Chapter 331

janamejaya uvāca |
brahmansumahadākhyānaṃ bhavatā parikīrtitam |
yacchrutvā munayaḥ sarve vismayaṃ paramaṃ gatāḥ || 1 ||
[Analyze grammar]

idaṃ śatasahasrāddhi bhāratākhyānavistarāt |
āmathya matimanthena jñānodadhimanuttamam || 2 ||
[Analyze grammar]

navanītaṃ yathā dadhno malayāccandanaṃ yathā |
āraṇyakaṃ ca vedebhya oṣadhibhyo'mṛtaṃ yathā || 3 ||
[Analyze grammar]

samuddhṛtamidaṃ brahmankathāmṛtamanuttamam |
taponidhe tvayoktaṃ hi nārāyaṇakathāśrayam || 4 ||
[Analyze grammar]

sa hīśo bhagavāndevaḥ sarvabhūtātmabhāvanaḥ |
aho nārāyaṇaṃ tejo durdarśaṃ dvijasattama || 5 ||
[Analyze grammar]

yatrāviśanti kalpānte sarve brahmādayaḥ surāḥ |
ṛṣayaśca sagandharvā yacca kiṃciccarācaram |
na tato'sti paraṃ manye pāvanaṃ divi ceha ca || 6 ||
[Analyze grammar]

sarvāśramābhigamanaṃ sarvatīrthāvagāhanam |
na tathā phaladaṃ cāpi nārāyaṇakathā yathā || 7 ||
[Analyze grammar]

sarvathā pāvitāḥ smeha śrutvemāmāditaḥ kathām |
harerviśveśvarasyeha sarvapāpapraṇāśanīm || 8 ||
[Analyze grammar]

na citraṃ kṛtavāṃstatra yadāryo me dhanaṃjayaḥ |
vāsudevasahāyo yaḥ prāptavāñjayamuttamam || 9 ||
[Analyze grammar]

na cāsya kiṃcidaprāpyaṃ manye lokeṣvapi triṣu |
trailokyanātho viṣṇuḥ sa yasyāsītsāhyakṛtsakhā || 10 ||
[Analyze grammar]

dhanyāśca sarva evāsanbrahmaṃste mama pūrvakāḥ |
hitāya śreyase caiva yeṣāmāsījjanārdanaḥ || 11 ||
[Analyze grammar]

tapasāpi na dṛśyo hi bhagavāṃllokapūjitaḥ |
yaṃ dṛṣṭavantaste sākṣācchrīvatsāṅkavibhūṣaṇam || 12 ||
[Analyze grammar]

tebhyo dhanyataraścaiva nāradaḥ parameṣṭhijaḥ |
na cālpatejasamṛṣiṃ vedmi nāradamavyayam |
śvetadvīpaṃ samāsādya yena dṛṣṭaḥ svayaṃ hariḥ || 13 ||
[Analyze grammar]

devaprasādānugataṃ vyaktaṃ tattasya darśanam |
yaddṛṣṭavāṃstadā devamaniruddhatanau sthitam || 14 ||
[Analyze grammar]

badarīmāśramaṃ yattu nāradaḥ prādravatpunaḥ |
naranārāyaṇau draṣṭuṃ kiṃ nu tatkāraṇaṃ mune || 15 ||
[Analyze grammar]

śvetadvīpānnivṛttaśca nāradaḥ parameṣṭhijaḥ |
badarīmāśramaṃ prāpya samāgamya ca tāvṛṣī || 16 ||
[Analyze grammar]

kiyantaṃ kālamavasatkāḥ kathāḥ pṛṣṭavāṃśca saḥ |
śvetadvīpādupāvṛtte tasminvā sumahātmani || 17 ||
[Analyze grammar]

kimabrūtāṃ mahātmānau naranārāyaṇāvṛṣī |
tadetanme yathātattvaṃ sarvamākhyātumarhasi || 18 ||
[Analyze grammar]

vaiśaṃpāyana uvāca |
namo bhagavate tasmai vyāsāyāmitatejase |
yasya prasādādvakṣyāmi nārāyaṇakathāmimām || 19 ||
[Analyze grammar]

prāpya śvetaṃ mahādvīpaṃ dṛṣṭvā ca harimavyayam |
nivṛtto nārado rājaṃstarasā merumāgamat |
hṛdayenodvahanbhāraṃ yaduktaṃ paramātmanā || 20 ||
[Analyze grammar]

paścādasyābhavadrājannātmanaḥ sādhvasaṃ mahat |
yadgatvā dūramadhvānaṃ kṣemī punarihāgataḥ || 21 ||
[Analyze grammar]

tato meroḥ pracakrāma parvataṃ gandhamādanam |
nipapāta ca khāttūrṇaṃ viśālāṃ badarīmanu || 22 ||
[Analyze grammar]

tataḥ sa dadṛśe devau purāṇāvṛṣisattamau |
tapaścarantau sumahadātmaniṣṭhau mahāvratau || 23 ||
[Analyze grammar]

tejasābhyadhikau sūryātsarvalokavirocanāt |
śrīvatsalakṣaṇau pūjyau jaṭāmaṇḍaladhāriṇau || 24 ||
[Analyze grammar]

jālapādabhujau tau tu pādayoścakralakṣaṇau |
vyūḍhoraskau dīrghabhujau tathā muṣkacatuṣkiṇau || 25 ||
[Analyze grammar]

ṣaṣṭidantāvaṣṭadaṃṣṭrau meghaughasadṛśasvanau |
svāsyau pṛthulalāṭau ca suhanū subhrunāsikau || 26 ||
[Analyze grammar]

ātapatreṇa sadṛśe śirasī devayostayoḥ |
evaṃ lakṣaṇasaṃpannau mahāpuruṣasaṃjñitau || 27 ||
[Analyze grammar]

tau dṛṣṭvā nārado hṛṣṭastābhyāṃ ca pratipūjitaḥ |
svāgatenābhibhāṣyātha pṛṣṭaścānāmayaṃ tadā || 28 ||
[Analyze grammar]

babhūvāntargatamatirnirīkṣya puruṣottamau |
sadogatāstatra ye vai sarvabhūtanamaskṛtāḥ || 29 ||
[Analyze grammar]

śvetadvīpe mayā dṛṣṭāstādṛśāvṛṣisattamau |
iti saṃcintya manasā kṛtvā cābhipradakṣiṇam |
upopaviviśe tatra pīṭhe kuśamaye śubhe || 30 ||
[Analyze grammar]

tatastau tapasāṃ vāsau yaśasāṃ tejasāmapi |
ṛṣī śamadamopetau kṛtvā pūrvāhṇikaṃ vidhim || 31 ||
[Analyze grammar]

paścānnāradamavyagrau pādyārghyābhyāṃ prapūjya ca |
pīṭhayoścopaviṣṭau tau kṛtātithyāhnikau nṛpa || 32 ||
[Analyze grammar]

teṣu tatropaviṣṭeṣu sa deśo'bhivyarājata |
ājyāhutimahājvālairyajñavāṭo'gnibhiryathā || 33 ||
[Analyze grammar]

atha nārāyaṇastatra nāradaṃ vākyamabravīt |
sukhopaviṣṭaṃ viśrāntaṃ kṛtātithyaṃ sukhasthitam || 34 ||
[Analyze grammar]

apīdānīṃ sa bhagavānparamātmā sanātanaḥ |
śvetadvīpe tvayā dṛṣṭa āvayoḥ prakṛtiḥ parā || 35 ||
[Analyze grammar]

nārada uvāca |
dṛṣṭo me puruṣaḥ śrīmānviśvarūpadharo'vyayaḥ |
sarve hi lokāstatrasthāstathā devāḥ saharṣibhiḥ |
adyāpi cainaṃ paśyāmi yuvāṃ paśyansanātanau || 36 ||
[Analyze grammar]

yairlakṣaṇairupetaḥ sa hariravyaktarūpadhṛk |
tairlakṣaṇairupetau hi vyaktarūpadharau yuvām || 37 ||
[Analyze grammar]

dṛṣṭau mayā yuvāṃ tatra tasya devasya pārśvataḥ |
iha caivāgato'smyadya visṛṣṭaḥ paramātmanā || 38 ||
[Analyze grammar]

ko hi nāma bhavettasya tejasā yaśasā śriyā |
sadṛśastriṣu lokeṣu ṛte dharmātmajau yuvām || 39 ||
[Analyze grammar]

tena me kathitaṃ pūrvaṃ nāma kṣetrajñasaṃjñitam |
prādurbhāvāśca kathitā bhaviṣyanti hi ye yathā || 40 ||
[Analyze grammar]

tatra ye puruṣāḥ śvetāḥ pañcendriyavivarjitāḥ |
pratibuddhāśca te sarve bhaktāśca puruṣottamam || 41 ||
[Analyze grammar]

te'rcayanti sadā devaṃ taiḥ sārdhaṃ ramate ca saḥ |
priyabhakto hi bhagavānparamātmā dvijapriyaḥ || 42 ||
[Analyze grammar]

ramate so'rcyamāno hi sadā bhāgavatapriyaḥ |
viśvabhuksarvago devo bāndhavo bhaktavatsalaḥ |
sa kartā kāraṇaṃ caiva kāryaṃ cātibaladyutiḥ || 43 ||
[Analyze grammar]

tapasā yojya so''tmānaṃ śvetadvīpātparaṃ hi yat |
teja ityabhivikhyātaṃ svayaṃbhāsāvabhāsitam || 44 ||
[Analyze grammar]

śāntiḥ sā triṣu lokeṣu siddhānāṃ bhāvitātmanām |
etayā śubhayā buddhyā naiṣṭhikaṃ vratamāsthitaḥ || 45 ||
[Analyze grammar]

na tatra sūryastapati na somo'bhivirājate |
na vāyurvāti deveśe tapaścarati duścaram || 46 ||
[Analyze grammar]

vedīmaṣṭatalotsedhāṃ bhūmāvāsthāya viśvabhuk |
ekapādasthito deva ūrdhvabāhurudaṅmukhaḥ |
sāṅgānāvartayanvedāṃstapastepe suduścaram || 47 ||
[Analyze grammar]

yadbrahmā ṛṣayaścaiva svayaṃ paśupatiśca yat |
śeṣāśca vibudhaśreṣṭhā daityadānavarākṣasāḥ || 48 ||
[Analyze grammar]

nāgāḥ suparṇā gandharvāḥ siddhā rājarṣayaśca ye |
havyaṃ kavyaṃ ca satataṃ vidhipūrvaṃ prayuñjate |
kṛtsnaṃ tattasya devasya caraṇāvupatiṣṭhati || 49 ||
[Analyze grammar]

yāḥ kriyāḥ saṃprayuktāstu ekāntagatabuddhibhiḥ |
tāḥ sarvāḥ śirasā devaḥ pratigṛhṇāti vai svayam || 50 ||
[Analyze grammar]

na tasyānyaḥ priyataraḥ pratibuddhairmahātmabhiḥ |
vidyate triṣu lokeṣu tato'smyaikāntikaṃ gataḥ |
iha caivāgatastena visṛṣṭaḥ paramātmanā || 51 ||
[Analyze grammar]

evaṃ me bhagavāndevaḥ svayamākhyātavānhariḥ |
āsiṣye tatparo bhūtvā yuvābhyāṃ saha nityaśaḥ || 52 ||
[Analyze grammar]