammar]

yogyo'yamiti saṃkalpya dakṣiṇaṃ bhujamarpayat |
tadbibhedātitīkṣṇena śūlena śaśiśekharaḥ || 14 ||
[Analyze grammar]

prāvartata tato dhārā śoṇitasya vibhorbhujāt |
jāṃbūnadarasākārā vahnijvāleva nirmitā || 15 ||
[Analyze grammar]

nipapāta kapālāṃtaśśambhunā sā prabhikṣitā |
ṛjvī vegavatī tīvrā spṛśaṃtī tvāṃbaraṃ javāt || 16 ||
[Analyze grammar]

paṃcāśadyojanā dairghyādvistārāddaśayojanā |
divyavarṣasahasraṃ sā samuvāha harerbhujāt || 17 ||
[Analyze grammar]

iyaṃtaṃ kālamīśosau bhikṣāṃ jagrāha bhikṣukaḥ |
dattā nārāyaṇenātha kāpāle pātra uttame || 18 ||
[Analyze grammar]

tato nārāyaṇaḥ prāha śaṃbhuṃ paramidaṃ vacaḥ |
saṃpūrṇaṃ vā na vā pātraṃ tato vai paramīśvaraḥ || 19 ||
[Analyze grammar]

satoyāṃbudanirghoṣaṃ śrutvā vākyaṃ harerharaḥ |
śaśisūryāgninayanaḥ śaśiśekharaśobhitaḥ || 20 ||
[Analyze grammar]

kapāle dṛṣṭimāveśya tribhirnetrairjanārdanam |
aṃgulyā ghaṭayanprāha kapālaṃ paripūritam || 21 ||
[Analyze grammar]

śrutvā śivasya tāṃ vāṇīṃ viṣṇurdhārāṃ samāharat |
paśto'tha harerīśaḥ svāṃgulyā rudhiraṃ tadā || 22 ||
[Analyze grammar]

divyavarṣasahasraṃ ca dṛṣṭipātairmamaṃtha saḥ |
mathyamāne tato rakte kalilaṃ budbudaṃ kramāt || 23 ||
[Analyze grammar]

babhūva ca tataḥ paścātkirīṭī saśarāsanaḥ |
baddhatūṇīrayugalo vṛṣaskaṃdhoṅgulitravān || 24 ||
[Analyze grammar]

puruṣo vahnisaṃkāśaḥ kapāle saṃpradṛśyate |
taṃ dṛṣṭvā bhagavānviṣṇuḥ prāha rudramidaṃ vacaḥ || 25 ||
[Analyze grammar]

kapāle bhava ko vā'yaṃ prādurbhūto'bhavannaraḥ |
vacaḥ śrutvā harerīśastamuvāca vibho śṛṇu || 26 ||
[Analyze grammar]

naro nāmaiṣa puruṣaḥ paramāstravidāṃ varaḥ |
bhavatokto nara iti narastasmādbhaviṣyati || 27 ||
[Analyze grammar]

naranārāyaṇau cobhau yuge khyātau bhaviṣyataḥ |
saṃgrāme devakāryeṣu lokānāṃ paripālane || 28 ||
[Analyze grammar]

eṣa nārāyaṇasakho narastasmādbhaviṣyati |
athāsuravadhe sāhyaṃ tava kartā mahādyutiḥ || 29 ||
[Analyze grammar]

munirjñānaparīkṣāyāṃ jetā loke bhaviṣyati |
tejodhikamidaṃ divyaṃ brahmaṇaḥ paṃcamaṃ śiraḥ || 30 ||
[Analyze grammar]

tejaso brahmaṇo dīptādbhujasya tava śoṇitāt |
mama dṛṣṭi nipātācca trīṇi tejāṃsi yāni tu || 31 ||
[Analyze grammar]

tatsaṃyogasamutpannaḥ śatruṃ yuddhe vijeṣyati |
avadhyā ye bhaviṣyaṃti durjayā api cāpare || 32 ||
[Analyze grammar]

śakrasya cāmarāṇāṃ ca teṣāmeṣa bhayaṃkaraḥ |
evamuktvā sthitaḥ śaṃbhurvismitaśca haristadā || 33 ||
[Analyze grammar]

kapālasthaḥ sa tatraiva tuṣṭāva harakeśavau |
śirasyaṃjalimādhāya tadā vīra udāradhīḥ || 34 ||
[Analyze grammar]

kiṃkaromīti tau prāha ityuktvā praṇataḥ sthitaḥ |
tamuvāca haraḥ śrīmānbrahmaṇā svena tejasā || 35 ||
[Analyze grammar]

sṛṣṭo naro dhanuṣpāṇistvamenaṃ tu niṣūdaya |
itthamuktvāṃjalidharaṃ stuvaṃtaṃ śaṃkaro naram || 36 ||
[Analyze grammar]

tathaivāṃjalisaṃbaddhaṃ gṛhītvā ca karadvayam |
uddhṛtyātha kapālāttaṃ punarvacanamabravīt || 37 ||
[Analyze grammar]

sa eṣa puruṣo raudro yo mayā veditastava |
viṣṇuhuṃkāraracitamohanidrāṃ praveśitaḥ || 38 ||
[Analyze grammar]

