Chapter 11

ekādaśo'dhyāyaḥ |
viṣvaksenaḥ |
varṇādīṃścāyudhānāṃ tu vinyāsaṃ munisattama |
paramātmātmabhāvārthaṃ prathamaṃ śrṛṇu nārada || 1 ||
[Analyze grammar]

śvetaparvatasaṃnibhaṃ tridaśaṃ garutmati saṃsthitam |
sarvadevanamaskṛtaṃ kamalāsanādyabhipūjitam |
sarvabhūṣaṇabhūṣitaṃ dvicaturbhujaṃ dvipadaṃ mune |
svātmadehavirājitaṃ kanakaprabhamaṃ baramādadhat || 2 ||
[Analyze grammar]

iti dhyāyenmuniśreṣṭha sarvadevamayaṃ tataḥ |
dhyāyannutpadyate tasya samyagjñānaṃ tu nārada || 3 ||
[Analyze grammar]

iti te darśitaṃ sākṣāt mūrtaṃ tu paramātmanaḥ |
asya mūrtasya vakṣyāmi vinyāsaṃ cāyudhasya ca || 4 ||
[Analyze grammar]

asya dakṣiṇahastāgre cakraṃ cādhaḥ sthitasya tu |
svāgatāvasthito hasta padmaṃ vā hari nārada || 5 ||
[Analyze grammar]

adhaḥsthitasya hastāgre cākṣamālāṃ tu vinyaset |
evaṃ dakṣiṇahastānāṃ vāmapārśvasya cocyate || 6 ||
[Analyze grammar]

vāmapārśvasya hastānāṃ cordhve śaṅkhaṃ varapradam |
sagadākaṭihastaṃ syāt itthaṃ tu paramātmanaḥ || 7 ||
[Analyze grammar]

vāsudevasya vakṣyāmi rūpaṃ vai cāyudhāni te |
gokṣīrasphaṭikākāraṃ śyāmākṛtimathāpi vā || 8 ||
[Analyze grammar]

pītavastradharaṃ vāpi raktāmbaradharaṃ tu vā |
śaṅkhacakragadāhastaṃ sarvābharaṇabhūṣitam || 9 ||
[Analyze grammar]

sarvāvayavasaṃpūrṇaṃ caturbāhuvirājitam |
sarvālaṃkārasaṃyuktaṃ vāsadevaṃ vicintayet || 10 ||
[Analyze grammar]

vakṣyāmyasya tu hetīnāṃ vinyāsaṃ te mahāmune |
asya dakṣiṇahastāgre cakraṃ cādhaḥsthite'mbujam || 11 ||
[Analyze grammar]

vāmordhve śaṅkhamanyasmin gadā cāsyāpyadhomukham |
śriyaṃ tu dakṣiṇe pārśve vāme puṣṭiṃ tu vinyaset || 12 ||
[Analyze grammar]

tuṣṭiṃ vā vāmapārśve tu kārayenmunisattama |
evaṃ janārdanasyāpi mūrtaṃ kartavyameva tu || 13 ||
[Analyze grammar]

ityuktaṃ vāsudevasya śrṛṇu saṃkarṣaṇasya tu |
bālasūryapratīkāśaḥ saṃkarṣaṇa iti smṛtaḥ || 14 ||
[Analyze grammar]

pītavastradharaḥ sākṣāt caturbāhuvirājitaḥ |
sarvāvayavasaṃyuktaḥ sarvābharaṇabhūṣitaḥ || 15 ||
[Analyze grammar]

sarvālaṃkārasaṃyuktaḥ śaṅkhacakradharaḥ sadā |
iti saṃkarṣaṇaṃ rūpamasya vai dakṣiṇe kare || 16 ||
[Analyze grammar]

ūrdhve cakraṃ tvadho haste musalaṃ vinyaset sudhīḥ |
vāmordhve śaṅkhamityuktaṃ puṇḍarīkaṃ tvadhaḥ kare || 17 ||
[Analyze grammar]

dakṣiṇe tu śriyaṃ vāme puṣṭiṃ saṃsthāpayedbudhaḥ |
iti saṃkarṣaṇaścoktaḥ pradyumnaṃ śrṛṇu nārada || 18 ||
[Analyze grammar]

pītāmbaraṃ caturbāhuṃ sarvāvayavasaṃyutam |
śaṅkhacakragadāpāṇiṃ sarvābharaṇabhūṣitam || 19 ||
[Analyze grammar]

sarvālaṃkārasaṃyuktamitthaṃ pradyumnarūpakam |
dakṣiṇordhvakare padmamadhaḥ kaumodakīṃ nyaset || 20 ||
[Analyze grammar]

vāmordhvādhaḥ sthite haste śaṅkhacakraṃ tu vinyaset |
itthaṃ pradyumnamūrtaṃ te devarṣe varṇito'dhunā || 21 ||
[Analyze grammar]

aniruddhaṃ vadāmo'tra śrṛṇu nārada tattvataḥ |
nīlajīmūtasaṃkāśaṃ kālāñjanacayopamam || 22 ||
[Analyze grammar]

śaṅkhacakradharaṃ devaṃ pītavastraṃ caturbhujam |
sarvābharaṇasaṃyuktaṃ sarvāvayavaśobhitam || 23 ||
[Analyze grammar]

sarvālaṃkārasaṃyuktamaniruddhamitīritam |
asya vāmakare cordhve śaṅkhamanyakare gadām || 24 ||
[Analyze grammar]

dakṣiṇordhve nyaseccakramanyatrābhayamiṣyate |
aniruddhaṃ jagannāthamanantopari śāyinam || 25 ||
[Analyze grammar]

śriyaṃ dakṣiṇataḥ pārśve puṣṭiṃ vāme'sya vinyaset |
śayane sati mūlārcā dvibhujaṃ vā caturbhujam || 26 ||
[Analyze grammar]

kalpayenmuniśārdūla sarvasaṃpat sukhāvaham |
devasya pādapārśve tu śriyaṃ puṣṭiṃ tu vinyaset || 27 ||
[Analyze grammar]

atha vā kalpayeddevamaulipārśve śriyaṃ mune |
citraṃ vāpyardhacitraṃ vā citrābhāsaṃ tu vā mune || 28 ||
[Analyze grammar]

yajamānecchayā kuryāt devīnāṃ lakṣaṇaṃ kramāt |
itthaṃ śriyādimūrtīnāṃ pūrvapūrvā garīyasī || 29 ||
[Analyze grammar]

aniruddha iti prokto matsyādīn śrṛṇu nārada |
śatapatramayasyātha puṇḍarīkasya madhyame || 30 ||
[Analyze grammar]

padmāsanasthaṃ matsyāṣṭaparītaṃ kanakaprabham |
triṇetraṃ dvibhujaṃ caiva prāṅmukhaṃ padmadhāriṇam || 31 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
matsyābhimāninaṃ mūrtiṃ itthamuktaṃ ca nārada || 32 ||
[Analyze grammar]

padmapūrvadale matsyaṃ sauvarṇaṃ vinyased budhaḥ |
āgneyadigdale matsyaṃ rājataṃ cātha vinyaset || 33 ||
[Analyze grammar]

yāmyadigdalamadhye tu matsyaṃ tāmranibhaṃ nyaset |
naiṛtyadigdale matsyaṃ kṛṣṇavarṇaṃ tu vinyaset || 34 ||
[Analyze grammar]

vāruṇe digdale matsyaṃ raktavarṇaṃ tu vinyaset |
vāyavyadigdale matsyaṃ śyāmavarṇaṃ tu vinyaset || 35 ||
[Analyze grammar]

saumyadigdalamatsyaṃ tu dhūmravarṇaṃ tu vinyaset |
īśānadigdale matsyamagnivarṇaṃ tu vinyaset || 36 ||
[Analyze grammar]

ityaṣṭadigdalasthaistu matsyairabhimṛkhīkṛtam |
matsyābhimāninaṃ mūrtaṃ tava snehāt pradarśitam || 37 ||
[Analyze grammar]

asya dakṣiṇapārśve tu śriyaṃ puṣṭiṃ paratra ca |
vinyasenmatsyarūpaṃ vai kūrmarūpaṃ tataḥ śrṛṇu || 38 ||
[Analyze grammar]

kālāñjanagiriprakhyaṃ triṇetraṃ svāṅgaśobhitam |
caturbāhuyutaṃ caiva sarvābharaṇabhūṣitam || 39 ||
[Analyze grammar]

añjanamṛtsaṃnibhamūrtiḥ dvādaśapatre vartitamabje |
padmasamākhyasvāsanayuktaḥ kūrmaśarīrī viṣṇurihāste || 40 ||
[Analyze grammar]

prākkramato'bjadvādaśapatrārūḍhaśarīrairdvādaśakūrmaiḥ |
añjanavarṇaprakhyaśarīrerāvṛtamūrtiḥsvābhimukhasthaiḥ || 41 ||
[Analyze grammar]

