Chapter 19 - Raivata-avadāna

idaṃ narā ye dhanikāvadānaṃ śṛṇvanti ye cāpi niśāmayanti |
sukhāni bhuktvā sa śubhe sadā te sarve 'pi śamyānti jinālayante |
athāśoko narendraḥ sa kṛtāṃjalipuṭo mudā |
upaguptaṃ guruṃ natvā punarevamabhāṣata || 1 || {1}
[Analyze grammar]

bhadanta śrotumichāmi punaranyatsubhāṣitaṃ |
tadyathā guruṇākhyātaṃ tathādeṣṭum ca me 'rhati || 2 || {2}
[Analyze grammar]

iti sāṃprārthitaṃ rājñā śrutvā so 'rhaṃ mahāmatiḥ |
upagupto narendraṃ taṃ samālokyaivamādiśat || 3 || {3}
[Analyze grammar]

sādhu śṛṇu mahārāja yathā me guruṇoditaṃ |
tathāhaṃ te pravakṣyāmi śrutvaivaṃ paribudhyatāṃ || 4 || {4}
[Analyze grammar]

krauryeṇa dvirasanāḥ śuciveṣṭitānāṃ mithyāpavādaviṣamaṃ viṣamutsṛjanti |
te pāpaśāpaparitāpaparaṃparārttāstīvravyalīkatimiravivaraṃ viśanti || 5 || {5}
[Analyze grammar]

tadyathābhūtpurā bhikṣuḥ kāsmīre patitāśrame |
raivatakābhidho bauddhaḥ sarvabhūtadayāśrayaḥ || 6 || {6}
[Analyze grammar]

sa kadāciddhanoddeśe vivikte sughaṭāntare |
tarutvacaḥ kaṣāyena cakre cīvararaṃjanaṃ || 7 || {7}
[Analyze grammar]

tasminnavasare tatra piśunākhyadvijanmanaḥ |
dhenuvatsā vane naṣṭā vabhūvuryūthanirgatāḥ || 8 || {8}
[Analyze grammar]

tadā sa brāhmaṇo dṛṣṭvā taṃ duṣṭāśitaśaṃkitaḥ |
sarvatrāpi samanviṣṭā tatrāpyanveṣituṃ yayau || 9 || {9}
[Analyze grammar]

tatra taccīvarakvāthavāke vahnisamudgataṃ |
dhūmaṃ sa dvija ālokya vatsapākamamanyata || 10 || {10}
[Analyze grammar]

tataḥ sa brāhmaṇaḥ sārddhaṃ svajanaiḥ śastrapāṇibhiḥ |
taddraṣṭuṃ śailamāruhya sahasāgāttadantike || 11 || {11}
[Analyze grammar]

tatra taṃ raivataṃ bhikṣuṃ dṛṣṭvā sa dvija ādarāt |
upetya cūḍika-iḍyāhataṃ kumbhamapaśyat || 12 || {12}
[Analyze grammar]

taddṛṣṭvā śaṃkitaścāsau vinayān samupāsaran |
kimetatkriyate bhikṣoriti taṃ paryapṛchata || 13 || {13}
[Analyze grammar]

iti pṛṣṭe dvijenāsau raivato bhikṣurādarāt |
tatra cīvararāgo 'yamiti taṃ dvijamabravīt || 14 || {14}
[Analyze grammar]

asminnavasare tasyā pūrvakarmavipākataḥ |
gomāṃsaraktapāṇīyaḥ sapākaḥ samapadyata || 15 || {15}
[Analyze grammar]

sukhaṃ duḥkhatvamānāti śuklamapyeti kālatāṃ |
vidhau vidhuratāṃ yāte dharmo 'pyāyātyadharmatāṃ || 16 || {16}
[Analyze grammar]

mithyāpāpaprakaṭatā janakopaḥ padacyutiḥ |
apuṇyaparipākānāmetatpratyakṣalakṣaṇaṃ || 17 || {17}
[Analyze grammar]

doṣaḥ samunmiṣati yātyaguṇaḥ prakāśaṃ kāryaṃ viparyayamupeti viśīryate dhīḥ || 18 || {18}
[Analyze grammar]

puṃsāṃ purāvihitaḥ duḥkṛtapākakāle ke ke na nāma nipatanti mahābhighātāḥ || 19 || {19}
[Analyze grammar]

tataḥ sa brāhmaṇo 'pyatra kumbhe kimiti śaṃkitaḥ |
paśyāmīti viniścitya nirīkṣitumupācarat || 20 || {20}
[Analyze grammar]

viruddhāmiṣagaṃdhena rudhireṇa ca śaṃkitaḥ |
apaśyan sa dvijaḥ kumbhe māṃsapiṇḍaṃ supakvitaiḥ || 21 || {21}
[Analyze grammar]

pratyakṣadoṣamālokya dvijaḥ krodhito ruṣā |
tamabhāṣata nirbhatsya tīvravaiśaśakaṃpitaḥ || 22 || {22}
[Analyze grammar]

aho vata sadācāraḥ sthito 'yaṃ vijane vane |
yasyedṛśāni karmāṇi na kasyacidiha paśyati || 23 || {23}
[Analyze grammar]

pravrajyāraṃjitaḥ kāyaḥ kriyā mlechajanocitā |
jānāti channapāpānāṃ kaḥ kūṭavrataśāntitāṃ || 24 || {24}
[Analyze grammar]

ityukte tena sākṣepaṃ sa raivato 'pyaciṃtayat |
doṣe pratyakṣalakṣyasmin kiṃ bravīmi niruttaraḥ || 25 || {25}
[Analyze grammar]

mama daivāya ghāto 'yamityukte ko 'numanyate |
hāsyāyatanatāmeti pratyakṣyāpahnavī janaḥ || 26 || {26}
[Analyze grammar]

upasthitaṃ sahe sarvaṃ maunamālambya kevalaṃ |
ayaṃ me niḥpratīkāraḥ salilādagnidutthitaḥ || 27 || {27}
[Analyze grammar]

