Ratnamalavadana [sanskrit]

83,177 words | ISBN-10: 8172702957 | ISBN-13: 9788172702953

The Sanskrit edition of the Ratnamalavadana: a collection of Buddhist stories (avadana) belonging to the Mahayana tradition. Literally, “a garland of precious gems” or “a collection of edifying tales”, these 38 stories revolve around king Ashoka and the monk Upagupta. Original titles: Ratnamālāvadāna (रत्नमालावदान), Ratnamālā-āvadāna (रत्नमाला-आवदान, Ratnamala-avadana)

Chapter 20 - Mahiṣa-avadāna

atha sa pārthivo 'sokaḥ kṛtāñjalipuṭo mudā |
upaguptaṃ guruṃ natvā punarevamabhāṣata || 1 || {1}
[Analyze grammar]

bhadanta śrotumichāmi punaranyatsubhāṣitaṃ |
tadyathā guruṇākhyātaṃ tathādeṣṭuṃ ca me 'rhati || 2 || {2}
[Analyze grammar]

iti saṃprārthitaṃ rājñā śrutvā so 'rhanmahāmatiḥ |
upagupto nareṃdraṃ taṃ samālokyaivamādiśat || 3 || {3}
[Analyze grammar]

sādhu śṛṇu mahārāja yathā me guruṇoditaṃ |
tathāhaṃ te pravakṣyāmi sarve lokaprabodhane || 4 || {4}
[Analyze grammar]

tadyathā bhagavānbuddhaḥ śākyasiṃho munīśvaraḥ |
sarvajñaḥ sugataḥ śāstā dharmarājo vināyakaḥ || 5 || {5}
[Analyze grammar]

ṣaḍabhijño jagannātho mārajittu tathāgataḥ |
puraikasamaye sārddhaṃ bhikṣubhiḥ śrāvakaiḥ saha || 6 || {6}
[Analyze grammar]

cailakairbhikṣuṇībhiścaivamupāsikāgaṇairapi |
upāsākaistathānyaiśca saddharmaguṇavāṃchibhiḥ || 7 || {7}
[Analyze grammar]

bodhisatvairmahāsatvairbrahmendrādisurādhipaiḥ |
sarve lokādhipaiścāpi dānavendraiḥ śubhārthibhiḥ || 8 || {8}
[Analyze grammar]

nāgendrairgaruḍendraiśca yakṣagaṃdharvakinnaraiḥ |
grahai vidyādharaiścāpi tathānyaiśca vṛṣārthibhiḥ || 9 || {9}
[Analyze grammar]

stūya mānārcyamānaśca vaṃdyamāno 'bhinaṃditaḥ |
sarvasatvahitārthena janapadeṣu sarvataḥ || 10 || {10}
[Analyze grammar]

saddharmaṃ samupādiśya pracacāra sasāṃghikaḥ |
tathā ca kośale rāṣṭre varaṃ dharmamupādiśat || 11 || {11}
[Analyze grammar]

tato 'nyatrāpi saddharmamupadeṣṭuṃ tato 'carat |
tatrānyasmin vane prāpto bhagavān sa sasāṃghikaḥ || 12 || {12}
[Analyze grammar]

sarvatra maṃgalaṃ kṛtvā pracacāra śanaiḥ kramāt |
tatrārāṇye mahānyūtho mahiṣīṇāṃ samācarat || 13 || {13}
[Analyze grammar]

tatraiko mahiṣaścaṇḍo valavīryasamanvitaḥ |
mahāśṛṃgo mahākāyaḥ pratyavasanmadotkaṭaḥ || 14 || {14}
[Analyze grammar]

tatrāsanpaṃcamātrāṇi mahiṣapālaśatāni ca |
sarve tanmahiṣīyūthamanurakṣyādhyuvāsata || 15 || {15}
[Analyze grammar]

tadaikasmindine tatra bhagavān sa sasaṃghikaḥ |
pracaraṃstatpradeśe taṃ mahiṣīyuthamaikṣata || 16 || {16}
[Analyze grammar]

tadā te mahiṣīpālā taṃ munīṃdraṃ sasaṃghikaṃ |
samupāyātamālokya dūrādevamaghoṣayan || 17 || {17}
[Analyze grammar]

bhagavānmātra samāyāhi pathānyena vrajādhunā |
astyatra mahiṣo duṣṭastatsahasā carānyata || 18 || {18}
[Analyze grammar]

iti taiḥ śabditaṃ śrutvā bhagavān sa munīśvaraḥ |
sasaṃghaḥ samupāśritya tāṃ dṛṣṭvaivamahhāṣata || 19 || {19}
[Analyze grammar]

alpotsukābhavatvatra bhagavantaḥ kiṃ kuto bhayaṃ |
kālajño 'haṃ jinendro 'smi tadarthe 'tra samācare || 20 || {20}
[Analyze grammar]

tadā sa mahiṣo duṣṭastaṃ munīndraṃ sasāṃghikaṃ |
dūrāddṛṣṭvā samutthāya pradudrāva tadantike || 21 || {21}
[Analyze grammar]

tatra tadgaṃdhamāghrāya dṛṣṭvā taṃ raktacīvaraṃ |
ruṣā lāṃgūlamunnāmya saṃmukhaḥ prābhyadhāvata || 22 || {22}
[Analyze grammar]

tatra tena jinendreṇa pañcasiṃhā mahoddhatāḥ |
abhinirmāya tatpṛṣṭhe sthāpitā bhīmarūpiṇaḥ || 23 || {23}
[Analyze grammar]

tathā nirmāya tatrāgniskaṃdhau dvāvatiprojvalau |
ubhayoḥ pārśvayostasya sthāpito bhīmanisvanau || 24 || {24}
[Analyze grammar]

tathātra kūṭasaṃkāśo nirmāya mahatī śilā |
upariṣṭātpratiṣṭhāpya darśitā tasya bhītaye || 25 || {25}
[Analyze grammar]

