Chapter 252

[English text for this chapter is available]

śrīrudra uvāca |
atha magadhādhipaḥ kaṃsavadhānaṃtaraṃ dviṣanneva yādavānsadā pīḍayāmāsa te duḥkhitāḥ kṛṣṇamūcuḥ || 1 ||
[Analyze grammar]

sa ca bhīmārjunāvāhūya saṃmaṃtrayāmāsa kṛṣṇaḥ anena rudra pūḥjitastatprasādācchastrairavadhyaḥ paraṃ kenāpiprakāreṇa haṃtavya iti || 2 ||
[Analyze grammar]

atha vicārya bhīmamāha enaṃ pratimallayuddhaṃ kuru tattena pratijñātam || 3 ||
[Analyze grammar]

atha sakala carācarajagadvaṃdyo vāsudevo bhīmārjunasahito jarāsaṃdhasya purīṃ gatvā vipraveṣeṇa tasyāṃtaḥpuramavāpa || 4 ||
[Analyze grammar]

so'pi mahāvīryānkṣattriyānyuddhe nirjitya balādgṛhītvā svaveśmani nirudhya māsimāsi kṛṣṇacaturdaśyāmekaikaṃ hatvā tadraktenaiva baliṃ bhairavāyākarot || 5 ||
[Analyze grammar]

evaṃvidhaṃ sakalajanapārthivavadhaṃ kurvato jarāsaṃdhasya samudyamāno bhīmārjunasahitastasya gṛhe vipraveṣeṇaiva praviveśa || 6 ||
[Analyze grammar]

sa tu tāndṛṣṭvā daṃḍavatpraṇato bhūtvā yathocitāsaneṣu niveśya madhuparkavidhānena saṃpūjya dhanyosmi kṛtakṛtyosmi kimarthaṃ bhavanto me samīpa āgatāstadvaktavyamahaṃ tatsarvaṃ bhavadbhyo dāsyāmītyuvāca || 7 ||
[Analyze grammar]

teṣāṃ vāsudevaḥ prahasanpārthivaṃ tamuvāca kṛṣṇabhīmārjunā yuddhārthamāgatāḥ sma asmākamanyatamaṃ dvaṃdvayuddhārthaṃ vṛṇīṣvetyavadat || 8 ||
[Analyze grammar]

so'pi tathetyavadattato dvaṃdvayuddhārthaṃ mārutiṃ varayāmāsa || 9 ||
[Analyze grammar]

tato bhīmajarāsaṃdhayorabhito bhayaṃkaraṃ mallayuddhaṃ niraṃtaraṃ paṃcaviṃśativāsaramabhūt || 10 ||
[Analyze grammar]

tataḥ kṛṣṇenaiva saṃcodito vāyuputrastasya śarīraṃ dvidhākṛtya bhūmau nipātayāmāsa |
evaṃ jarāsaṃdhaṃ pāṃḍuputreṇa hatvā tānjarāsaṃdhanirodhitānvāsudevo'pi pārthivānmocayāmāsa || 11 ||
[Analyze grammar]

nihatya vāyuputreṇa jarāṃsaṃdhaṃ yadūdvahaḥ |
tadgṛhe sanniruddhāṃstu mocayāmāsa pārthivān || 12 ||
[Analyze grammar]

te ca tatra namaskṛtya stutvā ca madhusūdanam |
svānsvānjanapadānsarve jagmuḥ kṛṣṇena rakṣitāḥ || 13 ||
[Analyze grammar]

atha tābhyāmiṃdraprasthaṃ gatvā vāsudevastatra mahākratuṃ rājasūyaṃ yudhiṣṭhiraṃ kārayāmāsa || 14 ||
[Analyze grammar]

tatra samāpte kratau agrapūjāṃ bhīṣmānumatena kṛṣṇāya dattavān || 15 ||
[Analyze grammar]

tatra śiśupālaḥ kṛṣṇaṃ bahūnyākṣepavākyānyuktavān || 16 ||
[Analyze grammar]

kṛṣṇo'pi sudarśanena tasya śiraściccheda || 17 ||
[Analyze grammar]

