Chapter 10

daśamo'dhyāyaḥ |
nāradaḥ |
pratimālakṣaṇa kiṃ vā mūrtibhedasya lakṣaṇam |
kathaṃ vā sūryavinyāso vada me vadatāṃ vara || 1 ||
[Analyze grammar]

viṣvaksenaḥ |
sādhu sādhu mahāprājña praśnametajjagaddhitam |
ādarāt pratimāṃ yatnāt śrṛṇuṣvāvahito bhavā || 2 ||
[Analyze grammar]

paramātmā bhavedādau dvitīye vāsudevakaḥ |
saṃkarṣaṇastṛtīyaḥ syāt pradyumnastu caturthakaḥ || 3 ||
[Analyze grammar]

pañcamastvaniruddhastu etāścaivādimūrtayaḥ |
catūrmūrtikramāccoktāḥ daśamūrtikramaṃ śrṛṇu || 4 ||
[Analyze grammar]

matsyaḥ kūrmo varāhaśca nārasiṃho'tha vāmanaḥ |
jāmadagnyaśca rāmaśca balaḥ kṛṣṇaḥ surārcitaḥ || 5 ||
[Analyze grammar]

kalkirvi ṣṇuriti proktaḥ daśamūrtikramastava |
bhedaṃ dvādaśamūrtīnāṃ kathayāmi tavānagha || 6 ||
[Analyze grammar]

keśavaḥ prathamasteṣāṃ mune nārāyaṇaḥ param |
mādhavo'nyo'tha govindo viṣṇuḥ syānmadhusūdanaḥ || 7 ||
[Analyze grammar]

trivikramo bhavennāmnā vāmanaḥ śrīdharastathā |
hṛṣīkeśo bhavedanyaḥ padmanābhastataḥ param || 8 ||
[Analyze grammar]

ataḥ smṛtaṃ bhavedbrahmamūrtirasmin mahāmune |
dāmodara imaṃ tatvaṃ śrīmūrtiṃ vadataḥ śrṛṇu || 9 ||
[Analyze grammar]

viśvarūpo bhavedeko yajñamūrtirdvitīyakaḥ |
tṛtīyo vedamūrtiḥ syāditi mūrtitrayaṃ bhavet || 10 ||
[Analyze grammar]

śriyādimūrtibhedaṃ te vakṣyāmi munisattama |
śrīmūrtiḥ prathamoddiṣṭā puṣṭimūrtistataḥ param || 11 ||
[Analyze grammar]

medhāsarasvatīdurgāvighneśāśca śriyādiṣaṭ |
śriyādibhedamevaṃ syādvakṣyāmyaṅgulimānataḥ || 13 ||
[Analyze grammar]

tilāṣṭakaṃ yavaḥ prokto yavāṣṭāvaṅgulī smṛtā |
vrīhitrayocchritaṃ vāpi yavāṣṭau tiryageva vā || 14 ||
[Analyze grammar]

athavāṅgulimānaṃ tu śrṛṇu mattastapodhana |
deśikāṅgulimadhyasya madhyarekhāsamā mune || 15 ||
[Analyze grammar]

madhyaṃ madhyakarasyātha karamadhyāṅgulestataḥ |
madhyaparvasamāvṛttirmune mātrāṅgulaṃ ca tat || 16 ||
[Analyze grammar]

iti tridhā ṅguliḥ proktā tāsviṣṭāṅgulinā mune |
vimānasyāpi berasya mānaṃ kāryaṃ tathādhunā || 17 ||
[Analyze grammar]

athāṣṭamaṅgralānāṃ ca sruksruvayostoraṇasya vā |
vedyāmaṇḍapakuṇḍasya vidhāne samidhaśca vai || 18 ||
[Analyze grammar]

snapanasya caivamādaitān vidhau deśikaḥ supari |
śuddhamātrāṅgulapramāṇairmedhā vidhinā |
prayatnato matimān || 19 ||
[Analyze grammar]

athavā vai hi devarṣe mānamārgavidhānataḥ |
aṣṭamaṅgalakādīnāṃ mānārthaṃ vadato mune || 20 ||
[Analyze grammar]