vibodhayainaṃ tvaritamityuktvāntardadhe haraḥ |
nārāyaṇasya pratyakṣaṃ nareṇānena vai tadā || 39 ||
[Analyze grammar]

vāmapādahataḥ sopi samuttasthau mahābalaḥ |
tato yuddhaṃ samabhavatsvedaraktajayormahat || 40 ||
[Analyze grammar]

visphāritadhanuḥ śabdaṃ nāditāśeṣabhūtalam |
kavacaṃ svedajasyaikaṃ raktajena tvapākṛtam || 41 ||
[Analyze grammar]

evaṃ sametayoryuddhe divyaṃ varṣadvayaṃ tayoḥ |
yudhyatoḥ samatītaṃ ca svedaraktajayornṛpa || 42 ||
[Analyze grammar]

raktajaṃ dvibhujaṃ dṛṣṭvā svedajaṃ caiva saṃgatau |
vicintya vāsudevogādbrahmaṇaḥ sadanaṃ param || 43 ||
[Analyze grammar]

sasaṃbhramamuvācedaṃ brahmāṇaṃ madhusūdanaḥ |
raktajenādya bho brahmansvedajoyaṃ nipātitaḥ || 44 ||
[Analyze grammar]

śrutvaitadākulo brahmā babhāṣe madhusūdanam |
hare dyajanmani naro madīyo jīvatādayam || 45 ||
[Analyze grammar]

tathā tuṣṭo'bravīttaṃ ca viṣṇurevaṃ bhaviṣyati |
gatvā tayo raṇamapi nivāryā''ha ca tāvubhau || 46 ||
[Analyze grammar]

anyajanmani bhavitā kalidvāparayormithaḥ |
saṃdhau mahāraṇe jāte tatrāhaṃ yojayāmi vāṃ || 47 ||
[Analyze grammar]

viṣṇunā tu samāhūya graheśvarasureśvarau |
uktāvimau narau bhadrau pālanīyau mamājñayā || 48 ||
[Analyze grammar]

sahasrāṃśo svedajoyaṃ svakīyoṃ'śo dharātale |
dvāparāṃtevatāryoyaṃ devānāṃ kāryasiddhaye || 49 ||
[Analyze grammar]

yadūnāṃ tu kule bhāvī śūronāma mahābalaḥ |
tasya kanyā pṛthā nāma rūpeṇāpratimā bhuvi || 50 ||
[Analyze grammar]

utpatsyati mahābhāgā devānāṃ kāryasiddhaye |
durvāsāstu varaṃ tasyai maṃtragrāmaṃ pradāsyati || 51 ||
[Analyze grammar]

maṃtreṇānena yaṃ devaṃ bhaktyā āvāhayiṣyati |
devi tasya prasādāttu tava putro bhaviṣyati || 52 ||
[Analyze grammar]

sā ca tvāmudaye dṛṣṭvā sābhilāṣā rajasvalā |
ciṃtābhipannā tiṣṭhaṃtī bhajitavyā vibhāvaso || 53 ||
[Analyze grammar]

tasyā garbhe tvayaṃ bhāvī kānīnaḥ kuṃtinaṃdanaḥ |
bhaviṣyati suto devadevakāryārthasiddhaye || 54 ||
[Analyze grammar]

tatheti coktvā provāca tejorāśirdivākaraḥ |
putramutpādayiṣyāmi kānīnaṃ balagarvitam || 55 ||
[Analyze grammar]

yasya karṇeti vai nāma lokaḥ sarvo vadiṣyati |
matprasādādasya viṣṇo viprāṇāṃ bhāvitātmanaḥ || 56 ||
[Analyze grammar]

adeyaṃ nāsti vai loke vastu kiṃcicca keśava |
evaṃ prabhāvaṃ caivainaṃ janaye vacanāttava || 57 ||
[Analyze grammar]

evamuktvā sahasrāṃśurdevaṃ dānavaghātinam |
nārāyaṇaṃ mahātmānaṃ tatraivāṃtardadhe raviḥ || 58 ||
[Analyze grammar]

adarśanaṃ gate deve bhāskare vāritaskare |
vṛddhaśravasamapyevamuvāca prītamānasaḥ || 59 ||
[Analyze grammar]

sahasranetraraktottho naro'yaṃ madanugrahāt |
svāṃśabhūto dvāparāṃte yoktavyo bhūtale tvayā || 60 ||
[Analyze grammar]

yadā pāṃḍurmahābhāgaḥ pṛthāṃ bhāryāmavāpsyati |
mādrīṃ cāpi mahābhāga tadāraṇyaṃ gamiṣyati || 61 ||
[Analyze grammar]

tasyāpyaraṇyasaṃsthasya mṛgaḥ śāpaṃ pradāsyati |
tena cotpannavairāgyaḥ śataśṛgaṃ gamiṣyati || 62 ||
[Analyze grammar]

putrānabhīpsankṣetrotthānbhāryāṃ sa pravadiṣyati |
anīpsaṃtī tadā kuṃtī bharttāraṃ sā vadiṣyati || 63 ||
[Analyze grammar]

nāhaṃ martyasya vai rājanputrānicche kathaṃcana |
daivatebhyaḥ prasādācca putrānicche narādhipa || 64 ||
[Analyze grammar]

prārthayaṃtyai tvayā śakra kuṃtyai deyo narastataḥ |
vacasā ca madīyena evaṃ kuru śacīpate || 65 ||
[Analyze grammar]

