Chapter 59

svabalaṃ vyathitaṃ dṛṣṭvā tumulaṃ lomaharṣaṇam |
bhrātṝṃśca nihatāndṛṣṭvā śakratulyaparākramān || 1 ||
[Analyze grammar]

pitṛvyau cāpi saṃdṛśya samare saṃniṣūditau |
mahodaramahāpārśvau bhrātarau rākṣasarṣabhau || 2 ||
[Analyze grammar]

cukopa ca mahātejā brahmadattavaro yudhi |
atikāyo'drisaṃkāśo devadānavadarpahā || 3 ||
[Analyze grammar]

sa bhāskarasahasrasya saṃghātamiva bhāsvaram |
rathamāsthāya śakrārirabhidudrāva vānarān || 4 ||
[Analyze grammar]

sa visphārya mahaccāpaṃ kirīṭī mṛṣṭakuṇḍalaḥ |
nāma viśrāvayāmāsa nanāda ca mahāsvanam || 5 ||
[Analyze grammar]

tena siṃhapraṇādena nāmaviśrāvaṇena ca |
jyāśabdena ca bhīmena trāsayāmāsa vānarān || 6 ||
[Analyze grammar]

te tasya rūpamālokya yathā viṣṇostrivikrame |
bhayārtā vānarāḥ sarve vidravanti diśo daśa || 7 ||
[Analyze grammar]

te'tikāyaṃ samāsādya vānarā mūḍhacetasaḥ |
śaraṇyaṃ śaraṇaṃ jagmurlakṣmaṇāgrajamāhave || 8 ||
[Analyze grammar]

tato'tikāyaṃ kākutstho rathasthaṃ parvatopamam |
dadarśa dhanvinaṃ dūrādgarjantaṃ kālameghavat || 9 ||
[Analyze grammar]

sa taṃ dṛṣṭvā mahātmānaṃ rāghavastu suvismitaḥ |
vānarān sāntvayitvā tu vibhīṣaṇamuvāca ha || 10 ||
[Analyze grammar]

ko'sau parvatasaṃkāśo dhanuṣmān harilocanaḥ |
yukte hayasahasreṇa viśāle syandane sthitaḥ || 11 ||
[Analyze grammar]

ya eṣa niśitaiḥ śūlaiḥ sutīkṣṇaiḥ prāsatomaraiḥ |
arciṣmadbhirvṛto bhāti bhūtairiva maheśvaraḥ || 12 ||
[Analyze grammar]

kālajihvāprakāśābhirya eṣo'bhivirājate |
āvṛto rathaśaktībhirvidyudbhiriva toyadaḥ || 13 ||
[Analyze grammar]

dhanūṃsi cāsya sajyāni hemapṛṣṭhāni sarvaśaḥ |
śobhayanti rathaśreṣṭhaṃ śakrapātamivāmbaram || 14 ||
[Analyze grammar]

ka eṣa rakṣaḥ śārdūlo raṇabhūmiṃ virājayan |
abhyeti rathināṃ śreṣṭho rathenādityatejasā || 15 ||
[Analyze grammar]

dhvajaśṛṅgapratiṣṭhena rāhuṇābhivirājate |
sūryaraśmiprabhairbāṇairdiśo daśa virājayan || 16 ||
[Analyze grammar]

triṇataṃ meghanirhrādaṃ hemapṛṣṭhamalaṃkṛtam |
śatakratudhanuḥprakhyaṃ dhanuścāsya virājate || 17 ||
[Analyze grammar]

sadhvajaḥ sapatākaśca sānukarṣo mahārathaḥ |
catuḥsādisamāyukto meghastanitanisvanaḥ || 18 ||
[Analyze grammar]

viṃśatirdaśa cāṣṭau ca tūṇīrarathamāsthitāḥ |
kārmukāṇi ca bhīmāni jyāśca kāñcanapiṅgalāḥ || 19 ||
[Analyze grammar]

dvau ca khaḍgau rathagatau pārśvasthau pārśvaśobhinau |
caturhastatsarucitau vyaktahastadaśāyatau || 20 ||
[Analyze grammar]

raktakaṇṭhaguṇo dhīro mahāparvatasaṃnibhaḥ |
kālaḥ kālamahāvaktro meghastha iva bhāskaraḥ || 21 ||
[Analyze grammar]

kāñcanāṅgadanaddhābhyāṃ bhujābhyāmeṣa śobhate |
śṛṅgābhyāmiva tuṅgābhyāṃ himavānparvatottamaḥ || 22 ||
[Analyze grammar]

kuṇḍalābhyāṃ tu yasyaitadbhāti vaktraṃ śubhekṣaṇam |
punarvasvantaragataṃ pūrṇabimbamivaindavam || 23 ||
[Analyze grammar]