tatra sa mahiṣo 'drākṣīttān siṃhānpṛṣṭhasaṃsthitān |
pārśvayorubhayoragniskaṃdhauruparitāṃ śilāṃ || 26 || {26}
[Analyze grammar]

evaṃ sa mahiṣo duṣṭo mahābhayamupasthitaṃ |
samantataḥ samālokya pravikheṭābhimohitaḥ || 27 || {27}
[Analyze grammar]

tatra sa trasito dṛṣṭvā parāyituṃ caturdiśaḥ |
samantato bhayādvignastasthau trāṇanirāśrayaḥ || 28 || {28}
[Analyze grammar]

tataḥ sa cakitastasya munīndrasyābhisaṃmukhaṃ |
upetya caraṇau natvā śaraṇaṃ samupāyayau || 29 || {29}
[Analyze grammar]

tatra tadbhayabhinnāsyaḥ parikhinnāśayo rudan |
bhagavaṃtaṃ tamālokya tasthau 'trāṇāśrayo puraḥ || 30 || {30}
[Analyze grammar]

tadā sa bhagavāndṛṣṭvā mahiṣyaṃ tamupasthitaṃ |
śaraṇāgatamālokya dharmamevamupādiśat || 31 || {31}
[Analyze grammar]

bhadramukheti saṃskārāḥ sarve 'nityā bhave dhruvāḥ |
sarvadharmā anātmanaḥ śāntaṃ nirvāṇameva hi || 32 || {32}
[Analyze grammar]

iti dharmaravam śrutvā sa tatpuṇyānubhāvataḥ |
pūrvajanmapravṛttāṃtaṃ smṛtvā prarurodānutāpitaḥ || 33 || {33}
[Analyze grammar]

evaṃ taṃ ruditaṃ dṛṣṭvā bhagavān sa munīśvara |
bodhayituṃ samāśvāsya punargāthe 'bhyabhāṣata || 34 || {34}
[Analyze grammar]

idānīṃ kiṃ kariṣyāmi tiryagyonigatasya te |
akṣaṇapratipannasya kiṃ rodiṣi nirarthakaṃ || 35 || {25}
[Analyze grammar]

sādhu prasādyatāṃ cittaṃ mayi kāruṇike jine |
tiryagyoniṃ virāgyeha tataḥ svargaṃ gamiṣyasi || 36 || {26}
[Analyze grammar]

ityādiṣṭaṃ munīndreṇa śrutvā sa mahiṣastadā |
sarvaṃ smṛtvā purāvṛttaṃ manasaivaṃ vyaciṃtayat || 37 || {27}
[Analyze grammar]

hā mayā durdhiyājñena tyaktvā saddharmasaṃyamaṃ |
krodhāgninā svayaṃ dagdhā saṃtāpare 'pi tāpitā || 38 || {28}
[Analyze grammar]

yenāhaṃ hā paribhraṣṭaḥ saddharmamaṇinā 'dhunā |
viṣarāgāgnisaṃtaptaḥ kṛṣṇāhiriva durmatiḥ || 39 || {29}
[Analyze grammar]

tadatra kiṃ kariṣyāmi tiryakjātirihādhunā |
kiṃ mamānena kāyena duḥkhe pāpānusādhinā || 40 || {30}
[Analyze grammar]

yatra puṇyaṃ sukhaṃ nāsti tatra kiṃ jīvitena me |
varamevādya me mṛtyurna tvevaṃ cirajīvitaṃ || 41 || {31}
[Analyze grammar]

avaśyaṃ mṛtyumāpnuyāṃ sarveṣāṃ maraṇaṃ dhruvaṃ |
tadatra me śarīre kā snehatā jīvite 'pi vā || 42 || {32}
[Analyze grammar]

dhikkāyaṃ jīvitaṃ cāpi yena puṇyaṃ na sādhyate |
puṇyameva bhave sāraṃ sarvatra satsukhapradaṃ || 43 || {33}
[Analyze grammar]

puṇyaṃ vinātrā saṃsare kiṃ śrīsaṃpatsukhānvite |
sarvaṃ vihāya gaṃtavyaṃ puṇyāmekaṃ tadānugaḥ || 44 || {34}
[Analyze grammar]

puṇyameva jaganmitraṃ puṇyameva sadānugaḥ |
puṇyameva mahatsāraṃ puṇyameva hitārthadaṃ || 45 || {35}
[Analyze grammar]

tasmātpuṇyaṃ prayatnena sādhanīyaṃ bhave sadā |
sarvatra sukhatāhetu puṇyameveti kathyate || 46 || {36}
[Analyze grammar]

tatpuṇyaratnasaṃprāptyai buddhasya śaraṇaṃ gataḥ |
sarvathā smaraṇaṃ kṛtvā bhajeyeha samāhitaḥ || 47 || {37}
[Analyze grammar]

ityevaṃ manasā dhyātvā mahiṣaḥ sa prabodhitaḥ |
taṃ buddhaṃ śrīghanaṃ natvānusmṛtvābhajānmudā || 48 || {38}
[Analyze grammar]

tataḥ sa bhagavānstasya dṛṣṭvāśayaviśuddhatāṃ |
saddharmaṃ samupādiśya sasaṃghaḥ svāśrame yayau || 49 || {39}
[Analyze grammar]

tatrāśrame samāsīno bhagavān sasasāṃghikaḥ |
sarvasatvahitārthena saṃbodhidharmamādiśat || 50 || {40}
[Analyze grammar]

taddharmadeśanāṃ śrotuṃ sarve lokāḥ samāgatāḥ |
brahmaśakrādayo devā lokapālāśca dānavāḥ || 51 || {41}
[Analyze grammar]

grahā vidyādharāḥ siddhā yakṣagaṃdharvakinnarāḥ |
garuḍā nāgarājāśca rākṣasāśca śubhārthinaḥ || 52 || {42}
[Analyze grammar]

ṛṣayo brāhmaṇāścāpi nṛpā rājakumārakāḥ |
vaiśyācca maṃtriṇo 'mātyā gṛhasthāśca mahājanāḥ || 53 || {43}
[Analyze grammar]

vaṇijaḥ sārthavāhāśca śilpinaḥ paurikā api |
grāmyā jānapadāścāpi tīrthyāḥ kārpaṭikā api || 54 || {44}
[Analyze grammar]

evamanye 'pi lokāśca saddharmaguṇavāṃ chinaḥ |
sarve te samupāgatya tatrāśrame samāviśat || 55 || {45}
[Analyze grammar]

tatra taṃ śrīghanaṃ dṛṣṭvā bhikṣusaṃghapuraskṛtaṃ |
natvā pradakṣiṇīkṛtvā samānarcuryathākramaṃ || 56 || {46}
[Analyze grammar]

tataste praṇatiṃ kṛtvā parivṛtya samaṃtataḥ |
tatsaddharmāmṛtaṃ pātumupatasthuḥ samāhitāḥ || 57 || {47}
[Analyze grammar]

tadā sa bhagavāndṛṣṭvā tān sarvān samupasthitāṃ |
ādimadhyāṃtakalyāṇaṃ saddharmaṃ samupādiśat || 58 || {48}
[Analyze grammar]

tatsaddharmāmṛtaṃ pītvā sarve te saṃprabodhitāḥ |
dharmaviśeṣamājñāya triratnaṃ sarvadābhajan || 59 || {49}
[Analyze grammar]

tatra sa mahiṣaḥ pūrvajanmavṛttimanusmaran |
tadā taddehamutsraṣṭuṃ manasaivaṃ vyaciṃtayat || 60 || {50}
[Analyze grammar]

hā duṣṭena mayā pūrvamācitaṃ ghorapātakaṃ |
tenāhaṃ mahiṣo duṣṭo bhavāmyatra yathoditaṃ || 61 || {51}
[Analyze grammar]

tadatra kiṃ prakurvīya paśustatpāpaśodhaṇaṃ |
tattriratnamanusmṛtvā careyāhamupoṣadhaṃ || 62 || {52}
[Analyze grammar]

datvātrāhamimaṃ kāyaṃ satvebhyaḥ śraddhayā 'dhunā |
manasā sugataṃ dhyātvā martuṃ tiṣṭheya sāṃprataṃ || 63 || {53}
[Analyze grammar]

tadimaṃ dehamutkṛtya tvagmānsarudhirādikaṃ |
asthimajjādi sarvaṃ ca bhujantu prāṇino mudā || 64 || {54}
[Analyze grammar]

ye ye satvā imaṃ dehaṃ bhujanti surasaṃ mudā |
te te sarve sadā dharmaṃ kṛtvā yāntu surālāyaṃ || 65 || {55}
[Analyze grammar]

tathaitatpuṇyapākena muktvāsmānpāpakāśrayāt |
āsādya sadgatau janma bhajeyaṃ sugataṃ sadā || 66 || {56}
[Analyze grammar]

iti dhyātvā viniścitya mahiṣaḥ sa prasannadhīḥ |
tyaktvāhāraṃ tapaśvīva buddhaṃ smṛtvācarattapaḥ || 67 || {57}
[Analyze grammar]

tathā sa mahiṣo dhyātvā triratnaṃ cābhyanusmaran |
dehaṃ tyaktvā viśuddhātmā surālayaṃ samāyayau || 68 || {58}
[Analyze grammar]

tatra svarge sa utpanno mahāsukhasamanvitaḥ |
vismitābhiprasannātmā tadaivaṃ samaciṃtayat || 69 || {59}
[Analyze grammar]

aho hi jāyate saukhyaṃ kutaścyutvā kuhācare |
kasya puṇyavipākena mamaivaṃ jāyate śubhaṃ || 70 || {60}
[Analyze grammar]

iti ciṃtayatastasya mahiṣapūrviṇastathā |
vismayākrāṃtacittasya samutpannābhavanmatiḥ || 71 || {61}
[Analyze grammar]

aho tiryaggateścyutvā devaloka ihāsare |
saṃbuddhasmṛtipuṇyena devo bhavāmi sāṃprataṃ || 72 || {62}
[Analyze grammar]

tadahaṃ tasya munīndrasya draṣṭuṃ gacheya sāṃprataṃ |
śraddhayā samupāśritya saddharmaṃ śṛṇuyāṃ punaḥ || 73 || {63}
[Analyze grammar]

iti mahiṣapūrvī sa devaputraḥ pramoditaḥ |
tatra tasya munīndrasya darśane gaṃtumaichata || 74 || {64}
[Analyze grammar]

tataḥ sa muditaḥ snātvā śuddhadivyāṃvarāvṛtaḥ |
divyagaṃdhānuliptāṃgo divyālaṃkārabhūṣitaḥ || 75 || {65}
[Analyze grammar]

divyapūjopahārāṇi gṛhītvā devagaṇaiḥ saha |
tasyāṃ rātrau munīndrasya bhāsayannāśrame yayau || 76 || {66}
[Analyze grammar]

tatra taṃ śrīghanaṃ dṛṣṭvā muditaḥ samupāsaran |
natvā pradakṣiṇīkṛtya samānarcca yathāvidhiḥ || 77 || {67}
[Analyze grammar]

tatastasya munīndrasya sāṃjaliḥ sa praṇamya ca |
saddharmadeśanāṃ śrotuṃ purataḥ samupāśrayat || 78 || {68}
[Analyze grammar]

tathā te tatsahāyāśca devaputrāḥ prasāditāḥ |
bhagavaṃtaṃ sāṃjalayaḥ upāśrayan || 79 || {69}
[Analyze grammar]