ācāryahastasya kaniṣṭhikādyaiḥ caturbhirevāṅgulibhirmaharṣe |
madhyamāṅgulermadhyamaparvabhāge tiryagvisarpadbhiriheva meyam || 21 ||
[Analyze grammar]

dvādaśāṅgulamānaṃ hi tālamityabhidhīyate |
tāladvayaṃ bhaveddhastamiti mānavido viduḥ || 22 ||
[Analyze grammar]

ityuktaṃ trividhaṃ mānamaṅgulīnāṃ prabhedataḥ |
pratimālakṣaṇaṃ vakṣye śrṛṇuṣvāvahitaḥ sadā || 23 ||
[Analyze grammar]

beramānaṃ vimānādvā dvāramānena vā punaḥ |
garbhamānena vā jñeyaṃ mūlaberapramāṇataḥ || 24 ||
[Analyze grammar]

mūlaprāsādavistāraṃ yadbāhyeṣu pramāṇataḥ |
tasyārdhaṃ śreṣṭhamityuktaṃ tadardhaṃ madhyamaṃ smṛtam || 25 ||
[Analyze grammar]

tadardhamadhamaṃ prāhuḥ pratimotsedhamatra vai |
evaṃ prāsādamānaṃ tu dvāramānamataḥ śrṛṇu || 26 ||
[Analyze grammar]

dvārāt pādādhikaṃ śreṣṭhaṃ dvāramānaṃ tu madhyamam |
dvārasya pādahīnaṃ yadadhamaṃ pratimocchrayam || 27 ||
[Analyze grammar]

garbhamānaṃ pravakṣyāmi śrṛṇu nārada tattvataḥ |
tripādadvayadīrghaṃ vā pratimā sottamā smṛtā || 28 ||
[Analyze grammar]

pañcabhāgasamottuṅgaṃ pratimā madhyamā tu sā |
garbhagehārdhatuṅgā yā sāvarā pratimocchrayā || 29 ||
[Analyze grammar]

garbhamānamiti proktaṃ citraṃ cāpyardhacitrakam |
citrābhāsavidhiśceti śrṛṇu nārada sāṃpratam || 30 ||
[Analyze grammar]

kālayogapramāṇena kartavyā pratimā śubhā |
citraṃ cāpyardhacitraṃ ca citrābhāsaṃ tathaiva ca || 31 ||
[Analyze grammar]

trividhaṃ pratimākarma śāstrajñāḥ saṃpracakṣate |
dṛśyate'vayavā yatra pratimāyāṃ samantataḥ || 32 ||
[Analyze grammar]

mānonmānapramāṇābhiḥ taccitramiti paṭhyate |
śilāgatāyā yasyāstu pṛṣṭhabhāgo na dṛśyate || 33 ||
[Analyze grammar]

mānapramāṇasaṃyuktā sārdhacitramiti smṛtā |
yā sthitālekhyarūpeṇa likhitāpi śilpibhiḥ || 34 ||
[Analyze grammar]

mānapramāṇasaṃyuktā sā citrābhāsa ucyate |
uttamaṃ tu phalaṃ citraṃ madhyamaṃ cārdhacitrakam || 35 ||
[Analyze grammar]