doṣe guṇātiśayamāśu guṇe 'pi doṣaṃ paiyūṣadhāmni viṣamapyamṛtaṃ viṣe ca || saṃdarśayatyaniśamadbhutarūpameva kālendrajālikāvadhūrbhavitavyeyaṃ || 28 || {28}
[Analyze grammar]

ityevaṃ manasā dhyātvā raivataḥ sa mahāmatiḥ |
svadaivasmaraṇaṃ kṛtvā tasthau yogasamāhitaḥ || 29 || {29}
[Analyze grammar]

iti dhyānaṃ samālambya sthitaṃ taṃ raivataṃ muniṃ |
dṛṣṭvātiruṣitaścāsau saṃtarya paryabhāṣata || 30 || {30}
[Analyze grammar]

are re durmate bhikṣo kiṃ atra durjane vane |
sthitvevaṃ dāruṇaṃ pāpaṃ sādhayitvā niṣīdasi || 31 || {31}
[Analyze grammar]

are pāpiṣṭha bhāṣasva yadarthe vālakāṃ vṛṣaṃ |
hatvātra pacyate māṃsa tvayātmano pareṇa vā || 32 || {32}
[Analyze grammar]

pareṇāpi hataṃ dṛṣṭvā tatpāpaiḥ parilipyase |
tattvayā vṛṣabhī hatvā kathaṃ pāpairna dahyase || 33 || {33}
[Analyze grammar]

dhigdhiktvāmatra rebhikṣo saṃbuddhaśāsane yataḥ |
pravrajyāsaṃvaraṃ dhṛtvā nirjane vana āśrayan || 34 || {34}
[Analyze grammar]

mahadduḥkarakarmāṇi kṛtvaivaṃ tapase 'dhunā |
are re śrūyate kiṃ na tvayā saṃbuddhabhāṣitaṃ || 35 || {35}
[Analyze grammar]

atha śrutvāpi te tatra śraddhā na vidyate khalu |
kimevaṃ pātakaṃ kṛtvā pravrajyāsaṃvaraṃ caran || 36 || {36}
[Analyze grammar]

kevalaṃ pāpakānyeva sādhayitvātra tiṣṭhase |
pravrajito viraktātmā pariśuddhatrimaṃḍalaḥ || 37 || {37}
[Analyze grammar]

sarvasatvadayādṛṣṭiścarennityaṃ samāhitaḥ || 38 || {37!}
[Analyze grammar]

adattaṃ kasya ciddravyaṃ gṛhīyānna kathaṃ cana |
dayākaruṇyayuktātmā na kuryātprāṇipīḍinaṃ || 39 || {38}
[Analyze grammar]

kāmabhogamadharmeṇa naiva bhuṃjyātkadā cana |
mṛṣāvādaṃ kadāpyatra naiva brūyātkathaṃ cana || 40 || {39}
[Analyze grammar]

pāruṣyavacanaṃ cāpi naiva brūyātkathaṃ cana |
paiśunyavacanaṃ vāpi vadenna kasya citpuraḥ || 41 || {40}
[Analyze grammar]

saṃbhinnapralāpaṃ ca na pravadetkasya cidapi |
vyāpādaṃ kasya ciccāpi bhāvayenna kathaṃ cana || 42 || {41}
[Analyze grammar]

abhidhyāṃ ca tathā naiva ciṃtayetkasya cidapi || 43 || {42}
[Analyze grammar]

mithyādṛṣṭiṃ sadā kvāpi bhāvayenna kadā cana |
etāni daśapāpānāṃ mūlāni sarvathā tyajet || 44 || {43}
[Analyze grammar]

etāni ye samālabhya pracaranti pramādataḥ |
te sarve kleśasaṃtaptā bhramanti duḥkhino bhave || 45 || {44}
[Analyze grammar]

tataḥ kleśāgnisaṃtaptāḥ pāpeṣveva samāhitāḥ |
duḥkhānyeva sadā bhuktvā narakeṣu bhramanti te || 46 || {45}
[Analyze grammar]

iti matvātra saṃsāre tyaktvaitāni daśāpi hi |
santo nityam śubheṣveva pracaranti samāhitāḥ || 47 || {46}
[Analyze grammar]

śubhena sadgatiṃ yānti papina durgatiṃ sadā |
ityākhyātaṃ jinaiḥ sarvaiḥ kiṃ naitacchrūyate tvayā || 48 || {47}
[Analyze grammar]

kathametadavajñāya pravrajitastvamācareḥ |
dhikte cittaṃ yadevaṃ me govatsaṃ bhoktumichati || 49 || {48}
[Analyze grammar]

pravrajito hi śuddhātmā pariśuddhastrimaṇḍalaḥ |
sarvasatvadayācittaścarennityaṃ samāhitaḥ || 50 || {49}
[Analyze grammar]

sarvasatvahitaṃ kṛtvā brahmacaryaṃ samāhitaḥ |
bhikṣānnamātrasaṃkṛṣṭaḥ suniḥspṛhaścarecchubhe || 51 || {50}
[Analyze grammar]

samādhinirato yogī dhāraṇīparamārthabhṛt |
sarvakleśān vinirjitvā sarvamāragāṇānapi || 52 || {51}
[Analyze grammar]

sarvānparigrahāntyaktvā nirvikalpo niraṃjanaḥ |
sākṣādarhatvamāsādya brahmacaryaṃ samācaret || 53 || {52}
[Analyze grammar]

evaṃ pravrajito bhikṣuścarannityaṃ suśīlabhṛt |
śivāṃ bodhiṃ samāsādya nirvṛtipadamāpnuyāt || 54 || {53}
[Analyze grammar]

tvaṃ tu pravrajito 'pyevaṃ mahaddāruṇapātakaṃ |
kṛtvātra nirjane bhuktvā carase mlechacārikāṃ || 55 || {54}
[Analyze grammar]

hā vatātra vinaṣṭo 'si yadetatpātakānvitaḥ |
sahasā narake gatvā ciraṃ duḥkhāni bhokṣyasi || 56 || {55}
[Analyze grammar]