śaṅkhacakradharaścaiva padmahastastathaiva ca |
tato dvādaśakūrmā hi devo'pyabhimukhīkṛtaḥ || 42 ||
[Analyze grammar]

asya dakṣiṇahastordhve cakrapadmo karāntare |
vāmordhve śaṅkhamityuktaṃ padmaṃ cādhaḥsthite kare || 43 ||
[Analyze grammar]

asya dakṣiṇapārśve tu śriyaṃ vinyasya buddhimān |
puṣṭiṃ vāme nyasedevaṃ kūrmamūrtirudāhṛtā || 44 ||
[Analyze grammar]

vārāhaṃ śrṛṇu vakṣyāmi rājāvartanibhaṃ mune |
śaṅkhavarṇaṃ tu vā śyāmaṃ sarvalakṣaṇalakṣitam || 45 ||
[Analyze grammar]

navayauvanasaṃpūrṇāṃ sarvāvayavasundarīm |
nārīṇāmuttamāṃ devīṃ sukeśāṃ paṅkajānanām || 46 ||
[Analyze grammar]

vidyullatāprabhāṃ vāpi śyāmāṃ vāpi kṛtāñjalim |
sarvālaṃkārasaṃyuktāṃ nimagnāṃ jagatīṃ śubhām || 47 ||
[Analyze grammar]

vāmadoṣṇā samāliṅgya proddhṛtyāliṅgya susthitām |
vāmena bāhunāśliṣya jighran devīmukhaṃ prabhuḥ || 48 ||
[Analyze grammar]

vāmenāliṅgya hastena tasyāḥ skandhaṃ taponidhe |
gṛhītvoruṃ dṛḍhaṃ tasyāḥ dakṣiṇena kareṇa ca || 49 ||
[Analyze grammar]

sūkarāṅgaṃ caturbāhuṃ śaṅkhacakradharaṃ prabhum |
dakṣiṇe tu nyaset cakraṃ vāme śaṅkhaṃ tu vinyaset || 50 ||
[Analyze grammar]

itthaṃ varāharūpaṃ te prathamaṃ paripaṭhyate |
atha vā kroḍavaktraṃ ca mahākāyaṃ sudaṃṣṭrakam || 51 ||
[Analyze grammar]

sarvalakṣaṇasaṃpannaṃ śrīvatsāṅkitavakṣasam |
tiryaksaṃsthitasūtraṃ ca rūpaṃ vai yanmahātmanaḥ || 52 ||
[Analyze grammar]

vārāhaṃ madhyamaṃ proktaṃ saṃkṣepāttu taponidhe |
atha vā śrṛṇu vakṣyāmi rūpaṃ vārāharūpiṇaḥ || 53 ||
[Analyze grammar]

uddhṛtya nāsikātulyaṃ vāmahastasya ko rparam |
vāmapārśvārdhabhāge tu nirīkṣan ko rparaṃ sadā || 54 ||
[Analyze grammar]

kaṭipradeśamālambya pāṇinā dakṣiṇena tu |
evaṃ rūpaṃ mahāviṣṇoḥ śaṅkhacakradharasya ca || 55 ||
[Analyze grammar]

asya dakṣiṇahastāgre cakraṃ śaṅkhaṃ pare ca hi |
iti vārāhamūrtasya tridhā rūpaṃ tu darśitam || 56 ||
[Analyze grammar]

evamuktasya rūpasya tridhākārasya nārada |
itthaṃ rūpaṃ tu kartavyaṃ nṛsiṃhasya tataḥ śrṛṇu || 57 ||
[Analyze grammar]

galādadhastānnararūpadhārī paratra siṃhānanabhṛtsvarūpaḥ |
bibharti netrāṇi hutāśanārkaprabhā |
ñcitānyeva vibhīṣाṇāni || 58 ||
[Analyze grammar]

śaṅkhacakradharaścaiva sarvābharaṇabhūṣitaḥ |
sarvāvayavasaṃpūrṇaḥ sarvasiddhikaraḥśubhaḥ || 59 ||
[Analyze grammar]

cakraṃ ca dakṣiṇe haste śaṅkhaṃ vāme nyasedbudhaḥ |
śvetaparvatasaṃkāśaṃ sarvaduḥkhavināśanam || 60 ||
[Analyze grammar]

raktacandanadigdhāṅgaṃ kālābhroddāmaniḥ svanam |
śaradindukalādaṃṣṭraṃ kruddhaṃ hāṭakatāṭakam || 61 ||
[Analyze grammar]

suphullavadanaṃ śaśvat duṣṭānāmatibhīṣaṇam |
evaṃ rūpaṃ nṛsiṃhasya kṛtvā pūrvaṃ mṛdā mune || 62 ||
[Analyze grammar]

paryaṅkakalpitaṃ kṛtvā āsīnaṃ viṣṭare śubhe |
hastayoḥko rpare tasya jānvorupari vinyaset || 63 ||
[Analyze grammar]

itthaṃ nṛsiṃharūpaṃ te varṇitaṃ vaṇatocitam |
vāmanasya vadāmo'tra rūpaṃ śruṇu mahāmune || 64 ||
[Analyze grammar]

susmitaṃ padmanābhena vāmanaṃ vāmanākṛtim |
bālakuñjarasaṃkāśaṃ bṛhatskandhaṃ mahābhujam || 65 ||
[Analyze grammar]

śyāmalaṃ nīrajākṣaṃ tu āyatāmalalocanam |
kṣoṇītalaṃ padanyāsaiḥ ḍolayanniva nārada || 66 ||
[Analyze grammar]

jaṭāṭavīsamāyuktaṃ sarveṣāṃ ca manoharam |
dvibhujaṃ savyahastena muṣṭinā daṇḍadhāriṇam || 67 ||
[Analyze grammar]

ākuñcitaṃ vāmapādaṃ svāgataṃ dakṣiṇaṃ bhujam |
hārakuṇḍalakeyūrabhūṣaṇairbhūṣitaṃ mune || 68 ||
[Analyze grammar]

lambayajñopavītena mekhalānāṃ trayeṇa ca |
saṃyuktaṃ yuktarūpaṃ tu kāśyapaṃ brahmacāriṇam || 69 ||
[Analyze grammar]

kaupīnadhāriṇaṃ vāpi pītavāsasameva ca |
rakṣārthaṃ viṣṭāpānāṃ tu vāmanatvamupāgatam || 70 ||
[Analyze grammar]

evaṃ sulakṣaṇopetaṃ rūpaṃ kāryaṃ mahāmune |
jāmadagnyasya rāmasya rūpaṃ vakṣyāmyataḥ param || 71 ||
[Analyze grammar]

tasya varṇaṃ suvarṇābhaṃ dvibhujaṃ śvetaraktakam |
āsīnaṃ tu prasannāsyaṃ brahmalakṣmīsamāvṛtam || 72 ||
[Analyze grammar]

sarvalakṣaṇasaṃpūrṇaṃ sarvābharaṇabhūṣitam |
sarvālaṃkārasaṃyuktaṃ jaṭāmaṇḍalamaṇḍitam || 73 ||
[Analyze grammar]

paraśuṃ dakṣiṇe haste vāme cāpaṃ sapatriṇam |
vāme kamaṇḍaluṃ vāpi cākṣasūtraṃ tu dakṣiṇe || 74 ||
[Analyze grammar]

itthaṃ rūpaṃ mune tubhyaṃ jāmadagnyasya varṇitam |
rāmasyātha vadāmo'tra rūpaṃ dāśarathestava || 75 ||
[Analyze grammar]

atīvarūpasaṃpannau nīlavellitamūrdhajau |
vyūḍhoraskau natāṃsau ca keyūrāṅgadacitritau || 76 ||
[Analyze grammar]

dīrghabāhū śriyopetau saumyau prahasitānanau |
karṇāntalocanau sākṣāt prathame vayasi sthitau || 77 ||
[Analyze grammar]