ālekhyamadhamaṃ proktaṃ pratiṣṭhā karmaṇi kramāt |
ityuktaṃ pratimākarma śrṛṇu pīṭhavidhiṃ mune || 36 ||
[Analyze grammar]

berocchrāyaṃ tridhā kṛtvā bhāgaikaṃ pīṭhikocchrayam |
caturbhāgaikabhāgaṃ tu cāsane sthānakocchrayam || 37 ||
[Analyze grammar]

athavā pīṭhamevaṃ vā śrṛṇu nārada sāṃpratam |
pādapadmaṃ bhavetphullamaṣṭapatraṃ sakarṇikam || 38 ||
[Analyze grammar]

dvārāt pādāṃśavistāraṃ tāvadutsedhasaṃyutam |
tasya nālaṃ bhavedvṛttaṃ caturaśraṃ tu vā punaḥ || 39 ||
[Analyze grammar]

vṛttaṃ śiva iti proktaṃ caturaśraṃ pitāmahaḥ |
hastamātraṃ tadāyāmaṃ tanmānaṃ nāha ucyate || 40 ||
[Analyze grammar]

sthānakasyedamākhyātamāsanasyādhunocyate |
garbhadvārayugāṃśaṃ tu pādapadmocchrayaṃ bhavet || 41 ||
[Analyze grammar]

tāvadāyāmavistāraḥ pūrvavaccheṣamucyate |
etadyāne na śayane kāryaṃ naiva kadācana || 42 ||
[Analyze grammar]

ityuktaṃ mūlaberādibimbānāṃ lakṣaṇaṃ mune |
lakṣaṇaṃ cāsanasyāpi tavedānīṃ pradarśitam || 43 ||
[Analyze grammar]

ata ūrdhvaṃ pravakṣyāmi karmārcāyāstu lakṣaṇam |
mūlaberasya dīrghasya tribhāgaikaṃ tu kautukam || 44 ||
[Analyze grammar]

vedabhāgaikabhāgaṃ vā bhūtabhāgaikabhāgakam |
śreṣṭhamadhyamahīnaṃ tu trividhaṃ kautukaṃ bhavet || 45 ||
[Analyze grammar]

vedabhāgaikabhāgaṃ vā bhūtabhāgaikabhāgakam |
śreṣṭhamadhyamahīnaṃ tu trividhaṃ kautukaṃ bhavet || 45 ||
[Analyze grammar]

athavā kuru karmārcāṃ mūlaberasya sāṃpratam |
mūlaberāyatārdhe tu bhūtabhāgaikabhāgakam || 46 ||
[Analyze grammar]

utsavapratimāyāmaṃ snapanasya tathā bhavet |
tadguṇāṃśaikabhāgaṃ tu baliberocchrayaṃ bhavet || 47 ||
[Analyze grammar]

karmārcāyāḥ pramāṇaṃ vā kuryādvā lakṣaṇaṃ bhavet |
uktairlohaiḥ kṛtā puṇyānuktairlohaiḥ kṛtāśubhā || 48 ||
[Analyze grammar]

triguṇāṣṭāṅgulotsedhamathavāṣṭadaśāṅgulam |
ṣoḍaśāṅgulakaṃ vāpi dvādaśāṅgulameva vā || 49 ||
[Analyze grammar]

athavāṣṭāṅgulotsedhaṃ balibimbamathocyate |
pādādhikadaśaikaṃ tu dviraṣṭāṅgulinā mune || 50 ||
[Analyze grammar]

balibimbocchrayaṃ kṛtvā cottamaṃ parikīrtitam |
ekādaśāṅgulotsedhaṃ madhyamaṃ balikautukam || 51 ||
[Analyze grammar]

aṣṭāṅgulaṃ vā kurvīta balibimbādhamaṃ smṛtam |
tīrthabimbaṃ tathaiva syāditi śāstrasya niścayaḥ || 52 ||
[Analyze grammar]

hīnamānaṃ na kartavyaṃ mūlabimbāt kadācana |
ṣaḍaṅgulāyatā caiva naiva kāryā vijānatā || 53 ||
[Analyze grammar]

mūlaberatribhāgaikamutsavapratimā bhevat |
utsavapratimāyāmāṃ snapanārcāṃ tu kārayet || 54 ||
[Analyze grammar]

iti karmārcanādīnāṃ vividhi mānamīritam |
vidhyācāravidhānena yathāyogaṃ samācaret || 55 ||
[Analyze grammar]

ata ūrdhvaṃ pravakṣyāmi svārthārcāyāstu lakṣaṇam |
lohajā maṇijā vāpi rājatā tāmranirmitā || 56 ||
[Analyze grammar]

etāḥ praśastā viprāṇāṃ kṣatriyasya suvarṇajā |
rājatā vāpi vaiśyasya rājatā tāmrakā śubhā || 57 ||
[Analyze grammar]

śūdrasya tāmrakairvā syāt sarveṣāṃ vāpi tāmrajā |
lohajāḥ pratimāḥ proktāḥ nirdoṣāḥ samudāhṛtāḥ || 58 ||
[Analyze grammar]

ratnajāstrividhāḥ proktāḥ saumyāgneyī sameti ca |
śaśikāntamayī saumyā sūryakāntamayī parā || 59 ||
[Analyze grammar]

sphaṭiketi samā proktā pūrvā pūrvottamottamā |
dvyaṅgulaṃ tu yadutsedhamathavā caturaṅgulam || 60 ||
[Analyze grammar]

aṅgulitrayamānena maṇibimbamihocyate |
evamātmārthabimbānāṃ lakṣaṇaṃ viddhi pūrvakam || 61 ||
[Analyze grammar]

pūrvaṃ karmārcanādīnāmuttamāditri bhedataḥ |
uktaṃ hi lakṣaṇaṃ tena cātmārthe'pi bhavedvidhiḥ || 62 ||
[Analyze grammar]

phalakāyāṃ paṭe kuḍye likhitānāṃ tu lakṣaṇam |
karmārcālakṣaṇa yadvattadvaduktaṃ pramāṇakam || 63 ||
[Analyze grammar]

atra kiṃci dviśeṣo'sti kramukādyena vā punaḥ |
pālāśena tu bilvena khādireṇa tu vā punaḥ || 64 ||
[Analyze grammar]

udumbareṇa vā paścāt vakulena mahāmune |
panasena drumeṣveṣu labdhena tu viśeṣataḥ || 65 ||
[Analyze grammar]

dvyaṅgulaṃ tu ghanaṃ caiva caturaṅgulamāyatam |
caturaśraṃ tu vā vṛttaṃ mekhalātrayasaṃvṛ tam || 66 ||
[Analyze grammar]

tasyo pari likhedabjamaṣṭapatraṃ tu vā punaḥ |
dalairdvādaśabhiryuktaṃ sarvaśobhāsamanvitam || 67 ||
[Analyze grammar]

karṇikāyāṃ nyaset tasya navaratnaṃ viśeṣataḥ |
tasmin vā karṇikāgre vā phalakādiṣu karṇikām || 68 ||
[Analyze grammar]

āvāhya pūjayeddevamātmārthayajanaṃ prati |
mūlaberādibimbānāṃ sthānabhedaṃ mune śrṛṇu || 61 ||
[Analyze grammar]

prāsādasya tu garbhāṃśe saptabhāgaṃ gī kṛte mune |
puṭā nyekonapañcāśattanmadhyaṃ brāhmamucyate || 70 ||
[Analyze grammar]

tadbāhye devabhāgaḥ syāt tadbāhye mānuṣaṃ bhavet |
paiśācaṃ tadbahirjñeyaṃ sthānabhedamudīritam || 71 ||
[Analyze grammar]

brāhme syādarcanaṃ pīṭhamiti beraṃ tathā mune |
bahuberapratiṣṭhā ca pīṭhikā cāmarāṃśake || 72 ||
[Analyze grammar]

mānuṣe parivārāśca paiśāce hetayaḥ smṛtāḥ |
āsane yadi kartavye mānuṣe kiṃcidāśrayet || 73 ||
[Analyze grammar]

daive ca mānuṣe caiva kurvīta śayanakriyām |
uktasthānaṃ vinā tatra yadi kuryāt pramādataḥ || 74 ||
[Analyze grammar]

