Chapter 94

yudhiṣṭhira uvāca |
brāhmaṇebhyaḥ prayacchanti dānāni vividhāni ca |
dātṛpratigrahītrorvā ko viśeṣaḥ pitāmaha || 1 ||
[Analyze grammar]

bhīṣma uvāca |
sādhoryaḥ pratigṛhṇīyāttathaivāsādhuto dvijaḥ |
guṇavatyalpadoṣaḥ syānnirguṇe tu nimajjati || 2 ||
[Analyze grammar]

atrāpyudāharantīmamitihāsaṃ purātanam |
vṛṣādarbheśca saṃvādaṃ saptarṣīṇāṃ ca bhārata || 3 ||
[Analyze grammar]

kaśyapo'trirvasiṣṭhaśca bharadvājo'tha gautamaḥ |
viśvāmitro jamadagniḥ sādhvī caivāpyarundhatī || 4 ||
[Analyze grammar]

sarveṣāmatha teṣāṃ tu gaṇḍābhūtkarmakārikā |
śūdraḥ paśusakhaścaiva bhartā cāsyā babhūva ha || 5 ||
[Analyze grammar]

te vai sarve tapasyantaḥ purā cerurmahīmimām |
samādhinopaśikṣanto brahmalokaṃ sanātanam || 6 ||
[Analyze grammar]

athābhavadanāvṛṣṭirmahatī kurunandana |
kṛcchraprāṇo'bhavadyatra loko'yaṃ vai kṣudhānvitaḥ || 7 ||
[Analyze grammar]

kasmiṃścicca purā yajñe yājyena śibisūnunā |
dakṣiṇārthe'tha ṛtvigbhyo dattaḥ putro nijaḥ kila || 8 ||
[Analyze grammar]

tasminkāle'tha so'lpāyurdiṣṭāntamagamatprabho |
te taṃ kṣudhābhisaṃtaptāḥ parivāryopatasthire || 9 ||
[Analyze grammar]

yājyātmajamatho dṛṣṭvā gatāsumṛṣisattamāḥ |
apacanta tadā sthālyāṃ kṣudhārtāḥ kila bhārata || 10 ||
[Analyze grammar]

nirādye martyaloke'sminnātmānaṃ te parīpsavaḥ |
kṛcchrāmāpedire vṛttimannahetostapasvinaḥ || 11 ||
[Analyze grammar]

aṭamāno'tha tānmārge pacamānānmahīpatiḥ |
rājā śaibyo vṛṣādarbhiḥ kliśyamānāndadarśa ha || 12 ||
[Analyze grammar]

vṛṣādarbhiruvāca |
pratigrahastārayati puṣṭirvai pratigṛhṇatām |
mayi yadvidyate vittaṃ tacchṛṇudhvaṃ tapodhanāḥ || 13 ||
[Analyze grammar]

priyo hi me brāhmaṇo yācamāno dadyāmahaṃ vo'śvatarīsahasram |
ekaikaśaḥ savṛṣāḥ saṃprasūtāḥ sarveṣāṃ vai śīghragāḥ śvetalomāḥ || 14 ||
[Analyze grammar]

kulaṃbharānanaḍuhaḥ śataṃśatāndhuryāñśubhānsarvaśo'haṃ dadāni |
pṛthvīvāhānpīvarāṃścaiva tāvadagryā gṛṣṭyo dhenavaḥ suvratāśca || 15 ||
[Analyze grammar]

varāngrāmānvrīhiyavaṃ rasāṃśca ratnaṃ cānyaddurlabhaṃ kiṃ dadāni |
mā smābhakṣye bhāvamevaṃ kurudhvaṃ puṣṭyarthaṃ vai kiṃ prayacchāmyahaṃ vaḥ || 16 ||
[Analyze grammar]

ṛṣaya ūcuḥ |
rājanpratigraho rājño madhvāsvādo viṣopamaḥ |
tajjānamānaḥ kasmāttvaṃ kuruṣe naḥ pralobhanam || 17 ||
[Analyze grammar]

kṣatraṃ hi daivatamiva brāhmaṇaṃ samupāśritam |
amalo hyeṣa tapasā prītaḥ prīṇāti devatāḥ || 18 ||
[Analyze grammar]

ahnāpīha tapo jātu brāhmaṇasyopajāyate |
taddāva iva nirdahyātprāpto rājapratigrahaḥ || 19 ||
[Analyze grammar]

kuśalaṃ saha dānena rājannastu sadā tava |
arthibhyo dīyatāṃ sarvamityuktvā te tato yayuḥ || 20 ||
[Analyze grammar]

apakvameva tanmāṃsamabhūtteṣāṃ ca dhīmatām |
atha hitvā yayuḥ sarve vanamāhārakāṅkṣiṇaḥ || 21 ||
[Analyze grammar]

tataḥ pracoditā rājñā vanaṃ gatvāsya mantriṇaḥ |
pracīyodumbarāṇi sma dānaṃ dātuṃ pracakramuḥ || 22 ||
[Analyze grammar]