saundaryāmṛtatoyaiśca siñcantāviva viśvataḥ |
khaṅgahastau dhanuṣpāṇī bhujavikhyātavikramau || 78 ||
[Analyze grammar]

baddhagodhāṅgulitrāṇau mune vaiśravaṇopamau |
audāryarūpasaṃpadbhiḥ nṛṇāṃ cittāpahāriṇau || 79 ||
[Analyze grammar]

kausalyāyāḥ sumitrāyāḥ prītidau vīryavattarau |
rākṣasadhvāntatigmāṃśū śūrau daśarathātmajau || 80 ||
[Analyze grammar]

naranārāyaṇākhyātau tāvubhau raghunandanau |
jagatāṃ pālanārthāya manuṣyatvamupāgatau || 81 ||
[Analyze grammar]

puṇḍarīkaviśālākṣau tāvubhau pītavāsasau |
bhujānte baddhatūṇīrau bāṇapāṇī mahāmune || 82 ||
[Analyze grammar]

nivasantau śriyā sākaṃ vālmīkeḥ kavi sāgare |
rakṣasāṃ mṛtyusaṃkāśau rāvaṇasyātirāvaṇau || 83 ||
[Analyze grammar]

nṛpasūnū raghuśreṣṭhau bhrātarau rāmalakṣmaṇau |
sarvaiśca lakṣaṇairyuktau sthāpayettantravittamaiḥ || 84 ||
[Analyze grammar]

samastalakṣaṇopetāṃ sītāṃ rāmasya vallabhām |
naiṛtānāṃ vināśāya jātāṃ śuddhāmayonijām || 85 ||
[Analyze grammar]

triguṇātmamayīṃ māyāṃ mūlaprakṛtisaṃsthitām |
vyaktarūpeṇa saṃjñāpi sākṣādavyaktarūpiṇīm || 86 ||
[Analyze grammar]

pativratāṃ mahābhāgāṃ strīṇāmapyuttamāṃ śriyam |
raktapadmakarāṃ devīṃ padmāṃ padmopamānanām || 87 ||
[Analyze grammar]

yauvanoddāmadivyāṅgīṃ sītāṃ janakanandinīm |
pātivratyaguṇopetāṃ sītāṃ rāmasya vallabhām || 88 ||
[Analyze grammar]

sarvālaṃkārasaṃyuktāṃ nīlālakaśiroruhām |
mālānibaddhadhammillāṃ madavibhrāntalocanām || 89 ||
[Analyze grammar]

kālapītāmbaradharā sthāpayedrāmapārśvataḥ |
savyamuṣṭiṃ lalāṭāntaṃ kṛtordhvamukhamantaram || 90 ||
[Analyze grammar]

tasmin tryavanataṃ cāpaṃ bāṇaughajadhanaṃ dṛḍham |
vāsavāstraṃ vāmabāhau kārayenamunisattama || 91 ||
[Analyze grammar]

sāyakaṃ kaṭisūtre tu vāmapāṇiṃ tu dakṣiṇe |
kālāgnisadṛśaṃ bāṇaṃ paulastyāntakaraṃ dṛḍham || 92 ||
[Analyze grammar]

antare'sya mukhaṃ kṛtvā golakaṃ colbaṇaṃ bhavet |
mardantaṃ rāvaṇapuraṃ svabalaṃ cāyuṣaṃ tathā || 93 ||
[Analyze grammar]

nihatya rāmahastasthaṃ sthāpayeddakṣiṇe kare |
vasutālena vā vidvān navatālakrameṇa vā || 94 ||
[Analyze grammar]

berasya cānurūpeṇa caret sarvāyudhāni vai |
kuñcitaṃ vāmapādaṃ tu susthitaṃ dakṣiṇaṃ padam || 95 ||
[Analyze grammar]

kaniṣṭhikāṅkitasthāne tvaṅguṣṭhasya sthitirbhavet |
stokakuñcitajānuśca pādo vāmasthito bhavet || 96 ||
[Analyze grammar]

mukhe śarīre kaṭyāṃ ca triṣvaṅgeṣveṣu nārada |
tribhaṅgitvānmuniśreṣṭha tribhaṅgīti prapaṭhyate || 97 ||
[Analyze grammar]

mukhaṃ dakṣiṇato bhaṅgaṃ tanumadhyaṃ tu vāmataḥ |
dakṣiṇe kaṭibhaṅgastu bhaṅgatrayamudāhṛtam || 98 ||
[Analyze grammar]

vāmahastaḥ sacāpaḥ syāddakṣiṇaḥsaśilīmukhaḥ |
lakṣmaṇasya bhavedevaṃ lakṣaṇaṃ bharatasya tu || 99 ||
[Analyze grammar]

śatrughnasyāpyathaivaṃ syāditi tantreṣu niścitam |
saṃsthāpya madhyame rāmaṃ vāmapārśve'sya lakṣmaṇam || 100 ||
[Analyze grammar]

dakṣiṇe sthāpayeddevīṃ sītāṃ janakanandinīm |
śatrughnabharatau kāryāvuttare dakṣiṇe kramāt || 101 ||
[Analyze grammar]

cāmarāsaktabāhū tau parivāravidhāvapi |
iti svatantre nirdiṣṭaṃ paratantre vadāmyaham || 102 ||
[Analyze grammar]

lohaiśca nirmite bere cottamādikramairmune |
lalāṭapaṭṭaparyantaṃ pādāṅguṣṭhāt samucchrayam || 103 ||
[Analyze grammar]

dvātriṃśadaṅgulaṃ viddhi uttamaṃ kautukaṃ dvija |
asmāt saptāṅgulairhīnaṃ madhyamaṃ beramucchrayam || 104 ||
[Analyze grammar]

asmāt navāṅgulairhīnamadhamaṃ parikīrtitam |
iti dāśarathermūrtamutsedhaṃ munisattama || 105 ||
[Analyze grammar]

sītālakṣmaṇayoścāpi bharatasyāpi sāmpratam |
śatrughnasyāpi devarṣe vadāmyāyāmamadya te || 106 ||
[Analyze grammar]

devasya bāhumūlāntaṃ devyutsedhaṃ pracakṣate |
lakṣmaṇasyocchrayaścāpi rāmasyāsyāntamīritam || 107 ||
[Analyze grammar]

lakṣmaṇasya bhujāntaṃ syāt śatrughnasyocchrayo bhavet |
iti dīrghapramāṇoktaṃ śeṣaṃ pūrvavadācaret || 108 ||
[Analyze grammar]

svatantre paratantre ca lakṣaṇaṃ tava bhāṣitam |
balarāmasya vakṣyāmi śrṛṇu nārada lakṣaṇam || 109 ||
[Analyze grammar]

balabhadraḥ nibhā bhikhyaḥ kundendudhavalaprabhaḥ |
paṅkajākṣo'ṅganāvaktraḥ sarvāvayavaśobhitaḥ || 110 ||
[Analyze grammar]

sarvālaṃkārasaṃyuktaḥ sarvābharaṇabhūṣitaḥ |
sarvāvayavasaṃpūrṇaḥ prabhāmaṇḍalamaṇḍitaḥ || 111 ||
[Analyze grammar]

asya dakṣiṇabāhau tu musalaṃ vāmake kare |
halaṃ tu vinyaseddhīmān balarāmasya mantravit || 112 ||
[Analyze grammar]

dakṣiṇe tu śriyaṃ devīṃ saumye tu garuḍaṃ nyaset |
pītaṃ kṛtāñjaliṃ tvevaṃ balarāmastvatheritaḥ || 113 ||
[Analyze grammar]

ataḥ paraṃ pravakṣyāmi kṛṣṇaṃ kṛṣṇāñjanaprabham |
sthāpanaṃ kāryamasyaiva sthānakaṃ tu viśeṣataḥ || 114 ||
[Analyze grammar]

tribhaṅgyā saṃmitaṃ taṃ tu sthitaṃ pīṭhe mahāmune |
krīḍāyaṣṭisamāyuktaṃ devyā ca paramaṃ harim || 115 ||
[Analyze grammar]

sthāpayeddaivike sthāne sarvajñaṃ sarvakāraṇam |
evaṃ saṃkṣepataḥ proktaṃ viviktenādhunā mune || 116 ||
[Analyze grammar]

ataḥ śyāmanibhaṃ vāpi pītāmbarasamanvitam |
vāsudevaṃ guḍākeśaṃ sarvābharaṇabhūṣitam || 117 ||
[Analyze grammar]

