Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXV

śrīvasiṣṭha uvāca |
asminviharato loke lokārāmasya dhīmataḥ |
śreyase tiṣṭhato yatnamuttamārthābhidhāyinaḥ || 1 ||
[Analyze grammar]

dāmavyālakaṭanyāyo mā te bhavatu rāghava |
bhīmabhāsadṛḍhasthityā tvaṃ viśoko bhaveti ca || 2 ||
[Analyze grammar]

śrīrāma uvāca |
dāmavyālakaṭanyāyo mā te bhūdityudāhṛtam |
brahman kimetadbhavatā bhavatāpāpahāriṇā || 3 ||
[Analyze grammar]

bhīmabhāsadṛḍhasthityā tvaṃ viśoko bhaveti ca |
prabho kimuktaṃ bhavatā bhavatāpāpahāriṇā || 4 ||
[Analyze grammar]

udārayaitayā śuddhaṃ saṃprabodhaya māṃ girā |
ghanastāpāpahāriṇyā prāvṛṣīva kalāpinam || 5 ||
[Analyze grammar]

śrīvasiṣṭha uvāca |
dāmavyālakaṭanyāyaṃ bhīmabhāsadṛḍhasthitim |
śrṛṇu rāghava tacchrutvā yadiṣṭaṃ tatsamācara || 6 ||
[Analyze grammar]

āsītpātālakuhare sarvāścaryamanorame |
śambaro nāma daityendro māyāmaṇimahārṇavaḥ || 7 ||
[Analyze grammar]

ākāśanagarodyānaracitāsuramandiraḥ |
kutrimottamacandrārkabhūṣitātmīyamaṇḍalaḥ || 8 ||
[Analyze grammar]

śilāśakalasaṃbhūtapadmādyairamarācalaḥ |
anantavibhavārambhaparipūritadānavaḥ || 9 ||
[Analyze grammar]

gṛharatnāṅganāgeyajitāmaravadhūdhvaniḥ |
candrabimbakalāpūrṇakrīḍopavanapādapaḥ || 10 ||
[Analyze grammar]

phullanīlotpalavyūhakarālaramaṇālayaḥ |
ratnahaṃsadhvanāhūtahemāmburuhasārasaḥ || 11 ||
[Analyze grammar]

hemapādapaśākhāgrakṛtāmbhoruhakuḍmalaḥ |
karañjajālaprapatanmandārakusumākaraḥ || 12 ||
[Analyze grammar]

tarkuyantramayānantadaityanirjitavāsavaḥ |
himaśītānalajvālānirmitodyānamaṇḍapaḥ || 13 ||
[Analyze grammar]

sarvatra kusumodyānajitānandananandanaḥ |
māyāsarvahṛtavyālamalayācalacandanaḥ || 14 ||
[Analyze grammar]

hemaśrīlokalāvaṇyanirjitāntaḥpurāṅganaḥ |
nānākusumasaṃbhārajānudaghnagṛhāṅgaṇaḥ || 15 ||
[Analyze grammar]

krīḍārthamṛnmayeśānajitacakragadādharaḥ |
ajasroḍḍīnaratnaughatārāḍhyakhapurāntaraḥ || 16 ||
[Analyze grammar]

niśīthākhilapātālaśatacandranabhastalaḥ |
svaśālabhañjikālokagītagītiraṇotkaṭaḥ || 17 ||
[Analyze grammar]

māyairāvaṇanāgendravidrutāmaravāraṇaḥ |
trailokyavibhavotkarṣapūritāntaḥpurāntaraḥ || 18 ||
[Analyze grammar]

sarvasaṃpattisubhagaḥ sarvaiśvaryanamaskṛtaḥ |
samastadaityasāmantavanditogrānuśāsanaḥ || 19 ||
[Analyze grammar]

mahābhujavanacchāyāviśrāntāsuramaṇḍalaḥ |
sarvabuddhigaṇādhāraratnamaṇḍalamaṇḍitaḥ || 20 ||
[Analyze grammar]

tasyotsāditadevasya kaṭhinoḍḍāmarākṛteḥ |
babhūva vipulaṃ sainyamāsuraṃ suranāśanam || 21 ||
[Analyze grammar]

tasminmāyābale supte deśāntaragate tathā |
tatsainyaṃ tarasā jaghnuśchidraṃ prāpya kilāmarāḥ || 22 ||
[Analyze grammar]