udumbarāṇyathānyāni hemagarbhāṇyupāharan |
bhṛtyāsteṣāṃ tatastāni pragrāhitumupādravan || 23 ||
[Analyze grammar]

gurūṇīti viditvātha na grāhyāṇyatrirabravīt |
na sma he mūḍhavijñānā na sma he mandabuddhayaḥ |
haimānīmāni jānīmaḥ pratibuddhāḥ sma jāgṛmaḥ || 24 ||
[Analyze grammar]

iha hyetadupādattaṃ pretya syātkaṭukodayam |
apratigrāhyamevaitatpretya ceha sukhepsunā || 25 ||
[Analyze grammar]

vasiṣṭha uvāca |
śatena niṣkaṃ gaṇitaṃ sahasreṇa ca saṃmitam |
yathā bahu pratīcchanhi pāpiṣṭhāṃ labhate gatim || 26 ||
[Analyze grammar]

kaśyapa uvāca |
yatpṛthivyāṃ vrīhiyavaṃ hiraṇyaṃ paśavaḥ striyaḥ |
sarvaṃ tannālamekasya tasmādvidvāñśamaṃ vrajet || 27 ||
[Analyze grammar]

bharadvāja uvāca |
utpannasya ruroḥ śṛṅgaṃ vardhamānasya vardhate |
prārthanā puruṣasyeva tasya mātrā na vidyate || 28 ||
[Analyze grammar]

gautama uvāca |
na talloke dravyamasti yallokaṃ pratipūrayet |
samudrakalpaḥ puruṣo na kadācana pūryate || 29 ||
[Analyze grammar]

viśvāmitra uvāca |
kāmaṃ kāmayamānasya yadā kāmaḥ samṛdhyate |
athainamaparaḥ kāmastṛṣṇā vidhyati bāṇavat || 30 ||
[Analyze grammar]

jamadagniruvāca |
pratigrahe saṃyamo vai tapo dhārayate dhruvam |
taddhanaṃ brāhmaṇasyeha lubhyamānasya visravet || 31 ||
[Analyze grammar]

arundhatyuvāca |
dharmārthaṃ saṃcayo yo vai dravyāṇāṃ pakṣasaṃmataḥ |
tapaḥsaṃcaya eveha viśiṣṭo dravyasaṃcayāt || 32 ||
[Analyze grammar]

gaṇḍovāca |
ugrādito bhayādyasmādbibhyatīme mameśvarāḥ |
balīyāṃso durbalavadbibhemyahamataḥ param || 33 ||
[Analyze grammar]

paśusakha uvāca |
yadvai dharme paraṃ nāsti brāhmaṇāstaddhanaṃ viduḥ |
vinayārthaṃ suvidvāṃsamupāseyaṃ yathātatham || 34 ||
[Analyze grammar]

ṛṣaya ūcuḥ |
kuśalaṃ saha dānāya tasmai yasya prajā imāḥ |
phalānyupadhiyuktāni ya evaṃ naḥ prayacchasi || 35 ||
[Analyze grammar]

bhīṣma uvāca |
ityuktvā hemagarbhāṇi hitvā tāni phalāni te |
ṛṣayo jagmuranyatra sarva eva dhṛtavratāḥ || 36 ||
[Analyze grammar]

mantriṇaḥ ūcuḥ |
upadhiṃ śaṅkamānāste hitvemāni phalāni vai |
tato'nyenaiva gacchanti viditaṃ te'stu pārthiva || 37 ||
[Analyze grammar]

ityuktaḥ sa tu bhṛtyaistairvṛṣādarbhiścukopa ha |
teṣāṃ saṃpratikartuṃ ca sarveṣāmagamadgṛham || 38 ||
[Analyze grammar]

sa gatvāhavanīye'gnau tīvraṃ niyamamāsthitaḥ |
juhāva saṃskṛtāṃ mantrairekaikāmāhutiṃ nṛpaḥ || 39 ||
[Analyze grammar]

tasmādagneḥ samuttasthau kṛtyā lokabhayaṃkarī |
tasyā nāma vṛṣādarbhiryātudhānītyathākarot || 40 ||
[Analyze grammar]

sā kṛtyā kālarātrīva kṛtāñjalirupasthitā |
vṛṣādarbhiṃ narapatiṃ kiṃ karomīti cābravīt || 41 ||
[Analyze grammar]

vṛṣādarbhiruvāca |
ṛṣīṇāṃ gaccha saptānāmarundhatyāstathaiva ca |
dāsībhartuśca dāsyāśca manasā nāma dhāraya || 42 ||
[Analyze grammar]

jñātvā nāmāni caiteṣāṃ sarvānetānvināśaya |
vinaṣṭeṣu yathā svairaṃ gaccha yatrepsitaṃ tava || 43 ||
[Analyze grammar]

sā tatheti pratiśrutya yātudhānī svarūpiṇī |
jagāma tadvanaṃ yatra viceruste maharṣayaḥ || 44 ||
[Analyze grammar]