krīḍāyaṣṭidharaṃ devaṃ tribhaṅgasthitisaṃyutam |
susthitaṃ dakṣiṇaṃ pādaṃ vāmapādaṃ tu kuñcitam || 118 ||
[Analyze grammar]

vāmapādatalaṃ tiryak krameṇaiva tu kārayet |
tatkaniṣṭhāṅgulisthāne cāṅguṣṭhasthitimācaret || 119 ||
[Analyze grammar]

kiñcitkuñcitajānuśca vāmapādasthitirbhavet |
vaktrो caiva tathā gātre kaṭiyantre tathaiva ca || 120 ||
[Analyze grammar]

triṣu mārgeṣu bhaṅgitvāt tribhaṅgitvaṃ vidhīyate |
vaktraṃ dakṣiṇato bhaṅge madhyakāyaṃ tu vāmataḥ || 121 ||
[Analyze grammar]

kaṭidakṣiṇato bhaṅge bhaṅgatrayamudāhṛtam |
kārayeddakṣiṇaṃ hastaṃ suyaṣṭiṃ kaṭakānvitam || 122 ||
[Analyze grammar]

vāmaṃ devībhujāsaktaṃ vāmahastamadhomukham |
vāmaṃ karatalaṃ caiva nābhisūtreṇa yojayet || 123 ||
[Analyze grammar]

dakṣiṇaṃ kaṭihastaṃ tu vaktrasūtreṇa yojayet |
hikkānābhimukhe caiva madhyakāyaṃ pratiṣṭhitam || 125 ||
[Analyze grammar]

meḍhraṃ nābhimukhaṃ nāhastasmādūrūmukhadvayam |
mānaṃ saṃkṣepataḥ proktaṃ śeṣaṃ sādhāraṇaṃ smṛtam || 126 ||
[Analyze grammar]

devyau tatpārśvayoścaiva sthāpayet kramayogataḥ |
devasya dakṣiṇe kuryāt rukmiṇoṃ rukmasaṃnibhām || 127 ||
[Analyze grammar]

satyabhāmāṃ ca vāme tu kārayecchyāmasaṃnibhām |
pūrvavat kamalaṃ gṛhyaṃ sātvikena samāyutam || 128 ||
[Analyze grammar]

svatantre caivamuktaṃ tu paratantre vadāmi te |
lohena muniśārdūla uttamādikrameṇa tu || 129 ||
[Analyze grammar]

saṃproktaṃ rāghavasyaivaṃ tadvadutpādayediha |
lakṣaṇaṃ yādavendrasya utsedhādikramaṃ mune || 130 ||
[Analyze grammar]

navanītārthanṛttaṃ ca sarpanṛttamathāpi vā |
ityevamādi mūrtīnāṃ lakṣaṇaṃ munisattama || 131 ||
[Analyze grammar]

yajamānecchayā tasmin kārayet svasvalīlayā |
yuktyā yuktiviśeṣeṇa pratimāṃ kārayet kramāt || 132 ||
[Analyze grammar]

iti yādavasiṃhasya lakṣaṇaṃ parikīrtitam |
saṃkṣepeṇa muniśreṣṭha kalki viṣṇorataḥ śrṛṇu || 133 ||
[Analyze grammar]

atiśoṇava saṃkāśo triṇetro bhīmarūpavān |
śaṅkhacakragadāpāṇiścaturbāhuḥ kirīṭadhṛk || 134 ||
[Analyze grammar]

vanamālāsamāyuktaḥ sarvābharaṇabhūṣitaḥ |
sarvālaṃkārasaṃyuktaḥ pītavastrasamanvitaḥ || 135 ||
[Analyze grammar]

evaṃ kalkirmayā prokto hetinyāsaṃ vadāmi te |
dakṣiṇorghvakare cakraṃ vāmordhve śaṅkhameva tu || 136 ||
[Analyze grammar]

vāmasyādharahaste tu pāśaṃ kṛṣṇanibhaṃ nyaset |
kārayeddakṣiṇe haste kāladaṇḍaṃ tvadhomukham || 137 ||
[Analyze grammar]

śriyaṃ dakṣiṇapārśve tu vāme puṣṭiṃ nyasedbudhaḥ |
dbitīyāvaraṇe cāṣṭaparivārasamanvitam || 138 ||
[Analyze grammar]

evaṃ saṃcintya kalkiṃ tu pūjayettu vidhānataḥ |
kalau yuge viśeṣeṇa kalkiṃ saṃpūjayed dvija || 139 ||
[Analyze grammar]

nṛpo vā nṛpamātro vā pūjayettu dine dine |
sarvān kāmānavāpnoti jayalakṣmīṃ sa gacchati || 140 ||
[Analyze grammar]

viśeṣaṃ cā tra saṃproktaṃ śeṣaṃ sādhāraṇaṃ smṛtam |
evaṃ kalkermayā proktaṃ lakṣaṇaṃ sarvasiddhidam || 141 ||
[Analyze grammar]

mūrtīnāṃ lakṣaṇaṃ vakṣye śāstrabhedena cihnitam |
adimūrtiḥ paro devo vāsudevaḥ sanātanaḥ || 142 ||
[Analyze grammar]

dvitīyā tu parā mūrtiḥ saṃkarṣaṇa iti smṛtaḥ |
pradyumnākhyā tṛtīyā tu mūrtireṣā sanātanī || 143 ||
[Analyze grammar]

caturthī tu bhavenmūrtiḥ aniruddhetisaṃjñitā |
catasro mūrtayastvetāḥ pratiṣṭhāyāḥ pṛthak pṛthak || 144 ||
[Analyze grammar]

vāsudevaḥ parā mūrtiḥ sthāpanīyā dvijottamaiḥ |
dvitīyā sthāpyate mūrtiḥ kṣatriyairmokṣakāṃkṣibhiḥ || 145 ||
[Analyze grammar]

pradyumnākhyā tu viprendra vaiśyaiḥ sthāpyā mumukṣubhiḥ |
śūdraiḥ saṃsthāpyate mūrtiraniruddho jagadguruḥ || 146 ||
[Analyze grammar]

bhedaistribhistribhirvipra ekaikā bhidyate punaḥ |
varṇāstranyāsabhedena bhedāśca parikīrtitāḥ || 147 ||
[Analyze grammar]

mūrtīnāṃ keśavādīnāṃ viviktena śrṛṇu kramāt |
śaṅkhakundanibhaṃ vāpi hyathavā śyāmameva ca || 148 ||
[Analyze grammar]

śaṅkhacakragadāpāṇiṃ śrīvatsāṅkitavakṣasam |
sarvāvayavasaṃpūrṇaṃ sarvābharaṇabhūṣitam || 149 ||
[Analyze grammar]

pītāmbarasamāyuktaṃ caturbāhuṃ kirīṭinam |
evaṃ dhyāyenmuniśreṣṭha bhuktimuktipradaṃ harim || 150 ||
[Analyze grammar]

astravinyāsabhedaṃ ca pravakṣyāmi śrṛṇu kramāt |
dakṣiṇordhvakare cakraṃ vāmordhve śaṅkhamudvahan || 151 ||
[Analyze grammar]

gadāṃ vāmādhare haste nīrajaṃ dakṣiṇādhare |
ādimūrtestu bhedo'yaṃ keśavākhyaṃ mune śrṛṇu || 152 ||
[Analyze grammar]

nārāyaṇamatho vakṣye śrṛṇu nārada sattama |
kundapuṣpanibhaṃ vāpi śyāmaṃ vā raktameva vā || 153 ||
[Analyze grammar]

