Chapter 10

[English text for this chapter is available]

sūta uvāca |
vicitraṃ śivanirmāṇaṃ vicitra śivaceṣṭitam |
vicitraṃ śivamāhātmyaṃ vicitraṃ śivabhāṣitam || 1 ||
[Analyze grammar]

vicitraṃ śivabhaktānāṃ caritaṃ pāpanāśanam |
svargāpavargayoḥ satyaṃ sādhanaṃ tadbravīmyaham || 2 ||
[Analyze grammar]

avaṃtīviṣaye kaścidbrāhmaṇo maṃdarāhvayaḥ |
babhūva viṣayārāmaḥ strījito dhanasaṃgrahī || 3 ||
[Analyze grammar]

saṃdhyāsnāparityakto gaṃdhamālyāṃbarapriyaḥ |
kustrīsaktaḥ kumārgastho yathā pūrvamajāmilaḥ || 4 ||
[Analyze grammar]

sa veśyāṃ piṃgalāṃ nāma ramamāṇo divāniśam |
tasyā eva gṛhe nityamāsīdavijiteṃdriyaḥ || 5 ||
[Analyze grammar]

kadācitsadane tasyāstasminnivasati dvije |
ṛṣabho nāma dharmātmā śivayogī samāyayau || 6 ||
[Analyze grammar]

tamāgatamabhiprekṣya matvā svaṃ puṇyamūrjitam |
sā veśyā sa ca vipraśca paryapūjayatāmubhau || 7 ||
[Analyze grammar]

tamāropya mahāpīṭhe kaṃbalāṃbarasaṃbhṛte |
prakṣālya caraṇau bhaktyā tajjalaṃ dadhatuḥ śiraḥ || 8 ||
[Analyze grammar]

svāgatārghyanamaskārairgaṃdhapuṣpākṣatādibhiḥ |
upacāraiḥ samabhyarcya bhojayāmāsaturmudā || 9 ||
[Analyze grammar]

taṃ bhuktavaṃtamācāṃtaṃ paryaṃke sukhasaṃstare |
upaveśya mudā yuktau tāṃbūlaṃ pratyayacchatām || 10 ||
[Analyze grammar]

pādasaṃvāhanaṃ bhaktyā kurvaṃtau daivaco ditau |
kalpayitvā tu śuśrūṣāṃ prīṇayāmāsatuściram || 11 ||
[Analyze grammar]

evaṃ samarcitastābhyāṃ śivayogī mahādyutiḥ |
ativāhya niśāmekāṃ yayau prātastadādṛtaḥ || 12 ||
[Analyze grammar]

evaṃ kāle gataprāye sa vipro nidhanaṃ gataḥ |
sā ca veśyā mṛtā kāle yayau karmārjitāṃ gatim || 13 ||
[Analyze grammar]

sa vipraḥ karmaṇā nīto daśārṇadharaṇīpateḥ |
vajrabāhukuṭuṃbinyāḥ sumatyā garbhamāsthitaḥ || 14 ||
[Analyze grammar]

tāṃ jyeṣṭhapatnīṃ nṛpatergarbhasaṃpadamāśritām |
avekṣya tasyai garalaṃ sapatnyaśchadmanā daduḥ || 15 ||
[Analyze grammar]

sā bhuktvā garalaṃ ghoraṃ na mṛtā daivayogataḥ |
kleśameva paraṃ prāpa maraṇādatiduḥsaham || 16 ||
[Analyze grammar]

atha kāle samāyāte putrame kamajījanat |
kleśena mahatā sādhvī pīḍitā varavarṇinī || 17 ||
[Analyze grammar]

sa nirdaśo rājaputraḥ spṛṣṭapūrvo gareṇa yat |
tenāvāpa mahākleśaṃ kraṃdamāno divāniśam || 18 ||
[Analyze grammar]

tasya bālasya mātā ca sarvāṃgavraṇapīḍitā |
babhūvaturatikliṣṭau garayogaprabhāvataḥ || 19 ||
[Analyze grammar]

tau rājñā ca samānītau vaidyaiśca kṛtabheṣajau |
na svāsthyamāpaturyatnairanekairyojitairapi || 20 ||
[Analyze grammar]

na rātrau labhate nidrāṃ sā rājñī vipulavyathā |
svaputrasya ca duḥkhena duḥkhitā nitarāṃ kṛśā || 21 ||
[Analyze grammar]

nītvaivaṃ katicinmāsānsa rājā mātṛputrakau |
jīvaṃtau ca mṛtaprāyau vilokyātmanyaciṃtayat || 22 ||
[Analyze grammar]

etau me gṛhiṇīputrau nirayādāgatāviha |
aśrāṃtarogau kraṃdaṃtau nidrābhaṃgavidhāyinau || 23 ||
[Analyze grammar]

atropāyaṃ kariṣyāmi pāpayordhruvametayoḥ |
martuṃ vā jīvituṃ vāpi na kṣamau pāpabhoginau || 24 ||
[Analyze grammar]

itthaṃ viniścitya ca bhūmipālaḥ saktaḥ sapatnīṣu tadātmajeṣu |
āhūya sūtaṃ nijadāraputrau nirvāpayāmāsa rathena dūram || 25 ||
[Analyze grammar]

tau sūtena parityaktau kutracidvijane vane |
avāpatuḥ parāṃ pīḍāṃ kṣuttṛḍbhyāṃ bhṛśavihvalau || 26 ||
[Analyze grammar]

sodvahaṃtī nijaṃ bālaṃ nipataṃtī pade pade |
niḥśvasaṃtī nijaṃ karma niṃdaṃtī cakitā bhṛśam || 27 ||
[Analyze grammar]

kvacitkaṃṭakabhinnāṃgī muktakeśī bhayāturā |
kvacidvyāghrasvanairbhītā kvacidvyālairanudrutā || 28 ||
[Analyze grammar]

bhartsyamānā piśācaiśca vetālairbrahmarākṣasaiḥ |
mahāgulmeṣu dhāvaṃtī bhinnapādā kṣurāśmabhiḥ || 29 ||
[Analyze grammar]

saivaṃ ghore mahāraṇye bhramaṃtī nṛpage hinī |
daivātprāptā vaṇiṅmārgaṃ govājinarasevitam || 30 ||
[Analyze grammar]

gacchaṃtī tena mārgeṇa sudūramatiyatnataḥ |
dadarśa vaiśyanagaraṃ vahustrīnarasevitam || 31 ||
[Analyze grammar]

tasya goptā mahāvaiśyo nagarasya mahājanaḥ |
asti padmākaro nāma rājarāja ivāparaḥ || 32 ||
[Analyze grammar]

tasya vaiśyapateḥ kācidgṛhadāsī nṛpāṃganām |
āyāṃtī dūrato dṛṣṭvā tadaṃtikamupāyayau || 33 ||
[Analyze grammar]

sā dāsī nṛpateḥ kāṃtāṃ saputrāṃ bhṛśapīḍitām |
svayaṃ viditavṛttāṃtā svāmine pratyadarśayat || 34 ||
[Analyze grammar]

sa tāṃ dṛṣṭvā viśāṃ nātho rujārttāṃ kliṣṭaputrakām |
nītvā rahasi suvyaktaṃ tadvṛttāṃtamapṛcchata || 35 ||
[Analyze grammar]

tayā niveditāśeṣavṛttāṃtaḥ sa vaṇikpatiḥ |
ahokaṣṭamiti jñātvā niśaśvāsa muhurmuhuḥ || 36 ||
[Analyze grammar]

tāmaṃtike svagehasya saṃniveśya rahogṛhe |
vāsonnapānaśayanairmātṛsāmyamapūjayat || 37 ||
[Analyze grammar]

tasmingṛhe nṛpavadhūrnivasaṃtī surakṣitā |
vraṇayakṣmādirogāṇāṃ na śāṃtiṃ pratyapadyata || 38 ||
[Analyze grammar]

tato dinaiḥ katipayaiḥ sa bālo vraṇapīḍitaḥ |
vilaṃghitabhiṣaksattvo mamāra ca vidhervaśāt || 39 ||
[Analyze grammar]

mṛte svatanaye rājñī śokena mahatāvṛtā |
mūrcchitā cāpatadbhūmau gajabhagneva vallarī || 40 ||
[Analyze grammar]

daivātsaṃjñāmavāpyātha vāṣpaklinnapayodharā |
sāṃtvitā'pi vaṇikstrībhirvilalāpa suduḥkhitā || 41 ||
[Analyze grammar]

hā tātatāta hā putra hā mama prāṇarakṣaka |
hā rājakulapūrṇendo hā mamānaṃdavardhana || 42 ||
[Analyze grammar]

imāmanāthāṃ kṛpaṇāṃ tvatprāṇāṃ tyaktavabāṃdhavām |
mātaraṃ te parityajya kva yāto'si nṛpātmaja || 43 ||
[Analyze grammar]

ityebhiruditairvākyaiḥ śokaciṃtāvivardhakaiḥ |
vilapaṃtīṃ mṛtāpatyāṃ ko nu sāṃtvayituṃ kṣamaḥ || 44 ||
[Analyze grammar]

etasminsamaye tasyā duḥkhaśokacikitsakaḥ |
ṛṣabhaḥ pūrvamākhyātaḥ śivayogī samāyayau || 45 ||
[Analyze grammar]

sa yogī vaiśyanāthena sārghahastena pūjitaḥ |
tasyāḥ sakāśamagamacchocantyā idamabravīt || 46 ||
[Analyze grammar]

ṛṣabha uvāca |
akasmātkimaho vatse roravīṣi vimūḍhadhīḥ |
ko jātaḥ katamo loke ko mṛto vada sāṃpratam || 47 ||
[Analyze grammar]

amī dehādayo bhāvāstoyaphenasadharmakāḥ |
kvacidbhrāṃtiḥ kvacicchāṃtiḥ sthitirbhavati vā punaḥ || 48 ||
[Analyze grammar]

ato'sminphenasadṛśe dehe pañcatvamāgate |
śokasyānavakāśatvānna śocaṃti vipaścitaḥ || 49 ||
[Analyze grammar]

guṇairbhūtāni sṛjyaṃte bhrāmyaṃte nijakarmabhiḥ |
kālenātha vikṛṣyaṃte vāsanāyāṃ ca śerate || 50 ||
[Analyze grammar]

māyayotpattimāyāṃti guṇāḥ sattvādayastrayaḥ |
taireva dehā jāyaṃte jātāstallakṣaṇāśrayāḥ || 51 ||
[Analyze grammar]

devatvaṃ yāni sattvena rajasā ca manuṣyatām |
tiryaktvaṃ tamasā jaṃturvāsanānugatovaśaḥ || 52 ||
[Analyze grammar]

saṃsāre vartamānesmiñjaṃtuḥ karmānubandhanāt |
durvibhāvyāṃ gatiṃ yāti sukhaduḥkhamayīṃ muhuḥ || 53 ||
[Analyze grammar]

api kalpāyuṣāṃ teṣāṃ devānāṃ tu viparyayaḥ |
anekāmayabaddhānāṃ kā kathā naradehinām || 54 ||
[Analyze grammar]

kecidvadaṃti dehasya kālameva hi kāraṇam |
karma kecidguṇānkeciddehaḥ sādhāraṇo hyayam || 55 ||
[Analyze grammar]

kālakarmaguṇādhānaṃ pañcātmakamidaṃ vapuḥ |
jātaṃ dṛṣṭvā na hṛṣyaṃti na śocaṃti mṛtaṃ budhāḥ || 56 ||
[Analyze grammar]

avyakte jāyate jaṃturavyakte ca pralīyate |
madhye vyaktavadābhāti jalabudbudasannibhaḥ || 57 ||
[Analyze grammar]

yadā garbhagato dehī vināśaḥ kalpitastadā |
daivājjīvati vā jāto mriyate sahasaiva vā || 58 ||
[Analyze grammar]

garbhasthā eva naśyaṃti jātamātrāstathā pare |
kvacidyuvāno naśyaṃti mriyaṃte kepi vārdhake || 59 ||
[Analyze grammar]

yādṛśaṃ prāktanaṃ karma tādṛśaṃ viṃdate vapuḥ |
bhuṃkte tadanurūpāṇi sukhaduḥkhāni vai hyasau || 60 ||
[Analyze grammar]

māyānubhāveritayoḥ pitroḥ suratasaṃbhramāt |
deha utpadyate kopi puṃyoṣitklībalakṣaṇaḥ || 61 ||
[Analyze grammar]

āyuḥ sukhaṃ ca duḥkha ca puṇyaṃ pāpaṃ śrutaṃ dhanam |
lalāṭe likhitaṃ dhātrā vahañjaṃtuḥ prajāyate || 62 ||
[Analyze grammar]

karmaṇāmavilaṃghyatvātkālasyāpyanatikramāt |
anityatvācca bhāvānāṃ na śokaṃ kartumarhasi || 63 ||
[Analyze grammar]

kva svapne niyataṃ sthairyamiṃdrajāle kva satyatā |
kva nityatā śaranmeghe kva śaśvattvaṃ kalevare || 64 ||
[Analyze grammar]

tava janmānyatītāni śatakoṭyayutāni ca |
ajānaṃtyāḥ paraṃ tattvaṃ saṃprāpto'yaṃ mahāśramaḥ || 65 ||
[Analyze grammar]

kasyakasyāsi tanayā jananī kasyakasya vā |
kasyakasyāsi gṛhiṇī bhavakoṭiṣu varttinī || 66 ||
[Analyze grammar]

pañcabhūtātmako dehastvagasṛṅmāṃsabandhanaḥ |
medomajjāsthinicito viṇmūtraśleṣmabhājanam || 67 ||
[Analyze grammar]

śarīrāṃtaramapyetannijadehodbhavaṃ malam |
mattvā svatanayaṃ mūḍhe mā śokaṃ kartumarhasi || 68 ||
[Analyze grammar]

yadi nāma janaḥ kaścinmṛtyuṃ tarati yatnataḥ |
kathaṃ tarhi vipadyeransarve pūrve vipaścitaḥ || 69 ||
[Analyze grammar]

tapasā vidyayā buddhyā mantrauṣadhirasāyanaiḥ |
atiyāti paraṃ mṛtyuṃ na kaścidapi paṃḍitaḥ || 70 ||
[Analyze grammar]

ekasyādya mṛtirjaṃtoḥ śvaścānyasya varānane |
tasmādanityāvayave na tvaṃ śocitumarhasi || 71 ||
[Analyze grammar]

nityaṃ sannihito mṛtyuḥ kiṃ sukhaṃ vada dehinām |
vyāghre puraḥ sthite grāsaḥ paśūnāṃ kiṃ nu rocate || 72 ||
[Analyze grammar]

ato janmajarāṃ jetuṃ yadīcchasi varānane |
śaraṇaṃ vraja sarveśaṃ mṛtyuṃjayamumāpatim || 73 ||
[Analyze grammar]

tāvanmṛtyubhayaṃ ghoraṃ tāvajjanmajarābhayam |
yāvanno yāti śaraṇaṃ dehī śivapadāṃbujam || 74 ||
[Analyze grammar]

anubhūyeha duḥkhāni saṃsāre bhṛśadāruṇe |
mano yadā viyujyeta tadā dhyeyo maheśvaraḥ || 75 ||
[Analyze grammar]

manasā pibataḥ puṃsaḥ śivadhyānarasāmṛtam |
bhūyastṛṣṇā na jāyeta saṃsāraviṣayāsave || 76 ||
[Analyze grammar]

vimuktaṃ sarvasaṃgaiśca mano vairāgyayaṃtritam |
yadā śivapade magnaṃ tadā nāsti punarbhavaḥ || 77 ||
[Analyze grammar]