athābravīttadā viṣṇuṃ deveśo duḥkhito vacaḥ |
asminmanvaṃtare'tīte caturviṃśatike yuge || 66 ||
[Analyze grammar]

avatīrya raghukule gṛhe daśarathasya ca |
rāvaṇasya vadhārthāya śāṃtyarthaṃ ca divaukasām || 67 ||
[Analyze grammar]

rāmarūpeṇa bhavatā sītārthamaṭatā vane |
matputro hiṃsito deva sūryaputrahitārthinā || 68 ||
[Analyze grammar]

vālināma plavaṃgeṃdraḥ sugrīvārthe tvayā yataḥ |
duḥkhenānena taptohaṃ gṛhṇāmi na sutaṃ naram || 69 ||
[Analyze grammar]

agṛhṇamānaṃ deveṃdraṃ kāraṇāṃtaravādinam |
hariḥ proce śunāsīraṃ bhuvo bhārāvatāraṇe || 70 ||
[Analyze grammar]

avatāraṃ kariṣyāmi martyaloke tvahaṃ prabho |
sūryaputrasya nāśārthaṃ jayārthamātmajasya te || 71 ||
[Analyze grammar]

sārathyaṃ ca kariṣyāmi nāśaṃ kurukulasya ca |
tato hṛṣṭobhavacchakro viṣṇuvākyena tena ha || 72 ||
[Analyze grammar]

pratigṛhya naraṃ hṛṣṭaḥ satyaṃ cāstu vacastava |
evamuktvā varaṃ devaḥ preṣayitvā'cyutaḥ svayam || 73 ||
[Analyze grammar]

gatvā tu puṃḍarīkākṣo brahmāṇaṃ prāha vai punaḥ |
tvayā sṛṣṭamidaṃ sarvaṃ trailokyaṃ sacarācaram || 74 ||
[Analyze grammar]

āvāṃ kāryasya karaṇe sahāyau ca tava prabho |
svayaṃ kṛtvā punarnāśaṃ kartuṃ deva na budhyase || 75 ||
[Analyze grammar]

kṛtaṃ jugupsitaṃ karma śaṃbhumetaṃ jighāṃsatā |
tvayā ca devadevasya sṛṣṭaḥ kopena vai pumān || 76 ||
[Analyze grammar]

śuddhyarthamasya pāpasya prāyaścittaṃ paraṃ kuru |
gṛhṇanvahnitrayaṃ deva agnihotramupāhara || 77 ||
[Analyze grammar]

puṇyatīrthe tathā deśe vane vāpi pitāmaha |
svapatnyā sahito yajñaṃ kuruṣvāsmatparigrahāt || 78 ||
[Analyze grammar]

sarve devāstathādityā rudrāścāpi jagatpate |
ādeśaṃ te kariṣyaṃti yatosmākaṃ bhavānprabhuḥ || 79 ||
[Analyze grammar]

ekohi gārhapatyognirdakṣiṇāgnirdvitīyakaḥ |
āhavanīyastṛtīyastu trikuṃḍeṣu prakalpaya || 80 ||
[Analyze grammar]

vartule tvarcayātmānammāmatho dhanurākṛtau |
catuḥkoṇe haraṃ devaṃ ṛgyajuḥsāmanāmabhiḥ || 81 ||
[Analyze grammar]

agnīnutpādya tapasā parāmṛddhimavāpya ca |
divyaṃ varṣasahasraṃ tu hutvāgnīnśamayiṣyasi || 82 ||
[Analyze grammar]

agnihotrātparaṃ nānyatpavitramiha paṭhyate |
sukṛtenāgnihotreṇa praśuddhyaṃti bhuvi dvijāḥ || 83 ||
[Analyze grammar]

paṃthāno devalokasya brāhmaṇairdaśitāstvamī |
ekogniḥ sarvadā dhāryo gṛhasthena dvijanmanā || 84 ||
[Analyze grammar]

vināgninā dvijeneha gārhasthyanna tu labhyate |
bhīṣma uvāca |
yo'sau kapālādutpanno naro nāma dhanurddharaḥ || 85 ||
[Analyze grammar]

kimeṣa mādhavājjāta utāho svena karmaṇā |
uta rudreṇa janito hyathavā buddhipūrvakam || 86 ||
[Analyze grammar]

brahmanhiraṇyagarbho'yamaṃḍajātaścaturmukhaḥ |
adbhutaṃ pañcamaṃ tasya vaktraṃ tatkathamutthitam || 87 ||
[Analyze grammar]

satve rajo na dṛśyeta na satvaṃ rajasi kvacit |
satvastho bhagavānbrahmā kathamudrekamādadhāt || 88 ||
[Analyze grammar]

mūḍhātmanā naro yena haṃtuṃ hi prahito haraṃ |
pulastya uvāca |
maheśvaraharī caito dvāveva satpathi sthitau || 89 ||
[Analyze grammar]

tayoraviditaṃ nāsti siddhāsiddhaṃ mahātmanoḥ |
brahmaṇaḥ paṃcamaṃ vaktramūrddhvamāsīnmahātmanaḥ || 90 ||
[Analyze grammar]

tato brahmābhavanmūḍho rajasā copabṛṃhitaḥ |
tato'yaṃ tejasā sṛṣṭimamanyata mayā kṛtā || 91 ||
[Analyze grammar]