kiṃ tvayā prakṛtaṃ pāpaṃ purā janmāntare kathaṃ |
yadatra saugate dharmaṃ prāpto 'pyevaṃ durāśayaḥ || 57 || {56}
[Analyze grammar]

taccarasva samādhāya prāyaścittavrataṃ punaḥ |
etatpāpābhisaṃśuddhyai punarvratasamāptaye || 58 || {57}
[Analyze grammar]

tathā te śuddhite kāye maṃgalaṃ ca bhavetkramāt |
pariśuddhastrikāyaśca pravrajyāsaṃvaraṃ cara || 59 || {58}
[Analyze grammar]

tadā tvaṃ sarvathā jitvā kleśānmāragaṇānnapi |
sākṣādarhatvamāsādya brahmacārī bhaviṣyati || 60 || {59}
[Analyze grammar]

tadā tvaṃ pariśuddhātmā nirvikalpo niraṃjanaḥ |
śivāṃ bodhiṃ samāsādya nirvṛtipadamāpnuyāḥ || 61 || {60}
[Analyze grammar]

iti tenoditaṃ śrutvā raivataḥ sa prabodhitaḥ |
tathāpi maunamādhāya tathau daivābhyanusmaran || 62 || {61}
[Analyze grammar]

evaṃ sthitaṃ tamālokya brāhmaṇaḥ sa ruṣānvitaḥ |
evaṃ dvidhā tridhāpyenaṃ paribhāṣyābhyanindayat || 63 || {62}
[Analyze grammar]

evaṃ dvidhā tridhāpyukte brāhmaṇena sa raivataḥ |
svadaivamabhyanusmṛtvā maunenaiva nyaṣīdata || 64 || {63}
[Analyze grammar]

svadaivacintayastasya maunātsa brāhmaṇo ruṣā |
raivataṃ tāṃ katākṣeṇa dṛṣṭvainaṃ paryabhāṣata || 65 || {64}
[Analyze grammar]

are re durmate bhikṣo kimevaṃ tiṣṭhase 'dhunā |
uttiṣṭhātra pravaṃdhitva nayāmi tvāṃ nṛpāntike || 66 || {65}
[Analyze grammar]

evaṃ tenodite 'pyeva sthitaḥ sa raivato yatiḥ |
kiṃ cinnaivāvadenmaunamevālambya nyaṣīdata || 67 || {66}
[Analyze grammar]

tataḥ sa brāhmaṇastasya maunādatiprakopitaḥ |
murddhni pāpamiva sthūlaṃ laguḍaṃ marpayātayat || 68 || {67}
[Analyze grammar]

tathābhighātyamāno 'pi raivataḥ sa samāhitaḥ |
daivamevābhyanusmṛtvā tasthau niḥkaṃpitāśayaḥ || 69 || {68}
[Analyze grammar]

tathāsthitaṃ taṃ munimātmavidyaṃ daivaṃ smaraṃtaṃ hyakṛtāparādhaṃ |
nināya paścātkṛtavāhudaṃḍaṃ sadastadā naṃdanabhūmibhartuḥ || 70 || {69}
[Analyze grammar]

tathāsthitaṃ tamālokya sa dvijaḥ pratiroṣitaḥ |
raktākṣaṃ raivataṃ vaddhvā sahasānayannṛpāntike || 71 || {70}
[Analyze grammar]

tatra sa brāhmaṇo nītvā taṃ rājñaḥ sthitaḥ |
tadvatsapiśitaṃ pakvamupasthāpya 'bhyadarśayat || 72 || {71}
[Analyze grammar]

tataḥ sa brāhmaṇaḥ krūrastasya bhikṣo savistaraṃ |
sarvavṛttāṃtamākhyāya taṃ nṛpaṃ paryakopayat || 73 || {72}
[Analyze grammar]

tadvatsamāṃsamālokya nṛpatiḥ sa prakopitaḥ |
raivataṃ taṃ yatiṃ vaddhvā cakre kārāgṛhātithiṃ || 74 || {73}
[Analyze grammar]

nirdoṣaḥ kleśamāśnāti tambhate guptapātakaḥ |
jānāti kasya kaḥ śuddhiṃ citrākāreṣvasākṣiṣu || 75 || {74}
[Analyze grammar]

tatra sa vaṃdhanāgāre vaṃdhito 'pi sa sanmatiḥ |
triratnasmaraṇaṃ kṛtvā tasthau daivānucintayan || 76 || {75}
[Analyze grammar]

tatraivaṃ vaṃdhanāgāre tasminbhikṣau nivandhite |
kāle na visnito rājā tadvicāre 'pi nāsmarat || 77 || {76}
[Analyze grammar]

tadānyasmindine tatra te vatsāḥ sarva āgatāḥ |
mātṛbhiḥ saha saṃsaktāstṛṇaṃ bhuktvā niṣedire || 78 || {77!}
[Analyze grammar]

tān vatsānmātṛsaṃsaktān sarvānālokya sa dvijaḥ |
vismitaḥ punarālokya paśyannevaṃ vyaciṃtayat || 79 || {78}
[Analyze grammar]

aho vatsā ime sarve kutra gatvādhunāgatāḥ |
sarvatrānviṣyamānā hi kutrāpi nābhyadṛśyate || 80 || {79}
[Analyze grammar]

hā mamātra mahatpāpo jāyate sāṃprataṃ kathaṃ |
yanmayā sahasā bhikṣorasamīkṣyāparādhyate || 81 || {80}
[Analyze grammar]

yathā bhikṣorghaṭe mānsaṃ dṛṣṭvaiṣāmiti cintayat |
caurāyamiti taṃ bhikṣuṃ paryabhāṣaṃ ruṣābhṛtaṃ || 82 || {81}
[Analyze grammar]

aparādhaṃ vinārhaṃtamapi bhikṣuṃ pratāḍayat |
vaddhvā taṃ sahasā rājñaḥ puro 'tra samupānayaṃ || 83 || {82}
[Analyze grammar]