asau janmatrayāvasāne hareḥ sārūpyamagamat || 18 ||
[Analyze grammar]

atha śiśupālaṃ nihataṃ śrutvā daṃtavaktraḥ kṛṣṇena yoddhuṃ mathurāmājagāma || 19 ||
[Analyze grammar]

kṛṣṇastu tacchrutvā rathamāruhya tena yoddhuṃ mathurāmāyayau || 20 ||
[Analyze grammar]

daṃtavaktravāsudevayorahorātraṃ mathurāpuradvāri yamunātīre saṃgrāmaḥ samavarttata kṛṣṇastu gadayā taṃ jaghāna || 21 ||
[Analyze grammar]

sa tu cūrṇitasarvāṃgo vajranirbhinna mahīdhara iva gatāsuravanitale papāta || 22 ||
[Analyze grammar]

so'pi hareḥ sāyujyaṃ yogigamyaṃ nityānaṃdasukhaṃ śāśvataṃ paramaṃ padamavāpa || 23 ||
[Analyze grammar]

itthaṃ jayavijayau sanakādiśāpavyājena kevalaṃ bhagavatolīlārthaṃ saṃsṛtāvavatīrya janmatraye'pi tenaiva nihatau janmatrayāvasāne muktimavāptau || 24 ||
[Analyze grammar]

kṛṣṇo'pi taṃ hatvā yamunāmuttīrya naṃdavrajaṃ gatvā prāktanau pitarāvabhivādya āśvāsya tābhyāṃ sāśrukaṃṭhamāligitaḥ sakalagopavṛddhānpraṇamyāśvāsya ratnābharaṇādibhistatrasthānsaṃtarpayāmāsa || 25 ||
[Analyze grammar]

kāliṃdyāḥ puline ramye puṇyavṛkṣasamāvṛte |
gopanārībhiraniśaṃ krīḍayāmāsa keśavaḥ || 26 ||
[Analyze grammar]

ramyakelisukhenaiva gopaveṣadharo hariḥ |
baddhapremarasenātra māsadvayamuvāsa ha || 27 ||
[Analyze grammar]

atha tatrasthā naṃdagopādayaḥ sarvejanāḥ putradārasahitāḥ paśupakṣimṛgādayaśca vāsudevaprasādena divyarūpadharā vimānamārūḍhāḥ paramaṃ vaikuṃṭhalokamavāpuḥ || 28 ||
[Analyze grammar]

kṛṣṇastu naṃdagopavrajaukasāṃ sarveṣāṃ paramaṃ nirāmayaṃ svapadaṃ datvā divi devagaṇaiḥ saṃstūyamāno dvāravatīṃ śrīmatīṃ viveśa || 29 ||
[Analyze grammar]

tatra vasudevograsenasaṃkarṣaṇapradyumnāniruddhākrūrādibhiḥ pratyahaṃ saṃpūjita ṣoḍaśasahasrabhāryābhiraṣṭābhirdivyamahiṣībhiśca viśvarūpadharo divyaratnamaya nānāgṛhāṃtareṣu sutakusumāṃcita ślakṣṇataraparyaṃkeṣu ramayāmāsa || 30 ||
[Analyze grammar]

atha rāmakṛṣṇasatīrthyo vipro bālasakhā sadātyaṃtadāridryapīḍito muṣṭimātrānyācanāptapṛthukāñjīrṇavāsasi nibadhya vāsudevaṃ draṣṭuṃ śrīmatīṃ dvārakānagarīmājagāma || 31 ||
[Analyze grammar]

sa tu rukmiṇyaṃtaḥpuradvāri kṣaṇaṃ tūṣṇīṃ tasthau || 32 ||
[Analyze grammar]

kṛṣṇo'pi samāgataṃ brāhmaṇaṃ jñātvā pradyumnena namaskṛtvā vāmakaraṃ gṛhītvā gṛhāṃtare svāsane niveśya bhayādvepamānaṃ taṃ rukmiṇīhastagatasuvarṇakalaśajalena pādau prakṣālya madhuparkeṇa pūjayāmāsa || 33 ||
[Analyze grammar]