matto'nyo nāsti vai devo yena sṛṣṭiḥ pravartitā |
saha devāḥ sagaṃdharvāḥ paśupakṣimṛgākulāḥ || 92 ||
[Analyze grammar]

evaṃ mūḍhaḥ sa paṃcāsyo viriṃcirabhavatpunaḥ |
prāgvaktraṃ mukhametasya ṛgvedasya pravartakam || 93 ||
[Analyze grammar]

dvitīyaṃ vadanaṃ tasya yajurvedapravartakam |
tṛtīyaṃ sāmavedasya atharvārthaṃ caturthakam || 94 ||
[Analyze grammar]

sāṃgopāṃgetihāsāṃśca sarahasyānsasaṃgrahān |
vedānadhīte vaktreṇa paṃcamenorddhvacakṣuṣā || 95 ||
[Analyze grammar]

tasyā'surasurāḥ sarve vaktrasyādbhutavarcasaḥ |
tejasā na prakāśaṃte dīpāḥ sūryodaye yathā || 96 ||
[Analyze grammar]

svapureṣvapi sodvegā hyavartaṃta vicetasaḥ |
na kaṃcidgaṇayeccānyaṃ tejasā kṣipate parān || 97 ||
[Analyze grammar]

nābhigaṃtu na ca draṣṭuṃ purastānnopasarpitum |
śekustrastāḥ surāssarve padmayoniṃ mahāprabhum || 98 ||
[Analyze grammar]

abhibhūtamivātmānaṃ manyamānā hatatviṣaḥ |
sarve te maṃtrayāmāsurdaivatā hitamātmanaḥ || 99 ||
[Analyze grammar]

gacchāmaḥ śaraṇaṃ śaṃbhuṃ nistejaso'sya tejasā |
devā ūcuḥ |
namastesarvasatveśa maheśvara namonamaḥ || 100 ||
[Analyze grammar]

jagadyone paraṃbrahma bhūtānāṃ tvaṃ sanātanaḥ |
pratiṣṭhā sarvajagatāṃ tvaṃ heturviṣṇunā saha || 101 ||
[Analyze grammar]

evaṃ saṃstūyamānosau devarṣipitṛdānavaiḥ |
aṃtarhita uvācedaṃ devāḥ prārthayatepsitam || 102 ||
[Analyze grammar]

devā ūcuḥ |
pratyakṣadarśanaṃ datvā dehi deva yathepsitam |
kṛtvā kāruṇyamasmākaṃ varaścāpi pradīyatām || 103 ||
[Analyze grammar]

yadasmākaṃ mahadvīryaṃ teja ojaḥ parākramaḥ |
tatsarvaṃ brahmaṇā grastaṃ paṃcamāsyasya tejasā || 104 ||
[Analyze grammar]

vineśuḥ sarvatejāṃsi tvatprasādātpunaḥ prabho |
jāyate tu yathāpūrvaṃ tathā kuru maheśvara || 105 ||
[Analyze grammar]

tataḥ prasannavadano devaiścāpi namaskṛtaḥ |
jagāma yatra brahmā'sau rajohaṃkāramūḍhadhīḥ || 106 ||
[Analyze grammar]

stuvaṃto devadeveśaṃ parivārya samāviśan |
brahmā tamāgataṃ rudraṃ na jajñe rajasāvṛtaḥ || 107 ||
[Analyze grammar]

sūryakoṭisahasrāṇāṃ tejasā raṃjayanjagat |
tadādṛśyata viśvātmā viśvasṛgviśvabhāvanaḥ || 108 ||
[Analyze grammar]

sapitāmahamāsīnaṃ sakalaṃ devamaṃḍalam |
abhigamya tato rudro brahmāṇaṃ parameṣṭhinam || 109 ||
[Analyze grammar]

ahotitejasā vaktramadhikaṃ deva rājate |
evamuktvāṭṭahāsaṃ tu mumoca śaśiśekharaḥ || 110 ||
[Analyze grammar]

vāmāṃguṣṭhanakhāgreṇa brahmaṇaḥ paṃcamaṃ śiraḥ |
cakarta kadalīgarbhaṃ naraḥ kararuhairiva || 111 ||
[Analyze grammar]

vicchinnaṃ tu śiraḥ paścādbhavahaste sthitaṃ tadā |
grahamaṃḍalamadhyastho dvitīya iva caṃdramāḥ || 112 ||
[Analyze grammar]

karotkṣiptakapālena nanarta ca maheśvaraḥ |
śikharasthena sūryeṇa kailāsa iva parvataḥ || 113 ||
[Analyze grammar]

chinne vaktre tato devā hṛṣṭāstaṃ vṛṣabhadhvajam |
tuṣṭuvurvividhaistotrairdevadevaṃ kapardinam || 114 ||
[Analyze grammar]

devā ūcuḥ |
namaḥ kapāline nityaṃ mahākālasya kāline |
aiśvaryajñānayuktāya sarvabhāgapradāyine || 115 ||
[Analyze grammar]

namo harṣavilāsāya sarvadevamayāya ca |
kalau saṃhārakartā tvaṃ mahākālaḥ smṛto hyasi || 116 ||
[Analyze grammar]

bhaktānāmārtināśastvaṃ duḥkhāṃtastena cocyase |
śaṃkaroṣyāśubhaktānāṃ tena tvaṃ śaṃkaraḥ smṛtaḥ || 117 ||
[Analyze grammar]

chinnaṃ brahmaśiro yasmāttvaṃ kapālaṃ bibharṣi ca |
tena deva kapālī tvaṃ stuto hyadya prasīda naḥ || 118 ||
[Analyze grammar]

evaṃ stutaḥ prasannātmā devānprasthāpya śaṃkaraḥ |
svāni dhiṣṇyāni bhagavāṃstatraivāsīnmudānvitaḥ || 119 ||
[Analyze grammar]

vijñāya brahmaṇo bhāvaṃ tato vīrasya janma ca |
śiro nīrasya vākyāttu lokānāṃ kopaśāṃtaye || 120 ||
[Analyze grammar]

śirasyaṃjalimādhāya tuṣṭāvātha praṇamya tam |
tejonidhi paraṃ brahma jñātumitthaṃ prajāpatim || 121 ||
[Analyze grammar]

niruktasūktarahasyairṛgyajuḥ sāmabhāṣitaiḥ |
rudra uvāca |
aprameya namastestu paramasya parātmane || 122 ||
[Analyze grammar]

adbhutānāṃ prasūtistvaṃ tejasāṃ nidhirakṣayaḥ |
vijayādviśvabhāvastvaṃ sṛṣṭikartā mahādyute || 123 ||
[Analyze grammar]

ūrddhvavaktra namastestu satvātmakadharātmaka |
jalaśāyinjalotpanna jalālaya namostu te || 124 ||
[Analyze grammar]

jalajotphullapatrākṣa jaya deva pitāmaha |
tvayā hyutpāditaḥ pūrvaṃ sṛṣṭyarthamahamīśvara || 125 ||
[Analyze grammar]

yajñāhutisadāhāra yajñāṃgeśa namo'stu te |
svarṇagarbha padmagarbha devagarbha prajāpate || 126 ||
[Analyze grammar]

tvaṃ yajñastvaṃ vaṣaṭkāraḥ svadhā tvaṃ padmasaṃbhava |
vacanena tu devānāṃ śiraśchinnaṃ mayā prabho || 127 ||
[Analyze grammar]

brahmahatyābhibhūtosmi māṃ tvaṃ pāhi jagatpate |
ityukto devadevena brahmā vacanamabravīt || 128 ||
[Analyze grammar]

brahmovāca |
sakhā nārāṇo devaḥ sa tvāṃ pūtaṃ kariṣyati |
kīrtanīyastvayā dhanyaḥ sa me pūjyaḥ svayaṃ vibhuḥ || 129 ||
[Analyze grammar]

anudhyāto'si vai nūnaṃ tena devena viṣṇunā |
yena te bhaktirutpannā stotuṃ māṃ matirutthitā || 130 ||
[Analyze grammar]

śiraśchedātkapālī tvaṃ somasiddhāṃtakārakaḥ |
koṭīḥ śataṃ ca viprāṇāmuddhartāsi mahādyute || 131 ||
[Analyze grammar]

brahmahatyāvrataṃ kuryā nānyatkiṃcana vidyate |
abhāṣyāḥ pāpinaḥ krūrā brahmaghnāḥ pāpakāriṇaḥ || 132 ||
[Analyze grammar]

vaitānikā vikarmasthā na te bhāṣyāḥ kathaṃcana |
taistu dṛṣṭaistathā kāryaṃ bhāskarasyāvalokanam || 133 ||
[Analyze grammar]

aṃgasparśe kṛte rudra sacailo jalamāviśet |
evaṃ śuddhimavāpnoti pūrvaṃ dṛṣṭāṃ manīṣibhiḥ || 134 ||
[Analyze grammar]

sa bhavānbrahmahantāsi śuddhyarthaṃ vratamācara |
cīrṇe vrate punarbhūyaḥ prāpsyasi tvaṃ varānbahūn || 135 ||
[Analyze grammar]

evamuktvā gato brahmā rudrastannābhijajñivān |
aciṃtayattadāviṣṇuṃ dhyānagatyā tataḥ svayaṃ || 136 ||
[Analyze grammar]

lakṣmīsahāyaṃ varadaṃ devadevaṃ sanātanam |
aṣṭāṃgapraṇipātena devadevastrilocanaḥ || 137 ||
[Analyze grammar]

tuṣṭāva praṇato bhūtvā śaṃkhacakragadādharam |
rudra uvāca |
paraṃ parāṇāmamṛtaṃ purāṇaṃ parātparaṃ viṣṇumanaṃtavīryaṃ || 138 ||
[Analyze grammar]

smarāmi nityaṃ puruṣaṃ vareṇyaṃ nārāyaṇaṃ niṣpratimaṃ purāṇam |
parātparaṃ pūrvajamugravegaṃ gaṃbhīragaṃbhīradhiyāṃ pradhānam || 139 ||
[Analyze grammar]

natosmi devaṃ harimīśitāraṃ parātparaṃ dhāmaparaṃ ca dhāma |
parāparaṃ tatparamaṃ ca dhāma parāpareśaṃ puruṣaṃ viśālam || 140 ||
[Analyze grammar]

nārāyaṇaṃ staumi viśuddhabhāvaṃ parāparaṃ sūkṣmamidaṃ sasarja |
sadāsthitatvātpuruṣapradhānaṃ śāṃtaṃ pradhānaṃ śaraṇaṃ mamāstu || 141 ||
[Analyze grammar]

nārāyaṇaṃ vītamalaṃ purāṇaṃ parātparaṃ viṣṇumapārapāram |
purātanaṃ nītimatāṃ pradhānaṃ dhṛtikṣamāśāṃtiparaṃ kṣitīśam || 142 ||
[Analyze grammar]

śubhaṃ sadā staumi mahānubhāvaṃ sahasramūrddhānamanekapādam |
anaṃtabāhuṃ śaśisūryanetraṃ kṣarākṣaraṃ kṣīrasamudranidram || 143 ||
[Analyze grammar]

nārāyaṇaṃ staumi paraṃ pareśaṃ parātparaṃ yattridaśairagamyam |
trisargasaṃsthaṃ trihutāśanetraṃ tritatvalakṣyaṃ trilayaṃ trinetram || 144 ||
[Analyze grammar]

namāmi nārāyaṇamaprameyaṃ kṛte sitaṃ dvāparataśca raktam |
kalau ca kṛṣṇaṃ tamatho namāmi sasarja yo vaktrata eva viprān || 145 ||
[Analyze grammar]

bhujāṃtarātkṣatramathoruyugmādviśaḥ padāgrācca tathaiva śūdrān |
namāmi taṃ viśvatanuṃ purāṇaṃ parātparaṃ pāragamaprameyam || 146 ||
[Analyze grammar]

sūkṣmamūrttiṃ mahāmūrttiṃ vidyāmūrttimamūrtikam |
kavacaṃ sarvadevānāṃ namasye vārijekṣaṇam || 147 ||
[Analyze grammar]

sahasraśīrṣaṃ deveśaṃ sahasrākṣaṃ mahābhujam |
jagatsaṃvyāpya tiṣṭhaṃtaṃ namasye parameśvaram || 148 ||
[Analyze grammar]

śaraṇyaṃ śaraṇaṃ devaṃ viṣṇuṃ jiṣṇuṃ sanātanam |
nīlameghapratīkāśaṃ namasye śārṅgapāṇinam || 149 ||
[Analyze grammar]

śuddhaṃ sarvagataṃ nityaṃ vyomarūpaṃ sanātanam |
bhāvābhāvavinirmuktaṃ namasye sarvagaṃ harim || 150 ||
[Analyze grammar]

na cātra kiṃcitpaśyāmi vyatiriktaṃ tavācyuta |
tvanmayaṃ ca prapaśyāmi sarvametaccarācaram || 151 ||
[Analyze grammar]

evaṃ tu vadatastasya rudrasya parameṣṭhinaḥ |
itīritestena sanātana svayaṃ parātparastasya babhūva darśane || 152 ||
[Analyze grammar]

rathāṃgapāṇirgaruḍāsano giriṃ vidīpayanbhāskaravatsamutthitaḥ |
varaṃ vṛṇīṣveti sanātanobravīdvarastavāhaṃ varadaḥ samāgataḥ || 153 ||
[Analyze grammar]

itīrite rudravaro jagāda mamātiśuddhirbhavitā sureśa |
na cāsya pāpasya haraṃ hi cānyatsaṃdṛśyategryaṃ ca ṛte bhavaṃ tam || 154 ||
[Analyze grammar]

brahmahatyābhibhūtasya tanurme kṛṣṇatāṃ gatā |
śavagaṃdhaśca me gātre lohasyābharaṇāni me || 155 ||
[Analyze grammar]

kathaṃ me na bhavedevametadrūpaṃ janārdanam |
kiṃ karomi mahādeva yena me pūrvikā tanūḥ || 156 ||
[Analyze grammar]

tvatprasādena bhavitā tanme kathaya cācyuta |
viṣṇuruvāca |
brahmavadhyā parā cogrā sarvakaṣṭapradā parā || 157 ||
[Analyze grammar]

manasāpi na kurvīta pāpasyāsya tu bhāvanām |
bhavatā devavākyena niṣṭhā caiṣā nibodhitā || 158 ||
[Analyze grammar]

idānīṃ tvaṃ mahābāho brahmaṇoktaṃ samācara |
bhasmasarvāṇi gātrāṇi trikālaṃ gharṣayestanau || 159 ||
[Analyze grammar]

śikhāyāṃ karṇayoścaiva kare cāsthīni dhāraya |
evaṃ ca kurvato rudra kaṣṭaṃ naiva bhaviṣyati || 160 ||
[Analyze grammar]

saṃdiśyaivaṃ sa bhagavāṃstatoṃ'tarddhānamīśvaraḥ |
lakṣmīsahāyo gatavānrudrastaṃ nābhijajñivān || 161 ||
[Analyze grammar]

kapālapāṇirdeveśaḥ paryaṭanvasudhāmimām |
himavaṃtaṃ samainākaṃ meruṇā ca sahaiva tu || 162 ||
[Analyze grammar]

kailāsaṃ sakalaṃ viṃdhyaṃ nīlaṃ caiva mahāgirim |
kāṃcīṃ kāśīṃ tāmraliptāṃ magadhāmāvilāṃ tathā || 163 ||
[Analyze grammar]