śaṅkhacakragadāpāṇiṃ caturbāhuṃ kirīṭinam |
pītāmbarasamāyuktaṃ sarvābharaṇabhūṣitam || 154 ||
[Analyze grammar]

sarvāvayavasaṃyuktaṃ sarvālaṃkāraśobhitam |
sarvadevamayaṃ sūkṣmaṃ trailokyādhipatiṃ harim || 155 ||
[Analyze grammar]

evaṃ rūpaṃ tu saṃcintya hetinyāsamatho śrṛṇu |
dakṣiṇe tu kare cordhve padmaṃ mukulakaṃ nyaset || 156 ||
[Analyze grammar]

asyādhare tu cakraṃ syāt kālāgnisadṛśaṃ mune |
vāmordhve tu gadāṃ nyasya hyadhohaste'mbujaṃ nyaset || 157 ||
[Analyze grammar]

evaṃ cāyudhavinyāso mādhavaṃ cādhunā śrṛṇu |
śaṅkhapuṣpadalaprakhyaṃ śaṅkhacakragadādharam || 158 ||
[Analyze grammar]

sarvāvayavasaṃpūrṇaṃ sarvālaṃkāraśobhitam |
sarvābharaṇasaṃpūrṇaṃ caturbāhuṃ kirīṭinam || 159 ||
[Analyze grammar]

mādhavastvadhunā proktaḥ madhukaiṭabhanāśanaḥ |
astravinyāsabhedaṃ tu śrṛṇu cāsya mahāmune || 160 ||
[Analyze grammar]

vāmapārśvordhvahaste tu śaṅkhaṃ dhavalakaṃ nyaset |
adhohaste nyasedraktaṃ padmaṃ ca daśapatrakam || 161 ||
[Analyze grammar]

dakṣiṇordhvakare cakramadhastāllakuṭaṃ nyaset |
tṛtīyā tu bhavenmūrtiḥ mādhavākhyā tu nārada || 162 ||
[Analyze grammar]

vāsudevasya bhedo'yaṃ vakṣye saṃkarṣaṇasya te |
taruṇārkanibhaṃ vāpi śyāmaṃ vābhranibhaṃ tu vā || 163 ||
[Analyze grammar]

pītavastraṃ caturbāhuṃ sarvābharaṇabhūṣitam |
sarvāvayavasaṃyuktaṃ govindaṃ gokulālamay || 164 ||
[Analyze grammar]

evaṃ dhyāyenmuniśreṣṭha sarvakāmapradaṃ harim |
asyāstranyāsabhedaṃ tu śruṇu nārada sattama || 165 ||
[Analyze grammar]

dakṣiṇordhvakare tasya gadāṃ cakramadho nyaset |
vāmapārśvordhvahaste'bjaṃ śaṅkhamanye tu vinyaset || 166 ||
[Analyze grammar]

govinda evaṃ saṃproktaḥ viṣṇvākhyamadhunā śrṛṇu |
raktapadmadalaprakhyaṃ śyāmaṃ vā raktameva vā || 167 ||
[Analyze grammar]

kṛṣṇaṃ vā muniśārdūla sarvalakṣaṇasaṃyutam |
sarvāvayavasaṃpūrṇaṃ sarvābharaṇabhūṣitam || 168 ||
[Analyze grammar]

śaṅkhacakragadāpāṇiṃ pītavastraṃ caturbhujam |
sarvālaṃkārasaṃyuktaṃ dhyāyedviṣṇuṃ sanātanam || 169 ||
[Analyze grammar]

prathame tu kare padmaṃ hyadhastāt kārayedgadām |
vāme śaṅkhaṃ nyasettasya hyadhaścakraṃ virājitam || 170 ||
[Analyze grammar]

atha vā muniśārdūla śrṛṇu viṣṇuṃ sanātanam |
ṛjusthitaṃ susaumyaṃ yatkaṭihastasamanvitam || 171 ||
[Analyze grammar]

śaṅkhacakrābhayopetaṃ pītāmbarasamanvitam |
sarvāvayavasaṃpūrṇaṃ sarvābharaṇabhūṣitam || 172 ||
[Analyze grammar]

sarvālaṃkārasaṃyuktaṃ dhyāyedviṣṇumanuttamam |
dviprakāraṃ mayā proktaṃ viṣṇuṃ sakalamavyayam || 173 ||
[Analyze grammar]

evaṃ dhyāyenmuniśreṣṭha karturicchāvaśāt kuru |
raktotpaladalaprakhyaṃ pītavastraṃ caturbhujam || 174 ||
[Analyze grammar]

śaṅkhacakragadāpāṇiṃ sarvāvayavaśobhitam |
sarvālaṃkārasaṃyuktaṃ sarvābharaṇabhūṣitam || 175 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
sarvālaṃkārasaṃyuktaṃ sarvasiddhipradaṃ param || 176 ||
[Analyze grammar]

prathame tu kare śaṅgamadhastāccakrakaṃ nyaset |
padmaṃ vāmordhvahaste tu gadāṃ cādhaḥ kare nyaset || 177 ||
[Analyze grammar]

madhusūdanamūrtasya lakṣaṇaṃ viddhi nārada |
saṃkarṣaṇasya bhedo'yaṃ trivikramamatha śrṛṇu || 178 ||
[Analyze grammar]

taptahāṭakasaṃkāśaṃ śyāmaṃ vagninibhaṃ tu vā |
sarvālaṃkārasaṃyuktaṃ sarvāvayavaśobhitam || 179 ||
[Analyze grammar]

sarvābharaṇasaṃyuktaṃ pītavastraṃ caturbhujam |
śaṅkhacakragadāpāṇiṃ sarvadevaiḥ namaskṛtam || 180 ||
[Analyze grammar]

trivikramasya saṃproktaṃ lakṣaṇaṃ ca samṛddhidam |
gadāṃ prathamahaste tu hyadhastāccakramudvahan || 181 ||
[Analyze grammar]

vāme padmamadhaḥśaṅkhaṃ dṛśyate yatra kutracit |
yathākāmaṃ tu vā cāstravinyāsaṃ munisattama || 182 ||
[Analyze grammar]

evaṃ cāyudhavinyāso prokto vāmana ucyate |
karṇikāradalaprakhyaṃ raktavarṇaṃ caturbhujam || 183 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
sarvālaṃkārasaṃyuktaṃ sarvasiddhipradaṃ param || 184 ||
[Analyze grammar]

prathame tu kare cakraṃ adhaḥśaṅkhaśca dṛśyate |
gadā ca vāmahaste tu hyadhaḥ padmaṃ ca śobhate || 185 ||
[Analyze grammar]

vāmanākhyastu viprendra vijñeyaḥśubhalakṣaṇaḥ |
taptajāmbūnadaprakhyaṃ śrīvatsāṅkitavakṣasam || 186 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
pītavastraṃ caturbāhuṃ śaṅkhacakragadādharam || 187 ||
[Analyze grammar]

śrīdharasya mayā proktaṃ lakṣaṇaṃ bhuktimuktidam |
ūrdhve cakramadhaḥ padmaṃ dakṣiṇe tu kare nyaset || 188 ||
[Analyze grammar]

vāme caiva gadā jñeyā hyadhaḥśaṅkhaṃ virājitam |
tathā śrīdharamūrtistu vijñeyā deśikottamaiḥ || 189 ||
[Analyze grammar]

evaṃ pradyumnabhedastu aniruddhākhya ucyate |
nīlotpaladalaprakhyaṃ caturbāhuṃ kirīṭinam || 190 ||
[Analyze grammar]

śaṅkhacakragadāpāṇiṃ sarvābharaṇabhūṣitam |
śrīvatsavakṣasopetaṃ hṛṣīkeśaṃ sanātanam || 191 ||
[Analyze grammar]

dakṣiṇe'sya mahācakra gadāṃ ca tadadhaḥsthitām |
vāmahaste mahāpadmamadhastācchaṅkhameva ca || 192 ||
[Analyze grammar]

sā mūrtistu tadā jñeyā hṛṣīkeśeti nārada |
padmanābhasya vakṣye'haṃ lakṣaṇaṃ bhuktimuktidam || 193 ||
[Analyze grammar]

nīlavarṇanibhaṃ vātha śyāmaṃ vā munisattama |
saṃjñātvā lakṣaṇaṃ tatra sarvajñaṃ sarvakāraṇam || 194 ||
[Analyze grammar]

kārayenmuniśārdūla śilpibhiḥ saha sādhakaḥ |
sarvalakṣaṇasaṃpannaṃ sarvābharaṇabhūṣitam || 195 ||
[Analyze grammar]

sarvāvayavasaṃpūrṇaṃ caturbāhuṃ kirīṭinam |
śaṅkhacakragadāpāṇiṃ pītāmbarasamanvitam || 196 ||
[Analyze grammar]

śrīvatsavakṣasopetaṃ padmanābhamavai hi tam |
prathame'sya kare padmamadhastācchaṅkha eva tu || 197 ||
[Analyze grammar]

vāme ca dṛśyate cakraṃ gadā ca tadadhaḥ sthitā |
sā mūrtiḥ padmanābheti namaskāryā vicakṣaṇaiḥ || 198 ||
[Analyze grammar]

vinyasedvā yathākāmaṃ śastravinyāsamatra tu |
atha vā padmanābhasya lakṣaṇaṃ śrṛṇu suvrata || 199 ||
[Analyze grammar]

dvibhujaṃ paṅkajākṣaṃ tu śyāmaṃ vāgninibhaṃ tu vā |
dhyāyettasmin muniśreṣṭha kārayellakṣaṇairyutam || 200 ||
[Analyze grammar]