tataḥ sa bhagavāndṛṣṭvā sarvānstān samupasthitān |
āryasatyasamārabhya saddharmaṃ samupādiśat || 80 || {70}
[Analyze grammar]

tatsaddharmāmṛtaṃ pītvā saha devaiḥ pramoditaḥ |
devo mahiṣapūrvi sa dharmaviśeṣamāptavān || 81 || {71}
[Analyze grammar]

satkāyaduṣṭibhūmīndhraṃ viṃśatiśikharodgataṃ |
nirbhidya jñānavajreṇa śrotaāpattimāyayau || 82 || {72}
[Analyze grammar]

tātaḥ sa dṛṣṭasatyastaṃ bhagavantaṃ munīśvaraṃ |
kṛtāṃjaliḥ puṭo natvā trirudānamudānayat || 83 || {73}
[Analyze grammar]

bhagavannidamasmākaṃ kṛtaṃ na janakena hi |
na mātrā na ca rājñāpi nānyena kena citkhalu || 84 || {74}
[Analyze grammar]

bhavataiva yadasmākaṃ kṛtapāpaviśodhanaṃ |
tenābhiśoṣitāśeṣarudhirāśrusāritpariḥ || 85 || {75}
[Analyze grammar]

laṃghitā asthiśailāśca pihitā pāpapaddhatiḥ |
vivṛtāḥ svargamārgāśca mokṣamārgaśca darśitaḥ || 86 || {76}
[Analyze grammar]

mayāptaṃ vimalaṃ cakṣuḥ śāntamāryapadaṃ tathā |
duḥkhārṇavaḥ samuttīrṇo bodhimārgo 'pi dṛśyate || 87 || {77}
[Analyze grammar]

tadbhavatāṃ kṛpādṛṣṭeḥ prasādānmama sāṃprataṃ |
saṃsārajanma sāphalyaṃ buddhaputrāsmyahaṃ yataḥ || 88 || {78}
[Analyze grammar]

adyārabhya sadā nityaṃ bhavatāṃ śaraṇaṃ gataḥ |
bodhau cittaṃ samādhāya cariṣyāmi śubhāṃ cariṃ || 89 || {79}
[Analyze grammar]

tadatrānugrahaṃ kṛtvā bhavāñchāstā jagaguruḥ |
kṛpayā sarvadā paśyannevaṃ māṃ trātumarhati || 90 || {80}
[Analyze grammar]

iti saṃprārthitaṃ tena suparvaṇā niśamya saḥ |
śāstā tasyāśayaṃ śuddhaṃ samalokyaivamādiśat || 91 || {81}
[Analyze grammar]

sadho śṛṇu hitaṃ vakṣye sadā bhadraṃ yadīchasi |
triratnaṃ śaraṇaṃ gatvā bhaja nityaṃ samādarāt || 92 || {82}
[Analyze grammar]

ye buddhaśaraṇaṃ kṛtvā bhajaṃti śraddhayā sadā |
māracaryābhimuktāste saṃprayāṃti jinālayaṃ || 93 || {83}
[Analyze grammar]

ye dharmaṃ saugataṃ nityaṃ śṛṇvanti śraddhayā mudā |
sarvapāpābhimuktāste saṃprayānti sukhāvatīṃ || 94 || {84}
[Analyze grammar]

ye ca saṃghe prakurvanti satkāraṃ śraddhayādarāt |
te sarve durgatermuktvā saṃprayānti surālayaṃ || 95 || {85}
[Analyze grammar]

triratnaśaraṇaṃ kṛtvā ye bhajanti sadādarāt |
durgatiṃ te na gachaṃti sadā gachaṃti sadgatiṃ || 96 || {86}
[Analyze grammar]

sadgatau te sadā sthitvā triratnaṃ śaraṇaṃ gatāḥ |
kṛtvā lokahitaṃ saukhyaṃ bhuktvā ramanti sarvadā || 97 || {87}
[Analyze grammar]

tataḥ pāramitāḥ sarvāḥ paripūrya yathākramaṃ |
trividhāṃ bodhimāsadya nirvṛtiṃ samavāpnuyuḥ || 98 || {88}
[Analyze grammar]

iti nirvāṇasatsaukhyaḥ prāptuṃ yadi samichasi |
triratnaṃ śaraṇaṃ kṛtvā bhaja nityaṃ samāhitaḥ || 99 || {89}
[Analyze grammar]

etatpuṇyānubhāvena pariśuddhastrimaṃḍalaḥ |
kramādbodhiṃ samāsādya saṃbuddhapadamāpnuyāḥ || 100 || {90}
[Analyze grammar]

ityādiṣṭaṃ munīndreṇa śrutvā sa paribodhitāḥ |
tathetyabhyanumoditvā punarevamabhāṣata || 101 || {91}
[Analyze grammar]

adya me saphalaṃ saṃpūritaṃ manorathaṃ |
bodhiratnābhisaṃpanno buddhaputro 'smi sāṃprataṃ || 102 || {92}
[Analyze grammar]

sarvadā bhavatāmeva śaraṇe 'haṃ samāsthitaḥ |
triratnabhajanaṃ kurvañcariṣye bodhisaṃvaraṃ || 103 || {93}
[Analyze grammar]

iti saṃprārthanāṃ kṛtvā devaputraḥ sa moditaḥ |
śrīghanaṃ taiḥ punarnatvā sasahāyo divaṃ yayau || 104 || {94}
[Analyze grammar]

tatra svarge sa saṃprāpto devaiḥ saha samāśritaḥ |
triratnasmaraṇaṃ kurvan saukhyaṃ bhuktvā samācarat || 105 || {95}
[Analyze grammar]

tasyāṃ rātrau mahatkāntiṃ prabhāṃ dṛṣṭvā savismayāḥ |
sarve te mahiṣīpālā vabhūvuḥ śaṃkitāśayāḥ || 106 || {96}
[Analyze grammar]