vatsagulmaṃ ca gokarṇaṃ tathā caivottarānkurūn |
bhadrāśvaṃ ketumālaṃ ca varṣaṃ hairaṇyakaṃ tathā || 164 ||
[Analyze grammar]

kāmarūpaṃ prabhāsaṃ ca maheṃdraṃ caiva parvatam |
brahmahatyābhibhūtosau bhramaṃstrāṇaṃ na viṃdati || 165 ||
[Analyze grammar]

trapānvitaḥ kapālaṃ tu paśyanhastagataṃ sadā |
karau vidhunvanbahuśo vikṣiptaśca muhurmuhuḥ || 166 ||
[Analyze grammar]

yadāsya dhunvato hastau kapālaṃ patate na tu |
tadāsya buddhirutpannā vrataṃ caitatkaromyaham || 167 ||
[Analyze grammar]

madīyenaiva mārgeṇa dvijā yāsyaṃti sarvataḥ |
dhyātvaivaṃ suciraṃ devo vasudhāṃ vicacāra ha || 168 ||
[Analyze grammar]

puṣkaraṃ tu samāsādya praviṣṭo'raṇyamuttamam |
nānādrumalatākīrṇaṃ nānāmṛgaravākulam || 169 ||
[Analyze grammar]

drumapuṣpabharāmoda vāsitaṃ yatsuvāyunā |
buddhipūrvamiva nyastaiḥ puṣpairbhūṣitabhūtalam || 170 ||
[Analyze grammar]

nānāgadhaṃrasairanyaiḥ pakvāpakvaiḥ phalaistathā |
viveśa taruvṛṃdena puṣpāmodābhinaṃditaḥ || 171 ||
[Analyze grammar]

atrārādhayato bhaktyā brahmā dāsyati me varam |
brahmaprasādātsaṃprāptaṃ pauṣkaraṃ jñānamīpsitam || 172 ||
[Analyze grammar]

pāpaghnaṃ duṣṭaśamanaṃ puṣṭiśrībalavarddhanam |
evaṃ vai dhyāyatastasya rudrasyāmitatejasaḥ || 173 ||
[Analyze grammar]

ājagāma tato brahmā bhaktiprīto'tha kaṃjajaḥ |
uvāca praṇataṃ rudramutthāpya ca punarguruḥ || 174 ||
[Analyze grammar]

divyavratopacāreṇa sohamārādhitastvayā |
bhavatā śraddhayātyarthaṃ mamadarśanakāṃkṣayā || 175 ||
[Analyze grammar]

vratasthā māṃ hi paśyaṃti manuṣyā devatāstathā |
tadicchayā prayacchāmi varaṃ yatpravaraṃ varam || 176 ||
[Analyze grammar]

sarvakāmaprasiddhyarthaṃ vrataṃ yasmānniṣevitam |
manovākkāyabhāvaiśca saṃtuṣṭenāṃtarātmanā || 177 ||
[Analyze grammar]

kaṃ dadāmi ca vai kāmaṃ vada bhoste yathepsitam |
rudra uvāca |
eṣa evādya bhagavansuparyāpto mahā varaḥ || 178 ||
[Analyze grammar]

yaddṛṣṭosi jagadvaṃdya jagatkartarnamostute |
mahatā yajñasādhyena bahukālārjitena ca || 179 ||
[Analyze grammar]

prāṇavyayakareṇa tvaṃ tapasā deva dṛśyate |
idaṃ kapālaṃ deveśa na karātpatitaṃ vibho || 180 ||
[Analyze grammar]

trapākarā ṛṣīṇāṃ ca caryaiṣā kutsitā vibho |
tvatprasādādvrataṃ cedaṃ kṛtaṃ kāpālikaṃ tu yat || 181 ||
[Analyze grammar]

siddhametatprapannasya mahāvratamihocyatām |
puṇyapradeśe yasmiṃstu kṣipāmīdaṃ vadasva me || 182 ||
[Analyze grammar]

pūto bhavāmi yenāhaṃ munīnāṃ bhāvitātmanām |
brahmovāca |
avimuktaṃ bhagavataḥ sthānamasti purātanam || 183 ||
[Analyze grammar]

kapālamocanaṃ tīrthaṃ tava tatra bhaviṣyati |
ahaṃ ca tvaṃ sthitastatra viṣṇuścāpi bhaviṣyati || 184 ||
[Analyze grammar]

darśane bhavatastatra mahāpātakinopi ye |
tepi bhogānsamaśnaṃti viśuddhā bhavane mama || 185 ||
[Analyze grammar]

varaṇāpi asīcāpi dve nadyau suravallabhe |
aṃtarāle tayoḥ kṣetre vadhyā na viśati kvacit || 186 ||
[Analyze grammar]

tīrthānāṃ pravaraṃ tīrthaṃ kṣetrāṇāṃ pravaraṃ tava |
ādehapatanādye tu kṣetraṃ sevaṃti mānavāḥ || 187 ||
[Analyze grammar]

te mṛtā haṃsayānena divaṃ yāṃtyakutobhayāḥ |
paṃcakrośapramāṇena kṣetraṃ dattaṃ mayā tava || 188 ||
[Analyze grammar]

kṣetramadhyādyadā gaṃgā gamiṣyati saritpatim |
tadā sā mahatī puṇyā purī rudra bhaviṣyati || 189 ||
[Analyze grammar]