śayane sati saṃproktaṃ padmanābhasya nārada |
atra karmārcanādīnāṃ lakṣaṇaṃ vakṣyate'dhunā || 201 ||
[Analyze grammar]

yogamudrāsamāyuktaṃ śaṅkhacakrasamanvitam |
kārayettu muniśreṣṭha karmārcāṃ pūrvavattu vā || 202 ||
[Analyze grammar]

ityevaṃ padmanābhasya lakṣaṇaṃ parikīrtitam |
bhittipārśve'sya nābhyūrdhve raktapadmaṃ sunālakam || 203 ||
[Analyze grammar]

kārayet sumanoramyaṃ śatapatraṃ sakarṇikam |
tadardhaṃ vārdhakaṃ vāpi dalaṃ padmasya nārada || 204 ||
[Analyze grammar]

karṇikāgre vidhiṃ dhyāyet lakṣaṇaiḥsaha nārada |
tallakṣaṇaṃ pravakṣyāmi śrṛṇu bhuktiśubhapradam || 205 ||
[Analyze grammar]

padmāsanasamāyuktaṃ vidhiṃ kanakasaṃnibham |
caturbhujaṃ samāsīnaṃ caturvaktraṃ sanātanam || 206 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
sarvadevamayaṃ sūkṣmaṃ sṛṣṭisthitilayātmakam || 207 ||
[Analyze grammar]

evaṃ rūpaṃ tato dhyāyet brahmāṇaṃ kamalodbhavam |
brahmaṇo dakṣiṇe haste sruksruvākṣāṃśca vinyaset || 208 ||
[Analyze grammar]

vāmahaste nyaset padmaṃ ūrdhve caiva kamaṇḍalum |
abhayaṃ varadaṃ vāpi vāmahastādharaṃ mune || 209 ||
[Analyze grammar]

evaṃ rūpaṃ tu saṃcintya brahmāṇaṃ kamalāsanam |
atha vā kārayennyāsaṃ śrṛṇu guhyopari kramāt || 210 ||
[Analyze grammar]

viparītena hastābhyāmūrumūle tu saṃspṛśet |
aṅgulyagre muniśreṣṭha yogamudre'yamucyate || 211 ||
[Analyze grammar]

yogamudrā mayā proktā sarvayogeṣu yojayet |
asya dakṣiṇapārśve tu medhāṃ vāme sarasvatīm || 212 ||
[Analyze grammar]

vinyasecca svatantre tu paratantre tayorvinā |
evaṃ kṛtvā vidhānena brahmāṇaṃ kamalāsanam || 213 ||
[Analyze grammar]

padmanābhasya mūrtāṅgaṃ paratantramiti smṛtam |
svatantre muniśārdūla śilpibhiḥ saha mantravit || 214 ||
[Analyze grammar]

kalpayedvidhivat padmaṃ saṃsthāpya kamalāsanam |
brahmasthāne'thavā pūrve dakṣiṇe paścime'tha vā || 215 ||
[Analyze grammar]

grāmasyottarapārśve vā kalpayedāspadaṃ kramāt |
nadītīre taṭākasya tīre vā munisattama || 216 ||
[Analyze grammar]

yajamānecchayā kalpyo prāsādo vidhivat kramāt |
tadbrāhme daivike vāpi kārayet kamalāsanam || 217 ||
[Analyze grammar]

ṣaṅberaṃ vā triberaṃ vā sthāpayettu vidhānataḥ |
saṃpūjayettato bhaktyā vaiṣṇavairvedapāragaiḥ || 218 ||
[Analyze grammar]

pañcarātrasamāyuktairūhāpohasamarthakaiḥ |
svatantreṇaiva vā tatra brahmasūktena vā mune || 219 ||
[Analyze grammar]

puruṣa sūktena vā brahman pūjayettu vidhānataḥ |
evaṃ saṃpūjayettatra śeṣaṃ sādhāraṇaṃ smṛtam || 220 ||
[Analyze grammar]

brahmaṇo'gre vimāne ca haṃsaṃ tasya pade mune |
kārayedvāhanārthaṃ vā yathākāmaṃ vicitritam || 221 ||
[Analyze grammar]

garbhāgāre pravakṣyāmi parivāraviśeṣakam |
paiśāce dvāradeśe ca śrṛṇu guhyamanuttamam || 222 ||
[Analyze grammar]

kapilaḥ kāśyapo dakṣo dakṣiṇaṃ pakṣamāśritaḥ |
rudro vahnirmaruccāpi vāmapārśvaṃ samāśritāḥ || 223 ||
[Analyze grammar]

bhṛguśca nāradaścāpi vimānadvārapālakau |
candrādityau muniśreṣṭha dvitīyadvārapālakau || 224 ||
[Analyze grammar]

śaṅkhapadmanidhī caiva tṛtīyadvārapālakau |
tatpūjā muniśārdūla yajñasvādhyāyakarmakṛt || 225 ||
[Analyze grammar]

brahmaṛddhikaraṃ puṃsāṃ sarvasaṃpatsukhāvaham |
sarvaduḥkhavināśaṃ tat rājarāṣṭavivṛddhidam || 226 ||
[Analyze grammar]

tasmātsarvaprayatnena vidhiṃ vidhivadarcayet |
viśeṣaścātra saṃproktaḥ śeṣaṃ sādhāraṇaṃ smṛtam || 227 ||
[Analyze grammar]

evaṃ saṃkṣepataḥ proktaṃ svatantrārcāvidhānakam |
brahmaṇo muniśārdūla dāmodaramatho śrṛṇu || 228 ||
[Analyze grammar]

nīlajīmūtasaṃkāśaṃ pītavastraṃ caturbhujam |
sarvāvayavasaṃpūrṇaṃ sarvābharaṇabhūṣitam || 229 ||
[Analyze grammar]

sarvālaṃkārasaṃyuktaṃ śrīvatsāṅkitavakṣasam |
śaṅkhacakragadāpāṇiṃ vanamālāvirājitam || 230 ||
[Analyze grammar]

evaṃ dhyāyet svarūpaṃ tu domodaramanāmayam |
prathame'sya kare śaṅkha adhastāt padmameva hi || 231 ||
[Analyze grammar]

vāme caiva gadā tasya hyadhastāccakrameva hi |
aniruddhasya bhedo'yaṃ dāmodara iti smṛtaḥ || 232 ||
[Analyze grammar]

catasṛṇāṃ ca mūrtīnāṃ bhedāḥ saṃparikīrtitāḥ |
ādimūrti pratiṣṭhākhyā nityamarcā yuge yuge || 233 ||
[Analyze grammar]

tretāyāṃ tu dvitīyā tu tṛtīyā dvāpare tathā |
kalau yuge'niruddhastu sarve sarveṣu vā punaḥ || 234 ||
[Analyze grammar]

parameṣṭhyādimantraistu sthāpayettu yathākramam |
evaṃ dvādaśamūrtīnāṃ lakṣaṇaṃ paripaṭhyate || 235 ||
[Analyze grammar]

kiṃśukāraṃ samaprakhyaṃ triṇetraṃ bhīmarūpiṇam |
sahasraṃ vā tadardhaṃ vā hyaṣṭottaraśataṃ tu vā || 236 ||
[Analyze grammar]

atha vāṣṭabhujaṃ vāpi kārayetsumanoramam |
pītāmbarasamāyuktaṃ sarvābharaṇabhūṣitam || 237 ||
[Analyze grammar]

sarvālaṃkārasaṃyuktaṃ sarvapraharaṇānvitam |
evaṃ rūpaṃ tu saṃcintya viśvarūpamayaṃ harim || 238 ||
[Analyze grammar]

dakṣiṇordhvakare cakraṃ musalaṃ cāpare bhuje |
tasyādhare tu pāśaḥsyāt aṅkuśaṃ cāpare nyaset || 239 ||
[Analyze grammar]

cakraṃ vāmādhare haste tasyordhve lakuṭaṃ nyaset |
lakuṭasyordhvahaste tu śaṅkhaṃ gokṣīrasaṃnibham || 240 ||
[Analyze grammar]