sudhāmṛtopamairannapānādyaistarpayitvā tasya jīrṇavastrāṃtare yācanāptapṛthukānsvayameva hastena gṛhītvā prahasanjagrāsa || 34 ||
[Analyze grammar]

kṛṣṇena pṛthuke bhakṣite tasminneva kṣaṇe tasya bahudhanadhānyavastrābharaṇasaṃbhūtaṃ mahadaiśvaryamabhūt || 35 ||
[Analyze grammar]

sa tu kṛṣṇena visṛṣṭo mama kiṃcidvastraṃ vā dhanaṃ vā kṛṣṇena na dattamiti manyamānaḥ svapuraṃ viveśa || 36 ||
[Analyze grammar]

atha bahudhanadhānyayutaṃ svagṛhaṃ dṛṣṭvā tatprasādādidaṃ labdhamiti vadanprahṛṣṭenāṃtarātmanā divya vastrābharaṇādinā bhāryayā saha sarvānkāmānbhuktvā harisaṃtuṣṭyai bahuyajñāniṣṭvā tatprasādena paramaṃ nityaṃ svargasukhamavāpa || 37 ||
[Analyze grammar]

atha dhṛtarāṣṭratanayo duryodhanaḥ pāṃḍutanayānkapaṭadyūtavyājena rājyamapahṛtya svarāṣṭrādvivāsayāmāsa || 38 ||
[Analyze grammar]

te tu yudhiṣṭhirabhīmārjunanakulasahadevāḥ supatnyā drau padyā saha mahāraṇyaṃ gatvā tatra dvādaśābdānsthitvā saṃvatsaraparyaṃtamajñātāḥ sarve matsyadeśādhipatervirāṭasya niveśane sthitvā vāsudevena sahāyena dhārtarāṣṭrānyoddhumājagmuḥ || 39 ||
[Analyze grammar]

teṣāṃ dhārtarāṣṭrapāṃḍuputrāṇāṃ nānādeśādhipanṛpaiḥ kurukṣetramahāpuṇye devānāmapi bhayaṃkaro mahāsaṃgrāmo'bhavat || 40 ||
[Analyze grammar]

atha śrīkṛṣṇo'pyarjunasārathyaṃ kurvannarjune svaśaktimāveśya tena duryodhanabhīṣmadroṇapramukhānsarvānpārthivānekādaśākṣauhiṇībalasahitānkurukṣetre hatvā pāṃḍavānrājye sthāpayitvā niḥśeṣeṇa sarvabhūbhāramapāsya svāṃ purīṃ praviveśa || 41 ||
[Analyze grammar]

kasyacittvathakālasya katipayāhani vaidiko brāhmaṇo mṛtaṃ paṃcavārṣikaṃ bālamādāya rājadvāri nidhāya bahuśo vilapanbahūnyākrośavākyāni kṛṣṇaṃ jagāda || 42 ||
[Analyze grammar]

kṛṣṇastamākrośaṃ śrutvā tūṣṇīmuvāsa || 43 ||
[Analyze grammar]

sa tu mama paṃcaputrāḥ pūrvaṃ hatā ayaṃ tu ṣaṣṭhaḥ enaṃ kṛṣṇo na jīvayiṣyati tarhi rājadvāri mariṣyāmītyuvāca || 44 ||
[Analyze grammar]

tasminkāle arjunaḥ kṛṣṇaṃ draṣṭumāgatastathāvidhaṃ taṃ putraśokena vilapaṃtaṃ dadarśa || 45 ||
[Analyze grammar]

arjuno'pi kāladharmamupāgataṃ paṃcavārṣikaṃ bālakaṃ dṛṣṭvā kṛpayāviṣṭastava putramahaṃjīvayiṣyāmīti brāhmaṇāyābhayaṃ datvā pratiśrutavān || 46 ||
[Analyze grammar]

brāhmaṇastu tenāśvāsito hṛṣṭavān || 47 ||
[Analyze grammar]