maṇḍaleśasya rājñaśca sthāpakaśca vipaddhruvam |
na phalanti kriyāstatra nātra kāryā vicāraṇā || 75 ||
[Analyze grammar]

yajamānasya putro vā mriyate nātra saṃśayaḥ |
durbhikṣaṃ jāyate ghoraṃ sarvaṃ rāṣṭraṃ vinaśyati || 76 ||
[Analyze grammar]

tasmāt sarvaprayatnena sthāpayet pratimādikam |
nityotsavādibimbānāṃ sthānaṃ nārada kathyate || 77 ||
[Analyze grammar]

sthāpayedbalibimbaṃ tu karmārcādakṣiṇe sudhīḥ |
snānabimbaṃ tu yatnena balibimbasya dakṣiṇe || 78 ||
[Analyze grammar]

utsavapratimāsthānaṃ karmārcāvāmapārśvataḥ |
utsavapratimāvāme yātrā bimbasya caiva hi || 79 ||
[Analyze grammar]

saṃsthāpayet krameṇaiva deśikastantravittamaḥ |
anyathāsthāpite kartā mahadbhayamavāpnuyāt || 80 ||
[Analyze grammar]

rājā kalahamāpnoti grāmaścāpi vinaśyati |
iti nityotsavādyarcāsthānabhedaḥ pradarśitaḥ || 81 ||
[Analyze grammar]

atha vā mūlaberādibimbānāṃ lakṣaṇaṃ śrṛṇu |
mūlaberaṃ tu karmārcā nityotsavamataḥ param || 82 ||
[Analyze grammar]

mahotsavaṃ tu devarṣe snapanārcā tathaiva ca |
taruṇālayamityuktaṃ pratimāṣaṭkamīritam || 83 ||
[Analyze grammar]

ityamīṣāṃ pramāṇāni śrṛṇu nārada sāṃpratam |
ṣaṇṇavatyaṅgulāyāmo uttamasyocchrayo bhavet || 84 ||
[Analyze grammar]

itaḥ pakṣāṅgulairhīno madhyamasyocchrayo bhavet |
ekapañcāśadityuktaḥ adhamasyocchrayo bhavet || 85 ||
[Analyze grammar]

ityuktamādiberāṇāmutsedho trividhastviti |
ekaberapratiṣṭhāyāmadhamaṃ beramucyate || 86 ||
[Analyze grammar]

karmārcā nottamaṃ mānamuktaṃ tanmānato bhavet |
iti śailamayī yatra sthāpyate pratimā mune || 87 ||
[Analyze grammar]

ekaberavidhānena tatrāyaṃ vidhirucayate |
ityekabahuberāṇāmuktamutsedhalakṣaṇam || 88 ||
[Analyze grammar]

utsedhasyānurūpeṇa kāryaṃ vistārakaṃ mune |
bahuberapratiṣṭhāyāṃ devīnāṃ lakṣaṇaṃ śrṛṇu || 89 ||
[Analyze grammar]

devasya bāhumūlāntaṃ devīnāmiti cocchrayam |
stanāntaṃ vā muniśreṣṭha cocchrayaṃ paripaṭhyate || 90 ||
[Analyze grammar]

devīnāṃ dakṣiṇe haste padmaṃ mukulakaṃ nyaset |
padmaṃ tu vāmahaste syāt mahadbhayamavāpnuyāt || 91 ||
[Analyze grammar]

rājā kalahamāpnoti tasmādyatnena varjayet |
ita ūrdhvaṃ pravakṣyāmi karmārcāderathocchrayam || 92 ||
[Analyze grammar]

caturviṃśatimānaṃ tu uttamaṃ viddhi nārada |
dvādaśāṅgulamāyāmaṃ madhyamaṃ berameva vai || 93 ||
[Analyze grammar]

aṣṭāṅgulāyataṃ yattadadhamaṃ parikīrtitam |
nityotsavasya bimbasya dvādaśāṅgulamāyatam || 94 ||
[Analyze grammar]