rājāpi mama vākyena sahasaiva nimaṃtrayan |
vaddhvāśu vaṃdhanāgāre prasthāpayati sāṃprataṃ || 84 || {83}
[Analyze grammar]

tadatra kiṃ kariṣyāmi vatsāḥ sarve ihāgatāḥ |
aparādhā yaterneti vadeya sāṃprataṃ kathaṃ || 85 || {84}
[Analyze grammar]

yadyavakṣyaṃ tathā rājā tadā me kupito nṛpaḥ |
sarvasvamapahṛtvāpi prāhariṣyate māmiha || 86 || {85}
[Analyze grammar]

atha yadi bhayād rājño nāvadiṣyaṃstathā kvacit |
nūnaṃ taṃ yatimarhantamapi rājā haniṣyate || 87 || {86}
[Analyze grammar]

tadāhaṃ kiṃ kariṣyāmi tadghorapātakānalaiḥ |
pacyamānassadāvīcau tiṣṭheyamatiduḥkhitaḥ || 88 || {87}
[Analyze grammar]

tadatra kiṃ kariṣyāmi yatropāyaṃ na vidyate |
sarvathāhaṃ vinaṣṭo 'smi vrajeya śaraṇaṃ kuha || 89 || {88}
[Analyze grammar]

yadimaṃ saugataṃ bhikṣumarhantaṃ brahmacāriṇaṃ |
anaparādhinaṃ hatvā kathaṃ pāpairna lepsyate || 90 || {89}
[Analyze grammar]

etairhi pātakairghorairahaṃ rājā janā ime |
sarve vatsyāmahe 'vīcau bhuktvā duḥkhāni sarvadā || 91 || {90}
[Analyze grammar]

hā me daivād yateścāpi nirjane vasato 'pi yat |
ghaṭe 'bhidṛśyate vatsamānsībhūtaṃ hi cīvaraṃ || 92 || {91}
[Analyze grammar]

avaśyaṃ bhāvino bhāvā bhavantyeva na cānyathā |
tadatra kiṃ kariṣyāmi bhikṣurvā kiṃ kariṣyati || 93 || {92}
[Analyze grammar]

tasyaiva karmadoṣeṇa māṃsībhūtaṃ hi cīvaraṃ |
atha mamaiva daivena taditi manyate na hi || 94 || {93}
[Analyze grammar]

tadatra kiṃ vadeyāhaṃ daivaṃ hi sarvakarmakṛti |
iti mamārho 'pyasya dūṣaṇaṃ nātra vidyate || 95 || {94}
[Analyze grammar]

tathapyetatpravṛttirna vaktavyaṃ kasya cidapi |
na gaṃtavyaṃ vahiḥ kvāpi sthātavyaṃ svagṛhe sadā || 96 || {95}
[Analyze grammar]

kadā citskhalitā buddhirvāṇī ca vismṛtasya me |
etaddhi pātakaṃ ghoraṃ samācakṣata kutra cit || 97 || {96}
[Analyze grammar]

tadāhaṃ niṃdyamāno 'tra sarvalokairitastataḥ |
bhratsyamānaḥ kathaṃ loke cariṣye duṣṭajaṃtuvat || 98 || {97}
[Analyze grammar]

iti dhyātvā viniścitya brāhmaṇaḥ sa viṣāditaḥ |
kasyāpyetatpravṛttāṃtaṃ noce daurjanyalajjayā || 99 || {98}
[Analyze grammar]

tatpātakāgnisaṃtaptaḥ smṛtvārhantaṃ tameva saḥ |
prāyaścittavrataṃ kurvanniva tasthau gṛhāśritaḥ || 100 || {99}
[Analyze grammar]

evaṃ dvādaśavarṣāṇi nṛpeṇāpi sa vismṛtaḥ |
raivato vaṃdhanāgāre tasthau dhyānasamāhitaḥ || 101 || {100}
[Analyze grammar]

atha dvādaśavarṣānte tacchiṣyāḥ sarva āgatāḥ |
tatpravṛttiṃ samākarṇya vismitāste 'bhavaṃstadā || 102 || {1}
[Analyze grammar]

tataḥ sarve 'pi te śiṣyāḥ saṃmīlya nṛpateḥ puraḥ |
upetyaitatpravṛttāṃtaṃ samākhyāya nyavedayan || 103 || {2}
[Analyze grammar]

ārogyamastu te rājan lokāndharmeṇa pālaya |
yadarthe vayamāyāmastatra bhavānprasīdatu || 104 || {3}
[Analyze grammar]

yadasmākaṃ gururbhikṣuraparādhaṃ vinā kathaṃ |
bhavatā vaṃdhanāgāre sthāpitastadvicāraya || 105 || {4}
[Analyze grammar]

iti tairbhikṣubhiḥ sarvaistacchiṣyaiḥ prārthite tadā |
vyomavāṇī tathākhyāya narendraṃ taṃ vyabodhayat || 106 || {5}
[Analyze grammar]

tatkhavāṇiṃ samākarṇya nṛpaḥ sa paribodhitaḥ |
tacchiṣyaiḥ sārito bhikṣuṃ taṃ mumocāśu vaṃdhanāt || 107 || {6}
[Analyze grammar]

aho grāvāgralikhitā niścalā karmasaṃtatiḥ |
prāptabhijño 'pi yatprāpa krūrakleśadaśāṃ tathā || 108 || {7}
[Analyze grammar]

taṃ yatiṃ nirgataṃ dṛṣṭvā sa rājābhyānutāpitaḥ |
ninindā mandapuṇyatvaṃ pramādāddhatamātmanaḥ || 109 || {8}
[Analyze grammar]

tadā sa nṛpati rājā sahasā tasya pādayoḥ |
sāṃjaliḥ praṇatiṃ kṛtvā samutthāyaivamabravīt || 110 || {9}
[Analyze grammar]