athaitaṃ brāhmaṇaśiśuṃ bahubhiḥ saṃjīvināstrairabhimaṃtrya alabdhajīvitaṃ dṛṣṭvā vṛthā pratijñāmavāpya bahuśokasamanvitastenaiva prāṇāṃstyaktumaicchat || 48 ||
[Analyze grammar]

kṛṣṇastu tatsarvaṃ jñātvāṃtaḥpurādviniṣkramya taṃ vaidikaṃ prāha tavaputrānsarvānahaṃ dāsyāmītyuktvāśvāsya vainateyamāruhyārjunasahito vaiṣṇavaṃ lokamājagāma || 49 ||
[Analyze grammar]

tatra divyamaṇimaṃḍapoddeśe devyā saha samāsīnaṃ nārāyaṇaṃ dṛṣṭvā kṛṣṇārjunau namaścakratuḥ || 50 ||
[Analyze grammar]

sa tau bāhubhyāṃ pariṣvajya kimarthamāgatāvityuvāca || 51 ||
[Analyze grammar]

kṛṣṇaśca bhagavanvaidikasya tanayānmama dehītyuvāca || 52 ||
[Analyze grammar]

sa tu nārāyaṇastādṛgvayasi saṃsthitānbrāhmaṇaputrānkṛṣṇāya saṃdadau || 53 ||
[Analyze grammar]

śrīkṛṣṇo'pi tānvainateyaskaṃdhe samāropya harṣasamanvito'rjunasahitaḥ svayamapyāruhya divi devagaṇaiḥ saṃstūyamāno dvāravatīmāviveśa || 54 ||
[Analyze grammar]

tasmai brāhmaṇāya paṃcavarṣavayaḥsthānṣaṭputrāndadau so'pyatyaṃtarhaṣasamanvitaḥ kṛṣṇaṃ varddhayasvetyāśiṣaṃ prāyacchat || 55 ||
[Analyze grammar]

arjunastu saphalāṃ pratijñāmavāpya kṛṣṇaṃ namaskṛtya yudhiṣṭhirapālitāṃ svāṃ purīmājagāma || 56 ||
[Analyze grammar]

kṛṣṇasya ṣoḍaśasahasrabhāryāsvayutasāhasraputrā jajñire teṣāṃ putrapautrasaṃkhyāṃ vaktuṃ na śakyate || 57 ||
[Analyze grammar]

atrāpi ślokaḥ |
aṣṭauśatāni putrāṇāṃ sahasrāṇyayutaṃ tathā |
pradyumnaḥ prathamasteṣāṃ sarveṣāṃ rukmiṇīsutaḥ || 58 ||
[Analyze grammar]

asaṃkhyaistairyādavairiyaṃ pṛthivī saṃvṛtā'bhavat || 59 ||
[Analyze grammar]

punarapyavanībhāraśaṃkayā kṛṣṇastu tānṛṣiśāpavyājena saṃhartumaicchat || 60 ||
[Analyze grammar]

kadācitsarve kumārā narmadāyāṃ vihartumājagmuḥ || 61 ||
[Analyze grammar]

tatra tapaṃtaṃ kaṇvaṃ maharṣiṃ dṛṣṭvā jāṃbavatyāḥ |
putraṃ yoṣidveṣaṃ kṛtvā tasyodare kātvāyasaṃ musalaṃ baddhvā ṛṣeḥ |
samīpamāgatya sarve namaskṛtvā patnīrūpaṃ sāṃbaṃ kumāraṃ tasya purato nidhāya |
asyā garbhe strī vā puruṣo vā bhaviṣtīti brūhītyūcuḥ || 62 ||
[Analyze grammar]

sa tu manasā tadvijñāya tānamarṣamāṇaḥ sarvānanena musalena yūyaṃ sarve nihatā bhavatetyuvāca || 63 ||
[Analyze grammar]

sarve samudvignamanasaḥ kṛṣṇaṃ sametya maharṣiṇoktaṃ tatkarma nivedayāmāsuḥ || 64 ||
[Analyze grammar]

kṛṣṇo'pi tadāyasaṃ musalaṃ cūrṇībhūtaṃ hrade nipātayāmāsa || 65 ||
[Analyze grammar]