tasmādidaṃ mano bhadre śivadhyānaikasādhanam |
śokamohasamāviṣṭaṃ mā kuruṣva śivaṃ bhaja || 78 ||
[Analyze grammar]

sūta uvāca |
itthaṃ sānunayaṃ rājñī bodhitā śivayoginā |
pratyācaṣṭa gurostasya praṇamya caraṇāṃ bujam || 79 ||
[Analyze grammar]

rājñyuvāca |
bhagavanmṛtaputrāyāstyaktāyāḥ priyabandhubhiḥ |
mahārogāturāyā me kā gatirmaraṇaṃ vinā || 80 ||
[Analyze grammar]

ato'haṃ martumicchāmi sahaiva śiśunā'munā |
kṛtārthāhaṃ yadadya tvāmapaśyaṃ maraṇonmukhī || 81 ||
[Analyze grammar]

sūta uvāca |
iti tasyā vacaḥ śrutvā śivayogī dayānidhiḥ |
pūrvopakāraṃ saṃsmṛtya mṛtasyāṃtikamāyayau || 82 ||
[Analyze grammar]

sa tadā bhasma saṃgṛhya śivamantrābhimaṃtritam |
vidīrṇe tanmukhe kṣiptvā mṛtaṃ prāṇairayojayat || 83 ||
[Analyze grammar]

sa bālaḥ saṃgataḥ prāṇaiḥ śanairunmīlya locane |
prāptapūrvendriyabalo ruroda stanyakāṃkṣayā || 84 ||
[Analyze grammar]

mṛtasya punarutthānaṃ vīkṣya bālasya vismitāḥ |
janā mumudire sarve nagareṣu purogamāḥ || 85 ||
[Analyze grammar]

athānaṃdabharā rājñī vihvalonmattalocanā |
jagrāha tanayaṃ śīghraṃ bāṣpavyākulalocanā || 86 ||
[Analyze grammar]

upaguhya tadā tanvī paramānaṃdanirvṛtā |
na vedātmānamanyaṃ vā suṣupteva pariśramāt || 87 ||
[Analyze grammar]

punaśca ṛṣabho yogī tayormātṛkumārayoḥ |
viṣavraṇayutaṃ dehaṃ bhasmanaiva parāmṛśat || 88 ||
[Analyze grammar]

tau ca tadbhasmanā spṛṣṭau prāptadivyakalevarau |
devānāṃ sadṛśaṃ rūpaṃ dadhatuḥ kāṃtibhūṣitam || 89 ||
[Analyze grammar]

saṃprāpte tridivaiśvarye yatsukhaṃ puṇyakarmaṇām |
tasmācchataguṇaṃ prāpa sā rājñī sukhamuttamam || 90 ||
[Analyze grammar]

tāṃ pādayornipatitāmṛṣabhaḥ premavihvalaḥ |
utthāpyāśvāsayāmāsa duḥkhairmuktāmuvāca ha || 91 ||
[Analyze grammar]

ayi vatse mahārājñi jīvatvaṃ śāśvatīḥ samāḥ |
yāvajjīvasi lokesminna tāvatprāpsyase jarām || 92 ||
[Analyze grammar]

eṣa te tanayaḥ sādhvi bhadrāyuriti nāmataḥ |
khyātiṃ yāsyati lokeṣu nijaṃ rājyamavāpsyati || 93 ||
[Analyze grammar]

asya vaiśyasya sadane tāvattiṣṭha śucismite |
yāvadeṣa kumāraste prāptavidyo bhaviṣyati || 94 ||
[Analyze grammar]

sūta uvāca || |
iti tāmṛṣabho yogī taṃ ca rājakumārakam |
saṃjīvya bhasmavīryeṇa yayau deśānyathepsitān || 95 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhadrāyvākhyāne ṛṣabhayoginā bhadrāyujīvanaṃ nāma daśamo'dhyāyaḥ || 10 ||
[Analyze grammar]