tataḥ prātaḥ samutthāya sarve te kautukānvitāḥ |
saṃmīlya sahasā tatra buddhāśrame upācaran || 107 || {97}
[Analyze grammar]

tatra taṃ śrīghanaṃ dṛṣṭvā sarve te pratimoditāḥ |
kṛtāṃjalipuṭo natvā samupatasthurādarāt || 108 || {98}
[Analyze grammar]

tadā sa bhagāvāndṛṣṭvā tān sarvān samupasthitān |
ādimadhyāṃtakalyāṇaṃ dideśa dharmamuttamaṃ || 109 || {9!}
[Analyze grammar]

tatsaddharmāmṛtaṃ pītvā sarve te pratibodhitāḥ |
bhagavaṃtaṃ punarnatvā paprachurevamādarāt || 110 || {100}
[Analyze grammar]

bhagavannadya rātrau ka ihāśrame prabhāsayan |
bhavatāṃ samupāyātastatsamādeṣṭumarhati || 111 || {1}
[Analyze grammar]

iti tairmahiṣīpālaiḥ paripṛṣṭe sa sarvavit |
bhagavāṃstān samālokya purāvṛttimupādiśat || 112 || {2}
[Analyze grammar]

yo 'trāsau mahiṣo duṣṭo dṛṣṭvāsmān samupadrutaḥ |
samantato bhayaṃ dṛṣṭvā trasto me śaraṇaṃ gataḥ || 113 || {3}
[Analyze grammar]

tadā maddharmamākarṇya pūrvajātimanusmaran |
mayi cittaṃ prasādyaiva tyaktvāhārā tyajantanuṃ || 114 || {4}
[Analyze grammar]

tato 'smatsmṛtipuṇyena pāpamukto viśuddhadhīḥ |
svargaloke samutpanno devo bhavati sāṃprataṃ || 115 || {5}
[Analyze grammar]

sa eṣa devaputro 'dya niśāyāmatra bhāsayan |
devalokaiḥ sahāyāto darśanāya mamālāye || 116 || {6}
[Analyze grammar]

matsaddharmaṃ samākarṇya dṛṣṭasatyaḥ sa harṣitaḥ |
devasaṃghaiḥ saha svarge svālaye pragatastathā || 117 || {7}
[Analyze grammar]

ityādiṣṭaṃ munīndreṇa śrutvātivismayoddhatāḥ |
sarve te mahiṣīpālā mitha evaṃ samabruvan || 118 || {8}
[Analyze grammar]

aho citra hi yannāma tiryagyonigato 'pi saḥ |
buddhaṃ sadgurumāsādya dharmaṃ śrutvābhavatsudhīḥ || 119 || {9}
[Analyze grammar]

sadgurau sugate cittaṃ prasādya viratāśanaḥ |
trirātnasmaraṇaṃ kṛtvā prāṇaṃ tyaktvā divaṃ yayau || 120 || {10}
[Analyze grammar]

tato 'pīha samāgatya saṃbuddhaṃ śaraṇaṃ gataḥ |
abhyarcya dharmamākarṇya dṛṣṭasatyo divaṃ yayau || 121 || {11}
[Analyze grammar]

svarge 'pi tattathā nityaṃ sadguroḥ śaraṇaṃ gataḥ |
śraddhayā bhajanaṃ kurvaṃ chubhe 'caratsamāhitaḥ || 122 || {12}
[Analyze grammar]

dhanyo 'yaṃ sugataḥ śāstā sarvasatvaśubhaṃkaraḥ |
yatra cittaṃ prasādyaiva paśurapi divaṃ gataḥ || 123 || {13}
[Analyze grammar]

vayaṃ tu mānavāḥ sarve kathamenaṃ munīśvaraṃ |
sadguruṃ samupāsādya śraddhayā na bhajemahi || 124 || {14}
[Analyze grammar]

tathā saddharmamākarṇya prasādādasya sadguroḥ |
atkṛtya sarvadā bhadraṃ na lābhema kathaṃ vayaṃ || 125 || {15}
[Analyze grammar]

viśeṣadharmamājñāya dṛṣṭasatyāḥ samāhitāḥ |
triratnabhajanaṃ kṛtvā nūnaṃ gachema sadgatiṃ || 126 || {16}
[Analyze grammar]

tadatra sadgurorasya munīndrasyādhunā vayaṃ |
sarve 'pi śraddhayābhyarcya bhajemahi samādarāt || 127 || {17}
[Analyze grammar]

tatsāddharmaṃ samākarṇya śraddhayā samupasthitāḥ |
triratnabhajanaṃ kṛtvā caremahi śubhe sadā || 128 || {18}
[Analyze grammar]

tadādau sugatasyāsya sasaṃghasyā 'dhunā vayaṃ |
yathārhabhojanenātra pūjayema prapuṣṭaye || 129 || {18!}
[Analyze grammar]

iti saṃbhāṣaṇāṃ kṛtvā sarve te pratimoditāḥ |
tatheti saṃmataṃ kṛtvā tatra buddhāśrame yayuḥ || 130 || {19}
[Analyze grammar]

tatra taṃ śrīghanaṃ dṛṣṭvā sasaṃghaṃ taṃ pramoditāḥ |
sarvasāṃjalayo natvā prārthayannevamādarāt || 131 || {20}
[Analyze grammar]

bhagavannātha sarvajña bhagavaṃtaṃ sasaṃghikaṃ |
pūjayituṃ samichāmastannatrānugrahaṃ kuru || 132 || {21}
[Analyze grammar]

iti taiḥ prārthitaṃ śrutvā bhagavān sa munīśvaraḥ |
teṣāṃ puṇyābhisaṃvṛddhyai tūṣṇībhūtvādhyuvāsa tat || 133 || {22}
[Analyze grammar]

tathādhyuvāsitaṃ matvā sarve te pariharṣitāḥ |
pādau tasya munīndrasya natvā nijālayaṃ yayuḥ || 134 || {23}
[Analyze grammar]

tatra te muditāḥ sarve dadhikṣīrodanādikaṃ |
yathārhabhojyasāmagriṃ sahasā samasādhayan || 135 || {24}
[Analyze grammar]

tataste samaye gatvā tatra buddhāśrame mudā |
sasāṃghikaṃ munīndraṃ taṃ praṇatvaivaṃ nyavedayan || 136 || {25}
[Analyze grammar]

bhagavannātha sarvajña samayo varttate 'dhunā |
tatsaṃgha bhagavānpūjāṃ pratigrahitumarhati || 137 || {26}
[Analyze grammar]

iti taiḥ prārthite sarve bhagavān sasasāṃghikaḥ |
utthāya bhojanakṣetre upācarānprabhāsayan || 138 || {27}
[Analyze grammar]

tatra pādyaṃ samādāya saṃbuddhapramukhāḥ kramāt |
sarve te sāṃghikāstatra svasvāsane samāśrayan || 139 || {28}
[Analyze grammar]

tāṃ buddhapramukhān sarvān sāṃghikān svāsanāśritān |
dṛṣṭvā te muditā sarve sāmānarcuryathākramaṃ || 140 || {29}
[Analyze grammar]

tataste surasairbhojyaiḥ kṣīrodanaiḥ savyaṃjanaiḥ |
praṇītairbhagavaṃtaṃ taṃ sasaṃghaṃ samatoṣayan || 141 || {30}
[Analyze grammar]

tatastaṃ sugataṃ tṛptaṃ sasāṃghikaṃ samīkṣya te |
tatpātrāṇyapanīyāśu taddhastādi samaśodhayan || 142 || {31}
[Analyze grammar]

tataḥ sapūgatāmburāmahauṣadharasāyanaṃ |
saṃbuddhapramukhebhyaste saṃghebhyaḥ pradadurmudā || 143 || {32}
[Analyze grammar]

tataste mahiṣīpālāḥ kṛtāṃjalipūṭā mudā |
śrīghanaṃ taṃ sasaṃghaṃ ca natvā samupatasthire || 144 || {33}
[Analyze grammar]

tathā tan samupāsīnān sarvāndṛṣṭvā sa sarvavit |
āryadharmaṃ samādiśya bodhimārge 'bhyayojayat || 145 || {34}
[Analyze grammar]

tatsaddharmāmṛtaṃ pītvā sarve te 'bhyanumoditāḥ |
saṃbuddhaśāsane tatra pravrajituṃ samīkṣire || 146 || {35}
[Analyze grammar]

tatāste mahiṣīpālāḥ sarve kṛtvābhisaṃmataṃ |
kṛtāṃjalipuṭā natvā prārthayantaṃ munīśvaraṃ || 147 || {36}
[Analyze grammar]

bhāgavaṃ nātha sarvajña bhavatāṃ śāsane vayaṃ |
pravrajituṃ samichāmastanno 'nvāhartumarhati || 148 || {37}
[Analyze grammar]

iti taiḥ prārthitaṃ śrutvā bhagavān sa munīśvaraḥ |
tān viśuddhāśayān sarvān samālokyaivamādiśat || 149 || {38}
[Analyze grammar]

mātāpitrorvinānujñāṃ pravrajyāṃ na dadāmyahaṃ |
tadanujñāṃ samādāya preta dāsyāmi vastadā || 150 || {39}
[Analyze grammar]

ityādiṣṭe munīndreṇa sarve te pratinaṃditāḥ |
taṃ munīndraṃ praṇatvāśu svasvagehaṃ yayurmudā || 151 || {40}
[Analyze grammar]

tatra te sahasā gatvā samātāpitṛvāṃdhavān |
paribodhya prayatnena prāpyānujñāṃ samācaraṃ || 152 || {41}
[Analyze grammar]

tatra te sahasā gatvā bhagavata upāsṛtāḥ |
pādau sāṃjalayornatvā prārthayannevamādarāt || 153 || {42}
[Analyze grammar]

bhagavan sarvavitpitṛprāptānujñāḥ samāgatāḥ |
tatrānugrahamādhāya pravrajyāṃ dātumarhati || 154 || {43}
[Analyze grammar]

iti taiḥ prārthite śāstā bhagavān savyapāṇinā |
teṣāṃ śirassusaṃspṛṣṭvā samālokyaivamādiśat || 155 || {44}
[Analyze grammar]

sameta bhikṣavaḥ sarve yūyaṃ śraddhāsamaṃgitāḥ |
pravrajyāvratamādhāya carata brahmacārikāṃ || 156 || {45}
[Analyze grammar]

ityādiṣṭe munīndreṇa sarve te muṇḍitā vabhuḥ |
khikkhirīpātradharttāraḥ kākhāyacīvarāvṛtāḥ || 157 || {46}
[Analyze grammar]

tataḥ śastuḥ prasādena sarve te vimalāśayāḥ |
pralabdhabodhisaccittāḥ śuddhaśīlā jiteṃdriyāḥ || 158 || {47}
[Analyze grammar]

bhitvāvidyāguṇāḥ samyakprāptavidyāviśāradāḥ |
pratisaṃvitsusaṃprāptāḥ satyamārgasamanvitāḥ || 159 || {48}
[Analyze grammar]

samādhidhāraṇīvidyā ghaṭamānāḥ samāhitāḥ |
kṣamānvitāḥ śubhātmāno yogino bhikṣavo 'bhavan || 160 || {49}
[Analyze grammar]

tataste sarvasaṃsāraṃ matvānityaṃ cālācalaṃ |
dṛṣṭvā ca sarvasaṃskāragatīrahivighātinīḥ || 161 || {50}
[Analyze grammar]

sarvakleśagaṇān hitvā jitvā māragaṇānapi |
sākṣādarhatvamāsādya pracerurbrahmacārikāḥ || 162 || {51}
[Analyze grammar]

tataste bhikṣavaḥ sarve pariśuddhatrimaṃḍalāḥ |
vītasaṃgā mahābhijñā nirvikalpā niraṃjanāḥ || 163 || {52}
[Analyze grammar]

samaloṣṭakasauvarṇāḥ satkāralābhanispṛhāḥ |
akāśasamacittāṅgā bhave lābhaparāṅmukhāḥ || 164 || {53}
[Analyze grammar]

devāsurādi lokānāṃ traidhātukanivāsināṃ |
pūjyā mānyāśca vaṃdyāśca babhūvurbodhicāriṇaḥ || 165 || {54}
[Analyze grammar]

taddṛṣṭvā bhikṣavaḥ sarve vismayoddhatamānasāḥ |
bhagavaṃtaṃ muniṃ natvā papracbustatpurākṛtaṃ || 166 || {55}
[Analyze grammar]

bhagavan kāni karmāṇi tena mahiṣapūrviṇā |
kṛtāni devaputreṇa yairasau mahiṣo 'bhavat || 167 || {56}
[Analyze grammar]

ebhiśca mahiṣīpālaiḥ kiṃ karma prakṛtaiḥ purā |
yenārhatvaṃ samāsādya bhavaṃti brahmacāriṇaḥ || 168 || {57}
[Analyze grammar]

etatsarvaṃ samādiśya bhavāñchāstātra sāṃprataṃ |
asmākaṃ api cetāṃsi prabodhayitumarhati || 169 || {58}
[Analyze grammar]

iti tairbhikṣubhiḥ pṛṣṭe bhagavān sa munīśvaraḥ |
tān sarvān sāṃghikānbhikṣūn samālokyaivamādiśat || 170 || {59}
[Analyze grammar]

śṛṇuta bhikṣavaḥ sarve tena mahiṣapūrviṇā |
purā kṛtāni karmāṇi tāni vakṣyāmi sāṃprataṃ || 171 || {60}
[Analyze grammar]

ebhiśca mahiṣipālaiḥ purā yāni kṛtānyapi |
tāni sarvāṇi karmāṇi vakṣyāmi ca tathā 'dhunā || 172 || {61}
[Analyze grammar]

tadyathābhūtpurā buddhaḥ kāśyapo 'rhanstathāgataḥ |
sarvajñaḥ sugataḥ śāstā dharmarājo vināyākaḥ || 173 || {62}
[Analyze grammar]

bhagavān sa tadā pūryāṃ varāṇasyā upāśrame |
mṛgadāve samāśritya vijahāra sasāṃghikaḥ || 174 || {63}
[Analyze grammar]

tadā tasya munīndrasya śāsane tripiṭo yatiḥ |
bhikṣureko mahāvijño niścayārthaviśāradaḥ || 175 || {64}
[Analyze grammar]

tadaikasamaye bhikṣupaṃcaśataiḥ puraskṛtaḥ |
sa sabhāyāṃ samāsīnaḥ saddharmaṃ samupādiśat || 176 || {65}
[Analyze grammar]

tasya te bhikṣavaḥ śikṣāḥ śaikṣāśca saṃścayānvitāḥ |
tripiṭārthaṃ parijñātuṃ paprachustaṃ guruṃ muhuḥ || 177 || {66}
[Analyze grammar]

evaṃ tairbhikṣubhiḥ pṛṣṭe sa guruḥ pratiroṣitaḥ |
tān sarvāñchrāvakāñchiṣyāñchaikṣāṃśca paryabhāṣata || 178 || {67}
[Analyze grammar]

tataste śrāvakāḥ sarve dṛṣṭvā taṃ ruṣitaṃ guruṃ |
praṇatvā vinayaṃ kṛtvā punarevamabhāsire || 179 || {68}
[Analyze grammar]

bhavanta mā kṛthā roṣaṃ prasīdasva kṛpānidhe |
vyākhyātaṃ bhavatā samyaktadasmābhi na budhyate || 180 || {69}
[Analyze grammar]

tadbhūyo 'pi bhavānetadarthaṃ samyaksuvistaraṃ |
asmaccetaṃ prabodhārthaṃ samupādeṣṭumarhati || 181 || {70}
[Analyze grammar]

iti taiḥ prārthite bhūyastripiṭaḥ so 'tiroṣitaḥ |
tathā tāñchrāvakān sarvānparibhāṣyaivamabravīt || 182 || {71}
[Analyze grammar]

are re mahiṣā yūyaṃ tatkiṃ jānītha madvacaḥ |
tadbhūyaḥ kiṃ pravakṣyāmi yacchrutvāpi na budhyate || 183 || {72}
[Analyze grammar]

iti tenoditaṃ śrutvā sarve te pariroṣitāḥ |
taṃ guruṃ yatimarhantamapi pratyavadastathā || 184 || {73}
[Analyze grammar]

yadvayaṃ mahiṣāḥ sarve tadbhavānmahiṣādhipaḥ |
yadasmākaṃ yathā śāsta tathā bhavatu pālakaḥ || 185 || {74}
[Analyze grammar]

iti taiḥ śrāvakaiḥ sarvaiḥ śikṣaiḥ śaikṣaṃ ca roṣitaiḥ |
sadgurorantike kopād yatkhalaṃ pratibhāṣitaṃ || 186 || {75}
[Analyze grammar]

etatpāpābhiśaṃkārttāḥ paścāttāpābhitāpinaḥ |
tamarhantaṃ guruṃ natvā punarevaṃ vabhāṣire || 187 || {76}
[Analyze grammar]