aṣṭāṅgulamatho vāpi caturaṅgulameva vā |
evaṃ jñātvā muniśreṣṭha kārayedbalikotukam || 95 ||
[Analyze grammar]

mahotsavasya dvāviṃśaccai kaṃ vā dīrdha ucyate |
adhyardhāṅgulahīnaṃ vā aṅguladvayahīnakam || 96 ||
[Analyze grammar]

trayāṅgulavi hīnaṃ vā cotsavasya mahāmune |
ita ūrdhvaṃ tu kartavyaṃ hīnādhikyaṃ tu nārada || 97 ||
[Analyze grammar]

tīrthārthaṃ snapanārthaṃ caivo tsavārthaṃ tathaiva ca |
mūrtyabhāve muniśreṣṭha bimbenaikena cāpyalam || 98 ||
[Analyze grammar]

asya bimbasya vakṣyāmi lakṣaṇaṃ śrṛṇu nārada |
viṃśatyaṅgulamānaṃ yaduttamaṃ parikīrtitam || 99 ||
[Analyze grammar]

ṣoḍaśāṅgulamānaṃ yat madhyamaṃ saṃpracakṣate |
dvādaśāṅgulamānaṃ yadadhamaṃ paricakṣate || 100 ||
[Analyze grammar]

ata ūrdhvaṃ śrṛṇuṣvānyat taruṇālayamuttamam |
ṣoḍaśāṅgulamānaṃ yaduttamaṃ beramucyate || 101 ||
[Analyze grammar]

dvādaśāṅgulamānaṃ yanmadhyamaṃ beramucyate |
aṣṭasaptāṅgulirvāpi caturaṅgulireva vā || 102 ||
[Analyze grammar]

kārayellakṣaṇopetamadhamaṃ paricakṣate |
ita ūrdhvaṃ pravakṣyāmi śrṛṇu nārada sāṃpratam || 103 ||
[Analyze grammar]

mūlaberādibimbānāṃ svarūpaṃ munisattama |
aṣṭabāhuṃ caturbāhuṃ dvibāhuṃ vātha nārada || 104 ||
[Analyze grammar]

yajamānecchayā kāryā mūlaberādayastviti |
sthānayānāsanaṃ vāpi śayanaṃ vā prakalpayet || 105 ||
[Analyze grammar]

atra kaścidviśeṣo'sti śayane munisattama |
aniruddhaṃ tathā padmanābhamūrtimathāpi vā || 106 ||
[Analyze grammar]

saṃjñātvā lakṣaṇopetaṃ śāyayedvidhicoditam |
yat kṛtvā mūlaberaṃ tu dvibhujaṃ ced dvijottama || 107 ||
[Analyze grammar]

karmārcanādibimbānāṃ lakṣaṇaṃ vā ca turbhujam |
mūlaberaṃ tu karmārcā dvibhujaṃ cenmunīśvara || 108 ||
[Analyze grammar]

bālādīnāṃ tu bimbānāṃ lakṣaṇaṃ vā ca turbhujam |
mahotsavasya bimbasya dvibhujaṃ vā caturbhujam || 109 ||
[Analyze grammar]

śayanasya mayā prokto viśeṣo munisattama |
evamuktaprakāreṇa pratimāṃ kārayet kramāt || 110 ||
[Analyze grammar]

mūlārcā cāṣṭabāhuścet karmārcādicaturbhujam |
dvibhujaṃ yadi cettatra sarvasaṃhārakāraṇam || 111 ||
[Analyze grammar]

tasmāt sarvaprayatnena dvibhujaṃ na prakalpayet |
aṣṭabāhvostu bimbasya śayanaṃ na prakalpayet || 112 ||
[Analyze grammar]

tathā matsyādimūrtīnāṃ śayanaṃ tu na kārayet |
śriyādivighnaparyantamūrtīnāṃ ca tathāvidhi || 113 ||
[Analyze grammar]