bhadanto vicāryaiva pramadā yadbhavānmayā |
sthāpito vaṃdhane tanme 'parādhaṃ kṣaṃtumarhati || 111 || {10}
[Analyze grammar]

vismṛtā me sahāyāṃ ca parijñātā na kena cit |
daṇḍaḥ patati śuddheṣu prāptaḥ pāpe mahīpatau || 112 || {11}
[Analyze grammar]

ityuktaḥ kṣitipālena kṣāntiprakṣālitāśayaḥ |
raivataḥ sa nareṃdraṃ taṃ samālokyaivamabravīt || 113 || {12}
[Analyze grammar]

rājanna te 'parādhatvaṃ mamaitatkarmajaṃ phalaṃ |
tadatra mā kṛthāḥ kheṭaṃ saugata ātmavidyutaṃ || 114 || {13}
[Analyze grammar]

tatastaṃ yatimarhantaṃ sa rājā sahasādarāt |
cīvareṇa samāchādya piṃḍakena samārcayat || 115 || {14}
[Analyze grammar]

tadaitadvṛttimākarṇya brāhmaṇaḥ sa tvarānvitaḥ |
āgatya tatsabhāmadhye dattāśīḥ samupācarat || 116 || {15}
[Analyze grammar]

tatra sa samupāsṛtya rājñe datvā jayāśiṣāṃ |
taṃ yatiṃ sāñjalirnatvā prārthayan vinayātkṣamāṃ || 117 || {16}
[Analyze grammar]

bhadanta bhavatāmevamaparādhamakārayan |
tanme 'parādhatāṃ kṣaṃtumarhati sarvathā bhavān || 118 || {17}
[Analyze grammar]

ityukte tena vipreṇa raivataḥ sa viśuddhadhīḥ |
brāhmaṇaṃ taṃ viṣaṇṇāsyaṃ samālokyaivamabravīt || 119 || {18}
[Analyze grammar]

na manyurvidyate vipra na tvayāpakṛtaṃ mayi |
mamaiva daivayā kena māṃsībhūtaṃ hi cīvaraṃ || 120 || {19}
[Analyze grammar]

tatrāhaṃ maunamālambya sthito daivābhyanusmaran |
tenātra kiṃ vadiṣyāmi daivā hi valavānbhave || 121 || {20}
[Analyze grammar]

na tvayāpākṛtaṃ kiñcidvipulakleśapātitaḥ |
tanmamopanataṃ pāke svakarmasadṛśaṃ phalaṃ || 122 || {21}
[Analyze grammar]

yatsautkaṇṭhatayaiva sarvavipadaḥ kurvanti kaṇṭhagrahaṃ sarvāṅgaprasabhopabhogasubhagāḥ kliśyanti yatsaṃpadaḥ |
yatsvāchaṃdyasukhāspadaṃ viharaṇaṃ dīrghaṃ ca yadvaṃdhanaṃ tatpuṃsāṃ nijakarmapākaśavalaṃ saṃsāravallīphalaṃ || 123 || {22}
[Analyze grammar]

iti tenārhatākhyātaṃ śrutvā naṃdaḥ sa bhūpatiḥ |
vismitaḥ kautukāccaivaṃ dṛṣṭvā taṃ yatimabravīt || 124 || {23}
[Analyze grammar]

tavāpi sumate kasya phalametatkukarmaṇaḥ |
kiṃ purā prakṛtaṃ karmantatsamākhyātumarhati || 125 || {24}
[Analyze grammar]

iti pṛṣṭe narendreṇa raivataḥ sa sudhiryatiḥ |
taṃ nareṃdraṃ samālokya bodhayituṃ tathāvadat || 126 || {25}
[Analyze grammar]

sādhu śṛṇu mahārāja yanmayā prakṛtaṃ purā |
tadatrāhaṃ pravakṣyāmi sarvalokaprabodhane || 127 || {26}
[Analyze grammar]

vārāṇasyāṃ purā krūracarito 'bhūtkuthābhidhaḥ |
gocauraḥ kutsikācāro gomāṃsavihitāśanaḥ || 128 || {27}
[Analyze grammar]

kadā citsa vane gatvā hatvā govatsamātmanā |
tadvatsamāṃsamādāya sahasā tato viniryayau || 129 || {28}
[Analyze grammar]

tatra gorakṣiṇo vatsanaṣṭamanviṣya sarvataḥ |
dṛṣṭvā taṃ māṃsabhārārttaṃ kopātsamabhidudruvuḥ || 130 || {29}
[Analyze grammar]

tatra sa kutha ālokya tān sarvān samupadrutān |
sahasopadruto 'raṇye pradudrāva vanāṃtare || 131 || {30}
[Analyze grammar]

tatra pratyekabuddhasya dhyānalīnasya so 'grataḥ |
upanikṣipya tanmāṃsaṃ tatraikānte nyalīyata || 132 || {31}
[Analyze grammar]

te 'pi gorakṣiṇaḥ sarve sānucarāmabhidrutāḥ |
tatra pratyekabuddhaṃ tamālokya samupācaran || 133 || {32}
[Analyze grammar]

tatra sa kutha āgatya teṣāṃ gorakṣiṇāṃ puraḥ |
gomāṃsaṃ darśayitvā taṃ caurāyamityadarśayat || 134 || {33}
[Analyze grammar]

tatra te gobhṛtaḥ sarve gomāṃsaṃ tanmuneḥ puraḥ |
dṛṣṭvaiva sahasā kopāttaṃ munimabhyaghātayat || 135 || {34}
[Analyze grammar]

vadhyo 'yamiti taṃ vadhvā gopālāste prakopitāḥ |
ākruśya sahasānītvā kārāgāre nyavaṃdhayat || 136 || {35}
[Analyze grammar]

tataḥ sa kutha ākarṇya taṃ yatiṃ vaṃdhane dhṛtaṃ |
paścāttāpāgnisaṃtaptastahītyevaṃ vyaciṃtayat || 137 || {36}
[Analyze grammar]