atha śambaradaityena muṇḍikrodhadrumādayaḥ |
rakṣārthamatha sāmantāḥ svasenāsu niyojitāḥ || 23 ||
[Analyze grammar]

tānapyantaramāsādya jaghnurdevā bhayānakāḥ |
vyomāntaragatāḥ śyenāḥ kalaviṅkānivākulān || 24 ||
[Analyze grammar]

senāpatīnpunaścānyāṃścakārāsurasattamaḥ |
capalānudbhaṭārāvāṃstaraṅgāniva sāgaraḥ || 25 ||
[Analyze grammar]

devāstānapu tasyāśu jaghnustena sa kopavān |
jagāmāmaranāśāya paripūrṇe triviṣṭapam || 26 ||
[Analyze grammar]

tasmāttanmāyayābhītāḥ surāste'ntardhimāyayuḥ |
merukānanakuñjeṣu mṛgā gaurīhareriva || 27 ||
[Analyze grammar]

krandatkṣudrāmaragaṇaṃ vāṣpaklinnāpsaromukham |
śūnyaṃ dadarśa sa svargaṃ kalpakṣīṇajagatsamam || 28 ||
[Analyze grammar]

viharankupitastatra labdhamāhṛtya sundaram |
lokapālapurīṃ dagdhvā jagāmātmīyamālayam || 29 ||
[Analyze grammar]

evaṃ dṛḍhatarībhūte dveṣe dānavadevayoḥ |
devāḥ svargaṃ parityajya dikṣu jagmuradarśanam || 30 ||
[Analyze grammar]

atha śambaradaityena ye ye senādhināyakāḥ |
kriyante yatnatastāṃstu jaghnuryatnaparāḥ surāḥ || 31 ||
[Analyze grammar]

yāvadudbegamāyātaḥ śambaraḥ kopavānbhṛśam |
tārṇo'timātramanala iva jajvāla socchvasan || 32 ||
[Analyze grammar]

trailokyamapi cānviṣyanna devāṃllabdhavānatha |
pareṇāpi prayatnena nidhānamiva duṣkṛtī || 33 ||
[Analyze grammar]

sasarja māyayā ghorānasurāṃstrīnmahābalān |
balarakṣārthamuditānkālānmūrtimiva sthitān || 34 ||
[Analyze grammar]

nirvṛttā māyayā bhīmā balapādapavāhinaḥ |
udaguste mahāmāyāḥ pakṣakṣubdhā ivādrayaḥ || 35 ||
[Analyze grammar]

dāmo vyālaḥ kaṭaśceti nāmabhiḥ parilāñchitāḥ |
yathāprāptaikakartāraścetanāmātradharmiṇaḥ || 36 ||
[Analyze grammar]

abhāvātkarmaṇāṃ te ca prāktanā naca vāsanāḥ |
nirvikalpakacinmātraparispandaikadharmakāḥ || 37 ||
[Analyze grammar]

karmajīvakalāṃ tanvīmasārāṃ ca manobhidām |
apuṣṭāṃ kṛtrimāmantaścodayodayamāgatāḥ || 38 ||
[Analyze grammar]

te hyandhapāramparyeṇa kākatālīyavadbhaṭāḥ |
prakṛtāmanuvartante kriyāmujjhitavāsanāḥ || 39 ||
[Analyze grammar]

ardhasuptā yathā bālāḥ svāṅgai riṅganti kevalam |
vāsanātmābhimānābhyāṃ hīnāste tadvadeva hi || 40 ||
[Analyze grammar]

nābhipātaṃ na cāpātaṃ na viduste palāyanam |
na jīvitaṃ na maraṇaṃ na raṇaṃ na jayājayau || 41 ||
[Analyze grammar]

kevalaṃ sainikānagre dṛṣṭānāhananodyatān |
abhijagmuḥ parānājau prahāradalitādrayaḥ || 42 ||
[Analyze grammar]

śambaraścintayāmāsa parituṣṭamanāḥ param |
vijeṣyate hi me senā māyāsurasurakṣitā || 43 ||
[Analyze grammar]

atibalāsuradordrumapālitā mama camūḥ sthiratāmalameṣyati |
amaravāraṇadantavighaṭṭaneṣvamaraparvatahemaśilā yathā || 44 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XXV

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: