Chapter 72

brahmovāca |
yo'yaṃ praśnastvayā pṛṣṭo gopradānādhikāravān |
nāsya praṣṭāsti loke'smiṃstvatto'nyo hi śatakrato || 1 ||
[Analyze grammar]

santi nānāvidhā lokā yāṃstvaṃ śakra na paśyasi |
paśyāmi yānahaṃ lokānekapatnyaśca yāḥ striyaḥ || 2 ||
[Analyze grammar]

karmabhiścāpi suśubhaiḥ suvratā ṛṣayastathā |
saśarīrā hi tānyānti brāhmaṇāḥ śubhavṛttayaḥ || 3 ||
[Analyze grammar]

śarīranyāsamokṣeṇa manasā nirmalena ca |
svapnabhūtāṃśca tāṃllokānpaśyantīhāpi suvratāḥ || 4 ||
[Analyze grammar]

te tu lokāḥ sahasrākṣa śṛṇu yādṛgguṇānvitāḥ |
na tatra kramate kālo na jarā na ca pāpakam |
tathānyannāśubhaṃ kiṃcinna vyādhistatra na klamaḥ || 5 ||
[Analyze grammar]

yadyacca gāvo manasā tasminvāñchanti vāsava |
tatsarvaṃ prāpayanti sma mama pratyakṣadarśanāt |
kāmagāḥ kāmacāriṇyaḥ kāmātkāmāṃśca bhuñjate || 6 ||
[Analyze grammar]

vāpyaḥ sarāṃsi sarito vividhāni vanāni ca |
gṛhāṇi parvatāścaiva yāvaddravyaṃ ca kiṃcana || 7 ||
[Analyze grammar]

manojñaṃ sarvabhūtebhyaḥ sarvaṃ tatra pradṛśyate |
īdṛśānviddhi tāṃllokānnāsti lokastato'dhikaḥ || 8 ||
[Analyze grammar]

tatra sarvasahāḥ kṣāntā vatsalā guruvartinaḥ |
ahaṃkārairvirahitā yānti śakra narottamāḥ || 9 ||
[Analyze grammar]

yaḥ sarvamāṃsāni na bhakṣayīta pumānsadā yāvadantāya yuktaḥ |
mātāpitrorarcitā satyayuktaḥ śuśrūṣitā brāhmaṇānāmanindyaḥ || 10 ||
[Analyze grammar]

akrodhano goṣu tathā dvijeṣu dharme rato guruśuśrūṣakaśca |
yāvajjīvaṃ satyavṛtte rataśca dāne rato yaḥ kṣamī cāparādhe || 11 ||
[Analyze grammar]

mṛdurdānto devaparāyaṇaśca sarvātithiścāpi tathā dayāvān |
īdṛgguṇo mānavaḥ saṃprayāti lokaṃ gavāṃ śāśvataṃ cāvyayaṃ ca || 12 ||
[Analyze grammar]

na pāradārī paśyati lokamenaṃ na vai gurughno na mṛṣāpralāpī |
sadāpavādī brāhmaṇaḥ śāntavedo doṣairanyairyaśca yukto durātmā || 13 ||
[Analyze grammar]

na mitradhruṅnaikṛtikaḥ kṛtaghnaḥ śaṭho'nṛjurdharmavidveṣakaśca |
na brahmahā manasāpi prapaśyedgavāṃ lokaṃ puṇyakṛtāṃ nivāsam || 14 ||
[Analyze grammar]

etatte sarvamākhyātaṃ naipuṇena sureśvara |
gopradānaratānāṃ tu phalaṃ śṛṇu śatakrato || 15 ||
[Analyze grammar]

dāyādyalabdhairarthairyo gāḥ krītvā saṃprayacchati |
dharmārjitadhanakrītānsa lokānaśnute'kṣayān || 16 ||
[Analyze grammar]

yo vai dyūte dhanaṃ jitvā gāḥ krītvā saṃprayacchati |
sa divyamayutaṃ śakra varṣāṇāṃ phalamaśnute || 17 ||
[Analyze grammar]

dāyādyā yasya vai gāvo nyāyapūrvairupārjitāḥ |
pradattāstāḥ pradātṝṇāṃ saṃbhavantyakṣayā dhruvāḥ || 18 ||
[Analyze grammar]

pratigṛhya ca yo dadyādgāḥ suśuddhena cetasā |
tasyāpīhākṣayāṃllokāndhruvānviddhi śacīpate || 19 ||
[Analyze grammar]

janmaprabhṛti satyaṃ ca yo brūyānniyatendriyaḥ |
gurudvijasahaḥ kṣāntastasya gobhiḥ samā gatiḥ || 20 ||
[Analyze grammar]

na jātu brāhmaṇo vācyo yadavācyaṃ śacīpate |
manasā goṣu na druhyedgovṛttirgonukampakaḥ || 21 ||
[Analyze grammar]

satye dharme ca niratastasya śakra phalaṃ śṛṇu |
gosahasreṇa samitā tasya dhenurbhavatyuta || 22 ||
[Analyze grammar]

kṣatriyasya guṇairebhiranvitasya phalaṃ śṛṇu |
tasyāpi śatatulyā gaurbhavatīti viniścayaḥ || 23 ||
[Analyze grammar]

vaiśyasyaite yadi guṇāstasya pañcāśataṃ bhavet |
śūdrasyāpi vinītasya caturbhāgaphalaṃ smṛtam || 24 ||
[Analyze grammar]

etaccaivaṃ yo'nutiṣṭheta yuktaḥ satyena yukto guruśuśrūṣayā ca |
dāntaḥ kṣānto devatārcī praśāntaḥ śucirbuddho dharmaśīlo'nahaṃvāk || 25 ||
[Analyze grammar]

mahatphalaṃ prāpnute sa dvijāya dattvā dogdhrīṃ vidhinānena dhenum |
nityaṃ dadyādekabhaktaḥ sadā ca satye sthito guruśuśrūṣitā ca || 26 ||
[Analyze grammar]

vedādhyāyī goṣu yo bhaktimāṃśca nityaṃ dṛṣṭvā yo'bhinandeta gāśca |
ā jātito yaśca gavāṃ nameta idaṃ phalaṃ śakra nibodha tasya || 27 ||
[Analyze grammar]

yatsyādiṣṭvā rājasūye phalaṃ tu yatsyādiṣṭvā bahunā kāñcanena |
etattulyaṃ phalamasyāhuragryaṃ sarve santastvṛṣayo ye ca siddhāḥ || 28 ||
[Analyze grammar]

yo'graṃ bhaktānkiṃcidaprāśya dadyādgobhyo nityaṃ govratī satyavādī |
śānto buddho gosahasrasya puṇyaṃ saṃvatsareṇāpnuyātpuṇyaśīlaḥ || 29 ||
[Analyze grammar]

ya ekaṃ bhaktamaśnīyāddadyādekaṃ gavāṃ ca yat |
daśa varṣāṇyanantāni govratī gonukampakaḥ || 30 ||
[Analyze grammar]

ekenaiva ca bhaktena yaḥ krītvā gāṃ prayacchati |
yāvanti tasya proktāni divasāni śatakrato |
tāvacchatānāṃ sa gavāṃ phalamāpnoti śāśvatam || 31 ||
[Analyze grammar]

brāhmaṇasya phalaṃ hīdaṃ kṣatriye'bhihitaṃ śṛṇu |
pañcavārṣikametattu kṣatriyasya phalaṃ smṛtam |
tato'rdhena tu vaiśyasya śūdro vaiśyārdhataḥ smṛtaḥ || 32 ||
[Analyze grammar]

yaścātmavikrayaṃ kṛtvā gāḥ krītvā saṃprayacchati |
yāvatīḥ sparśayedgā vai tāvattu phalamaśnute |
lomni lomni mahābhāga lokāścāsyākṣayāḥ smṛtāḥ || 33 ||
[Analyze grammar]

saṃgrāmeṣvarjayitvā tu yo vai gāḥ saṃprayacchati |
ātmavikrayatulyāstāḥ śāśvatā viddhi kauśika || 34 ||
[Analyze grammar]

alābhe yo gavāṃ dadyāttiladhenuṃ yatavrataḥ |
durgātsa tārito dhenvā kṣīranadyāṃ pramodate || 35 ||
[Analyze grammar]

na tvevāsāṃ dānamātraṃ praśastaṃ pātraṃ kālo goviśeṣo vidhiśca |
kālajñānaṃ vipra gavāntaraṃ hi duḥkhaṃ jñātuṃ pāvakādityabhūtam || 36 ||
[Analyze grammar]

svādhyāyāḍhyaṃ śuddhayoniṃ praśāntaṃ vaitānasthaṃ pāpabhīruṃ kṛtajñam |
goṣu kṣāntaṃ nātitīkṣṇaṃ śaraṇyaṃ vṛttiglānaṃ tādṛśaṃ pātramāhuḥ || 37 ||
[Analyze grammar]

vṛttiglāne sīdati cātimātraṃ kṛṣyarthaṃ vā homahetoḥ prasūtyām |
gurvarthaṃ vā bālasaṃvṛddhaye vā dhenuṃ dadyāddeśakāle viśiṣṭe || 38 ||
[Analyze grammar]

antarjātāḥ sukrayajñānalabdhāḥ prāṇakrītā nirjitāścaukajāśca |
kṛcchrotsṛṣṭāḥ poṣaṇābhyāgatāśca dvārairetairgoviśeṣāḥ praśastāḥ || 39 ||
[Analyze grammar]

balānvitāḥ śīlavayopapannāḥ sarvāḥ praśaṃsanti sugandhavatyaḥ |
yathā hi gaṅgā saritāṃ variṣṭhā tathārjunīnāṃ kapilā variṣṭhā || 40 ||
[Analyze grammar]

tisro rātrīstvadbhirupoṣya bhūmau tṛptā gāvastarpitebhyaḥ pradeyāḥ |
vatsaiḥ puṣṭaiḥ kṣīrapaiḥ supracārāstryahaṃ dattvā gorasairvartitavyam || 41 ||
[Analyze grammar]

dattvā dhenuṃ suvratāṃ sādhuvatsāṃ kalyāṇavṛttāmapalāyinīṃ ca |
yāvanti lomāni bhavanti tasyāstāvanti varṣāṇi vasatyamutra || 42 ||
[Analyze grammar]

tathānaḍvāhaṃ brāhmaṇāyātha dhuryaṃ dattvā yuvānaṃ balinaṃ vinītam |
halasya voḍhāramanantavīryaṃ prāpnoti lokāndaśadhenudasya || 43 ||
[Analyze grammar]

kāntāre brāhmaṇāngāśca yaḥ paritrāti kauśika |
kṣemeṇa ca vimucyeta tasya puṇyaphalaṃ śṛṇu |
aśvamedhakratostulyaṃ phalaṃ bhavati śāśvatam || 44 ||
[Analyze grammar]

mṛtyukāle sahasrākṣa yāṃ vṛttimanukāṅkṣate |
lokānbahuvidhāndivyānyadvāsya hṛdi vartate || 45 ||
[Analyze grammar]

tatsarvaṃ samavāpnoti karmaṇā tena mānavaḥ |
gobhiśca samanujñātaḥ sarvatra sa mahīyate || 46 ||
[Analyze grammar]

yastvetenaiva vidhinā gāṃ vaneṣvanugacchati |
tṛṇagomayaparṇāśī niḥspṛho niyataḥ śuciḥ || 47 ||
[Analyze grammar]

akāmaṃ tena vastavyaṃ muditena śatakrato |
mama loke suraiḥ sārdhaṃ loke yatrāpi cecchati || 48 ||
[Analyze grammar]