tadayaścūrṇībhūtabījasamudbhūtā vajrasannibhā mahākāśāḥ saṃbabhūvuḥ || 66 ||
[Analyze grammar]

tatra taṃ musalāvaśiṣṭaṃ kaniṣṭhāṃgulimātraṃ matsyo jagrāsa taṃ matsyaṃ niṣādo gṛhītvā tadudarasthaṃ muśalakhaṇḍamādāya bāṇāgre phalakamakarot || 67 ||
[Analyze grammar]

kadācitsarve yādavā rāmakṛṣṇapradyumnādayo maghavatā preṣitāṃ vāruṇīṃ pītvā mattā babhūvuḥ || 68 ||
[Analyze grammar]

parasparaṃ vīraṇaṃ nītvā bahūnyākrośavākyāni vadaṃto yuddhaṃ cakruḥ kṣayaṃ ca gatāḥ || 69 ||
[Analyze grammar]

kṛṣṇastu yuddhaśrāṃtaḥ kalpatarucchāyāyāṃ śayanaṃ cakāra sa niṣādo dhanurbāṇaṃ gṛhītvā kheṭakavṛttiṃ jagāma || 70 ||
[Analyze grammar]

evaṃ niḥśeṣaṃ tyaktajīvitā babhūvuste sarve svānsvāṃstridaśānprapedire || 71 ||
[Analyze grammar]

evaṃ muśalena saṃhṛtya sarvaṃ svayameko devo bahugulmasamākīrṇamahādrumachāyāyāṃ suptaścaturvidhavyūhagataṃ vāsudevātmakamātmānaṃ ciṃtayañjānūparipadaṃ nidhāyātmano mānuṣaṃvapustyaktumanuniṣasāda || 72 ||
[Analyze grammar]

etasminantare mṛgayājīviko hareḥ sa tadā kālaprabhāvena cakravajradhvajāṃkuśādicihnitamatiraktatamaṃ hareḥ pādakamalaṃ dṛṣṭvā vivyādha || 73 ||
[Analyze grammar]

tadanaṃtaraṃ śrīkṛṣṇaṃ jñātvā sumahābhayārtaḥ pravepamānaḥ kṛtāṃjalipuṭo mahadaparādhaḥ sakalopahriyatāmiti taṃ praṇanāma || 74 ||
[Analyze grammar]

śrīkṛṣṇastathābhūtaṃ dṛṣṭvā sudhāmayakarābhyāṃ tamutthāpya bhavatānāparāddhaṃ kṛtamiti vadanmahābhayapīḍitamāśvāsayannuvāca || 75 ||
[Analyze grammar]

tato yogigamyamapunarāvṛttiśāśvataṃ sarvopaniṣadamayaṃ vaiṣṇavaṃ lokaṃ pradadau || 76 ||
[Analyze grammar]

asau tasminneva muhūrte mānuṣaṃ rūpaṃ vihāya paṃcopaniṣanmayaṃ sakalaputradārasahito dīptimayaṃ vaiṣṇavaṃ lokaṃ divyaṃ vimānamāsthāya sahasrārkadyutisadṛśaṃ divyāpsarogaṇākīrṇaṃ hiraṇmayaṃ vāsudevetyekaṃ jagāma || 77 ||
[Analyze grammar]

tasminkāle dāruko rathamāruhya viṣṇoḥ samīpaṃ viveśa || 78 ||
[Analyze grammar]

kṛṣṇo'pi matsvarūpamarjunaṃ pūrvamānayasveti preṣayāmāsa || 79 ||
[Analyze grammar]

sa tu manojavasyaṃdanamāruhyārjunasamīpamājagāma || 80 ||
[Analyze grammar]

etasminnaṃtare devyarjunastadāruhya pariṇīya namaskṛtvā kiṃ karomīti puṭāṃjaliruvāca || 81 ||
[Analyze grammar]

kṛṣṇastu tamāha pārthāhaṃ svalokaṃ yāsyāmi tvaṃ tu dvāravatīṃ gatvā tatrasthā rukmiṇyādyaṣṭabhāryā ānīya mama śarīre preṣaya || 82 ||
[Analyze grammar]

sa dārukeṇa sahito nagarīmājagāma || 83 ||
[Analyze grammar]

etasminnaṃtare devā vimānasthā nabhasi saṃsthitāḥ svarlokaṃ yiyāntaṃ kṛṣṇaṃ dṛṣṭvā ṛṣibhiḥ sārddhaṃ stutvā puṣpavarṣāṇi vavṛṣuḥ || 84 ||
[Analyze grammar]

kṛṣṇo'pi mānuṣadehaṃsaṃnyasyasakalajagatsthitisaṃhārahetubhūtaṃ sakalakṣetrajñamaṃtaryāmiyogidhyeyamanāmayaṃ vāsudevātmakaṃ dehaṃ dhṛtvā vainateyamāruhya maharṣibhistūyamāno jagāma || 85 ||
[Analyze grammar]

arjuno vasudevograsenābhyāṃ rukmiṇyādimahiṣībhyastatsarvaṃ kathayāmāsa || 86 ||
[Analyze grammar]

tacchrutvā sarve paurajanāḥ striyaśca dvāravatīmutsṛjyāṃtaḥpurādbahirniṣkramya sarvāstāḥ kṛṣṇavallabhā vasudevograsenasahitāḥ śīghrameva hareḥ samīpaṃ jagmuḥ || 87 ||
[Analyze grammar]

te sarve vasudevograsenākrūrāḥ sarve yaduvṛddhā vapustyaktvā sanātanavāsudevaṃ samājagmuḥ || 88 ||
[Analyze grammar]

revatīca balabhadraśarīraṃ pariṣvajyāgniṃ praviśya tasmindehaṃ prāpya divyavimānārūḍhā bhartuḥ sthānaṃ saṃkarṣaṇalokaṃ divyamavāpa || 89 ||
[Analyze grammar]

tathaiva pradyumnena saha rukmaputrī tathāniruddhenoṣāpi sarvāśca yādavastriyaḥ svasvabhartuḥ śarīrāṇi saṃpūjyāgnipraveśaṃ cakruḥ || 90 ||
[Analyze grammar]

teṣāṃ sarveṣāmarjunaaurddhvadaihikaṃ kṛtavān || 91 ||
[Analyze grammar]

tasminkāle divyavājisamāyuktaṃ sugrīvākhyakaṃ sarvaratnopetaṃ divyaṃ syaṃdanamāruhya dārukopyājagāma || 92 ||
[Analyze grammar]

pārijātatarurdevasabhāsudharmātridaśeṃdralokamayātām || 93 ||
[Analyze grammar]

tasminsamaye dvāravatīpurī mahodadhau nimagnābhūt || 94 ||
[Analyze grammar]

tataḥ sarvāḥ ṣoḍaśasahasrabhāryyā arjunenasaheṃdraprasthaṃ gacchaṃtīrdasyavo jagṛhuḥ || 95 ||
[Analyze grammar]

pūrvaṃ devagaṃdharvayoṣito hyaṣṭāvakraṃ mahāmuniṃ dṛṣṭvā jahasustatastena śaptā veśyā bhaviṣyatha tatastābhi prasāditaḥ pūjitaśca tatprasādātsarvalokaiśca namaskṛtaṃ vāsudevaṃ bhartāramavāpyāpi tenaiva dasyuhastaṃ gatā abhavan || 96 ||
[Analyze grammar]

arjuno'pi dasyubhirnirjitaḥ śokasamāviṣṭo mama bhujabalaṃ savīryaṃ kṛṣṇenaiva saha sarvamaiśvaryaṃ niryātamiti matvā adya mama bhāgya kṣaya iti vadansāyaṃ saṃdhyāraviriva niḥśeṣavinaṣṭatejāḥ svāṃ purīṃ samājagāma || 97 ||
[Analyze grammar]

evaṃ hitārthāya sarvadevānāṃ samastabhūbhāravināśāya yaduvaṃśe'vatīrya sakalarākṣasavināśaṃ kṛtvā mahāṃtamapi corvībhāraṃ nāśayitvā naṃdavrajadvārakāmathurānivāsinaḥ sarvānsthāvarajaṃgamānkālabhavabaṃdhairmocayitvā paramaiśvarge śāśvate yogigamye hiraṇmaye ramye sātvike saṃsthāpya nityaṃ divyamahiṣyādisaṃsevyamāno vāsudeva uvāsa || 98 ||
[Analyze grammar]

atra ślokāḥ |
anye sarve'vatārāḥ syuḥ kṛṣṇasya caritaṃ mahat |
bhūbhārakavināśāya prādurbhūto ramāpatiḥ || 99 ||
[Analyze grammar]

etatkṛṣṇasya caritaṃ duṣṭānāṃ nāśahetave |
śrīkṛṣṇaḥ karuṇāsiṃdhurvaikuṃṭhe modate sadā || 100 ||
[Analyze grammar]

atyadbhutamidaṃ devi kṛṣṇasya caritaṃ śubham |
saṃgraheṇa mayaivoktaṃ tava sarvaphalapradam || 101 ||
[Analyze grammar]

vāsudevasya caritaṃ yaḥ paṭheddharisannidhau |
smaredvā śṛṇuyādbhaktyā sa yāti paramaṃ padam || 102 ||
[Analyze grammar]

mahāpātakayukto vā tathopapātakasaṃyutaḥ |
bālakṛṣṇasya caritaṃ śrutvā pāpaiḥ pramucyate || 103 ||
[Analyze grammar]

dvāravatyāṃ samāsīnaṃ rukmiṇīsahitaṃ harim |
smaranvai mahadaiśvaryamanenāpnotyasaṃśayaḥ || 104 ||
[Analyze grammar]

saṃgrāme saṃkaṭe durge śatrubhiḥ pariveṣṭite |
netāraṃ sarvadevānāṃ dhyātvā suvijayī bhavet || 105 ||
[Analyze grammar]

yaḥ smaredgopakanyābhiḥ krīḍaṃtaṃ govraje śubhe |
sarvakāmānavāpnoti saubhāgyaṃ caiva viṃdati || 106 ||
[Analyze grammar]

mahopasargarogādyairyukto yastu sanātanam |
jetāraṃ ca mahāraudrīṃ kṛtyāṃ kāśīpure sthitām || 107 ||
[Analyze grammar]

kimatra bahunoktena sarvakāleṣu cāpsu bhe |
kṛṣṇāya nama ityevaṃ maṃtramuccārayedbudhaḥ || 108 ||
[Analyze grammar]

kṛṣṇāya vāsudevāya haraye paramātmane |
praṇataḥ kleśanāśāya goviṃdāya namonamaḥ || 109 ||
[Analyze grammar]

imaṃ maṃtraṃ japandevi bhaktyā pratidinaṃ naraḥ |
sarvapāpavinirmukto viṣṇulokamavāpnuyāt || 110 ||
[Analyze grammar]

sarveṣāmeva devānāmīśvaro'sau janārdanaḥ |
rakṣaṇāya ca lokānāmavasthāṃtarameti vai || 111 ||
[Analyze grammar]

tripuraṃ haṃtukāmena mayā saṃpūjito hariḥ |
buddharūpadharaḥ śrīmānmohayāmāsa tadripūn || 112 ||
[Analyze grammar]

mohitāstena śāstreṇa sarvadharmavivarjitāḥ |
nārāyaṇāstreṇa mayā nihatā devaśatravaḥ || 113 ||
[Analyze grammar]

avatīrya kalāvaṃte brāhmaṇasya niveśane |
haniṣyati tathā raudrānmlecchānsarvāñjanārdanaḥ || 114 ||
[Analyze grammar]

taistairbhāvairmayāvasthāḥ sarvāḥ proktā jagatpateḥ |
kimanyacchrotukāmāsi tadbravīmi śubhānane || 115 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe |
umāmaheśvarasaṃvāde śrīkṛṣṇacarite śrīkṛṣṇasvadhāmagamananirūpaṇaṃnāma dvipaṃcāśadadhikadviśatatamo'dhyāyaḥ || 252 ||
[Analyze grammar]