aho mūḍhā vayaṃ sarve yatkopātsadgurorapi |
pratyākhyāya vayo 'smābhiḥ pratyuttaraṃ pradīyate || 188 || {77}
[Analyze grammar]

tadetatpātakaṃ ghoraṃ kathaṃ vayaṃ śahemahi |
tadbhavān kṛpayāsmākaṃ kṣaṃtumarhati sarvathā || 189 || {78}
[Analyze grammar]

tathā janmāṃtare cāpi bhavantameva sadguruṃ |
kalyāṇamitramāsādya prāpnuyāma susaṃvaraṃ || 190 || {79}
[Analyze grammar]

iti saṃprārthanāṃ kṛtvā sarve te bhikṣavastathā |
tasya gurorupāśritya dharmaṃ śrutvābhajan sadā || 191 || {80}
[Analyze grammar]

tataste samaye sarve śrāvakāstripiṭo 'pi saḥ |
kālaṃ gatāḥ punarjanma lehire durgatau tataḥ || 192 || {81}
[Analyze grammar]

khalavākkarmapākena paṃcajanmaśatānyapi |
sa tripiṭapatiḥ śāstā mahiṣo 'yaṃ sabhābhavat || 193 || {82}
[Analyze grammar]

sarve te śrāvakāścāpi yathā vākkarmadoṣataḥ |
tatheme mahiṣīpalā vabhūvuḥ sarvadā bhave || 194 || {83}
[Analyze grammar]

atrāpi mahiṣo duṣṭastripiṭo 'sau bhavatyapi |
ime 'pi mahiṣīpālā bhavanti bhikṣavo 'pi te || 195 || {84}
[Analyze grammar]

yaccāyaṃ mahiṣo 'pyatra kāśyapakṛtapuṇyataḥ |
dṛṣṭvā māṃ suprasannātmā natvā me śaraṇaṃ gataḥ || 196 || {85}
[Analyze grammar]

etatpuṇyavipākena devaputro bhavatyayaṃ |
āryasatyaṃ samāsādya dṛṣṭasatyo sudhīrapi || 197 || {86}
[Analyze grammar]

ime 'pi mahiṣīpālāḥ kāśyapapuṇyapākātaḥ |
pravrajyārhatvamāsādya bhavanti brahmacāriṇaḥ || 198 || {87}
[Analyze grammar]

evaṃ karmavipākairhi sarve 'pi jantavo bhave |
sukhaduḥkhāni bhuṃjānā bhramanti bhavacārake || 199 || {88}
[Analyze grammar]

nāgnibhirdahyate karmaṃ vāyubhirvā na śuṣyate |
klidyate nodakaiścāpi kṣīyate nāpi bhūmiṣu || 200 || {89}
[Analyze grammar]

abhuktaṃ kṣīyate naiva karmaṃ kvāpi kathaṃ cana |
sarvatrāpi bhavennaiva karmaṇo gatiranyathā || 201 || {90}
[Analyze grammar]

śubhasya karmaṇaḥ pāke śubhataiva sadā bhave |
tathā kṛṣṇasya pāke ca duḥkhataiva sadā bhave || 202 || {91}
[Analyze grammar]

miśritānāṃ tathā pāke miśritāni phalānyapi |
evaṃ matvā śubheṣveva caritavyaṃ sadā bhave || 203 || {92}
[Analyze grammar]

yenaiva yatkṛtaṃ karmaṃ tenaiva bhujyate phalaṃ |
avaśyaṃ pariboktavyaṃ saṃsāre karmaṇaḥ phalaṃ || 204 || {93}
[Analyze grammar]

na nasyaṃti hi karmāṇi kalpakoṭiśatairapi |
sāmagrīṃ prāpya kālaṃ ca phalanti prāṇināṃ khalu || 205 || {94}
[Analyze grammar]

iti matvātra saṃsāre triratnaṃ śaraṇaṃ gatāḥ |
satkṛtya śraddhayā nityaṃ bhajadhvaṃ sarvathādarāt || 206 || {95}
[Analyze grammar]

ye bhajaṃti sadā nityaṃ triratnaṃ śaraṇaṃ gatāḥ |
durgatiṃ te na gachaṃti yāntyeva sadgatiṃ sadā || 207 || {96}
[Analyze grammar]

ityādiṣṭaiḥ munīndreṇa śrutvā te saṃghikā mudā |
sarve lokāśca satkṛtya triratnaṃ sarvadābhajaṃ || 208 || {97}
[Analyze grammar]

etanme guruṇākhyātaṃ tathā mayocyate 'dhunā |
tvayāpyevaṃ mahārāja caritavyaṃ sadā śubhe || 209 || {98}
[Analyze grammar]

prajāścāpi sadā dhārmaṃ śrāvāyitvā prabodhayan |
bodhimārge pratisthāpya pālayasva samāhitaḥ || 210 || {99}
[Analyze grammar]

tathā te maṃgalam nityaṃ sarvatrāpi bhaveddhruvaṃ |
kramādbodhiṃ samāsādya saṃbuddhapadamāpnuyāḥ || 211 || {100}
[Analyze grammar]

iti tenārhatādiṣṭaṃ śrutvāśokaḥ sa bhūpatiḥ |
tatheti 'bhyanumoditvā prābhyanandatsapārṣadaḥ || 212 || {1}
[Analyze grammar]

idaṃ narā ye mahiṣāvādānaṃ śṛṇvaṃti ye capi niśāmayaṃti sukhāni bhuktvā khalu te 'tra sarve samyāṃti nūnaṃ sugatālayaṃ te || 213 || {2}
[Analyze grammar]

Other editions:

Also see the following editions of the Sanskrit text or (alternative) English translations of the Ratnamalavadana Mahiṣa-avadāna

Cover of edition (2005)

Ratnamalavadana
by Prof. Ramesh Kumar Dwivedi (2005)

Avadana in Sanskrit Literature

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: