Chapter 95

bhīṣma uvāca |
athātripramukhā rājanvane tasminmaharṣayaḥ |
vyacaranbhakṣayanto vai mūlāni ca phalāni ca || 1 ||
[Analyze grammar]

athāpaśyansupīnāṃsapāṇipādamukhodaram |
parivrajantaṃ sthūlāṅgaṃ parivrājaṃ śunaḥsakham || 2 ||
[Analyze grammar]

arundhatī tu taṃ dṛṣṭvā sarvāṅgopacitaṃ śubhā |
bhavitāro bhavanto vai naivamityabravīdṛṣīn || 3 ||
[Analyze grammar]

vasiṣṭha uvāca |
naitasyeha yathāsmākamagnihotramanirhutam |
sāyaṃ prātaśca hotavyaṃ tena pīvāñśunaḥsakhaḥ || 4 ||
[Analyze grammar]

atriruvāca |
naitasyeha yathāsmākaṃ kṣudhā vīryaṃ samāhatam |
kṛcchrādhītaṃ pranaṣṭaṃ ca tena pīvāñśunaḥsakhaḥ || 5 ||
[Analyze grammar]

viśvāmitra uvāca |
naitasyeha yathāsmākaṃ śaśvacchāstraṃ jaradgavaḥ |
alasaḥ kṣutparo mūrkhastena pīvāñśunaḥsakhaḥ || 6 ||
[Analyze grammar]

jamadagniruvāca |
naitasyeha yathāsmākaṃ bhaktamindhanameva ca |
saṃcintya vārṣikaṃ kiṃcittena pīvāñśunaḥsakhaḥ || 7 ||
[Analyze grammar]

kaśyapa uvāca |
naitasyeha yathāsmākaṃ catvāraśca sahodarāḥ |
dehi dehīti bhikṣanti tena pīvāñśunaḥsakhaḥ || 8 ||
[Analyze grammar]

bharadvāja uvāca |
naitasyeha yathāsmākaṃ brahmabandhoracetasaḥ |
śoko bhāryāpavādena tena pīvāñśunaḥsakhaḥ || 9 ||
[Analyze grammar]

gautama uvāca |
naitasyeha yathāsmākaṃ trikauśeyaṃ hi rāṅkavam |
ekaikaṃ vai trivārṣīyaṃ tena pīvāñśunaḥsakhaḥ || 10 ||
[Analyze grammar]

bhīṣma uvāca |
atha dṛṣṭvā parivrāṭsa tānmaharṣīñśunaḥsakhaḥ |
abhigamya yathānyāyaṃ pāṇisparśamathācarat || 11 ||
[Analyze grammar]

paricaryāṃ vane tāṃ tu kṣutpratīghātakārikām |
anyonyena nivedyātha prātiṣṭhanta sahaiva te || 12 ||
[Analyze grammar]

ekaniścayakāryāśca vyacaranta vanāni te |
ādadānāḥ samuddhṛtya mūlāni ca phalāni ca || 13 ||
[Analyze grammar]

kadācidvicarantaste vṛkṣairaviralairvṛtām |
śucivāriprasannodāṃ dadṛśuḥ padminīṃ śubhām || 14 ||
[Analyze grammar]

bālādityavapuḥprakhyaiḥ puṣkarairupaśobhitām |
vaidūryavarṇasadṛśaiḥ padmapatrairathāvṛtām || 15 ||
[Analyze grammar]

nānāvidhaiśca vihagairjalaprakarasevibhiḥ |
ekadvārāmanādeyāṃ sūpatīrthāmakardamām || 16 ||
[Analyze grammar]

vṛṣādarbhiprayuktā tu kṛtyā vikṛtadarśanā |
yātudhānīti vikhyātā padminīṃ tāmarakṣata || 17 ||
[Analyze grammar]

śunaḥsakhasahāyāstu bisārthaṃ te maharṣayaḥ |
padminīmabhijagmuste sarve kṛtyābhirakṣitām || 18 ||
[Analyze grammar]

tataste yātudhānīṃ tāṃ dṛṣṭvā vikṛtadarśanām |
sthitāṃ kamalinītīre kṛtyāmūcurmaharṣayaḥ || 19 ||
[Analyze grammar]

ekā tiṣṭhasi kā nu tvaṃ kasyārthe kiṃ prayojanam |
padminītīramāśritya brūhi tvaṃ kiṃ cikīrṣasi || 20 ||
[Analyze grammar]

yātudhānyuvāca |
yāsmi sāsmyanuyogo me na kartavyaḥ kathaṃcana |
ārakṣiṇīṃ māṃ padminyā vitta sarve tapodhanāḥ || 21 ||
[Analyze grammar]

ṛṣaya ūcuḥ |
sarva eva kṣudhārtāḥ sma na cānyatkiṃcidasti naḥ |
bhavatyāḥ saṃmate sarve gṛhṇīmahi bisānyuta || 22 ||
[Analyze grammar]

yātudhānyuvāca |
samayena bisānīto gṛhṇīdhvaṃ kāmakārataḥ |
ekaiko nāma me proktvā tato gṛhṇīta māciram || 23 ||
[Analyze grammar]

bhīṣma uvāca |
vijñāya yātudhānīṃ tāṃ kṛtyāmṛṣivadhaiṣiṇīm |
atriḥ kṣudhāparītātmā tato vacanamabravīt || 24 ||
[Analyze grammar]

arātriratreḥ sā rātriryāṃ nādhīte triradya vai |
arātriratrirityeva nāma me viddhi śobhane || 25 ||
[Analyze grammar]

yātudhānyuvāca |
yathodāhṛtametatte mayi nāma mahāmune |
durdhāryametanmanasā gacchāvatara padminīm || 26 ||
[Analyze grammar]

vasiṣṭha uvāca |
vasiṣṭho'smi variṣṭho'smi vase vāsaṃ gṛheṣvapi |
variṣṭhatvācca vāsācca vasiṣṭha iti viddhi mām || 27 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 28 ||
[Analyze grammar]

kaśyapa uvāca |
kulaṃ kulaṃ ca kupapaḥ kupayaḥ kaśyapo dvijaḥ |
kāśyaḥ kāśanikāśatvādetanme nāma dhāraya || 29 ||
[Analyze grammar]

yātudhānyuvāca |
yathodāhṛtametatte mayi nāma mahāmune |
durdhāryametanmanasā gacchāvatara padminīm || 30 ||
[Analyze grammar]

bharadvāja uvāca |
bhare sutānbhare śiṣyānbhare devānbhare dvijān |
bhare bhāryāmanavyājo bharadvājo'smi śobhane || 31 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 32 ||
[Analyze grammar]

gautama uvāca |
godamo damago'dhūmo damo durdarśanaśca te |
viddhi māṃ gautamaṃ kṛtye yātudhāni nibodha me || 33 ||
[Analyze grammar]

yātudhānyuvāca |
yathodāhṛtametatte mayi nāma mahāmune |
naitaddhārayituṃ śakyaṃ gacchāvatara padminīm || 34 ||
[Analyze grammar]

viśvāmitra uvāca |
viśvedevāśca me mitraṃ mitramasmi gavāṃ tathā |
viśvāmitramiti khyātaṃ yātudhāni nibodha me || 35 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 36 ||
[Analyze grammar]

jamadagniruvāca |
jājamadyajajā nāma mṛjā māha jijāyiṣe |
jamadagniriti khyātamato māṃ viddhi śobhane || 37 ||
[Analyze grammar]

yātudhānyuvāca |
yathodāhṛtametatte mayi nāma mahāmune |
naitaddhārayituṃ śakyaṃ gacchāvatara padminīm || 38 ||
[Analyze grammar]

arundhatyuvāca |
dharāṃ dharitrīṃ vasudhāṃ bhartustiṣṭhāmyanantaram |
mano'nurundhatī bharturiti māṃ viddhyarundhatīm || 39 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 40 ||
[Analyze grammar]

gaṇḍovāca |
gaṇḍaṃ gaṇḍaṃ gatavatī gaṇḍagaṇḍeti saṃjñitā |
gaṇḍagaṇḍeva gaṇḍeti viddhi mānalasaṃbhave || 41 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 42 ||
[Analyze grammar]

paśusakha uvāca |
sakhā sakhe yaḥ sakhyeyaḥ paśūnāṃ ca sakhā sadā |
gauṇaṃ paśusakhetyevaṃ viddhi māmagnisaṃbhave || 43 ||
[Analyze grammar]

yātudhānyuvāca |
nāmanairuktametatte duḥkhavyābhāṣitākṣaram |
naitaddhārayituṃ śakyaṃ gacchāvatara padminīm || 44 ||
[Analyze grammar]

śunaḥsakha uvāca |
ebhiruktaṃ yathā nāma nāhaṃ vaktumihotsahe |
śunaḥsakhasakhāyaṃ māṃ yātudhānyupadhāraya || 45 ||
[Analyze grammar]

yātudhānyuvāca |
nāma te'vyaktamuktaṃ vai vākyaṃ saṃdigdhayā girā |
tasmātsakṛdidānīṃ tvaṃ brūhi yannāma te dvija || 46 ||
[Analyze grammar]

śunaḥsakha uvāca |
sakṛduktaṃ mayā nāma na gṛhītaṃ yadā tvayā |
tasmāttridaṇḍābhihatā gaccha bhasmeti māciram || 47 ||
[Analyze grammar]

bhīṣma uvāca |
sā brahmadaṇḍakalpena tena mūrdhni hatā tadā |
kṛtyā papāta medinyāṃ bhasmasācca jagāma ha || 48 ||
[Analyze grammar]

śunaḥsakhaśca hatvā tāṃ yātudhānīṃ mahābalām |
bhuvi tridaṇḍaṃ viṣṭabhya śādvale samupāviśat || 49 ||
[Analyze grammar]

tataste munayaḥ sarve puṣkarāṇi bisāni ca |
yathākāmamupādāya samuttasthurmudānvitāḥ || 50 ||
[Analyze grammar]

śrameṇa mahatā yuktāste bisāni kalāpaśaḥ |
tīre nikṣipya padminyāstarpaṇaṃ cakrurambhasā || 51 ||
[Analyze grammar]

athotthāya jalāttasmātsarve te vai samāgaman |
nāpaśyaṃścāpi te tāni bisāni puruṣarṣabha || 52 ||
[Analyze grammar]

ṛṣaya ūcuḥ |
kena kṣudhābhibhūtānāmasmākaṃ pāpakarmaṇā |
nṛśaṃsenāpanītāni bisānyāhārakāṅkṣiṇām || 53 ||
[Analyze grammar]

te śaṅkamānāstvanyonyaṃ papracchurdvijasattamāḥ |
ta ūcuḥ śapathaṃ sarve kurma ityarikarśana || 54 ||
[Analyze grammar]

ta uktvā bāḍhamityeva sarva eva śunaḥsakham |
kṣudhārtāḥ supariśrāntāḥ śapathāyopacakramuḥ || 55 ||
[Analyze grammar]

atriruvāca |
sa gāṃ spṛśatu pādena sūryaṃ ca pratimehatu |
anadhyāyeṣvadhīyīta bisastainyaṃ karoti yaḥ || 56 ||
[Analyze grammar]

vasiṣṭha uvāca |
anadhyāyaparo loke śunaḥ sa parikarṣatu |
parivrāṭkāmavṛtto'stu bisastainyaṃ karoti yaḥ || 57 ||
[Analyze grammar]

śaraṇāgataṃ hantu mitraṃ svasutāṃ copajīvatu |
arthānkāṅkṣatu kīnāśādbisastainyaṃ karoti yaḥ || 58 ||
[Analyze grammar]

kaśyapa uvāca |
sarvatra sarvaṃ paṇatu nyāsalopaṃ karotu ca |
kūṭasākṣitvamabhyetu bisastainyaṃ karoti yaḥ || 59 ||
[Analyze grammar]

vṛthāmāṃsaṃ samaśnātu vṛthādānaṃ karotu ca |
yātu striyaṃ divā caiva bisastainyaṃ karoti yaḥ || 60 ||
[Analyze grammar]

bharadvāja uvāca |
nṛśaṃsastyaktadharmāstu strīṣu jñātiṣu goṣu ca |
brāhmaṇaṃ cāpi jayatāṃ bisastainyaṃ karoti yaḥ || 61 ||
[Analyze grammar]

upādhyāyamadhaḥ kṛtvā ṛco'dhyetu yajūṃṣi ca |
juhotu ca sa kakṣāgnau bisastainyaṃ karoti yaḥ || 62 ||
[Analyze grammar]

jamadagniruvāca |
purīṣamutsṛjatvapsu hantu gāṃ cāpi dohinīm |
anṛtau maithunaṃ yātu bisastainyaṃ karoti yaḥ || 63 ||
[Analyze grammar]

dveṣyo bhāryopajīvī syāddūrabandhuśca vairavān |
anyonyasyātithiścāstu bisastainyaṃ karoti yaḥ || 64 ||
[Analyze grammar]

gautama uvāca |
adhītya vedāṃstyajatu trīnagnīnapavidhyatu |
vikrīṇātu tathā somaṃ bisastainyaṃ karoti yaḥ || 65 ||
[Analyze grammar]

udapānaplave grāme brāhmaṇo vṛṣalīpatiḥ |
tasya sālokyatāṃ yātu bisastainyaṃ karoti yaḥ || 66 ||
[Analyze grammar]

viśvāmitra uvāca |
jīvato vai gurūnbhṛtyānbharantvasya pare janāḥ |
agatirbahuputraḥ syādbisastainyaṃ karoti yaḥ || 67 ||
[Analyze grammar]

aśucirbrahmakūṭo'stu ṛddhyā caivāpyahaṃkṛtaḥ |
karṣako matsarī cāstu bisastainyaṃ karoti yaḥ || 68 ||
[Analyze grammar]

varṣānkarotu bhṛtako rājñaścāstu purohitaḥ |
ayājyasya bhavedṛtvigbisastainyaṃ karoti yaḥ || 69 ||
[Analyze grammar]

arundhatyuvāca |
nityaṃ parivadecchvaśrūṃ bharturbhavatu durmanāḥ |
ekā svādu samaśnātu bisastainyaṃ karoti yā || 70 ||
[Analyze grammar]

jñātīnāṃ gṛhamadhyasthā saktūnattu dinakṣaye |
abhāgyāvīrasūrastu bisastainyaṃ karoti yā || 71 ||
[Analyze grammar]

gaṇḍovāca |
anṛtaṃ bhāṣatu sadā sādhubhiśca virudhyatu |
dadātu kanyāṃ śulkena bisastainyaṃ karoti yā || 72 ||
[Analyze grammar]

sādhayitvā svayaṃ prāśeddāsye jīvatu caiva ha |
vikarmaṇā pramīyeta bisastainyaṃ karoti yā || 73 ||
[Analyze grammar]

paśusakha uvāca |
dāsya eva prajāyeta so'prasūtirakiṃcanaḥ |
daivateṣvanamaskāro bisastainyaṃ karoti yaḥ || 74 ||
[Analyze grammar]

śunaḥsakha uvāca |
adhvaryave duhitaraṃ dadātu cchandoge vā caritabrahmacarye |
ātharvaṇaṃ vedamadhītya vipraḥ snāyīta yo vai harate bisāni || 75 ||
[Analyze grammar]

ṛṣaya ūcuḥ |
iṣṭametaddvijātīnāṃ yo'yaṃ te śapathaḥ kṛtaḥ |
tvayā kṛtaṃ bisastainyaṃ sarveṣāṃ naḥ śunaḥsakha || 76 ||
[Analyze grammar]

śunaḥsakha uvāca |
nyastamādyamapaśyadbhiryaduktaṃ kṛtakarmabhiḥ |
satyametanna mithyaitadbisastainyaṃ kṛtaṃ mayā || 77 ||
[Analyze grammar]

mayā hyantarhitānīha bisānīmāni paśyata |
parīkṣārthaṃ bhagavatāṃ kṛtametanmayānaghāḥ |
rakṣaṇārthaṃ ca sarveṣāṃ bhavatāmahamāgataḥ || 78 ||
[Analyze grammar]

yātudhānī hyatikruddhā kṛtyaiṣā vo vadhaiṣiṇī |
vṛṣādarbhiprayuktaiṣā nihatā me tapodhanāḥ || 79 ||
[Analyze grammar]

duṣṭā hiṃsyādiyaṃ pāpā yuṣmānpratyagnisaṃbhavā |
tasmādasmyāgato viprā vāsavaṃ māṃ nibodhata || 80 ||
[Analyze grammar]

alobhādakṣayā lokāḥ prāptā vaḥ sārvakāmikāḥ |
uttiṣṭhadhvamitaḥ kṣipraṃ tānavāpnuta vai dvijāḥ || 81 ||
[Analyze grammar]

bhīṣma uvāca |
tato maharṣayaḥ prītāstathetyuktvā puraṃdaram |
sahaiva tridaśendreṇa sarve jagmustriviṣṭapam || 82 ||
[Analyze grammar]

evamete mahātmāno bhogairbahuvidhairapi |
kṣudhā paramayā yuktāśchandyamānā mahātmabhiḥ |
naiva lobhaṃ tadā cakrustataḥ svargamavāpnuvan || 83 ||
[Analyze grammar]

tasmātsarvāsvavasthāsu naro lobhaṃ vivarjayet |
eṣa dharmaḥ paro rājannalobha iti viśrutaḥ || 84 ||
[Analyze grammar]

idaṃ naraḥ saccaritaṃ samavāyeṣu kīrtayet |
sukhabhāgī ca bhavati na ca durgāṇyavāpnute || 85 ||
[Analyze grammar]

prīyante pitaraścāsya ṛṣayo devatāstathā |
yaśodharmārthabhāgī ca bhavati pretya mānavaḥ || 86 ||
[Analyze grammar]