ācakṣva me mahābāho tvamenaṃ rākṣasottamam |
yaṃ dṛṣṭvā vānarāḥ sarve bhayārtā vidrutā diśaḥ || 24 ||
[Analyze grammar]

sa pṛṣṭho rājaputreṇa rāmeṇāmitatejasā |
ācacakṣe mahātejā rāghavāya vibhīṣaṇaḥ || 25 ||
[Analyze grammar]

daśagrīvo mahātejā rājā vaiśravaṇānujaḥ |
bhīmakarmā mahotsāho rāvaṇo rākṣasādhipaḥ || 26 ||
[Analyze grammar]

tasyāsīdvīryavānputro rāvaṇapratimo raṇe |
vṛddhasevī śrutadharaḥ sarvāstraviduṣāṃ varaḥ || 27 ||
[Analyze grammar]

aśvapṛṣṭhe rathe nāge khaḍge dhanuṣi karṣaṇe |
bhede sāntve ca dāne ca naye mantre ca saṃmataḥ || 28 ||
[Analyze grammar]

yasya bāhuṃ samāśritya laṅkā bhavati nirbhayā |
tanayaṃ dhānyamālinyā atikāyamimaṃ viduḥ || 29 ||
[Analyze grammar]

etenārādhito brahmā tapasā bhāvitātmanā |
astrāṇi cāpyavāptāni ripavaśca parājitāḥ || 30 ||
[Analyze grammar]

surāsurairavadhyatvaṃ dattamasmai svayambhuvā |
etacca kavacaṃ divyaṃ rathaścaiṣo'rkabhāskaraḥ || 31 ||
[Analyze grammar]

etena śataśo devā dānavāśca parājitāḥ |
rakṣitāni ca rakṣāmi yakṣāścāpi niṣūditāḥ || 32 ||
[Analyze grammar]

vajraṃ viṣṭambhitaṃ yena bāṇairindrasya dhīmataḥ |
pāśaḥ salilarājasya yuddhe pratihatastathā || 33 ||
[Analyze grammar]

eṣo'tikāyo balavān rākṣasānāmatharṣabhaḥ |
rāvaṇasya suto dhīmāndevadanava darpahā || 34 ||
[Analyze grammar]

tadasmin kriyatāṃ yatnaḥ kṣipraṃ puruṣapuṃgava |
purā vānarasainyāni kṣayaṃ nayati sāyakaiḥ || 35 ||
[Analyze grammar]

tato'tikāyo balavānpraviśya harivāhinīm |
visphārayāmāsa dhanurnanāda ca punaḥ punaḥ || 36 ||
[Analyze grammar]

taṃ bhīmavapuṣaṃ dṛṣṭvā rathasthaṃ rathināṃ varam |
abhipeturmahātmāno ye pradhānāḥ plavaṃgamāḥ || 37 ||
[Analyze grammar]

kumudo dvivido maindo nīlaḥ śarabha eva ca |
pādapairgiriśṛṅgaiśca yugapat samabhidravan || 38 ||
[Analyze grammar]

teṣāṃ vṛkṣāṃśca śailāṃśca śaraiḥ kāñcanabhūṣaṇaiḥ |
atikāyo mahātejāścicchedāstravidāṃ varaḥ || 39 ||
[Analyze grammar]

tāṃścaiva sarān sa harīñ śaraiḥ sarvāyasairbalī |
vivyādhābhimukhaḥ saṃkhye bhīmakāyo niśācaraḥ || 40 ||
[Analyze grammar]

te'rditā bāṇabarṣeṇa bhinnagātrāḥ plavaṃgamāḥ |
na śekuratikāyasya pratikartuṃ mahāraṇe || 41 ||
[Analyze grammar]

tat sainyaṃ harivīrāṇāṃ trāsayāmāsa rākṣasaḥ |
mṛgayūthamiva kruddho hariryauvanamāsthitaḥ || 42 ||
[Analyze grammar]

sa rāṣasendro harisainyamadhye nāyudhyamānaṃ nijaghāna kaṃ cit |
upetya rāmaṃ sadhanuḥ kalāpī sagarvitaṃ vākyamidaṃ babhāṣe || 43 ||
[Analyze grammar]

rathe sthito'haṃ śaracāpapāṇirna prākṛtaṃ kaṃ cana yodhayāmi |
yasyāsti śaktirvyavasāya yuktā dadātuṃ me kṣipramihādya yuddham || 44 ||
[Analyze grammar]

tattasya vākyaṃ bruvato niśamya cukopa saumitriramitrahantā |
amṛṣyamāṇaśca samutpapāta jagrāha cāpaṃ ca tataḥ smayitvā || 45 ||
[Analyze grammar]

kruddhaḥ saumitrirutpatya tūṇādākṣipya sāyakam |
purastādatikāyasya vicakarṣa mahaddhanuḥ || 46 ||
[Analyze grammar]

pūrayan sa mahīṃ śailānākāśaṃ sāgaraṃ diśaḥ |
jyāśabdo lakṣmaṇasyograstrāsayan rajanīcarān || 47 ||
[Analyze grammar]

saumitreścāpanirghoṣaṃ śrutvā pratibhayaṃ tadā |
visiṣmiye mahātejā rākṣasendrātmajo balī || 48 ||
[Analyze grammar]

athātikāyaḥ kupito dṛṣṭvā lakṣmaṇamutthitam |
ādāya niśitaṃ bāṇamidaṃ vacanamabravīt || 49 ||
[Analyze grammar]

bālastvamasi saumitre vikrameṣvavicakṣaṇaḥ |
gaccha kiṃ kālasadṛśaṃ māṃ yodhayitumicchasi || 50 ||
[Analyze grammar]

na hi madbāhusṛṣṭānāmastrāṇāṃ himavānapi |
soḍhumutsahate vegamantarikṣamatho mahī || 51 ||
[Analyze grammar]

sukhaprasuptaṃ kālāgniṃ prabodhayitumicchasi |
nyasya cāpaṃ nivartasva mā prāṇāñjahi madgataḥ || 52 ||
[Analyze grammar]

atha vā tvaṃ pratiṣṭabdho na nivartitumicchasi |
tiṣṭha prāṇānparityajya gamiṣyasi yamakṣayam || 53 ||
[Analyze grammar]

paśya me niśitānbāṇānaridarpaniṣūdanān |
īśvarāyudhasaṃkāśāṃstaptakāñcanabhūṣaṇān || 54 ||
[Analyze grammar]

eṣa te sarpasaṃkāśo bāṇaḥ pāsyati śoṇitam |
mṛgarāja iva kruddho nāgarājasya śoṇitam || 55 ||
[Analyze grammar]

śrutvātikāyasya vacaḥ saroṣaṃ sagarvitaṃ saṃyati rājaputraḥ |
sa saṃcukopātibalo bṛhacchrīruvāca vākyaṃ ca tato mahārtham || 56 ||
[Analyze grammar]

na vākyamātreṇa bhavānpradhāno na katthanāt satpuruṣā bhavanti |
mayi sthite dhanvini bāṇapāṇau vidarśayasvātmabalaṃ durātman || 57 ||
[Analyze grammar]

karmaṇā sūcayātmānaṃ na vikatthitumarhasi |
pauruṣeṇa tu yo yuktaḥ sa tu śūra iti smṛtaḥ || 58 ||
[Analyze grammar]

sarvāyudhasamāyukto dhanvī tvaṃ rathamāsthitaḥ |
śarairvā yadi vāpyastrairdarśayasva parākramam || 59 ||
[Analyze grammar]

tataḥ śiraste niśitaiḥ pātayiṣyāmyahaṃ śaraiḥ |
mārutaḥ kālasaṃpakvaṃ vṛntāttālaphalaṃ yathā || 60 ||
[Analyze grammar]

adya te māmakā bāṇāstaptakāñcanabhūṣaṇāḥ |
pāsyanti rudhiraṃ gātrādbāṇaśalyāntarotthitam || 61 ||
[Analyze grammar]

bālo'yamiti vijñāya na māvajñātumarhasi |
bālo vā yadi vā vṛddho mṛtyuṃ jānīhi saṃyuge || 62 ||
[Analyze grammar]

lakṣmaṇasya vacaḥ śrutvā hetumat paramārthavat |
atikāyaḥ pracukrodha bāṇaṃ cottamamādade || 63 ||
[Analyze grammar]

tato vidyādharā bhūtā devā daityā maharṣayaḥ |
guhyakāśca mahātmānastad yuddhaṃ dadṛśustadā || 64 ||
[Analyze grammar]

tato'tikāyaḥ kupitaścāpamāropya sāyakam |
lakṣmaṇasya pracikṣepa saṃkṣipanniva cāmbaram || 65 ||
[Analyze grammar]

tamāpatantaṃ niśitaṃ śaramāśīviṣopamam |
ardhacandreṇa ciccheda lakṣmaṇaḥ paravīrahā || 66 ||
[Analyze grammar]

taṃ nikṛttaṃ śaraṃ dṛṣṭvā kṛttabhogamivoragam |
atikāyo bhṛśaṃ kruddhaḥ pañcabāṇān samādade || 67 ||
[Analyze grammar]

tāñ śarān saṃpracikṣepa lakṣmaṇāya niśācaraḥ |
tānaprāptāñ śaraistīkṣṇaiściccheda bharatānujaḥ || 68 ||
[Analyze grammar]

sa tāṃśchittvā śaraistīkṣṇairlakṣmaṇaḥ paravīrahā |
ādade niśitaṃ bāṇaṃ jvalantamiva tejasā || 69 ||
[Analyze grammar]

tamādāya dhanuḥ śreṣṭhe yojayāmāsa lakṣmaṇaḥ |
vicakarṣa ca vegena visasarja ca sāyakam || 70 ||
[Analyze grammar]

pūrṇāyatavisṛṣṭena śareṇānata parvaṇā |
lalāṭe rākṣasaśreṣṭhamājaghāna sa vīryavān || 71 ||
[Analyze grammar]

sa lalāṭe śaro magnastasya bhīmasya rakṣasaḥ |
dadṛśe śoṇitenāktaḥ pannagendra ivāhave || 72 ||
[Analyze grammar]

rākṣasaḥ pracakampe ca lakṣmaṇeṣu prakampitaḥ |
rudrabāṇahataṃ bhīmaṃ yathā tripuragopuram || 73 ||
[Analyze grammar]

cintayāmāsa cāśvasya vimṛśya ca mahābalaḥ |
sādhu bāṇanipātena śvāghanīyo'si me ripuḥ || 74 ||
[Analyze grammar]

vicāryaivaṃ vinamyāsyaṃ vinamya ca bhujāv ubhau |
sa rathopasthamāsthāya rathena pracacāra ha || 75 ||
[Analyze grammar]

ekaṃ trīnpañca sapteti sāyakān rākṣasarṣabhaḥ |
ādade saṃdadhe cāpi vicakarṣotsasarja ca || 76 ||
[Analyze grammar]

te bāṇāḥ kālasaṃkāśā rākṣasendradhanuścyutāḥ |
hemapuṅkhā raviprakhyāścakrurdīptamivāmbaram || 77 ||
[Analyze grammar]

tatastān rākṣasotsṛṣṭāñ śaraughān rāvaṇānujaḥ |
asaṃbhrāntaḥ praciccheda niśitairbahubhiḥ śaraiḥ || 78 ||
[Analyze grammar]

tāñ śarānyudhi saṃprekṣya nikṛttān rāvaṇātmajaḥ |
cukopa tridaśendrārirjagrāha niśitaṃ śaram || 79 ||
[Analyze grammar]

sa saṃdhāya mahātejāstaṃ bāṇaṃ sahasotsṛjat |
tataḥ saumitrimāyāntamājaghāna stanāntare || 80 ||
[Analyze grammar]

atikāyena saumitristāḍito yudhi vakṣasi |
susrāva rudhiraṃ tīvraṃ madaṃ matta iva dvipaḥ || 81 ||
[Analyze grammar]

sa cakāra tadātmānaṃ viśalyaṃ sahasā vibhuḥ |
jagrāha ca śaraṃ tīṣṇamastreṇāpi samādadhe || 82 ||
[Analyze grammar]

āgneyena tadāstreṇa yojayāmāsa sāyakam |
sa jajvāla tadā bāṇo dhanuścāsya mahātmanaḥ || 83 ||
[Analyze grammar]

atikāyo'titejasvī sauramastraṃ samādade |
tena bāṇaṃ bhujaṃgābhaṃ hemapuṅkhamayojayat || 84 ||
[Analyze grammar]

tatastaṃ jvalitaṃ ghoraṃ lakṣmaṇaḥ śaramāhitam |
atikāyāya cikṣepa kāladaṇḍamivāntakaḥ || 85 ||
[Analyze grammar]

āgneyenābhisaṃyuktaṃ dṛṣṭvā bāṇaṃ niśācaraḥ |
utsasarja tadā bāṇaṃ dīptaṃ sūryāstrayojitam || 86 ||
[Analyze grammar]

tāv ubhāvambare bāṇāvanyonyamabhijaghnatuḥ |
tejasā saṃpradīptāgrau kruddhāviva bhujaṃ gamau || 87 ||
[Analyze grammar]

tāvanyonyaṃ vinirdahya petaturdharaṇītale |
nirarciṣau bhasmakṛtau na bhrājete śarottamau || 88 ||
[Analyze grammar]

tato'tikāyaḥ saṃkruddhastvastramaiṣīkamutsṛjat |
tat praciccheda saumitrirastramaindreṇa vīryavān || 89 ||
[Analyze grammar]

aiṣīkaṃ nihataṃ dṛṣṭvā kumāro rāvaṇātmajaḥ |
yāmyenāstreṇa saṃkruddho yojayāmāsa sāyakam || 90 ||
[Analyze grammar]

tatastadastraṃ cikṣepa lakṣmaṇāya niśācaraḥ |
vāyavyena tadastraṃ tu nijaghāna sa lakṣmaṇaḥ || 91 ||
[Analyze grammar]

athainaṃ śaradhārābhirdhārābhiriva toyadaḥ |
abhyavarṣata saṃkruddho lakṣmaṇo rāvaṇātmajam || 92 ||
[Analyze grammar]

te'tikāyaṃ samāsādya kavace vajrabhūṣite |
bhagnāgraśalyāḥ sahasā peturbāṇā mahītale || 93 ||
[Analyze grammar]

tānmoghānabhisaṃprekṣya lakṣmaṇaḥ paravīrahā |
abhyavarṣata bāṇānāṃ sahasreṇa mahāyaśāḥ || 94 ||
[Analyze grammar]

sa varṣyamāṇo bāṇaughairatikāyo mahābalaḥ |
avadhyakavacaḥ saṃkhye rākṣaso naiva vivyathe || 95 ||
[Analyze grammar]

na śaśāka rujaṃ kartuṃ yudhi tasya narottamaḥ |
athainamabhyupāgamya vāyurvākyamuvāca ha || 96 ||
[Analyze grammar]

brahmadattavaro hyeṣa avadhya kavacāvṛtaḥ |
brāhmeṇāstreṇa bhindhyenameṣa vadhyo hi nānyathā || 97 ||
[Analyze grammar]

tataḥ sa vāyorvacanaṃ niśamya saumitririndrapratimānavīryaḥ |
samādade bāṇamamoghavegaṃ tadbrāhmamastraṃ sahasā niyojya || 98 ||
[Analyze grammar]

tasmin varāstre tu niyujyamāne saumitriṇā bāṇavare śitāgre |
diśaḥ sacandrārkamahāgrahāśca nabhaśca tatrāsa rarāsa corvī || 99 ||
[Analyze grammar]

taṃ brahmaṇo'streṇa niyujya cāpe śaraṃ supuṅkhaṃ yamadūtakalpam |
saumitririndrārisutasya tasya sasarja bāṇaṃ yudhi vajrakalpam || 100 ||
[Analyze grammar]

taṃ lakṣmaṇotsṛṣṭamamoghavegaṃ samāpatantaṃ jvalanaprakāśam |
suvarṇavajrottamacitrapuṅkhaṃ tadātikāyaḥ samare dadarśa || 101 ||
[Analyze grammar]

taṃ prekṣamāṇaḥ sahasātikāyo jaghāna bāṇairniśitairanekaiḥ |
sa sāyakastasya suparṇavegastadātivegena jagāma pārśvam || 102 ||
[Analyze grammar]

tamāgataṃ prekṣya tadātikāyo bāṇaṃ pradīptāntakakālakalpam |
jaghāna śaktyṛṣṭigadākuṭhāraiḥ śūlairhalaiścāpyavipannaceṣṭaḥ || 103 ||
[Analyze grammar]

tānyāyudhānyadbhutavigrahāṇi moghāni kṛtvā sa śaro'gnidīptaḥ |
prasahya tasyaiva kirīṭajuṣṭaṃ tadātikāyasya śiro jahāra || 104 ||
[Analyze grammar]

tacchiraḥ saśirastrāṇaṃ lakṣmaṇeṣuprapīḍitam |
papāta sahasā bhūmau śṛṅgaṃ himavato yathā || 105 ||
[Analyze grammar]

praharṣayuktā bahavastu vānarā prabuddhapadmapratimānanāstadā |
apūjayaṃl lakṣmaṇamiṣṭabhāginaṃ hate ripau bhīmabale durāsade || 106 ||
[Analyze grammar]