idaṃ tu tava vakṣyāmi guhyādguhyataraṃ mune |
yo'sau nārāyaṇaḥ sākṣāt sa hi vighneśa ucyate || 114 ||
[Analyze grammar]

yo'sau vighneśa ityuktaḥ so hi nārāyaṇaḥ smṛtaḥ |
vāsudevamayatvācca hyāvṛtatvānmahāmune || 115 ||
[Analyze grammar]

naiva jānanti tadbhedaṃ munayastatvadarśinaḥ |
idaṃ tu nāvamaṃ manye guhyādekaṃ tu nārada || 116 ||
[Analyze grammar]

devairabhihitajñānaṃ tava snehāt pradarśitam |
tasmāt śriyaṃ ca durgāṃ ca vāṇīṃ vighneśameva ca || 117 ||
[Analyze grammar]

svātantryeṇārcayeddhīmān sarvakāmārthasiddhaye |
śriyādīnāṃ tu boddhavyaṃ lakṣaṇaṃ tantravittamaiḥ || 118 ||
[Analyze grammar]

tasmācchriyādimūrtīnāṃ svātantrye tu parārthake |
uktamātmārthapūjāyāṃ pūrvavallakṣaṇaṃ bhavet || 119 ||
[Analyze grammar]

mūlaberasya bāhvanta utsedho lakṣmaṇasya tu |
bharatasya tathotsedha iti tantre vidurbudhāḥ || 120 ||
[Analyze grammar]

lakṣmaṇasyāpi bāhvantaḥ śatrughnasyocchrayo bhavet |
ātmārthayajanaṃ vakṣye śrṛṇu nārada tatvataḥ || 121 ||
[Analyze grammar]

ṣoḍaśāṅgulamu tsedha uttamaṃ saṃpracakṣate |
madhyamaṃ tu tadardhaṃ syāt dvyaṅgulaṃ tu kanīyasam || 122 ||
[Analyze grammar]

suvarṇādikṛtānāṃ ca lekhyānāṃ phalakādiṣu |
mānamevaṃ vijānīyādātmārthamiti kīrtitam || 123 ||
[Analyze grammar]

uktotsedhānurūpeṇa kāryaṃ vistāralakṣaṇam |
suvarṇādīni vastūni śrṛṇuṣvaiṣāṃ phalāni ca || 124 ||
[Analyze grammar]

hemarūpyaśca tāmraṃ ca rītiśailaṃ ca dhātavaḥ |
dāruśca mṛtpraśstāni pratimāpratipādane || 125 ||
[Analyze grammar]

dadyāt suvarṇajāpyāsāṃ puṣṭikīrtisukhaṃ nṛṇām |
raupyalohamayī sā tu sukhaṃ sarvatra yacchati || 126 ||
[Analyze grammar]

tāmrajā pratimā dadyāt putrapautradhanaṃ tu ve |
rājatākhilapāpāni kleśaduḥkhāni nirdahet || 127 ||
[Analyze grammar]

śailajā pratimā sākṣāt saubhāgyāyuḥ sukhāni ca |
dārujā pratimā dadyāt balārogyayaśāṃsi ca || 128 ||
[Analyze grammar]

mṛṇmayī sarvakāmānāṃ phaladātrī viśeṣataḥ |
iti bhedāni vastūni phalānyeṣāṃ ca nārada || 129 ||
[Analyze grammar]

pratimākaraṇe proktaṃ tava snehānmahāmune |
ata ūrdhvaṃ pravakṣyāmi śilāsaṃgrahaṇaṃ tava || 130 ||
[Analyze grammar]

dārusaṃgrahaṇaṃ caiva śūlasya sthāpanaṃ mune |
mṛtsaṃskārādi yatsarvamevamādyaṃ mahāmune || 131 ||
[Analyze grammar]

pūrvabhāge yathoddiṣṭaṃ tathā vai pañca kārayet |
athavā muniśārdūla śruṇuṣva pratimāvidhim || 132 ||
[Analyze grammar]