śaṅkhordhve saśaraṃ cāpamevaṃ praharaṇaṃ nyaset |
śeṣāṇyastrāṇi sarvāṇi yathākāmaṃ nyaset kare || 241 ||
[Analyze grammar]

viśvarūpasya saṃproktaṃ lakṣaṇaṃ jayavṛddhidam |
śuddhasphaṭikasaṃkāśaṃ tripādaṃ saptahastakam || 242 ||
[Analyze grammar]

vedaśrṛṅgaṃ dvivadanaṃ triṇetraṃ pītavāsasam |
śaṅkhacakragadāpāṇiṃ sarvābharaṇabhūṣitam || 243 ||
[Analyze grammar]

sarvāvayavasaṃpūrṇaṃ sarvālaṃkāraśobhitam |
evaṃ saṃkṣepato proktaṃ yajñeśaṃ cāghanāśanam || 244 ||
[Analyze grammar]

dakṣiṇe'sya kare cordhve cakraṃ kālāgnisaṃnibham |
lakuṭaṃ cāpare nyasya vāmordhve śaṅkhamudvahan || 245 ||
[Analyze grammar]

asyādhare'bhayaṃ hastaṃ varadaṃ vā smarenmune |
havirbhāgagrahītāraṃ trihastena samāhitam || 246 ||
[Analyze grammar]

evaṃ dhyāyetattrisandhyāyāṃ yajñeśaṃ paramaṃ harim |
trisandhyamekasandhyaṃ vā yajñeśaṃ pūjayed dvijaḥ || 247 ||
[Analyze grammar]

sarvān kāmānavāpnoti sarvayajñaphalaṃ labhet |
dhyānenotpadyamānena samyagjñānamavāpyate || 248 ||
[Analyze grammar]

tasmātsarvaprayatnena yajñeśaṃ pūjayed dvijaḥ |
yajñeśastvadhunā prokto vedamūrtimatho śrṛṇu || 249 ||
[Analyze grammar]

śyāmaṃ parvatasaṃkāśaṃ caturbāhuṃ kirīṭinam |
sarvāvayavasaṃpūrṇaṃ sarvābharaṇabhūṣitam || 250 ||
[Analyze grammar]

śaṅkhacakragadāpāṇiṃ triṇetraṃ bhīmarūpiṇam |
pītāmbarasamāyuktaṃ sarvāpalaṃkārasaṃyutam || 251 ||
[Analyze grammar]

sarvavedamayaṃ sūkṣmaṃ guhyādguhyamanuttamam |
vedamūrtirmayā proktā hetinyāsamatho śrṛṇu || 252 ||
[Analyze grammar]

asya dakṣiṇahastordhve cakraṃ kālānalaprabham |
cāpaṃ cādharahaste tu vinyasettu mahāmune || 253 ||
[Analyze grammar]

savyapārśvordhvahaste tu pāñcajanyamadho gadām |
evaṃ cāyudhavinyāsaṃ śriyādīnāmatha śrṛṇu || 254 ||
[Analyze grammar]

taptajāmbūnadamayīṃ caturhastasamanvitām |
sarvāvayavasaṃpūrṇāṃ sarvābharaṇabhūṣitām || 255 ||
[Analyze grammar]

sarvaśaktisamopetāṃ makuṭādivirājitām |
sarvālaṃkārasaṃyuktāṃ sarvaratnavirājitām || 256 ||
[Analyze grammar]

raktapadmadharāṃ devīṃ raktāmbarasamanvitām |
padmāsanasamāyuktāṃ sākṣāddevīṃ haripriyām || 257 ||
[Analyze grammar]

sarvālaṃkārasaṃyuktāṃ sarvaratnavirājitām |
śaṅkhacakrāmbujadharāṃ lakṣmīmevaṃ tu cintayet || 258 ||
[Analyze grammar]

dakṣiṇordhvakare cakramadhaḥ padmaṃ virājitam |
vāme śaṅkhamadhaḥ padmaṃ varadaṃ vābhayaṃ tu vā || 259 ||
[Analyze grammar]

evaṃ dhyāyenmuniśreṣṭha svatantrārcāvidhānake |
paratantre tu vakṣyāmi lakṣaṇaṃ puṣṭisaṃyutam || 260 ||
[Analyze grammar]

śaṅkhacakraṃ vyapohyaiva śriyaṃ puṣṭiṃ tu kalpayet |
dvibhujāṃ kanakābhāsāṃ śriyaṃ vinyasya dakṣiṇe || 261 ||
[Analyze grammar]

puṣṭiṃ vāme nyasettasyāḥ lakṣaṇaṃ śrṛṇu nārada |
dūrvāśyāmāṃ suraktāṃ vā dvibhujāṃ paṅkajānanām || 262 ||
[Analyze grammar]

sarvāvayavasaṃpūrṇāṃ makuṭādivirājitām |
raktapadmordhvagāṃ devīṃ sarvābharaṇabhūṣitām || 263 ||
[Analyze grammar]

divyamālyāmbaradharāṃ divyaratnavirājitām |
raktapadmakarāṃ devīṃ dhyāyet puṣṭiṃ haripriyām || 264 ||
[Analyze grammar]

evaṃ dhyātvā muniśreṣṭha kārayet sumanoramām |
evaṃ puṣṭiṃ tu saṃcintya sarvaduḥkhāghanāśinīm || 265 ||
[Analyze grammar]

medhāmūrtimatho vakṣye sarvavidyāpradāyinīm |
raktapadmadalaprakhyāṃ padmāsanagatāṃ śubhām || 266 ||
[Analyze grammar]

sarvalakṣaṇasaṃpannāṃ sarvābharaṇabhūṣitām |
dvibhujāṃ dvidṛśāṃ devīṃ medhāṃ makuṭadhāriṇīm || 267 ||
[Analyze grammar]

medhā caiva mayā proktā vāgdevīmadhunā śrṛṇu |
śuddhasphaṭikasaṃkāśāṃ śvetapadmagatāṃ śubhām || 268 ||
[Analyze grammar]

padmāsanasamopetāṃ caturhastasamanvitām |
śvetāmbarasamāyuktāṃ muktābharaṇabhūṣitām || 269 ||
[Analyze grammar]

tridṛśāṃ dvidṛśāṃ vāpi hyakṣamālādharāṃ śubhām |
vyākhyānapustakāyuktāṃ vāgdevīṃ makuṭānvitām || 270 ||
[Analyze grammar]

evaṃ sarasvatīṃ dhyāyet sarvadevīmayīṃ parām |
paratantravidhānaṃ cet pravakṣyāmi sarasvatīm || 271 ||
[Analyze grammar]

sarvalakṣaṇasaṃpannāṃ sarvāvayavaśābhitām |
sarvābharaṇasaṃyuktāṃ dvibhujāṃ dvidṛśāṃ parām || 272 ||
[Analyze grammar]

viśeṣaścātra saṃproktaḥ śeṣaṃ pūrvavadācaret |
ityevaṃ paratantre tu lakṣaṇaṃ paripaṭhyate || 273 ||
[Analyze grammar]

gaṇanāvalayaṃ cordhve vāmasyordhve kamaṇḍalum |
pustakaṃ cādhare haste sarvavidyārṇavāmṛtam || 274 ||
[Analyze grammar]

pratipādanamudrāṃ ca dakṣiṇādharahastake |
paratantre muniśreṣṭa padmahastāṃ śubhānanām || 275 ||
[Analyze grammar]

aṅghripārśveṃ'śukaṃ gṛhya evaṃ vāṇīṃ prakalpayet |
evaṃ saṃkṣepataḥ proktaṃ durgāmūrtimatho śrṛṇu || 276 ||
[Analyze grammar]

śyāmādriśikharākārāṃ triṇetrāṃ paṅkajānanām |
dvinetrāṃ vā muniśreṣṭha caturhastāṣṭakaṃ tu vā || 277 ||
[Analyze grammar]

sarvāvayavasaṃpūrṇāṃ makuṭādivirājitām |
śaṅkhacakrābhayabhujāṃ padmasyopari saṃsthitām || 278 ||
[Analyze grammar]

durgāṃ caivaṃ mayā proktāṃ hetinyāsamatho śrṛṇu |
dakṣiṇordhvakare cakramabhayaṃ cāpare kare || 279 ||
[Analyze grammar]

vāmordhve kambu vinyasya hyadhastāt kaṭihastakam |
evaṃ caturbhuje prokta aṣṭahaste tvatho śrṛṇu || 280 ||
[Analyze grammar]

tasya dakṣiṇahastordhve cakraṃ kālāgnisaṃnibham |
asyādhare tu śaṅkhaḥ syāt khaṅgaṃ cādharadoṣṇi tu || 281 ||
[Analyze grammar]

sa śūlaṃ vidrumaprakhyaṃ vinyasedapare śubhe |
evaṃ dakṣiṇapārśve tu proktaṃ vāme tvatha śrṛṇu || 282 ||
[Analyze grammar]

cāpo vāmordhvahaste syāt hyadhastācchaṅkha eva tu |
parighopyadhare haste gadā caivāpare kare || 283 ||
[Analyze grammar]

evaṃ saṃkṣepataḥ proktāṃ mahiṣāntakarī śubhā |
atra kaścidviśeṣo'sti durgāpūjāvidhikrame || 284 ||
[Analyze grammar]

saṃhitāṃ tu kare gṛhya pūjayedvidhicoditam |
viśeṣaścātra saṃproktaḥ śeṣaṃ sādhāraṇaṃ smṛtam || 285 ||
[Analyze grammar]

vighneśaṃ vaiṣṇavaṃ vakṣye sarvavighnopanāśanam |
utpattilakṣaṇaṃ cāsya saṃkṣepācchṛṇu nārada || 286 ||
[Analyze grammar]

nārāyaṇāṃśakaṃ sākṣādākāśātmakamavyayam |
hastivaktrasamāyuktaṃ līlayāgnau samudbhavam || 287 ||
[Analyze grammar]

duṣṭapradhvaṃsanārthāya yāgāgnau paramaṃ harima |
atastallakṣaṇaṃ vakṣye viviktena śrṛṇu kramāt || 288 ||
[Analyze grammar]

śvetaṃ kṛṣṇaṃ tathā śyāmaṃ raktaṃ vā munisattama |
saṃjñātvā lakṣaṇopetaṃ kārayeddhastivaktrakam || 289 ||
[Analyze grammar]

sarvāvayavasaṃpūrṇaṃ sarvābharaṇabhūṣitam |
caturbāhuṃ dvinetraṃ ca triṇetraṃ vātra kārayet || 290 ||
[Analyze grammar]

nāgayajñopavītāṅgaṃ śvetāmbarasamanvitam |
śaṅkhacakrasamāyuktaṃ varadaṃ raśanāṅkuśam || 291 ||
[Analyze grammar]

vinyasenmuniśārdūla karturicchāvaśāt kramāt |
kārayedyāgavighnasya nāśārthaṃ vighnanāyakam || 292 ||
[Analyze grammar]

dakṣiṇe'sya nyaseccakramabhayaṃ tvapare bhuje |
vāme śaṅkhaṃ nyasedūrdhve hyadhastāllakuṭaṃ nyaset || 293 ||
[Analyze grammar]

evaṃ cakrādisaṃproktamaparaṃ cādhunā śrṛṇu |
dakṣiṇe paraśuṃ nyasya hyadhaḥ pāśāṅkuśaṃ nyaset || 294 ||
[Analyze grammar]

akṣamālāṃ nyasedvāme pāśaṃ cādharadoṣaṇi |
vinyasenmuniśārdūla hastivaktrāgrake phalam || 295 ||
[Analyze grammar]

dviprakāraṃ mayā proktaṃ vighneśāyudhakaṃ bhavet |
vinyasenmuniśārdūla sādhakecchānurūpataḥ || 296 ||
[Analyze grammar]

svatantre paratantre ca rūpamevaṃ tu cintayet |
ākhustadvāhanaṃ proktaṃ garuḍaṃ vāgrataḥ smaret || 297 ||
[Analyze grammar]

nārāyaṇāṃśakatvācca proktastatra khageśvaraḥ |
gaṇānāṃ tu tryṛcā tatra vighneśaṃ yo'rcayed dvijaḥ || 298 ||
[Analyze grammar]

sarvān kāmānavāpnoti rājñastu vijayo bhavet |
atra kaścidviśeṣo'sti śrṛṇu tvaṃ munipuṅgava || 299 ||
[Analyze grammar]

vimānalakṣaṇaṃ caiva pratimādravyameva ca |
pratimālakṣaṇaṃ caiva parivārasya lakṣaṇam || 300 ||
[Analyze grammar]

pūjanādīni sarvāṇi mūrtīnāṃ munipuṅgava |
sādhāraṇakramaṃ jñātvā ādimūrtivadācaret || 301 ||
[Analyze grammar]

paramātmādimūrtīnāṃ vighneśāntaṃ mahāmune |
svatantre paratantre ca pūjayet svasvavidyayā || 302 ||
[Analyze grammar]

vāmanaṃ vighnarājaṃ ca svatantraṃ cenmunīśvara |ś |
ekaberaṃ tu saṃsthāpya pūjayettu dine dine || 303 ||
[Analyze grammar]

ṣaṅberaṃ vā triberaṃ vā saṃsthāpya vidhinā mune |
neṣyante'tra śriyādīni śaktisthāpanakaṃ param || 304 ||
[Analyze grammar]

viśeṣaścātra saṃproktaḥ śeṣaṃ sādhāraṇaṃ bhavet |
lakṣmīṃ puṣṭiṃ ca vāgdevīṃ medhāṃ durgāṃ ca tatra vai || 305 ||
[Analyze grammar]

svatantre paratantre ca pūjayet svasvavidyayā |
viśeṣaścātra saṃproktaḥ pūjābhedamataḥ śrṛṇu || 306 ||
[Analyze grammar]

mūrtīnāṃ tu pravakṣyāmi prāsādādīni pūrvavat |
paramātmādimūrtīnāṃ pūjābhedaviśeṣakam || 307 ||
[Analyze grammar]

śayane sati mūlārcā karmārcā cāsanaṃ bhavet |
sthānakaṃ vāpi kurvīta tadberaṃ tu caturbhujam || 308 ||
[Analyze grammar]

baliberaṃ tathā kuryādutsave snapane tathā |
sthānakasyaivameva syāt yānakaṃ vāpi kārayet || 309 ||
[Analyze grammar]

āsīne tu mahābere sarvamāsīnameva vā |
sthānakaṃ vāpi kurvīta sarvamevaṃ caturbhujam || 310 ||
[Analyze grammar]

matsyādidaśamūrtīnāṃ pūjābimbaṃ caturbhujam |
mūlabere tu yat proktaṃ tathaiva munisattama || 311 ||
[Analyze grammar]

avatāre'tha vā kuryādarcanāberamatra vai |
atra kaścidviśeṣo'sti matsyādīnāṃ tu nārada || 312 ||
[Analyze grammar]

pravakṣyāmi muniśreṣṭha śrṛṇu matsyādikān kramāt |
bahirāvaraṇe kuryāt avatārālayaṃ budhaḥ || 313 ||
[Analyze grammar]

maṇḍape gopure vāpi prākāre vā svatantrake |
sarvakāmapradaṃ puṇyamāyurārogyavardhanam || 314 ||
[Analyze grammar]

jayalakṣmīvivṛddhyarthaṃ svatantraparatantrayoḥ |
avatārārcanaphalaṃ lokeṣu paripaṭhyate || 315 ||
[Analyze grammar]

parvate vā vane vāpi grāme vā nagare'pi vā |
kārayellakṣaṇopetān yathāvattatkramānmune || 316 ||
[Analyze grammar]

svatantreṇaiva vā cāsmin paratantreṇa vā mune |
kārayet pratimāṃ tatra pūrvoktadravyasaṃyutam || 317 ||
[Analyze grammar]

saṃsthāpya vidhivatteṣāṃ pūjayettu dine dine |
svatantrārcāvidhāne tu mūrtibhedavidhiṃ śrṛṇu || 318 ||
[Analyze grammar]

balibimbotsavādīṃśca vāsudevādikān nayet |
mūlamūrtyanusāraṃ tu na kuryādvāvatārake || 319 ||
[Analyze grammar]

yajamānecchayā cāsmin yathākāmaṃ samācaret |
parivārāṇi sarvāṇi pūrvavat kramayogataḥ || 320 ||
[Analyze grammar]

kalpayedavatārāṇaṃ svatantrārcāvidhānake |
dvārādyāvaraṇān sarvān kuryāccaiva svatantrake || 321 ||
[Analyze grammar]

yuktyā yuktiviśeṣeṇa kriyate cātra buddhimān |
evamuktaprakāreṇa pratimāṃ kurute yadi || 322 ||
[Analyze grammar]