hā mayā pāpināpyevaṃ sādhyate pātakāni ca |
avaśyaṃ vahnināvīcau kuṃhbhyāṃ pakṣye rataṃściraṃ || 138 || {37}
[Analyze grammar]

yadayaṃ nirjane dhyāto pratyekabuddha ātmavit |
caurāyamiti saṃdarśya vaṃdhane sthāpitomayā || 139 || {38}
[Analyze grammar]

etatpāpavipāke hi sarvadā narake sthitaḥ |
tīvraduḥkhāgnisaṃtapta ante māṃ svakṛte phalaṃ || 140 || {39}
[Analyze grammar]

hā mayaivaṃ mahāghoraṃ pātakaṃ durdhiyā kṛtaṃ |
kadā tatpātakānmukto vrajeyaṃ sadgatiṃ kathaṃ || 141 || {40}
[Analyze grammar]

hā sarvajña namastubhyaṃ paśya māmatipāpinaṃ |
bhavānneva jagattrātā tanme 'pi trātumarhati || 142 || {41}
[Analyze grammar]

mayā mūḍhena duṣṭena mahāpātakamācitaṃ |
tadvimuktyāmupāyaṃ me kṛpayā dātumarhati || 143 || {42}
[Analyze grammar]

iti kuthaḥ sa cāṇḍālaḥ smṛtvā saṃbuddhamādarāt |
paścāttāpābhisaṃtaptastasthau gehe pramohitaḥ || 144 || {43}
[Analyze grammar]

tataḥ sa cetanaṃ prāpya saṃbuddhasyānubhāvataḥ |
sahasā tata utthāya tadantike upācarat || 145 || {44}
[Analyze grammar]

tatra sa samupāsṛtya tesāṃ gorakṣiṇaṃ puraḥ |
kṛtāṃjalipuṭo natvā yācitvābhayamabravīt || 146 || {45}
[Analyze grammar]

bhavanto 'tra mayā pāpaṃ kṛtaṃ tatpratidekṣyate |
tadbhavaṃtaḥ samākarṇya kṣaṃtumarhaṃti sarvathā || 147 || {46}
[Analyze grammar]

asya pratyekabuddhasya hyaparādho na vidyate |
tatra mayātiduṣṭena cauro 'yamiti darśitaḥ || 148 || {47}
[Analyze grammar]

tadatra mucyatāmeṣa pratyekasugato muniḥ |
satkṛtyābhyarcya piṃḍena mānanīyo hi sarvadā || 149 || {48}
[Analyze grammar]

atraitatpātakaṃ nāsya mamaiva mastake pacet |
tadahameva vadhyo 'tra tadayaṃ mucyatāṃ yatiḥ || 150 || {49}
[Analyze grammar]

iti tenoditaṃ śrutvā sarve gorakṣiṇo 'pi te |
ruṣṭāstaṃ sahasā vaddhvā paryākhyāyātyatāḍayat || 151 || {50}
[Analyze grammar]

tattāḍanaravaṃ śrutvā sa pratyekajinaḥ sudhīḥ |
gopālāṃstān samāmaṃtrya punarevaṃ samādiśat || 152 || {51}
[Analyze grammar]

bhavanto mucyatāmeṣa māparādhe 'pi hanyatāṃ |
kṣamā hi paramaṃ dharmaṃ tatkurvantu kṣamāmiha || 153 || {52}
[Analyze grammar]

tantāsādyāgano yogaṃ kartumarhanti sarvathā |
kiṃ daivaṃ nihataṃ hatvā yuṣmākaṃ setsyate phalaṃ || 154 || {53}
[Analyze grammar]

mayaitadvaṃdhanaṃ prāptaṃ mamaiva daivayogataḥ |
tadasyāpyaparādho 'tra nāstītyeṣa vimucyatāṃ || 155 || {54}
[Analyze grammar]

iti pratyekabuddhena tenādiṣṭaṃ niśamyate |
tatheti pratibuddhitvā tatkopaṃ mumucustadā || 156 || {55}
[Analyze grammar]

atha te gobhṛtaḥ sarve śrutvā tasya munervacaḥ |
sahasā vinatiṃ kṛtvā vaṃdhanāttaṃ vyamuṃcayat || 157 || {56}
[Analyze grammar]

tataste gobhṛtaḥ sarve taṃ pratyekamuniṃ mudā |
cīvareṇa samāchādya samabhyarcyātyatoṣayan || 158 || {57}
[Analyze grammar]

tatra taṃ samupāśritya kṛtāṃjalipuṭo natāḥ |
tadaparādhasaṃtaptāḥ prārthayannevamādarāt || 159 || {58}
[Analyze grammar]

bhagavañjñāyate 'smābhirbhavato nāparādhatā |
tenāsmākaṃ kṣamāṃ kartumarhatyatra bhavānapi || 160 || {59}
[Analyze grammar]

iti taiḥ prārthitaṃ śrutvā sa pratyekajinaḥ |
tān sarvān gobhṛto dṛṣṭvā samāśvāsyaivamabravīt || 161 || {60}
[Analyze grammar]

bhavanto mā viṣīdantu dūṣaṇaṃ vā na vidyate |
etadvṛttiṃ vijānāmi saugatā hi bhavārthavit || 162 || {61}
[Analyze grammar]

ityādiśya sa sarvajñaḥ pratyekabuddha utthitaḥ |
tata ākāśa utplutya svāśramaṃ gate āśrayan || 163 || {62}
[Analyze grammar]

taddṛṣṭvā te janāḥ sarve gopālāḥ prativismitāḥ |
tameva sugataṃ smṛtvā saddharme sarvadācaran || 164 || {63}
[Analyze grammar]

yo 'sau kuthābhidho goghnaḥ praduṣṭo 'haṃ tadābhavat |
tatpāpairnarakeṣvevaṃ ciraṃ duḥkhāni bhuktavān || 165 || {64}
[Analyze grammar]

asmiñjanmanyapi prāptakleśadvādaśavārṣikaṃ |
tadasyātrāparādhaṃ na mamaitaddaivayogataḥ || 166 || {65}
[Analyze grammar]