padmodbhavapurāṇoktavidhānena śilāgrahaḥ |
śilāgrahaṇapūrvaṃ yat mṛtsaṃskārāntameva tat || 133 ||
[Analyze grammar]

viśvakarmavidhānoktaṃ śilpalakṣaṇalakṣitam |
sādhakasyājñayā śilpī karma kuryāt samāhitaḥ || 134 ||
[Analyze grammar]

sarvalakṣaṇasaṃyuktaṃ sarvāvayavaśobhitam |
sarvābharaṇasaṃyuktaṃ prabhāmaṇḍalamaṇḍitam || 135 ||
[Analyze grammar]

pādādyavayavasaṃyuktaṃ bhūṣaṇairmakuṭena ca |
virājamānaṃ kurvīta sādhakaḥ śilpinā saha || 136 ||
[Analyze grammar]

kriyate darśanārthaṃ yadbhaktānāṃ bimbamuttamam |
tattasya lakṣaṇaṃ brūhi vaktuṃ sarvaṃ na śakyate || 137 ||
[Analyze grammar]

nāradaḥ |
devadeva jagannātha jñātaṃ sarvaṃ tvayoditam |
chindhi saṃśayamadya tvaṃ yanme manasi vartate || 138 ||
[Analyze grammar]

ekatra sthāpitaṃ bimbaṃ kimanyatrocitaṃ na vā |
etat kathaya me tena kṛtārthāḥ smo vayaṃ prabho || 139 ||
[Analyze grammar]

viṣvaksenaḥ |
śrṛṇu nārada vakṣyāmi sādhūktaṃ yat tvayādhunā |
guhyādguhyataraṃ caiva na prakāśyaṃ tapodhana || 140 || pañcarātreṇa yatpūrvaṃ vimāne yatpratiṣṭhitam |
tatrārcā yārcanāhīnā sā syāttacchāstranirmite || 141 ||
[Analyze grammar]

ananyatra kṛte dhāmni tatrārcā mandirāntare |
anyatantrakṛte na syāditi śāstrasya niścayaḥ || 142 ||
[Analyze grammar]

yatra yatra vimāne vai ekatantrapratiṣṭhite |
tatra tatra bhavedarcā na tantrāntarasaṃbhavā || 143 ||
[Analyze grammar]

ekatantrārcite bimbe mandire vā kadācana |
tantrāntarārcanā na syādyadi kuryānmahadbhayam || 144 ||
[Analyze grammar]

yatra yatra mune nātrā tantrasaṃkarasaṃbhavā |
tatra tatra mahān doṣo rājā rāṣṭraṃ ca naśyati || 145 ||
[Analyze grammar]

tasmāt sarvaprayatnena sarvalokahitaiṣiṇā |
yena na syāttathā kuryāt tantradoṣasamudbhavaḥ || 146 ||
[Analyze grammar]

nāradaḥ |
etāni varjitaiḥ sarvaiḥ kṛtaṃ cet tatphalaṃ prabho |
varjyabimbārcite kiṃ vā vadasva vadatāṃ vara || 147 ||
[Analyze grammar]

viṣvaksenaḥ |
mohādvātha bhayāllobhāt varji tābhiḥ śilādibhiḥ |
nirmitenaiva bimbādīn arcayennoditairapi || 148 ||
[Analyze grammar]

śilādyābhiḥ niṣiddhābhiḥ kuryādvā kārayedyadi |
utsannaṃ yāti tadgrāmaṃ bimbaṃ tadyāvadāsthitam || 149 ||
[Analyze grammar]

rājye'pi kalahaṃ brūyāt rājāpyatra vinaśyati |
tasmāt sarvaprayatnena niṣiddhaṃ varjayet sudhīḥ || 150 ||
[Analyze grammar]

iti saṃkṣepataḥ proktaṃ pratimālakṣaṇaṃ tava |
ata ūrghvaṃ pravakṣyāmi paramātmādibhedanam || 151 ||
[Analyze grammar]