puṇyā codaṅmukhī gaṃgā prācī cāpi sarasvatī |
udaṅmukhī yojane dve gacchate jāhnavī nadī || 190 ||
[Analyze grammar]

tatra vai vibudhāḥ sarve mayā saha savāsavāḥ |
āgatā vāsameṣyaṃti kapālaṃ tatra mocaya || 191 ||
[Analyze grammar]

tasmiṃstīrthe tu ye gatvā piṇḍadānena vai pitṝn |
śrāddhaistu prīṇayiṣyaṃti teṣāṃ loko'kṣayo divi || 192 ||
[Analyze grammar]

vārāṇasyāṃ mahātīrthe naraḥ snāto vimucyate |
saptajanmakṛtātpāpādgamanādeva mucyate || 193 ||
[Analyze grammar]

tattīrthaṃ sarvatīrthānāmuttamaṃ parikīrtitam |
tyajaṃti tatra ye prāṇānprāṇinaḥ praṇatāstava || 194 ||
[Analyze grammar]

rudratvaṃ te samāsādya modaṃte bhavatā saha |
tatrāpi hi tu yaddattaṃ dānaṃ rudra yatātmanā || 195 ||
[Analyze grammar]

syānmahacca phalaṃ tasya bhavitā bhāvitātmanaḥ |
svāṃgasphuṭita saṃskāraṃ tatra kurvaṃti ye narāḥ || 196 ||
[Analyze grammar]

te rudralokamāsādya modaṃte sukhinaḥ sadā |
tatra pūjā japo homaḥ kṛto bhavati dehināṃ || 197 ||
[Analyze grammar]

anaṃtaphaladaḥ svargo rudrabhaktiyutātmanaḥ |
tatra dīpapradāne tu jñānacakṣurbhavennaraḥ || 198 ||
[Analyze grammar]

avyaṃgaṃ taruṇaṃ saumyaṃ rūpavaṃtaṃ tu gosutam |
yoṅkayitvā mocayati sa yāti paramaṃ padam || 199 ||
[Analyze grammar]

pitṛbhiḥ sahito mokṣaṃ gacchate nātra saṃśayaḥ |
atha kiṃ bahunoktena yattatra kriyate naraiḥ || 200 ||
[Analyze grammar]

karmadharmaṃ samuddiśya tadanaṃtaphalaṃ bhavet |
svargāpavargayorhetustaddhi tīrthammataṃ bhuvi || 201 ||
[Analyze grammar]

snānājjapāttathā homādanaṃtaphalasādhanam |
gatvā vārāṇasītīrthaṃ bhaktyā rudraparāyaṇāḥ || 202 ||
[Analyze grammar]

ye tatra paṃcatāṃ prāptā bhaktāste nātra saṃśayaḥ |
vasavaḥ pitaro jñeyā rudrāścaiva pitāmahāḥ || 203 ||
[Analyze grammar]

prapitāmahāstathādityā ityeṣā vaidikī śrutiḥ |
trividhaḥ piṃḍadānāya vidhirukto mayānagha || 204 ||
[Analyze grammar]

mānuṣaiḥ piṃḍādānaṃ tu kāryamatrāgataissadā |
piṃḍadānaṃ ca tatraiva svaputraiḥ kāryamādarāt || 205 ||
[Analyze grammar]

suputrāste pitṝṇāṃ tu bhavaṃti sukhadāyakāḥ |
proktaṃ tīrthaṃ mayā tubhyaṃ darśanādapi muktidam || 206 ||
[Analyze grammar]

snātvā tu salile tatra mucyate janmabaṃdhanāt |
vimukto brahmahatyāyāstatra rudra yathāsukham || 207 ||
[Analyze grammar]

avimukte mayā datte tiṣṭha tvaṃ bhāryayā saha |
rudra uvāca |
pṛthivyāṃ yāni tīrthāni teṣvahaṃ viṣṇunā saha || 208 ||
[Analyze grammar]

tiṣṭhāmi bhavatoktena vara eṣa vṛto mayā |
ahaṃ devo mahādeva ārādhyo bhavatā sadā || 209 ||
[Analyze grammar]

varaṃ dāsyāmi te cāhaṃ saṃtuṣṭenāṃtarātmanā |
viṣṇoścāhaṃ pradāsyāmi varāṃśca manasīpsitān || 210 ||
[Analyze grammar]

surāṇāṃ caiva sarveṣāṃ munīnāṃ bhavitātmanām |
ahaṃ dātā ahaṃ yācyo nānyo bhāvyaḥ kathaṃcana || 211 ||
[Analyze grammar]

brahmovāca |
evaṃ kariṣyehaṃ rudra yatvayoktaṃ vacaḥ śubham |
nārāyaṇaśca te vākyaṃ kartā sarvaṃ na saṃśayaḥ || 212 ||
[Analyze grammar]

visṛjyaivaṃ tadā rudraṃ brahmā cāṃtaradhīyata |
vārāṇasyāṃ mahādevo gatvā tīrthaṃ nyaveśayat || 213 ||
[Analyze grammar]

iti śrīpādmapurāṇe prathame sṛṣṭikhaṃḍe rudrasya brahmavadhyānāśaścaturdaśo'dhyāyaḥ || 14 ||
[Analyze grammar]