iti mahārāja śubhāśubhaṃ svadaivataḥ |
saṃsāre 'tra sadā puṇyaṃ karttavyaṃ satsukhārthibhiḥ || 167 || {66}
[Analyze grammar]

puṇyamevātra saṃsāre sārasarvārthasiddhidaṃ |
puṇyaṃ vinā na siddhyante kṛtakarmāṇi sarvathā || 168 || {67}
[Analyze grammar]

puṇyena jāyate svarge puṇyena yānti sadgatiṃ |
puṇyena sarvadā bhadraṃ kṛtvā yāṃti jinālayaṃ || 169 || {68}
[Analyze grammar]

daṃḍena mucyate vadhyaḥ puṇyasyaivānubhāvataḥ |
daṃḍārho 'pi prahāreṇa prahārārho 'pi roṣataḥ || 170 || {69}
[Analyze grammar]

roṣārhā romaharṣanena mucyate puṇyato nṛpa |
yāvantaḥ sūkhinaḥ sarvasaṃpatsamanvitāḥ || 171 || {70}
[Analyze grammar]

sarve te puṇyakarttāra iti jñeyā narādhipa |
puṇyena śuddhyate cittaṃ śuddhāśayo bhavetsudhīḥ || 172 || {71}
[Analyze grammar]

subuddhiḥ sarvadā nityaṃ śubheṣveva samācaret |
śubhācāro viśuddhāṃgaḥ satyavādī jitendriyaḥ || 173 || {72}
[Analyze grammar]

pariśuddhāśayo dhīro bhavetsatvahitārthabhṛt |
tathaitatpuṇyayuktātmā sarvavidyākalārthavit || 174 || {73}
[Analyze grammar]

bhaveddharmārthavijñaśca suguṇaśrīsamanvitaḥ |
tato māheśvarīsaṃpatprāpto lokahitodyataḥ || 175 || {74}
[Analyze grammar]

dānaṃ kṛtvā sadā saukhyaṃ bhuktyā nityaṃ śubhe caret |
etatpuṇyavipākena pariśuddhastrimaṇḍalaḥ || 176 || {75}
[Analyze grammar]

śubhraśīlo viśuddhātmā sadāryavratamācaret |
etatpuṇyānubhāvena kṣantidharmārthasādhakaḥ || 177 || {76}
[Analyze grammar]

svaparātmasamābhāvī caretmaitrīsukhānvitaḥ |
etatpuṇyavipākena dharmotsāhaguṇānvitaḥ || 178 || {77}
[Analyze grammar]

sarvaduṣṭagaṇāñjitvā caretsatvahite kṛtī |
etatpuṇyaprabhāvaiśca sarvakleśān vinirjayan |
samādhidhāraṇīvijñaścareddhyānaṃ samāhitaḥ || 179 || {78}
[Analyze grammar]

etatpuṇyavipākaiśca sarvaśāstrābdhipāragaḥ |
prajñāratnaṃ samāsādya mahābhijñapadaṃ labhet || 180 || {79}
[Analyze grammar]

etatpuṇyānubhāvaiścia sarvopāyavidhānavit |
sarvasatvahitaṃ kṛtvā śubhe nityaṃ samācaret || 181 || {80}
[Analyze grammar]

etatpuṇyānubhāvaiśca bodhipraṇidhimānasaḥ |
sarveṣāṃ maṃgalaṃ kṛtvā bhadracaryāṃ samācaret || 182 || {81}
[Analyze grammar]

etatpuṇyaprabhāvaiśca daśabalasamanvitaḥ |
sarvamārān vinirjitya caredbodhivrataṃ sadā || 183 || {82}
[Analyze grammar]

etatpuṇyabalenaiva saṃbodhijñānamuttamaṃ |
mahāratnaṃ samāsādya bhavetsarvavināyakaḥ || 184 || {83}
[Analyze grammar]

tataḥ sarvatra lokeṣu kṛtvā bhadrāṇi sarvadā |
bodhisatvo mahāsatvaḥ saṃbuddhapadamāpnuyāt || 185 || {84}
[Analyze grammar]

etatpuṇyānubhāvaiśca sarvāṃstraidhātukāsthitān |
satvānbodhau pratisthāpya kṛtvā dharmamayaṃ jagat || 186 || {85}
[Analyze grammar]

etatpuṇyavipākena dharmarājastathāgataḥ |
nirvṛta ālayalīno mahābuddho bhaveddhruvaṃ || 187 || {86}
[Analyze grammar]

evaṃ matvā mahārāja nirvṛtipadalabdhaye |
yadīchasi tathā puṇyameva karttavyamābhavaiḥ || 188 || {87}
[Analyze grammar]

puṇyameva mahāratnaṃ sarvatrāpi mahānugaṃ |
sarvārthasiddhidaṃ bhadraṃ saṃbuddhapadasādhanaṃ || 189 || {88}
[Analyze grammar]

iti vijñāya rājendra hitvā pāpānurāgatāṃ |
puṇyānyevātra saṃsāre karttavyāni hi sarvadā || 190 || {89}
[Analyze grammar]

pāpena sarvadāpyevaṃ durgatīṣveva saṃgatāḥ |
mūḍhā kleśāgnisaṃtaptā bhramanti bhavacārake || 191 || {90}
[Analyze grammar]

yāvaṃto duḥkhito duṣṭā saṃsāre kleśatāpitāḥ |
sarve te pāpakarttāra iti buddhaiḥ prakathyate || 192 || {91}
[Analyze grammar]

iti matvā mahārāja sadā bhadraṃ yadīchasi |
hitvā pāpānurāgatvaṃ saddharmaṃ cinu sādaraṃ || 193 || {92}
[Analyze grammar]

saddharmaṃ saugataṃ dharmaṃ yal lokaṃ hitasādhanaṃ |
tenātra sarvadharmāṇāṃ pravaramagramucyate || 194 || {93}
[Analyze grammar]

