Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XXIV
śrīvasiṣṭha uvāca |
mahānarakasāmrājye mattaduṣkṛtavāraṇāḥ |
āśāśaraśalākāḍhyā durjayā hīndriyārayaḥ || 1 ||
[Analyze grammar]
svāśrayaṃ prathamaṃ dehaṃ kṛtaghnā nāśayanti ye |
te kukāryamahākośā durjayāḥ svendriyārayaḥ || 2 ||
[Analyze grammar]
kalevarālayaṃ prāpya viṣayāmiṣagṛdhnukāḥ |
akṣagṛdhrā vivalganti kāryākāryograpakṣiṇaḥ || 3 ||
[Analyze grammar]
vivekatantujālena gṛhītā yena te śaṭhāḥ |
tasyāṅgāni na lumpanti pāśā nāgabalaṃ yathā || 4 ||
[Analyze grammar]
āpātaramaṇīyeṣu ramate viṣayeṣu yaḥ |
vivekadhanavānasminkukalevarapattane || 5 ||
[Analyze grammar]
indriyāribhirantasthairavaśo nābhibhūyate |
na tathā sukhitā bhūpā mṛnmayograpurījuṣaḥ || 6 ||
[Analyze grammar]
yathā svādhīnamanasaḥ svaśarīrapurīśvarāḥ |
ākrāntendriyabhṛtyasya sugṛhītamanoripoḥ || 7 ||
[Analyze grammar]
vasanta iva mañjaryo vardhante śuddhabuddhayaḥ |
prakṣīṇacittadarpasya nigṛhītendriyadviṣaḥ || 8 ||
[Analyze grammar]
padminya iva hemante kṣīyante bhogavāsanāḥ |
tāvanniśīthavetālā valganti hṛdi vāsanāḥ || 9 ||
[Analyze grammar]
ekatattvadṛḍhābhyāsādyāvanna vijitaṃ manaḥ |
bhṛtyo'bhimatakartṛtvānmantrī satkāryakāraṇāt || 10 ||
[Analyze grammar]
sāmantaścendriyākrāntermano manye vivekinaḥ |
lālanātsnigdhalalanā pālanātpāvanaḥ pitā || 11 ||
[Analyze grammar]
suhṛduttamaviśvāsānmano manye manīṣiṇām |
svālokitaḥ śāstradṛśā buddhyāntaḥ svānubhāvitaḥ || 12 ||
[Analyze grammar]
prayacchati parāṃ siddhiṃ tyaktvātmānaṃ manaḥpitā |
sudṛṣṭaḥ suparāmṛṣṭaḥ sudṛḍhaḥ suprabodhitaḥ || 13 ||
[Analyze grammar]
suguṇe yojito bhāti hṛdi hṛdyo manomaṇiḥ |
janmavṛkṣakuṭhārāṇi tathodarkodayāni ca || 14 ||
[Analyze grammar]
diśatyevaṃ manomantrī karmāṇi śubhakarmaṇi |
evaṃ manomaṇiṃ rāma bahupaṅkakalaṅkitam || 15 ||
[Analyze grammar]
vivekavāriṇā siddhye prakṣālyālokavānbhava |
bhavabhūmiṣu bhīmāsu vivekavikalo vasan || 16 ||
[Analyze grammar]
mā patotpātapūrṇāsu vivaśaḥ prākṛto yathā |
saṃsāramāyāmuditāmanarthaśatasaṃkulām || 17 ||
[Analyze grammar]
mā mahāmohamihikāmimāṃ tvamavadhīraya |
vivekaṃ paramāśritya buddhyā satyamavekṣya ca || 18 ||
[Analyze grammar]
indriyārīnalaṃ jitvā tīrṇo bhava bhavārṇavāt |
asatyeva śarīre'sminsukhaduḥkheṣvasatsu ca || 19 ||
[Analyze grammar]
dāmavyālakaṭanyāyo mā te bhavatu rāghava |
bhīmabhāsadṛḍhasthityā tvaṃ yāsyasi viśokatām || 20 ||
[Analyze grammar]
ayamahamiti niścayo vṛthā yastamalamapāsya mahāmate svabuddhyā |
yaditaradavalambya tatpadaṃ tvaṃ vraja piba bhuṅkṣva na badhyase manaskaḥ || 21 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XXIV
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!