tadetaddharmasaṃprāptyai triratnaśaraṇaṃ gataḥ |
satkṛtya śraddhayā nityaṃ bhajasva samupasthitaḥ || 195 || {94}
[Analyze grammar]

triratne yatkṛtaṃ karmaṃ śubhaṃ vāpyaśubhaṃ tathā |
tatphalamaprameyamasaṃkhyeya mahattaraṃ || 196 || {95}
[Analyze grammar]

etatpuṇyānubhāvena sarve buddhā munīśvarāḥ |
jagaddharmamayaṃ kṛtvā niḥkleśā parinirvṛtāḥ || 197 || {96}
[Analyze grammar]

evaṃ vijñāya bhūmīndra hitvā pāparatiṃ sadā |
triratnabhajanaṃ kṛtvā cara nityaṃ sadā śubhe || 198 || {97}
[Analyze grammar]

abhuktaṃ kṣīyate naiva kvāpi karma śubhāśubhaṃ |
yenaiva yatkṛtaṃ karmaṃ tenaiva bhujyate phalaṃ || 199 || {98}
[Analyze grammar]

nāgnibhirdahyate karmaṃ dahyate deha eva hi |
nodakaiḥ klidyate karmaṃ klidyate tanureva ca || 200 || {99}
[Analyze grammar]

nānilaiḥ śuṣyate karmaṃ kāya evābhiśuṣyate |
na kṣītau kṣīyate karmaṃ kṣīyate tanureva hi || 201 || {100}
[Analyze grammar]

anyathāpi bhavennaiva vipāke karmaṇaḥ phalaṃ |
yathaiva yatkṛtaṃ yena tenaiva bhujyate tathā || 202 || {1}
[Analyze grammar]

kṛṣṇasya karmaṇaḥ pāke duḥkhataiva sadā bhave |
śubhasya sukhatā nityaṃ miśritasyobhayaṃ tathā || 203 || {2}
[Analyze grammar]

evaṃ karmavipākotthaṃ śubhāśubhaphalaṃ sadā |
bhuktvā sarvatra saṃsāre bhramanti sarvajaṃtavaḥ || 204 || {3}
[Analyze grammar]

evaṃ matvā mahārāja kṛṣṇāni miśritāni ca |
vihāyātra śobheṣveva caritavyaṃ sadā bhave || 205 || {4}
[Analyze grammar]

iti tenārhatādiṣṭaṃ śrutvānaṃdaḥ sa bhūpatiḥ |
tatheti prativijñapya sajanaḥ prābhya naṃdataḥ || 206 || {5}
[Analyze grammar]

tataḥ sa nṛpatirbhūyo raivataṃ taṃ mahāmatiṃ |
sucīvaraiḥ samāchādya sāṃjaliḥ praṇatiṃ vyadhāt || 207 || {6}
[Analyze grammar]

punarutthāya bhūpālastamarhantaṃ kṛtāṃjaliḥ |
praṇatvā vinayaṃ kurvan kramācca prārthayattathā || 208 || {7}
[Analyze grammar]

bhadantātra prasīdasva kṣamasva me 'parādhatāṃ |
sarvadā darśanaṃ datvānugrahaṃ kartumarhasi || 209 || {8}
[Analyze grammar]

ityukte 'nena bhūpena raivataḥ sa prasāditaḥ |
haṃsarāja ivāplutya bhāsayan khe samāyayau || 210 || {9}
[Analyze grammar]

tatrākāśe samāsīnaḥ prātihāryaṃ pradarśayan |
lokaiḥ saṃdṛśyamāno 'sau dhyātvā tasthau samujvalan || 211 || {10}
[Analyze grammar]

tatastairbhikṣubhiḥ śiṣyaiḥ samanvitaḥ prabhāsayan |
tathākāśāścaraṃ gatvā svāśrame samupāśrayan || 212 || {11}
[Analyze grammar]

taddṛṣṭvā sa nṛpo lokaiḥ sahātivismayānvitaḥ |
triratnabhajanaṃ kurvanpracacāra sadā mudā || 213 || {12}
[Analyze grammar]

evaṃ hyadoṣena viśeṣayuktyā pratyakṣaṇakṣyīkṛtalakṣaṇena |
alaṃkṛtaḥ sādhujanaḥ khalena nighnīkṛto 'pi na vikārameti || 214 || {13}
[Analyze grammar]

evaṃ svadaivayogena jāyate hyaparādhatā |
tannānyasyāparādhatvaṃ vaktavyaṃ kena citkva cit || 215 || {14}
[Analyze grammar]

iti me guruṇākhyātaṃ tathātra kathyate mayā |
iti matvā mahārāja sadā dharme samācara || 216 || {15}
[Analyze grammar]

prajāścāpi tathā rājanbodhayitvā prayatnataḥ |
bodhimārge pratiṣṭhāpya pālayasva sadādarāt || 217 || {16}
[Analyze grammar]

tathā te maṃgalaṃ nityaṃ sarvaṃ cāpi bhavetsadā |
kramādbodhiṃ samāsādya saṃbuddhapadamāpnuyāḥ || 218 || {17}
[Analyze grammar]

iti satyaṃ parijñāya triratnaśaraṇaṃ gataḥ |
satkṛtya śraddhayā nityaṃ bhajasvātra samāhitaḥ || 219 || {18}
[Analyze grammar]

iti tenārhatādiṣṭaṃ śrutvāśokaḥ sa bhūpatiḥ |
tathā hīti pratijñapya prābhyanandatsapārṣadaḥ || 220 || {19}
[Analyze grammar]

satkṛtyedaṃ narā ye kalimatidaraṇaṃ raivatasyāvadanaṃ śṛṇvanti śrāvayanti pramuditamanaso bhaktiśraddhāprasannāḥ |
te sarve 'pyevamatra vimalasumanasaḥ sarvadā satsukhāni bhuktvā kṛtvā subhadraṃ jinavaranilaye saṃprayānti pramodāṃ || 221 || {20}
[Analyze grammar]